ဦးခင်ရွှေ (ဇေကမ္ဘာ) ၏ သတင်းစာဆရာများအပေါ် ပြင်းထန်စွာပုတ်ခတ်ပြောဆိုမှုအား ကန့်ကွက်ခြင်း။

by Zegyo Mandalay on Friday, November 25, 2011 at 9:15pm

Thu Ra Myo

သို့
နာယက
ပြည်ထောင်စုလွှတ်တော်
နေပြည်တော်။

ရက်စွဲ။ ။ ၂၅ ၊ နိုဝင်ဘာလ၊ ၂၀၁၁။
အကြောင်းအရာ။ ။ ဦးခင်ရွှေ (ဇေကမ္ဘာ) ၏ သတင်းစာဆရာများအပေါ် ပြင်းထန်စွာပုတ်ခတ်ပြောဆိုမှုအား
ကန့်ကွက်ခြင်း။
အမျိုးသားလွှတ်တော်ကိုယ်စားလှယ် ဦးခင်ရွှေ(ဇေကမ္ဘာ)သည် ၂၀၁၁၊ နိုဝင်ဘာ ၁၅ ရက်နေ့တွင် ရန်ကုန် မြို့၊ ယုဇနဂါးဒင်း ဟိုတယ်၌ ကျင်းပပြုလုပ်ခဲ့သော (၂၈) ကြိမ်မြောက် မဟာမဲခေါင်ဒေသခွဲ ခရီးသွားလုပ်ငန်း အစည်း အဝေး၊ ခရီးသွားလုပ်ငန်းပြပွဲနှင့် ဓာတ်ပုံပြပွဲများ ပုဂံတွင်ကျင်းပမည့် အကြောင်း သတင်းထုတ်ပြန်ခြင်း အခမ်းအနား တွင် သတင်းစာဆရာများ၏ ကျင့်ဝတ်နှင့် အတတ်ပညာဆိုင်ရာများအပေါ် ပြင်းထန်စွာပုတ်ခတ် ပြောဆိုခဲ့ပါသည်။

ယင်းပွဲတွင် ဇေကမ္ဘာဦးခင်ရွှေ ပြောကြားခဲ့သောစကား အချို့ကို အောက်ပါအတိုင်း ကောက်နှုတ်ဖော်ပြလိုက် ပါသည်။
ဦးခင်ရွှေ ပြောစကားကောက်နှုတ်ချက်အချို့
““ .............. ယှဉ်ပြီးပြောရရင် အာဆီယံ+ဂျပန်မှာ ဘယ်သူမှအကောင်းမြင်ဝါဒနဲ့ ရေးတာတော်တော်နည်း တယ်။ အဆိုးမြင်နဲ့ရေးတာလောက်ပဲ သွားတွေ့ရတယ်။ ၀မ်းနည်းစရာကောင်းတာ နောက် ဒီဗွီဘီမှာတောင်မှ ကြား လိုက်ရသေးတယ်။ နောက်ဆုံး အန်ကယ် အနေနဲ့က သတင်းအဖွဲ့တွေအကုန်လုံးကိုရေးသင့်တာ မရေးသင့်တာလေး တွေ ကိုယ့်သားသမီးလိုသဘောထားပြီးဆုံးမတယ်။
အဲဒီိအချိန်မှာ ဒီဗွီဘီမှာ သတင်းအဖွဲ့ကို ဝေဖန်သွားတယ်။ ၀န်ကြီးချုပ်ရုံးနဲ့ပတ်သတ်လို့ ဘာညာဘာညာ ဆိုတဲ့ အဆိုးမြင်ပဲအသံ ကြားပြီး ကောင်းတာမမြင်ဘူး။ အားလုံးက မီဒီယာပေါ်မှာ မူတည်တယ်။ ကောင်းမွေ၊ ဆိုးမွေ ဆိုတာလဲ မီဒီယာပေါ်မှာမူတည်တယ်။ အခု တခါ အဲဒီ အပတ်တုန်းက စိတ်ပျက်သွားပြီးတော့ မီဒီယာကိုပြန်တွေ့ဖို့ တောင်မှ တော်တော်စိတ်ဓါတ်ကျသွားတယ်။ ပြည်ပကသူတို့ အလုပ်က ပြည်ပမီဒီယာက မကောင်းမြင်တာရေးဖို့က သူ့တာဝန်။ သူ့ အလုပ်သူလုပ်တာ။ တချို့ အပိုင်းလေးတွေ ၊ အဲ့ဒါကို ပြည်တွင်းက သတင်းအဖွဲ့ကပါ လိုက်ပြီးတော့ မကောင်းမြင် ရေးမှ ဂျာနယ်ရောင်းရမယ်ဆိုတဲ့ Idea မျိုးရှိနေရင်တော့အတွေးတွေလွဲနေပြီ။ မှားနေပြီ အတွေးတွေ အကုန်လုံးက။
ဘာလို့လဲ ရေးပေးရတော့မှာ နိုင်ငံကြီးတိုးတက်ဖို့ အတွက်၊ ဥပမာ နိုင်ငံတော်သမ္မတကြီး ဆိုလို့ရှိရင်လည်း ပြည်သူ့အသံ နားထောင်တယ်။ ဘယ်လိုပဲဖြစ်ဖြစ် အမြဲတမ်း ဂျာနယ်တွေဖတ်တယ်။ နားထောင်တယ်။ ပြီးတော့ ပြည်သူမကြိုက်တဲ့လုပ်ငန်းဆိုချက်ချင်း သူ ပြောင်းပေးတဲ့ အနေအထားမျိုးတွေရှိတဲ့အချိန်မှာ အဲ့ဒီတော့နိုင်ငံတော် အစိုးရကြီးလမ်းကြောင်းကသွားနေတဲ့လမ်းကြောင်းကြီး ဖြောင့်နေတဲ့လမ်းကြောင်းကြီးကောက်မသွားအောင်ရေးဖို့  တာဝန်ဟာ ဒီမှာရှိတဲ့မီဒီယာတွေရဲ့ တာဝန်ဖြစ်တယ်။
ခုဆိုလည်း မကြာသေးခင်က ဆွေးနွေးပွဲတွေလုပ်လာ ၊ လုပ်လာပြီးတော့ အခု ဒီဆွေးနွေးပွဲဆိုလို့ ရှိရင်လည်း ခရီးသွားလုပ်ငန်း ဖွံဖြိုးတိုးတက်ရေးအတွက်။ ပြောပါပြီးကော ဘယ်လောက်ရှက်စရာကောင်းလည်း လာအိုဆိုလို့ရှ်ိ ရင်လူဦးရေ ၆ သန်းပဲရှိတယ်။ ဒီနေ့ ခရီးသွားက ၂ သန်းနဲ့ ၃ သန်းကြား၊ လာအို နိုင်ငံသေးသေးလေး။ ကြည့်စရာ တစ်ရက်ကြည့်ရင် ပြီးသွားတဲ့တိုင်းပြည်မျိုးက ၂ သန်းကျော် ၃ သန်းလောက်သွားနေပြီ။ မြန်မာနိုင်ငံ ဟိုးထိပ်က ပူတာအိုကနေစပြီး ဒီ ထားဝယ်၊ မြိတ်၊ ကော့သောင်း ထိဆိုရင် တစ်လကြည့်လို့  ဘယ်လိုမှမကုန်နိုင်တဲ့တိုင်းပြည်။ သဘာဝအများကြီးရှိတဲ့နေရာ။ ၃ သိန်းပဲလာတယ်၊ ပြီးခဲ့တဲ့နှစ်က ၊ ဒီနှစ်တက်လာတယ်၊ ၃၀ ရာခိုင်နုန်း လောက် တက် လာတယ်။ နောက်ပိုင်းဆို အများကြီးတက်လာနိုင်တဲ့ အနေအထားရှိတယ်။
အဲ့ဒီတော့ ၀မ်းနည်းစရာပြောရလို့ရှိရင်တော့ ပြီးခဲ့တဲ့ အာဆီယံ + ဂျပန်တုန်းက အကျိုးအကြောင်းလေး ပြောပြပါတယ် ဧည့်သည်တွေများလာမယ် ၊ များလာတဲ့အတွက်ကို ဟုတ်လား ၀န်ကြီးချုပ်ရုံးလိုဟာမျိုးတောင်မှ ဟိုတယ်လုပ်ဖို့ ရှိပါတယ်ပြောတယ်။ အဲ့ဒါကို အန်ကယ် ထိုင်နေတဲ့အချိန်မှာ အဲ့ဒါဘယ်လိုလည်းဆိုတော့ ဟေ့ကောင် ငါပြောချင်တာ၊ ပြောချင်တဲ့အကြောင်းအရာက တစ်မျိုး။ ပြောချင်တာက တို့ဂုဏ်ယူပြီးတော့ ဧည့်သည်တွေ ဘယ် လောက် များများလာမလဲ။ လာတဲ့အတွက်တို့ ဘယ်လောက်ထိ လုပ်ဖို့။ ဒီလိုမျိုး အားတတ်သရော ပြောနေတဲ့ကာလ မှာမှ တခါတည်း နှိုက်နှိုက် ချွတ်ချွတ်လိုက်ပြီးတော့ ။ အား… ၀န်ကြီးချုပ်ရုံးကတော့မလုပ်သင့်ဘူးဆိုတဲ့ခေါင်းစဉ်ကြီးနဲ့ ချလိုက်တာ ပွက်လောရိုက်ကုန်ကော။
နောက်တစ်နေ့မှာပဲ သမ္မတကြီးက သိတယ်။ သိတဲ့အချိန်မှာ သမ္မတကြီးက ဒါကြီးတော့ပြည်သူ့ အသံ ၊ ဒီမိုကရေစီရဲ့အနှစ်သာရ ဒါကြီးကို မလုပ်တော့ဘူး။ ရှေးဟောင်းကို တို့လွှဲကြရအောင် ဆိုတော့၊ အင်မတန် ဒါ သူ့ အနေနဲ့  ဒါ စဉ်းစားပြီးလုပ်လိုက်တယ်။ ကောင်းပါတယ်။ ဒါပေမယ့် ပြောချင်တာက တမျိုး ၊ အဆိုးမြင်က တစ်မျိုးနဲ့ ဖောက်ထွက်သွားတာလေးတွေမြင်ရတယ်၊ အခုလည်းပြောနေမှာပဲ၊ အဲ့ဒီထဲကနေပြီးတော့ ဘယ်ကောင်ကဆိုးပြီး ဘယ်ကောင်က ငါ့အတွက် လုပ်နိုင်လည်းဆိုပြီး သွားတယ်။ အခုဆိုရင် သတင်းတစ်ပုဒ် စောစောကပဲ ဂျာနယ် တစ်ခုမှာ ဖတ်လိုက်ရတယ်။ ဘယ်ဂျာနယ်လည်း ဆိုတော့ အဲ့ဒီမှာဖတ်လိုက်ရတယ်။ ခေါင်းစဉ်က ဘာလည်းဆိုတော့ ၀န်ကြီးများ ရုံးကို ဘာလည်းမသိ ဘယ်ပေတံနဲ့ တိုင်းမလဲဆိုတာ။
အဲ့ဝန်ကြီးများရုံးဟာ ဗြိတိသျှက သူရဲ့ နန်းတော်လုပ်ခဲ့တယ်တဲ့ အဲ့မှာရေးထားတယ်။ ခုပဲ ဖတ်ရတယ်။ ဗိုလ်ချုပ်အောင်ဆန်း မကျခင် နှစ်လ၊ သုံးလလောက်က၊ နှစ်လသုံးလလောက်ပဲ သူကရုံးထိုင်လိုက်ရတာ ဟိုးတုန်းက ဗမာတွေ အဲ့ဘက်ကိုဝင်ခွင့်မပေးတဲ့ နေရာတွေ။ အဲ့တာကြီးကိုမြန်မာတွေကနေပြီးတော့ ထိန်းရမလား။ အင်္ဂလိပ်က ထိန်းရမလား။ ကိုယ်အုပ်ချုပ်ဖို့ လုပ်သွားတဲ့ ရုံးကြီးရဲ့ အနေအထားကို ပြတိုက်အနေနဲ့ လုပ်စားရမယ်။ ဒါပေမယ် ထိန်းသိမ်းဖို့တာဝန်က တို့တာဝန်လား အင်္ဂလိပ်ရဲ့တာဝန်လား။ အင်္ဂလိပ် ကျေးကျွန်လုပ်လာခဲ့တဲ့ နေရာကြီးကို သုံးခါ သိမ်းလာခဲ့တဲ့နေရာကြီးကို ပြမလား။ ဒါမှမဟုတ်ဘယ်သူကထိန်းမလဲ။
နိုင်ငံတော်က ထိန်းမယ်ဆို သိန်းငါးထောင်တစ်သိန်းမျိုး ကုန်မယ်။ အဲ့ဒါလည်း ဘယ်သူပိုက်ဆံလည်း နိုင်ငံ တော်ရဲ့ပိုက်ဆံတွေ ဖြစ်တယ်ဘာညာနဲ့ အဲ့မှာရေးထားတာလေးတွေတမျိုးပေါ့။ အမြင်ချင်းက ပေတံချင်းက..။အဲ့မှာမှ တစ်ခါတည်း မရေးပါနဲ့လိုပြောထားတာကိုမီးမောင်းထိုး ရေးလိုက်တဲ့အချိန်မှာ တချို့ကလည်း ကြားပါတယ်။ ငါ အသက်ပေးလို့ ကာကွယ်မယ်။ ဒါကြီးမထိအောင်ဆိုတဲ့ပုံစံမျိုး။ အသက်ပေးစရာ မလိုပါဘူး တစ်ယောက်တစ်သိန်းစီ ထည့်ကြဦး။ ထည့်ပြီး ဒါကြီးကို တို့ maintaines လုပ်မယ်ဆို။ အဲ့ဒီလူတွေ လာမှာမဟုတ်ဘူး။ တစ်သိန်း လာထည့်မှာ မဟုတ်ဘူး။ အသက်သာပေးကြမှာ။ တကယ့်တကယ်ကြတော့ တစ်သိန်းထည့်မှာ မဟုတ်ဘူး။ဆိုတော့ ပုံစံက အမျိုး မျိုး။ ဘာလို့လည်းဆိုတော့ အကောင်းမြင်အဆိုးမြင်ရှိကြတာကိုး။ အဲ့ဒီတော့ အဆိုးမြင်နည်းနဲ့ သွားတယ်။ တစ်ဖက်က ပြန် ကြည့်ရင်လည်း ဒါကြီးကို ဘယ်လိုလုပ်မလဲ။
ဟိုတစ်ပတ်ကလည်းပြောလိုက်သေးတယ်။ ဒါကြီးက ကျားတောင်မွေးလို့ရသေးတယ်။ တောတွေတော်တော် ထူနေတယ်။ landscape ကောင်းကောင်းနဲ့ ပြစားမယ်လို့။ အဲ့တာကြီးကိုပြောလိုက်ကာမှ ကျားမွေးလို့ရတယ် ဆိုတဲ့ အဆင့်ထိကို တခါတည်း မကောင်းမြင်ပြောသွားပါတယ်ဆိုပြီး ဦးခင်ရွှေကိုချပြန်ရော ၊ ချတာမှ ကောင်းတာလေးတွေ ပြောနေတာ ဥပမာလေးတွေပြော နေတာကနေ ချတယ်။ အဲ့ဒီတော့ သတင်းဆိုတာ နှိုက်နှိုက်ချွတ်ချွတ်နဲ့ ဖဆပလ ခေတ်ကလို နာမည်ကြီးတဲ့လူပြောတာကို အနောက်က နေလိုက်ချတာ သတင်းမဟုတ်ပါဘူး။ ဟိုမှာ မီးခွက်မှုတ်တဲ့ ဦးဘရွှေတို့  မီးခွက်မှုတ်တာကိုချတာသတင်းမဟုတ်ပါဘူး။ ဒါတွေအကုန်လုံးက အဲ့ဒီခေတ်ကြီးကလည်းကုန်ခဲ့ပြီ။ နာမည်ကြီးတဲ့လူကိုလိုက်ပြီး ဗြင်းတာ အဲ့ဒီခေတ်ကြီးကကုန်ခဲ့ပြီ။ အခုကတိုင်းပြည်ကတိုးတက်အောင် သွားရတော့မယ် ကာလရောက်ပြီ ။ ရောက်တဲ့အချိန်မှာ သတင်းရဲ့အထောက်အကူလိုချင်လို့ ဒီပွဲမျိုးလုပ်တာ။
တစ်ခါက နှစ်ခါ နှစ်ခါက သုံးခါ ဖြစ်လာရင် သတင်းအပေါ်ယုံကြည်မှုလုံးဝနည်းသွားလိမ်မယ်။ နည်းရင်အခုလို ပေါ့။ ထိုက်ထိုက်တန်တန် လူကြီးမင်းတို့ကိုခေါ်ကျွေးမွေး။ ပြီးခဲ့တဲ့ ဆီဒိုးနားမှာဆိုရင် ခေါ်တယ်၊ ကျွေးမွေးတယ်၊ စာအုပ်တွေပေးတယ်၊ နေ့လယ်စာတွေ ကျွေးတယ်။ သတင်းတွေပြန်ကြည့်လိုက်တာ ဘယ်မဂ္ဂဇင်းမှာမှ အာဆီယံ၊ ဂျပန်ကိုမရေးခဲ့ဘူး။ အေး…မကောင်းတဲ့အမြင်လေးနဲ့ပဲ ဖတ်ခနဲ တစ်နေရာ ၊ နှစ်နေရာမှာတွေ့လို့ ဦးဇင်ယော်ကြီးကို (ဇင်ယော်မောင်မောင်) တစ်နေ့ကဆိုရင် ဦးဇင်ယော်ကြီးရာ ခင်ဗျား ကြည့်ပါဦး….. ခင်ဗျားတို့ သတင်းအဖွဲ့တွေ ဒီလောက်တောင် နိုင်ငံတော်အတွက် အရေးကြီးတဲ့ကဏ္ဍ အာဆီယံ။ ဂျပန်ပေါင်း ၆၀ ကျော် အာဆီယံနိုင်ငံ ၁၀၀ ကျော်လာတဲ့ ဒါကြီးကို တစ်ယောက်မှ မရေးဘဲနဲ့ မဟုတ်က၊ဟုတ်ကတွေရေးတယ်ဆိုတည်းက တော်တော်လေးကို စိတ်ဓာတ်ကျဖို့ကောင်းပါတယ်။ ဘာဖြစ်လို့ဆိုတော့ ဒီကောင်းတာမမြင်တဲ့ သဘောမျိုးသွားဖြစ်နေတယ်။ နိုင်ငံတော် ကသွားနေတဲ့လမ်း ကြောင်း၊ ကောင်းတာပဲ အကောင်းလို့အသိအမှတ်မပြုတဲ့ သဘောမျိုးသာဖြစ်နေတယ်။
မိမိ အချိန်တွေကုန်တယ်။ ငွေဆို သိန်း လေးငါးရာ ကုန်တယ်။ တစ်ယောက်တည်းချရတာ။ ကုန်ပြီးတော့ ဘာကြောင့်လုပ်လဲ ဆို တိုင်းပြည်အတွက်လုပ်တာ အတ္တဆန်ချင်မှတော့ ဗျုးတစ်ခုမှာပြောထားပါတယ်။ ဟိုညီလာခံ တုန်းကဆို နှစ်နဲ့ချီသွားတက်ရတယ်။ ပြီးတော့မှ အခုဆို လွတ်တော်ဆိုရင် အခုဆိုရင် လနဲ့ချီတက်တာ။ မနက် ၁၀ နာရီကနေ ညနေ ၄ နာရီအထိထိုင်နားတောင်ရတယ်။ နောက် ကိုယ်ပိုက်ဆံနဲ့ကိုယ်။ အဲ့ဒီကပေးတာမှ တစ်လမှ လွတ်တော်ကိုယ်စားလှယ်ဖြစ်တာ ၃ သိန်းပဲပေးတာ။ တစ်နေ့သုံးတာ ၄ သိန်းနဲ့ ကိုယ်.. ကိုဥာဏ်ဝင်းတို့ဆီမှာ သွားငှား နေတာ။ ဟိုတယ်နေတယ်။ တစ်နေ့ ၄ သိန်းနဲ့နေတာ ။ ဘာကြောင့်လည်းဆိုတော့ ၀ိုင်းပြီးတော့ ဒီမိုကရေစီ ကို သွားတဲ့ လမ်းကြောင်းမှာ အားလုံးမျှမျှတတနဲ့ ဆင်းရဲမှု ပပျောက်ရေး၊ အလုပ်အကိုင်ရရှိရေး အတွက်ကို။
ဟို.. ဗျူး တစ်ခုမှာ ဟိုတစ်လောကပဲ ဗျုးလိုက်ပါတယ်။ NLD ၀င်ဖို့မ၀င်ဖို့ ကိစ္စ။ အန်ကယ်တို့ အနေနဲ့ ၀င်တွန်းတာ။ အတ္တဆန်ချင်မှတော့ ကိုယ့်ပိုက်ဆံတွေနဲ့ကိုယ် စင်ကာပူမှာသွားပြီး သွားနှပ်နေလို့ရတယ်။ အမေရိ ကား သွားနှပ်နေလို့ရတယ်။ ဒီမှာ အပင်ပန်းခံပြီးတော့။ ပိုက်ဆံတွေ အကုန်အကျခံပြီးတော့၊ ပွဲတွေတက်ပြီးတော့ အခုဆို ဒီလိုပွဲမျိုးတွေလုပ်ပြီးတော့ လုပ်တယ်ဆိုတည်းကိုက သာမန်လူတစ်ယောက်တွန်းတာနဲ့ကို အန်ကယ်တို့ အနေနဲ့ ဆယ်ယောက်စာတွန်းနိုင်လို့ သွားထိုင်တာ။ လွတ်တော်မှာသွားထိုင်တာ။
အန်ကယ်တို့ထက်ကို ဒေါ်အောင်ဆန်းစုကြည် ၁၀ ယောက်စာတွန်းနိုင်ပါတယ်။ ဒါကြောင့် ၀င်လာပါဆိုတဲ့ သဘောမျိုး။ ဟိုနေ့ကပဲအင်တာဗျူးတစ်ခု ဗျူးတာ။ သူ့လယ်ဗယ်( Level ) နဲ့ သူတွန်းနိုင်တဲ့ လယ်ဗယ်တွေရှိတယ်။
အဲ့တော့ အန်ကယ်တို့လို စီးပွားရေးသမား များများစားစားမရှိပါဘူး။ လွှတ်တော်မှာ။ အန်ကယ်နဲ့ ဦးဌေးမြင့်နဲ့ နှစ်ယောက်ပဲ ရှိတယ်။ ဒါကော်မတီရဲ့ ဥက္ကဌရဲ့နှစ်ယောက် သွားရှိတယ်။ ဒါပိုတွန်းနိုင်တယ်။ ပိုပြောနိုင်တယ်။ သူများ ပြောတာထက်ပိုပြောနိုင်လို့။ အချိန်တွေ ငွေတွေ အကုန်ခံပြီး လုပ်ခြင်းဖြစ်ပါတယ်။ နောက် ဒီ MTB လုပ်တယ်ဆိုတာ လည်း ရေးကြတာပဲ။ အာဖျံကွီးတို့ ၊ ဘာတို့ ညာတို့ ကအစ ။ အကြံအဖန်လုပ်ချင်လို့လုပ်တယ်ဆိုတာ။
အားလုံးသိပါတယ်။ အထဲဝင်လာကြည့်ပါ။ ကိုယ့်ရဲ့အချိန်တွေ၊ငွေတွေ ဘယ်လောက်ထိ ကုန်တယ်ဆိုတာ။ ဒီပေါ်မှာ တပြားတချပ်မှ လုပ်တဲ့လူတွေအားလုံးဟာ မရဘူး။ မလုပ်ဘဲနေလည်းရတဲ့ပုဂ္ဂိုလ်တွေ ချည်းပဲ အကုန်လုံး။ ကိုယ့်ဟာကိုယ်စားနိုင်တဲ့ပုဂ္ဂိုလ်ချည်းပဲ။ နိုင်ငံခြားမှာ သွားပြီးတော့ မီလျှံနာ ဆိုတဲ့နာမည်ခံပြီးနေနိုင်တဲ့ ပုဂ္ဂိုလ်တွေ အကုန်လုံး လုပ်နေကြတဲ့အနေအထား။ ဘာကြောင့်လုပ်လဲဆိုတော့ မြန်မာနိုင်ငံကို ခရီးသည်တွေလာကြမယ်။ လာကြတဲ့အခါကျရင် ဈေးရောင်းတဲ့ လူတွေကအစ။ လမ်းဘေးကလူတွေကအစအကုန်လုံး အလုပ်အကိုင်တွေရ သွားကြမယ်။ ၃သိန်းကနေပြီး ၃သန်းလောက် ဖြစ်လာတဲ့အခါ ကျလို့ရှိရင် အကုန်လုံးအလုပ်အကိုင်နဲ့ စားဝတ်နေရေး တွေ ပြေလည်မယ်။
မီဒီယာဆိုရင်လည်း မီဒီယာကအကုန်လုံးရသွားစေချင်တဲ့ဆန္ဒလေးတစ်ခုနဲ့ ကိုယ့်ကိုကိုယ်အတ္တမဆန်ဘဲနဲ့ ဒီထဲ ၀င်လုပ်နေခြင်း ဖြစ်ပါတယ်။ ဒါလေးကိုတော့နဲနဲအသိအမှတ်လေးပြုပေးကြပါ။ဘာကြောင့်လုပ်လဲဆိုတာ အားနေ လို့ အားအား ယားယားလုပ်တာလည်း မဟုတ်ဘူး။ နော်။
နောက်။ အဓိကအားဖြင့်ပြောရရင်တော့ ဟိုတယ်ဝန်ကြီးဋ္ဌာနရဲ့ဝန်ကြီး၊ အားကစားဝန်ကြီးဋ္ဌာနရဲ့ဝန်ကြီး။ နှစ်ဌာနကိုကိုင်ထားတဲ့ ၀န်ကြီးဆိုရင်လည်း အန်ကယ်တို့စီးပွားရေးသမားထဲကနေပြီး ၀န်ကြီးဖြစ်သွားတာ။ သူ့ခမျာ ၀န်ကြီးဖြစ်တဲ့အတွက်ကြောင့် အန်ကယ့်အနေနဲ့ ဖိုးကပ်စ်လုပ်ရရင် အခုဆို ၆လမှာ သူ့ရဲ့ကိုယ်ပိုင်ဝင်ငွေ မသုံးဘူး ဆိုရင် သိန်း၁သောင်းအနည်းဆုံးသုံးပြီးသွားပြီ။ ဘာဖြစ်လို့ လဲဆိုတော့ ပြီးခဲ့တဲ့နေပြည်တော်မှာ မဏ္ဍပ်တွေဆောက် တယ်။ သူ့ပိုက်ဆံနဲ့သူဆောက်တယ်လေ။
ဘာလုပ်လုပ်သူ့ပိုက်ဆံနဲ့သူ။ ဘာကြောင့်ဝန်ကြီးကကိုယ့်ပိုက်ဆံနဲ့ကိုယ်လုပ်ရသလဲဆိုတော့ ….။ ပြချင်တာ။ ကိုယ့်သမိုင်းကိုယ် ရေးချင်တာ။ ငါ့သမိုင်းမှာ ငါဘယ်လောက်ထိကောင်းအောင်လုပ်ခဲ့လဲ။ အန်ကယ်ကိုယ်တိုင်လည်း သမ္မတကြီးကို သွားပြောတယ်။ သမိုင်းရေးချင်လို့ ကျွန်တော်တို့ဒီထဲဝင်လာတာ။ ကျွန်တော်တို့က ငွေမလိုဘူး။ သိန်း ၅သောင်းမျိုး၊ ၁ သိန်းမျိုး လာဘ်လာဘ လာပေးလည်း အန်ကယ်တို့မလိုဘူး။ ဘ၀မှာလုံလောက်သွားပြီ။ ဘာပဲဖြစ်ဖြစ် ထိုင်နေလို့ရပြီ။ သားစဉ်မြေးဆက် စားလို့လည်း မကုန်တော့ဘူး။ ဒါပေမယ့် တဖက်မှာ တာဝန်ကျေချင်တယ်။ တိုင်းပြည်အတွက်ကိုသမိုင်းရေးပြချင်လို့ ဒါတွေလုပ် ခြင်းဖြစ်ပါတယ်။
လုပ်ငန်းတစ်ခု လုပ်တိုင်းလုပ်တိုင်းမှာ စီးပွားရေးအရ အင်တာဗျူးဆိုလည်းအများကြီးပဲ။ ကိုတေဇတို့၊ ကိုဇော်ဇော်တို့ဆို ဟိုဟာ လည်းသူ၊ ဒီဟာလည်း သူဆိုရင်၊ အန်ကယ်ပြောလိုက်တာတစ်ခုပဲရှိတယ်။ လုပ်နှိုင်တဲ့သူ လက်ထဲကို လုပ်မယ့် လုပ်ငန်းရောက် သွားတာပဲ ဖြစ်တယ်။ လူ တစ်ယောက်ဟာ အလုပ်မရှိရင် ကိုယ့်ရဲ့စားဝတ် နေရေးအတွက် သိပ်ဒုက္ခရောက်ပါတယ်။ အဲဒီတော့ သူ့အတွက်ကို အလုပ် တစ်ခုပေး လိုက်ရင် စားဖို့လေးရှိမယ်။ ကလေးကျောင်းထားဖို့ရှိမယ်။ အဲဒီအတွက်သူ့ကိုနောက် တစ်ခုပေးလိုက်ရင် သူ့ကိုနိမ္ဗာန် Pluses လို့မသုံးဘူး။ Minusလို့သုံးမယ်။ လုပ်ငန်းများလေများလေ သူ့အတွက် Minus ဖြစ်ပြီးတော့ သူ့အတွက် အချိန်တွေ …………………..
…………… အန်ကယ်တို့လုပ်ငန်းတွေလုပ်တယ်။ ဥပမာ-ပြောကြတယ်။ ဘိလပ်မြေစက်ရုံ ဘီးလုံးကြီးကိစ္စ။ ဒေသဖွံ့ဖြိုးရေးအခန်းကိုသွားလုပ်တယ်။ ဒါကြီးဆို သန်း၁၅၀-၂၀၀လောက်ရှာဖွေရတာတစ်မျိုး၊ ပြဿနာကသောင်း ခြောက်ထောင်ကတစ်မျိုး၊ ဒီပေါ်မှာ အတ္တဆန်ဆန် နိုင်ငံရေး ပယောဂတွေ၊ မီဒီယာ ပယောဂတွေက ၀ိုင်းတိုက်တာ ကတစ်မျိုး။ မလုပ်ရင်ဘာဖြစ်လဲ၊ မလုပ်ရင်ပိုပြီးနိဗ္ဗာန်ရောက်နိုင်တယ်။ လုပ်တဲ့အတွက် ငရဲရောက်တာ။ အများ အတွက်ကို မလုပ်ပဲမနေနိုင်လွန်းလို့ဝင်လုပ်ကြတာ။ ဒီအချိန်မှာ မီဒီယာလက်နက်နဲ့ဝိုင်းပြီးတော့ ကောင်းတဲ့လမ်း သွားရာကနေ ပြီးတော့ ၀ိုင်းပြီးတွန်းချမယ်၊ ချောက်ထဲတွန်းချမယ်ဆိုရင် မီဒီယာကလည်းတာဝန်ကျေမှာမဟုတ်ဘူး။ ပြီးတော့မှ ကိုယ့်ဟာကိုယ်ပိုက်ဆံရအောင်ရှာ။ ပြီးတော့ အတိုင်းအတာတစ်ခုထိရောက်ပြိးတော့ အိမ်မှာပဲ ကားနဲ့နေ မယ်။ ဂေါက်သီးရိုက် နေမယ်။ ပြီးတော့မှ နိုင်ငံခြားလေးထွက်မယ်။ သွားနေမယ်ဆိုရင် အန်ကယ်တုိ့လို စီးပွားရေး တစ်ယောက်အနေနဲ့လဲ တာဝန်ကျေမှာ မဟုတ်ဘူး။ တိုင်းပြည်အတွက်။
အဲ့တော့ ဒီနေ့နိုင်ငံတော်မှာလုပ်နေတဲ့ စီးပွားရေးသမား လက်ထောင်ရေလို့ရပါတယ်။ အားလုံးဟာ လုပ်မယ့်သူမရှိလို့ ကိုယ့် ဒုက္ခကိုယ်ရှာပြီးလုပ်တာ။ အကုန်လုံးမေးကြည့်လိုက် ခင်ဗျားတို့ပျော်နေကြသလားလို့။ မပျော်ကြပါဘူး။ ဘာဖြစ်လို့လဲဆိုတော့ ဘီးကြီးလိုပဲ။ ဘီးကြီးပေါ်ရောက်ပြီးတဲ့အချိန်မှာ အဲ့ဒီဘီးကြီးဟာ ရပ်လို့မရလို့ လည်နေရတဲ့ အနေအထားများသာရှိတယ်။ ဒါကြောင့် မိမိရဲ့ အမြင်လေးတစ်ခုတည်းနဲ့ ခုနကလိုပေါ့ ၀န်ကြီးများရုံးကို အမြင်လေးတစ်ခုနဲ့ပြောမဲ့အစား အမြင်တွေကျယ်ကျယ်ပြန့်ပြန့်စဉ်းစားဖို့ လိုတယ်။
အခုလဲ မဲခေါင်ရဲ့ ခရီးသွားပြပွဲ ဓာတ်ပုံတွေ ဘာတွေညာတွေပြတဲ့အချိန်မှာလည်း နိုင်ငံတော်အတွက် အများကြီးကောင်းတဲ့ပြပွဲကြီး။ နောက်မဲခေါင်ဒေသမှာရှိတဲ့ တကယ့်ပုဂ္ဂိုလ်တွေခေါ်ပြီးပြမယ်။ ပုဂံကဘယ်လို၊ နိုင်ငံက ဘယ်လို။ ပြီးခဲ့တဲ့ အာဆီယံမှာလဲ ဂျပန်ကအစ လက်ခံသွားတယ်။ မြန်မာနိုင်ငံဟာ တကယ်တမ်းလာပြီးကြည့်ရင် တကယ်တမ်းအေးချမ်းတယ်။ သာယာတယ်ဆိုတာ သူတို့လက်ခံတယ်…………
………. ပြည်ပမှာ မြန်မာနိုင်ငံဟာ ချို့နဲ့နေတဲ့အခါကျတော့ မြန်မာနိုင်ငံကနေ တစ်နေရာကိုသွားပြီး တစ်ပတ် လောက်နေလိုက်တာနဲ့ သတင်းစာဖတ်လိုက်တာနဲ့ ဟာ…. မြန်မာနိုင်ငံမှာ ကေအိုင်အေကပဲ ရန်ကုန်မြို့အထိ ရောက်နေပြီ…ဘာကဘာဖြစ်နေပြီ ကြောက်ခမန်းလိလိသတင်းတွေက ကြားနေရတယ်။ တကယ်တမ်းကျတော့ ဒီထဲမှာ ကြည့်လိုက် ဘယ်လောက်အေးချမ်းနေလဲအားလုံး သတင်းသမားတွေအသိပါ။ နယ်စပ်ကအစ ကြိုက်တဲ့ဆီ သွားနိုင်တဲ့ အနေအထားမျိုးတွေရှိပါတယ်။
ဒါကြောင့်မို့ သတင်းဆိုတာ မဟုတ်တာရေးမှ သတင်းမဟုတ်ပါဘူး။ ဟုတ်တာလေးတွေလဲ တိုင်းပြည် အတွက် တစ်ဖက်ကနေ ပြန်ပြီးတော့ အထောက်အကူဖြစ်ဖြစ်ပြန်လုပ်ကြပါ။ နောက်တစ်ခုက မိမိအမြင်လေးတွေပေါ့ ဒီ့ထက်ထိ ကိုအမြင်လေးတွေ ကောင်းလာအောင် ခဏခဏလဲပြောတယ်။ အန်ကယ်တို့က စာအုပ်တစ်အုပ်ဖတ်ပြီ ဆိုရင် ပိုက်ဆံ ပေးပြီးဖတ်ရတဲ့အတွက် တန်အောင် ကိုယ့်ထက်တတ်တယ် ဒီမှာရေးတဲ့ပုဂ္ဂိုလ်တွေအကုန်လုံးဟာ ငါ့ထက်တတ်တယ် လို့ယူဆလို့ကိုယ့်အိတ်ထဲက ပိုက်ဆံထုတ်ပြီးဖတ်ခြင်းဖြစ်ပါတယ်။ အန်ကယ်တို့ဒီမှာ စီးပွားရေး သမားတွေရော အခု ဒီမှာရှိတဲ့ပုဂ္ဂိုလ်တွေထက်တတ်အောင် ကြိုးစားပေးပါ။ ဘာဖြစ်လို့လဲဆိုတော့ အန်ကယ်တို့ အနေနဲ့ ပိုက်ဆံကုန်ရကျိုး နပ်ပါတယ်။ ဒီစာရွက်ဖတ်ပြီးတော့ ကုန်ချင်ပါတယ်။ တန်အောင်လဲကုန်ချင်ပါတယ်။ တန်အောင်လည်း မိမိတစ်ဦးချင်း တစ်ဦးချင်းကလည်း ထိုက်ထိုက်တန်တန်လေးတွေရေးပေးပါလို့ ကျွန်တော်အနေနဲ့ မေတ္တာရပ်ခံလိုပါတယ်။
အဲ့တော့ ကျွန်တော့်အနေနဲ့ နိဂုံးချူပ်ရလို့ရှိရင် ဒီကနေ့ အင်မတန်ကံကောင်းစွာနဲ့ လွတ်တော်က ဒီနေ့ တစ်ရက်နားတဲ့ အတွက်ကြောင့် လာရောက်တွေ့ဆုံခွင့်ရတဲ့အတွက်ကြောင့်လည်း အများကြီးကျေးဇူးတင်ပါတယ်။ အခုဆိုရင် နိုင်ငံတော်ဟာ ကောင်းတဲ့ လားရာကို ရွေ့နေပါပြီ ။ စီးပွားရေးရော၊ လူမှုရေးရော၊ ခုနတုန်းက အကုန်လုံး ရွေ့လျားနေတဲ့အချိန်မှာ စတုထ္ထမဏ္ဍိုင်ဖြစ်တဲ့ သတင်းအဖွဲ့တွေ အားကိုးပါရစေ။ အဲ့တော့ တကယ်တမ်း မကောင်းရင် လဲ မကောင်းတာပေါ့။ လမ်းလေးတည့်တည့်သွားနေတုန်း တွန်းလိုက်လို့ ဘေးရွေ့တာထက်စာရင် ဘေးကိုရွေ့နေတာ လေးကို အလယ်ကိုပြန်တွန်းဖို့ပဲအရေးကြီးတယ်။
ဒီတော့မှ စတုထ္ထမဏ္ဍိုင်ဖြစ်တဲ့ မီဒီယာတကယ်အလုပ်လုပ်ပါ။ တည့်တည့်သွားနေတာကို တွန်းနေမှတော့ တည့်တည့်မသွားပဲဘေးများစောင်းသွားရင် အန္တရာယ်သိပ်ကြီးပါတယ်။ ဒါကြောင့် စတုတ္တမဏ္ဍိုင်ဟာ အရေးကြီးပါတယ်။ ဒါကြောင့်မိမိတို့အမြင်တွေအတွေးအခေါ်တွေအားလုံးကိုတော့ကျွန်တော်တို့ဖတ်နိုင်အောင်လို့ ကျွန်တော်တို့ထက် တော်အောင်လုပ်ကြပါလို့ ပြောကြားရင်း နိဂုံးချူပ်အပ်ပါတယ်။””
ပြည်သူက ရွေးချယ်ထားသည့် လွှတ်တော်ကိုယ်စားလှယ်တစ်ဦးလည်းဖြစ်ပြီး နိုင်ငံတော်မှချီးမြှင့်သည့် ဘွဲ့ တံဆိပ်များ ရရှိထားကာ မြန်မာနိုင်ငံဟိုတယ်နှင့် လုပ်ငန်းရှင်များအသင်း ဥက္ကဌ ၊ မြန်မာနိုင်ငံခရီးသွားလုပ်ငန်းအဖွဲ့ (MTB)ဥက္ကဌ၊ ဂျပန်-မြန်မာလုပ်ငန်းရှင်များအသင်း ဥက္ကဌ၊ မြန်မာနိုင်ငံခရီးသွားလုပ်ငန်းရှင်များအသင်းဥက္ကဌ လည်းဖြစ် သည့် ဦးခင်ရွှေ(ဇေကမ္ဘာ) ၏ အထက်ပါပြောစကားများတွင် သတင်းမီဒီယာများအပေါ် ပုတ်ခတ်သည့်စကားလုံးများ ထည့်သွင်း ပြောကြားခြင်းသည် စတုတ္ထမဏ္ဍိုင်၏ ဂုဏ်သိက္ခာကို ထိခိုက်ကျဆင်းစေသည်ဟု ရှုမြင်ပါသည်။
သတင်းစာဆရာများအနေဖြင့်ဝေဖန်အကြံပြုပြောဆိုခြင်းအပေါ်ကြည်ဖြူစွာလက်ခံနိုင်သော်လည်း အထက်ပါ ကဲ့သို့ပြောဆိုခဲ့ခြင်းသည်သတင်းစာဆရာများ၏ကျင့်ဝတ်နှင့် အတတ်ပညာဆိုင်ရာများကို ၄င်း၏အမြင်ဖြင့် လက်လွတ် စပယ် ပုတ်ခတ်ခြင်းပင်ဖြစ်သည်ဟု သုံးသပ်ပါသည်။
သို့ဖြစ်ပါ၍ ဦးခင်ရွှေ၏ပုတ်ခတ်ပြောဆိုခြင်းအပေါ် သတင်းစာဆရာများမှ ကန့်ကွက်ပါကြောင်း လက်မှတ်ရေး ထိုးပါသည်။
သတင်းစာဆရာများ
(မှတ်ချက်။ ။ ကန့်ကွက်စာ၊ ကန့်ကွက်ကြောင်း လက်မှတ်စာရင်းများနှင့်အတူ ၎င်းပြောကြားခဲ့သည့် အသံဖိုင် မူရင်း စီဒီအား ပူးတွဲပေးပို့အပ်ပါသည်)
မိတ္တူကို -

- သမ္မတ၊ နိုင်ငံတော်သမ္မတရုံး
- ဥက္ကဌ၊ အားကစား၊ ယဉ်ကျေးမှုနှင့် ပြည်သူ့ဆက်ဆံရေးဖွံ့ဖြိုးတိုးတက်မှုကော်မတီ
- ပြည်ထောင်စုဝန်ကြီး၊ ပြန်ကြားရေးဝန်ကြီးဌာန
- ပြည်ထောင်စုဝန်ကြီး၊ ဟိုတယ်နှင့်ခရီးသွားလာရေးဝန်ကြီးဌာန
- ၀န်ကြီးချုပ်၊ ရန်ကုန်တိုင်းဒေသကြီးအစိုးရ
- ဥက္ကဌ၊ မြန်မာနိုင်ငံ စာပေနှင့်စာနယ်ဇင်းအဖွဲ့
- ဒုတိယဥက္ကဌ၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ