25.11.2011 နေ့ဖတ်ရန်သတင်းများ

by Myanmar Journal on Friday, November 25, 2011 at 8:11am

 

 

စုံစမ်းရေး ကော်မရှင်က အစီရင်ခံစာ ထွက်လာပြီ

ဘာရိန်းမှာ ဆန္ဒပြသူတွေကို အင်အား အလွန်အကျွံသုံး နှိမ်နင်းခဲ့

ဘာရိန်းနိုင်ငံမှာ ဖေဖော်ဝါရီလ တုန်းက ဒီမိုကရေစီ အရေး တောင်းဆို ဆန္ဒပြသူတွေကို အစိုးရက အပြင်းအထန် နှိမ်နင်းခဲ့တယ် ဆိုတဲ့ အစီရင်ခံစာ တစောင်ကို လွတ်လပ်တဲ့ စုံစမ်း ကော်မရှင် အဖွဲ့က ထုတ်ပြန်လိုက်ပါတယ်။
ဆန္ဒပြပွဲမှာ အဖမ်းခံရသူတွေဟာ ကြာပွတ်နဲ့ ရိုက် ၊ ကန်ကျောက် ၊ လျှပ်စစ် ကျဉ်စက်နဲ့တို့ တဲ့အပြင် အပြစ် ဝန်ခံလာအောင် အဓမ္မ စော်ကားခံရမယ် ဆိုပြီးတော့လည်း ခြိမ်းခြောက် ခံခဲ့ရတယ်လို့ အစီရင်ခံစာ ရေးသားသူ Cherif Bassiouni က ပြောပါတယ်။

အစီရင်ခံစာ ထွက်ပေါ်လာအောင် စီစဉ်ခဲ့တဲ့ ဘာရန်း ဘုရင် ကတော့ အခုလို ထိန်းသိမ်း ခံရသူတွေကို နှိပ်စက် ညှင်းပမ်းမှု အပေါ် တုန်လှုပ်မိကြောင်း ထုတ်ဖော် ပြောကြားခဲ့ ပါတယ်။
ဘုရင်အနေနဲ့ ဒီအစီရင်ခံစာ အပေါ် ဘယ်လို တုန့်ပြန် ဆောင်ရွက်ပြီး နှိပ်စက် ကျူးလွန်တဲ့ တာဝန်ရှိသူတွေကို အရေးယူမှာလား ဆိုတာ အခုအချိန်မှာ မေးခွန်းထုတ် ဖြစ်နေပြီလို့ Professor Bassiouni က ဘီဘီစီကို ပြောပါတယ်။

ရဲတွေက မျက်ရည်ယိုဗုံး သုံးပြန်ပြီအီဂျစ်မှာ စစ်တပ် အုပ်ချုပ်ရေး ချက်ချင်းရပ်ဖို့ တောင်းဆိုနေ
အီဂျစ်နိုင်ငံ ကိုင်ရိုမြို့ တာ့ဟ်ရီရာ ရင်ပြင်မှာ ထောင်သောင်း ချီတဲ့ ဆန္ဒပြသူတွေက စစ်တပ် အုပ်ချုပ်ရေး ချက်ချက် ရပ်ပေးဖို့ တောင်းဆို နေပါတယ်။
ဆန္ဒပြသူတွေနဲ့ ရဲတွေကြား တခဏလောက် အတိုက်အခိုက် ရပ်သွားခဲ့ ခဲ့ပြီးတဲ့နောက် အဓိကရုန်းတွေ ထပ်ဖြစ်ခဲ့ပါတယ်။
အနီးတဝိုက် ဗလီတွေက ဘာသာရေး အကြီးအကဲတွေက နှစ်ဘက် တိုက်ခိုက်မှု ရပ်ဖို့ ပန်ကြား ခဲ့ပြီး စစ်တပ်က ရဲနဲ့ ဆန္ဒပြသူတွေကို လူစု ခွဲခဲ့ရပါတယ်။
ဒါပေမယ့် ရဲတွေက ဆန္ဒပြသူတွေကို မျက်ရည်ယို ဗုံးတွေ ထပ်မံ အသုံးပြုခဲ့ပြီး လက်ရှိ အခြေအနေ မှာတော့ ရင်ပြင် တဝိုက်မှာ မီးတောက်မီးခိုးတွေ တွေ့ရကာ မျက်ရည်ယို ဗုံးက အခိုးအငွေ့တွေလို့ ယူဆရပါတယ်။
လက်ရှိ အုပ်ချုပ်နေတဲ့ စစ်ကောင်စီကတော့ လာမယ့် တနင်္လာနေ့မှာ ကျင်းပမယ့် ပါလီမန် ရွေးကောက်ပွဲတွေကို စီစဉ်ထားတဲ့ အတိုင်း ကျင်းပသွားမယ်လို့ အခိုင်အမာ ပြောနေပါတယ်။

ယီမင် သမ္မတ Ali Abdullah Salehယီမင်မှာ အာဏာလွှဲပေးဖို့ သမ္မတ ဆာလေး သဘောတူ
ယီမင်နိုင်ငံမှာ သမ္မတ အလီ အဗ္ပဒူလာ ဆာလေး ရာထူးက ဆင်းပေးဖို့ တောင်းဆို ဆန္ဒပြမှုတွေ ကိုးလကြာ ဖြစ်ပွားခဲ့ ပြီးတဲ့နောက် သမ္မတက ဒုတိယ သမ္မတကို အာဏာ လွှဲပေးဖို့ သဘောတူ လက်မှတ် ရေးထိုးခဲ့ပါတယ်။
ဆော်ဒီ အာရေဗျမှာ ရောက်နေတဲ့ မစ္စတာ ဆာလေးက သဘောတူ လက်မှတ် ပေးလိုက် တာကြောင့် နှစ်သုံးဆယ်ကျော်ကြာ သူ့အုပ်ချုပ်မှု ပြီးဆုံးသွားပြီ ဖြစ်ပါတယ်။
သမ္မတ အိုဘားမားကတော့ အခု သဘောတူညီချက်က ယီမင် ပြည်သူတွေ အတွက် အရေးပါတဲ့ ခြေလှမ်းတရပ် ဖြစ်တယ်လို့ ပြောပါတယ်။
ဒီသဘောတူချက် ရေးထိုးတဲ့ သတင်းကို ကြားရတာနဲ့ ယီမင်နိုင်ငံ ဆန်နာ့ မြို့က ထောင်သောင်းချီတဲ့ လူတွေက ချီးမွမ်း သြဘာ ပေးခဲ့ကြပြီး တချို့ကတော့ သမ္မတ ဆာလေးကို လွတ်ငြိမ်းချမ်းသာခွင့် မပေးနိုင်ဘူး ဆိုပြီး သဘောတူညီမှုကို ပယ်ချခဲ့ပါတယ်။

ဂျပန် ဝန်ကြီးချုပ် မြန်မာပြောင်းလဲမှုကို ကြိုဆိုမြန်မာကို ဖွံ့ဖြိုးရေး အကူအညီ ပြန်ပေးဖို့ ဂျပန် ဆွေးနွေးမယ်
မြန်မာနိုင်ငံရဲ့ ဖွံ့ဖြိုး တိုးတက်ရေး စီမံကိန်းတွေမှာ ဂျပန်က အကူအညီတွေ ပြန်လည် ပေးအပ်ရေးနဲ့ ပတ်သက်လို့ လာမယ့် သီတင်းပတ်မှာ နှစ်နိုင်ငံ အစိုးရ ကိုယ်စားလှယ်တွေ ဆွေးနွေးကြလိမ့်မယ်လို့ မနေ့က ဗုဒ္ဓဟူးနေ့တုန်းက ဂျပန် အစိုးရက ထုတ်ပြန် ပြောကြား လိုက်ပါတယ်။
နှစ်ဖက် အစိုးရ ထိပ်တန်း အရာရှိတွေ တွေ့ဆုံတဲ့အခါ ဘယ်စီမံကိန်းတွေမှာ ကူညီ ထောက်ပံ့မှုတွေ ပေးမလဲဆိုတာကို ဆွေးနွေးကြမှာ ဖြစ်ပြီး အဲဒီ အထဲမှာ ဘီလူးချောင်း ရေအား လျှပ်စစ် ထုတ်လုပ်ရေး စီမံကိန်း ပြုပြင် တည်ဆောက်ရေး ပါကောင်း ပါနိုင်တယ် လို့ ဂျပန် နိုင်ငံခြားရေး ဝန်ကြီးဌာနက ပြောပါတယ်။
နှစ်ပေါင်းများစွာ အထီးကျန် ဖြစ်နေတဲ့ မြန်မာနိုင်ငံရဲ့ လတ်တလော ဒီမိုကရေစီ ရေးရာ အကောင်အထည် ဖော်မှုတွေကို နိုင်ငံတကာ တွန်းအားပေးနေရာမှာ ဒါဟာ နောက်ထပ် ခြေလှမ်းတရပ် ဖြစ်ပါတယ်။
စစ်တပ်က ဆယ်စုနှစ်ပေါင်း များစွာ အုပ်ချုပ်ခဲ့တဲ့ မြန်မာနိုင်ငံမှာ ပိုမို ပြုပြင်ပြောင်းလဲရေး တွေလုပ်ဆောင်ဖို့ တိုက်တွန်းနေသလို ဒီနှစ်ကုန်လောက်မှာ ကျင်းပမယ့် ကြားဖြတ် ရွေးကောက်ပွဲတွေမှာ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဝင်ရောက် ယှဉ်ပြိုင်မယ်လို့ အန်အယ်ဒီ ပါတီ ထိပ်တန်း အရာရှိ တယောက်က ပြောပါတယ်။
ပြီးခဲ့တဲ့ သီတင်းပတ်တုန်းက ဂျပန် ဝန်ကြီးချုပ် ယိုရှီဟီကို နိုဒါက မြန်မာ သမ္မတ ဦးသိန်းစိန်နဲ့ တွေ့ဆုံရာမှာ မြန်မာပြည်က ပြုပြင်ပြောင်းလဲမှုတွေကို ကြိုဆိုကြောင်း ပြောခဲ့ပြီး ဂျပန် အစိုးရ ကူညီထောက်ပံ့မှု တွေနဲ့ ပတ်သက်လို့ လာမယ့် တနင်္လာနေ့မှာ နေပြည်တော်မှာ ဆွေးနွေးကြမှာ ဖြစ်ပါတယ်။
ဂျပန်နိုင်ငံက မြန်မာနိုင်ငံ အပေါ် ဖွံ့ဖြိုးတိုးတက်ရေး အကူအညီတွေ ဒီပဲရင်း အရေးအခင်း အပြီး၂ဝဝ၃ ခုနှစ် ကတည်းက ဖြတ်တောက် ထားခဲ့တာ ဖြစ်ပေမယ့် လူမှု ကယ်ဆယ်ရေး အကူအညီတွေ ကိုတော့ ဆက်လက် ပေးအပ်နေခဲ့တာ ဖြစ်ပါတယ်။
ဂျပန်နိုင်ငံခြားရေး ဝန်ကြီးဌာန ပြောခွင့်ရ ပုဂ္ဂိုလ် Mr Masaru Sato က မြန်မာနိုင်ငံမှာ တိုးတက်မှု ရှိတဲ့ အပေါ် မူတည်ပြီး အကူအညီ တိုးပေးဖို့ ဆုံးဖြတ်ကြောင်း ဘီဘီစီ ကို ပြောပြပါတယ်။

တရုပ် ရေတပ် အင်အား တိုးချဲ့ လာတာကို ဒေသတွင်း မှာ စိုးရိမ်မှု တွေရှိပစိဖိတ်မှာ တရုတ်ရေတပ် စစ်ရေး လေ့ကျင့်မယ်
လာမယ့် သီတင်းပတ် အတွင်း အနောက် ပစိဖိတ် ဒေသမှာ ရေတပ် စစ်ရေး လေ့ကျင့်မှု တွေ ပြုလုပ် မယ်လို့ တရုတ် နိုင်ငံက ကြေညာ လိုက် ပါတယ်။
တရုတ်ရဲ့ ရေပြင် ပိုင်နက် ကိစ္စနဲ့ ပတ်သက်ပြီး တင်းမာ မှုတွေ တိုးပွား လာ နေတဲ့ အခြေ အနေမှာ တရုတ် ကာကွယ်ရေး ဝန်ကြီး ဌာနက အခု စစ်ရေး လေ့ကျင့် မှုဟာ ပုံမှန် လုပ်ရိုး လုပ်စဉ် အနေနဲ့ လုပ်တာ ဖြစ်တယ် လို့ ဆိုနေ ပါတယ်။
နိုဝင်ဘာ လကုန်ပိုင်း ကျရင် အနောက် ပစိဖိတ် သမုဒ္ဒရာ အတွင်း တရုတ် ရေတပ်က စစ်ရေး လေ့ကျင့်မယ်၊ ဒါဟာ ပုံမှန် လုပ်နေကျ စစ်ရေး လေ့ကျင့်မှု ဖြစ်ပြီး တစ်ခုခု ကို ပစ်မှတ်ထား ဦးတည် တာမျိုး၊ ဘယ်နိုင်ငံ ကိုမှ ဦးတည် လုပ်ဆောင် တာမျိုး မဟုတ် ဘူးလို့ တရုတ် အစိုးရ ကြေညာချက်မှာ ဖော်ပြ ပါတယ်။
မကြာ သေးခင် လတွေ အတွင်းက တရုတ် နိုင်ငံဟာ သူ့ရဲ့ အိမ်နီးချင်း နိုင်ငံတွေ၊ အထူး သဖြင့် တောင်တရုတ် ပင်လယ် ဝန်းကျင် ဒေသအတွင်း ပိုင်နက် အငြင်း ပွားမှု အတော် များများ မှာ ပါဝင် ပတ်သက် နေ ပါတယ်။
တရုတ်က အခု အငြင်းပွား နေတဲ့ နေရာ အများစုမှာ သူ့ရဲ့ အချုပ်အချာ အာဏာ ရှိနေတယ် ဆိုတာကို အလေးထား ပြော လာတာ ကြောင့် တစ်ဘက် မှာလည်း တကယ်လို့ ပြဿနာ တွေ ပြင်းထန် လာရင် တရုတ် ဘက်က ရေတပ် အင်အား သုံး ဖြေရှင်း မှာကိုလည်း တခြား နိုင်ငံတွေက စိုးရိမ် မှုတွေ ရှိနေ ပါတယ်။
တရုတ်ဘက် ကတော့ ဒီလို အင်အားသုံး ဖြေရှင်းမှာ မဟုတ် ဘူးလို့ ပြောခဲ့ပါတယ်။
တဖက် မှာလည်း တရုတ်က သူ့ရဲ့ ရေကြောင်း ဆိုင်ရာ လွတ်လပ် ခွင့်နဲ့ ဥပဒေနဲ့ အညီ လုပ်ပိုင်ခွင့် တွေကို မဟန့်တား သင့်ဘူးလို့ တရုတ် ကာကွယ်ရေး ဝန်ကြီးဌာန က အခု နောက်ဆုံး ရေတပ် စစ်ရေး လေ့ကျင့်မှု တွေနဲ့ ပတ်သက်ပြီး ပြောထား တာလည်း တွေ့ရ ပါတယ်။
ပြီးခဲ့တဲ့ သီတင်းပတ် ကတော့ အမေရိကန် သမ္မတ အိုဘားမား က အာရှ ပစိဖိတ် ဒေသ အတွင်းမှာ အမေရိကန် စစ်တပ်တွေ တိုးမြှင့် ချထား မယ်လို့ ကြေညာခဲ့ ပါတယ်။

NLD မှတ်ပုံ တင်မယ့် စာရင်းထဲ ၂၁ ယောက် ပါဝင်
အန်အယ်လ်ဒီ ပါတီမှတ်တင်ခွင့် အတွက် ရွေးကောက်ပွဲ ကော်မရှင်မှာ တင်ဖို့ ဦးဉာဏ်ဝင်းနဲ့ ဦးဝင်းမြင့်တို့ နေပြည်တော် ကို သွားနေကြပြီ ဖြစ်ပါတယ်။
ပါတီ မှတ်ပုံတင်ရေး ဆုံးဖြတ်ဖို့ ဆွေနွေးတဲ့ နေ့က ဒေါ်အောင်ဆန်း စုကြည်ကို စောင့်ကြို နှုတ်ဆက် ကြသူများ
အန်အယ်လ်ဒီ ပါတီ မှတ်တင်ခွင့် အတွက် တည်ထောင်သူ စာရင်းထဲမှာ ပါတီ ခေါင်းဆောင်ပိုင်းက ဒေါ်အောင်ဆန်း စုကြည်နဲ့ ဦးတင်ဦး အပါအဝင် လူ ၂၁ ယောက်ရဲ့ အမည် စာရင်း ပါရှိ ပါတယ်။
အဲဒီထဲမှာ အမျိုး သမီး ၁၁ ယောက် ပါဝင်တာ တွေ့ရ ပါတယ်။
ဥက္ကဌ ဦးအောင်ရွှေ၊ အတွင်းရေးမှူး ဦးလွင် တို့ရဲ့ နာမည် တွေတော့ မပါပါဘူး။
အန်အယ်လ်ဒီ မှတ်ပုံတင်ဖို့ အတွက် နေပြည်တော်ကို သွားနေ တဲ့ ဦးဉာဏ်ဝင်း ကတော့ အခု နာမည် စာရင်း ထဲမှာ ပါတဲ့သူ တွေဟာ ဗဟို အလုပ် အမှုဆောင် တွေ ကို ဖော်ပြတာ မဟုတ်ဘဲ မှတ်ပုံတင်ခွင့် လျှောက်ထားတဲ့ သူတွေသာ ဖြစ်တယ်လို့ ပြောပါတယ်။
အမျိုးသမီးတွေ ထဲမှာ မရမ်းကုန်း မြို့နယ်က ဒေါက်တာ ဒေါ်မေဝင်းမြင့် ဘားအံက ဒေါ်နန်းခင်ထွေးမြင့်၊ ဒေါ်အောင်ဆန်း စုကြည် ရဲ့ အမှုကို လိုက်ပါ ဆောင်ရွက် ပေးခဲ့တဲ့ မော်လမြိုင်က ဒေါ်ခင်ဌေးကြွယ် စသူတို့ ပါဝင်ပါတယ်။

အဝါရောင် မိုးပေါက် တွေကို ဟင်းရွက်တွေ ပေါ်မှာ တွေ့ရ ( ကချင် သတင်းဌာန ဓါတ်ပုံ)မိုင်ဂျာယန်မှာ အဝါရောင် မိုးတွေရွာ
လွန်ခဲ့တဲ့ နိုဝင်ဘာ ၂၀ ရက်နေ့က နေ ၂၃ ရက်နေ့ အထိ မိုင်ဂျာယန် က ရပ်ကွက် တချို့မှာ အဝါရောင် မိုးတွေ ရွာတဲ့ အတွက် ဟင်းသီး ဟင်းရွက် တွေနဲ့ သောက်သုံးရေ တွေ မှာ အန္တရာယ် ဖြစ်မှာကို ဒေသခံတွေ စိုးရိမ် နေကြပါတယ်။
ဒေသခံ တစ်ယောက်က သွားကြည့်တဲ့ အခါ အိမ် ခေါင်မိုးတွေ ပေါ်မှာ နဲ့ သစ်ပင် သစ်ရွက်တွေပေါ်မှာ အဝါရောင် အစက် အပြောက် တွေ တွေ့ရ တယ်လို့ ဘီဘီစီကို ပြောပါတယ်။
တမြို့လုံးကို လှည့်လည် သွားကြည့်တဲ့ အခါမှာလည်း နေရာ အနှံ့မှာ အလားတူ ဖြစ်နေတာ တွေ့ရတယ်လို့ မြို့ခံ တစ်ယောက် ဖြစ်တဲ့ ကိုနော်မိုင်က ပြောပါတယ်။
မြေပြင်နဲ့ သစ်ရွက်တွေ ပေါ်မှာ တင်ကျန်ရစ်တဲ့ မိုးပေါက်တွေဟာ အရောင် အဆင်း အားဖြင့် သနပ်ခါးရောင် အရင့် ဖြစ်တယ်လို့ သူက ပြောပါတယ်။
အဝါရောင် မိုးစက် မိုးပေါက်တွေလို ကျခဲ့တဲ့ အချိန်က ကောင်းကင်မှာ မိုးအုံ့ နေတာ မဟုတ်ဘဲ နေသာ နေတယ်လို့ ကိုနော်မိုင်က ပြောပါတယ်။
သွပ်မိုး အိမ်တွေ မှာ မိုးပေါက်တွေ ကျလာတဲ့ အသံတွေကို ကိုယ်တိုင် ကြားခဲ့ ရပြီး အပြင်ထွက်ကြည့်တဲ့ အခါ အဝါရောင် အစက် အပျောက်တွေ တွေ့ရတယ်လို့ သူက ဆက်ပြော ပါတယ်။
အခုလို သနပ်ခါးရောင် မိုးပေါက်တွေ ရွာသွန်းတာ ဘာကြောင့် ဆိုတာ မသိရသေးပေမဲ့ ဒေသခံတွေကတော့ ဒါဟာ လေယာဉ် ပေါ်ကနေ ကျဲချတာ ဖြစ်တယ်၊ ဓါတု အငွေ့တွေ ဖြစ်တယ် စသဖြင့် ပြောဆို နေကြတယ်လို့လည်း ကိုနော်မိုင်က ပြောပါတယ်။

အငြိမ်းစား ဗိုလ်ချုပ်မှူးကြီး သန်းရွှေဗိုလ်ချုပ်မှူးကြီးသန်းရွှေ (ငြိမ်း)ဟု သတင်းစာများဖေါ်ပြ
နိုင်ငံတော်အေး ချမ်းသာယာရေးနဲ့ ဖွံ့ဖြိုးရေး ကောင်စီ ဖျက်သိမ်းပြီး ပြီးခဲ့တဲ့မတ်လက အစိုးရသစ်ကို အာဏာလွှဲလိုက်ကတဲက ပထမဆုံး အကြိမ်အဖြစ် ဗိုလ်ချုပ်မှူးကြီး သန်းရွှေရဲ့ ပုံတွေသတင်း မီဒီယာတွေမှာ ပြန်ထွက်ပေါ်လာပါတယ်။
နိုဝင်ဘာလ ၂၄ရက်ထုတ်အစိုးရ သတင်းစာတွေထဲမှာတော့ တရုတ်ပြည်မှပင့်ဆောင် လာတဲ့ ဗုဒ္ဓမြတ်စွယ်တော် အလှူငွေစါရင်းမှာ ဗိုလ်ချုပ်မှူးကြီးသန်းရွှေ (ငြိမ်း) လို့ဖေါ်ပြထားပါတယ်။ ဒီလိုသတင်းတွေထဲမှာ တရားဝင်ရေးလာတဲ့အတွက် အများဝေဖန်နေသလို စစ်ခေါင်းဆောင်ဟောင်းတွေဟာ နောက်ကွယ်က ကြိုးကိုင်နေတယ် ဆိုတာ လက်တွေ့ဖြစ်နိုင်သလား။
ဒီအကြောင်း သမ္မတရဲ့ အကြံပေးအဖွဲ့ ခေါင်းဆောင် ဦးကိုကိုလှိုင်ကတော့ အစိုးရသစ်ကို အာဏာလွှဲလိုက်ကတဲက ဗိုလ်ချုပ်မှူးကြီးတို့အနေနဲ့ အငြိမ်းစားယူသွားတာလို့ ဘီဘီစီကိုပြောပါတယ်။ နောက်တခါအများ ယူဆသလို စစ်ခေါင်းဆောင် ဟောင်းတွေက အစိုးရသစ်ပေါ် သြဇာလွှမ်းမိုးတယ်ဆိုတာ မဟုတ်ဘဲ အခြေခံဥပဒေနဲ့ အညီ သမ္မတနဲ့ အစိုးရအဖွဲ့က အသစ်ဆောင်ရွက်နေတာလို့ ပြောပါတယ်။
ထိုင်းအခြေစိုက် ဧရာဝတီသတင်း အယ်ဒီတာ ကိုဇော်အောင်ကတော့ ဦးကိုကိုလှိုင်ပြောသလို အမှန်တိုင်းဖြစ်ရင် ကြိုဆိုရမှာ ဖြစ်ကြောင်း ဒါပေမဲ့ စစ်အာဏာရှင်တွေဟာ လွယ်လွယ်နဲ့ အာဏာမစွန့်သလို ပြုပြင်ပြောင်းလဲမှုတွေကို သမ္မတက ခပ်မြန်မြန်လုပ်ရင် ဦးသန်းရွှေတို့လို လူကြီးတွေကိုပြန်ခေါ်ချင်တဲ့ အုပ်စုရှိနေကြောင်း ဘီဘီစီကို ပြောပါတယ်။
ဒါကြောင့် စစ်မှုမထမ်း မနေရ ဥပဒေအရ တပ်မှ အငြိမ်းစားယူပြီး ၅နှစ်အတွင်း တာဝန်ထမ်းဖို့ ပြန်ခေါ်နိုင်တယ် ဆိုတဲ့ကိစ္စဟာ စစ်ခေါင်းဆောင်ဟောင်း တွေအတွက် ရည်ရွယ်ထားတာလို့ ကိုဇော်အောင်က သုံးသပ်သွားပါတယ်။

ယီမင်မှာ အကြမ်းဖက်မှု တွေကြောင့် သေဆုံးမှုရှိ
သမ္မတ ဆာလေးက နှုတ်ထွက်ဖို့ လက်မှတ် ထိုးထား ပါတယ်
ယီမင် နိုင်ငံက လာတဲ့ သတင်းတွေ အရ သမ္မတ Ali Abdulah Saleh. ရာထူးကနေ ဆင်းပေးရေး ဆိုင်ရာ သဘောတူညီချက်မှာ ပါတဲ့ အချက် အလက် တွေကို ကန့်ကွက် ဆန္ဒပြမှုတွေ အတွင်း ဆန်နား မြို့တော်မှာ သေနတ်နဲ့ ပစ်သတ်ခံခဲ့သူ ငါးယောက်ထက် မနည်း ရှိတယ်လို့ သိရ ပါတယ်။
မစ္စတာ ဆာလေးရဲ့ သစ္စာခံ သေနတ် သမားတွေက မစ္စတာ ဆာလေးကို တရားစွဲဆိုမှု ကနေ ကင်းလွတ်ခွင့် ပေးရေး ကိစ္စ အပေါ် ကန့်ကွက် ခဲ့ကြတဲ့ ထောင်နဲ့ ချီတဲ့ ဆန္ဒပြ သူတွေ ထဲကို သေနတ်တွေနဲ့ ပစ်ခတ် ခဲ့ကြ ပါတယ်။
မနေ့တုန်းက လက်မှတ် ရေးထိုး ခဲ့တဲ့ သဘော တူညီချက် အရ ဆိုရင် မစ္စတာ ဆာလေးရဲ့ အုပ်ချုပ် မှုကို ၉လ ကြာအောင် ကန့်ကွက် မှုတွေ ရှိခဲ့ ပြီးတဲ့နောက် သူ့ လက်ထောက်ကို အာဏာ လွှဲပေးမှာ ဖြစ် ပါတယ်။
ဆန်နားမြို့ က ထောင်နဲ့ ချီတဲ့ လူတွေ က ဒီသတင်း ကို ကြိုဆို ခဲ့ကြ ပေမဲ့ တချို့ ကတော့ ကန့်ကွက် ခဲ့ကြ ပါတယ်။

ဆန္ဒပြခွင့်ဆိုင်ရာ နည်းဥပဒေ ထုတ်ပြန်ဖို့ ကျန်နေသေး
2011-11-24
ငြိမ်းချမ်းစွာ စုဝေးခွင့်နဲ့ စီတန်းလမ်းလျှောက် ဆန္ဒပြခွင့် ဆိုင်ရာ ဥပဒေမူကြမ်းကို ပြည်ထောင်စု လွှတ်တော်က အတည်ပြုပြီးတာကြောင့် လာမယ့် ဒီဇင်ဘာလအတွင်း သမ္မတဦးသိန်းစိန် လက်မှတ်ရေးထိုးဖို့သာ ကျန်ပြီး နည်းဥပဒေကို ထုတ်ပြန်ပြီးတာနဲ့ တရားဝင် ဆန္ဒပြခွင့် လျှောက်ထားနိုင်တော့မယ်လို့ သိရပါတယ်။
လာမယ့် (၁၄)ရက် အတွင်း သမ္မတက လက်မှတ်ရေးထိုးဖို့ ရှိကြောင်း အမျိုးသားလွှတ်တော် ကိုယ်စားလှယ် တစ်ဦးဖြစ်တဲ့ ဒေါက်တာ မြတ်ဉာဏစိုးက RFAကို ပြောပါတယ်။အခု အတည်ပြုလိုက်တဲ့ ဆန္ဒပြခွင့်ဆိုင်ရာ ဥပဒေမူကြမ်းမှာ ကန့်သတ်ချက်တချို့ပါဝင်ပြီး၊ လက်နက်ကိုင် တပ်ဖွဲ့ဝင်တွေ ဆန္ဒပြခွင့် မရှိသလို လူအများ စုဝေးတတ်တဲ့ ဆေးရုံ၊ ကျောင်း၊ ဈေး စတဲ့နေရာတွေရှေ့မှာ ဆန္ဒပြခွင့် ပိတ်ပင်ထားပါတယ်။ဒါ့အပြင် နိုင်ငံခြားသံရုံးတွေ ရှေ့မှာလည်း ဆန္ဒပြခွင့်မရှိဘဲ သံရုံးရှေ့က ဖြတ်ပြီး စီတန်းလှည့်လည် ဆန္ဒပြတာမျိုးကိုတော့ ခွင့်ပြုထားတယ်လို့ သိရပါတယ်။ဆန္ဒပြရာမှာ ကြွေးကြော်သံတိုင်တာ အလံလွှင့်ထူ ကိုင်ဆောင်တာ ဆိုင်းဘုတ်တွေ ကိုင်ဆောင်တာ မျိုးကိုလည်း ခွင့်ပြုထားပါတယ်။ဆန္ဒပြခွင့်ဆိုင်ရာ ဥပဒေမူကြမ်း အတည်ပြုလိုက်တာနဲ့ ပတ်သက်ပြီး အမျိုးသားလွှတ်တော် ကိုယ်စားလှယ် ဒေါက်တာ မြတ်ဉာဏစိုးကို အာရ်အက်ဖ်အေဝိုင်းတော်သား ကိုဉာဏ်ဝင်းအောင်က ဆက်သွယ် မေးမြန်း ထားပါတယ်။

မြန်မာနိုင်ငံ ရေနံနဲ့သဘာဝဓာတ်ငွေ့ တူးဖော်ရေး ဈေးပြိုင်ခေါ်
2011-11-24
မြန်မာနိုင်ငံ ရေနံနဲ့ သဘာဝဓာတ်ငွေ့ တူးဖော်ရေး လုပ်ကွက်အသစ်တွေ အတွက် တင်ဒါစနစ်နဲ့ ဈေးပြိုင်ခေါ်ရာမှာ တရုတ်နဲ့ အနောက်နိုင်ငံ ကုမ္ပဏီကြီးတွေက စိတ်မဝင်စားကြဘဲ အိန္ဒိယ၊ ထိုင်းနဲ့ မလေးရှား ကုမ္ပဏီတွေသာ စိတ်ဝင်စားတာ တွေ့ရတယ်လို့ ရိုက်တာ သတင်းမှာ ဒီကနေ့ ဖော်ပြပါတယ်။
မြန်မာအစိုးရက ကုန်းတွင်းနဲ့ ကမ်းလွန် ရေနံနဲ့ သဘာဝဓာတ်ငွေ့ လုပ်ကွက် အသစ် ၁၈ ခုအတွက် နိုင်ငံခြားကုမ္ပဏီ အားလုံးကို ဒီရက်ပိုင်းအတွင်း အပြိုင်အဆိုင် ရင်းနှီးမြှုပ်နှံခွင့် ပေးရာမှာ မြန်မာနိုင်ငံမှာ ရင်းနှီးမြှုပ်နှံမှု အများဆုံး Sinopec၊ CNPC နဲ့ CNOCC တရုတ်ကုမ္ပဏီကြီး ၃ ခု ရင်းနှီးမြှုပ်နှံမှာ မဟုတ်ဘူးလို့ သိရပါတယ်။ဒါ့အပြင် အနောက်နိုင်ငံ နာမည်ကြီး ကုမ္ပဏီတွေဖြစ်တဲ့ Total ကုမ္ပဏီ၊ ရုရှနိုင်ငံက Gazprom နဲ့ Royal Dutch Shell ကုမ္ပဏီတွေကလည်း အခုလုပ်ကွက်အသစ်တွေမှာ ၀င်ရောက်ယှဉ်ပြိုင်မှာ မဟုတ်ဘူးလို့ ဆိုပါတယ်။အခုအသစ်ခေါ်ယူတဲ့ လုပ်ကွက်တွေက သဘာဝဓာတ်ငွေ့နဲ့ ရေနံ ထွက်ရှိမယ့်ပမာဏ လေ့လာချက်အရ ထွက်ရှိနိုင်မှုကို အားမရတာကြောင့် တရုတ်ကုမ္ပဏီကြီးတွေ မပါဝင်တာလို့ ပြောပါတယ်။ အနောက်နိုင်ငံ ကုမ္ပဏီကြီးတွေကတော့ ရင်းနှီးမြှုပ်နှံလိုပေမယ့် မြန်မာနိုင်ငံက ဒီမိုကရေစီ ပြုပြင်ပြောင်းလဲရေး အခြေအနေကို စောင့်ကြည့်ဖို့ လိုအပ်နေသေးတယ်လို့ ပြောကြောင်း သိရပါတယ်။လက်ရှိ မြန်မာအစိုးရက ကမ်းလှမ်းထားတဲ့ ကုန်းတွင်းနဲ့ကမ်းလွန် လုပ်ကွက် အသစ် ၁၈ ခုမှာ အဓိက ရင်းနှီးမြှုပ်နှံမှာကတော့ မလေးရှားနိုင်ငံက Petronas၊ ထိုင်းနိုင်ငံက PTT နဲ့ အိန္ဒိယနိုင်ငံက ONGC Videsh ကုမ္ပဏီတွေပါ။မြန်မာအစိုးရ ရေနံနဲ့ သဘာဝဓာတ်ငွေ့ စာရင်းအရ ကုန်းတွင်းနဲ့ ကမ်းလွန် ရေနံထွက်ရှိမယ့် ပမာဏက ကုန်းတွင်းပိုင်းမှာ ပီပါပေါင်း ၁၁၅ သန်းနဲ့ ကမ်းလွန်ပမာဏက ပီပါသန်းပေါင်း ၁၀၀ ရှိတယ်လို့ ဆိုပါတယ်။ ဒါ့အပြင် ကုန်းတွင်းပိုင်းမှာ ရှိနေတဲ့ သဘာဝဓာတ်ငွေ့ ပမာဏက ကုဗပေ ၄၀၀ ဘီလီယမ် ရှိပြီး ကမ်းလွန်မှာတော့ ကုဗပေ ၁၆ တရီလီယမ် ရှိမယ်လို့ သိရပါတယ်။

ကချင်ပြည်နယ်မှာ သနပ်ခါးရောင် မိုးတွေရွာ
2011-11-24
ကချင်ပြည်နယ် အရှေ့တောင်ပိုင်း တရုတ် မြန်မာနယ်စပ်အနီးက လွယ်ဂျယ်နဲ့ မိုင်ဂျာယန်ဒေသမှာ အခုရက်ပိုင်းအတွင်း သနပ်ခါးရောင် အနီရောင်စတဲ့ မိုးမျိုး ရွာသွန်းခဲ့တဲ့အတွက် သက်သေခံ အထောက်အထားတွေကို ရယူပြီး ဓာတ်ခွဲခန်းမှာ စစ်ဆေးနိုင်ဖို့ ကေအိုင်အေက ကြိုးပမ်းနေတယ်လို့ သိရပါတယ်။
ပြီးခဲ့တဲ့ သီတင်းပတ်အတွင်းက မိုင်ဂျာယန် ဒေသမှာ မိုးရွာတာလည်း မဟုတ်ဘဲ ဝါကျင်ကျင် အရောင် အရည်တွေ ကျခဲ့တယ်လို့ ကေအိုင်အေ အရာရှိတစ်ဦးက ပြောပါတယ်။လွန်ခဲ့တဲ့ ၂ ရက်လောက်က လွယ်ဂျယ်နဲ့ မိုင်ဂျာယန်ကြားက ကန်ဝံရွာနားမှာ အနီရောင် အမှုန့်လိုမျိုး ကျခဲ့တာကြောင့် သီးနှံပင်တွေ သေဆုံးတာ ရှိတယ်လို့ ဒေသခံတွေက ပြောကြောင်း သိရပါတယ်။ ကန်ဝံရွာနားမှာ ကျခဲ့တဲ့ အနီရောင်လို အမှုန့်တွေ အကြောင်းကိုတော့ နောက်ထပ် ကေအိုင်အို အရာရှိတစ်ဦးက အခုလို ပြောပါတယ်။“မဖြစ်ခင် လေယာဉ်တစ်စီးပေါ်က ကြဲသွားတာလို့ ပြောတယ်။ လေယာဉ် သုံးနိုင်တာ ဆိုလို့ အစိုးရတပ်ပဲ ရှိတာပေါ့။ သွားကြည့်တဲ့ လူတွေလည်း မူးတာတွေ အော့အန်တာတွေ ဖြစ်တယ်”အခုလို အရောင်ပါတဲ့ မိုးလိုရွာသွန်းတဲ့ လွယ်ဂျယ်နဲ့ မိုင်ဂျာယန် ဒေသတွေဟာ ကေအိုင်အို တပ်မဟာ ၃ အခြေစိုက်ရာ ဒေသဖြစ်ပြီး မြန်မာအစိုးရ တပ်တွေနဲ့ မကြာခဏ တိုက်ပွဲဖြစ်တဲ့ နေရာတွေလို့လည်း ကေအိုင်အေ အရာရှိတွေက ပြောပါတယ်။ပြီးခဲ့တဲ့ သီတင်းပတ် အတွင်းက ရွာချခဲ့တဲ့ သနပ်ခါးရောင်လို မိုးကြောင့် သီးနှံပင်တွေပါ အဆိပ်သင့်သလို ဖြစ်တဲ့အတွက် ဒေသခံတွေ ဟင်းသီးဟင်းရွက် မစားကြဖို့ ကေအိုင်အိုက ပိတ်ပင် ထားတယ်လို့လည်း ကချင်သတင်းဌာနက ဖော်ပြထားပါတယ်။

ရှေ့ ၂၅ နှစ်ကာလ အရှေ့တောင်အာရှမှာ မြန်မာ စီးပွားရေး ထိပ်တန်းနိုင်ငံ ဖြစ်လာနိုင်
2011-11-24
မြန်မာနိုင်ငံဟာ လာမဲ့ ၂၅ နှစ်ကာလအတွင်း အရှေ့တောင်အာရှမှာ စီးပွားရေး ထိပ်တန်းနိုင်ငံ ဖြစ်လာမယ်လို့ သမ္မတ ဦးသိန်းစိန်ရဲ့ နိုင်ငံရေးအကြံပေး ဒေါက်တာ နေဇင်လတ်က အာရ်အက်ဖ်အေကို ပြောပါတယ်။
အစိုးရအနေနဲ့ မှန်ကန်တဲ့ စီးပွားရေး မူဝါဒတွေချမှတ်ပြီး ပြုပြင်ပြောင်းလဲရေးတွေ အားမြှင့် လုပ်ဆောင်နေပြီဖြစ်လို့ လက်ရှိ အရှိန်အဟုန်အတိုင်း ဆက်ဆောင်ရွက်သွားရင် အရှေ့တောင်အာရှမှာ အဆင့်တစ်က သုံးအတွင်း စီးပွားရေး ထိပ်တန်းနိုင်ငံ ဖြစ်လာနိုင်ကြောင်း အင်ဒိုနီးရှားနိုင်ငံ ဘာလီကျွန်းမှာ ပြီးခဲ့တဲ့ သီတင်းပတ်ကုန်က ကျင်းပခဲ့တဲ့ အာဆီယံ ထိပ်သီးညီလာခံ ကာလအတွင်း အာရ်အက်ဖ်အေနဲ့ သီးသန့် တွေ့ဆုံရာမှာ ပြောကြားခဲ့တာပါ။မြန်မာနိုင်ငံကို အနောက်နိုင်ငံတွေက နှစ်ပေါင်းများစွာ စီးပွားရေး ပိတ်ဆို့ထားခဲ့တာကြောင့် နိုင်ငံခြား ရင်းနှီးမြှုပ်နှံမှုကဏ္ဍ ထိခိုက် နစ်နာခဲ့ရတဲ့အပြင် ငွေကြေးအကူအညီ၊ စီမံခန့်ခွဲမှု၊ နည်းပညာ၊ ဈေးကွက်၊ လူဝင်မှု စတဲ့ ကဏ္ဍရပ်တွေမှာလည်း ဆုံးရှုံးမှု ရှိခဲ့တယ်လို့ ဒေါက်တာ နေဇင်လတ်က ပြောပါတယ်။အခုအခါမှာတော့ အနောက်နိုင်ငံတွေရဲ့ စီးပွားရေး ဒဏ်ခတ်မှု ရုပ်သိမ်းရေး အပါအဝင် အကူအညီတွေ ပြန်လည်ရရှိဖို့ လမ်းစပွင့်လာပြီ ဖြစ်တာကြောင့် မြန်မာနိုင်ငံဟာ လာမယ့် ၁၀ စုနှစ်အတွင်း ကမ္ဘာ့အဆင်းရဲဆုံး တတိယနိုင်ငံ အဆင့်ကနေ ဒုတိယနိုင်ငံ အဆင့်ကို ရုန်းထွက်နိုင်တော့မယ်လို့ ဒေါက်တာ နေဇင်လတ်က ပြောပါတယ်။မြန်မာနိုင်ငံဟာ အာရှတိုက်မှာ သဘာဝ အရင်းအမြစ်၊ လူသား အရင်းအမြစ် ပေါများကြွယ်ဝပေမဲ့ စစ်အာဏာရှင် စနစ်အောက်မှာ မှားယွင်းတဲ့ စီမံခန့်ခွဲမှုတွေကြောင့် ၁၉၈၇ ခုမှာ ကမ္ဘာ့အဆင်းရဲဆုံး နိုင်ငံတစ်ခုအဖြစ် သတ်မှတ်ခံခဲ့ရပါတယ်။RFA ဝိုင်းတော်သား ဦးခင်မောင်စိုနဲ့ ဒေါက်တာနေဇင်လတ် တွေ့ဆုံမေးမြန်းချက် အပြည့်အစုံကို မေးမြန်းခန်း ကဏ္ဍတွင် နားဆင်နိုင်ပါတယ်။

စပိန်ရွေးကောက်ပွဲ ကွန်ဆာဗေးတစ်တွေ အနိုင်ရ
By ဗွီအိုအေ (မြန်မာဌာန)
စပိန်နိုင်ငံမှာ လက်ရှိအာဏာရ ဆိုရှယ်လစ်ပါတီကို ဗဟိုကနေလက်ယာယိမ်း ပေါ်ပျူလာပါတီက တနင်္ဂနွေနေ့ လွှတ်တော်ရွေးကောက်ပွဲမှာ မဲ အပြတ်အသတ်နဲ့ အနိုင်ရသွားတာကြောင့် အစိုးရသစ်က နိုင်ငံကို အုပ်ချုပ်တော့မှာ ဖြစ်ပါတယ်။ မဲအများစုကို ရေတွက်ပြီးတဲ့အခါမှာ နောက်တက်လာမယ့် ဝန်ကြီးချုပ် Mariano Rajoy ဦးဆောင်တဲ့ ကွန်ဆာဗေးတစ် ပေါ်ပျူလာပါတီက အမတ်နေရာ ၁၈၇ နေရာနဲ့ နေရာ ၃၃ နေရာ အသာရမယ်လို့ ကြိုတင်တွက်ချက်ရတားပါတယ်။ ဆိုရှယ်လစ်ပါတီကတော့ အမတ်နေရာ ၁၁၀ နဲ့ နေရာ ၅၉ နေရာတောင် နည်းနေတာပါ။
မစ္စတာ Rajoy က ဆိုရှယ်လစ်ပါတီက Alfredo Perez Rubalcaba နဲ့ ယှဉ်ပြိုင် အရွေးခံခဲ့ရတာဖြစ်ပါတယ်။ သမ္မတ Jose Luis Rodriguez Zapatero ကတော့ လူထုထောက်ခံမှု ကျဆင်းနေတာကြောင့် တတိယ သက်တမ်းအတွက် ထပ်အရွေးမခံတော့ဖို့ ဆုံးဖြတ်ခဲ့ပါတယ်။
ဒီရွေးကောက်ပွဲမှာ နိုင်ငံရဲ့ စီးပွားရေးပြဿနာကပဲ ကြီးစိုးနေခဲ့တာပါ။ ၂ နှစ်အတွင်းမှာ စီးပွားရေးဆုတ်ကပ်ထဲ ပြန်မရောက်အောင် မနည်းကြိုးစားနေရပါတယ်။ အလုပ်လက်မဲ့နှုန်းက ၂၂% ရှိပြီး ဥရောပသမဂ္ဂမှာ အမြင့်ဆုံး ဖြစ်ပါတယ်။

စီးပွားရေး ဖွံ့ဖြိုးမှုက ဒုတိယ လေးလပတ်မှာ ၀.၂% ပဲရှိခဲ့ရာကနေ တတိယ လေးလပတ်ရောက်တော့ စီးပွားရေး ဖွံ့ဖြိုးမှုလုံးဝ မရှိတော့ပါဘူး။ မစ္စတာ Rajoy ကတော့ ရုတ်တရက်ကြီး အခြေအနေတွေ ပြန်ကောင်းသွားဖို့ မျှော်လင့်မထားကြဖို့ သူ့ရဲ့ အောင်ပွဲခံ မိန့်ခွန်းမှာ ပြောသွားပါတယ်။ သူက
အခုအချိန်အထိလည်း သူ့ရဲ့ စီးပွားရေးအစီအစဉ် ဘယ်လိုဖြစ်မလဲဆိုတာ မပြောသေးပါဘူး။
ဥရောပသမဂ္ဂထဲမှာ စတုတ္ထစီးပွားရေး အကောင်းဆုံးဖြစ်တဲ့ သူတို့နိုင်ငံရဲ့ စီးပွားရေး ဆုတ်ယုတ်မှုကို မတားဆီးပေးနိုင်ခဲ့တာ အတွက် မဲဆန္ဒရှင်တွေက ဆိုရှယ်လစ်ပါတီကို အပြစ်တင်ခဲ့ကြတာပါ။ သူတို့က အလုပ်မရကြတာတွေ လစာလျှော့ခံရတာတွေ အတွက်လည်း ဒေါသထွက်နေကြပါတယ်။

သီလ၀ါမြို့ပြစီမံကိန်းကြောင့် သံလျင် မြေဈေးတက်
By မစုမြတ်မွန်
ရန်ကုန်တိုင်း၊ သံလျင် သီလဝါဆိပ်ကမ်းနဲ့ ဆက်နေတဲ့နေရာမှာ တောင်ကိုရီးယားနိုင်ငံက ဒေါ်လာ သန်း ၅,၀၀၀ ဖိုးလာရောက်ရင်းနှီးမယ့် စီမံကိန်းတွေကြောင့် အဲဒီနေရာတွေမှာ မြေဈေးတွေ အရင်ကထက် ၁၀ ဆလောက် တက်သွားပါတယ်။ ဈေးတွေ ခေါင်ခိုက်နေပေမဲ့ မြေကွက်ဝယ်ဖို့ စိတ်ဝင်စားသူတွေကလည်း အများအပြားရှိနေတယ်လို့ လုပ်ငန်းရှင်တယောက်က ပြောပြပါတယ်။ ဒီတော့ ဘယ်လို စီမံကိန်းတွေလုပ်မှာမို့ ဘယ်လိုလူတွေက မြေတွေ လိုက်ဝယ်နေကြတာပါလဲ။ ဒီလို ကြီးကျယ်တဲ့ နိုင်ငံခြားက စီမံကိန်းကြီးတွေ မြန်မာနိုင်ငံမှာ နောက်ထပ် ဘယ်လောက်ရှိလာနိုင်မလဲ ဆိုတာကို စုံစမ်းထားတဲ့ ဘန်ကောက်ရုံးက မစုမြတ်မွန်က တင်ပြပေးထားပါတယ်။
တောင်ကိုရီးယားနိုင်ငံက HANA International Inc ကနေပြီး ရန်ကုန်မြို့နဲ့ မဝေးတဲ့ သီလဝါ အထူး စီးပွားရေးဇုန်မှာ မြန်မာနဲ့ ကိုရီးယားပေါင်းပြီး (Myanko) မြန်ကိုဆိုတဲ့ စီးပွားရေး မြို့တော်သစ် တည်ဆောက်သွားဖို့ ရှိနေချိန်မှာ မြေဈေးတွေ အဆမတန်တက်သွားခဲ့တာ ဖြစ်ပါတယ်။ သီလဝါ အထူးစီးပွားရေးဇုန်မှာ အဆင့်မြင့် အိမ်ယာစီမံကိန်း၊ စက်မှုဇုန်စီမံကိန်း၊ သဘာဝပတ်ဝန်းကျင်ကို ကာကွယ်ထိမ်းသိမ်းမဲ့ အစိမ်းရောင် စီမံကိန်း၊ အဆင့်မြင့်ဆိပ်ကမ်း စီမံကိန်း စ တဲ့ဘက်စုံဖွံ့ဖြိုးရေး စီမံကိန်းတွေ လုပ်ဖို့ရှိနေတာကြောင့် အဲဒီနေရာမှာ မြေဈေးတွေတက်သွားတာလို့ လုပ်ငန်းရှင် တယောက်က VOA ကို ပြောပြပါတယ်။
“အခုတက်တာကတော့ အကုန်ပဲ၊ အိမ်ခြံမြေတွေလည်းတက်သွားတယ်။ လူတွေနေတဲ့ မြေတွေလည်း တက်သွားတယ်။ အရင်က အဲဒီမှာ ဖလန်းဆိုတဲ့ ရပ်ကွက်လေးရှိတယ်။ ကျနော်တို့က ၄၀-၆၀ တကွက်ကို လွန်ခဲ့တဲ့ ၃ လက ၅၉ သိန်းပဲ ရှိတယ်။ လမ်းမကြီးဘေးမှာ။ အခုက သိန်း ၅၅၀ ဖြစ်သွားပြီ”
သီလဝါဆိပ်ကမ်းနဲ့ ကပ်နေတဲ့နေရာမှာ သီလဝါ အထူးစီးပွားရေးဇုန်အဖြစ် သတ်မှတ်လိုက်တဲ့ သီလဝါဟာ ရန်ကုန်မြို့ရဲ့ တောင်ပိုင်း ၁၅ မိုင်လောက်မှာတည်ရှိပြီး သွားရေးလာရေးလည်း လွယ်ကူလှတဲ့အတွက် စီးပွားရေးအတွက် အင်မတန် အချက်အခြာကျတဲ့ နေရာဖြစ်လာနိုင်ပါတယ်။ လောလောဆယ်မှာ ရန်ကုန်ဘက် ကနေ သံလျင်ဘက်ကို ဒါကြောင့် စီးပွားရေးသမားတွေက မြေတွေကို အလုအယက်ဝယ်ဖို့ ကြိုးစားနေကြတာဖြစ်ပါတယ်တဲ့။
“အရင်တုန်းကဆိုရင် သွားရင်ကားက တစီး ၂ စီးပဲရှိတယ်။ အခုကတော့ ပွဲတော်ကြီးလိုပဲ။ မြန်မာပြည်အနှံ့နှံ့ကနေလာပြီး investment လုပ်မယ့်သူတွေ အကုန်လုံးလာပြီးတော့ လက်ဦးမှုယူကြတာပေါ့။ အများဆုံးတွေ့ရတာတော့ တရုတ်လူမျိုးတွေလည်း တွေ့ရပါတယ်။ တချို့လုပ်ငန်းရှင်တွေလည်း သူတို့ ဒီမှာလာပြီးတော့ လက်ဦးမှုယူထားတာပေါ့နော်။ ဒီနေရာကြီးက တချိန်မှာ တကယ်ကို ဖွံ့ဖြိုးမယ့် နေရာကြီးဖြစ်တော့မှာကို”
ပြည်ပက ရင်းနှီးမြှုပ်နှံသူတွေကို စွဲဆောင်အောင်လို့ဆိုတဲ့ သီလဝါစက်မှုဇုန်နဲ့ဆိုင်တဲ့ ဥပဒေတခုကို အစိုးရက ထုတ်ပြန်လိုက်ပြီးတဲ့နောက်မှာ ခုလို တောင်ကိုရီးယားနိုင်ငံက Hana ကုမ္ပဏီက ဒေါ်လာ ၅ ဘီလျံ ရင်းနှီးမြှုပ်နှံပြီး ခေတ်မီမြို့သစ် တည်ဖို့အတွက် မြန်မာအစိုးရနဲ့ ညှိနှိုင်းဆွေးနွေးနေကြတာ ဖြစ်ပါတယ်။ မြန်မာနိုင်ငံ တောင်ပိုင်းမှာလည်း အထူးစီးပွားရေဇုံအဖြစ် သတ်မှတ်ထားတဲ့ နေရာမှာ Italian Thai ကုမ္ပဏီက ဒေါ်လာ ၈ ဘီလျှံ ရင်းနှီးမယ့် ထားဝယ်ရေနက်ဆိပ်ကမ်း စီမံကိန်းကြီးကို ဆောက်ရွက်နေပါတယ်။
ထားဝယ်ရေနက် ဆိပ်ကမ်း စီမံကိန်းကြီးကြောင့်လည်း အဲဒီဘက်မှာ မြေဈေးတွေ အဆမတန် တက်ခဲ့ပါတယ်။ အစိုးရက အပြောင်းအလဲတွေ စတင်လုပ်နေပြီလို့ နိုင်ငံတကာက လက်ခံစပြုနေပြီမို့ မြန်မာနိုင်ငံထဲမှာ ရင်းနှီးမြှုပ်နှံချင်သူတွေက သင့်တော်မယ့် အချိန်ကို စောင့်နေကြတယ်လို့ မြန်မာ့အရေး လေ့လာသူတချို့က ပြောကြပါတယ်။
စီးပွားရေး ပြုပြင်ပြောင်းလဲမှုတွေ လုပ်နေတဲ့ ကာလမှာ ကုန်သွယ်ရေးဆိုင်ရာ အထူးအခွင့်အရေးတွေ ပေးထားတဲ့ အထူးစီးပွားရေးဇုန်ဆိုင်ရာ ဥပဒေသစ်ကလည်း မြန်မာနိင်ငံမှာ လာရောက် ရင်းနှီးမြှုပ်နှံသူတွေအတွက် မျက်စိကျစရာဖြစ်တယ်လို့ စီးပွားရေး ပညာရှင် ဒေါက်တာဇော်ဦးက ပြောပါတယ်။
“အရင်ကလို ပြည်ပပို့ကုန်လုပ်တဲ့ကိစ္စတွေမှာ သိပ်ပြီးခက်ခက်ခဲခဲနဲ့ ကြန့်ကြာမှုတွေ မရှိဘဲနဲ့ ဒီဇုန်ထဲမှာ လာပြီးတော့ ရင်းနှီးမြှုပ်နှံတဲ့သူ မှန်သမျှဟာ ဒီဇုန်ကနေ အပြင်ကို တိုက်ရိုက် ဆက်သွယ်နိုင်မယ်၊ ပို့ကုန်တွေပို့နိုင်မယ်။ နောက်ပြီးတော့ ဒီဇုန်တွေဟာ အခုနပြောသလို ဒီ လမ်းပန်းဆက်သွယ်ရေး အချက်အခြာကောင်းပြီးတော့ ရေ၊ မီး၊ ပါဝါ စတဲ့ အခြေခံအဆောက်အဦးတွေကပါ တိတိကျကျ အစိုးရက ဖန်တီးပေးထားမှာ ဖြစ်တဲ့အတွက်ကြောင့်မို့လို့ ဒီဇုန်ထဲမှာလာပြီးတော့ စက်ရုံလုပ်လိုက်ရင် အနေအထားက အရင်ကလို ရေရမှာလား၊ မီးရမှာလား၊ ပါဝါကို ဘယ်လိုဆွဲရမှာလဲ၊ ဖုန်းက ဘယ်ကနေယူရမှာလဲဆိုတဲ့ နောက်ထပ် ဆင့်ပွားလုပ်ရမယ့် ကိစ္စတွေအားလုံးကို စိတ်ပူနေစရာမလိုဘူးလေ။ ဒီဇုန်ထဲကနေ တိုက်ရိုက်လုပ်သွားနိုင်တယ်ဆိုတဲ့ အခွင့်အလန်းတွေကိုလည်း တိုးချဲ့ဆောင်ရွက်ပေးထားမယ်ဆိုတဲ့ ကတိကဝတ်တွေလည်း ရှိနေတယ်ပေါ့လေ။ ဆိုတော့-အဓိက ကတော့ ကျနော်တို့ဟာ တနိုင်ငံလုံးအတိုင်းအတာနဲ့ စီးပွားရေးဝန်းကျင်ကောင်းတခုကို မဖန်တီးနိုင်ခင် စပ်ကြားမှာ အနည်းဆုံးတော့ ဒီစီးပွားရေးဇုန်တွေမှာ ကျနော်တို့ အစိုးရကနေ သတ်သတ်မှတ်မှတ်နဲ့ ဆောင်ရွက်ပေးထားမယ်ဆိုတဲ့ ကတိကဝတ်မျိုးကို ဒီဥပဒေက ပြဌာန်းပေးထားတယ်လို့ နားလည်လို့ရပါတယ်”
စီးပွားရေးကြီး တခုလုံးကို ကောင်းမွန်အောင် မလုပ်နိုင်ခင် အချိန်မှာ နိုင်ငံခြားရင်းနှီးမြှုပ်နှံသူတွေကို ဖိတ်ခေါ်နိုင်အောင် အထူးစီးပွားရေးဇုန်တွေ အစိုးရက လုပ်နေတဲ့ တချိန်တည်းမှာလည်း တနိုင်ငံလုံး စီးပွားရေး ပြုပြင်ပြောင်းလဲမှုတွေ လုပ်သွားဖို့ လိုတယ်လို့ စီးပွားရေး ပညာရှင် ဒေါက်တာဇော်ဦးက သုံးသပ်ပါတယ်။
“တချို့သော စီးပွားရေးရင်းနှီးမြှုပ်နှံမှုတွေဟာ မြန်မာနိုင်ငံဈေးကွက်အတွင်းမှာ ဝင်ရောက် လုပ်ကိုင်နိုင်ဖို့ ဆိုတဲ့ ကိစ္စကိုလည်း စိတ်ဝင်စားမှုတွေ ရှိနေပါတယ်။ သူတို့သည် စီးပွားရေးဇုန်ထဲမှာပဲ လာရောက်လုပ်တာမဟုတ်ဘဲနဲ့ တနိုင်ငံလုံးကို အကျိုးရှိစေမယ့် စီးပွားရေးလုပ်ကိုင်မှုမျိုးလည်း သူတို့မှာ စဉ်းစားမှုတွေ ရှိနေတာ ရှိပါတယ်”
မြန်မာနိုင်ငံမှာ စက်မှုလက်မှု လုပ်ငန်းတွေကို ပုဂ္ဂလိကပိုင် လုပ်ခွင့်ပေးထားတဲ့ စီးပွားရေးဇုန်ပေါင်း ၂၀ လောက်ရှိပြီး ဘက်စုံ အဆင့်မြင့် စီမံကိန်းတွေအတွက် နိုင်ငံတကာက ဒေါ်လာသန်း ထောင်ချီ လာရောက် ရင်းနှီးမြှုပ်နှံမယ့် အထူးစီးပွားရေးဇုန်ကတော့ လောလောဆယ် ထားဝယ်နဲ့ သီလဝါ ၂ ခုပဲ ရှိပါတယ်ရှင်။

ဆန္ဒပြသူတွေသေဆုံးမှု အီဂျစ်စစ်တပ် ဝန်ချတောင်းပန်
By ဗွီအိုအေ(မြန်မာဌာန)
အီဂျစ်နိုင်ငံမှာ ဒီသီတင်းပတ်အတွင်းဖြစ်ခဲ့တဲ့ ဆန္ဒပြသူတွေနဲ့ ရဲတပ်ဖွဲ့အကြား ရုန်းရင်းဆန်ခတ် အကြမ်းဖက်မှုတွေအတွင်း လူ ၃၅ ယောက်ထက်မနည်း သေဆုံးခဲ့ရတဲ့အပေါ် အီဂျစ်စစ်ဘက်က တောင်းပန်လိုက်ပါတယ်။
ကိုင်ရိုမြို့တော်က Tahrir ရင်ပြင်မှာ ရုန်းရင်းဆန်ခတ်ဖြစ်တာတွေ အတန်ငယ် ငြိမ်သက်နေတာနဲ့အမျှ စစ်ဘက်ရဲ့ အခု တောင်းပန်စကား ထွက်လာတာပါ။ အဲဒီရင်ပြင်နေရာဟာ ရဲတပ်ဖွဲ့နဲ့ ဆန္ဒပြသူတွေအကြား ရုန်းရင်းဆန်ခတ် အကြမ်းဖက်မှုတွေ ဖြစ်တဲ့အဓိကနေရာဖြစ်ပါတယ်။ အီဂျစ်နိုင်ငံ စစ်ဘက်အုပ်ချုပ်သူတွေ ချက်ခြင်းဆင်းပေးဖို့ ဆန္ဒပြသူတွေက တောင်းဆိုနေကြတာပါ။