လင်ယူချင်ယူ သားသမီး မမွေးနဲ့

by Thenanda Tun on Wednesday, 16 November 2011 at 14:01

 

                    ထောင်းခနဲဖြစ်သွားတဲ့ စိတ်ကို ဖြစ်ညှစ်မျိုချပြီး ပါးစပ်ဖျားကနေ ထွက်အံကျလာတော့မယ့် စကားလုံးတွေကို အတင်းကို တားဆီးနေရတယ်။
                     ဒင်းလုပ်ပုံ ကြည့်ဦး။ ဒင်းဆိုတာ ကျုပ်သားမက်။ ကျုပ်ရဲ့ တစ်ဦးတည်းသော သားမက်။
                    ကျုပ်အေ မနက်က ဈေးသွားရင်း ငါးခူလေး ၃၀ သား ဝယ်ခဲ့တယ်။ အိမ်ရောက်တော့ တစ်ချက်ခုတ် နှစ်ချက်ပြတ် စိတ်ကူးပေါက်တာနဲ့ ငါးခူအသားကို လင်တော်မောင်အတွက် ကြော်၊ ငါးခူခေါင်းကို ပြုတ်၊ ထောင်း၊ ရေစစ်၊ နောက်ဖေးက ငှက်ပျောပင် သေးသေးတစ်ပင်ခုတ် မုန့်ဟင်းခါးချက်ဖြစ်တယ်။ ကိုယ်စားရတော့လည်း သမီးတော်ကို သတိရပြန်ရော။ ဒါနဲ့ ချိုင့်နဲ့ထည့်ပြီး သူ့အိမ်ကို ချီတက်။ သူ့အိမ်နဲ့ ကျုပ်အိမ်က ၅မှတ်တိုင်လောက်တော့ ကားစီးသွားရတယ်။ သူ့အိမ်ရောက်တော့ သမီးတော် မျက်နှာသိပ်မလှဘူး။ ဒါလည်း ကိုယ့်အလုပ်မဟုတ်ပါဘူးလေ။ သားမက်တော်ကို ကြည့်ပြန်တော့လည်း မျက်နှာက မည်းလို့။ သိလိုက်ပြီ။ အခြေအနေတွေ တင်းမာနေမှန်း။ အဲဒါနဲ့ ကျုပ်လည်း ခုံတစ်ခုံမှာ အသာထိုင်ပြီး အရိပ်အခြည် အကဲခတ်နေတာပေါ့။
                   “ ဒိန်း”
                   “အောင်မလေး သောက်ပလုတ်တုတ်”

                   တံခါး ဆောင့်ပိတ်လိုက်တဲ့ အသံ။ ကြည့်လိုက်တော့ သားမက်တော်။
ဟင် ယောက္ခမတစ်ယောက်လုံး ငုတ်တုတ်ထိုင်နေတာကို ဒင်းက။ ငါ့ပါးစပ်ကနေ အယုတ်အနတ္တတွေ ထွက်လာတော့မှာပဲ။ မဖြစ်ချေဘူး။ ပြန်မှ။ အုတ်ပုံ မျက်နှာမကြည့်နဲ့၊ ဂုဏ်တော် ဓါတ်တော် မျက်နှာကြည့် ဆိုတဲ့ တိုင်းရင်းသား စကားပုံ တစ်ခုလိုပဲ။ သမီးမျက်နှာကို ကြည့်ရဦးမယ်။ ငါတယ် ပြောချင်လိုက်တာများ ပါးစပ်ကို ယားလို့။
                     ကျုပ်လည်း အဲဒါနဲ့ မုန့်ဟင်းခါးချိုင့်ကြီး ထားခဲ့ပြီး မှီရာကားနဲ့ အိမ်ကို ပြန်ခဲ့ပါရော။
                     “ခံ ကောင်မ၊ ခံ ………….ညည်းထိုက်နဲ့ ညည်းကံပဲ”
အဲကောင်မ ဒီကောင်နဲ့ ကြိုက်တော့ ကျုပ်တို့ကိုတိုင်ပင်တာ မဟုတ်ဘူး။ သူ့ဘာသာသူ ကြိုက်လာ ယူခါနီးမှ မိဘကို ပြတာ။ ကျုပ်က  ဘာမှ ကြိုတင်သိရတာ မဟုတ်ဘူး။ အိမ်ကို စလာတဲ့ နေ့ကိုလည်း ကြည့်ဦး။ စက်ဘီးလေးနဲ့။ ကျုပ်တစ်ယောက်လုံး ငုတ်တုတ်ရှိနေရဲ့နဲ့ အိမ်ထဲမှာ စက်ဘီးကို သော့ခတ်လိုက်သေး။ သိနေတယ် အဲဒီကတည်းက။ ဥစ္စာခြောက်မှန်း။ ဥစ္စာခြောက်ချက်ကတော့….သူ့ခြံထဲက သင်္ဘောသီး၊ သင်္ဘောရွက်ဆို သူများထက်ပိုကောင်း၊ ပိုချို၊ ပိုတန်ဖိုးရှိ။ သဘောင်္ရွက်နု တစ်ရွက် နှစ်ရွက်ကအစ တွန့်တိုတာရယ်။
               ကျုပ်သမီးခမျာမှာလည်း သူ့လင် အကြောကိုသိထားလေတော့ ကျုပ်တို့ကို ငွေလေး ကြေးလေး ပေးချင်ရင်တောင် မသိတစ်မျိုး သိတစ်မျိုး ပေးရတာကလား။ ကျုပ်မှာ ဒီသမီးလေးတစ်ယောက်ရှိတာအေ။ အိမ်ကလည်း သိပ်မဝေးတော့ နေ့တိုင်းတွေ့ချင်တာပေါ့။ ဒါပေသိ သကောင့်သားက မိဘအိမ်သွားလို့ ကြာရင်တောင် သိပ်မကြိုက်ချင်ဘူး။ ဆောင့်ဆောင့် အောင့်အောင့် မျက်နှာရှစ်ခေါက်ချိုးနဲ့။ သူ့မိဘအိမ်လည်း သိပ်မသွားဘူးတော်ရေ။ နေနိုင်ချက်။
                အဲဒီကောင်မမို့လို့သာ ဒီလင်မျိုးနဲ့ ပေါင်းနေတာ။ ကျုပ်ဆို တစ်မနက်တောင် သက်တမ်းကြာမှာ မဟုတ်ဘူး။ ကျုပ်တို့လည်း လင်ယူလာတာပါအေ။ တစ်နယ်တစ်ကြေးက မိဘအိမ် တစ်လကိုးသီတင်းပြန် လင်ပါခေါ်သွား၊ စုစုရုံးရုံးနဲ့ ပျော်စရာ။ ကျုပ်လင်က အရက်ကလေး သောက်တတ်ပေမယ့် အရည်ဝင်ရင် ပိုတောင် စိတ်ကောင်းရှိသေး၊ မျက်နှာချိုသေး။ မိဘကို ခိုးပေးစရာလည်း မလိုပါဘူး။ ဟိုခေတ်က သူ့မိဘ ၁၀၀၀ ဆို ကိုယ့်မိဘ ၁၀၀၀ ပဲ။ သူ့အမေ ထမီတစ်ထည်ဆို ကိုယ့်အမေလည်း ထမီတစ်ထည်ပဲ။ ရွာက အမျိုးတွေများ ကားတစ်စီးတိုက် ဘုရားဖူးလာလို့ ငြိုငြင်ရကောင်းမှန်းလည်း မသိပါဘူး။ ချက်ဟယ် ပြုတ်ဟယ်ပါပဲ။ နှစ်ဘက်မိဘများ ပျော်လို့လားမသိ ကျုပ်တို့အိမ်မှာ အလှည့်ကျ တစ်ယောက်တက် တစ်ယောက်ဆင်းပဲ။
                      အခုဟာကအေ သူ့အိမ်ကို သူများသွားရင်လည်း မကြိုက်၊ သူများအိမ်ကိုလည်း မသွား။ သူ့ဗိုက်နဲ့ သူ့မိန်းမ အပြင် ဘယ်သူ့ကိုမှ သထာတာ မဟုတ်။ ဒါတောင် ကျုပ်တို့ ချီးဂရု သေးဂရု မပြုစုရသေးဘူး။ အရက်မသောက် ဖဲမရိုက်တာက လွဲရင် လူတွေနဲ့ ဆက်ဆံလို့ အံဝင်တာ ဘာရှိတုန်း။
                   ကိုယ်နေထိုင်မကောင်းလို့များ ဆေးခန်းသွား ဘာသွား ဒီသမီးကလေးပဲ ခေါ်သွားစရာရှိတာ။ ပြန်လာရင် သူ့လင်မျက်ခွက်ရှစ်ခေါက်ချိုးကို မြင်ရတာ စိတ်မသက်မသာတာနဲ့ ကျုပ်လည်း နောက်ဆို တစ်ယောက်တည်းပဲ သွားလိုက်တော့တယ်။
                    ကျုပ်ကတော့ မပြောပါဘူး။ သူတို့ကို။ ကြာကြာဝါးမယ့်သွား အရိုးကြည့်ရှောင် တဲ့။ ကိုယ့်သားသမီးမျက်နှာက ရှိသေးတယ် မဟုတ်လား။ ကျုပ်စိတ်ပေါက်လာတိုင်း ကျုပ်လင် ကိုအေးမောင်ကိုပဲ မဲတော့တာ၊ ရင်ဖွင့်တော့တာ။
                   “တော့် သမီးကလေ………………..တော့် သားမက်ကလေ” ဆိုပြီး
သူကလည်း ကိုအေးမောင်ဆိုတဲ့အတိုင်းပဲ။ အေးတာပဲပြောပြော အတယ်ပဲဆိုဆို ဘာမှကို ဝင်မပြောဘူး။ ထောက်လည်း မထောက်ခံဘူး။ ဟိုဘက်နားကနေဝင် ဒီဘက်နားကနေထွက် နားထောင်နေတာ နေမှာပေါ့။
                  သားသမီးဆို စိတ်နာတယ် တကယ်ပဲ။ ဒီခေတ်လိုများ ဆေးဝါးတွေရှိလို့ကတော့ ဒင်းလူဖြစ်မလာဘူး။ အမိုက်ခံပြီး မွေးမနေဘူး။
                  သူတိုိ့ကို ပြုစုရ ကျွေးမွေးရ စာသင်ရ ထိန်းကျောင်းရနဲ့ နောက်ဆုံးတော့ လင်ယူပြီး ဘာအကူအညီရလဲ။ အလကားဟာတွေ။ ကျုပ်လင်ဆို အခုထိ ရတဲ့လစာလေးကို တစ်ပြားမကျန် အပ်တုန်း။ လက်ဖက်ရည်ဖိုး ၅၀၀ယူဆို ၅၀၀ ပဲယူတာ။ ကန်စွန်းရွက်ကြော်တစ်ခွက်တည်းနဲ့ ကျွေးလို့လည်း ချေးဂျွတ်မများဘူး။
                  အဲဒါကြောင့် ကျုပ်သမီးကိုလည်း ပြောထားတယ်။
“ညည်း ကလေးမမွေးတာ ကောင်းတယ်။ နို့မဟုတ်ရင် ညည်းလိုသမီးမျိုးထွက်လာပြီး ညည်း ကျုပ်ဝဋ်လည်နေမယ်" လို့။ ပြောသာပြောရတာ မြေးတော့ချီချင်သား။ အဲဒီကောင် မျက်ခွက်သာ မမြင်ချင်တာ။
                  အဲဒါပါပဲ အေ။ ဇာတ်လမ်းတွေ အများကြီးရှိသေး။ ဒင်းတို့အကြောင်းပြောရရင် တစ်ထောင့်တစ်ညပုံပြင်ထက်များလို့ မိုးလင်းသွားမယ်။ ကိုယ်ကြိုက်လို့ ကိုယ်ယူတာပဲ။ ဘယ်သူအပြစ်ပြောမှာလဲ။ ကိုယ့်မိဘ ညီအစ်ကို မောင်နှမ လိုအပ်နေတဲ့အချိန် ငွေအား မပြောနဲ့ လူအားလေးနဲ့သော်မှ အကူအညီ မဖြစ်နိုင်ရင် ဘာလုပ်တော့မလဲ ဒီလင်ယူပြီး။ မိဘတွေမှာတော့ မျှော်လင့်ချက်နဲ့။ အခုတော့ ကျုပ်မှာချည်း မျိုချထားရတာ များလွန်းလို့ ရောဂါရမှာတောင် စိုးရတယ်။
                 သမီးလေးတစ်ကောင် မွေးမိပါတယ်အေ။ ကိုယ့်သမီးကို ထမင်းနပ်မှန်အောင်ရှာကျွေးပြီး ကိုယ်ထိလက်ရောက် မရိုက်နှက် မဆဲဆိုတာကိုပဲ ကျုပ်မှာ အဲဒီသားမက်ကို ကြံဖန်ကျေးဇူးတင်နေရသေး။
                 နောက်ဆုံး ကျုပ်ပြောချင်တာက လင်ယူချင်ယူ သားသမီးမမွေးနဲ့။ အဲဒါ ကျုပ်ကိုယ်တွေ့။ ကျုပ်ဘဝနဲ့ ရင်းပြီးမှရတဲ့ အတွေ့အကြုံ။ မယုံလို့ မွေးမယ်ဆိုရင်လည်း စိတ်မာမာထား တော်ရေ့။ ကျုပ်လိုမျိုးတွေ ကျုပ်ထက်ဆိုးတာတွေ ကြုံလာနိုင်လို့ပဲ။
                    (ကြီးဒေါ်ကြီးတစ်ယောက်၏ ရင်ဖွင့်ချက်အား ခံစားရေးဖွဲ့သည်။)
http://www.facebook.com/notes/thenanda-tun/%E1%80%9C%E1%80%84%E1%80%B9%E1%80%9A%E1%80%B0%E1%80%81%E1%80%BA%E1%80%84%E1%80%B9%E1%80%9A%E1%80%B0-%E1%80%9E%E1%80%AC%E1%80%B8%E1%80%9E%E1%80%99%E1%80%AE%E1%80%B8-%E1%80%99%E1%80%B1%E1%80%99%E1%80%BC%E1%80%B8%E1%80%94%E1%80%B2%E1%82%94/312967798713634