ရွှေချဖို့လိုပါသည်

( အောင်သင်း )

by Chan Myae on Saturday, November 26, 2011 at 2:49pm

 

ယခုတလောတွင် ရာသီဥတု ပူနွေးလာသည်။ ပတ်ဝန်းကျင်ကို ထိန်းသိမ်းရမည်။ သစ်တောသစ်ပင် တွေကို စောင့်ရှောက်ရမည် ဟူသော အသံတွေကို ကျွတ်ကျွတ်ညံ အောင်ကြားနေရသည်။ ထိုသို့သော ကယ်ပါယူပါ အသံတွေ ထွက်လာသည်မှာ နည်းနည်းတောင် နောက်ကျနေပြီလားဟု စိုးရိမ်နေမိခဲ့သည်။ တကယ်တော့ လွန်ခဲ့သော နှစ်ပေါင်းနှစ်ဆယ် လောက်က ထွက်ခဲ့ဖို့ကောင်းသည်။
အရင်းရှင်စနစ်ကြောင့် မိုးခေါင်ရသည် ဟုပြောလိုက်လျှင် ကျွန်တော့်ကို ကွန်မြူနစ် လေသံပါလား၊ လက်ဝဲ ဆန်လှချည်လား၊ ဒီအရွယ်မှ ဘာတွေထကြောင် နေပြန်သလဲဟု ပြောကောင်း ပြောကြပါလိမ့်မည်။
ထို့ကြောင့် ရေလည်အောင် ပြောရပါတော့မည်။ ယခုပြောမည့် စကားတွေကို ကျွန်တော် ပြောခဲ့သည်မှာ နှစ်ပေါင်း ၄-၅၀ လောက် ရှိပါပြီ။ လူကြားသူကြားထဲမှာ ပြောခဲ့သည်က နှစ်ဆယ်အစိတ်ရှိပါပြီ။ ထိုသို့ စဉ်းစားလိုက် သောအခါ စောစောစီးစီး အသိဥာဏ်ပွင့်ခဲ့ ပါကလားဟု ဘ၀င်တောင် မြင့်လိုက်ရမလိုလို အောက်မေ့ လိုက်မိသေးသည်။

တကယ်ဆိုတော့ သစ်တောဘက် အရာရှိအမှုထမ်း တွေက ဟိုးအရင် အစောကြီး ကတည်းက သစ်တောနှင့် ရာသီဥတု ဆက်စပ်နေကြောင်း တဖွဖွပြောခဲ့သည်။ သို့သော် မည်သူကမျှ ဂရုမစိုက်ခဲ့ကြ။ သူတို့အသံကို နားစွင့်ရကောင်းမှန်း မသိခဲ့ကြ။ သူတို့ စိတ်ဝင်စားကြ သည်က ကျွန်း-ကျွန်းပင်ဆိုတဲ့ ကျွန်း။
ပင်လယ်ရပ်ခြား လှေသဘောင်္နှင့် ခရီးသွားကြသော အနောက်တိုင်းသားတို့က ကျွန်းသားကို သဘောင်္ တည်ဆောက်ဖို့ စိတ်ဝင်စားကြသည်။ အကြောင်းကတော့ ကျွန်းသားသည် အခြားသောသစ်များ နှင့်မတူ၊ ပင်လယ်ရေငန် နှင့် အလွမ်းသင့်သည်။ ပိုထိုးခြင်း၊ ဆွေးခြင်းမရှိ။ ထို့ပြင် ကျွန်းကထွက်သောကျွန်းဆီသည် သံနှင့်လည်း သဟဇာတဖြစ်သည်။သံကို သံချေးတက်ခြင်းမှ ကာကွယ်ပေးသည်။
ယခုတလော ဤစကားမျိုးတွေကိုလည်း ကြားလာရပြန်သည်။ ကျွန်တော် ပထမဆုံးကြားခဲ့၊ ဖတ်ခဲ့ဖူးတော့ အသက်ဆယ်ရှစ်နှစ်လောက်ပဲ ရှိသေးသည်။ စာဖတ်သူ အံ့သြသွားလောက်အောင် ပြောလိုက်ရပါအုံးမည်။ နယ်ချဲ့ခေတ် ပါလီမန်တွင် တရုတ်တန်းဘက်က တက်လာသည့် အောက်လွှတ်တော်အမတ် “မစ္စတာ အော်မျိုးရှု” ရေးသည့် “မြန်မာ့စီးပွားရေး” ဟူသော စာအုပ်ထဲတွင် ဖတ်ခဲ့ရခြင်း ဖြစ်သည်။ ထိုစာအုပ်ကို ယခုတော့ ရှာလို့မရအောင် ဖြစ်နေပြီ။
“ကျွန်း” စကားကို ပြန်ကောက်ရပါဦးမည်။ အထက်တွင် ပြောခဲ့သည့် အတိုင်း ပင်လယ်ရေငန်နှင့်လည်း အဆင်ပြေ၊ သံနှင့်လည်း အလွမ်းသင့်လေတော့ သင်္ဘောတည်ဆောက်မှုအတွက် အကောင်းတက့ာ အကောင်းဆုံး ထိပ်တန်းအကောင်းဆုံး “သစ်” ဖြစ်လာခဲ့ရသည်။ ဒီကျွန်းသစ်၏ နိုင်ငံခြား ၀င်ငွေကလည်း အထောကြီးထောလာသောကြောင့် မြန်မာရှင်ဘုရင်တွေလည်း “တော်ဝင်သစ်” အဖြစ် သတ်မှတ်ပြီး သာမန်ပြည်သူတို့ “သွားကြားထိုး နားပန်” ဖို့ပင် ကျွန်းပင်ကို မထိပါးရဟု အမိန့်တော် ထုတ်ပြန်ခဲ့သည်။
မြန်မာ့ “ကျွန်း” မျက်နှာပွင့်လွန်းသောကြောင့် မြန်မာတွေ “ကျွန်” ဖြစ်ခဲ့ ရပုံကို ကျွန်တော် မပြောချင်တော့ပြီ။ အားလုံးသိကြပြီးမို့ပါ။

မြန်မာတွေ ကျွန်ဖြစ်သွားတော့ ကျွန်းပင်တွေကို တွင်တွင်ကြီး ခုတ်ကြရောင်းကြသည်။ နိုင်ငံခြားသား သစ်ကုမ္ပဏီကြီးတွေ အလျှိုလျှို အပြိုင်အဆိုင် ပေါ်လာကြသည်။ “ကျွန်းပွဲတော်” ကြီးပေါ့။
သို့သော် -
ဤ “သို့သော်” က အတော်လေး အရေးကြီးပါသည်။
ကျွန်းပင်ဆိုသည်က မြေကြီးရှိတိုင်း- ရေပေါတိုင်း- မိုးရွာတိုင်း စိုက်လို့ရသည် မဟုတ်။ ပင်လယ်ပြင်အထက် အမြင့်ပေ ဘယ်မျှ ၊ မိုးရေချိန် ဘယ်လောက် စသည်ဖြင့် ရှိသေးသည်။ ထို့ပြင် မြေကြီးမှ အထက် ၅ပေ သာသာ၊ လူ၏ ရင်စို့လောက်တွင် လုံးပတ် ၈ ပေ၊ ၉ ပေ ရှိမှ ကျွန်းရင့်သည်။ ထိုအရွယ်အစားရောက်မှ “သင်းသတ်” ရသည်။ သင်းသတ်သည် ဆိုခြင်းမှာ ကျွန်းပင်အောက်ခြေတစ်ပေလောက် အမြင့်တွင် ကျွန်းပင်ပတ်မိအောင် အရစ်နက်နက် ထစ်ပြီး အပင်ကို သတ်လိုက်ခြင်းဖြစ်သည်။ သည်အတိုင်း ကျွန်းပင် ခြောက်သွားသည့်တိုင်းထား၇သည်။ ၂နှစ်တန်သည် ၃နှစ်တန်သည်ရှိမှ ခုတ်လှဲရသည်။
ဤသို့ တန်းဝင်အဆင့်မီဖြစ်အောင် ကျွန်းပင်၏ သက်တမ်းမှာ နှစ်ပေါင်း ငါးဆယ်မှ ရှစ်ဆယ် ထိအောင်ကြာသည်။
ယှဉ်ကြည့်ဖို့ ပြောလိုက်ရပါဦးမည်။

စပါးစိုက်သည်၊ ကောက်လျင်၊ ကောက်လတ်၊ ကောက်ကြီး စသည်ပေ့ါ။ လေးငါးခြောက်လဆိုလျှင် အသီးစားရပြီ။ ရာဘာခြံ ပျိုးလျှင်တောင် လေးငါးရှစ်နှစ် အစေးခြစ်ရပြီ။ သူတို့နှင့် ယှဉ်လိုက်တော့ ကျွန်းပင်က ပျင်းစရာကောင်းလောက်အောင် စောင့်နေရပြီ။ ကိုယ်စိုက်လိုက်သည့်အပင်ကို သားမြေးတို့လက်ထက်ရောက်မှ သင်းသတ်ရပေတော့မည်။ ဒီကြားထဲတွင် သစ်ပင်သစ်တော ကို နှစ်ကာလ ရှည်လျားစွာ စောင့်ထိန်းရသည့်တာဝန်၊ တောမီး၊ တောင်ယာမီးစောင့်ရသည့်တာဝန် ကုန်ကျစရိတ်တွေက ရှိသေးသည်။ ထိုသို့ ကုန်ကျသော ငွေအရင်းအနှီးထက် အချိန်အရင်းအနှီးကပိုပြီး ၀န် လေးသည်။ မည်သည့် ကုမ္ပဏီ ၊ မည်သည့်အရင်းရှင်ကမျှ စိတ်ဝင်စားမည်မဟုတ်။ ထို့ကြောင့် ရှိပြီး ၊ ရင့်ပြီး၊ အသင့်ဖြစ်ပြီး သစ်တွေကိုသာ တွင်တွင်ကြီး ခုတ်လှဲပြီး ယူကြသည်။ တရားဝင် မိမိတို့ရရှိပြီး သစ်ကွက်မှသာ မဟုတ်ဘဲ စည်းကျော်ပြီး ခိုး၍ ခုတ်သည်မှာလည်း မဟားတယားဟုပင် ဆိုလောက်သည်။ ခုတ်ထားပြီးသော သစ်ကွက်တွင် အသစ်ထပ်မံ စိုက်ပျိုးဖို့ တော့ဖြင့် ယောင်လို့မျှ မတွေးမိကြ။ ထို့ကြောင့်နိုင်ငံတော်အစိုးရကသာလျှင် ဒိုင်ခံပြီး ကျွန်းစိုက်ခင်းပျိုးထောင်မှုတွေ လုပ်ကြရသည်။ သစ်တောထိန်းသိမ်းရေး၊သစ်တောပြုစုပျိုးထောင်ရေးအတွက်အလုပ်သမားတွေ၊ ကျွမ်းကျင်သူပညာရှင်တွေ မွေးကြရသည်။ ဤသို့အားဖြင့်  မြေတိုင်းပညာသင်၊သစ်တောပညာသင်ကျောင်းတွေ ပေါ်လာရသည်။ မြန်မာပြည်တွင် အစောဆုံးပေါ်ခဲ့သည့် အသုံးချ သိပ္ပံကျောင်းတွေဟု ဆိုသင့်သည်။
ဤသို့လျှင် အစိုးရကသစ်တောကွက်လပ်တွေကို ကွက်လပ်ဖြည့်ဖို့ ကြိုးစားခဲ့ပါ၏။သို့သော် အလျဉ်မီအေင် ဤကွက်လပ်တွေကို မည်သို့လျှင် ဖြည့်နိုင်ပါမည်နည်း။
ဤသို့နှင့် ကျွန်တော်တို့တိုင်းပြည်မှာ “ကျွန်း” ကြောင့် “ကျွန်” ဖြစ်ခဲ့ရပြီး “ကျွန်းပြောင်” လို့ မိုးခေါင် ခဲ့ရသည်။ ထို့ကြောင့်အရင်းရှင် စနစ်ကြောင့် မိုးခေါင်ခဲ့ရသည်ဟု ဆိုခဲ့ခြင်းဖြစ်ပါသည်။
ဤသည်မှာ နိဒါန်း ပထမပိုင်းသာ ရှိသေးသည်။
ဒုတိယပိုင်း ဆက်လိုက်ရပါဦးမည်း။

ဒုတိယ ကမ္ဘာစစ်ကြီးဖြစ်တော့ မြန်မာပြည်သို့ ဂျပန်စစ်တပ်ကြီး ၀င်လာ ပါလေတော့သည်။ သူတို့ကလည်း စစ်ရေး အတွက် တံတားဆောက်ဖို့၊ စခန်းဆောက်ဖို့၊ လမ်းဖောက်ဖို့ သစ်တွေကိုခုတ်လိုက်သည်မှာ စည်းမရှိ ကမ်းမရှိ (တကယ့်ကို စည်းမရှိ ကမ်းမရှိ) ဖြစ်လာပါတော့သည်။
ကျွန်တော့်ဇာတိ တောင်တွင်းကြီးမြို့ အရှေ့ဘက်တွင် လေယာဉ်ပျံကွင်း ဆောက်သည်။ ကွင်းအတွက် မြေညှိသည်က အရေးမကြီး၊ လေယာဉ်ပျံဆိုက်နားထားဖို့ ခံတုတ်ဘန်ကာကြီးဆောက်တော့ ကျွန်းကိုပင် သုံးကြပြန်သည်။ အဲ့ဒီမှာတော့ ကျွန်းပင် နုရင်မရွေးနီးရာခုတ်လှဲပြီး သစ်လုံးပေါင်းရာထောင်ချီပြီး သုံးကြလေတော့ နားလည်သည့် လူကြီးများကရင်တမမ စုတ်တသပ်သပ် နှမြောကြသည်ကို ကျွန်တော်မှတ်မိနေသေးသည်။
စစ်ကြီးပြီးလို့ မကြာမီမှာပင် ပြည်တွင်းသောင်းကျန်းမှုတွေက တစ်နယ်တစ်ဗိုလ် တစ်မြို့ တစ်မင်းသာမက နယ်စွန်ရပ်ကျေးလူမျိုးရေးတပ်မှူးတွေပါ ပေါ်လာကြပြန်သည်။ သူတို့အားလုံးကလည်း “မြေကြီး က ရွှေသီးသည်” ဟုသဘောထားပြီး ကျွန်းတွေကို ဖောဖောသီသီကြီး ခုတ်ပြီး နယ်စပ်က ထုတ်၍ တရားမ၀င် တွင်တွင်ကြီး ရောင်းကြပြန်သည်။ တရားမ၀င် ဆိုတော့  တိုင်းပြည်အတွက် “တစပြားမှမ၀င်” လေတော့ပြီ။ တကယ့်ကို အလဟဿ ပျက်စီးခဲ့ရသည်ကို ပြန်တွေးကြည့်လျှင် အလွန်နှမြောဖို့ကောင်းသည်။ သို့သော် နှမြောရကောင်းမှန်း မသိခဲ့ကြ။
နှမြောရကောင်းမှန်းသိနေသူက “ထိုင်း” ဘုရင်မင်းမြတ် ဖြစ်သည်။
မြန်မာပြည် သောင်းကျန်းသူရောင်စုံက သစ်တွေခိုးပြီး နယ်စပ်က တွင်တွင်ကြီး ထုတ်ရောင်းနေသည်ကို အလွန်အကျွံ မလုပ်သင့်ကြောင်း ထိုင်းသစ်ကုန်သည်တွေကို သတိပေးခဲ့သည်။ မြန်မာပြည်ကို ချစ်လွန်းလို့ တော့မဟုတ်၊ မြန်မာပြည်ဘက်က တောပြောင်လို့ မိုးခေါင်လျှင် ထိုင်းမြေပြင် ”အထိနာ” တော့မည်ဖြစ်ကြောင်း ကောင်းကောင်းကြီး နားလည်နေသာ ကြောင့်ဖြစ်သည်။
ကျွန်တော်၏ နိဒါန်းက စိတ်မရှည် နိုင်လောက်အောင် ရှည်နေခဲ့ပြီ ကျွန်တော်တို့တိုင်းပြည် ကျွန်ဖြစ်ခဲ့ရသည်မှာ ကျွန်းကြောင့်ချည်း သက်သက်မဟုတ်၊ ပညာဗဟုသုတနိမ့်ကျသောကြောင့်လည်း ဖြစ်သည်။ အတိုချူပ်ရလျှင် ပညာနည်းခဲ့ခြင်းမှာ ပဓာန အကြောင်းရင်းကြီးဖြစ်သည်ဟုပင် ဆိုချင်ပါသည်။
ပညာပျိုးခင်းနှင့် ကျွန်းပျိုးခင်းကလည်း ခပ်ဆင်ဆင်။
ကျွန်းပျိုးခင်းကလည်း “ခုရေတွင်းတူးခုရေကြည်သောက်” လုပ်ငန်းမျိုးမဟုတ်သကဲ့သို့ပညာရေးပျိုးခင်း ကလည်း  ဒီနေ့ စိုက် နောက်နေ့ အသီးစားရသည် မဟုတ်။

နိုင်ငံတော် အစိုးရ၏ သုံးစွဲငွေများတွင် ရေထဲချလိုက်သလို ပလုံမြည်ရုံသာ မြည်သော ဌါနတွေရှိသည်။ ကျန်းမာရေးဌါန၊ ကယ်ဆယ်ရေးဌါန ဆိုတာမျိုးတွေဖြစ်သည်။သစ်တောရေးဌါန၊ ပညာရေးဌါနများ ကိုလည်း ထို “ပလုံ” စာရင်းသွင်းကြသည်။ သို့သော ရေရှည်အကျိုးကျေးဇူးကိုမျှော်ကိုးပြီး အစွမ်းကုန် ငွေကြေးမြှုပ်နှံ ကြရသည်။
ကျွန်းစိုက်ခင်းနှင့် ပညာပျိုးခင်း ခပ်ဆင်ဆင်ဟု ဆိုခဲ့ပါသည်။
မြန်မာပြည်သို့ ဒုတိယ ကမ္ဘာစစ်ကြီးဝင်လာတော့ စာသင်ကျောင်းတွေ အကုန်ပိတ်လိုက်ရတော့သည်။ ခဏတစ်ဖြုတ် မဟုတ်၊ စစ်ကာလတလျှောက်လုံးဆိုလောက်အောင် ပိတ်ထားခဲ့ရသည်။
ကျောင်းတွေကိုသာပိတ်ထားလိုက်လို့ရသည်။ “အရွယ်” ကိုပိတ်ထားလို့ရသည်မဟုတ်။ စစ်တွင်း ကျောင်းပိတ်သည်က ၄-၅နှစ်။ ဒီတော့ စစ်ပြီးသောအခါ ၁၂နှစ်သားကောင်လေးက ၁၇နှစ်ရွယ် ကာလာသားလေးဖြစ်လာခဲ့ပြီး။၁၅ နှစ်သားကောင်လေးက အသက်၂၀ အရွယ် ကာလသားကြီးပေါ့။ သို့သော်ပညာကောင်းကောင်းမသင်ခဲ့ရသော၊ကျောင်းပတ်ဝန်းကြီးနှင့်ဝေးနေခဲ့သောကာလသား လူငယ် များ ဖြစ်နေခဲ့ကြသည်။
ကျွန်တော်ဖတ်ဖူးသော စာလေးတစ်ပုဒ်ကို သတိရမိပြန်သည်။
“စစ်ပွဲကြီး တစ်ခုဖြစ်လိုက်လျှင် တပ်မကြီးသုံးခု ကျန် နေရစ်ခဲ့မြဲဖြစ်သည်။ ထိုတပ်များကား လင်သားဆွေမျိုး ဆုံးပါးခဲ့ရ၍ ငိုကြွေးနေရသော မျက်ရည်တပ်၊ ခြေပြတ် လက်ပြတ်ဖြစ်နေသော ဒုက္ခိတတပ်၊ စစ်အတွင်းက ကျန်ရစ်ခဲ့သော လက်နက်များဖြင့် သောင်းကျန်းနေသော သူခိုးဓားပြတပ်တို့ ဖြစ်သည်” တဲ့။

ကျွန်တော်က “ပညာမဲ့တပ်မကြီး” တစ်ခုပင် ဖြည့်လိုက်ချင်မိသေးသည်။
အကြောင်းက ငြိမ့်ခနဲ ခေတ်ကာလာ မငြိမ်မသက် ဖြစ်လျှင် ပထမဆုံးစပြီး ပိတ်ရသည်က စာသင်ကျောင်း၊ နောက်ဆုံးမှ ပိတ်ရသည်က ရဲစခန်း။ ခေတ်ကလေးငြိမ်စပြုလာလျှင် ပထမဆုံးဖွင့်ရသည်က ရဲစခန်း၊ နောက်ဆုံးမှ ဖွင့်ရသည်က စာသင်ကျောင်း။ “ကျောင်းပိတ်တော့” “ခေါင်းပိတ်” ခဲ့ရသည်။
လူငယ်တွေရဲ့ ခေါင်းက ကျောင်းပညာကိုသာ ပတ်ခဲ့ရသည်။ အခြားသော မဖွယ်မရာတွေကိုတော့ စစ်ကြီးကျေးဇူးကြောင့် ဆည်းပူးခဲ့ရသည်။ သေခြင်း၊ သတ်ခြင်း၊ လုယက်တိုက်ခိုက်ခြင်း၊ လက်နက်အားကိုးခြင်း စသည်တို့ကိုမူကား ယဉ်ပါးခြင်းကြီးမက ယဉ်ပါးလာခဲ့ကြသည်။
ကျွန်တော်တို့တိုင်းပြည်ကတော့ ဒုတိယ ကမ္ဘာစစ်ကြီးနဲ့တင်အားမရ သေးသောကြောင့် လွတ်လပ်ရေးနှင့်အတူ ပြည်တွင်းသောင်းကျန်းမှု သူငယ်နာက မွေးရာပါဖြစ်လာခဲ့ရသည်။ ထို့ကြောင့် ကျေးလက်တွေမှာဆိုလျှင် စာသင်ကျောင်းတွေမှာ ပိတ်ရက်က ဖွင့်ရက်ထက် များနေကြပြန်တော့သည်။
ကျွန်းပျိုးခင်းနှင့် ပညာရေးပျိုးခင်းတို့၏ အကျိုးသက်ရောက်မှုမှာ ချက်ချင်းမသိသာ။ ရေရှည်ကျမှ ခံစားကြရခြင်းဖြစ်သည်။
ကျွန်းကြောင့် ကျွန်ဖြစ်ခဲ့ရသည်။ ကျွန်းပြောင်၍ မိုးခေါင်ခဲ့ရသည်။ ပညာရေးပျိုးခင်းပြောင်လျှင်တော့ မိုးတွင်းတောင် မနားရသည့် “အင်တာနေရှင်နယ်ကူလီ” “ဂလိုဘယ်လ်သူရင်းငှား” ဖြစ်မှာ သေချာသည်။
“ပြောပြန်ရင်လဲ အောင်သင်းလွန်ရာကျမယ်” ဟု ဟစ်လိုက်ချင်မိတာ ရှိသေးသည်။ လွန်ခဲ့သော ၁၅နှစ်လောက် ကတည်းက “စင်္ကာပူဟာ အရှေ့တောင်အာရှမှာ ကျူရှင်ဖွင့် လိမ့်မယ်”ဟု ကျွန်တော်ပြောခဲ့သည်။ စင်ပေါ်မှာကို ပြောခဲ့ခြင်း ဖြစ်သည်။ ယခုတော့ ကျွန်တော့် မြေးဦးမလေးကိုတောင် စင်္ကာပူမှာ နောက်ထပ်ဘွဲ့သွားယူဖို့ သူ့မိဘများက လုံးပမ်းနေကြသည်။

စင်္ကာပူနှင့်စာလိုက်တော့ ကျွန်တော်တို့က ဘ၀အကျိုးပေးအလွန်ကောင်းသည့် တိုင်းပြည်ဖြစ်သည်။ သူတို့မှာ အခြား သယံဇာတမဆိုးထားနှင့် ရေတောင် “အင်ပို့” လုပ်ပြီး ၀ယ်သောက်နေရခြင်း ဖြစ်သည်။
ထို့ကြောင့် ပညာရေးနှင့် ပညာရေးလောကကို ဦးဆောင်ဦးရွက်ပြုနေ သူများအား ပညာရေးကို သည်ထက် သည်ထက် တိုး၍ တိုး၍ အားပေး ကြစမ်းပါ။ ကျွန်တော်တို့ အိုးမင်း မစွမ်းဖြစ်ချိန်တွင် သားသမီးတွေ လက်ခမောင်း ခတ်သံကိုမှန်းဆကြားယောင်ပြီး ခါးတောင်းကျိုက်ထားစမ်းပါဟု ပြောချင်မိသည်။
ကျွန်တော်တို့က ဘုရားကို ရွှေချသည်။ ရွှေခွက်မပြီး ရေစက်ချလိုက်မှ ကုသိုလ်ရသည်ဟု ထင်ကြသည်။ လူငယ်တွေကိုတော့ သစ္စေး ပဲသုတ်ထားသည်။ ဘုရားရွှေသင်္ကန်းကပ်ပြီး ပိုတဲ့လျှံတဲ့ ရွှေကလေးလောက် ကိုတော့ဖြင့် လူငယ်တွေကို ချပေးလိုက်စေချင်သည်။ “လူငယ်တွေကို ရွှေချမှ အနာဂတ် တောက်ပမည်” ဟူသော ကြွေးကြော်သံ မြည်နေစေချင်ပါသည်။
ဆောင်းပါလည်းရှည်လွန်းပြီ။ ရေးနေရင်း လက်ညောင်းလာသောကြောင့် ကျော်ကာချန်ကာ ရေးခဲ့သည်တို့ကို စာဖတ်သူများက စိတ်အညောင်း ခံပြီး ဖော်ကာကြံကာ ဖတ်ကြပါတော့ဟု တောင်းပန်လိုက်ရပါသည်။ ကျေးဇူးတင်ပါသည်။
၁၂-၇-၂၀၀၇
မိတ္ထီလာမြို့ အ-ထ-က(၂) မဂ္ဂဇင်းPM ( ရွှေထက်တန်ဖိုးရှိသော ဆောင်းပါးတခုပါ )