အမျိုးသားအောင်ပွဲနေ့ ဆိုသည်မှာ.......

Cloud Cuckoo Land created a doc.

တန်ဆောင်မုန်းလဆုတ် ၁၀ ရက်နေ့သည် မြန်မာ နိုင်ငံ၏ အမျိုးသားနေ့ဖြစ်သည်။ အင်္ဂလိပ်ခေတ်က ပေါ် ပေါက်ခဲ့သဖြင့် အင်္ဂလိပ်လို National Day (နေရှင် နယ်ဒေး)ဟူ၍ ခေါ်ခဲ့၏။ အင်္ဂလိပ်တို့က ၁၈၈၂ တွင် မြန်မာနိုင်ငံအား ဇွတ်အတင်း ချဉ်းနင်း ဝင်ရောက် သိမ်းပိုက် ခဲ့သည်။ သူတို့ ရသွားသည်က မြန်မာနိုင်ငံ၏ တောတောင...် ရေမြေဖြစ်ပြီး မြန်မာတို့၏အမျိုးသား စိတ်ဓာတ်ကိုမူ ကား မသိမ်းပိုက်နိုင်ခဲ့ကြချေ။၁၈၈၅ တွင် သီပေါမင်း ပါတော်မူသည်။
၁၉၀၁ ခုနှစ်တွင် မြန်မာတို့၏ မီးခဲ ပြာဖုံးမျိုးချစ်စိတ်ဓာတ်ပြန်လည်နိုးကြားလာခဲ့သည်။ ၁၉၀၆ ခုနှစ်တွင်YMBA ခေါ် ဗုဒ္ဓဘာသာကလျာဏ ယုဝ အသင်းပေါ်ပေါက်ခဲ့သည်။ မူလက ဘာသာရေးကို ဦးစားပေးလှုပ်ရှားခဲ့သော်လည်း နောက်ပိုင်းတွင် အမျိုးဘာသာ သာသနာသည် ဟူသော ကြွေးကြော် သံဖြင့် ဝံသာနုရက္ခိတ တရားကို ရှေ့တန်း တင်လာခဲ့ကြသည်။

ဤသို့ဖြင့် ၁၉၂၀ ပြည့်နှစ်အရောက် မြန်မာတစ် နိုင်ငံလုံးရှိဝံသာနုအသင်းများစုပေါင်းကာ မြန်မာအသင်း ချုပ်ကြီး ဖော်ထုတ်ပြီး အမျိုးသားရေးကို ဆောင်ရွက်ခဲ့ကာ ဂျီစီဘီအေဟူ၍ ထင်ရှားလာခဲ့၏။ ထိုနှစ်တွင်ပင် ရန်ကုန်တက္ကသိုလ်ကိုတည်ထောင်ဖွင့်လှစ်ဖို့ဆိုပြီးအင်္ဂလိပ် တို့က ဥပဒေများ ရေးဆွဲခဲ့ကြသည်။
တက္ကသိုလ်ကျောင်း သားတို့ကထိုဥပဒေကိုမကျေနပ်ကြ၊အင်္ဂလိပ်တို့ကလည်း မလိုက်လျော။ သို့နှင့်ကျောင်းသားတို့က ဘွိုင်း ကောက်(သပိတ်မှောက်) လုပ်ခဲ့ကြသည်။ ယင်းသပိတ် မှောက် ဘွိုင်းကောက်လုပ်သောနေ့မှာ ၁၉၂၀ ခုနှစ် ဒီ ဇင်ဘာလ ၁ ရက် (၁၂၈၂ ခုနှစ် တန်ဆောင်မုန်းလဆုတ် ၁၀ရက်နေ့)ဖြစ်သည်။
တက္ကသိုလ်ကျောင်းသားကြီး များက ထိုသို့သပိတ်မှောက်လိုက်ကြတော့ တက္ကသိုလ် ရောက်ဖို့တာဆူနေသည့် ကျောင်းသားငယ်များကပါ လိုက်ပြီး သပိတ်မှောက်ခဲ့ကြသည်။ အင်္ဂလိပ်တို့၏ စာသင်ကျောင်းများကိုလည်းကျောခိုင်းလိုက်ကြသည်။ ယင်းနောက် ဝံသာနုအသင်းများ၏အကူအညီ၊ ဆရာတော်သံဃာတော်များ၏အကူအညီဖြင့် တစ်နိုင်ငံ လုံးတွင်အမျိုးသားကျောင်းများကို တည်ထောင်ဖွင့်လှစ် လိုက်ကြသည်။
ကျောင်းသားကြီးများက ကျောင်းသား ငယ်များကိုစာသင်ပေးကြသည်။ ထိုကျောင်းကြီးများ တွင် မြန်မာစာပေနှင့် မြန်မာ့သမိုင်းကိုဦးစားပေးသင်ခဲ့ ပြီးမြန်မာမျိုးချစ် လူငယ်များကို မွေးထုတ်ပေးခဲ့သည်။ အမျိုးသားကောလိပ်တွင်ကား သခင်ကိုယ်တော်မှိုင်း၊ ဒီးဒုတ်ဦးဘချိုတို့က ဝိုင်းဝန်း သင်ကြားပေး၏။
ဦးဘချို၊ ဦးဘဝင်းတို့က ကျောင်းအုပ် တာဝန်အဖြစ်ယူခဲ့ကြသည်။ ထိုအမျိုးသားကောင်းများမှမျိုးချစ်အာဇာနည်လေးများ ကိုမွေးထုတ်ပေးပြီး အမျိုးသားစာပေ အမျိုးသားစိတ် ဓာတ်ကို ဖွံ့ဖြိုးပြီး တိုးတက်အောင် မြေတောင်မြှောက် ပေးခဲ့သည်။ ဆရာကြီးသခင်ကိုယ်တော်မှိုင်းက ၁၉၂၀ ပြည့်နှစ် က ကျောင်းသားသပိတ်ကြီးကို သမိုင်းဝင် မော်ကွန်းထိုး သော မှတ်တမ်းကြီးဖြစ်အောင် ဘွိုင်းကောက်ဋီကာ လေးချိုးကြီးကိုဖွဲ့ဆိုခဲ့၏။
ဆရာကြီးသခင်ကိုယ်တော် မှိုင်းမှာ ဆင်းရဲသားတောင်သူ လယ်သမားတွေအတွက် ဝမ်းနည်းပူဆွေး၊ ရှိသမျှ လွတ်လပ်ရေးကိုမှန်းမျှော်၊ ဖေ- ပု-ရှိန်တို့လို နိုင်ငံရေးမျိုးချစ်ပုဂ္ဂိုလ်လူကြီးပိုင်းတွေကို လည်းအားကိုးသလို ကျောင်းသားလူငယ်ပိုင်းကိုလည်း အားထားနှင့် ကျောင်းသားတွေ သပိတ်မှောက်ပြီး နေရှင် နယ် ကျောင်းတွေထောင်၊ ဝံသာနုတရားတွေဟော၊ ယော လုံချည်ပင်နီအင်္ကျီတွေဝတ်ကြတာကို အင်မတန်အားရ ၏။ သည် လူငယ်တွေဟာဖြင့်လွတ်လပ်ရေးရအောင် ကြိုးစားကြမှာအမှန်ပဲ။ ငါလည်း အသက်ကြီးပေမယ့် သူတို့နဲ့ သေအတူရှင်မကွဲလိုက်မယ်လို့ သန္နိဋ္ဌာန်ချပြီး စိတ်အားတက်သရာ ရေးသားလိုက်တာ။
အဝေးကြီးခရီးပေမဲ့
အရေးကြီးလျှင်ဖြင့် သွေးနီးရာပါစမြဲပေမို့
ဆရာလဲကွာ ပဌမအရင်ကနဦးဆီက
မြန်မာ့တစ်ခွင်မှာ သမတ ရှင်ဘုရင်မလူးခင်ပါ့
ထဆင်ထူးကိုတမြည်မြည်သင်ခဲ့သမို့
ထီမထင်ကျောင်းတော်သားတွေတို့
အမည်အစဉ်မှာ ခေါင်းအပေါ်ဖျားတွင်မှ မင်းရို့ဆရာကို စာရင်းတို့ကာ ထားလိုက်ကြပေတော့ ဆိုတဲ့လေးချိုးကြီးပါပဲ။ အဲဒီမှာသူငယ်စဉ်က ကကြီးရေက သင်စဉ်က ထဆင်ထူး အကြောင်းကျက်ရာမှာ ထဆင်ထူးရေလုံးကြီး တင်ထီဆိုခဲ့တာကို သတိရတယ်။ ထဆင်ထူးလုံးကြီး တင်ထီမထင်တဲ့ ကျောင်းတော်သားပဲ ဆိုတဲ့ သံချပ်ကိုသတိ ရတယ်။အဲဒါတွေ အခြေခံပြီး ရေးလိုက်တာပါ ဆိုပါတယ်။
နောက်ဆက်တွဲအဖြစ် ယင်းအမျိုးသားရေး စိတ် ဓာတ်ကြောင့် ၁၉၃၆ ခုနှစ် ကျောင်းသားသပိတ်ဖြစ်ပေါ် ခဲ့ရသည်။ ၁၉၃၀-၃၁ ခုနှစ်တွင်တစ်ကြိမ်၊ ၁၉၃၄- ၃၅ တွင်တစ်ကြိမ်ယူနီဗာစီတီ၌တော်တော်လေး လှုပ်လှုပ် ရှားရှားဖြစ်ခဲ့သည်။ ကျောင်းသားများသပိတ်မှောက်ရ ခြင်း၏ အကြောင်းရင်းမှာ စင်စစ်ကားတစ်ခုသာလျှင် ရှိသည်။
ထိုသည်ကား တိုင်းရေးပြည်ရေးတွင် ချုပ်ခြယ် ခြင်း၊ မြန်မာတို့၏ စီးပွားရေးကြီးပွားရေးကို အညွန့်ခူးနေ သော ဗြိတိသျှတို့သည် မြန်မာတို့အား ကျွန်အဖြစ် ကြာရှည်စွာ ထားလိုခြင်းတို့ပင် ဖြစ်၏။ ဒါကို ကျောင်းသား တစ်စုက အတန်ငယ်နိုးကြားလာသည်နှင့် တစ်ပြိုင်နက် ကိုယ့်စီးပွားရေး ကြီးပွားရေးကို ကိုယ်ကြိုက်သလို ခြယ် လှယ်စီမံနိုင်ရန်တိုင်းရေးပြည်ရေးတွင် လွတ်လပ်ခွင့်ရ လိုကြသည်။
ကျွန်အဖြစ်မှ လွတ်မြောက်၍ သခင်ဖြစ်ချင်ကြသည်။ သူ့ဘက် ကိုယ့်ဘက် လိုလားချက်နှစ်ခု ထိ ခိုက်မှု၊ ရန်ဖြစ်မှုမှသပိတ်မှောက် ခြင်းဖြစ်ပေါ်လာခဲ့ရ ခြင်းဖြစ်ပေသည်။ ဤသည်ကား အမျိုးသားရေးစိတ်ဓာတ်ကြောင့်ပင် ဖြစ်၏။ ထိုအမျိုးသားရေးစိတ်ဓာတ်မွေးဖွားပေးရာအမျိုး သားအောင်ပွဲနေ့ကို မြန်မာမှန်သမျှ မမေ့ကောင်းဟု တိုက် တွန်းလိုက်ရပေတော့သတည်း။

posted by ကြည်သူ
မန္တလေး အလင်