06.12.2011 နေ့ဖတ်ရန်သတင်းများ

by Myanmar Journal on Tuesday, December 6, 2011 at 10:38am

 

 
ဝန်ကြီးချုပ် ရှိတ်ဟာစီနာ ဘင်္ဂလားဒေ့ရ်ှဝန်ကြီးချုပ် မြန်မာခရီးစဉ်

ဘင်္ဂလားဒေ့ရှ် ဝန်ကြီးချုပ် ရှိတ်ဟာစီနာ ဝါဂျစ် ဟာ ကနေ့ နေ့လယ်မှာ မြန်မာနိုင်ငံ နေပြည်တော် ဆီ သွားပြီး သမ္မတ ဦးသိန်းစိန် နဲ့ တွေ့ဆုံဆွေးနွေးမှာပါ။ အဓိက ရည်ရွယ်ချက် ထဲမှာ နှစ်နိုင်ငံ ချစ်ကြည်ရေး ကားလမ်း တိုက်ရိုက် ဖေါက်လုပ်ရေး၊ ကုန်သွယ် စီးပွား ကိစ္စ တွေပါဝင် ပါတယ်။
အထူးသဖြင့် နှစ်နိုင်ငံ ပင်လယ်ပြင် လောင်စာ ဓါတ်ငွေ့ တူးဖေါ်ရေး၊ မြန်မာ ဘက်က လောင်စာ တင်သွင်းရေး နဲ့ ရေအား လျှပ်စစ် လည်း ရယူလိုပုံ ဘီဘီစီ သတင်းထောက် ဦးခိုင်မြတ်ကျော် က ပြောပါတယ်။

နှစ်နိုင်ငံ ကြား ဖြစ်ပွားတဲ့ ပြဿနာ ထဲမှာ နယ်နိမိတ် အရေး၊ ဘင်္ဂလားဒေ့ရှ် ဘက် ကို ရောက်နေတဲ့ ဒုက္ခသည် ပြဿနာ၊ နယ်စပ် ဖြတ်ကျော် မူးယစ်ဆေး မှောင်ခိုမှု၊ နယ်စပ် လုံခြုံရေး ကိစ္စရပ် တွေပါ ပါဝင်နေလို့ ဒီအချက်တွေ လည်း ဆွေးနွေးကြဖို့ ရှိပါတယ်။
ဒါ့အပြင် နှစ်နိုင်ငံ ရေပြင် ပိုင်နက် အငြင်းပွားမှု ကိုလည်း လာမယ့် နှစ် မတ်လ မှာ ကုလသမဂ္ဂ ရှေ့မှောက် အပြန်အလှန် ဆွေးနွေးကြရ ဦးမှာပါ။ အခု ခရီးစဉ် အတွင်းမှာ လည်း ဒီ အရေး ကြိုတင် ညှိနှိုင်း ကြဖွယ် ရှိပါတယ်။
နေပြည်တော်မှာ လည်း ဘင်္ဂလားဒေ့ရှ် သံရုံး အသစ် ဆောက်လုပ်ရေး အတွက် ဝန်ကြီးချုပ် ရှိတ်ဟာစီနာ က အုတ်မြစ်ချ မယ်လို့လည်း သိရပါတယ်။

၁၀ နှစ်အတွင်း အာဖဂန်မှာ တိုးတက်မှုတွေ ရှိခဲ့တယ်လို့ သူကပြောပါတယ်အာဖဂန်အနာဂတ်ဆိုင်ရာ ညီလာခံ ကျင်းပ
နေတိုးဦးဆောင်တဲ့ နိုင်ငံတကာတပ်ဖွဲ့တွေ ၂၀၁၄ ခုနှစ်ကျရင် အာဖဂန်နစ္စတန်ကနေ ပြန်ရုပ်ပြီးတဲ့ နောက်ပိုင်း၊ အာဖဂန် အနာဂတ် တည်ငြိမ်အေးချမ်းရေးအတွက် နိုင်ငံတကာ ကနေ ဆက်လက် ထောက်ပံ့ ကူညီပေးဖို့ အလွန်တရာမှ အရေးကြီး တယ်လို့ အာဖဂန် သမ္မတ ဟားမစ်ခါဇိုင်းက ပြောကြားလိုက် ပါတယ်။
ဂျာမဏီနိုင်ငံ ဘွန်းမြို့မှာကျင်းပနေတဲ့ အာဖဂန် အနာဂတ်ဆိုင်ရာ သမိုင်းဝင် ညီလာခံ ကြီးမှာ မစ္စတာ ခါဇိုင်းက အခုလိုပြောကြားလိုက်တာ ဖြစ်ပြီး၊ ပြီးခဲ့တဲ့ ၁၀ နှစ်ကစလို့ အာဖဂန်မှာ တိုးတက်မှုတွေ ရှိခဲ့တယ်လို့ သူက ပြောပါတယ်။
ဒါပေမယ့်လည်း ဒေသတွင်းမှာ စစ်သွေးကြွတွေ အေးအေးဆေးဆေး ပုန်းအောင်းနေတာကို တော့ မရှင်းနိုင်သေးဘူးလို့ မစ္စတာ ခါဇိုင်းက အလေးအနက် ပြောကြားပါတယ်။
ဒီညီလာခံအတွက် အဓိကကျတဲ့ ပါကစ္စတန်နိုင်ငံကတော့ ညီလာခံကို သပိတ်မှောက်ထား ပါတယ်။
အကြောင်းကတော့ ပြီးခဲ့တဲ့ လက နေတိုးတပ်ဖွဲ့တွေရဲ့ လေကြောင်း တိုက်ခိုက်မှုကြောင့် ပါကစ္စတန်စစ်သား ၂၄ ဦး သေဆုံးခဲ့ရတာကြောင့် ဖြစ်ပါတယ်။

ယူနိုက်တက်ရုရှားပါတီကို ထောက်ခံသူတွေ အောင်ပွဲခံခဲ့ကြပေမယ့် မဲ အရေအတွက်က နည်းသွားရုရှားလွှတ်တော် ရွေးကောက်ပွဲနဲ့ ဝန်ကြီးချုပ်ပူတင်ရှေ့ရေး
ရုရှား ဝန်ကြီးချုပ် ဗလာဒီမီယာ ပူတင် ရဲ့ ယူနိုက်တက် ရုရှားပါတီ ဟာ အခု ပြီးခဲ့တဲ့ လွှတ်တော် ရွေးကောက်ပွဲမှာ ရတဲ့ မဲအရေအတွက် ထိုးကျသွားခဲ့ပါတယ်။
အခု မဲအရေအတွက် ၉၆ ရာခိုင်နှုန်းကို ရေတွက် ပြီးစီးသွားချိန်မှာ ပူတင်ရဲ့ ယူနိုက်တက် ရုရှား ပါတီရတဲ့ မဲအရေအတွက်ဟာ ၅၀ ရာခိုင်နှုန်း မပြည့်ပါဘူး။
ဒါဟာ ၂၀၀၇ ခုနှစ်တုန်းက ရခဲ့တဲ့ ၆၄ ရာခိုင်နှုန်းနဲ့ဆို တော်တော် ကွာခြားတာ တွေ့ရပါတယ်။
အခုလွှတ်တော်မဲ အရေအတွက်ဟာ လာမယ့် မတ်လမှာ သမ္မတလောင်းအဖြစ် ဝင်ရောက်ယှဉ်ပြိုင်အရွေးခံမယ့် မစ္စတာ ပူတင်ကို ဘယ်လောက် လူထု ထောက်ခံမှု ရှိသလဲဆိုတာ ကြိုတင်သဘောထား ရယူသလိုလည်း ဖြစ်နေပါတယ်။
မဲပေးရာမှာ လုပ်ထုံးလုပ်နည်းနဲ့ မကိုက်ညီတာတွေ၊ မတော်မတရား သြဇာ သုံးတာတွေ ရှိတယ်လို့ ဥရောပ လေ့လာသူတွေက ဆိုကြပါတယ်။
ဥရောပ လေ့လာသူတွေ ပါဝင် ဖွဲ့စည်းထားတဲ့ အိုအက်စ် စီအီး ဥရောပ လုံခြုံရေးနဲ့ ပူးပေါင်း ဆောင်ရွက်ရေး အဖွဲ့ဆိုတဲ့ ရွေးကောက်ပွဲ လေ့လာရေး အဖွဲ့က မဲရေတွက်ရာမှာ ပြဿနာ တော်တော် ဆိုးဆိုးဝါးဝါး ရှိခဲ့တယ်လို့ ဆိုပါတယ်။
ရွေးကောက်ပွဲမှာ လက်ရှိ အာဏာရပါတီဘက် ပင်းတာတွေရှိခဲ့တယ်လို့ ဆိုပါတယ်။ ရွေးကောက်ပွဲ ကြီးကြပ်သူတွေဟာ လွတ်လပ်တဲ့ ကြားလူတွေ မဟုတ်ကြဘူး၊ မီဒိယာအများစုကလည်း အကြီးအကျယ် ဘက်လိုက်ခဲ့ကြသလို အစိုးရ အာဏာပိုင်တွေကလည်း ဗဟိုကနေ အောက်ခြေ အဆင့်အထိ အဆင့်ဆင့်မှာ ဝင်ရောက် စွက်ဖက် မှုတွေ လုပ်ခဲ့ ကြတယ်လို့ ဆိုပါတယ်။
အတိုက်အခံ ပါတီတွေကလည်း ရွေးကောက်ပွဲ ဥပဒေတွေကို စောဒကတက် ဝေဖန်ခဲ့ကြပါတယ်။
ရုရှားရဲ့ တခုတည်းသော ရွေးကောက်ပွဲ စောင့်ကြည့် လေ့လာရေး အဖွဲ့ဖြစ်တဲ့ ဂိုလိုစ် ကလည်း တိုင်စာ ၅၃၀၀ ရရှိခဲ့တယ်လို့ ဆိုပါတယ်။
ရွေးကောက်ပွဲ ကော်မရှင် ဥက္ကဌ ဗလာဒီမီယာ ချူးရော့ဗ်က ရွေးကောက်ပွဲ နေရာ ၄၅၀ အနက် နေရာ ၂၃၈ နေရာကိုသာ ယူနိုက်တက် ရုရှားက အနိုင်ရခဲ့တာ ဖြစ်တဲ့ အတွက် မဲအနည်းငယ်နဲ့သာ အများစုနေရာကို ထိန်းထားနိုင်လိုက်တာ ဖြစ်တယ်လို့ ဆိုပါတယ်။
အရင် ကွန်မြူနစ်ပါတီဟောင်းက မဲနေရာ ၁၉ ဒသမ ၂ ရာနှုန်းနဲ့ ဒုတိယ လိုက်ပါတယ်။ တရားမျှတသော ရုရှားပါတီက ၁၃ ဒသမ ၂ ရာနှုန်းနဲ့ တတိယ လိုက်ပါတယ်။
မဲမသမာမှုတွေရှိကြောင်း တိုင်စာတွေ ထောင်ဂဏန်း များစွာ ရရှိတယ်လို့ ကွန်မြူနစ်ပါတီ လက်ထောက် ခေါင်းဆောင် အီဗန် မယ်လနီကော့ဗ် ကလည်း သူတို့ရဲ့ ပါတီ ဝက်ဘ်ဆိုက်မှာ ဖော်ပြပါတယ်။
၂၀၀၀ ခုနှစ်မှာ နျူးကလီးယား ရေငုပ်သင်္ဘော နစ်မြုပ်ခဲ့တဲ့ ကိစ္စကလွဲရင် အခုကိစ္စဟာ ဗလာဒီမီယာ ပူတင်အတွက် လူကြိုက်အနည်းဆုံး ဖြစ်ရပ်လို့ ဘီဘီစီ သတင်းထောက် ဒန်နီယယ် စတန်းဖို့ဒ် ကပြောပါတယ်။
သမ္မတရွေးကောက်ပွဲ မတိုင်မီ သုံးလအလိုမှာ အ ခုထွက်ပေါ်လာတဲ့ ရလဒ်တွေဟာ မစ္စတာ ပူတင်အတွက် မျက်နှာပျက်စရာ ရလဒ်လို့ လည်း တခြား ဘီဘီစီ သတင်းထောက် တယောက် ဖြစ်တဲ့ စတိဗ် ရိုဇင်ဘတ်က ပြောပါတယ်။
တနင်္ဂနွေနေ့တုန်းက ဆန္ဒပြခဲ့တဲ့ အတိုက်အခံတွေထဲက အယောက် ၁၀၀ ကျော်ကိုလည်း ရဲက ဖမ်းဆီးခဲ့တယ်လို့ သိရပါတယ်။

ရွေးကောက်ပွဲဟာ အများပြည်သူကို ဆွဲဆောင်နိုင်မှု မရှိဘူးလို့ ဆိုပါတယ်ရုရှားနိုင်ငံမှာ ပါလီမန်ရွေးကောက်ပွဲ ကျင်းပ
တနင်္ဂနွေနေ့ ကျင်းပတဲ့ ရုရှားနိုင်ငံ ပါလီမန် ရွေးကောက်ပွဲတွေမှာ မဲဆန္ဒရှင်တွေ မဲပေးခဲ့ ကြပါတယ်။ ဒီရွေးကောက်ပွဲဟာ ဝန်ကြီးချုပ် ဗလာဒီမာ ပူတင်ကို လူကြိုက် များ/မများဆိုတာ စမ်းသပ်တဲ့ပွဲ အဖြစ် လည်း တွေ့မြင်ရပါတယ်။
မစ္စတာပူတင်ဟာ ရှေ့လာမယ့် ၃ လအကြာမှာ ပြုလုပ်မယ့် သမ္မတ ရွေးကောက်ပွဲမှာ ဝင်ရောက် ယှဉ်ပြိုင် အရွေးခံမှာ ဖြစ်ပါတယ်။
ရုရှားအစိုးရကတော့ မဲပေးပွဲဟာ လွတ်လပ်ပြီး တရားမျှတတယ်လို့ ပြောနေပေမယ့်လည်း မဲပေးမှုတွေနဲ့ ပတ်သက်လို့ မေးခွန်း ထုတ်စရာ တွေကလည်း တိုးပွားလာ နေခဲ့ပါတယ်။
အမေရိကန်ပြည်ထောင်စုကတော့ လွတ်လပ်တဲ့ လေ့လာစောင့်ကြည့်ရေးအဖွဲ့နဲ့ ရေဒီယို သတင်းဌာန အတော်များများကို ထပ်တလဲလဲ နှောင့်ယှက်တာတွေ ရှိတယ်လို့ ပြောပါတယ်။
ဘီဘီသတင်းထောက်ပြောတာကတော့ ပါလီမန်ဟာ အစိုးရကို ထောက်ခံပေးရုံ သက်သက် ဖြစ်တယ်လို့ လူတွေက ထင်မြင်နေကြတာမို့ ဒီရွေးကောက်ပွဲဟာ အများပြည်သူကို စိတ်ဝင်စားလာအောင် ဆွဲဆောင်နိုင်မှု မရှိဘူးလို့ ဆိုပါတယ်။

ရုရှား သမ္မတ ကနေ ဝန်ကြီးချုပ် အခုတခါ သမ္မတ ရွေးကောက်ပွဲ ပြန်လည် ဝင်ပြိုင်တဲ့ Vladimir Putinပူတင် ဆင်းပေးလို့ ကြွေးကြော် ဆန္ဒပြသူတွေ ဖမ်းဆီးခံရ
ရုရှားမှာ ရွေးကောက်ပွဲ ကော်မရှင်က ဝန်ကြီးချုပ် ဗလာဒီမာ ပူတင်ရဲ့ ယူနိုက်တက် ရုရှားပါတီ ထောက်ခံမဲ ရအောင် ဘက်လိုက်ခဲ့တယ်လို့ နိုင်ငံတကာ လေ့လာသူ တွေက ပြောကြားခဲ့ ပြီးတဲ့နောက် မော်စကို မြို့လယ်မှာ ထောင်နဲ့ချီတဲ့ ဆန္ဒပြသူတွေဟာ စစ်မှန်တဲ့ ရွေးကောက်ပွဲ ကျင်းပပေးဖို့ တောင်းဆို နေကြပါတယ်။
ပူတင်ရဲ့ ပါတီက အနိုင်ရခဲ့ ပေမယ့် အရင်ကထက် စာရင် ထောက်ခံမဲတွေ သိသိသာသာ လျော့နည်းသွားတာ ဖြစ်ပါတယ်။
ပူတင် ဆင်းပေး ဆိုတဲ့ ကြွေးကြော်သံတွေ ဟစ်ကြွေးခဲ့ကြတဲ့ ဆန္ဒပြသူတွေထဲက တချို့ကို နောက်ပိုင်းမှာ ရဲက ဖမ်းဆီး ထိန်းသိမ်းခဲ့ပါတယ်။
ရွေးကောက်ပွဲမှာ အသင်းအဖွဲ့ပိုင်း ဆိုင်ရာ ဘက်လိုက်မှုတွေ ရှိခဲ့ပြီး မဲလိမ်ထည့်တဲ့ အထောက်အထားတွေ တွေ့ရတယ်လို့ နိုင်ငံတကာ လေ့လာ သုံးသပ်သူတွေက ဆိုပါတယ်။
အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ကလည်း ဒီကိစ္စ အပေါ် အလွန် အမင်း စိုးရိမ်မိကြောင်း ပြောကြားခဲ့ပေမယ့် ရုရှား သမ္မတ Medvedev ကတော့ ရွေးကောက်ပွဲဟာ တရားမျှတပြီး ဒီမိုကရေစီ နည်းလမ်း ကျတယ်လို့ ဆိုပါတယ်။

ကျောက်မီးသွေးသုံး လျှပ်စစ် ဓါတ်အားပေး စက်ရုံတွေ များပြားလို့ လေထု ညစ်ညမ်ဘေဂျင်းဟာ ကမ္ဘာပေါ်မှာ လေထု အညစ်ညမ်းဆုံး မြို့ဖြစ်
တရုတ်နိုင်ငံ မြောက်ပိုင်းက ဒေသတွေမှာ မီးခိုးမြူတွေ ထူထူထပ်ထပ် ကျနေတာကြောင့် အဝေးပြေး လမ်းတွေ ပိတ်ထားရပြီး ဘေဂျင်း လေဆိပ်မှာလည်း ရာနဲ့ချီတဲ့ လေကြောင်းခရီးစဉ်တွေ ဖျက်သိမ်းခဲ့ရပါတယ်။
ပြီးခဲ့တဲ့ တနင်္ဂနွေနဲ့ တနင်္လာ နေ့တွေ တုန်းကဆိုရင် ဘေဂျင်းမြို့တော်မှာ လေသန့်ရှင်းမှု အရည်အသွေးဟာ အန္တရယ်ရှိတဲ့ အနေအထား ထိအောင် ရောက်ခဲ့တယ်လို့ အမေရိကန် သံရုံးက လေထု ညစ်ညမ်းမှုကို လေ့လာ စောင့်ကြည့်နေသူတွေက ပြောပါတယ်။
ဒီကိစ္စနဲ့ ပတ်သက်လို့ အာဏာပိုင်တွေက ရာသီဥတု အခြေအနေကြောင့် ဖြစ်ရတာလို့ ကျယ်ကျယ်ပြန့်ပြန့် အပြစ် ပုံချခဲ့ပြီး မီးခိုးမြူတွေကြား သဲသဲကွဲကွဲ မမြင်ရတဲ့ အခြေအနေမျိုး အချိန် အတန်ကြာထိ ဖြစ်တက်တယ်လို့ ဆိုပါတယ်။
သဘာဝ ပတ်ဝန်းကျင် ဆိုင်ရာ ကျွမ်းကျင်သူတွေကတော့ ဘေဂျင်းဟာ ကမ္ဘာပေါ်မှာ အညစ်ညမ်းဆုံး မြို့တမြို့ ဖြစ်ပြီး ဒီလို ဖြစ်ရခြင်း အကြောင်းရဲ့ တစိတ်တဒေသဟာ ကျောက်မီးသွေးသုံး လျှပ်စစ်ဓါတ်အား ထုတ်စက်ရုံတွေ အများအပြား ကြောင့်လို့ ဆိုပါတယ်။

ဆီးရီးယားက ဆန္ဒပြသူတွေဆီးရီးယား အရေး တက်ကြွ လှုပ်ရှားသူတွေ အပျောက်ရှင်း ခံရ
ဆီးရီးယား နိုင်ငံ Homs မြို့မှာ အရပ်သား အနည်းဆုံး ၃၄ယောက် ပြန်ပေးဆွဲ ခံခဲ့ ရပြီး အသတ်ခံခဲ့ ရတယ်လို့ ဆီးရီးယား အရေး တက်ကြွ လှုပ်ရှားသူတွေက ပြောပါတယ်။
အခု ပြန်ပေးဆွဲ သတ်ဖြတ် ခံရသူတွေဟာ သမ္မတ ဘတ်ရှား အယ် အာဆက်ဒ်ကို ဆန့်ကျင်တဲ့ ဒေသမှာ ဖမ်းဆီး ခံခဲ့ရတာ ဖြစ်တယ်လို့ ယူကေ အခြေစိုက် Syrian Observatory for Human Rights အဖွဲ့က ပြောပါတယ်။
သမ္မတ အာဆက်ကို သစ္စာခံ တပ်ဖွဲ့တွေက ဟော်မ်စ်မြို့ကို သိမ်းထားတာ လာအတော်ကြာ သွားပါပြီ။
အစောပိုင်းတုန်းကလည်း အာရပ် အဖွဲ့ချုပ်က လေ့လာ စုံစမ်းရေးမှူးတွေကို နိုင်ငံတွင်း ဝင်ခွင့်ပေးရမယ် ဆိုတဲ့ သဘောတူညီချက်ကို လက်မှတ်ထိုးဖို့ အသင့်ဖြစ်နေပါပြီလို့ ဆီးရီးယား အစိုးရက ကြေညာခဲ့ပါတယ်။
ဒါကို အာရပ် အဖွဲ့ချုပ်က မတုန့်ပြန်ရသေးဘဲ ဆီးရီးယား အစိုးရ ဘယ်လောက် ခွင့်ပြုချက်တွေ လိုက်လျောမလဲ ဆိုတဲ့ အခြေအနေကို စောင့်ကြည့်ပြီးတော့မှ လေ့လာ စုံစမ်းသူတွေကို စေလွှတ်မယ်လို့ အာရပ်အဖွဲ့ချုပ်က ပြောခွင့်ရသူက ဆိုပါတယ်။

သမ္မတ ဦးသိန်းစိန်နဲ့ တွေ့ဆုံပြီး နှစ်နိုင်ငံ ကိစ္စရပ်တွေကို အပြန်အလှန်ဆွေးနွေးမယ်ဘင်္ဂလားဒေ့ရှ် ဝန်ကြီးချုပ် မြန်မာနိုင်ငံ ရောက်ရှိ
ဘင်္ဂလားဒေ့ရှ် ဝန်ကြီးချုပ် ရှိတ်ဟာဆီနာ ဟာ မြန်မာသမ္မတ ဦးသိန်းစိန်ရဲ့ ဖိတ်ကြား ချက်အရ၊ ၃ ရက်ကြာ အလည်အပတ် ခရီးစဉ်အဖြစ် တနင်္လာနေ့မှာ မြန်မာနိုင်ငံ ကို ရောက်ရှိလာပြီ ဖြစ်ပါတယ်။
ဒါဟာ ဘင်္ဂလားဒေ့ရ်ှနိုင်ငံ ဝန်ကြီးချုပ်တဦးရဲ့ ၈ နှစ်အတွင်း ပထမဦးဆုံး မြန်မာနိုင်ငံ ခရီးစဉ် ဖြစ်ပါတယ်။
မနက်ဖြန်မှာတော့ မြန်မာသမ္မတ ဦးသိန်းစိန်နဲ့ တွေ့ဆုံပြီး နှစ်နိုင်ငံ ကိစ္စရပ်တွေ ကို အပြန်အလှန်ဆွေးနွေးမယ်လို့ သိရပါတယ်။
နှစ်နိုင်ငံ စီးပွားရေး ပူပေါင်း ဆောင်ရွက်မှုနဲ့ ရင်နှီးမြှုပ်နှံမှုဆိုင်ရာ အကာအကွယ်ပေးရေး ကိစ္စရပ်တွေ အတွက် သဘောတူညီမှုတွေမှာ လက်မှတ်ရေးထိုးကြဖို့လည်း ရှိပါတယ်။
အဲဒီနောက်မှာတော့ နေပြည်တော်မှာ တည်ဆောက်မယ့် ဘင်္ဂလားဒေ့ရှ် သံရုံးအတွက် အုတ်မြစ်ချမယ်လို့ သိရပါတယ်။
ဘင်္ဂလားဒေ့ရ်ှနဲ့ မြန်မာ၊ နှစ်နိုင်ငံ ဆက်ဆံရေးဟာ ယေဘုယျအားဖြစ်တော့ ချစ်ကြည်ရင်းနှီး မှု ရှိကြပေမယ့်၊ မြန်မာနိုင်ငံက ဒုက္ခသည်တွေ သူတို့ဘက်ကို စုပြုံ ရောက်လာ တာတွေ ရှိတယ်ဆိုပြီး ဘင်္ဂလားဒေ့ရ်ှဘက်က ပြောဆိုတာတွေ ရှိခဲ့ဖူးပါတယ်။
မကြာသေးခင်ကလည်း နှစ်နိုင်ငံ ရေပိုင်နက် အငြင်းပွားမှု ဖြစ်ပွားခဲ့ ပါသေးတယ်။

မြန်မာဒုတိယဗိုလ်မှူးကြီး သက်ခိုင်ဦးနဲ့ ထိုင်း ဗိုလ်မှူးကြီးအူဂရစ်နူသ်ကမ်ဖင်န်တို့က ဖွင့်လှစ်ထိုင်း-မြန်မာ ချစ်ကြည်ရေး တံတား ပြန်ဖွင့်ပြီ
မဲဆောက်-မြဝတီ နယ်စပ် ကုန်သွယ်ရေး အတွက် အဓိက အရေးပါတဲ့ ထိုင်း-မြန်မာ ချစ်ကြည်ရေးတံတားကို တနင်္လာနေ့ မနက်ပိုင်းက ပြန်ဖွင့်လိုက်ပြီ ဖြစ်ပါတယ်။
မြန်မာဘက်က တနှစ်ခွဲနီးပါးကြာအောင် ပိတ်ထားခဲ့တဲ့ ဒီချစ်ကြည်ရေးတံတားကို မြန်မာနဲ့ ထိုင်းနယ်ခြား ကော်မီတီဥက္ကဌတွေ ဖြစ်ကြတဲ့၊ မြန်မာဘက်က ဒုတိယဗိုလ်မှူးကြီး သက်ခိုင်ဦးနဲ့ ထိုင်းဘက်က ဗိုလ်မှူးကြီးအူဂရစ် နူသ်ကမ်ဖင်န်တို့က ဖွင့်ပေးလိုက်တာပါ။
အခုလို ချစ်ကြည်ရေးတံတားကို ပြန်ဖွင့်လိုက်တာဟာ အမြဲတမ်းအတွက်ဖြစ်ကြောင်း မြဝတီ ကုန်သွယ်ရေးဇုန် ဖွင့်ပွဲကို သွားတက်ခဲ့တဲ့ ထိုင်းနိုင်ငံခြားရေးဝန်ကြီးရဲ့ အကြံပေးပုဂ္ဂိုလ် ဒေါက်တာဖရောမ်ဖုန် နုဖ်ဖလိတ်က ဘီဘီစီကို ပြောပါတယ်။
မြန်မာ-ထိုင်း နှစ်ဘက်စလုံးက ကုန်သည်တွေနဲ့ ခရီးသွားတွေ အာလုံးကလည်း အခုလို တံတားပြန်ဖွင့်ပေးလိုက်တဲ့အပေါ် ကြိုဆိုခဲ့ကြပါတယ်။
မြန်မာ-ထိုင်း နှစ်ဘက်စလုံးက ကုန်သည်တွေနဲ့ ခရီးသွားတွေ အာလုံးက ကြိုဆို
နယ်စပ် နိုင်ငံရေး စစ်ရေး အခြေအနေ တွေနဲ့ ထိုင်းအစိုးရတွေရဲ့ မူဝါဒ အပြောင်းအလဲ တွေကြောင့် မြန်မာအာဏာပိုင် တွေဟာ နယ်စပ် ကုန်သွယ်ရေး လမ်းကြောင်း ကို မကြာခဏ ဆိုသလို ပိတ်ထားလေ့ ရှိခဲ့တာ ဖြစ်ပါတယ်။
အခုလို ချစ်ကြည်ရေးတံတားကို ထိုင်းဘုရင် မွေးနေ့မှာ မြန်မာဘက်က ဖွင့်ပေးလိုက်တာဟာ ထိုင်းအစိုးရနဲ့ မြန်မာအစိုးရကြား ဆက်ဆံရေး တိုးတက်မှု တခုလို့ ဆိုနိုင်ပါတယ်။
တံတားဖွင့်ပြီးနောက်မှာတော့ ကုန်ပစ္စည်းတွေ အပြည့်တင်ထားတဲ့ ထိုင်းဘက်က ကုန်ကား တွေနဲ့ မြန်မာဘက်က ကားတွေဟာ တံတားပေါ်ကနေ အပြန်အလှန် ဖြတ်သွားကြတာကို တွေ့ရပါတယ်။

အန်ဂလာ မာခဲလ်နဲ့ နီကိုလပ် ဆာကိုဇီယူရိုဇုန် နိုင်ငံတွေ Credit Rating လျော့ချ ခံရနိုင်လို့ S&P သတိပေး
ယူရိုဇုန်ရဲ့ ကြွေးမြီ ပြဿနာ လျော့ပါးစေဖို့ ကြိုးစားရာမှာ တင်းကျပ်တဲ့ ဘဏ္ဍာရေး ထိန်းချုပ်မှု အစီအစဉ်တွေ ချမှတ်ဖို့ ပြင်သစ် သမ္မတ နီကိုလပ် ဆာကိုဇီ နဲ့ ဂျာမန် ဝန်ကြီးချုပ် အန်ဂလာ မာခဲလ်တို့ သဘောတူ ညီမှု ရခဲ့ပါတယ်။
ယူရို ငွေကြေးသုံး ၁ရ နိုင်ငံ အတွင်း ဘဏ္ဍာရေး သုံးစွဲမှု ဆိုင်ရာ ပေါ်လစီတွေနဲ့ အခွန် အကောက်တွေ အပေါ် တင်းကျပ်တဲ့ စည်းမျဉ်းတွေ ချမှတ်မယ့် ယူရိုဇုန် အတွင်း အုပ်ချုပ်ရေး ဆိုင်ရာ စည်းမျဉ်း စည်းကမ်းတွေ ခိုင်မာလာစေမယ့် ပြုပြင် ပြောင်းလဲရေး အစီအစဉ် တသီတတန်းကြီးကို မစ္စတာ ဆာကိုဇီနဲ့ မစ္စက် မာခဲလ်တို့ ပါရီမြို့မှာ တွေ့ဆုံပြီးနောက် ချမှတ်ခဲ့ကြပါတယ်။
အခု သီတင်းပတ်ကုန် ကျရင် ကျင်းပမယ့် ဥရောပ သမဂ္ဂ ညီလာခံမှာ ဒီအစီအစဉ် တွေကို ချပြမှာ ဖြစ်ပါတယ်။
အဲဒီ အထဲမှာ ယူရိုဇုန် ကြွေးမြီ ခေါင်ခိုက်နေတဲ့ ပြဿနာကို ဘယ်လိုနည်းနဲ့ အကြွေးကင်း သွားအောင် လုပ်မယ့် အစီအစဉ် တခုမှ မပါဘူးလို့ ဘီဘီစီ ဥရောပ ရေးရာ အယ်ဒီတာက ပြောပါတယ်။
တချိန်တည်းမှာ အမေရိကန်က အကြွေးစံနှုန်း သတ်မှတ်ရေး အေဂျင်စီ ဖြစ်တဲ့ Standard and Poor's က ယူရိုဇုန် တိုင်းပြည်တွေ အားလုံးနီးပါးရဲ့ အကြွေးယူနိုင်ခွင့် သတ်မှတ်ချက်ကို အနှုတ် လက္ခဏာ အနေအထားမှာ ထားလိုက်တာကြောင့် လာမယ့် လတွေ အတွင်း အဲဒီနိုင်ငံတွေရဲ့ အကြွေးယူ နိုင်ခွင့် အဆင့်လျှော့ချ သတ်မှတ် ခံရနိုင်ပါတယ်။

ပြီးခဲ့တဲ့ မိနစ်ပိုင်းလောက်ကတော့ ဒါကို တုန့်ပြန်တဲ့ အနေနဲ့ ပြင်သစ် သမ္မတ ဆာကိုဇီနဲ့ ဂျာမန် ဝန်ကြီးချုပ် အန်ဂလာ မာခဲလ်တို့က ဒီသတိပေးချက်ကို မှတ်သား သွားကြပေမယ့် တင်းကျပ်တဲ့ ဘတ်ဂျက် ထိန်းချုပ်မှုတွေ လုပ်ဆောင်မယ့် သူတို့ရဲ့ အဆိုပြုချက် တွေက ယူရိုဇုန် အတွင်း ခိုင်မာတဲ့ ပူးပေါင်း ဆောင်ရွက်မှုတွေ ဖော်ဆောင်နိုင်လိမ့်မယ် ၊ ဒီနည်းနဲ့ဘဲ တည်ငြိမ်မှု ၊ စွမ်းဆောင်နိုင်အား နဲ့ တိုးတက်မှုတွေကို ကြီးထွားလာစေနိုင်မှာ ဖြစ်လို့ သူတို့ အမြင်ကိုသာ အဓိက အလေးထား ပြောသွားကြပါတယ်။
အဲဒီလို အနှုတ် လက္ခဏာ ဆောင်တဲ့ အခြေအနေမှာ ရှိတဲ့ နိုင်ငံ ၁၅ နိုင်ငံထဲမှာ ဂျာမဏီနဲ့ ပြင်သစ်တို့ ပါဝင်ပြီး ဒီနှစ်နိုင်ငံဟာ ယူရိုဇုန်ထဲမှာ စီးပွားရေး အင်အား အကြီးဆုံး ဖြစ်ပါတယ်။
ပြီးခဲ့တဲ့ လပိုင်း အတွင်း ယူရိုဇုန်ရဲ့ စီးပွားရေး အခြေအနေ အပေါ် ဖိအားပေးမှုတွေ တိုးလာ နေတာကြောင့် အခုလို လုပ်ဆောင်ရတာ ဖြစ်တယ်လို့ Standard and Poor's က ရှင်းပြခဲ့ပါတယ်။
ယူရိုဇုန် ၁ရ နိုင်ငံထဲက ခုနက ၁၅ နိုင်ငံထဲ မပါတဲ နှစ်နိုင်ငံကတော့ ပြန်ပြီး အဖတ်ဆယ်လို့ မရတဲ့ အခြေအနေ အဖြစ် သတ်မှတ် ခံရတဲ့ ဂရိစ်နဲ့ ဆိုက်ပရပ်စ် ကတော့ အနှုတ် လက္ခဆောင် တဲ့ အခြေအနေ အဖြစ် အရင်ကတည်းက သတ်မှတ် ခံထားရတာ ဖြစ်ပါတယ်။
အခုလိုသာ ဆက်ပြီး အဆင့်လျော့ချ သတ်မှတ် ခံခဲ့ရရင် ဒုက္ခရောက် နေတဲ့ နိုင်ငံတွေကို ကူညီဖို့ ယူရိုဇုန်ရဲ့ စီးပွားရေး ပြန်လည် ဦးမော့လာစေမယ့် ငွေကြေး ထောက်ပံ့ရေး အစီအစဉ်တွေ ဟာလည်း ပျက်ဆီးသွားလိမ့်မယ်လို့ ဘီဘီစီ စီးပွားရေး ဆိုင်ရာ သတင်းထောက်က ပြောပါတယ်။

ကချင်ဒုက္ခသည်များကချင် ဒုက္ခသည်တွေကို ဝိုင်းကူနေ
ကချင်ပြည်နယ် ဘက်မှာ တိုက်ပွဲတွေ ဆက်လက်ဖြစ်ပွား နေတဲ့ အတွက် စစ်ပြေးဒုက္ခသည် တွေကို ရန်ကုန် နာရေး ကူညီမှု အသင်း က ဒုက္ခသည် တွေကို သွားရောက်ကူညီမှု တွေ ပြုနေကြောင်း ဉက္ကဌ ဦးကျော်သူ က ဘီဘီစီ ကို ပြောပြပါတယ်။
အထူးသဖြင့် ငွေကြေး အစားအသောက် နဲ့ ဆေးဝါး လိုအပ်မှုကြောင့် မန္တလေးမြို့ ဘဝအလင်း ပရဟိတ ဆရာတော် ဉတ္တမ သာရ ကလည်း မြစ်ကြီးနား၊ ဝိုင်းမော် နဲ့ ဗန်းမော် မြို့နယ် အတွင်းရှိ ဘုန်းကြီးကျောင်းတွေနဲ့ ခရစ်ယာန် ကျောင်းတွေမှာ ဒုက္ခသည် တွေကို မှီခိုခွင့် ပြုထားကြောင်း၊ ဒုက္ခသည် စခန်းပေါင်းလည်း သုံးဆယ် နီးပါး ရှိပြီး စခန်းတခု မှာ ဒုက္ခသည် ငါးရာကျော် ရှိပုံ ကို ဆရာတော် က ဘီဘီစီ ကို မိန့်ပါတယ်။
ဒုက္ခသည် အများစု ဟာ ရာသီဉတု အေးတဲ့ အတွက် နှာစီး ချောင်ဆိုးမှ ဖျားနာ၊ ဝမ်းပျက် ရောဂါ အဖြစ် များတာကို တာဝန်ယူ ကုသပေးတဲ့ ဆရာဝန် ကလည်း ဘီဘီစီ ကို ရှင်းပြပါတယ်။ အထူးသဖြင့် ကလေးလူနာ တွေများပြား ပုံလည်း ပြောပြပါတယ်။
အဝတ်အစား တွေကတော့ တရုတ်ပြည်နဲ့ နီးလို့ တရုတ်နယ်စပ် ဘက်က ဝင်ပုံ၊ တောထဲ တောင်ထဲ မှာလည်းဒုက္ခသည်တွေ အများအပြား ရှိနေပေမယ့် အစိုးရ သွားခွင့်ပြုတဲ့ နေရာသာ သွားရတဲ့ အကြောင်း၊ အခုလို ပုဂ္ဂလိက လူမှုကယ်ဆယ်ရေး အဖွဲ့တွေ၊ ဂဂ မျိုးဆက်ကျောင်းသား အဖွဲ့တွေ နဲ့ ကုလသမဂ္ဂ နဲ့ အင်ဂျီအို အဖွဲ့တွေကဝိုင်းဝန်း ကူညီနေပေမယ့် လုံလောက်မှု မရှိကြောင်း လည်း သိရပါတယ်။
အထူးသဖြင့် စစ်ပြီးလို့ နေရပ်ရင်း ပြန်ခွင့်ရရင် တောင်မှ အိုးအိမ် လယ်မြေ ပျက်စီး ဆုံးရှုံးကုန်လို့ ပြန်လည်ထူထောင်ရေး အတွက် အကူအညီ တွေ အများကြီးလိုအပ် ပုံကိုပါ နာရေးကူညီမှု အသင်းက ဦးကျော်သူ က ရှင်းပြပါသေးတယ်။

ကော့မှူးမြို့နယ်ကနေ ဝင်ပြိုင်ဖို့ ဒေါ်စု ဆန္ဒရှိ
လာမယ့်လတွေအတွင်း ကျင်းပမယ့် ကြားဖြတ် ရွေးကောက်ပွဲတွေမှာ လစ်လပ် နေတဲ့ ကော့မှူးမြို့နယ် ပြည်သူ့လွှတ်တော် အမတ်နေရာကို စိတ်ဝင်စားတယ်လို့ ဒေါ်အောင်ဆန်းစုကြည်က ပြောကြောင်း အဖွဲ့ချုပ် ပြောခွင့်ရပုဂ္ဂိုလ် ဦးဉာဏ်ဝင်းက ဘီဘီစီကိုပြောပါတယ်။
ချမ်းသာပြည့်စုံတဲ့ နေရာအစား၊ ချို့တဲ့တဲ့ မြို့နယ်လည်းဖြစ် လမ်းပန်း ဆက်သွယ်ရေးအရ ရန်ကုန်နဲ့ အသွားအလာ အဆင်ပြေလို့ အခုလို စိတ်ဝင်စားတာလို့ သိရပါတယ်။
ဒါ့အပြင် ဒေါ်အောင်ဆန်းစုကြည်ကို ရွေးကောက်ပွဲဝင်ဖို့ ၉၀ရွေးကောက်ပွဲမှာ ပယ်ချခံရလို့ ဥပဒေအရ ကန့်သတ် ချက်တွေရှိနိုင်သလား ဆိုတဲ့ အပေါ် အဲဒီအချိန်က ရန်ကုန်တိုင်း ကော်မရှင်ကပယ်တာ ဥပဒေအရ မဟုတ်တဲ့အတွက် အခုလည်း ဥပဒေအရ ကန့်သတ် ထားတာ မရှိဘူးလို့ သူယူဆကြောင်း ဦးဉာဏ်ဝင်းက ရှင်းပြပါတယ်။
အဖွဲ့ချုပ်က ရွေးကောက်ပွဲ အောင်နိုင်ရေး ဗဟိုကော်မီတီကို ဒီကနေ့ ဖွဲ့စည်းလိုက်ပါတယ်။ အဖွဲ့မှာဦးတင်ဦး ဒေါ်အောင်ဆန်းစုကြည် ဦးဝင်းတင်တို့ ပါဝင်ကြပါတယ်။
အခုအခါ ပြည်နယ်တိုင်းတွေက ရွေးကောက်ပွဲ ဝင်မယ့်မြို့တွေမှာ အောင်နိုင်ရေး ကော်မတီ ဖွဲ့ဖို့ စတင် စာရင်းပြုစုနေပါတယ်။
ပြည်ထောင်စု ရွေးကောက်ပွဲ ကော်မရှင်ကတော့ ကြားဖြတ် ရွေးကောက်ပွဲ ဘယ်တော့ လုပ်မယ်ဆိုတာ တရားဝင်မကြေညာသေးပါဘူး။
၈၈မျိုးဆက်ကျောင်းသားများအဖွဲ့ကတော့ ကိုမင်းကိုနိုင်အပါအဝင် ကျောင်းသား ခေါင်းဆောင်များ အခြားနိုင်ငံရေးအကျဉ်းသားများ အားလုံး လွှတ်ပေးခြင်း မရှိသေးတဲ့ အတွက် လာမယ့် ရွေးကောက်ပွဲနဲ့ ပတ်သက်လို့ ထည့်သွင်းစဉ်းစားမှာ မဟုတ်ဘူးလို့ သဘောထား ထုတ်ပြန်သွားပါတယ်။

ကြားဖြတ်ရွေးကောက်ပွဲအတွက် ဒီမိုကရေစီပါတီတွေ ပြင်ဆင်
By ကိုကျော်ကျော်သိန်း
ဒေါ်အောင်ဆန်းစုကြည် ရွေးကောက်ပွဲဝင်မယ့် အခြေအနေနဲ့ NLD ပါတီဘက်က ရွေးကောက်ပွဲကိစ္စ ပြင်ဆင်တာတွေ ရှိလာနေချိန်မှာ တခြား နိုင်ငံရေးပါတီတွေဘက်ကရော ဘယ်လို သဘောထားတွေများ ရှိနေပါသလဲ၊ အမျိုးသားဒီမိုကရေစီ အင်အားစုပါတီနဲ့ အမျိုးသားဒီမိုကရေစီပါတီသစ်က ခေါင်းဆောင်တွေကို ဆက်သွယ် မေးမြန်းထားတဲ့ ကိုကျော်ကျော်သိန်းက အစီရင်ခံထားပါတယ်။
၂၀၁၀ ပြည့်နှစ် ရွေးကောက်ပွဲဝင်ဖို့ ဖွဲ့စည်းခဲ့ကြတဲ့ နိုင်ငံရေးပါတီတွေထဲက အမျိုးသား ဒီမိုကရေစီအင်အားစု NDF ပါတီနဲ့ NDF ပါတီ စပြီးထူထောင်ချိန်က ပါဝင်ခဲ့ပြီး နောက်ပိုင်းမှာ ခွဲထွက်ပြီးတော့ သီးခြားဖြစ်သွားတဲ့ အမျိုးသားဒီမိုကရေစီပါတီသစ် (NNDP) တို့ကတော့ ကြားဖြတ်ရွေးကောက်ပွဲအတွက် အမတ်နေရာ ဘယ်လောက် ၀င်မယ်၊ ဘယ်နေရာတွေမှာ ၀င်မယ်ဆိုပြီး အကြမ်းဖျဉ်း စဉ်းစားထားတာတွေရှိတယ်လို့ ပါတီခေါင်းဆောင် အသီးသီးက ဗွီအိုအေကို ပြောပါတယ်။
ဒါပေမဲ့လည်း သူတို့ပါတီနှစ်ခုစလုံး တညီတညွတ်တည်း ပြောတာကတော့ ဒေါ်အောင်ဆန်းစုကြည် ၀င်ပြိုင်မယ့် မဲဆန္ဒနယ်မှာ သူတို့ပါတီကိုယ်စားလှယ်လောင်းတွေ ၀င်မပြိုင်ဘူး ဆိုတာပါပဲ။
“အဲဒါကတော့ဗျာ Common Sense ပါပဲ၊ Political Common Sense ပေါ့ဗျာ။ ကျနော်တို့မှာ ဒေါ်အောင်ဆန်းစုကြည်ကို ဒီမိုကရေစီခေါင်းဆောင်အဖြစ် သတ်မှတ်ထားတယ်ဆိုတာ အားလုံးသိပါတယ်။ အဲဒီတော့ ဒေါ်အောင်ဆန်းစုကြည် ရွေးကောက်ပွဲဝင်မယ်ဆိုရင် ကျနော်တို့က သိက္ခာပိုင်းအရရော၊ နိုင်ငံရေးလိုအပ်ချက်အရရော၊ ဒေါ်အောင်ဆန်းစုကြည်ပေါ်မှာ ကျနော်တို့ရဲ့ နိုင်ငံရေးသက်ရောက်မှုအရရော ဒေါ်အောင်ဆန်းစုကြည်ကို ကျနော်တို့ ယှဉ်ပြိုင်မယ်ဆိုတဲ့ အနေအထားမှာ ဘယ်တုန်းကမှ မရှိပါဘူးဗျာ၊ ဘယ်တော့မှလည်း ရှိလာမှာ မဟုတ်ပါဘူး။”
NDF ပါတီခေါင်းဆောင် ဦးခင်မောင်ဆွေပါ။ ကြားဖြတ်ရွေးကောက်ပွဲနဲ့ပတ်သက်ပြီး ကော်မရှင်ရဲ့ တရားဝင်ကြေညာချက် ထွက်မလာသေးတဲ့အတွက် အတိအကျမပြောနိုင်သေးပေမဲ့ NDF ပါတီအနေနဲ့ လစ်လပ်နေရာ ၄၈ နေရာထဲက မြို့နယ် ၂၀ ပတ်ဝန်းကျင်လောက်မှာ ၀င်ပြိုင်ဖို့ မှန်းထားတယ်လို့ ဦးခင်မောင်ဆွေကပြောပါတယ်။
NDF ပါတီ ခေါင်းဆောင်တွေထဲက ဦးခင်မောင်ဆွေနဲ့ ဒေါက်တာသန်းငြိမ်းတို့ဟာ ၂၀၁၀ ပြည့်နှစ် ရွေးကောက်ပွဲဝင်ဖို့ရာ ခံဝန်ကတိ လက်မှတ်ထိုးရမယ်ဆိုတဲ့အတွက် အဲဒီအချိန်တုန်းက ရွေးကောက်ပွဲမ၀င်ဖို့ ဆုံးဖြတ်ခဲ့သူတွေဖြစ်ပါတယ်။ အခုကျင်းပမယ့် ကြားဖြတ်ရွေးကောက်ပွဲတွေမှာလည်း ၀င်ပြိုင်မှာမဟုတ်ဘဲ ပါတီခိုင်မာတောင့်တင်းရေးကိုပဲ လုပ်သွားမယ်လို့ ဦးခင်မောင်ဆွေက ပြောပါတယ်။
“ကျနော်တို့နှစ်ယောက်လုံးက ရွေးကောက်ပွဲဝင်ဖို့ မရှိပါဘူးခင်ဗျာ။ ကျနော်တို့က လွှတ်တော် နိုင်ငံရေးထဲကို ကျနော်တို့ သွားမှာမဟုတ်ပါဘူး။ ကျနော်တို့ပါတီကို ဒီ့ထက် ပိုပြီးတော့ကာ ကြံ့ခိုင် တောက်ပလာအောင် ပါတီကို ပြုစုပျိုးထောင်ဖို့အတွက် ကျနော်တို့က ပါတီမှာပဲ ကျန်ခဲ့မှာပါ။”
အမျိုးသားဒီမိုကရေစီသစ်ပါတီ (NNDP) ဆိုတာက ၂၀၁၀ ပြည့်နှစ် ရွေးကောက်ပွဲဝင်မယ်ဆိုပြီး NLD ပါတီကနေ ထွက်သွားပြီးတော့ NDF ပါတီထူထောင်သူတွေထဲမှာ ပါဝင်ခဲ့ပြီး ရွေးကောက်ပွဲအပြီး တခါ လွှတ်တော်အစည်းအဝေးတွေ ကျင်းပချိန်အတွင်းမှာ NDF ကနေ ပြန်ခွဲထွက်သွားသူတွေ အသစ်ထူထောင် ခဲ့တဲ့ပါတီပါ။ အဓိကဦးဆောင်သူက သင်္ဃန်းကျွန်းမြို့နယ် ပြည်သူ့ လွှတ်တော်ကိုယ်စားလှယ် ဦးသိန်းညွန့် ဖြစ်ပါတယ်။
သူတို့ပါတီအနေနဲ့ ပါတီ တရားဝင် ဆက်ပြီးရပ်တည်ခွင့်ရဖို့ မ၀င်မဖြစ်ဝင်ရမယ့် အမတ်နေရာသုံးနေရာ အတွက်ပဲ ဒဂုံဆိပ်ကမ်း၊ မင်္ဂလာတောင်ညွန့်၊ မရမ်းကုန်းမြို့နယ်တွေမှာ ၀င်ပြိုင်သွားမှာဖြစ်ပြီး ဒေါ်အောင်ဆန်းစုကြည် ၀င်ပြိုင်မယ့် မဲဆန္ဒနယ်မှာ ၀င်မှာ မဟုတ်ပါဘူးလို့ ဦးသိန်းညွှန့်က ပြောပါတယ်။
“ဒေါ်အောင်ဆန်းစုကြည်မှ တပါးပေါ့ဗျာ၊ ကျန်တဲ့လူတွေနဲ့ ကျနော်တို့ ယှဉ်ပြိုင်ပြီး ၀င်ပါမယ်။ ဘာကြောင့်လဲ ဆိုတော့ ကျနော်တို့က လူထုအတွက် အလုပ်အကျွေးပြုတဲ့ လွှတ်တော် ကိုယ်စားလှယ်တွေကို လက်တွေ့လိုချင်တယ်ဗျာ။ ဒါကတော့ ဘယ်သူ လူထုအတွက် အလုပ်အကျွေး ပြုသလဲဆိုတာ မဲဆန္ဒရှင် ပြည်သူလူထုက လွတ်လွတ်လပ်လပ် ဆုံးဖြတ်နိုင်ဖို့ပါပဲ။
“ကျနော်တို့ (ပါတီက) သုံးယောက်ဟာ လူထုအတွက် ကျနော် တာဝန်ခံနိုင်တယ်။ ၉၀ ခုနှစ် အတွေ့အကြုံလည်း ကျနော်တို့ ရခဲ့ပါပြီ။ ဒီကြားထဲ နှစ် ၂၀ မှာလည်း ကျနော်တို့ နိုင်ငံရေးအရ သင်ခန်းစာယူစရာတွေ ရခဲ့ပါပြီ။ ဒါကြောင့် အမျိုးသားခေါင်းဆောင်ကြီး ဗိုလ်ချုပ်အောင်ဆန်း သမီးမှတပါး ကျန်တဲ့ပုဂ္ဂိုလ်မှန်သမျှကို အဲဒီသုံးနေရာမှာ သူနိုင်ကိုယ်နိုင် ယှဉ်ပြိုင်ဖို့အတွက် ကျနော်တို့ပါတီက ဆုံးဖြတ်ချက် ချထားပြီးပါပြီ။”
ကြားဖြတ်ရွေးကောက်ပွဲတွေ ကျင်းပမယ်ဆိုရင် လက်ရှိပြဌာန်းထားတဲ့ ဥပဒေအရ ကျင်းပမယ့်ရက်မတိုင်ခင် သုံးလ ကြိုတင်ပြီးတော့ ကြေညာရမှာဖြစ်ပါတယ်။ အခုအချိန်ထိ ရွေးကောက်ပွဲကော်မရှင်က မကြေညာ သေးတဲ့အတွက် ဘယ်တော့ ကျင်းပမယ် ဆိုတာကို တိတိကျကျ မသိရသေးပါဘူး။ ဒါပေမဲ့လည်း NLD ပါတီ မှတ်ပုံတင်တဲ့ကိစ္စ ပြီးပြတ်မယ့်အချိန် အပါအ၀င် နောက်နှစ် အစောပိုင်းလတွေထဲက အသင့်တော်ဆုံးဖြစ်မယ့် အချိန်ကို စဉ်းစား တွက်ချက်ကြည့်ရင်တော့ အစောဆုံး ၂၀၁၂ ခုနှစ် ဧပြီလ လောက်မှာ ကျင်းပနိုင်တယ် ဆိုတဲ့ ခန့်မှန်းချက်မျိုးတော့ ရှိပါတယ်။

စစ်လက်ကျန်ဗုံးတွေကြောင့် ဗီယက်နမ်မှာ လူ ၄ သောင်းကျော်သေ
By ဗွီအိုအေ (မြန်မာဌာန)
ဗီယက်နမ်နိုင်ငံမှာ ၁၉၇၅ ခုနှစ် စစ်ကြီးပြီးဆုံးခဲ့ချိန်ကတည်းက စစ်အတွင်းက ဗုံးတွေ၊ မိုင်းတွေနဲ့ တခြား ပေါက်ကွဲစေတဲ့ ပစ္စည်းတွေကြောင့် လူပေါင်း ၄၂,၀၀၀ ကျော် သေဆုံးခဲ့ရပြီး ၆၂,၀၀၀ ကျော် ဒဏ်ရာတွေ ရခဲ့ရတယ်လို့ ဗီယက်နမ်ဝန်ကြီးချုပ်က ပြောဆိုလိုက်ပါတယ်။ ဟနွိုင်းမြို့မှာကျင်းပတဲ့ နိုင်ငံတကာ မိုင်း အရေးယူဆောင်ရွက်မှု ညီလာခံမှာ ၀န်ကြီးချုပ် ငုယင်တန်တောင်း က အခုလို ပြောဆိုလိုက်တာဖြစ်ပါတယ်။
မပေါက်ကွဲသေးဘဲကျန်ခဲ့တဲ့ ပေါက်ကွဲစေတဲ့အရာတွေကို ဖော်ထုတ်ရှင်းလင်းဖို့အတွက် ဗီယက်နမ်နိုင်ငံက အမေရိကန်ဒေါ်လာ သန်း ၅၀၀ တောင်းဆိုထားပါတယ်။
ဗီယက်နမ်နဲ့ စစ်ဖြစ်ပွားချိန်အတွင်း အမေရိကန်ပြည်ထောင်စုက ဗုံးနဲ့လက်နက် တန်ချိန် ၁၆ သန်းတိတိကို အသုံးပြုခဲ့တာဖြစ်ပါတယ်။ အမေရိကန်ပြည်ထောင်စုက  ဗီယက်နမ်နိုင်ငံကို ဒေါ်လာ ၆၂ သန်း အကူအညီ ပေးမယ်လို့ ညီလာခံတွင်းမှာ အမေရိကန်သံအမတ်ကြီး David Shear က ပြောလိုက်ပါတယ်။ ဗီယက်နမ်အနေနဲ့ မပေါက်ကွဲသေးတဲ့ လက်နက်တွေကို ရှင်းလင်းဖို့အတွက် ဆယ်စုနှစ်အတော်ကြာ အချိန်ယူရလိမ့်မယ်လို့လည်း ပြောပါတယ်။

မြန်မာပြုပြင်ပြောင်းလဲရေး အများကြီး လုပ်ဆောင်ရန် လိုနေသေး
By ဒေါ်ခင်မျိုးသက်
အမေရိကန်နိုင်ငံခြားရေးဝန်ကြီး ကလင်တန်နဲ့ မြန်မာသမ္မတ ဦးသိန်းစိန် တို့ နေပြည်တော်တွင် တွေ့ဆုံခဲ့စဉ်။ (ဒီဇင်ဘာလ ၁၊ ၂၀၁၁)
မြန်မာနိုင်ငံမှာ နိုင်ငံရေး လွတ်လပ်ခွင့်တွေအတွက် အစပျိုးတဲ့ခြေလှမ်းတွေ တွေ့နေရပေမဲ့ တကယ်စစ်မှန်တဲ့ ပြောင်းလဲမှုတွေရှိလာဖို့ လုပ်စရာတွေ အများကြီး ကျန်နေသေးတယ်လို့ မကြာခင်ကမှ မြန်မာနိုင်ငံကို ၃ ရက်ခရီးသွားခဲ့တဲ့ အမေရိကန် နိုင်ငံခြားရေးဝန်ကြီး ဟီလာရီကလင်တန်က ပြောပါတယ်။ အမေရိကန်အစိုးရ အနေနဲ့ မြန်မာနိုင်ငံရဲ့ အခြေအနေကို ပွင့်ပွင့်လင်းလင်း ဆက် အကဲဖြတ်နေမှာဖြစ်ပြီး မြန်မာနိုင်ငံ ဒီမိုကရေစီ ပြုပြင်ပြောင်းလဲရေးအတွက် အကူအညီတွေလည်း ဆက်ပေးသွားမယ်လို့ ဆိုပါတယ်။ ဒီအကြောင်းကိုတော့ ဒေါ်ခင်မျိုးသက် တင်ပြထားပါတယ်။

အမေရိကန်နိုင်ငံခြားရေးဝန်ကြီး ဟီလာရီကလင်တန်ဟာ နိုဝင်ဘာလ ၃၀ ရက်နေ့က မြန်မာနိုင်ငံကို ရောက်ရှိခဲ့ပြီး သမ္မတ ဦးသိန်းစိန် အပါအ၀င် မြန်မာအစိုးရသစ်အဖွဲ့နဲ့ တွေ့ဆုံခဲ့ပါတယ်။ မြန်မာနိုင်ငံမှာ ပြီးခဲ့တဲ့နှစ် ရွေးကောက်ပွဲအပြီး စစ်အစိုးရကနေ အရပ်သားအစိုးရအဖြစ် ပြောင်းလဲအုပ်ချုပ်ခဲ့ပြီးတဲ့နောက် အပြောင်းအလဲတွေ တွေ့လာခဲ့ရတာမိုလို့ စီးပွားရေး ပိတ်ဆို့ အရေးယူဒဏ်ခတ်ထားတဲ့ အမေရိကန်အစိုးရက ထိတွေ့ဆက်ဆံရေး လုပ်ဆောင်မှုမှာ နိုင်ငံခြားရေးဝန်ကြီးကို စေလွှတ်ပြီး ဒီအပြောင်းအလဲတွေကို စမ်းစစ်လေ့လာစေခဲ့တာ ဖြစ်ပါတယ်။ ၀န်ကြီးကလင်တန်က မြန်မာအစိုးရသစ်အဖွဲ့ရဲ့ ပြုပြင်ပြောင်းလဲမှု အတွက် ချီးကျူးခဲ့ပေမဲ့ ဒီမိုကရေစီရေး လုပ်ဆောင်စရာတွေ အများကြီး ကျန်နေသေးတယ်လို့ မြင်ကြောင့် ဒီခရီးစဉ်နဲ့ပတ်သက်ပြီး ထုတ်ဖော်ပြောကြားခဲ့တယ်လို့ နိင်ငံခြားရေးဝန်ကြီးဌာန ပြောခွင့်ရက ဗွီအိုအေကို ပြောပါတယ်။
“မြန်မာအစိုးရ အရာရှိတွေနဲ့ တွေ့ဆုံ ဆွေးနွေးမှုတွေကနေ မြန်မာနိုင်ငံမှာ နိုင်ငံရေးလွတ်လပ်ခွင့်အတွက် အစပျိုးတဲ့ခြေလှမ်းတွေ တွေ့နေရတာကို နိုင်ငံခြားရေးဝန်ကြီး ကလင်တန်က အသိအမှတ်ပြုခဲ့ပါတယ်။ ဒါပေမဲ့ မြန်မာနိုင်ငံ ဒီမိုကရေစီရေး ပြောင်းလဲမှုတွေ ရှိလာဖို့ လုပ်စရာတွေကတော့ အများကြီး ကျန်နေသေးတာကို အထူး အလေးအနက်ထား ပြောပါတယ်။”
မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှုတွေအတွက် နိုင်ငံရေးအကျဉ်းသားတွေ လွှတ်ပေးဖို့ အဓိကကျတဲ့ နိုင်ငံရေးလုပ်ငန်းစဉ်မှာလည်း အဖွဲ့အစည်း အသီးသီးက ပါဝင်စေဖို့လိုအပ်တယ်လို့ ဆိုပါတယ်။
“မြန်မာနိုင်ငံမှာ တိုးတက်မှုတွေ ကျယ်ကျယ်ပြန့်ပြန့်နဲ့ နက်နက်ရှိုင်းရှိုင်း လုပ်လာဖို့ နိုင်ငံခြားရေးဝန်ကြီး ကလင်တန်က အားပေးခဲ့ပါတယ်။ အထူးသဖြင့် နိုင်ငံတကာက စိတ်ပူနေတဲ့ကိစ္စတွေဖြစ်တဲ့ နိုင်ငံရေး အကျဉ်းသားအားလုံးကို ချွင်းချက်မရှိ အမြန်ဆုံး ပြန်လွှတ်ပေးဖို့၊ လွတ်လပ်ပြီး တရားမျှတတဲ့ ကြားဖြတ် ရွေးကောက်ပွဲကို အချိန်ဆွဲမနေဘဲ ကျင်းပပေးဖို့ အပါအ၀င် နိုင်ငံရေးလုပ်ငန်းစဉ်တွေ ဆက်လုပ်ရာမှာ အဖွဲ့အားလုံး ပါဝင်ဖို့၊ တိုင်းရင်းသားဒေသတွေမှာ ကာလရှည်ကြာ ဖြစ်ပွားနေတဲ့ တိုက်ပွဲတွေ ရပ်ဆိုင်းဖို့ပါ။ ဒါ့အပြင် မြောက်ကိုရီးယားနဲ့ မြန်မာ စစ်ရေးဆက်သွယ်မှုတွေမှာ ထင်သာမြင်သာရှိစေဖို့ပါ တောင်းဆိုခဲ့ပါတယ်။”