26.11.2011 နေ့ဖတ်ရန်သတင်းများ

by Myanmar Journal on Saturday, November 26, 2011 at 7:30am

 

 

မွန် အမျိုးသား အလံ 
AMDP နဲ့ MNDF မွန်ပါတီ နှစ်ခု ပေါင်းမည်

၂၀၁၀ ရွေးကောက်ပွဲမှာ အမတ် နေရာ တချို့ ရခဲ့တဲ့ မွန်ဒေသလုံး ဆိုင်ရာ ဒီမို ကရက်တစ် ပါတီ AMDP နဲ့ ရွေးကောက် ပွဲကို ကန့်ကွက် ခဲ့တဲ့ မွန်အမျိုးသား ဒီမို ကရေစီ အဖွဲ့ MNDF တို့ ပေါင်းစည်းဖို့ သဘော တူပြီးပြီလို့ ကာယံကံ ရှင်တွေက ဘီဘီစီကို ပြောပြပါတယ်။
ပြီးခဲ့တဲ့ ဗုဒ္ဓဟူးနေ့ ကြာသပတေး နှစ်ရက်က မော်လမြိုင်မြို့မှာ ပါတီနှစ်ခုက ကိုယ်စားလှယ် တွေ တွေ့ဆုံ ဆွေးနွေး ခဲ့ကြပြီးနောက် နှစ် ပါတီ ပေါင်းစည်းဖို့ သဘော တူခဲ့ပါတယ်။
၁၉၉၀ ရွေးကောက်ပွဲကို ဝင်တုန်းက တပါတီထဲ ပေါင်းပြီး ဝင်ရောက် ယှဉ်ပြိုင်ခဲ့ပေမယ့် MNDF ကတော့ ၂၀၀၈ ဖွဲ့စည်းပုံကို လက်မခံတဲ့ အတွက် ရွေးကောက်ပွဲမဝင်ဖို့ ဆုံးဖြတ် ရာကနေ နှစ်ပါတီ ကွဲသွားပါတယ်။

ဒီလို နှစ်ပါတီ ကွဲတာကို မွန် ပြည်သူ လူထုက သဘော မကျတဲ့ အတွက် တပါတီထဲပြန် ပေါင်းဖို့ ဆုံးဖြတ်တာလို့ MNDF အတွင်းရေးမှုး ဒေါက်တာ မင်းစိုးလင်းက ဘီဘီစီကို ပြောပြပါတယ်။
နှစ်ပါတီ ပေါင်းစည်းဖို့ ကိစ္စ ဆွေးနွေးရာမှာ AMDP ဥက္ကဌ နိုင်ငွေသိန်းက သူနဲ့ ဒေါ်အောင် ဆန်းစုကြည်တို့ ဆွေးနွေး ခဲ့တာတွေကို ရှင်းပြခဲ့ပြီး တိုင်းရင်းသားတွေ ဘက်က စုစုစည်း စည်းနဲ့ အင်အား တခု ရှိဖို့ လိုအပ်လာပြီလို့ ကောက်ချချတဲ့ အတွက် ခုလို ပေါင်းစည်းဖို့ ဆုံးဖြတ်တာလို့ ဒေါက်တာ မင်းစိုးလင်းက ပြောပါတယ်။
ပါတီ နှစ်ခု ပေါင်းဖို့ ဆုံးဖြတ် ပေမယ့် မွန် အမျိုးသား ဒီမိုကရေစီ အဖွဲ့ အနေနဲ့ ၂၀၀၈ ဖွဲ့ စည်းပုံနဲ့ ပတ်သက်တဲ့ သဘောထားကိုတော့ မပြောင်းကြောင်း၊ ဒီဖွဲ့စည်းပုံဟာ တိုင်းရင်း သား ပြည်သူ အပေါင်းရဲ့ အကျိုးကို ရှေးရှုတဲ့ ဖွဲ့စည်းပုံအဖြစ် မယူဆကြောင်း ဒေါက်တာ မင်းစိုးလင်က ပြောပါတယ်။
အဲဒိအတွက် သူတို့ အနေနဲ့ ရွေးကောက်ပွဲ ဝင်မဝင် မဆုံးဖြတ်ရသေးဘဲ ပါတီ နှစ်ခု ပေါင်းဖို့ ကိစ္စကို အရင် ပြီးအောင် လုပ်ဖို့သာ ဆန္ဒ ရှိတယ်လို့ ပြောပါတယ်။

ကချင် ပြည်နယ်က စစ်ပြေး ဒုက္ခသည် ခလေး ငယ်များမန္တလေးမှာ ငြိမ်းချမ်းရေး ဆုတောင်းပွဲလုပ်
မြန်မာပြည် မြောက်ပိုင်းမှာ ကေအိုင်အေနဲ့ အစိုးရတပ်တွေ တိုက်ပွဲတွေ ဖြစ်နေချိန်မှာ မန္တလေးမှာ နံမယ်ကြီး စာရေး ဆရာတွေက ငြိမ်းချမ်းရေး ဆုတောင်းပွဲနဲ့ ဟောပြောပွဲ တခု ပြုလုပ်ခဲ့ပါတယ်။
ချမ်းမြသာစည် မြို့နယ် မြို့သစ်က ကံတတ်ကုန်း ဘုန်းကြီးကျောင်း အတွင်းမှာ ငြိမ်းချမ်းရေး ဆုတောင်းပွဲ နဲ့ ငြိမ်းချမ်းရေး စကားပြောပွဲ တခု ကျင်းပ ခဲ့ပါတယ်။
ဒီဘုန်းကြီးကျောင်းမှာ ဘုန်းတော်ကြီးသင် စာသင်ကျောင်းနဲ့ အခမဲ့ဆေး ကုခန်းလည်း ရှိပြီး မနေ့က ကျောင်းသား ကျောင်းသူ နဲ့ ကိုရင် ၂၀၀ လောက်နဲ့ မန္တလေးက စာရေးဆရာ တချို့ ပူးပေါင်းပြီး ဆုတောင်း ပွဲလုပ်ခဲ့တာ ဖြစ်ပါတယ်။
တိုင်းရင်းသားလူမျိုးများ အပါအဝင် ကလေးငယ်တွေရဲ့ လက်ထဲက စာတမ်းတွေမှာတော့ '' ပြည်တွင်းစစ်ကို ရပ်ပေးပါ၊ ဗမာ ညီမျှချင်း ကချင်၊ သွေးချင်း ညီအကိုများ အတွက် ပြည်တွင်း ငြိမ်ချမ်းရေးကို ပေးပါ'' စတဲ့ စာတမ်းတွေကို ကိုင်ပြီး ဆုတောင်း စကားတွေ ဆိုခဲ့ကြပါတယ်။
ငြိမ်းချမ်းရေးနဲ့ပတ်သက်ပြီး စကားပြောခဲ့တဲ့ မန္တလေးက စာရေးဆရာတွေ ကတော့ ဆရာ ညီပုလေး၊ ဆရာ ဆူးငှက်နဲ့ ဆရာ ညီစေမင်းတို့ ဖြစ်ပါတယ်။
ဆုတောင်းပွဲ တက်လာသူတွေက စစ်နဲ့ ပတ်သက်ပြီး သူတို့ရဲ့ ခံစားချက်တွေကို ရေးဖွဲ့ထားတဲ့ ကဗျာ၊ စာ စတာတွေကို စစ်ပြေး ဒုက္ခသည်တွေဆီ အရောက် ပေးပို့ဖို့ အစီအစဉ် ရှိတယ်လို့ ဆရာ ဆူးငှက်က ဘီဘီစီကို ပြောပြပါတယ်။
စစ်ကြောင့် အတိ ဒုက္ခ ရောက်ခဲ့ရသူတွေ ထဲမှာ ခလေး သူငယ်တွေဟာ စစ်ရဲ့ ဆိုးကျိုးကို တခြား လူတွေထက် ပိုခံရတာမို့ ခလေး သူငယ်တွေကို အားပေးတဲ့ စာတွေလည်း ပါတယ်လို့ ဆိုပါတယ်။
နောက်ပြီး တိုင်းရင်းသားဒေသတွေက စစ်ပွဲတွေနဲ့ပတ်သက်ပြီး နှစ်ဘက် တွေ့ဆုံဆွေးနွေးပြီး ငြိမ်းချမ်းရေးဖြစ်အောင် လုပ်ဆောင်ဖို့လည်း ဆရာဆူးငှက်က သူ့ရဲ့ ဆန္ဒကို ထုတ်ဖော် တိုက်တွန်း လိုက်ပါတယ်။

အီဂျစ်မှာ အစိုးရသစ်ဖွဲ့ဖို့ ယာယီ သဘောတူ
အီဂျစ်မှာ မူဘာရက် ပြုတ်ကျပြီး နောက်ပိုင်း အကြီးဆုံး ဆန္ဒပြပွဲကြီးတွေ ထပ်မြင်ရ
အီဂျစ် နိုင်ငံမှာ ဝန်ကြီးချုပ်ဟောင်း ကမာ ဂန်ဇူရီနဲ့ လက်ရှိ အာဏာရ စစ်ကောင်စီက တာဝန် ရှိသူတွေ စကား ပြောပြီးနောက် ဝန်ကြီးချုပ်ဟောင်းက အစိုးရသစ် ဖွဲ့ဖို့ ယာယီ သဘော တူခဲ့တယ်လို့ အီဂျစ် အစိုးရ မီဒီယာတွေက ကြေညာ သွားပါတယ်။
မစ္စတာ ဂန်ဇူရီဟာ ၁၉၉၀ ပြည့်လွန် နှစ်တွေက အရင် သမ္မတ မူဘာရက် လက်အောက်မှာဝန် ကြီးချုပ် ဖြစ်ဖူးပါတယ်။
သူဟာ အသက် ခုနှစ်ဆယ့် ရှစ်နှစ် ရှိပြီ ဖြစ်ပြီး စစ်အုပ်ချုပ်ရေး ရပ်ပေးဖို့ တောင်းဆိုနေတဲ့ လူငယ်ထုကို ဆွဲဆောင်နိုင်မယ့် အနေအထား ကောင်းကောင်း မရှိဘူးလို့ သတင်းထောက် တွေက ပြောပါတယ်။
နောက်ဆုံး အစိုးရ အဖွဲ့ ခေါင်းဆောင် ဖြစ်လာပြီ ဆိုရင်တောင် သူဟာ စစ်တပ်ရဲ့ ကောင်စီ အောက်မှာပဲ နေရမှာ ဖြစ်ပါတယ်။
အီဂျစ်မှာ ပါလီမန် ရွေးကောက်ပွဲတွေကို တနင်္လာနေ့မှာ ကျင်းပမှာ ဖြစ်ပြီး ဆန္ဒပြမှုတွေကို အစိုးရက အကြမ်းဖက် နှိမ်နင်းမှုကြောင့် တည်တည် ငြိမ်ငြိမ် မဖြစ်သေးတာတောင် လက်ရှိ အာဏာပိုင်တွေက ရွေးကောက်ပွဲ လုပ်ဖြစ်အောင် လုပ်မယ်လို့ ပြောနေပါတယ်။

အမျိုးသမီးများအပေါ် အကြမ်းဖက်မှု တိုက်ဖျက်ရေးနေ့
အမျိုးသမီးတွေအပေါ် အိမ်တွင်း အကြမ်းဖက် မှုတွေ ဆက်ရှိနေ
ဒီကနေ့ နိုဝင်ဘာလ ၂၅ ရက်နေ့ဟာ အမျိုးသမီးများအပေါ် အကြမ်းဖက်မှု တိုက်ဖျက်ရေး နိုင်ငံတကာ အထိမ်းအမှတ် နေ့ ဖြစ်ပါတယ်။
မြန်မာ အမျိုးသမီး အခွင့်အရေး လှုပ်ရှားနေကြ တဲ့ WLB အမျိုးသမီးများ အဖွဲ့ချုပ်၊ PWO ပလောင် အမျိုးသမီး အစည်းအရုံး စတဲ့ အဖွဲ့တွေက ကြေညာချက် ထုတ်ပြန်ပြီး မြန်မာ အမျိုးသမီးတွေအပေါ် အိမ်တွင်း အကြမ်းဖက် နေမှုတွေ အပါအဝင် နည်းအမျိုးမျိုး နဲ့ နှိပ်စက် ညှင်းပန်းနေမှုတွေကို ရပ်တန့် ပစ်ဖို့ တောင်းဆိုလိုက်ကြပါတယ်။
ပလောင်အမျိုးသမီးအစည်းအရုံး အဖွဲ့က ထုတ်ပြန်တဲ့ "ပြောင်းလဲခြင်းအတွက် အသံများ" အစီရင်ခံစာမှာ ပလောင်အမျိုးသမီး ၉၀ ရာခိုင်နှုန်းဟာ အိမ်တွင်း အကြမ်းဖက်မှု ဒဏ်ကို ထိခိုက်ခံစားနေရကြောင်း ဖေါ်ပြထားပါတယ်။
မြို့နယ်လေးခုမှာရှိတဲ့ ဒေသခံပြည်သူ ၆၀၀ကျော်ကို တွေ့ဆုံ စစ်တမ်း ကောက်ခံ တွေ့ရှိ ချက်တွေအရ ဇနီးမောင်နှံနဲ့ မိသားစုတွေအကြား ကိုယ်ထိလက်ရောက် အကြမ်းဖက်မှုတွေ ပုံမှန် ဖြစ်ပွားနေတာကို တွေ့ရှိရတယ်လို့ ဆိုပါတယ်။
မိသားစုတွင်း အကြမ်းဖက်မှုရဲ့ အဓိက အရင်းခံအကြောင်းရင်းတွေထဲမှာ အရက်သေစာနဲ့ မူးယစ်ဆေး သုံးစွဲမှု၊ လောင်းကစားမှု ပါဝင်တယ်လို့ ဖခင်ဖြစ်သူရဲ့ ရိုက်နှက် ညှင်းဆဲမှုကို မိခင်အပါအဝင် မိသားတစုလုံး ကိုယ်တိုင် ကြုံတွေ့ ခံစားနေရသူ ပလောင် ရွာသူ လွေးအိုင်း က ဘီဘီစီကို ပြောပြပါတယ်။
နှစ်ပေါင်း ၅၀ကျော် စစ်အစိုးရ လက်အောက် စီးပွားရေး ကြပ်တည်းမှုရဲ့ နောက်ဆက်တွဲ ဆိုးကျိုးတွေကြောင့်လည်း ပလောင်ဒေသမှာ အိမ်တွင်း အကြမ်းဖက်မှုနှုန်း မြင့်မားခဲ့ရကြောင်း လေ့လာတွေ့ရတယ်လို့လည်း အဲဒီ အစီရင်ခံစာမှာ ဖေါ်ပြထားပါတယ်။

တာဟီရာ ရင်ပြင်မှာ ဆက်လက် ဆန္ဒပြနေကြ
စစ်ကောင်စီ နှုတ်ထွက်ပေးဖို့ တောင်းဆို ဆန္ဒပြ နေကြ
အီဂျစ်နိုင်ငံမှာ စစ်အုပ်ချုပ်ရေး အဆုံးသတ် ဖို့ အနည်းဆုံး လူတသိန်းလောက်ဟာ ကိုင်ရို မြို့တော် တာဟီရာ ရင်ပြင်မှာ တောင်းဆို ဆန္ဒပြနေကြပါတယ်။
စစ်ကောင်စီ အကြီးအကဲ ဗိုလ်ချုပ်ကြီး ဟူစိန် တန်တဝီကို ရည်ညွှန်းပြီး ရာထူးကထွက်ပေးဖို့နဲ့ သူတို့ကတော့ ရင်ပြင်ကနေ ထွက်ခွာပေးမှာ မဟုတ်ဘူးလို့ ဆန္ဒပြသူတွေက ဟစ်ကြွေးခဲ့ကြ ပါတယ်။
တာဟီရာ ရင်ပြင်မှာ အနီအဖြူနဲ့ အနက်ရောင်ပါ အီဂျစ်အလံ ရာပေါင်းများစွာကို ချိတ်ဆွဲ ထားပါတယ်။
သူတို့နဲ့အတူ သမ္မတလောင်းအဖြစ် ဝင်အရွေးခံမယ့် နိုဘဲလ်ဆုရှင် မိုဟာမက် အယ်လ် ဘာရာဒေးလည်း ဝင် ဆန္ဒပြခဲ့ပါတယ်။
တခါ ဆွန်နီ အစ္စလာမ် အဖွဲ့ရဲ့ အဆင့်အမြင့်ဆုံး အကြီးအကဲ အယ်လ် အက်ဇ်ဟာ ကလည်း တာဟီရာ ရင်ပြင်မှာ ဆန္ဒပြသူတွေအတွက် တခါမှ မလုပ်စဖူး အားပေးထောက်ခံတဲ့ မိန့်ခွန်း တခု ပေးပို့ခဲ့ပြီး သူတို့ အောင်ပွဲဆင်နိုင်အောင် ဆုတောင်းပေးနေတယ်လို့ မိန့်ခွန်း ထဲမှာ ပြောခဲ့ပါတယ်။
ဘာသာရေးခေါင်းဆောင်အကြီးအကဲ အယ်လ် အက်ဇ်ဟာ ဟာ နိုင်ငံရေးနဲ့ပတ်သက်လို့ ဝေဖန်ပြောဆိုလေ့ ရှိသူ မဟုတ်ပါဘူး။
တခါ အရပ်သား အစိုးရကို အမြန်ဆုံး အာဏာလွှဲပေးဖို့ အမေရိကန် အစိုးရကလည်း တောင်းဆိုလိုက်ပါတယ်။
အခုအခါ အစိုးရသစ်ကို ဝန်ကြီးချုပ်ဟောင်း ကာမဲလ် ဂဲန်ဇူရီ ဦးဆောင်မယ့်အကြောင်း အီဂျစ်အစိုးရ ရုပ်မြင်သံကြားမှာ အတည်ပြု ကြေညာသွားပါတယ်။
ဒါပေမယ့် အသက် ၇၈ နှစ် ရှိနေပြီဖြစ်တဲ့ မစ္စတာ ဂဲန်ဇူရီ ဟာ လူငယ်ဆန္ဒပြသူ အတော် များများကြားမှာ လူကြိုက်များ ထောက်ခံ အားပေးခံရမယ့်ပုံမျိုးမရှိဘူးလို့ သတင်းထောက် တွေက ပြောပါတယ်။

NLD ပြန်လည် မှတ်ပုံ တင်ခွင့် လျှောက်
NLD အမျိုးသား ဒီမို ကရေစီ အဖွဲ့ချုပ်က လာမယ့် ကြားဖြတ် ရွေးကောက်ပွဲမှာ ဝင်ပြိုင် နိုင်ရေး ပထမ အဆင့် အဖြစ် နေပြည်တော် ရွေးကောက်ပွဲ ကော်မရှင် ထံမှာ သောကြာနေ့ မနက်က ပြန်လည် မှတ်ပုံ တင်ခွင့် လျှောက်လွှာ တင်ခဲ့ ပါတယ်။
အန်အယ်လ်ဒီက လူငယ်တွေနဲ့ အမျိုး သမီးတွေကို ပို နေရာ ပေးလာတယ် လို့ ဦးဝင်းတင် ပြော
လာမယ့် ကြားဖြတ် ရွေးကောက်ပွဲမှာ ဒေါ်အောင်ဆန်း စုကြည်နဲ့ NLD ပါတီ ဝင်ပြိုင်မယ် ဆိုတဲ့ အကြောင်း ပြီးခဲ့တဲ့ သီတင်းပတ်က ထုတ်ဖေါ် ကြေညာ ခဲ့ပြီးတဲ့နောက် အခု လို လျှောက်လွှာတင်ခဲ့တာ ဖြစ်ပါတယ်။
မှတ်ပုံတင်ရာမှာ ထည့်သွင်း ဖော်ပြတဲ့ ပါတီ တည်ထောင် လိုသူများ စာရင်းကို ထဲမှာ ဦးတင်ဦး၊ ဒေါ်အောင်ဆန်း စုကြည်၊ ဦးဝင်းတင် စတဲ့ မူလ CEC ပါတီ ဗဟို ကော်မီတီဝင် တွေ အပြင် ဦးဉာဏ်ဝင်း၊ ဦးဟန်သာမြင့် ဒေါ်မေဝင်းမြင့် စတဲ့ နောက်ပိုင်း တိုးချဲ့ ဖွဲ့စည်း ရာမှာ CEC အဖြစ် ပါဝင် လာသူတွေ ရော တိုင်းရင်းသား နဲ့ လူငယ်တွေပါ ထည့်သွင်း ထားတာ တွေ့ရ ပါတယ်။
မူလနဲ့ တိုးချဲ့ ဗဟို ကော်မီတီဝင် ခြောက်ယောက်က အန်အယ်လ်ဒီရဲ့ စီအီးစီ တွေကို ကိုယ်စားပြုတာ ဖြစ်ပြီး ကျန်တဲ့ ၁၅ ယောက်က အမျိုးသမီးတွေ၊ လူငယ်တွေ၊ ပညာတတ်တွေနဲ့ တိုင်းရင်းသား တွေကို ကိုယ်စား ပြုတာ ဖြစ်တယ်၊ ဒါဟာ နိုင်ငံရေး ပုံသဏ္ဍာန် သဘော ဆောင် အောင် ဖွဲ့ထားတာ လို့ အန်အယ်ဒီ ပါတီ ထူထောင်သူ တစ်ယောက် ဖြစ်တဲ့ ဦးဝင်းတင်က ဘီဘီစီကို ပြော ပါတယ်။
ဒါဟာ အန်အယ်လ်ဒီ အနေနဲ့ အမျိုးသမီးနဲ့ လူငယ်တွေကို ပိုပြီး နေရာ ပေး လာတဲ့ သဘော လို့လည်း သူက ပြော ပါတယ်။
 အနု ပညာရှင် တွေက ဒေါ်အောင်ဆန်း စုကြည်ကို ပံ့ပိုး ကူညီဖို့ ဆန္ဒရှိကြ
အန်အယ်လ်ဒီ မှတ်ပုံတင်ခွင့် လျှောက်ထားတဲ့နေ့မှာပဲ ပါတီ ခေါင်းဆောင် ဒေါ်အောင်ဆန်း စုကြည်က မြန်မာ နိုင်ငံ တွင်းမှာ ရှိတဲ့ ရုပ်ရှင် ဂီတ အနုပညာ နယ်ပယ်က အနု ပညာရှင် ၁၀၀ နီးပါး လောက်နဲ့ တွေ့ဆုံပြီး မျိုးချစ် စိတ်ဓါတ် ရှင်သန် စေမယ့် တေးဂီတတွေ ရေးသား ဖော်ထုတ်ဖို့ ပြောခဲ့ပါတယ်။
ဒါဟာ လာမယ့် ရွေးကောက်ပွဲ အတွက် ကြိုတင် ပြင်ဆင်မှု တစိတ် တပိုင်း ဖြစ်တယ်လို့ ဒေါ်အောင်ဆန်း စုကြည်ရဲ့ နေအိမ်မှာ ပြုလုပ်ခဲ့တဲ့ တွေ့ဆုံပွဲကို ကိုယ်တိုင် တက်ရောက် ဆွေးနွေး ခဲ့သူ အဆိုတော် အနဂ္ဂ က ပြောပါတယ်။
အနုပညာရှင်တွေက ဒေါ်အောင်ဆန်း စုကြည်ကို အားပေး ကူညီကြတာ ဖြစ်ပြီး တတ်နိုင်တဲ့ ဘက်က ပံ့ပိုး ကူညီ သွားကြမယ်၊ လာမယ့် တစ်လ အတွင်းမှာ စတင် အကောင် အထည် ဖော်သွားမယ်လို့ လည်း အဆိုတော် အနဂ္ဂက ပြောပါတယ်။
သောကြာနေ့က လာရောက် တွေ့ဆုံ ခဲ့ကြ သူတွေ ထဲမှာ နာမည်ကြီး ရုပ်ရှင် သရုပ်ဆောင် ထွန်းအိန္ဒြာဗို၊ အဆိုတော် ဆောင်းဦးလှိုင်၊ ချောစုခင်၊ မီးမီးခဲ၊ သံသာဝင်း စတဲ့ အဆိုတော်တွေ၊ တေးရေး ဆရာတွေ၊ ထုတ်လုပ်သူတွေ ပါဝင်တယ်လို့လည်း သိရ ပါတယ်။

ဒက္ကားမြို့တော်ခန်းမဘင်္ဂလားဒက်ရ်ှရောက် မြန်မာဗိုလ်ချုပ်ကြီး နယ်စပ်သို့သွား
မြန်မာ ဒုတိယ စစ်ဦးစီးချုပ် ဒုတိယ ဗိုလ်ချုပ်ကြီးဟာ ဒီကနေ့ နံနက် ကော့စ်ဘဇားမြို့ကို ရောက်ရှိလာပြီး ကိုးနာရီခွဲခန့်မှာတော့ ကော့စ်ဘဇားမြို့မှာ တည်ရှိတဲ့ ရခိုင် မဟာသိမ်တော်ကြီးကို လာရောက် လည်ပတ်ခဲ့ပါတယ်။
ဒုတိယ ဗိုလ်ချုပ်ကြီး စိုးဝင်း ကော့ဘဇားမြို့ကို လာရောက်လည်ပတ်တဲ့ အခြေခံ အကြောင်းအရင်းကိုတော့ ကော့စ်ဘဇားမြို့က ဘင်္ဂလာ TV အစီအစဉ်က သတင်းထောက် မစ္စတာ ရှော်ဟေးဘိုင်းက ဒီခရီးစဉ်ကို ပြုလုပ်ရတာကတော့ ချစ်ကြည်ရေး ခိုင်မာမူကို နှစ်ဘက်နယ်စပ် နေပြည်သူတွေကို ပြသလိုတဲ့ အပြင် တခြား အကြောင်းအရာတွေကတော့ နယ်စပ် စီးပွားရေး မြင့်တင်ရေး၊ ဒုက္ခသည်တွေ ပြန်ပို့ရေး အပြင် နယ်စပ်လုံခြုံရေး ကိစ္စရပ်တွေလို ကိစ္စရပ်တွေအတွက် သြဇာသက်ရောက်မူ ရှိနိုင်အောင် လာရောက်လည်ပတ်တာ ဖြစ်တယ်လို့ ပြောကြားသွားတာ ဖြစ်ပါတယ်။
ဒုတိယ ဗိုလ်ချုပ်ကြီး စိုးဝင်းရဲ့ နိုဝင်္ဘာလ ၂၃ ရက်နေ့က စတင်ခဲ့တဲ့ သူရဲ့ (၅) ရက်ကြာ ခရီးစဉ်ရဲ့ ပထမရက်တွေမှာ ဒက္ကားမြို့တော်မှာ ဘင်္ဂလာဒေခ်ျ့ သမ္မတ၊ ဝန်ကြီးချုပ်တို့ အပါအဝင် စစ်ဦးစီးချုပ်၊ လေတပ်ဦးစီးချုပ်၊ ရေတပ် ဦးစီးချုပ်တို့နဲ့ တွေ့ဆုံဆွေးနွေးခဲ့ပြီး စစ်ဘက်ဆိုင်ရာ နေရာ အများအပြားကိုလည်း သွားရောက် လည်ပတ်ခဲ့ပါတယ်။
မြန်မာနဲ့ ဘင်္ဂလာဒေခ်ျ့အကြားမှာ အခုအခါ ဆက်ဆံရေး တိုးတက်ကောင်းမွန်ပြီး လာမယ့် ဒီဇင်္ဘာလ ၅ ရက်နေ့မှာလည်း ဘင်္ဂလာဒေခ်ျ့ ဝန်ကြီးချုပ် ချိတ်ဟာဆီးနာက မြန်မာနိုင်ငံကို သုံရက်ကြာသွားရောက်လည်ပတ်မှာ ဖြစ်တဲ့ အတွက် အဲဒီခရီးစဉ်မတိုင်မှီ ဗိုလ်ချုပ်ကြီး စိုးဝင်းလာလည်တာကတော့ နှစ်ဘက်နိုင်ငံနဲ့ သက်ဆိုင်တဲ့ အခြေအနေအရပ်ရပ်ကို လာရောက် လေ့လာတာ ဖြစ်နိုင်တယ်လို့ သုံးသပ်သူတွေက ပြောဆိုနေကြပါတယ်။

ကြားဖြတ်ရွေးကောက်ပွဲ ဒီနှစ်အတွင်းမဖြစ်နိုင်
By မသင်းသီရိ
မြန်မာနိုင်ငံမှာကျင်းပဖို့ရှိတဲ့ ကြားဖြတ်ရွေးကောက်ပွဲကို ဒီနှစ်အတွင်း ကျင်းပနိုင်စရာမရှိဘူးလို့ ပြည်သူ့လွှတ်တော် ဥက္ကဋ္ဌက ပြောကြားလိုက်ပါတယ်။ ရွေးကောက်ပွဲ ကျင်းပမယ်လို့ ကြေညာမယ်လို့ ကြေညာပြီးတဲ့နောက် ၃ လကြာမှ ကျင်းပမှာဖြစ်တယ်လို့ သတင်းထောက်တွေကို ဒီကနေ့ ပြောကြားသွားတာပါ။ ဒီအကြောင်းကိုတော့ မသင်းသီရီက အပြည့်စုံ တင်ပြထားပါတယ်။
ဒီကနေ့ နိုဝင်ဘာလ ၂၅ ရက် သောကြာနေ့ နေ့လယ်မှာ ပြည်သူ့လွှတ်တော်ဥက္ကဋ္ဌ သူရ ဦးရွှေမန်းဟာ  သတင်းထောက်တွေနဲ့ တွေ့ဆုံပြီး နေပြည်တော်မှာ သတင်းစာရှင်းလင်းပွဲတစ်ခု  ပြုလုပ်ခဲ့ပါတယ်။ ပြည်တွင်းက သတင်းနဲ့စာနယ်ဇင်းတွေက သတင်းထောက်တွေနဲ့  သတင်းအယ်ဒီတာတွေအပြင်  နိုင်ငံခြားသတင်းဌာနတွေ အတွက် အလုပ်လုပ်နေကြတဲ့  ပြည်တွင်း သတင်းထောက် အယောက် ၃၀ လောက်နဲ့ ပြည်သူ့လွှတ်တော် ဥက္ကဋ္ဌတို့ တွေ့ဆုံစဉ်အတွင်း ကြားဖြတ်ရွေးကောက်ပွဲတွေကို ဒီနှစ်မကုန်ခင် ကျင်းပမှာမဟုတ်ဘူးဆိုတာကို ပြောခဲ့တယ်လို့  ဒီသတင်းစာရှင်းလင်းပွဲကို  ကိုယ်တိုင် သတင်းသွားယူခဲ့တဲ့ သတင်းထောက်တစ်ဦးက ပြောပါတယ်။
“ဥပဒေတွေအရပေါ့နော် ရွေးကောက်ပွဲမလုပ်ခင် သုံးလကြိုပြီး အကြောင်းကြားရမယ်လို့ ပြောထားတဲ့ ဥပဒေကို ထောက်ပြ ကိုးကားပြီးတော့ ကျနော်တို့ ဒီအတိုင်းဆိုရင်တော့ သုံးလအတွင်းမှာ ရွေးကောက်ပွဲ မရှိနိုင်သေးဘူးလို့ သူ ပြောသွားတယ်။ သုံးလကြိုပြီး ကြေညာရမယ် ပြောတဲ့အတွက် ဘယ်လိုမှ မဖြစ်နိုင်ဘူးပေါ့။”
ဒါ့အပြင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ  ကြားဖြတ်ရွေးကောက်ပွဲမှာ ဘယ်နေရာက ပြိုင်မယ်ဆိုတာ မသိသေးပေမဲ့ ပြည်သူ့လွှတ်တော်အနေနဲ့  ၀မ်းမြောက်ဝမ်းသာ ကြိုဆိုတယ်ဆိုတာကိုလည်း ပြောခဲ့ပါတယ်။
“နောက်တစ်ချက်က ကျနော်တို့ ဒေါ်အောင်ဆန်းစုကြည် လွှတ်တော်ထဲကိုရောက်လာရင် ကြိုဆိုမလားလို့ ဂျာနယ်တစ်ခုက မေးပါတယ်။ အဲဒီမှာတော့ ဦးသူရရွှေမန်းကနေပြီးတော့ သူတို့အနေနဲ့ ခုချိန်ထိ ဒေါ်အောင်ဆန်းစုကြည်က အမျိုးသားလွှတ်တော်က ၀င်မှာလား၊ ပြည်သူ့လွှတ်တော်က ၀င်မှာလား ဆိုတာ မသိဘူးတဲ့။ အကယ်၍ ပြည်သူ့လွှတ်တော်က ၀င်မယ်ဆိုရင်တော့ ပြည်သူ့လွှတ်တော်ဥက္ကဋ္ဌ အနေနဲ့ကော၊ ပြည်သူ့လွှတ်တော် အနေနဲ့ကော ၀မ်းမြောက်ဝမ်းသာ ကြိုဆိုမှာဖြစ်တယ်လို့ ပြောပါတယ်။”
ဒီကိစ္စအပြင် စကားလုံးအသုံးအနှုန်းအရ အငြင်းပွားနေတဲ့ နိုင်ငံရေး အကျဉ်းသားကိစ္စနဲ့ပတ်သက်လို့ သတင်းထောက်တွေက မေးမြန်းရာမှာလည်း နိုင်ငံတော်က ဒီကိစ္စကို အလေးအနက် စဉ်းစားနေတာ ရှိတယ်လို့ ဖြေသလို သူ့အဖြေအရဆိုရင်တော့ မကြာခင်မှာ လွတ်ငြိမ်းချမ်းသာခွင့်တွေ ရှိလာဦးမယ်ဆိုတာကို တွက်လို့ရတယ်လို့လည်း သတင်းထောက်က ပြောပါတယ်။
“နိုင်ငံရေးအကျဉ်းသားတွေ၊ ယုံကြည်ချက်ကြောင့် အကျဉ်းကျနေတဲ့ အကျဉ်းသားတွေ ဘယ်တော့ လွတ်မလဲဆိုတဲ့ကိစ္စကို အထူးသဖြင့် စကားလုံး အသုံးအနှုန်းအပေါ်မှာ တဘက်နဲ့တဘက် အငြင်းပွားနေတဲ့ ကိစ္စကို သူက ပြောပါတယ်။ ဒီဟာ ဘယ်လိုပဲ အငြင်းပွားသည်ဖြစ်စေ တကယ်ပဲ နိုင်ငံရေးလုပ်လို့ ယုံကြည်ချက်ကြောင့် အကျဉ်းကျခဲ့တာမှန်ရင်၊ တကယ်ပဲ နိုင်ငံရေးကြောင့်ပဲ ကျခဲ့တယ်ဆိုရင် ဒီလိုလူတွေကို လွှတ်ဖို့အတွက်ကို နိုင်ငံတော်က အထူးကိစ္စအနေနဲ့ စဉ်းစားပါလိမ့်မယ်တဲ့ ဆိုပြီးတော့ ပြောတယ်။ နောက်တစ်ခုက လွှတ်တော်အနေနဲ့ကတော့ ပြီးခဲ့တဲ့အစည်းအဝေးက လွတ်ငြိမ်းချမ်းသာခွင့်ကို ပြောထားပြီးသားဖြစ်တယ်တဲ့။ ဆိုတော့ သူက ဒီကိစ္စတွေ ဖြစ်လာနိုင်တယ်လို့တော့ အရိပ်အမြွက် ပြောတဲ့သဘောတော့ ရှိတယ်။ ဒါကတစ်ချက်ပေါ့နော်။ လွှတ်လာဖို့ ခက်ခဲတဲ့ အနေအထားတွေကို ရွေးချယ်ပြီး ပြောမသွားဘူးပေါ့နော်။ ဖြစ်နိုင်ချေရှိတဲ့ဟာကိုပဲ သူတို့ လွှတ်တော် အနေနဲ့လည်း ထောက်ခံထားပြီးသား။ အဲဒီ အစိုးရအနေနဲ့ကလည်း ချွင်းချက်အနေနဲ့ အထူးကိစ္စအနေနဲ့ စဉ်းစားပေးနိုင်တဲ့ ဘောင်ထဲမှာရှိတယ်ဆိုတာကို ပြောတယ်ဆိုတာက သူက အကောင်းဘက်ကို ပိုရောက်တာပေါ့။”
ဒီလို မြန်မာ့နိုင်ငံရေး အခြေအနေတွေအပြင် ဒီဇင်ဘာလဆန်းမှာ မြန်မာနိုင်ငံကို အမေရိကန် နိုင်ငံခြားရေးဝန်ကြီး ဟီလာရီကလင်တန် လာမယ့်ခရီးစဉ်နဲ့ပတ်သက်လို့ အမေရိကန်နဲ့ မြန်မာနိုင်ငံတိုရဲ့ ရှေ့ဆက်ဆံရေးနဲ့ပတ်သက်ပြီးတော့လည်း ပြောဆိုခဲ့ပါတယ်။
“သူက ဒီကိစ္စနဲ့ပတ်သက်ပြီး တော်တော်လေး အားရပါးရ ပြောပါတယ်။ ဘာဖြစ်လို့လဲဆိုတော့ နှစ်နိုင်ငံ ဆက်ဆံရေးက မကောင်းခဲ့ဘူးပေါ့နော်။ ကျနော်တို့ နှစ်ဘက် သံတမန်တွေ မထားဘူး၊ နှစ်ပေါင်း တော်တော်ကြာကြာ ဆက်ဆံရေးမကောင်းဘူးတဲ့။ သံအမတ်တွေ မရှိကြဘူးပေါ့နော်။ ဆိုတော့ ဒီကိစ္စမှာ သူက အထူးသဖြင့် နှစ်နိုင်ငံ ဆက်ဆံရေး ပြန်ရလာဖို့ သူက မျှော်လင့်တယ်။ နောက်တစ်ခုက ဒီကနေစပြီး လမ်းပွင့်သွားမယ်၊ ကျန်တဲ့ကိစ္စတွေရောပေါ့နော်။ အဲဒီအခါမှာ သူက ဘာပြောလဲဆိုတော့ နှစ်နိုင်ငံ အစိုးရတွေတင်မဟုတ်ဘဲ နှစ်နိုင်ငံ ပြည်သူတွေရော၊ ကျန်တဲ့ နိုင်ငံတကာက တခြားနိုင်ငံတွေပေါ့နော်။ တကမ္ဘာလုံးပေါ့နော် အကျိုးရှိမယ့်ကိစ္စတွေ ဖြစ်လာမယ့်သဘောတွေ သူ ပြောသွားတယ်။”
ဒါကတော့  ပြည်သူ့လွှတ်တော် ဥက္ကဋ္ဌ သူရဦးရွှေမန်းပြုလုပ်တဲ့ သတင်းစာရှင်းလင်းပွဲကို  ကိုယ်တိုင် သတင်းသွားယူခဲ့တဲ့ သတင်းထောက်တစ်ဦး ပြောပြခဲ့တာပါ။ ဒီလိုအချက်တွေအပြင် ဗိုလ်ချုပ်မှူးကြီး သန်းရွှေဟာ ကြံ့ခိုင်ဖွံ့ဖြိုးရေး ပါတီနဲ့ရော၊ အစိုးရအဖွဲ့အပြင် လွှတ်တော်နဲ့ တရားစီရင်ရေး စနစ်တွေမှာ လုံးဝပတ်သက်မှုမရှိတော့ဘူးလို့  သတင်းထောက်တစ်ဦးရဲ့အမေးကို ပြန်ဖြေခဲ့သလို မြန်မာ့နိုင်ငံရေးဟာ နောက်ကြောင်းပြန်လှည့်လို့ မရတော့တဲ့ တိုးတက်မှုအခြေအနေမှာ ရှိနေပြီးတော့ ရှေ့မှာ ပါလီမန်စနစ်ဟာ ပိုပြီး အားကောင်းပီပြင်လာလိမ့်မယ်လို့လည်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက သတင်းထောက်တွေကို ပြောဆိုခဲ့ပါတယ်။

စစ်ကောင်စီနုတ်ထွက်ရေး အီဂျစ်လူထု ဆက်လက်ဆန္ဒပြ
By ဗွီအိုအေ (မြန်မာဌာန)

ကိုင်ရိုမြို့ တဟီရာရင်ပြင်မှာ စစ်တပ်အာဏာကို ဆန့်ကျင်ဆန္ဒပြနေကြသူများ။ (နိုဝင်ဘာလ ၂၅၊ ၂၀၁၁)
အီဂျစ်အစိုးရက အပြောင်းအလဲတချို့လုပ်ပြီး လိုက်လျောပေးနေတဲ့ကြားကပဲ ထောင်ပေါင်းများစွာသော ဆန္ဒပြ ပြည်သူတွေဟာ ကိုင်ရိုမြို့တော်က တဟီရာ ရင်ပြင်မှာစုဝေးပြီး စစ်ကောင်စီအစိုးရ နုတ်ထွက်ပေးဖို့ ထပ်လောင်း တောင်းဆိုလိုက်ပါတယ်။
ခမဲလ်ဂန်ဇူရီ (Kamal Ganzouri) ကို ၀န်ကြီးချုပ်သစ်အဖြစ် ခန့်အပ်လိုက်တဲ့အကြောင်း စစ်ကောင်စီက ကြေညာပြီး နာရီပိုင်းအကြာမှာပဲ ဆန္ဒပြသူတွေဟာ နဖူးစည်းစာတမ်းတွေ ကိုင်ဆောင်ပြီး လွတ်မြောက်ရေး ဆိုတဲ့ ကြွေးကြော်သံတွေကို ဒီကနေ့ အော်ဟစ်ခဲ့ကြတာပါ။ မစ္စတာ ဂန်ဇူရီဟာ ဖေဖော်ဝါရီလမှာ ရာထူးက ဖြုတ်ချခံလိုက်ရတဲ့ အီဂျစ်သမ္မတဟောင်း ဟိုစနီမူဘာရက် (Hosni Mubarak) လက်ထက်မှာ ၀န်ကြီးချုပ် အဖြစ် တာဝန် ထမ်းဆောင်ဖူးသူလည်း ဖြစ်ပါတယ်။
စစ်ကောင်စီ အုပ်ချုပ်ရေးအဖွဲ့က အကြီးအကဲ ဗိုလ်ချုပ်ကြီး ဟူစိန် တန်တာဝီ (Hussein Tantawi) နဲ့ တွေ့ဆုံပြီးနောက်ပိုင်း မစ္စတာ ဂန်ဇူရီက အမျိုးသား ကြားဖြတ်အစိုးရကို ဦးဆောင်သွားဖို့ သဘောတူခဲ့တယ် လို့ အစောပိုင်းက အစိုးရပိုင် Al Ahram သတင်းစာမှာ ဖော်ပြထားပါတယ်။
အခုလို ပြောင်းလဲမှုတွေ လုပ်ဆောင်လိုက်တာက ဆန္ဒပြနေသူတွေအပေါ် တစုံတရာ အကျိုးသက်ရောက်မှု မဖြစ်စေခဲ့ပါဘူး။
စစ်ကောင်စီအနေနဲ့ အရပ်သားအစိုးရကို အာဏာလွှဲပေးဖို့ တောင်းဆိုတဲ့အနေနဲ့ ဒီကနေ့ လူသန်းနဲ့ချီပြီး ချီတက် ဆန္ဒပြကြဖို့ လှုံ့ဆော်ထားသူတွေက စစ်ကောင်စီအနေနဲ့ မှန်ကန်တဲ့ လုပ်ရပ်ကို လုပ်ဆောင်ပြီး ရာထူးက ဆင်းပေးကြဖို့ ဒါဟာ နောက်ဆုံးအခွင့်အရေးဖြစ်တယ်လို့ ပြောပါတယ်။
အီဂျစ်နိုင်ငံမှာ အခုနောက်ဆုံး ဖြစ်ပေါ်နေတဲ့ ဆန္ဒပြပွဲတွေကြောင့် အနည်းဆုံး လူ ၄၁ ယောက်လောက် သေဆုံးခဲ့ပြီး ဖြစ်ပါတယ်။ ဆန္ဒပြသူတွေအပေါ် အာဏာပိုင်တွေဘက်က အကြမ်းဖက် နှိပ်ကွပ်နေတဲ့အပေါ် ဥရောပသမဂ္ဂက ပြစ်တင် ရှုတ်ချလိုက်ပြီး အရပ်သားအစိုးရကို အာဏာ အမြန်လွှဲပေးဖို့ တောင်းဆို လိုက်တယ်လို့ ရိုက်တာသတင်းမှာ ဖော်ပြထားပါတယ်။

ဖိလစ်ပိုင်သမ္မတဟောင်းကို ဆက်လက်ထိန်းသိမ်းဖို့ အစိုးရရှေ့နေတောင်းဆို
By ဗွီအိုအေ (မြန်မာဌာန)
ဖိလစ်ပိုင်သမ္မတဟောင်း ဂလိုရီယာအာရိုယို (Gloria Arroyo) ကို ဆေးရုံကဆင်းပေးရလောက်တဲ့အထိ ကျန်းမာရေးအခြေအနေ ကောင်းမွန်နေတာကြောင့် သူမကို အကျဉ်းထောင်မှာ ထိန်းသိမ်းထားဖို့ လိုလားကြောင်း အစိုးရ အကျိုးဆောင်ရှေ့နေတွေက သောကြာနေ့မှာ ပြောပါတယ်။
သမ္မတဟောင်း အာရိုယို ခံစားနေရတဲ့ ကျောရိုးရောဂါကို အပြင်လူနာအဖြစ်နဲ့ ကုသလို့ ရနိုင်ကြောင်း သူမရဲ့ဆရာဝန် မာရီယိုဗား (Mario Ver) က ရုံးတော်မှာ ထွက်ဆိုလိုက်တာကြောင့် သူမကို မနီလာမြို့ ရဲစခန်းက အကျဉ်းထောင်မှာ ထိန်းသိမ်းခွင့်ပေးဖို့ အစိုးရ အကျိုးဆောင်ရှေ့နေ မာရီယာဟွာနာ ဗာလဲဇာ (Maria Juana Valleza) က ရုံးတော်မှာ လျှောက်ထားလိုက်တာပါ။
ဒါပေမဲ့ သမ္မတဟောင်း အာရိုယိုရဲ့ အကျိုးဆောင်ရှေ့နေတစ်ဦးဖြစ်တဲ့ ဂျေးဖလာမင်နီယာနို (Jay Flaminiano) ကတော့ သူမကို နေအိမ်အကျယ်ချုပ်နဲ့ပဲ ထိန်းသိမ်းခွင့်ပြုဖို့ လျှောက်ထားမယ်လို့ ဆိုပါတယ်။
အသက် (၆၄) နှစ်ရှိပြီဖြစ်တဲ့ သမ္မတဟောင်း ဂလိုရီယာ အာရိုယိုဟာ ၂၀၀၇ ခုနှစ် ဆီးနိတ်လွှတ်တော် ရွေးကောက်ပွဲအတွင်း မဲလိမ်လည်မှုတွေ ကျူးလွန်ခဲ့တယ်ဆိုပြီး စွပ်စွဲခံနေရတာပါ။ သမ္မတဟောင်း အာရိုယိုကတော့ အဲဒီစွဲချက်တွေ မဟုတ်မှန်ကြောင်း ငြင်းဆိုထားပါတယ်။

ဗိုလ်ချုပ်မှူးကြီးသန်းရွှေ အငြိမ်းစားယူမှုအပေါ်အမြင် အမျိုးမျိုး
By ဒေါ်လှလှသန်း
ဖိနှိပ်တဲ့စစ်အာဏာရှင်အုပ်ချုပ်မှုအောက်မှာ ကာလတာရှည် နာမည်ပျက်နေခဲ့တဲ့မြန်မာနိုင်ငံအပေါ် နိုင်ငံတကာရဲ့အမြင်တွေ ပြန်ကောင်းလာစေဖို့ မြန်မာအစိုးရသစ်ကကြိုးပမ်းနေတဲ့အချိန်မှာ စစ်အစိုးရကို ခေါင်းဆောင်ခဲ့တဲ့ ဗိုလ်ချုပ်မှူးကြီးသန်းရွှေက နောက်ကွယ်မှာနေ နေခဲ့တာ တွေ့ရပါတယ်။ ဒါပေမယ့် မနေ့က ကြာသာပတေးနေ့မှာတော့ မြန်မာအစိုးရပိုင် သတင်းစာတွေထဲမှာ ဦးသိန်းစိန်အစိုးရ တက်လာပြီးနောက်ပိုင်း ပထဆုံးအချိန်အဖြစ် ဗိုလ်ချုပ်မှူးကြီးသန်းရွှေ အမည်ရဲ့နောက်မှာ အငြိမ်းစားလို့ ဖော်ပြခဲ့တာ တွေ့ရပါတယ်။ ဒီအကြောင်းနဲ့ပတ်သက်ပြီး ဘယ်လိုထူးခြားမှုတွေရှိခဲ့သလဲဆိုတာကို ဝါရှင်တန်ကနေ သတင်းထောက် William Ide က သတင်းပေးပို့ထားတာကိုတော့ ဒေါ်လှလှသန်းက တင်ပြပေးထားပါတယ်။
သမ္မတအစိုးရသစ် ဦးသိန်းစိန် မတက်လာမီက ဗိုလ်ချုပ်မှူးကြီးသန်းရွှေဟာ မြန်မာအစိုးရပိုင် သတင်း မီဒီယာတွေမှာ ထိပ်တန်းက အမြဲပါဝင်နေပြီး နိုင်ငံရေးစနစ်မှာ သူ့ရဲ့အာဏာလွှမ်းမိုးမှုကို မလွတ်တမ်း မီးမောင်းထိုးပြနိုင်ခဲ့တာ ဖြစ်ပါတယ်။ ဒါပေမယ့် လက်ရှိအစိုးရသစ် တက်လာပြီးနောက်ပိုင်း ဗိုလ်ချုပ်မှူးကြီးသန်းရွှေရဲ့နာမည်ဟာ သတင်းမီဒီယာတွေမှာ ပျောက်ခြင်းမလှ ပျောက်ခဲ့ပြီး ကြာသာပတေးနေ့ နိုဝင်ဘာလ ၂၄ ရက်နေ့၊ မြန်မာ့အလင်းနဲ့ ကြေးမုံသတင်းစာတွေမှာ ဗိုလ်ချုပ်မှူးကြီးသန်းရွှေသတင်းကို ရေးသားဖော်ပြထားတာ တွေ့ရပါတယ်။
အရှေ့မျက်နှာဖုံးမှာမဟုတ်ဘဲ အတွင်းပိုင်းမှာ ဖော်ပြထားတဲ့သတင်းကတော့ ကမ္ဘာအေး ပါသဏလှိုင်ဂူမှာ ပင့်ဆောင်ပူဇော်ထားတဲ့ တရုတ်နိုင်ငံက ဗုဒ္ဓစွယ်တော်မြတ်အတွက် အလှူငွေပေးအပ်သူတွေထဲမှာ ဗိုလ်ချုပ်မှူးကြီး သန်းရွှေနဲ့ မိသားစုရဲ့နာမည်တွေကို ဖော်ပြထားပြီး ဗိုလ်ချုပ်မှူးကြီးသန်းရွှေရဲ့နာမည်နောက်မှာ ကွင်းစ ကွင်းပိတ်နဲ့ (ငြိမ်း) ဆိုပြီး ဖော်ပြထားတာဖြစ်ပါတယ်။
ရာထူးကနေ တရားဝင်အနားယူသွားပြီဖြစ်တဲ့ စစ်ဘက်နဲ့ အရပ်ဘက်နာမည်တွေနောက်မှာ အဲဒီလိုဖော်ပြလေ့ ရှိတာကြောင့် ဗိုလ်ချုပ်မှူးကြီးသန်းရွှေဟာ သူရဲ့ရာထူးကနေ တရားဝင်အငြိမ်းစားယူသွားပြီ ဆိုတဲ့သဘော သက်ရောက်တာဖြစ်ပါတယ်။ စစ်ထောက်လှမ်းရေးဟောင်း အရာရှိလည်းဖြစ်၊ မြန်မာသံအရာရှိဟောင်း တစ်ဦးလည်းဖြစ်တဲ့ ဗိုလ်မှူးဟောင်း ဦးအောင်လင်းထွဋ်က ဒီလို ဗိုလ်ချုပ်မှူးကြီး အငြိမ်းစားယူတဲ့ သတင်း ဖော်ပြမှုဟာ အမေရိကန်ပြည်ထောင်စုကို တနည်းတဖုံ အရိပ်လက္ခဏာပြသရာရောက်တယ်လို့ ဆိုပါတယ်။
“ဘာဖြစ်လို့ အခုမှ အငြိမ်းစားဆိုပြီး ဖော်ပြလဲလို့ ပြောရရင်တော့ ကျနော်တို့ မီဒီယာတွေ အပါအဝင်ပေါ့လေ-ကျနော်တို့အားလုံးပေါ့။ ပြည်ပမှာ ဗိုလ်ချုပ်မှူးကြီးသန်းရွှေက ဆက်လက်ပြီးတော့မှ အာဏာကို ချုပ်ကိုင်ထားဆဲ ဆိုတာကို ပြောလာတာတွေ များတဲ့အတွက်ကြောင့်မို့လို့ အခုလို တရားဝင် မဟုတ်ပါဘူး၊ ဒီလို အငြိမ်းစား ယူသွားပါပြီ ဆိုတဲ့ဟာကို ကြေညာတယ်လို့ပဲ ကျနော်တို့ မြင်မိပါတယ်ခင်ဗျ။ အခု ဒီ ဗိုလ်ချုပ်မှူးကြီးသန်းရွှေ ကိစ္စက အမေရိကန်အစိုးရအတွက် မယုံသင်္ကာစရာ ဖြစ်ပါတယ်။ အဓိကအားဖြင့်တော့ ဗိုလ်ချုပ်မှူးကြီး သန်းရွှေ လက်ထက်မှာ ကျနော်တို့ မြောက်ကိုရီးယားနဲ့ဆက်ဆံတဲ့ကိစ္စတွေ၊ အဏုမြူကိစ္စတွေ၊ လှိုက်ခေါင်းတူးတဲ့ ကိစ္စတွေ၊ ပေါ်လာခဲ့ပါတယ်။ ဒီ ဗိုလ်ချုပ်မှူးကြီးသန်းရွှေ ဗမာ့နိုင်ငံရေးက လုံးဝ မရှိဘူးဆိုတဲ့ ဥစ္စာက သတင်းစာက ဒါ မသိမသာ high light လုပ်လိုက်တဲ့ အနေအထားဖြစ်ပါတယ်”
မြန်မာနိုင်ငံကို နှစ် ၂၀ နီးပါးကြာ  အာဏာရှင်အဖြစ် အုပ်ချုပ်ခဲ့တဲ့ ပုဂ္ဂိုလ်တဦးအတွက် အနားယူတယ် ဆိုတာ ဘယ်လို အဓိပ္ပာယ်မျိုးပါလဲ၊ “Than Shwe: Unmasking Burma's Tyrant,” ဆိုတဲ့ ဗိုလ်ချုပ်မှူးကြီး သန်းရွှေရဲ့ ကိုယ်ရေး အထုပ္ပတ္တိကို ရေးသားခဲ့သူ ဘဲန်းနက်ဒစ် ရော်ဂျာစ်ကတော့ ဗိုလ်ချုပ်မှူးကြီးသန်းရွှေအနေနဲ့ ဂေါက်သီးပဲရိုက်ပြီး အချိန်ဖြုန်းနေတယ် ဆိုတာကတော့ မဖြစ်နိုင်ဘူးလို့ အခုလို ရှုမြင်ပါတယ်။
“မြန်မာအစိုးရရဲ့ ပြောခွင့်ရသူတဦးက မကြာခင်က ပြောခဲ့တာကို ကိုးကားရမယ်ဆိုရင် ဗိုလ်ချုပ်မှူးကြီးဟာ အများအားဖြင့်တော့ စာဖတ်နေတယ်လို့ ဆိုပါတယ်။ ဒါ့အပြင် သူဟာ ဂေါက်သီးရိုက်တာလည်း ဝါသနာပါ ပါတယ်။ သူ အဲဒီလိုပဲ အချိန်ဖြုန်းနေသလား၊ ဒါမှမဟုတ် တနည်းတဖုံပဲ ပါဝင်ပတ်သက်နေသလား ဆိုတာကတော့ မေးစရာပါ။ နေ့စဉ်ချမှတ်နေတဲ့ ဆုံးဖြတ်ချက်တွေမှာတော့ သူ ပါဝင်ချင်မှ ပါဝင်ချင်မှာ ဖြစ်ပေမယ့် အထူးသဖြင့် စစ်တပ်နဲ့ပတ်သက်လို့တော့ သူ့မှာ လွှမ်းမိုးနိုင်မှု ရှိနေသေးတယ်လို့ ကျနော်ထင်ပါတယ်”
ပါမောက္ခ ဒေးဗစ် စတိုင်းဘတ်ကတော့ ဂျော့ရ်ှတောင်း တက္ကသိုလ်က မြန်မာ့အရေး အကဲခတ် ပုဂ္ဂိုလ် ဖြစ်ပါတယ်။ သူကတော့ အာဏာချုပ်ကိုင်ရာမှာ အပြောင်းအလဲတွေရှိတာ တွေ့ရတယ်လို့ အခုလို ပြောပါတယ်။
“ဗိုလ်ချုပ်မှူးကြီးသန်းရွှေကို ဘယ်သူမှ ဘာမှ စမပြောရဲကြဘူး၊ ကိစ္စတခုခုကို သူကပဲ စပြောတာဖြစ်မယ်လို့ လူတွေက ကျနော့်ကို ပြောခဲ့ကြပါတယ်။ အခုတော့ အဲဒီအခြေအနေဟာ ပြောင်းလဲလာပြီလို့ ဆိုရမှာပေါ့။ ဒီလိုဖြစ်လာတာဟာလည်း သူ့ရဲ့စိတ်အနေအထား ပြောင်းလဲမှု တစိတ်တပိုင်းကြောင့်လို့ ဆိုနိုင်ပါတယ်။ နောက် ဖြစ်နိုင်တာက အာဏာကို ဘယ်သူက ချုပ်ကိုင်ထားသလဲ ဆိုတာကို အသေအချာ မသိနိုင်တဲ့အချက်ပါပဲ။ အခု အာဏာကို မျှကိုင်ထားကြတယ်လို့ မြင်ပါတယ်”
အခုလို အာဏာချုပ်ကိုင်မှု အပြောင်းအလဲနဲ့အတူ ပြုပြင်ပြောင်းလဲမှုတချို့ကို မြင်တွေ့ခဲ့ရတာ ဖြစ်ပါတယ်။ ဒီသီတင်းပတ်မှာပဲ ပြည်ထောင်စုလွှတ်တော်က မြန်မာနိုင်ငံမှာ ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့် ဥပဒေကြမ်းကို ခြွင်းချက်တချို့နဲ့အတူ အင်္ဂါနေ့က အတည်ပြုပေးလိုက်ပါတယ်။ ဒါ့အပြင် ရာဂဏန်းရှိတဲ့ နိုင်ငံရေး အကျဉ်းသားတွေကို ပြန်လွှတ်ပေးခဲ့တာ ရှိသလို အလုပ်သမားသမဂ္ဂတွေ ဖွဲ့စည်းခွင့် ဥပဒေကိုလည်း အတည်ပြုပေးခဲ့ပါတယ်။ ဒါ့အပြင် အခြေအတင် အငြင်းပွားဖွယ်ရာဖြစ်နေတဲ့ တရုတ်နဲ့ဖက်စပ်လုပ်ကိုင်နေတဲ့ မြစ်ဆုံရေကာတာ စီမံကိန်းကို ဖျက်သိမ်းပေးလိုက်တဲ့အပြင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့လည်း အစိုးရထိပ်ပိုင်းမှာ ဆွေးနွေးမှုတွေ ရှိခဲ့ပါတယ်။ နိုင်ငံရေးပါတီတွေ မှတ်ပုံတင်ခွင့်ဆိုင်ရာ ဥပဒေပြင်ဆင်ချက်ကိုလည်း အတည်ပြုပေးခဲ့တာ တွေ့ရပါတယ်ရှင်။

ကမဲလ်ဂန်ဇိုရီကို အီဂျစ်ဝန်ကြီးချုပ်သစ်အဖြစ် ပြန်လည်ခန့်အပ်
By ဗွီအိုအေ(မြန်မာဌာန)
အီဂျစ်နိုင်ငံမှာ အရင် အရပ်ဘက် ဝန်ကြီးအဖွဲ့က ဝန်ကြီးချုပ် အဆမ်ရှရစ် နုတ်ထွက်ပြီးနောက် အစိုးရသစ်တရပ်ဖွဲ့ဖို့အတွက် အရင်ဝန်ကြီးချုပ်ဟောင်း ကမဲလ်ဂန်ဇိုရီကို တာဝန်ပေးအပ်လိုက်တယ်လို့ စစ်အစိုးရအုပ်ချုပ်နေတဲ့ အီဂျစ်နိုင်ငံသတင်းမှာ ကြာသာပတေးနေ့က ဖော်ပြလိုက်ပါတယ်။
အစိုးရရဲ့ အယ်အဟန်းသတင်း ၀က်ဆိုက်စာမျက်နှာမှာတော့ ဂန်ဇိုရီဟာ အီဂျစ်စစ်ကောင်စီ SCAF ရဲ့ အကြီးအကဲ ဟူစိန်တန်တာဝီနဲ့ တွေ့ဆုံအပြီးမှာ အမျိုးသားကယ်တင်ရေး အစိုးရတရပ်ကို ဦးဆောင်ဖို့ အတွက် မူအားဖြင့် သဘောတူခဲ့တယ်လို့ ဖော်ပြထားပါတယ်။