အသိတရားရဲ့ ရေသောက်မြစ်နှစ်သွယ်
|
10:51 PM |
No မှတ်ချက် |
by စာပေလောက ၅ (SARPAYLAWKA 5) on Saturday, December 18, 2010 at 10:11pm
အသိတရားရဲ့ရေသောက်မြစ်ဟာ
နှစ်ခုရှိတယ်လို့ ကျွန်တော်ထင်တယ်၊ တစ်ခုကလူ့အဖွဲ့အစည်းရဲ့ ဘ၀ဖြစ်ပြီး
တစ်ခုကပိဋကတ်တိုက်။ လူ့အဖွဲ့ အစည်းမှာလူတွေပါဝင်ဖွဲ့စည်းထားကြတယ်။
ပိဋကတ်တိုက်မှာတော့ စာအုပ်တွေပါဝင်ကြတယ်။ လူ့အဖွဲ့အစည်းမှာ
ိုပါဝင်လှုပ်ရှားတဲ့အခါ ကုန်လုပ်ရေးဖြစ်စဉ်ထဲကို ပါဝင်ဆောင်ရွက်ရတဲ့အခါမှာ
ကျွန်တော်တို့ဟာ လူတွေရဲ့အကြောင်းကို တိုက်ရိုက်သိလာကြတယ်၊
ပိဋကတ်တိုက်ထဲကိုဝင်တဲ့အခါ စာအုပ်တစ်အုပ်ကိုဖတ်ခဲ့တဲ့အခါကျတော့
သူတွေရဲ့အကြောင်းကိုသွယ်ဝိုက်သိလာရတယ်။
လူ့အဖွဲ့အစည်းရဲ့ဘ၀ဟာ လူကို အသိတရားကိုတွေ တိုက်ရိုက်ပေးပြီး ပိဋကတ်တိုက်ကတော့ အသိတရားတွေကို သွယ်ဝိုက်ပြီးပေးတယ်။
ဘ၀ကရတဲ့အသိတွေ၊ အတွေ့အကြုံတွေဟာ အကြမ်းထည်ဖြစ်တယ်၊ အချောမကိုင်ရသေးဘူး၊ အရောင်မတင်ရသေးဘူး၊ စာအုပ်ကရတဲ့အသိတွေ၊ အတွေ့အကြုံတွေကတော့ စာရေးသူရဲ့ အတတ်ပညာနဲ့ မွမ်းမံဖန်တီးပြီးသားဖြစ်လို့ အချောသတ်ပြီးသားဖြစ်နေပြီ၊အရောင်တင်ပြီးသားဖြစ်နေပြီ။
ဘ၀ကရတဲ့အသိဟာသားရေကြမ်းနဲ့တူတယ်၊ အမွှေးမချွတ်ရသေးဘူး၊ မနယ်ရသေးဘူး၊ စာအုပ်ကရတဲ့အသိကတော့နယ်ပြီးသား သားရေနဲ့တူတယ်၊ ကျွမ်းကျင်တဲ့သားရေနယ် အလုပ်သမားက ကျွန်တော်တို့သုံးဖို့အဆင်သင့် အချောသပ်ပေးပြီးပြီ၊ အရောင်တင်ပေးပြီးပြီ၊ ဘိနက်ချုပ်မလား၊ သားရေအိတ်ချုပ်မလား၊ ကိုယ်လိုရာသုံးဘို့ဘဲ။
လူတွေဟာ ဘ၀တစ်ခုထဲနဲ့မရောင့်ရဲကြဘူး၊ ဘ၀ကိုထင်ဟပ်ပြတဲ့ စာအုပ်တွေကိုဖတ်ချင်ကြတယ်။ ဘာဖြစ်လို့လဲဆိုတော့ စာအုပ်ထဲကဘ၀ဟာ အပြင်ကဘ၀ထက် ပိုပြီးစုစည်း၊ ပိုပြီးသိပ်သည်း၊ ပိုပြီး လှပ၊ ပိုပြီးခန်းနားလို့ဘဲ။
လူဟာ သူ့သဘာဝ၊ သူ့ကမ္ဘာ၊ သူ့မျိုးဆက် တဆက် အတွင်းကအတွေ့အကြုံများကိုသာ ထိတွေ့လို့ရမယ်၊ စာအုပ်တွေထဲမှာတော့ တခြားဘ၀၊ တခြားကမ္ဘာ၊ တခြားမျိုးဆက်တစ်ဆက်က အတွေ့ အကြုံတွေကိုပါ ရနိုင်တယ်။
စာအုပ်တွေဟာ အတိတ်ခေတ်နဲ့ ကျွန်တော်တို့ရဲ့မျက်မှောက်ခေတ်၊ ကျွန်တော်တို့ခေတ်ရဲ့ အနာဂတ်ခေတ်တို့ကိုပေါင်းကူးပေးတဲ့ တံတားတွေဖြစ်တယ်၊ ဒီတံတားတွေ မရှိရင် ကျွန်တော်တို့ဟာအတိတ်ခေတ်ရဲ့ အကြောင်းကိုဘယ်မှာသိနိုင်ပါ့မလဲ၊ ရာမာယနမဟာကဗျာကြီးရယ်လို့မရှိရင် မဇ္ခိုမတိုင်း ကျေးကျွန် လူ့အဖွဲ့အစည်း အကြောင်းကိုဘယ်မှာသိနိုင်ပါ့မလဲ၊ မြစေတီကျောက်စာရယ်လို့မရှိခဲ့ရင် ရာဇကုမာရ်ရဲ့ စေတနာကိုဘယ်မှာသိနိုင်ပါ့မလဲ၊ ဟာမုရာဘီရဲ့ကျောက်ပြားတွေမရှိခဲ့ရင် ရှေးဟောင်းအီဂျစ်ဓမ္မသတ်တွေကိုဘယ်မှာသိနိုင်ပါ့မလဲ၊ သမ္မာကျမ်းစာရယ်လို့မရှိရင် ဣသရေလလူမျိုးတွေရဲ့ လူနေမှုစနစ်ကို ဘယ့်နှယ်လုပ် သိနိုင်ပါ့မလဲ၊ နာဂဇုန္ဒရဲ့ကျမ်းတွေမရှိခဲ့ရင် တန်တရ၀ါဒ အကြောင်းကိုဘယ်မှာသိနိုင်ပါ့မလဲ၊ ရှင်ဗုဒ္ဓဃောသရဲ့ ကျမ်းတွေမရှိခဲ့ရင် တောင်ပိုင်းဗုဒ္ဓဘာသာရဲ့အကြောင်းကိုဘယ်မှာသိနိုင်ပါ့မလဲ၊ ဒီမိုကရစ်တပ်စ်ရဲ့ ကျမ်းတွေ မရှိခဲ့ရင် ရှေးဟောင်းခေါမခေတ်အနုမြူဝါဒအကြောင်းကိုဘယ်မှာသိနိုင်ပါ့မလဲ၊ မက် ပလန့်ရဲ့ကျမ်းတွေမရှိရင် အနက်ရောင်အပူရှိန်ဖြာထွက်ခြင်းသဘောတရားကို ဘယ်နှယ့်လုပ်သိနိုင်ပါ့မလဲ၊ အိုင်စတိုင်းရဲ့ကျမ်းတွေနဲ့ ဟာရီးယက်-ဘီချာ-စတိုးရဲ့ စာအုပ်တွေမရှိခဲ့ရင် အညမညသဘောတရားနဲ့ ငွေဝယ်ကျွန်စနစ်အကြောင်းကို ဘယ်နှယ့်လုပ်သိနိုင်ပါ့မလဲ။
ဒါတွေကိုကျွန်တော်တို့သိရတာ စာအုပ်တွေရဲ့ကျေးဇူးကြောင့်ဘဲ။
စာအုပ်ဟာ အယူအဆတရပ်ပြန့်ပွားရေး၊ ဒါမှမဟုတ် အသိပညာဖြန့်ဖြူးရေးအတွက် မတိမ်ကောနိုင်တဲ့ ယာဉ်တစ်ခုဖြစ်တယ်၊ ရုပ်ရှင်တွေ၊ ရေဒီယိုတွေ၊ ရုပ်မြင်သံကြားတွေက ဖုံးလွှမ်းဘို့ ကြိုးစားပေမဲ့ သူ့ကိုမဖုံးလွှမ်းနိုင်ပါဘူး၊ သေချာပါတယ်။
ချောင်ကလေး တချောင်ထဲမှာ လူ့လောက ယဉ်ကျေးမူနဲ့ ကင်းကွာနေတဲ့လူတစ်ယောက်ကို ကမ္ဘာကြီးနဲ့ထိတွေ့အောင်၊ လူတွေနဲ့ထိတွေ့အောင်သက်သက် သာသာ၊ လွယ်လွယ်ကူကူ လုပ်ပေးတဲ့နေရာမှာ ဘယ်ရုပ်မြင်သံကြားစက်၊ ဘယ်ရုပ်ရှင်၊ ဘယ်ရေဒီယိုမှ စာအုပ်ကိုလိုက်လို့မမှီနိုင်ဘူး။
မြသန်းတင့်
လူ့အဖွဲ့အစည်းရဲ့ဘ၀ဟာ လူကို အသိတရားကိုတွေ တိုက်ရိုက်ပေးပြီး ပိဋကတ်တိုက်ကတော့ အသိတရားတွေကို သွယ်ဝိုက်ပြီးပေးတယ်။
ဘ၀ကရတဲ့အသိတွေ၊ အတွေ့အကြုံတွေဟာ အကြမ်းထည်ဖြစ်တယ်၊ အချောမကိုင်ရသေးဘူး၊ အရောင်မတင်ရသေးဘူး၊ စာအုပ်ကရတဲ့အသိတွေ၊ အတွေ့အကြုံတွေကတော့ စာရေးသူရဲ့ အတတ်ပညာနဲ့ မွမ်းမံဖန်တီးပြီးသားဖြစ်လို့ အချောသတ်ပြီးသားဖြစ်နေပြီ၊အရောင်တင်ပြီးသားဖြစ်နေပြီ။
ဘ၀ကရတဲ့အသိဟာသားရေကြမ်းနဲ့တူတယ်၊ အမွှေးမချွတ်ရသေးဘူး၊ မနယ်ရသေးဘူး၊ စာအုပ်ကရတဲ့အသိကတော့နယ်ပြီးသား သားရေနဲ့တူတယ်၊ ကျွမ်းကျင်တဲ့သားရေနယ် အလုပ်သမားက ကျွန်တော်တို့သုံးဖို့အဆင်သင့် အချောသပ်ပေးပြီးပြီ၊ အရောင်တင်ပေးပြီးပြီ၊ ဘိနက်ချုပ်မလား၊ သားရေအိတ်ချုပ်မလား၊ ကိုယ်လိုရာသုံးဘို့ဘဲ။
လူတွေဟာ ဘ၀တစ်ခုထဲနဲ့မရောင့်ရဲကြဘူး၊ ဘ၀ကိုထင်ဟပ်ပြတဲ့ စာအုပ်တွေကိုဖတ်ချင်ကြတယ်။ ဘာဖြစ်လို့လဲဆိုတော့ စာအုပ်ထဲကဘ၀ဟာ အပြင်ကဘ၀ထက် ပိုပြီးစုစည်း၊ ပိုပြီးသိပ်သည်း၊ ပိုပြီး လှပ၊ ပိုပြီးခန်းနားလို့ဘဲ။
လူဟာ သူ့သဘာဝ၊ သူ့ကမ္ဘာ၊ သူ့မျိုးဆက် တဆက် အတွင်းကအတွေ့အကြုံများကိုသာ ထိတွေ့လို့ရမယ်၊ စာအုပ်တွေထဲမှာတော့ တခြားဘ၀၊ တခြားကမ္ဘာ၊ တခြားမျိုးဆက်တစ်ဆက်က အတွေ့ အကြုံတွေကိုပါ ရနိုင်တယ်။
စာအုပ်တွေဟာ အတိတ်ခေတ်နဲ့ ကျွန်တော်တို့ရဲ့မျက်မှောက်ခေတ်၊ ကျွန်တော်တို့ခေတ်ရဲ့ အနာဂတ်ခေတ်တို့ကိုပေါင်းကူးပေးတဲ့ တံတားတွေဖြစ်တယ်၊ ဒီတံတားတွေ မရှိရင် ကျွန်တော်တို့ဟာအတိတ်ခေတ်ရဲ့ အကြောင်းကိုဘယ်မှာသိနိုင်ပါ့မလဲ၊ ရာမာယနမဟာကဗျာကြီးရယ်လို့မရှိရင် မဇ္ခိုမတိုင်း ကျေးကျွန် လူ့အဖွဲ့အစည်း အကြောင်းကိုဘယ်မှာသိနိုင်ပါ့မလဲ၊ မြစေတီကျောက်စာရယ်လို့မရှိခဲ့ရင် ရာဇကုမာရ်ရဲ့ စေတနာကိုဘယ်မှာသိနိုင်ပါ့မလဲ၊ ဟာမုရာဘီရဲ့ကျောက်ပြားတွေမရှိခဲ့ရင် ရှေးဟောင်းအီဂျစ်ဓမ္မသတ်တွေကိုဘယ်မှာသိနိုင်ပါ့မလဲ၊ သမ္မာကျမ်းစာရယ်လို့မရှိရင် ဣသရေလလူမျိုးတွေရဲ့ လူနေမှုစနစ်ကို ဘယ့်နှယ်လုပ် သိနိုင်ပါ့မလဲ၊ နာဂဇုန္ဒရဲ့ကျမ်းတွေမရှိခဲ့ရင် တန်တရ၀ါဒ အကြောင်းကိုဘယ်မှာသိနိုင်ပါ့မလဲ၊ ရှင်ဗုဒ္ဓဃောသရဲ့ ကျမ်းတွေမရှိခဲ့ရင် တောင်ပိုင်းဗုဒ္ဓဘာသာရဲ့အကြောင်းကိုဘယ်မှာသိနိုင်ပါ့မလဲ၊ ဒီမိုကရစ်တပ်စ်ရဲ့ ကျမ်းတွေ မရှိခဲ့ရင် ရှေးဟောင်းခေါမခေတ်အနုမြူဝါဒအကြောင်းကိုဘယ်မှာသိနိုင်ပါ့မလဲ၊ မက် ပလန့်ရဲ့ကျမ်းတွေမရှိရင် အနက်ရောင်အပူရှိန်ဖြာထွက်ခြင်းသဘောတရားကို ဘယ်နှယ့်လုပ်သိနိုင်ပါ့မလဲ၊ အိုင်စတိုင်းရဲ့ကျမ်းတွေနဲ့ ဟာရီးယက်-ဘီချာ-စတိုးရဲ့ စာအုပ်တွေမရှိခဲ့ရင် အညမညသဘောတရားနဲ့ ငွေဝယ်ကျွန်စနစ်အကြောင်းကို ဘယ်နှယ့်လုပ်သိနိုင်ပါ့မလဲ။
ဒါတွေကိုကျွန်တော်တို့သိရတာ စာအုပ်တွေရဲ့ကျေးဇူးကြောင့်ဘဲ။
စာအုပ်ဟာ အယူအဆတရပ်ပြန့်ပွားရေး၊ ဒါမှမဟုတ် အသိပညာဖြန့်ဖြူးရေးအတွက် မတိမ်ကောနိုင်တဲ့ ယာဉ်တစ်ခုဖြစ်တယ်၊ ရုပ်ရှင်တွေ၊ ရေဒီယိုတွေ၊ ရုပ်မြင်သံကြားတွေက ဖုံးလွှမ်းဘို့ ကြိုးစားပေမဲ့ သူ့ကိုမဖုံးလွှမ်းနိုင်ပါဘူး၊ သေချာပါတယ်။
ချောင်ကလေး တချောင်ထဲမှာ လူ့လောက ယဉ်ကျေးမူနဲ့ ကင်းကွာနေတဲ့လူတစ်ယောက်ကို ကမ္ဘာကြီးနဲ့ထိတွေ့အောင်၊ လူတွေနဲ့ထိတွေ့အောင်သက်သက် သာသာ၊ လွယ်လွယ်ကူကူ လုပ်ပေးတဲ့နေရာမှာ ဘယ်ရုပ်မြင်သံကြားစက်၊ ဘယ်ရုပ်ရှင်၊ ဘယ်ရေဒီယိုမှ စာအုပ်ကိုလိုက်လို့မမှီနိုင်ဘူး။
မြသန်းတင့်
0 comments:
Post a Comment