စိန်လူသား

“အများတန်ဖိုးထားတဲ့ လူသားစိန်ပွင့်လေး ဖြစ်တာမဖြစ်တာကတော့ လူသားတယောက် သူ့ကိုယ်ကို ဘယ်လိုသွေးယူ တယ်ဆိုတာနဲ့ပဲ ဆိုင်တယ်။ ကိုယ်ကျင့်တရားကောင်းမှု၊ ရိုးသားဖြောင့်မတ်မှု၊ အများအကျိုးဆောင်မှု၊ ကိုယ်ချင်းစာနာ တတ်မှု၊ သိက္ခာ စောင့်စည်းမှုဆိုတဲ့ အကွက်တွေပေါ့”
(၁)
သူမအမည် တင်မမ။
သူမပိုင်ဆိုင်သော ဆယ့်ရှစ်ရတီ၊ ဆယ်ရတီ စိန်တလုံးနားကပ်များ၊ စိန်ခြယ်ရံနားကပ်များ၊ စိန်ပန်းခိုင်၊စိန်ဆံထိုး၊ စိန်လက် စွပ်များကို အကြောင်းပြု၍ အများခေါ်သည့် အမည်ကတော့ ဒေါ်စိန်မမ။ သူမကလဲ ထိုနာမည်ကို ပျော်ရွှင်ကြည်နူးစွာ လက်ခံတတ်စမြဲ။
အလှူမင်္ဂလာပွဲများတွင် တကိုယ်လုံးအား စိန်စီ သွားပြီး ရှေ့ဆုံးစားပွဲတွင် နေရာပေးခံရမှ ကျေနပ် တတ်သူ။
“မမတို့က မွေးကတည်းက စိန်စီထားတဲ့ ရွှေလင်ဗန်းမှာ အချင်းဆေးပြီး မွေးလာတာ”
သူမ၏ ခပ်ကြွားကြွားအပြောများကို နားငြီးကြသော်လည်း လူမှုရေးအရ နားထောင်ကြရသည်။

သူမလုပ်ကိုင်နေသော စီးပွားရေးလုပ်ငန်းများနှင့် ပတ်သက်ဆက်နွယ်သူများ အတွက်ကတော့ ပိုလို့ ဆိုးသေးသည်။ လောက၀တ်အရ “မချစ်ပေ မယ့်လဲ အောင့်ကာနမ်း” ဆိုသည်က ရှိသေးသည် မဟုတ်လား။
သူမကလည်း ဥစ္စာပစ္စည်းများကို လိုသည်ထက် ပိုမိုမက်မောတတ်သူဆိုတော့ ငွေရတာမှန်သမျှ အကုန်လုပ်သည်။ သူမ မြို့လေးတွင်ရှိသော စီးပွားရေးလုပ်ငန်း တော်တော်များများ သူမနှင့် မကင်းလှ။ သက်ဆိုင်ရာအား ပေးသင့်တာပေး၊ ကျွေးသင့်တာကျွေးပြီး ဇိမ်ခန်းများ ဖွင့်သည်မှအစ ကျောက်မျက် ကုန်ကူးမှုများ၊ သစ်ခိုးထုတ်မှုများ၊ တဘက်နိုင်ငံသို့ လူ ကုန်ကူးမှုများအထိ သူမနှင့် မကင်း။ သူမနာမည် ဟုန်းဟုန်းတောက်နေချိန်ကား မှောင်ခိုများ လျှမ်းလျှမ်းတောက်နေ သည့် ရှစ်ဆယ်ခုနှစ်များကာလ။ ငွေစက္ကူများ အစိုးရသိမ်းခံရပြီး၊ အများပြည်သူများ စားရမဲ့သောက်ရမဲ့ ဖြစ်နေချိန်တွင် လည်း သူမက အပြုံးမပျက်။
“ငွေဆိုတာ အသွင်ပြောင်းထားရတယ်။ မမတို့ကတော့ စိန်တွေဖြစ်အောင် လုပ်ထားလိုက်တာပဲ။ ဦးနှောက်မှမရှိကြတာ။ ခံရတာတောင်နည်းသေးတယ်”
ထိုသို့ပင် ကိုယ်ချင်းမစာနာ ပြောတတ်သေးသည်။
မီးစာကုန်ရေခန်း၍ အိပ်ယာထဲလဲနေသော အမေအိုက ‘ငါးကြော်လေးနဲ့ ထမင်းလေးစားချင်လိုက်တာ သမီးရယ်’ ဆို၍ စုထားသော ခုနစ်ဆယ့်ငါးကျပ်တန်လေးကိုင်ရင်း ဈေးသို့အပြေးမှာ ထိုပိုက်ဆံ ဘာမှအသုံးမဝင်တော့ကြောင်း သိလိုက်ရ သည့် သမီးတယောက်၏ ရင်ထဲမှသောကနှင့် မျက်ရည်စ များကို သူမမြင်မိပါလေစ။
မြင်လျှင်လဲ ကိုယ်ချင်းစာတတ်သော နှလုံးသားသူမမှာမရှိ။သူမဘဝ တလျှောက်လုံး သူများမျက်ရည်များ၊ သောကများ၊ ဘဝများနှင့် ရလာသော ငွေကြေးနှင့် နေထိုင် အသက်ရှင်ခဲ့သည်ပဲလေ။ထိုငွေစများကိုပင် စိန်များအဖြစ်သို့ အသွင် ပြောင်းလဲပြီး စိန်မမဘွဲ့ကို ခံယူထားသည်ပဲ။

(၂)
သူ့အမည်ဦးဘစိန်။ ဘဝတလျှောက်လုံး မြေဖြူခဲများ၊ တပည့်များအကြားတွင် နစ်မြှုပ်ထားသူ၊အများအကျိုးကို ကိုယ်ကျိုး မငဲ့ပဲ ဆောင်ရွက်တတ်သည့်အတွက် တမြို့လုံးလေးစားစွာခေါ်ကြသည်က ဆရာစိန်၊ ကျောင်းအုပ်ဆရာကြီးဆရာစိန်။
ပောာင်းနွမ်းနေသော တိုက်ပုံလေးနှင့် စက်ဘီးအိုလေးသည် ဆရာစိန်၏ ပြယုဂ်။မိဘအမွေအနှစ် ပျဉ်ထောင်အိမ်လေးမှာ နေထိုင်ရင်း၊ ကျောင်းမှာ ကိုယ်ရောစိတ်ပါ သင်ပေးရုံမက စနေ၊တနင်္ဂနွေ ကျောင်းပိတ်ရက်များတွင် စာကျက်ချင်သူ ကျောင်းသားများကိုပါ၊ အိမ်ခေါ်၍ ရေနွေးကြမ်း၊ထန်းလျက် ခဲလေးများ ချကျွေးပြီး စာသင်ပေးသည့် ဆရာစစ်စစ်။ အဖိုး အခစကားပြောလျှင်တော့ အစဉ်ပြုံးနေသော မျက်နှာတင်းသွားပြီး၊ ပိုက်ဆံလိုချင်လျှင် မှောင်ခိုကုန်သွားကူးမည်ဟု ပြော လွှတ်လိမ့်မည်။
မြို့မှသာရေး၊ နာရေးကိစ္စများတွင် ဆရာစိန်သည်မပါမဖြစ်။ ရိုးသားဖြောင့်မတ်မှု၊ သပ်ရပ်သေချာမှု၊ တာဝန်ယူဆောင် ရွက်တတ်မှုများကြောင့် မြို့အုပ်ချုပ်သူများကပင် လေးစားရသူ။ အရေးပေါ်သွေး ဆေးရုံမှာလိုအပ်လို့ကတော့ တခြား သွားမရှာနှင့်။ ညသန်းခေါင်ကျော်တွင်ပင် ဆရာစိန်အိမ် တံခါးသွား ခေါက်လိုက်၊ ချက်ချင်းထပြီး သွေးအမျိုးစားတူလျှင် သူကိုယ်တိုင်လှူသည်။ သွေးမတူလျှင်လဲ သူတပည့် ဟောင်းများထံမှ လိုက်ရှာပေးသည်။
သူတော်ကောင်း လူသားတယောက်ဖြစ်၍ သူ့အနီးတွင်လဲ သူတော်ကောင်းစိတ်ရှိသူများသာ နေကြသည်။ အရေခြုံ သူ ယုတ်မာများကား၊ ပြဒါးတလမ်းသံတလမ်းမို့ ကြာကြာမနေနိုင်ကြ။ မြှောက်စား ပင့်စားများလဲမရှိ။
တပည့်များကိုပင်ဖြစ်စေ၊ မိတ်ဆွေများကိုပင်ဖြစ်စေ သူအမြဲပြောတတ်သော စကားတခွန်းရှိသည်။
‘စိန်တပွင့် အရည်အသွေးလက်လာဖို့ဆိုတာ အကွက်ပေါင်းခြောက်ဆယ့်လေးကွက် သွေးယူရတယ်။တကယ်တော့ လူ တွေအားလုံးဟာ စိန်ရိုင်းပွင့်လေးတွေချည်းပဲ။ အများတန်ဖိုးထားတဲ့ လူသားစိန်ပွင့်လေး ဖြစ်တာမဖြစ်တာကတော့ လူ သားတယောက် သူ့ကိုယ်ကို ဘယ်လိုသွေးယူတယ်ဆိုတာနဲ့ပဲ ဆိုင်တယ်။ကိုယ်ကျင့်တရားကောင်းမှု၊ ရိုးသားဖြောင့် မတ်မှု၊ အများအကျိုးဆောင်မှု၊ ကိုယ်ချင်းစာနာတတ်မှု၊ သိက္ခာစောင့်စည်းမှုဆိုတဲ့ အကွက်တွေပေါ့’ ဟူသောစကား။
ပြောသည့်အတိုင်းလဲလက်တွေ့ကျင့်သုံးတတ်သူ။ ငွေစက္ကူသိမ်းသည့် ညနေကလက်ထဲ ကျန်နေသော ငွေစလေးများဖြင့်၊ ဆန်များ၊ ဘဲဥလေးများဝယ်ပြီး ရပ်ကွက်ထဲမှ လတ်တလော ထမင်းတနပ်စားရန် ခက်ခဲသူများကို အိမ်မှာခေါ် ထမင်း ကျွေးသည်။ လူသားတို့၏ ရင်ထဲမှသောကများကို ခံစားနားလည်ပေး တတ်သည့် စေတနာရှင်လူသား။

(၃)
(၁၉၈၈)ခု၊စက်တင်ဘာ(၁၉)ရက်၊တနလာင်္နေ့နံနက်ခင်း။
အများပြည်သူတို့၏ ရင်တွင်းမှထွက်ပေါ်လာသော ခံစားချက်ဆန္ဒများဖြင့် တညီတညွတ်တည်း တောင်းဆိုခဲ့ကြသည့် ဒီမိုကရေစီအရေးတော်ပုံအား စစ်တပ်မှ အင်အားသုံး ဖြိုခွင်းနေသည့်ကာလ။စက်တင်ဘာ(၁၈)ရက်နေ့ အာဏာသိမ်းပြီး ချိန်မှစ၍ နယ်တိုင်း၊မြို့တိုင်းတွင် ပေါ်ပေါက်လာသော အစိမ်းရောင် စစ်ကားကြီးများနှင့် ခံစားမှုမဲ့နေသော ကျောက်ရုပ် မျက်နှာစစ်သားများ။
ထိုအချိန်တွင် ဒေါ်တင်မမ၏ အိမ်တွင်းတွင်ကား စကားများငြင်းခုန်သံများဖြင့် ဆူညံနေသည်။
‘ဒေါ်တင်မမ။ ခင်ဗျားလူလည်မကျနဲ့နော်။ ခင်ဗျားပေးလိုက်တဲ့ စိန်တွေကို ရှမ်းကမ်းက လူတွေက လက်မခံဘူးဗျ။ အတု တွေလို့ပြောတယ်’
‘မင်းကိုယ်တိုင်ကြည့်ပြီးမှ ယူသွားတာပဲ ကျော်ဇေယျ။ ငါ့ကိုဘာမလိမ့်တပတ် လုပ်နေတာလဲ’
‘စိန်အကြောင်းနားမလည်ဘူးလို့ ခင်ဗျားကိုကျုပ်ပြောခဲ့သားပဲ။ ခင်ဗျားကိုယုံလို့ ကျုပ်ပုံအောလိုက်တာ’
‘စိန်အကြောင်း နားမလည်ပဲ စိန်အလုပ်လုပ်ချင်တာတော့ မင်းအပြစ်နဲ့မင်းပဲ။ ဒီကိစ္စ ငါနဲ့မဆိုင်ဘူး ပြောနေသားပဲ။ ထွက် သွားကွာ၊ နားငြီးတယ်။’
‘သွားမယ်၊သွားမယ်။ ခင်ဗျားလို စိန်ရူးရူးပြီး ကောက်ကျစ်နေတဲ့ မိန်းမကြီးကို လောကကြီးထဲက ထွက်အောင် လုပ်ပြီးမှ ကျုပ်လဲသွားမယ်။ ကဲ။’
ငယ်သံပါအောင် အော်လိုက်သော ဒေါ်တင်မမ(ခေါ်) စိန်မမ၏ အသံအဆုံးတွင် သူမတပည့်များ ပြေးလာသည့်အခါတွင် ကား၊ သွေးသံရဲရဲတွင် လဲကျနေသော သူမအလောင်းနှင့် ထွက်ပြေးသွားသော ကျော်ဇေယျကိုသာ တွေ့ကြရတော့သည်။

(၄)
ထိုအချိန်တွင် ဆရာစိန်ကား သူတို့မြို့မှသပိတ်စခန်းရှေ့ တရားဟောစင်မြင့်ပေါ်တွင် အာဏာရှင်စနစ် ဆန့်ကျင်ရေး၊ ဒီမို ကရေစီစနစ်တည်ဆောက်ရေးများ အကြောင်းဟောပြောနေသည်။ လူထုနှလုံးသားနှင့် တသားတည်း ခံစားတတ်သူတ ယောက် လူထုအရေးတော်ပုံကာလတွင် သပိတ်ခေါင်းဆောင် ဖြစ်လာ သည်မှာမဆန်း။
ခေါင်းဆောင်နေရာဟူသည် အတင်းဝင်ယူ၍ ရကောင်းသည့်အရာမဟုတ်။ ခေါင်းဆောင်ကို တိုက်ပွဲဝင် လူထုကပင် ရွေး ချယ်သွားတတ်သည် မဟုတ်ပါလော။
မကြာမီပင် သပိတ်စခန်းအား စစ်တပ်မှဝိုင်း၍ တရားဟောသည်ကို ရပ်ခိုင်းသည်။ ဆရာစိန်ကားမရပ်။ လက်နက်အား ကိုးနှင့် မခြိမ်းခြောက်ရန် ငြိမ်းချမ်းရေးစကားကိုသာဆိုသည်။ သေနတ်ပစ်ခြင်း၊ လူသတ်ခြင်းကိုသာ နားလည်သော သူ များကား ငြိမ်းချမ်းရေးစကားကို နားမလည်။ နဝတစစ်တပ်မှ အရာရှိတယောက် ရှေ့သို့ထွက်လာသည်။ ပြီးတော့ ပစ္စတို ကို မာန်ပါပါဖြင့်ဆွဲထုတ်ပြီး ဆရာစိန်အား ပစ်သတ်လိုက်သည်။ ထောင်ပေါင်းများစွာသော လူအများရှေ့က လူသတ်ပွဲ။ ထိုအရာရှိနောက်မှ တပ်သားများကလဲ လူအုပ်ထဲသို့သေနတ်များဖြင့် ပစ်ခတ်ခဲ့ကြသည်။
ဆရာစိန်ကား အမှန်တရားအတွက် ပြည်သူအများ ရင်ဖွင့်ရာ တရားဟောစင်ပေါ်တွင် ထာဝရ လဲလျောင်းလျက်၊ သူချစ် မြတ်နိုးသော ပြည်သူများ အတွက် အသက်ပေးသွားခဲ့လေပြီ။
(၅)
လူ့ဘဝသက်တမ်းကား အလွန်ပင်တိုတောင်းလှပါသည်။ “ကွေးသောလက်မဆန့်မီ၊ဆန့်သော လက် မကွေးမီ’ အချိန်တို လေးမှာပင် လူ့နှလုံးခုန်သံများကား ရပ်ဆိုင်းသွားတတ်သည်။ စိန်နှင့်ပတ်သက် နေသော လူနှစ်ယောက်ကား တနေ့ တည်း၊ တချိန်တည်းတွင်ပင် လူ့လောကထဲမှ ထွက်ခွာသွားခဲ့ ကြသည်။
တဦးကား စိန်များကို အပေါ်ယံတန်ဆာအဖြစ် မြတ်နိုးတန်ဖိုးထားသူ။ နောက်တဦးကား မိမိ၏ ကိုယ်ကျင့်တရား စိတ် ထားကို စိန်တပွင့်ကဲ့သို့ တန်ဖိုးထားတတ်သူ။
လောကတွင် အလားတူ လူအမြောက်အမြားပင် ရှိပါလိမ့်မည်။ လူသားစိန်ပွင့်များ၊ ပိုမိုများပြားလာစေရန် သာ ဆု တောင်းရပေမည်တကား။

ခင်မမမျိုး (၃၀၊ ၁၂၊ ၂၀၀၆)

(မှတ်ချက်။ ၁၉၈၈ခု၊ စက်တင်ဘာ(၁၉)ရက်နေ့တွင် ထားဝယ်မြို့ သပိတ်စခန်းအပြင်၌ တရားဟောနေစဉ်၊နဝတစစ်တပ်မှ ဒုဗိုလ်မှူးကြီးမြင့်သိန်းဆိုသူ၏ ပစ္စတိုသေနတ်ဖြင့် ပစ်သတ်ခြင်း ခံလိုက်ရပြီး၊ ယုံကြည်ချက် အမှန်တရားအတွက် အသက် ပေးခဲ့ရသော ကျောင်းအုပ်ဆရာကြီး ဦးပန်ကျော်အား ဤဝတ္ထုတိုဖြင့် ရည်စူးကန်တော့ပါသည်။ ဆရာကြီး ကောင်းရာ သုဂတိလားပါစေ။)