လျှပ်ယားလျှပ်ယားခရီးသွား (၁)

by Sein Soe on Tuesday, November 22, 2011 at 3:07pm

မွန်ပြည်နယ်၊ သံဖြူဇရပ်သို့ ပထမတခေါက်

ဖေ့စ်ဘွတ်မှာဘကြီးစိုးရေးတဲ့၊"ဂျလေဘီ ဂန်းစတားရဲ့ခရီးသွားမှတ်စု" ဆိုတာလေးဖတ်မိလို့၊ ရေးချင်စိတ်ပေါ်လာတာနဲ့၊ ကောက်ရေးဖြစ်လိုက်ပါတယ်။ ကျတော်ကခရီးသွားခြင်းကို အလွန်ကြိုက်နှစ်သက်သလို၊ ခရီး သွားဆောင်းပါးတွေကိုလည်းအလွန်နှစ်သက်ပါတယ်။ အထိုက်အလျှောက်လည်းခရီးသွားဆောင်းပါးတွေကိုဖတ်ဖြစ်ပါတယ်ဗျာ၊ ဖတ်ရတဲ့ အခါတိုင်းလည်းကိုယ်မရောက်ဘူးတဲ့နေရာတွေကိုထသွားချင်စိတ်က ထိန်းမရလောက်အောင်ဖြစ်ရတယ်။ ခရီးသွားဆောင်းပါးဖတ်တော့ ဗဟုသုတလည်းရ၊ စိတ်ကြည်နူးမှုလည်းဖြစ်ပေါ့ဗျာ၊
ကိုယ်တိုင်ခရီးသွားတော့လည်း အတော့်ကိုပျော်စရာကောင်းတာ၊ကြည်နူးစရာကောင်း တာပေါ့ဗျာ။
ဘကြီးစိုးရေးတဲ့၊ ဂျလေဘီ ဂန်းစတားရဲ့ခရီးသွားမှတ်စု(၂)ကိုဖတ်မိတော့၊ ဟိုး၁၉၈၅-၈၆ လောက်က၊ ကျိုက်ထီးရိုးဘုရားနဲ့၊သံဖြူဇရပ်၊ကျိုက္ခမီ ရေလည်ဘုရား၊ စက်စဲကမ်းခြေတွေရောက်ဘူးတာ သတိယလို့ ရေးချင်စိတ်ဖြစ်လာလို့ အခုချရေးလိုက် ခြင်းပါ။
အဲဒီအချိန်ကတည်းကရေးဘို့စိတ်ကူးပေမဲ့ချမရေးဖြစ်ခဲ့ပါဘူး၊ ချရေးဖြစ်ရင်တောင် ကိုယ့်အိမ်က ဖိုင်ထဲလောက်သာ၊ ရှိနေမယ်ထင်ပါတယ်၊ ဘာလို့လည်းဆိုရင်၊ အဲဒီအချိန်လောက်က အခုလိုကွန်ပျူတာတို့အင်တာနက်တို့ ဖေ့စ်ဘွတ်တို့ဝက်ဘ်ဆိုက်တို့ဆို တာတွေကရှိမှမရှိပဲကိုး။ ကိုယ်ကရေးပြီး စာစောင်တခုခုပို့ဘို့ဆိုတာလည်း၊ စာစောင်မှာပါလာဘို့အခွင့်ရေးကမရှိသလောက်ပဲမို့လား၊ ကိုယ်က စာရေးဆရာတယောက်လည်းမဟုတ်လို့၊စာစောင်မှာ ပါလာဘို့ဆိုတာလုံးဝကို မဖြစ်နိုင်တဲ့ကိစ္စ မဟုတ်လား။
အခုတော့၊ ဟိုးတုံးကအမျိုးသားပညာဝန်ဦးဖိုးကျားရဲ့ဆောင်းပါးတပုဒ်ထဲက၊ ရွာကကျောင်းအုပ်ဆရာကြီးဆရာစောလိုပေါ့၊
အင်တာနက်နဲ့ ကွန်ပျူတာခေတ်မှာ၊ ဇော်ဂျီဖေါင့်လေးရိုက်တတ်တယ်ဆိုရင်ပဲ၊ ငါသာစာရေးဆရာ၊ ငါသာအယ်ဒီတာချုပ်၊ ငါသာထုတ်ဝေသူဖြစ်နေပြီဆို တော့၊ ဘယ်စာစောင်ကမှမထည့်ပေးလည်း ကိစ္စမရှိတော့ဘူးလေ၊ ဖေ့စ်ဘွတ်၊ အင်တာနက်မိတ်ဆွေများက အချိန်ရရင်၊ အခမဲ့အားပေးကြမှာ ဆိုတော့သိပ်အားငယ်စရာမရှိတော့ဘူးပေါ့ဗျာ။ ကျတော်က၁၉၇၇ လောက်မှာ၊ မီးရထားဌါနမှာစအလုပ်ဝင်ခဲ့တာပါ၊ မီးရထားဝန်ထမ်းကလစာအလိုက်၊လုပ်သက်အလိုက်၊ မီးရထားခရီးသွားလက်မှတ်ကိုအခမဲ့ရပါတယ်။ ခရီးသွားလိုတဲ့နောက်ဆုံးဘူတာထိအသွားအပြန်မိသားစုနဲ့ဖြစ်ဖြစ်၊ တယောက်တည်းဖြစ်ဖြစ်၊ အခမဲ့လက်မှတ်ရတာပါ၊ ဌါနကလည်းခွင့်ယူလို့ရပါတယ်၊ ဒါပေမဲ့သိပ်မသွားဖြစ်ပါဘူး၊ ဘာကြောင့်လည်းဆိုရင် ခရီးသွားရတဲ့အခါတခြားကုန်ကျစရိတ်လည်းသိပ်မတတ်နိုင်သလို၊ တခြားအသက်မွေးဝမ်းကျောင်းအလုပ်များဖြစ်တဲ့၊ စိုက်ပျိုးရေးမွေးမြူရေး အလုပ်လေးများလည်းရှိနေတာကြောင့်၊ မသွားဖြစ်တာကများပါတယ်၊ ဒါကြောင့်လည်းမြန်မာပြည်နှံ့အောင်လည်းမရောက်ဘူးပါဘူး၊
၁၉၈၅-၈၆ လောက်မှာ၊ မွန်ပြည်နယ်သံဖြူဇရပ်နဲ့ကျိုက်ထီးရိုးဘုရားဖူးဖြစ်တာကလည်း၊ သံဖြူဇရပ်က၀န်ထမ်းတယောက်က၊
ကျတော်တို့ မြို့က၊ကျတော်တို့ရုံးမှာတာဝန်လာကျခဲ့ရာက၊ နောက်တနှစ်လောက်ရောက်တော့၊သူ့မြို့သံဖြူဇရပ်ကိုပြန်ပြောင်းရွှေ့တဲ့အချိန်မှာ သူ့ကိုပြန်လိုက်ပို့ရင်း၊သူနဲ့အတူအလည်အပါတ်ခရီးအဖြစ်ဖိတ်တာနဲ့ရောက်ဖြစ်သွားတယ်ဆိုပါတော့ဗျာ၊ ကျတော်တို့သူ့ကိုပြန်လိုက်ပို့တဲ့ အချိန်မှာ၊ ရုံးမှာတာဝန်လာကျတဲ့၊ပလိပ်ကတယောက်၊နောက်အဲဒီတယောက်ရဲ့သူငယ်ချင်းပလိပ်သား၂ယောက်ရယ်၊ နောက်တယောက် ကပဲခူး-မုတ္တမလမ်းမှာထမင်းဆိုင်နာမည်ကြီးတဲ့၊ နှင်းပုလဲကတယောက်ရယ်၊ကျတော်ရယ်စုစုပေါင်း ၅ယောက်နဲ့အတူ သံဖြူဇရပ်ကမိတ်ဆွေကိုလိုက်ပို့ကြတာတဲ့ခရီးပါ။ခရီးကသံဖြူဇရပ်ကိုပဲတိုက်ရိုက်၊မီးရထားနဲ့ပဲသွားကြတာပေါ့ဗျာ၊ သံဖြူဇရပ်ရောက်တော့၊ မိတ်ဆွေကပြောလည်းပြောချက်လည်းချက်ပါတယ်၊ သူပြောတာက၊ "ခင်ဗျားတို့ကို၊ငနှပ်ချက်ကျွေးမယ်" လို့ပြောပြီးချက်တာပါပဲ၊ သူတို့မွန်တွေယောင်္ကျားကောမိန်းကလေးတွေကော၊ တော်တော်အချက်အပြုပ်တကောင်းကြတယ်ဗျာ၊ အဲဒါကြောင့်လည်းပြောရိုးစကား ဖြစ်လာတယ်ထင်တာပဲ၊ပြောရိုးစကားကဘာလည်းဆိုတော့၊"ရန်ကုန်ကအကြွား၊မန္တလေးကစကား၊မော်လ မြိုင်ကအစား"တဲ့ဗျာ၊  အဲဒါကိုကျတော်တို့မြို့မှာလာကကြတဲ့၊ဇာတ်ပွဲတွေကလူရွှင်တော်တွေပြောကြတော့၊ကျတော်တို့မြို့ကိုပါထည့်ပျက်သွားသေးတယ်၊"တောင်ငူကအလကား" တဲ့။ ထားပါတော့ဗျာ။
သူငယ်ချင်းမိတ်ဆွေချက်တဲ့၊ငါးနှပ်အကြောင်းပြန်ပြောရရင်၊ အာပြဲခြောက်ငါးအစိုကို၊မရမ်းပြားနဲနဲနဲ့၊ငြုပ်သီးလေးနဲနဲနဲ့၊အရည်သောက်လေး ချက်ထားတာ၊ အာပြဲခြောက်ငါးအစိုက၊ချက်လိုက်တော့တကယ်ပဲနှပ်ချေးအစိုလိုဟင်းထဲမှာဖြစ်နေတာဗျာ၊ အဲဒါကြောင့်ငါးနှပ်လို့ ပြောကြတာ အဲတော့မှသိတော့တယ်ဗျာ၊ အဲဒီငါးနှပ်ဟင်းကတကယ်ပါပဲဗျာ၊ အခုဆိုနှစ်ပေါင်း၂၅နှစ်လောက်ဖြစ်နေ တာတောင်စွဲလန်းနေတုံးပဲဆိုတော့စဉ်းစားကြည့်ပေတော့ဗျာ၊ ကိုယ်တိုင်စားဘူးသူတွေဆိုအသိဆုံးဖြစ်မယ်ထင်တယ်ဗျာ၊ သူတို့ဘက်မှာ မရမ်းသီးခြောက်ကိုစဉ်းအိုတွေနဲ့နှစ်ပေါက်လှောင်ထားပြီးချက်စားကြတာ၊ ဟင်းထဲထည့်ချက်ကြတာ အတော့်ကိုစားကောင်းတာကိုး၊
နောက်တခုက၊ အဲဒီမြို့အကြောင်းနဲနဲပြောရအုန်းမယ်၊ မြို့ကခပ်သေးသေးလေးပါ၊ ဒါပေမဲ့မှောင်ခိုကုန်သည်မြို့လေး၊ ဟိုးဘက်ပင်လယ်ကမ်း ခြေက၊ ပငတို့ကရုတ်ပိတို့ဆိုတဲ့ရွာတွေက၊ စင်္ကာပူတို့မလေးတို့ကိုသွားတဲ့ မှောင်ခိုစက်လှေတွေဆိုက်တဲ့နေရာတွေပေါ့၊ သံဖြူဇရပ်နဲ့သိပ်မဝေးဘူး၊ အဲဒါကြောင့်သံဖြူဇရပ်ဈေးထဲမှာ၊ တီဗွီတို့၊ အန်တေနာတီဗွီငါးခြောက်စင်တို့ရောင်းနေတာ၊ အဲဒီအချိန်တည်းက သူတို့ရောင်းနေတာတွေ့လို့အတော်အံ့သြသွားတာဗျာ၊ သူပြောပြချက်အရ၊အဲဒီအချိန်က ပငတို့ကရုတ်ပိတို့ဆိုတဲ့ရွာမှာနေတဲ့ရွာလူကြီးတွေ က၊မီးရထားသံလမ်းမှာ၊လုပ်သားခေါင်းတွေဖြစ်နေကြတာပါ၊ အဲဒီရွာတွေကိုမှောင်ခိုစက်လှေတစီးဆိုက်လာရင်၊ အဲဒီရွာလူကြီးက စက်လှေတစီးအတွက် ကျပ်တသောင်းရတယ်လို့ဆိုပါတယ်၊ အဲဒီအချိန်ကသံလမ်းလုပ်သားတယောက်ကလစာ၁၁၀ရပါတယ်၊လုပ်သား ခေါင်းကတော့၁၂၅ကျပ်ရပါတယ်ဗျာ၊ စဉ်းစားသာကြည့်ပေါ့ဗျာ လုပ်သားခေါင်းဘယ်လောက်ချမ်းသာမလည်းဆိုတာ၊ စက်လှေတွေကလည်းမနဲမနောထွက်နေတာဆိုတော့၊ သံလမ်းမှာလမ်းဗိုလ်ကြီးတို့ လမ်းဗိုလ်လေးတို့ထော်လီတွန်းတဲ့အလုပ်သမားအိမ်မှာတောင်တီဗွီကရှိတယ်ဗျာ၊ သူတို့ကအဲဒီထော်လီနဲ့၊မှောင်ခိုပစ္စည်းတင်ပြီး၊ မော်လမြိုင်ကိုတွန်းပို့ကြတာဆိုတော့၊၀င်ငွေကမနဲဘူးလေ။ ကျတော်ရုံးမှာအလုပ်ဝင်ပြီးစက ရုံးကအရာရှိနဲ့ရုံးအုပ်တွေကပြောတယ်၊ မင်းသံဖြူဇရပ်ကိုပြောင်းပါလားတဲ့၊ ကျတော်မပြောင်းဖြစ်တာ၊ အခုရောက်ဖူးမှနောင်တရလိုက်တာ မပြောချင်တော့ပါဘူး၊ မပြောင်းချင်တာလည်း၊ဟိုးကျောင်းနေစဉ်က၊သင်ဘူးကြတယ်လေ၊သံဖြူဇရပ်ချွေးတပ်တို့ငှက်ဖျားတို့ ဆိုတာတွေ ကြားဘူးနားဝနဲ့ကြောက်နေတာ၊ကျတော်ရောက်တဲ့အချိန်တောင်၊တောတွင်းလက်နက်ကိုင်အဖွဲ့တွေကတံတားတွေမိုင်းခွဲထားတာ တွေ့ရသေးတာကိုး။ ဒါပေမဲ့မြို့ပေါ်နေတဲ့လူတွေကိုတော့အန္တာယ်မပေးပါဘူး။
ရောက်ပြီးနောက်တနေ့မှာတော့၊ ကျတော်တို့အဖွဲ့တွေကျိုက္ခမီရေလယ်ဘုရားကို သွားကြပါတယ်၊ သံဖြူဇရပ်နဲ့ကျိုက္ခမီက ၁၅မိုင်လောက် ဝေးပါတယ်၊ဘတ်စ်ကားနဲ့ပဲသွားကြတာပါ၊ကျိုက္ခမီရေလယ်ဘုရားက၊ပင်လယ်ထဲမှာ။ကမ်းကနေကျောက်တွေနဲ့ဇောင်းတန်း လုပ်ထားပါတယ်။ ဒီရေတက်ချိန်ဆိုရင် အဲဒီဇောင်းတန်းရဲ့ ကျောက်ခင်းလမ်းကိုရေမြုပ်ပါတယ်၊ ခြေသလုံးတပါတ်လောက်၊
ဒူးနားလောက်ထိတော့မြုပ်ပါတယ်၊အဲဒီမှာခရုပုတီးလေးတွေ၊ ရောင်းတာများပါတယ်၊နောက်တခုကအုန်းလက်နဲ့လုပ်ထားတဲ့ဦးထုတ်လေးတွေလည်းရောင်းပါတယ်။ တခြားထွေထွေထူးထူးတော့သိပ်မတွေ့ရပါဘူး။ အဲဒီနေရာမှာတော့သိပ်မှတ်မှတ်သား သားမရှိခဲ့ပါဘူး။ဓါတ်ပုံလေးဟိုရိုက်ဒီရိုက်နဲ့လောက်ပဲရှိပါတယ်။နောက်တနေ့မှာတော့၊ တကယ့်ကိုမှတ်မှတ်ရရနဲ့၊ အလွန်ပျော်စရာကောင်းတဲ့ခရီးကိုသွားကြပါတယ်၊ သံဖြူဇရပ်ကနေ၁၀မိုင်လောက်ပဲ ဝေးတဲ့စက်စဲကမ်းခြေကိုဖြစ်ပါတယ်၊ ကျတော်တို့အားလုံး ၆ယောက်ပါ၊အားလုံးစက်ဘီးကိုယ်စီနဲ့သွားကြတာလမ်းတလျှောက်အရမ်းကိုသာယာလှပတဲ့၊
၊ရော်ဘာခင်းတွေလမ်းဘေးဝဲယာတလျှောက်၊ဘယ်လိုကြည့်ကြည့် တန်းနေအောင်စနစ် တကျစိုက်ထားတဲ့ရော်ဘာခင်းတွေ
၊ မြေပြင်အနေအထားကလည်း နဲနဲလေးအနိမ့်အမြင့်လေးတွေနဲ့၊ ပြောမပြတတ်အောင်ပဲကြည့်လို့ ကောင်းနေပါတယ်။ အဲလိုမြေပြင်အနိမ့်အမြင့်ပြေပြေလေးနဲ့ ကားလမ်းကလည်း အကွေ့အကောက်လေးနဲနဲနဲ့ စက်ဘီးစီတဲ့အရာသာဟာတမျိုးထူးခြားနေပါတော့တယ်။ လမ်းဘေးတလျှောက်မှာ ရွာတချို့က ခပ်ဝေးဝေးမှတရွာ၊ တရွာနဲ့တရွာကြားမှာလည်း၊ ရော်ဘာပင်တွေချည်းသာတန်းစီလို့နေပါတယ်။ ကျတော်တို့သွားတဲ့အချိန်ကမတ်လလဆန်းပိုင်းလောက်ဖြစ်ပေမဲ့၊ နံနက်စောစောပင်လယ်ထဲကရေခိုးရေငွေ့ပါတဲ့လေကြောင့်ခပ်မှုံမှုံမြူနှင်းတွေက၊ ရော်ဘာပင်တောရဲ့ထိတ်မှာခပ်မှေးမှေးပြန့်ပျူးနေတာ၊ စိမ်းလန်းနေတဲ့ရော်ဘာတောနဲ့အရမ်းကိုပဏာတင့်လှပါတယ်။ ပင်လယ်ထဲကရေခိုးရေငွေ့ကိုသယ်ဆောင်လာတဲ့၊ဧမြမြလေဟာ၊ ရော်ဘာ ခင်းတွေကိုဖြတ်ပြီး၊ ကျတော်တို့ရဲ့နှာခေါင်းဝကနေ ရင်ထဲကနှလုံးသားထိအေးမြလို့စိမ့်ဝင်သွားလိုက်တာ၊ စက်ဘီးစီးလို့နဲနဲမောပမ်းသရောင်ဖြစ်နေတဲ့ ကျတော်တို့ရဲ့ရင်ကိုချမ်းမြေ့စေတာ တကယ့်ကိုအမှတ်တရပါပဲ။ ကားလမ်းကလည်း၊ ချိုင့်ခွက် တို့ကမူတို့မရှိပြောင်ချောနေတဲ့အပြင်၊ ခပ်ပြေပြေဆင်ခြေလျောအတက်အဆင်းမှာ၊ စက်ဘီးစီးရတာလည်း၊ အလွန်သက်တောင့်သက်သာရှိ လှပါတယ်၊ အတက်ရှိလို့လည်း သိပ်အားစိုက်နင်းစရာမလို၊ အဆင်းမှာလည်းအန္တာယ်မရှိလှိမ့်ဆင်းသွားတဲ့စက်ဘီးကိုစီးလိုက်ကြတာ သက်တောင့်သက်သာပါပဲ။ အိမ်ကနေစထွက်ကာနီးမှာ ထမင်းနဲနဲစီစားကြပြီး၊ မြို့ထဲကလဘက်ရည်ဆိုင်မှာ၊လဘက်ရည်ကော်ဖီတယောက် တခွက်လောက်သောက်ပြီး စက်ဘီးနင်းသွားလိုက်ကြတာ၊ နေ့ခင်း၁၀နာရီလောက်မှာတော့ အတော်ခရီးရောက်ခဲ့ပါတယ်။ ကားလမ်းတလျှောက်စက်ဘီးစီးရင်း၊သီချင်းအော်ဆိုတဲ့သူကဆို၊ဟိုအော်ဒီအော် အော်တဲ့သူကအော်ပေါ့လေ၊အဲဒီအချိန်လောက်မှာ၊ ကားလမ်းပေါ်ကနေ၊ သူငယ်ချင်းသံဖြူဇရပ်သားရဲ့ဆွေမျိုးများရှိရာ၊ ရော်ဘာခြံများထဲကသူတို့အိမ်တွေဆီ၊ ရော်ဘာ ခြံတွေဖြတ်ပြီးစက်ဘီးစီးဝင်သွားကြရပါတယ်။ အဲဒီအချိန်ကစလို့၊ ကျတော်တို့အားလုံးအုန်းသီးနဲ့သကြားကိုပွဲတော်တည်လိုက်တာ ညနေအိမ်ပြန်တဲ့အထိပါပဲဗျာ။ရော်ဘာခြံထဲမှာ အုန်းပင်နဲနဲစီလည်းစိုက်ထားကြပါသေးတယ်။ သူ့ဆွေမျိုးအိမ်တအိမ် ရောက်ပြီဆိုတာနဲ့၊ အဲဒီအိမ်ကယောင်္ကျားသားတယောက်က၊ ဓါးကိုခါးကြားထိုးပြီးအုန်းပင်ပေါ်တက်တော့တာပဲဗျာ။  အုန်းပင်ပေါ်တက်ပြီး၊အုန်းသီးနုဇွန်းချစ်လောက်ရှိတဲ့အခိုင်ကိုခုတ်ချလိုက်တော့တာပဲ၊ နောက်သူပြန်ဆင်းလာပြီး၊ အုန်းသီးကိုဖင်ကနေဖေါက်ပါတယ်၊ ကျတော်လည်းအုန်းသီးကိုဖင်ကနေဖေါက်တာ အဲဒီရောက်မှတွေ့ဘူးတာပါပဲ၊ ကျတော်တို့မြို့ဘက်မှာတော့ အုန်းသီးကိုအညှာဘက်ကပဲဖေါက်ကြတာဆိုတော့အထူးအဆန်းတမျိုးပေါ့ဗျာ။ သူတို့ဖေါက်တာလည်း ဟုတ်ပါတယ်၊ဖင်ဘက်ကအသားကပါးတော့ဖေါက်ရတာပိုလွယ်ပါတယ်။ အဲလိုဖေါက်ပြီးတာနဲ့အရည်ကိုဇလုံကြီးကြီးတလုံးထဲ လောင်းထည့်ပေါ့၊ အဲလိုမျိုးအုန်းသီး၆လုံး၇လုံးလောက်ကိုဖေါက်ထည့်လိုက်ပါတယ်။ နောက်တော့အုန်းသီးကိုခွဲလိုက်ပါတယ် အထဲကအသားကိုဇွန်းနဲ့ချစ်ယူ ခုနအုန်းရည်ထည့်ထားတဲ့ဇလုံထဲကိုထည့်၊ နောက်သကြားလိုသလောက်ထည့်၊ မွှေပေါ့ဗျာ၊ အဲဒါကိုကျတော်တို့လည်း၊ ခပ်မောမောရှိတာနဲ့ သောက်သောက်စားစား အတော့်ကိုဗိုက်ထဲပြည့်တဲ့အထိစားလိုက်သောက်လိုက်ကြတာ၊ ကျတော်တို့အားလုံးပါပဲဗျာ။ အဲလိုနဲ့နောက်ခပ်ဝေးဝေးလေးက ခြံတခြံ၊ ဆွေမျိုးတအိမ်၊ နောက်တခြံကတအိမ်၊ သွားလိုက်၊ရောက်လိုက်၊ ခုနလိုပဲအုန်းသီးတွေစားလိုက်နဲ့ သွားလိုက်ကြတာ၊နေ့ခင်း၁နာရီလောက်ကျတော့မှ၊ ကားလမ်းကိုပြန်ထွက်၊ စက်ဘီးစီးပြီးစက်စဲကမ်းခြေဘက်ဆက်နင်းနဲ့ အတော့်ကို ပျော်စရာသတိယစရာ၊ ပါပဲဗျာ။ အဲလိုအုန်းသီးနုနုကို၊ပေါပေါများများစားဘူးတာ၊ ဟိုပလိပ်ကအညာသားသူငယ်ချင်း၃ ယောက်ကတော့စားဘူးကြပုံမပေါ်ပါဘူး။ သူတို့မြို့ကိုလည်း နောက်ပိုင်းအလည်ရောက်ဘူးတယ်၊ အုန်းပင်ဆိုတာတောင်မတွေ့မိဘူး။ ဒါကြောင့်သူတို့လည်းစားလိုက်ကြတာထမင်းလွတ်ပါတယ်။ ထမင်းကျွေးတဲ့အိမ်ရှိတော့လည်း ဘယ်သူမှ ထမင်းမစားနိုင်ကြတော့ပါဘူး။ ကျတော်တို့အလည်သွားတဲ့ထဲမှာ၊ နှင်းပုလဲသားကလွဲလို့၊ ကျတော်အပါအ၀င်သူငယ်ချင်း အညာသား၃ယောက်လည်း၊ အဲဒီရောက်မှ ရော်ဘာပင်၊ရော်ဘာစေး၊ရော်ဘာစေးကိုဘယ်လိုချစ်တယ်၊ ရော်ဘာပြားကိုဘယ်လိုလုပ်တယ် ဆိုတာသိကြ၊တွေ့ကြမြင်ဘူးကြတာပါ။ဗဟုသုတလည်းရပါတယ်။ ကျတော်တို့သံဖြူဇရပ်ကနေစထွက်ပြီးသိပ်မကြာခင်၊ရော်ဘာခြံတွေကို လမ်းဘေးဝဲယာမှာစတွေ့တာနဲ့၊ ရော်ဘာခြံထဲကစက်ဘီးနဲ့ထွက်လာသူတွေကိုစတွေ့ရပါတယ်။ အဲမှာစက်ဘီးကယ်ရီယာတဘက်တချက်မှာပလပ်စတစ်ပုန်းကြီးတလုံးစီချိတ်လို့ ၊မေးကြည့်တော့ရော်ဘာစေးတွေတဲ့၊ သူတို့တညလုံး ရော်ဘာခြံထဲမှာအလုပ်လုပ်ကြပြီး၊ရော်ဘာစေးတွေထည့်ယူလာကြတာပါ။ အိမ်ရောက်တော့ အဲဒီအစေးတွေကို အက်စစ်နဲ့ ရောမွှေပြီး၊ သစ်သားနဲ့လုပ်ထားတဲ့လေးထောင့်ခွက်လေးတွေထဲထည့်ထားကြပါတယ်။ နောက်တော်တော်လေးထန့်လာတော့ မှအဲဒါကိုထုတ်ပြီး၊ကြံကြိတ်လိုမျိုးနဲ့အပြားတွေဖြစ်အောင်ကြိတ်၊နောက်ဝါးလုံးတန်းတွေမှာခြောက်အောက်လှန်းရပါတယ်။ နောက်အဲဒါတွေ ခြောက်ပြီဆိုမှ သပ်မှတ်တဲ့ခွဲတမ်းကို ရော်ဘာအ၀ယ်ဒိုင်ကိုပို့ကြပါတယ်။ ကျန်တဲ့ရော်ဘာပြားတွေကိုမှ၊ကိုယ်ကြိုက်ရာကိုရောင်းချကြတာပါ။
အဲဒီရော်ဘာခြံတွေကနေ၊နေ့ခင်း၁နာရီလောက်မှာထွက်ပြီး၊ စက်စဲကမ်းခြေကိုသိပ်မနင်းလိုက်ရပါဘူး။ နာရီဝက်မရှိတရှိလောက်မှာ ပဲ ရောက်သွားပါတယ်၊ကျတော်တို့ရောက်တဲ့အချိန်မှာပင်လယ်ဒီရေက၊ တက်ပြီးလို့ခနတန့်နေတဲ့အချိန်လေးပါ။ သိပ်မကြာခင်ပြန်ကျတော့ မှာလို့၊သူငယ်ချင်းသံဖြူဇရပ်သားကပြောပါတယ်။

ဆက်ရေးပါအုန်းမည်။
ကိုယ်စိတ်နှစ်ဖြာ၊ကျမ္မာချမ်းသာကြပါစေ။

စိန်စိုး
၂၂.၁၁.၁၁