24.11.2011 နေ့ဖတ်ရန်သတင်းများ

by Myanmar Journal on Thursday, November 24, 2011 at 1:37am

 

ခုံရုံးရဲ့ ရုံးတင်စစ်ဆေးမှုတွေ မမှန်ဘူးလို့ ခမာနီ ခေါင်းဆောင် Ieng Sary ပြော 
ခမာနီ ခေါင်းဆောင်တွေကို ဆက်ရုံးတင် စစ်ဆေး

ကမ္ဘောဒီးယားနိုင်ငံမှာ ခမာနီ ထိပ်တန်း ခေါင်းဆောင် ၃ဦးကို ကုလသမဂ္ဂ ထောက်ခံ အတည်ပြုတဲ့ ခုံရုံး ရုံးတင် စစ်ဆေးနေ တာ ဗုဒ္ဓဟူးနေ့ မှာ သုံးရက် မြောက်သွားပါပြီ။
အဲဒီ စစ်ဆေး ကြားနာမှု အတွင်းမှာ အဲဒီ ခေါင်းဆောင်နှစ်ဦးက သူတို့အပေါ် စွပ်စွဲထား ချက်တွေကို ပြန်လည် ခုခံ လျှောက်လဲခွင့် ရခဲ့ ကြ ပါတယ်။
ခမာနီ အစိုးရ အုပ်စိုးခဲ့တဲ့ ၁၉၇၀ နှစ်များ တဝိုက် ကာလမှာ ဖိနှိပ်မှု ခံရတာတွေ၊ အစာရေစာ ငတ်မွတ်ခေါင်းပါး မှု တွေကြောင့် ကမ္ဘောဒီးယားမှာ လူပေါင်း သန်းနဲ့ချီ သေဆုံး ခဲ့ရ ပါတယ်။
ဒီအဖြစ်တွေနဲ့ ပတ်သက်ပြီး ခမာနီ ခေါင်းဆောင်တွေ ကိုယ်တိုင် ရှင်းလင်းပြောပြမယ့် စကားတွေကို ကြားရဖို့ ကမ္ဘောဒီးယား ပြည်သူတွေ ဟာ နှစ်ပေါင်း ၃၀ လောက် စောင့်ခဲ့ ကြရ ပါတယ်။
ဒါပေမယ့် အဲဒီလို ရှင်းပြတာကို ကြားကြရမယ့်အစား ခမာနီ ခေါင်းဆောင်တွေက သူတို့ကို အခုလို ရုံးတင် စစ်ဆေးနေတာနဲ့ ပတ်သက်လို့ မကျေမနပ် ပြောသွား ကြတာ ကို ပဲ လူတွေ က ကြားခဲ့ကြရပါတယ်။
ခမာနီ ခေါင်းဆောင်နှစ်ဦးအနက် တဦးဖြစ်တဲ့ နိုင်ငံခြားရေး ဝန်ကြီးဟောင်း Ieng Sary က ဘီးတပ်လှည်းပေါ်ကနေ ကြေညာချက် ကို ဖတ်ပြ သွား ပါတယ်။
နောက် သူက ရင်ဘတ်ကို ဖိပြီး အသက်မရှူနိုင်တော့ဘူး လို့ လည်း ပြောပါတယ်။
ဒါပေမယ့် တရားသူကြီးက သူ့ကို ဆက်ဖတ်ဖို့ ပြောတော့ Ieng Sary က ကြေညာချက်ကို ဆက်ဖတ်ပြီး သူ့ကို ဘာ့ကြောင့် အခုလို ရုံးတင် စစ်ဆေး နေတာလဲလို့ မေးခွန်းထုတ်ခဲ့ ပါတယ်။
ခုံရုံးကနေ ရုံးတင်စစ်ဆေးမှုကို မှန်မှန်ကန်ကန် လုပ်နေတာ မဟုတ်တဲ့အတွက် သူ့အနေ နဲ့ ဒီကြားနာ စစ်ဆေးမှုမှာ ဝင် ပါဖို့ မလိုဘူး လို့ Ieng Sary က ပြောသွားပါတယ်။
နိုင်ငံ အကြီးအကဲဟောင်း Khieu Samphan ကလည်း အတော် ရှည်ရှည်လျားလျား လျှောက်လဲ သွားပြီး တရားရုံးကို လည်း အတော်လေး ဝေဖန် ပြောသွားပါတယ်။
ခမာနီတွေ အာဏာလွှဲယူချိန် ကမ္ဘောဒီးယားနိုင်ငံမှာ ရှိနေတဲ့သတင်းထောက်တွေရဲ့ ထွက်ဆိုခဲ့ချက်တွေအပေါ် မူတည်ပြီး အခုလို စွဲချက်တင် ခဲ့တာ ဟာ မှားတယ်လို့ လည်း သူက ပြောသွား ပါတယ်။
အဲဒီအစစ်ခံချက်တွေဟာ ဘက်လိုက်မှုတွေ ရှိပြီး စိတ်မချရတဲ့ ထွက်ဆိုချက်တွေ ဖြစ်နိုင်တယ် လို့ ပြောသွားပါတယ်။
ဖနွမ်းပင်မြို့ကို ခမာနီ တွေ ဝင်သိမ်းပိုက်ခဲ့မှုကို လွတ်မြောက်မှု အဖြစ် ပြင်သစ် သတင်းစာ တစောင်က ဖေါ်ညွှန်း ပြောဆိုခဲ့တယ်လို့လည်း Khieu Samphan က ထောက်ပြခဲ့ပါတယ်။
ခမာနီတွေရဲ့ သိမ်းပိုက်မှုကို အတော်များများက ထောက်ခံအားပေးခဲ့ကြတယ်လို့လည်း ဆိုပါ တယ်။
အဲဒီ့နောက်မှာ Khieu Samphan ရဲ့ ရှေ့နေတဦးကလည်း လူသန်းပေါင်းများစွာ သေဆုံးခဲ့ ရမှုနဲ့ ပတ်သက်ပြီး ဒီခမာနီ ခေါင်းဆောင် ၃ဦးအပေါ် မှာမှ ဘာ့ကြောင့် အပြစ်ပုံချ ရတာလဲ လို့ မေးခဲ့ပါတယ်။
၁၉၇၀ ပြည့်လွန် ဦးပိုင်းတွေတုန်းက ကမ္ဘောဒီးယားနိုင်ငံကို အမေရိကန် တပ်တွေ ဝင် ဗုံးကြဲ ခဲ့တဲ့အတွက် လူသောင်း သိန်းချီ သေခဲ့ရတာ ကိုတော့ ဘယ်သူကမှ တရားစွဲဆို ခဲ့တာမျိုး မရှိဘူး လို့လည်း သူက ထောက်ပြသွားပါတယ်။

လက်တွဲဝန်းရံ အာဆီယမ်မြန်မာကို ပိတ်ဆို့ အရေးယူတာ ရုတ်သိမ်းဖို့ မလေးရှား တိုက်တွန်း
မြန်မာနိုင်ငံ အပေါ် ပိတ်ဆို့ အရေးယူမှုတွေ ရုတ်သိမ်းပေးဖို့ မလေးရှား နိုင်ငံခြားရေး ဝန်ကြီးက ကမ္ဘာ အသိုင်းအဝိုင်းကို တိုက်တွန်းလိုက်ကြောင်း နိုဝင်ဘာ ၂၁ရက်နေ့စွဲနဲ့ မလေးရှား နိုင်ငံထုတ် Star သတင်းစာ အင်တာနက် စာမျက်နှာမှာ ဖော်ပြထားပါတယ်။
နိုင်ငံတကာ အနေနဲ့ မြန်မာ နိုင်ငံ အပေါ် အရေးယူ ပိတ်ဆို့မှုကို ဖျက်သိမ်းပြီး တိုင်းပြည် တိုးတက်စေမယ့် ထောက်ပံ့မှုတွေနဲ့ အကူအညီပေးသင့်တယ်လို့ ကျွန်တော်တို့ ထင်မြင်ကြောင်း မလေးရှား နိုင်ငံခြားရေး ဝန်ကြီး Datuk Seri Anifah Aman က ပြောပါတယ်။
ဒါမှသာ ၂ဝ၁၅ ခုနှစ်ကျရင် အာဆီယံ အသိုင်းအဝိုင်း ထူထောင်တဲ့ အခါ လိုက်လျောညီထွေတဲ့ တိုးတက်မှုတွေ ဖြစ်လာနိုင်မှာပါလို့ ဆိုပါတယ်။
မြန်မာနိုင်ငံကို ပိတ်ဆို့အရေးယူထားတဲ့ အမေရိကန်နိုင်ငံက နိုင်ငံခြားရေး ဝန်ကြီး ဟီလာရီ ကလင်တန်လည်း ဒီဇင်ဘာလ အစောပိုင်းမှာ မြန်မာနိုင်ငံကို သွားရောက်ဖို့ ရှိပါတယ်။

ဗြိတိန် ဝန်ကြီးချုပ်နဲ့ အီဂျစ် ဗိုလ်ချုပ်ကြီး တန်တာဝီစစ်ကောင်စီရဲ့ ကမ်းလှမ်းချက်ကို ဆန္ဒပြသူတွေ မကျေနပ်သေး
အီဂျစ်နိုင်ငံမှာ စစ်တပ်ကို ဆန့်ကျင်တဲ့ လူထု ဆန္ဒပြမှုတွေ ဖြစ်ပေါ်ခဲ့ ပြီးတဲ့နောက် လက်ရှိ အုပ်ချုပ်နေတဲ့ စစ်ကောင်စီ ခေါင်းဆောင်က အရပ်သား အုပ်ချုပ်ရေး အဖွဲ့လက်ထဲ အမြန် အာဏာလွှဲ ပေးမယ်လို့ ဂတိပေးခဲ့ပါတယ်။
လာမယ့် သီတင်းပတ်မှာ ကျင်းပမယ့် ပါလီမန် ရွေးကောက်ပွဲတွေကို စီစဉ်ထားတဲ့ အတိုင်း ဆက်လက် လုပ်ဆောင်သွားမယ် ၊ သမ္မတ ရွေးကောက်ပွဲကိုတော့ လာမယ့်နှစ် ဇူလိုင်လ မတိုင်ခင် ကျင်းပ သွားမယ်လို့ စစ်တပ် အကြီးအကဲ ဗိုလ်ချုပ်ကြီး မိုဟာမက် ဟူစိန် တန်တာဝီက ရုပ်မြင်သံကြားကနေ တိုက်ရိုက် မိန့်ခွန်းပြောကြား သွားခဲ့ပါတယ်။
ဒါ့အပြင် လူထုက ဆန္ဒရှိရင် စစ်တပ်က အာဏာကို ချက်ချင်း လွှဲပေးမှာပါလို့ သူက ဆိုပါတယ်။
ပြီးခဲ့တဲ့ ရက်ပိုင်းတွေ အတွင်း အဓိကရုန်းမှာ သေဆုံးသွားကြသူတွေရဲ့ ဆွေမျိုး မိသားစု အတွက်လည်း ဝမ်းနည်းကြောင်း သူက ပြောကြားခဲ့ပေမယ့် စစ်တပ်က အီဂျစ် အရပ်သား တွေကို ကျည်တတောင့်နဲ့တောင် မပစ်ခဲ့ပါဘူးလို့ ဆိုပါတယ်။
အခုလို စစ်တပ် အကြီးအကဲ ဗိုလ်ချုပ်ကြီး Tantawi က ရုပ်မြင် သံကြားကနေ ပြေရာပြေကြောင်း မိန့်ခွန်း ပြောခဲ့ပေမယ့် ကိုင်ရိုမြို့လယ်က Tahrir Square တာဟ်ရီရာ ရင်ပြင် တဝိုက်မှာတော့ သောင်းနဲ့ချီတဲ့ ဆန္ဒပြ သမားတွေဟာ ညမှောင်ပိုင်း အချိန် ရောက်လာတဲ့ အထိ အီဂျစ်မှာ စစ်တပ် အုပ်ချုပ်ရေး ချက်ချင်း အဆုံးသတ်ဖို့ တောင်းဆိုနေကြပါတယ်။
ဆန္ဒပြ လူအုပ်ကြားကနေ သတင်းပို့နေတဲ့ ဘီဘီစီ သတင်းထောက် အဆိုအရ ရဲတွေဖက်က မျက်ရည်ယိုဗုံးနဲ့ ဆန္ဒပြသူတွေ ဖက်ကလည်း ခဲတွေ ကျောက်တုံးတွေ လက်လုပ်ဗုံးတွေနဲ့ အပြန်အလှန် ဆက်တိုက် ဆိုသလို ပစ်ခတ်နေကြတယ်လို့ ပြောပါတယ်။
ဒါ့အပြင် စစ်တပ်ရဲ့ လိုက်လျော၊ ကမ်းလှမ်းမှု တွေက မလုံလောက်သေးဘူးလို့ ဆန္ဒပြ သမားတွေက ယူဆတာကြောင့် တာဟ်ရီရာ ရင်ပြင်မှာ ဆက်လက် ဆန္ဒပြ နေတုန်းဘဲလို့ ဆိုပါတယ်။
ပြီးခဲ့တဲ့ ရက်ပိုင်းအတွင်း အီဂျစ်မှာ ဆန္ဒပြမှုတွေကြောင့် လူသုံးဆယ်ကျော် သေဆုံးခဲ့ရ ပါတယ်။

ဖမ်းမိခဲ့တဲ့ ကဒါဖီရဲ့ သား SaifSaif-al-Islam Gaddafi ကို လစ်ဗျားမှာ စီရင်နိုင်
လစ်ဗျားနိုင်ငံမှာ လာမယ့်နှစ် ဇွန်လကုန်မှာ ကျင်းပမယ့် ပါလီမန် ရွေးကောက်ပွဲ အထိ အုပ်ချုပ် သွားမယ့် အသွင်ကူးပြောင်းရေး အစိုးရ အဖွဲ့ ရာထူးတွေကို ဝန်ကြီးချုပ် Abdurrahim al-Keib က ကြေညာခဲ့ပါတယ်။
ထရစ်ပိုလီမြို့မှာ ပြုလုပ်တဲ့ သတင်းစာ ရှင်းလင်းပွဲမှာ ပြောကြားရာမှာ ပြီးခဲ့တဲ့ စနေနေ့ တုန်းက ဗိုလ်မှူးကြီး ကဒါဖီ သား Saif ကို ဖမ်းဆီးခဲ့တဲ့ Zintan ဒေသ တပ်ဖွဲ့ အကြီးအကဲ Usamah al-Juwayli ကို ကာကွယ်ရေး ဝန်ကြီး အဖြစ် ခန့်အပ် ခဲ့ပါတယ်။
အခုလို လစ်ဗျား ကြားဖြတ် အစိုးရသစ် အဖွဲ့ထဲမှာ အရင်က ထင်ရှားတဲ့ သူတွေ မပါဘဲ လူသူ သိတ်မသိတဲ့ သူတွေနဲ့ ဖွဲ့ခဲ့တဲ့ အပေါ် အနောက်နိုင်ငံ ဆိုင်ရာ သံတမန်တွေက အံအားသင့် နေကြပါတယ်။
အိုင်စီစီ အကြီးအကဲ Luis Moreno-Ocampo
ပြီးခဲ့တဲ့ စနေနေ့တုန်းက ဖမ်းမိခဲ့တဲ့ ဗိုလ်မှူးကြီး ကဒါဖီရဲ့သား ဆေ့ဖယ်လ် အစ္စလာမ်ကို လစ်ဗျားမှာဘဲ တရားစီရင်နိုင်ပါတယ် ဒါပေမယ့် နိုင်ငံတကာ ရာဇဝတ် တရားရုံး ICC က တရားသူကြီးတွေ ကဘဲ ကြားနာ စစ်ဆေးရလိမ့်မယ်လို့ ICC အကြီးအကဲက ပြောပါတယ်။
လစ်ဗျားခေါင်းဆောင်တွေနဲ့ တွေ့ဆုံ ခဲ့ပြီးတဲ့နောက် ICC အကြီးအကဲ Luis Moreno-Ocampo က အခုလို ပြောလိုက်တာ ဖြစ်ပါတယ်။
လူသားမျိုးနွယ်စု အပေါ် ကျူးလွန်တဲ့ ရာဇဝတ်မှုနဲ့ တရားရင်ဆိုင် နေရတဲ့ ၊ နိုင်ငံ အနောက်တောင်ဖက် Zintan မြို့မှာ ဖမ်းထားတဲ့ ဆေ့ဖ်ဖယ် အစ္စလာမ် ရဲ့ အခြေအနေကို သွားရောက် ကြည့်ရှုခဲ့ပြီး သူ့ကျန်းမာရေး အခြေအနေ ကောင်းပုံ ရတယ်လို့ ကြက်ခြေနီ အဖွဲ့ ပြောခွင့်ရသူက ဆိုပေမယ့် အသေးစိတ် အချက်အလက်တွေကိုတော့ ပြောသွားခြင်း မရှိပါဘူး။

ဘာရိန်းမှာ ဆန္ဒပြသူတွေနဲ့ ရဲတွေကြား အဓိကရုန်း ထပ်ဖြစ်
ဆန္ဒပြတွေ အင်အား အပြည့်နဲ့
ဘာရိန်း နိုင်ငံမှာ အစိုးရ ဆန့်ကျင်ရေး ဆန္ဒပြသူတွေနဲ့ ရဲတွေကြား ရုန်းရင်းဆန်ခတ် ဖြစ်ခဲ့ပါတယ်။
နိုင်ငံ အရှေ့မြောက်ဖက်က Sitra မြို့မှာ ဖြစ်ပွားခဲ့ပြီး လူအယောက် သုံးထောင် လောက်ရှိတဲ့ ဆန္ဒပြသမားတွေကို ရဲက မျက်ရည်ယိုဗုံးတွေ သုံးကာ လူစုခွဲခဲ့ ရပါတယ်။
အခုနှစ် ဖေဖော်ဝါရီလ တုန်းက ဖြစ်ပွားခဲ့တဲ့ ဒီမိုကရေစီ ဆန္ဒပြပွဲ တွေမှာ လုံခြုံရေး တပ်တွေက အင်အား အလွန်အကျွံ သုံးခဲ့တယ် ဆိုတာ အာဏာပိုင်တွေက ဝန်ခံခဲ့ပြီး နောက်တနေ့မှာ အခုလို ဆန္ဒပြမှုတွေ ထပ်ဖြစ်ခဲ့တာပါ။
အဲဒီ ဖေဖော်ဝါရီလ ဆန္ဒပြမှုတွေ တုန်းက လူ၂၄ယောက် သေတယ်လို့ အစိုးရ ဖက်က ပြော ပေမယ့် အတိုက်အခံ တွေကတော့ သေဆုံးသူ အရေအတွက်ဟာ လေးဆယ် နီးပါး ရှိတယ်လို့ ဆိုပါတယ်။

ဒု ဗိုလ်ချုပ်ကြီး စိုးဝင်း ဘင်္ဂလားဒေ့ရှ် ရောက်
ဘင်္ဂလားဒေ့ရှ် ဝန်ကြီးချုပ် ဒီဇင်ဘာ လဆန်း မှာ မြန်မာ ပြည် သွားဖို့ ရှိ
ဘင်္ဂလားဒေ့ရှ် နိုင်ငံကို ရောက်နေတဲ့ မြန်မာ ဒုတိယ တပ်မတော် ကာကွယ်ရေး ဦးစီးချုပ်၊ ကာကွယ်ရေး ဦးစီးချုပ် ကြည်း ဒုတိယ ဗိုလ်ချုပ်ကြီး စိုးဝင်း က ဘင်္ဂလားဒေ့ရှ် သမ္မတ ဇီလူး ရာမန် နဲ့ တွေ့ဆုံပြီး နှစ်နိုင်ငံ အရေး ကိစ္စရပ် တွေကို ဆွေးနွေး ခဲ့ကြ ပါတယ်။
အဲဒီလို ဆွေးနွေး ခဲ့ကြ ရာမှာ နှစ်ဘက် ပြဿနာ တွေကို ဆွေးနွေး ရာကတဆင့် အဖြေ ရှာကြ မယ်လို့ ပြောဆို ကြကြောင်း သိရ ပါတယ်။
လောလောဆယ် နှစ်နိုင်ငံ ကြား ဖြစ်နေတဲ့ ပြဿနာ နှစ်ရပ် ကတော့ ရေပြင် ပိုင်နက် အငြင်းပွားမှု နဲ့ မြန်မာ နိုင်ငံက မူဆလင် ဒုက္ခသည်တွေရဲ့ အရေး ကိစ္စပဲ ဖြစ် ပါ တယ်။
ရေပြင် ပိုင်နက် ကိစ္စကို နှစ်နိုင်ငံ အနေနဲ့ မဖြေရှင်း နိုင်တဲ့ အတွက် ကုလသမဂ္ဂက သက်ဆိုင်ရာ ခုံရုံး ကို တင်ပြ ထားရပြီး လာမယ့် နှစ်မှာ ဆုံးဖြတ်ချက် ချပေး လိမ့်မယ်လို့ ကုလသမဂ္ဂ က ပြောထား ပါတယ်။
နောက် ကိစ္စရပ် တစ်ခု ဖြစ်တဲ့ မူဆလင် ဒုက္ခသည်တွေ အရေးမှာ ဒုက္ခသည် လူဦးရေ များပြား နေပြီ ဖြစ်တဲ့ အတွက် ဘင်္ဂလားဒေ့ရှ် နိုင်ငံ အနေနဲ့ မြန်မာ နိုင်ငံ က မူဆလင် ဒုက္ခသည်တွေကို အမြန်ဆုံး ပြန်ပို့ဖို့ လိုလား နေတယ်လို့ ဒက္ကာမြို့က ဘီဘီစီ သတင်းထောက်က ပြောပါတယ်။
နှစ်နိုင်ငံကြား စစ်ရေး အပြန်အလှန် တိုးမြှင့် ဆက်ဆံမှုတွေ ပြုလုပ်ဖို့လည်း ဒုတိယ တပ်မတော် ကာကွယ်ရေး ဦးစီးချုပ်ရဲ့ ခရီးစဉ် အတွင်း ဆွေးနွေး ဖြစ်ခဲ့ ပါတယ်။
အကြမ်းဖက်မှု တိုက်ဖျက်ရေး အပါအဝင် နှစ်နိုင်ငံ က စစ်သားတွေ ကို အပြန်အလှန် စေလွှတ်ပြီး စစ် သင်တန်းတွေ ပို့ချ ပေးဖို့ ကိစ္စ တွေလည်း ဆွေးနွေး ခဲ့ပါတယ်။
ဒါ့အပြင် နှစ်နိုင်ငံ ဖြတ်သန်း ဖောက်လုပ်မယ့် ချစ်ကြည်ရေး လမ်းမကြီး အပါအဝင် လမ်းတံတား ဖောက်လုပ်ရေး လုပ်ငန်းတွေ အကြောင်း ဆွေးနွေး ခဲ့ကြ ပါတယ်။
လောလောဆယ် မစတင်ရ သေးတဲ့ အဲဒီ ချစ်ကြည်ရေး လမ်းမကြီး ဖောက်လုပ်ဖို့ မြန်မာ ဘက်က ဦးစားပေး စီစဉ် ပေးပါလို့ ဘင်္ဂလားဒေ့ရှ် နိုင်ငံ ဘက်က တောင်းဆိုခဲ့ ကြောင်း လည်း ဘီဘီစီ သတင်းထောက်က ပြော ပါတယ်။
ကုန်သွယ်ရေးမှာ အိန္ဒိယကိုပဲ မှီခို နေရတဲ့ အခြေ အနေ ကနေ ကင်းဝေးအောင် တရုတ်နဲ့ ကုန်သွယ်ရေး တိုးမြှင့်လိုတဲ့ အတွက် အဲဒီ လမ်းမကြီး ဖောက်လုပ်ရေး ဟာ ဘင်္ဂလားဒေ့ရှ် အတွက် အလွန် အရေးကြီးနေ ပါတယ်။
ဒီဇင်ဘာ လ ၅ ရက်နေ့မှာ ဘင်္ဂလားဒေ့ရှ် ဝန်ကြီးချုပ် ရှိတ် ဟာဆီနာ မြန်မာ နိုင်ငံကို သွားရောက်တဲ့ အခါ မှာလည်း ချစ်ကြည်ရေး လမ်းမကြီး ဖောက်လုပ်ရေး ကိစ္စ မြန်မာ ဘက်ကို တိုက်တွန်းဖို့ ရှိတယ် လို့လည်း သိရ ပါတယ်။

စီအာပီပီ စဖွဲ့စဉ်က အဖွဲ့ဝင်များပုံအကျဉ်းသားတွေ လွတ်လာမှ ပါတီတွေရှေ့ရေး ဆုံးဖြတ်ဖွယ်ရှိ
၁၉၉၀ ရွေးကောက်ပွဲရလာဒ်ကို အခြေခံပြီး ဖွဲ့ထားတဲ့ CRPP ခေါ် ပြည်သူ့လွှတ်တော် ကိုယ်စားပြု ကော်မတီအနေနဲ့လည်း ဘယ်လို ဆက်လက် ရပ်တည်မလဲဆိုတာကို ဒီဇင်ဘာလဆန်းမှာ အဖွဲ့ဝင်တွေ တွေ့ဆုံ ဆွေးနွေးမယ်လို့ အတွင်းရေးမှူး ဦးအေးသာအောင်က ပြောပါတယ်။
အမျိုးသားဒီမိုကရေစီအဖွဲ့ချုပ် NLD ရွေးကောက်ပွဲဝင်မယ် ဆိုတာကြောင့် ၉၀ ရွေးကောက်ပွဲအနိုင်ရ တခြား ပါတီတွေအနေနဲ့ ဘယ်လို ဆက်လက် ရပ်တည်ကြမလဲဆိုတာ မေးခွန်းထုတ်စရာ ဖြစ်နေပါတယ်။
CRPP အဖွဲ့ဝင် ပါတီတချို့ကတော့ အကျဉ်းကျနေတဲ့ သူတို့ရဲ့ ခေါင်း ဆောင်တွေ အပါအဝင် နိုင်ငံရေး အကျဉ်း သားတွေ လွတ်လာမှ ပါတီရှေ့ရေး စဉ်းစားဖွယ် ရှိနေတယ်လို့ ALD ရခိုင် ဒီမိုကရေစီ အဖွဲ့ချုပ်ရဲ့ ခေါင်းဆောင် လည်း ဖြစ်တဲ့ ဦးအေးသာအောင်က ပြောပါတယ်။
CRPP အဖွဲ့မှာ NLD နဲ့ ALD အပြင် SNLD ရှမ်း တိုင်းရင်းသားများ ဒီမိုကရေစီ ပါတီ၊ မွန်အမျိုးသား ဒီမိုကရေစီ ပါတီနဲ့ ဇိုမီးအမျိုးသားကွန်ဂရက် စတဲ့ ပါတီတွေလည်း ပါဝင်ပြီး ၉၀ ရွေးကောက်ပွဲရလာဒ်ကို အစိုးရဘက်က အသိအမှတ်ပြုကာ လွှတ်တော် ခေါ်ပေးရေးအတွက် ၁၉၉၈ ခုနှစ်မှာ ဖွဲ့ခဲ့တာ ဖြစ်ပါတယ်

မြန်မာပုဂ္ဂလိကဘဏ်တွေ နိုင်ငံခြားမှ ငွေလွှဲခွင့် ရတော့မယ်
နိုင်ငံခြားရောက်နေတဲ့ သူတွေက မြန်မာနိုင်ငံ ကို တရားဝင် ငွေလွှဲနိုင်တော့မယ်
မြန်မာနိုင်ငံ ဗဟိုဘဏ်ကနေ ပုဂ္ဂလိကဘဏ် ၁၁ ခုကို နိုင်ငံခြားငွေ လဲလှယ် လွှဲပြောင်း ခွင့်တွေ ပေးတော့မှာ ဖြစ်တယ်လို့ သိရပါ တယ်။
နိုင်ငံခြားငွေ လဲလှယ် လွှဲပြောင်းခွင့် ရရှိမယ် ဆိုရင် နိုင်ငံခြားကုန်သွယ်မှုမှာ သက်ဆိုင်ရာ နိုင်ငံ က ဘဏ် တွေနဲ့ တိုက်ရိုက် ငွေလွှဲတာတွေ လုပ်နိုင် တော့မှာ ဖြစ်ပါတယ်။
နိုင်ငံခြားရောက်နေတဲ့ သူတွေကလည်း မြန်မာ နိုင်ငံကို ငွေအလွှဲ အပြောင်းတွေ လုပ်နိုင်မှာ ဖြစ်တယ်လို့ ကမ္ဘောဇဘဏ် ဒုတိယဥက္ကဌ (၂) ဦးသန်းလွင်က ဘီဘီစီကို ပြောပြပါတယ်။
နောက်ပိုင်း ဖြစ်ပေါ်လာမယ့် အစုရှယ်ယာ ဈေးကွက်ကိုလည်း အထောက်အကူ ဖြစ်နိုင်တယ် လို့ ဦးသန်းလွင်က ပြောပါတယ်။
ကမ္ဘောဇဘဏ်၊ အာရှစိမ်းလန်းရေး ဖွံ့ဖြိုးမှုဘဏ်၊ ဧရာဝတီဘဏ်၊ မြန်မာ့ရှေ့ဆောင်ဘဏ်၊ မြဝတီဘဏ်၊ အင်းဝဘဏ် အစရှိတဲ့ ပုဂ္ဂလိက ဘဏ် ၁၁ ခုက ခွင့်ပြုချက် ရရှိကြမှာ ဖြစ်ပါ တယ်။
တချိန်တည်းမှာပဲ နိုင်ငံခြားငွေလဲနှုန်း တခုတည်း ဖြစ်ရေးကိုလည်း နိုင်ငံတကာ ငွေကြေး ရန်ပုံငွေအဖွဲ့ IMF နဲ့ ညှိနှိုင်းဆောင်ရွက်နေကြောင်း ဦးသန်းလွင်က ပြောပါတယ်။

ကမ္ဘာပေါ်မှာ မြေမြှုပ်မိုင်း အသုံးပြုမှု တိုးပွားလာ
လစ်ဗျားမှာ ကဒါဖီတပ်ဖွဲ့တွေက ဒီနှစ်ထဲ မြေမြှုပ်မိုင်း ထောင်တာတွေ ရှိခဲ့ပါတယ်
ကမ္ဘာပေါ်မှာ မြေမြှုပ်မိုင်း အသုံးပြုမှုဟာ ၂၀၀၄ ခုနှစ် နောက်ပိုင်းက စလို့ များလာခဲ့ ပြီး၊ လွန်ခဲ့တဲ့နှစ်အတွင်း နိုင်ငံ အတော် များများမှာ ပိုမိုသုံးစွဲလာတာကို တွေ့ရှိရ တယ်လို့ မြေမြှုပ်မိုင်း တားဆီးရေး နိုင်ငံတကာအဖွဲ့အစည်း ICBL ရဲ့ နှစ်ပတ် လည် အစီရင်ခံစာမှာ ဖေါ်ပြထားပါတယ်။
မြန်မာ၊ ဆီးရီးယား၊ လစ်ဗျားနဲ့ အစ္စရေးနိုင်ငံ တို့ဟာ ပြီးခဲ့တဲ့နှစ်က စလို့ အများအပြား သုံးစွဲလာတယ်လို့ အစီရင်ခံစာက ဆိုပါတယ်။
မြေမြှုပ်မိုင်း တားဆီးရေးအတွက် အသုံးပြုတဲ့ ရန်ပုံငွေဟာ စံချိန်တင် တိုးများလာပေမယ့် လည်း ပြီးခဲ့တဲ့နှစ်က မြေမြုပ်မိုင်းကြောင့် ကမ္ဘာပေါ်မှာ သေဆုံး ဒဏ်ရာရသူပေါင်း ၄၀၀၀ ကျော် ရှိတယ်လို့ အစီရင်ခံစာက ဆိုပါတယ်။
မြန်မာနိုင်ငံမှာ ၂၀၁၀ ခုနှစ် အတွင်း မြေမြှုပ်မိုင်း တွေ ထပ်ချတာကို တွေ့ရတယ်လို့ ICBL ရဲ့ ပြောခွင့်ရသူတဦး ဖြစ်တဲ့ မစ္စတာ Loren Persi က ဘီဘီစီကိုပြောပါတယ်။
မနှစ်က မြန်မာနိုင်ငံမှာ မြေမြှုပ်မိုင်း ဒဏ်ရာရသူ အနည်းဆုံး ၂၇၄ ဦးရှိတယ်လို့လည်း သူက ပြောပါတယ်။
ဒါပေမယ့် သူတို့ စာရင်း ကောက်ယူရာမှာ အကန့်အသတ်တွေ အများအပြား ရှိတာကြောင့် ဒီ အရေအတွက် ထက်မက ပိုများနိုင်တယ်လို့ သူက ပြောပြပါတယ်။
အမေရိကန်နိုင်ငံ အနေနဲ့ကတော့ ၂၀၁၀ အတွင်း မြန်မာနိုင်ငံမှာ မြေမြှုပ် မိုင်းကြောင့် ထိခိုက်ရသူ အနည်းဆုံး ၆၀၀ ရှိတယ်လို့ ခန့်မှန်း ထားပါတယ်။
မြေမြှုပ်မိုင်းကို အစိုးရ စစ်တပ်နဲ့ လက်နက်ကိုင် အဖွဲ့အစည်းတွေက အသုံးပြု နေကြတာ ဖြစ်ပြီး၊ ထိခိုက်ခံရသူတွေ ထဲမှာ အများစုက အရပ်သား တွေ ဖြစ်ကြောင်းလည်း သူက ပြောပါတယ်။
ကချင် လွတ်လပ်ရေးကောင်စီ ဒုတိယ အတွင်းရေးမှူး ဗိုလ်မှူးကြီး ရောထုံကတော့ သူတို့ အနေနဲ့ စစ်တိုက်တဲ့ နေရာမှာပဲ မြေမြှုပ်မိုင်းကို သုံးကြောင်း၊ အရပ်သား နေရာ တွေ မှာ တော့ အသုံးမပြုကြောင်း ဘီဘီစီကို ပြောပါတယ်။
ICBL ပြောခွင့်ရ မစ္စတာ Loren Persi ကလည်း အခုလို လက်နက်ကိုင် ပဋိပက္ခ ဖြစ်နေတဲ့ မြန်မာနိုင်ငံမှာ ဖြေရှင်းဖို့ မလွယ်တဲ့ အကြောင်း ပြော ပါတယ်။
ဒီအတွက် မြန်မာအစိုးရနဲ့ လက်နက်ကိုင် အဖွဲ့အစည်း နှစ်ဖက်စလုံးကို မြေမြှုပ်မိုင်း မသုံးဖို့ တောင်းဆိုနေကြတာ ဖြစ်တယ်လို့ သူက ပြောကြား သွားပါတယ်။

ဆန္ဒပြမှုတွေကို အကြမ်းမဖက်ဖို့ အီဂျစ် ကို တောင်းဆို
ရဲတွေက မျက်ရည်ယိုဗုံးတွေနဲ့ ပစ်နေပြီး ဆန္ဒပြသူ တွေကလည်း လောင်စာဗုံးတွေနဲ့ပစ်
အီဂျစ်နိုင်ငံက တက်ကြွလှုပ်ရှားသူတွေရဲ့ စစ်အုပ်ချုပ်မှု ဆန့်ကျင်ရေး ဆန္ဒပြမှုတွေ အပေါ် အကြမ်းဖက်နှိပ်ကွပ်မှုတွေ အဆုံးသတ်ဖို့ ဖိအားပေးမှုတွေ တိုးမြင့် လာနေပါတယ်။
ကုလသမဂ္ဂ လူ့အခွင့်အရေးဆိုင်ရာ အကြီးအကဲ က အီဂျစ်က ဆန္ဒပြသူတွေ အပေါ် အင်အား အလွန်အကျွံသုံး ဖြိုခွဲနေတာတွေကို ရပ်တန့်ဖို့ တောင်းဆို လိုက်ပါတယ်၊ နောက်ပြီး လွတ်လပ် တဲ့ စုံစမ်းစစ်ဆေးမှုတွေ လုပ်ဖို့ကိုလည်း သူက တောင်းဆိုထားပါတယ်။
ဆန္ဒပြသူတွေအပေါ် အန္တရာယ်ရှိတဲ့ ဓာတ်ငွေ့တွေသုံးပြီး ဖြိုခွဲနေတယ်ဆိုတဲ့ သတင်းတွေ အပေါ် စိုးရိမ်ကြောင်း ဗြိတိသျှနိုင်ငံခြားရေး ဝန်ကြီး ဝီလျံဟိတ်ကလည်း ထုတ်ဖေါ် ပြောဆို ပါတယ်။
အဓိကရုဏ်း နှိမ်နင်းရေး ရဲတွေက မျက်ရည်ယိုဗုံးတွေနဲ့ အဆက်မပြတ် ပစ်ခတ်နေတာ ကြောင့် ထိပ်တိုက်ရင်ဆိုင်မှုတွေဟာ ကိုင်ရိုမြို့ တာဟီရာ ရင်ပြင် တဝိုက် ဆက်လက် ဖြစ်ပွား နေပါတယ်။
ဆန္ဒပြသူတွေကလည်း ခဲတွေ၊ လောင်စာဗုံးတွေနဲ့ ပြန်လည် ပစ်ပေါက်နေကြပါတယ်။

ကြားဖြတ်ရွေးကောက်ပွဲ အတွက် အင်န်အယ်လ်ဒီ အကြမ်း ညှိနှိုင်း
2011-11-23
ပါတီမှတ်ပုံတင်ခွင့်ရသွားပြီးရင် ကြားဖြတ် ရွေးကောက်ပွဲ အောင်နိုင်ရေး အတွက် လုပ်ဆောင်စရာများ အကြောင်း ဒေါ်အောင်ဆန်းစုကြည် အပါအဝင် အင်န်အယ်လ်ဒီ ပါတီ ဗဟို ကော်မတီဝင်တွေနဲ့ တိုင်းနဲ့ ပြည်နယ်က ပါတီ ခေါင်းဆောင်တွေ ဒီကနေ့ ရွှေဂုံတိုင်ရုံးချုပ်မှာ အကြမ်း ဆွေးနွေးခဲ့ကြောင်း ဒု-ဥက္ကဋ္ဌ ဦးတင်ဦးက ပြောပါတယ်။
အင်န်အယ်လ်ဒီပါတီ ဗဟိုကော်မတီဝင် ဦးဉာဏ်ဝင်းနဲ့ ဦးဝင်းမြင့်တို့ကတော့ မနက်ဖြန် နေပြည်တော်ကို ခရီးထွက်ခွာမှာ ဖြစ်ပြီး သောကြာနေ့ ကျရင် ရွေးကောက်ပွဲ ကော်မရှင်မှာ ပါတီ ပြန်လည် မှတ်ပုံတင်ခွင့်ပေးရေး လျှောက်ထားမယ်လို့ သိပါတယ်။လာမဲ့ ကြားဖြတ် ရွေးကောက်ပွဲ ဝင်တဲ့အခါ ပြည်သူတွေ မဲပေးနိုင်ဖို့ သတ်မှတ်မဲ့ အင်န်အယ်လ်ဒီ ပါတီ အမှတ် တံဆိပ်ကိုတော့ လက်ရှိ အင်န်အယ်လ်ဒီ ပါတီ အလံကိုပဲ အနည်းငယ် ပြုပြင်ပြီး သုံးသွားဖွယ် ရှိကြောင်း အမည်မဖေါ်လိုတဲ့ အင်န်အယ်လ်ဒီ ပါတီ ခေါင်းဆောင် တချို့က အာရ်အက်ဖ်အေကို ပြောပါတယ်။

ဥက္ကဋ္ဌ ဦးခွန်ထွန်ဦးနဲ့ တွေ့ခွင့်ရဖို့ SNLD ဆက်ကြိုးပမ်းမယ်
2011-11-23
မကြာခင်က ပူတာအိုထောင်ကနေ တောင်ငူထောင်ကို ရွှေ့ပြောင်းလိုက်တဲ့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD ဥက္ကဋ္ဌ ဦးခွန်ထွန်ဦးနဲ့ တွေ့ဆုံခွင့်ရဖို့ ဆက်လက် ကြိုးပမ်းသွားမယ်လို့ ပါတီ ပြောခွင့်ရ ဦးစိုင်းလိတ်က အာရ်အက်ဖ်အေကို ပြောပါတယ်။
ပါတီ ဆက်လက် ရပ်တည်ရေး အတွက် ခေါင်းဆောင် နှစ်ဦးရဲ့ သဘောထားကို သိရဖို့ လိုတယ်လို့ ဦးစိုင်းလိတ်က ဆိုပါတယ်။ထောင်ဒဏ် ၉၃ နှစ် ချမှတ်ခံထားရတဲ့ ဦးခွန်ထွန်ဦးကို နိုဝင်ဘာ ၂၀ က တောင်ငူထောင်ကို ပြောင်းရွှေ့လိုက်ပြီး နိုဝင်ဘာ ၂၁ ရက်မှာ မိသားစုနဲ့ တွေ့ခွင့်ပေးခဲ့တယ်လို့ သိရပါတယ်။ဦးခွန်ထွန်းဦးဟာ ဒူးနာတဲ့ ဝေဒနာ ခံစားနေရတာကြောင့် လမ်းကောင်းကောင်း မလျှောက်နိုင်ဘူးလို့ ဦးစိုင်းလိတ်က ပြောပါတယ်။ပါတီဥက္ကဋ္ဌ ဦးခွန်ထွန်းဦးနဲ့ ထောင်ဒဏ် ၁၀၅ နှစ် ချမှတ်ခံထားရတဲ့ အထွေထွေအတွင်းရေးမှူး စိုင်းညွန့်လွင်တို့ လွတ်မြောက် မလာသေးတဲ့ အတွက် SNLD အနေနဲ့ ပါတီမှတ်ပုံ ပြန်တင်ဖို့ မရှိဘူးလို့ ပြီးခဲ့တဲ့ သီတင်းပတ်တွေက ထုတ်ပြန် ကြေညာခဲ့ပါတယ်။၁၉၉၀ ရွေးကောက်ပွဲ အနိုင်ရ တိုင်းရင်းသား ငါးပါတီ ဖွဲ့စည်းထားတဲ့ တိုင်းရင်းသား လူမျိုးများ မဟာမိတ်အဖွဲ့ UNA မှာ SNLD ပါတီလည်း ပါဝင်ပါတယ်။

ချင်းအမျိုးသားတပ်ဦး CNF နဲ့ အစိုးရ ကိုယ်စားလှယ်တွေ ဆွေးနွေးမယ်
2011-11-23
ဦးသိန်းစိန် အစိုးရဟာ တိုင်းရင်းသား လက်နက်ကိုင် တပ်ဖွဲ့ တချို့နဲ့သာ အပစ်အခတ် ရပ်စဲပြီး ကချင် လွတ်မြောက်ရေး တပ်ဖွဲ့ KIA ကို ချောင်ပိတ်တိုက်တာမျိုး မဖြစ်စေလိုကြောင်း ချင်းအမျိုးသား တပ်ဦး CNF က အာရ်အက်ဖ်အေ ကို ပြောပါတယ်။
အပစ်အခတ် ရပ်စဲရေး အတွက် ချင်းအမျိုးသား တပ်ဦး CNF နဲ့ အစိုးရ ကိုယ်စားလှယ်တွေ လာမဲ့ နှစ်ဆန်းပိုင်း ချင်းပြည်နယ် မြို့တော် ဟားခါးမြို့မှာ တွေ့ဆုံ ဆွေးနွေးကြမယ်လို့ CNF စစ်ရေး တာဝန်ခံ ပူးဆော်လမွန်က ပြောပါတယ်။အဲဒီလို ဟားခါးမြို့မှာ ဆွေးနွေးကြဖို့ ဒီလ ၁၉ ရက်မှာ CNF ထိပ်ပိုင်း ခေါင်းဆောင်တွေနဲ့ မီးရထားဝန်ကြီး ဦးအောင်မင်းတို့ ထိုင်း မြန်မာ နယ်စပ်မှာ ပဏမ တွေ့ဆုံပြီး သဘောတူခဲ့ကြတယ်လို့ သိရပါတယ်။အဲဒီဆွေးနွေးပွဲမှာ CNF အနေနဲ့ ဖွံဖြိုးရေးတို့၊ ရုံးတို့၊ တပ်တွေ နေရာချထားရေးအထိ ဆွေးနွေးဖို့ အစီအစဉ် ရှိကြောင်း စစ်ရေး တာဝန်ခံ ပူးဆော်လမွန်က ပြောပါတယ်။ချင်းအမျိုးသားတပ်ဦး CNF ဟာ KIA , KNU စတဲ့ တိုင်းရင်းသား လက်နက်ကိုင် တပ်ဖွဲ့တွေနဲ့ အတူ နိုင်ငံရေး တပ်ပေါင်းစု ဖြစ်ကြတဲ့ ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFC အဖွဲ့ဝင်ပါ။အဖွဲ့ဝင်တွေ အနေနဲ့ အစိုးရနဲ့ တစ်ဖွဲ့ချင်း နိုင်ငံရေး မဆွေးနွေးဘဲ UNFC တပ်ပေါင်းစု အနေနဲ့သာ ဆွေးနွေးကြမယ် ဆိုတဲ့ မူတစ်ရပ် ချမှတ်ထားပေမဲ့ အပစ်အခတ် ရပ်စဲရေးကိစ္စတွေကိုတော့ တစ်ဖွဲ့ချင်း ဆွေးနွေးခွင့် ပေးထားတယ်လို့ သိရပါတယ်။

အမေရိကန် နိုင်ငံခြားရေးဝန်ကြီး အမျိုးသားလွှတ်တော် ဥက္ကဋ္ဌနဲ့ တွေ့ဖို့ရှိ
2011-11-23
မြန်မာနိုင်ငံကို လာရောက်မဲ့ အမေရိကန် နိုင်ငံခြားရေးဝန်ကြီး ဟယ်လာရီ ကလင်တန် ဟာ အမျိုးသားလွှတ်တော် ဥက္ကဋ္ဌ ဦးခင်အောင်မြင့် ဦးဆောင်တဲ့ အမျိုးသား လွှတ်တော် ကိုယ်စားလှယ် အဖွဲ့နဲ့ လာမဲ့ ဒီဇင်ဘာ ၁ ရက် နေပြည်တော်မှာ တွေ့ဆုံ ဆွေးနွေးဖို့ ရှိကြောင်း သိရပါတယ်။
အဲဒီတွေ့ဆုံပွဲကို တက်ရောက်ဖို့ အမျိုးသား လွှတ်တော် ကိုယ်စားလှယ် ၃၀ ရွေးချယ်ထားပြီး လွှတ်တော် ရေးရာ ကော်မတီတွေမှာ ပါဝင်ကြတဲ့ နိုင်ငံရေးပါတီ အသီးသီးက ကိုယ်စားလှယ်တွေ၊ တိုင်းရင်းသား ကိုယ်စားလှယ်တွေ ပါဝင်မယ်လို့ အစိုးရအဖွဲ့ ကတိကဝတ် စိစစ်ရေး ကော်မတီဝင် ဒေါက်တာ အေးမောင်က အာရ်အက်ဖ်အေကို ပြောပါတယ်။မြန်မာနိုင်ငံရဲ့ လက်ရှိ ဖြစ်ပေါ် ပြောင်းလဲမှုတွေကို လေ့လာဖို့ မြန်မာနိုင်ငံကို လာရောက်မဲ့ မစ္စ ဟယ်လာရီ ကလင်တန်ရဲ့ ခရီးစဉ်နဲ့ ပတ်သက်ပြီး အားလုံး ကောင်းဖို့အတွက် နှစ်ဘက်လုံးက လျှော့ပေးရမှာ ဖြစ်ကြောင်း၊ အစိုးရဘက်ကလည်း ယုံကြည်ချက်ကြောင့် အကျဉ်းကျနေသူတွေကို လွှတ်ပေးပြီး တစ်ဘက်ကလည်း ပိတ်ဆို့ တားမြစ်ထားတာတွေကို ရုပ်သိမ်းပေးသင့်ကြောင်း ဒေါက်တာအေးမောင်က ပြောပါတယ်။ဟယ်လာရီ ကလင်တန်ရဲ့ မြန်မာပြည် ခရီးစဉ်ဟာ အနှစ် ၅၀ အတွင်း အမေရိကန် အစိုးရ အဆင့်မြင့် ကိုယ်စားလှယ် တဦးရဲ့ ပထမဦးဆုံး အကြိမ် ခရီးစဉ်ပါ။

ဒဏ်ခတ်အရေးယူမှု ရုပ်သိမ်းဖို့ အစီအစဉ်မရှိသေး
By ကိုအောင်လွင်ဦး
ရှေ့သီတင်းပတ်ထဲ အမေရိကန် နိုင်ငံခြားရေးဝန်ကြီး မြန်မာနိုင်ငံကို သွားရောက်ဖို့အထိ အပြန်အလှန် ဆက်ဆံမှုတွေ တိုးတက် လာပေမဲ့ မြန်မာအစိုးရအပေါ် ပိတ်ဆို့ဒဏ်ခတ် အရေးယူထားတာတွေကိုတော့ ရုပ်သိမ်းဦးမှာ မဟုတ်သေးဘူးလို့ အမေရိကန် အဆင့်မြင့် အရာရှိတဦးက ပြောလိုက်ပါတယ်။ ဒါဟာလည်း မြန်မာနိုင်ငံတွင်းမှာ တိုးတက်အောင် လုပ်ဆောင်ဖို့ လိုအပ်နေတာတွေ အများအပြား ရှိနေဆဲ ဖြစ်တယ်လို့ အမေရိကန် အစိုးရက ယုံကြည်ထားတဲ့အတွက် ဖြစ်တယ်လို့ ပြောဆိုခဲ့တာပါ။ အပြည့်အစုံကိုတော့ ကိုအောင်လွင်ဦး က တင်ပြထားပါတယ်။
ရာစုနှစ်ဝက်အတွင်း ပထမဆုံးအကြိမ်အဖြစ် အမေရိကန် နိုင်ငံခြားရေးဝန်ကြီး ဟီလာရီ ကလင်တန် ဒီဇင်ဘာလ ၁ ရက်နေ့မှာ မြန်မာနိုင်ငံကို သွားရောက်ဖို့ ရှိနေတဲ့အထိ ၂ နိုင်ငံ သံတမန် ဆက်ဆံရေးတွေ တိုးတက်လာပေမဲ့လည်း မြန်မာအစိုးရအပေါ် အရေးယူ ဒဏ်ခတ်ထားတာတွေ လတ်တလော ရုပ်သိမ်းမှာတော့ မဟုတ်သေးဘူးလို့ အမေရိကန် အစိုးရက ပြောလိုက်တာ ဖြစ်ပါတယ်။ အမေရိကန် သမ္မတ ဘရက်ခ် အိုဘားမား အစိုးရက မြန်မာနိုင်ငံအပေါ် ပိတ်ဆို့ဒဏ်ခတ်မှုတွေ ချမှတ်ထားပေမဲ့ တချိန်တည်းမှာပဲ ထိတွေ့ဆက်ဆံမှုတွေ လုပ်ဆောင်ဖို့ ပြောဆိုထားတာလည်း ဖြစ်ပါတယ်။

ဒါပေမဲ့လည်း လတ်တလော မြန်မာနိုင်ငံက အခြေအနေတွေဟာ ဒဏ်ခတ် အရေးယူထားတာတွေကို အဆုံးသတ်ရလောက်အောင် အထိတော့ မဟုတ်သေးဘူးလို့ အမေရိကန် သမ္မတ အိမ်ဖြူတော်က ဒုတိယ အမျိုးသားလုံခြုံရေး အကြံပေးပုဂ္ဂိုလ် ဘန် ရုဒ်စ် (Ben Rhodes) က ၀ါရှင်တန် နိုင်ငံခြားသတင်းစာဆရာများ အသင်းတိုက်မှာ အင်္ဂါနေ့ကပဲ ပြောဆိုသွားတာ ဖြစ်ပါတယ်။
“ပိတ်ဆို့ အရေးယူမှုတွေ ရုပ်သိမ်းရေး ဆွေးနွေးဖို့ အချိန်မတန်သေးဘူးလို့ ကျနော်ထင်ပါတယ်။ နိုင်ငံခြားရေးဝန်ကြီးရဲ့ ခရီးစဉ် တစိတ်တပိုင်း အားဖြင့်ကတော့ လက်ရှိဖြစ်ပေါ်နေတဲ့ အခြေအနေတွေကို အရှိန်အဟုန် ပိုကောင်းလာအောင် လုပ်ဆောင်သွားဖို့ ဖြစ်သလို၊ ရှေ့မှာ ဘာတွေ ဖြစ်နိုင်သလဲ ဆိုတာကို စူးစမ်းဖို့လည်း ဖြစ်ပါတယ်။ ဒါပေမဲ့လည်း ပိတ်ဆို့မှုတွေကို အခုအချိန်မှာ ပြန်ပြီး ရုပ်သိမ်းဖို့တော့ အစီအစဉ် မရှိသေးပါဘူး။”
လူ့အခွင့်အရေးနဲ့ နိုင်ငံရေး အခြေအနေတွေ တိုးတက်မှု မရှိဘူးဆိုပြီး အမေရိကန် ပြည်ထောင်စု အပါအ၀င် အနောက်နိုင်ငံတွေက မြန်မာအစိုးရအပေါ် ဆယ်စုနှစ်တွေနဲ့ချီပြီး ပိတ်ဆို့ဒဏ်ခတ်မှုတွေ ချမှတ်ထားပေမဲ့လည်း မြန်မာအစိုးရဘက်က တိုးတက်မှုတွေ ရှိရင်ရှိသလို အပြန်အလှန် တုန့်ပြန်ဆောင်ရွက် သွားမယ်လို့ ပြောဆိုထားတာပါ။ ပြီးခဲ့တဲ့ နှစ်ကုန်ပိုင်းမှာ ရွေးကောက်ပွဲတွေ ကျင်းပပြီး အစိုးရသစ်အဖြစ် ဒီနှစ်မတ်လကုန်မှာ တက်လာတဲ့ သမ္မတ ဦးသိန်းစိန် ဦးဆောင်တဲ့ အစိုးရကတော့ ဒီမိုကရေစီကို ဦးတည်တဲ့ ပြုပြင်ပြောင်းလဲရေးတွေ လုပ်ဆောင်မယ်ဆိုပြီး ကတိပြုခဲ့ပြီးနောက်၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ကိုပြန်လွှတ်ပေးခဲ့သလို၊ သမ္မတ အပါအ၀င် အစိုးရတာဝန်ရှိသူတွေနဲ့ တွေ့ဆုံဆွေးနွေးမှုတွေလည်း လုပ်ဆောင်လာခဲ့ပါတယ်။ နောက်ပိုင်းမှာလည်း နိုင်ငံရေး အကျဉ်းသားတချို့ကို လွတ်ငြိမ်းချမ်းသာခွင့်ပြုတာ၊ နိုင်ငံရေး၊ စီးပွားရေး လွတ်လပ်ခွင့် ပေးတာတွေလည်း ရှိလာခဲ့တာ ဖြစ်ပါတယ်။ နောက်ဆက်တွဲအဖြစ်နဲ့ ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီအဖွဲ့ချုပ် (NLD) ပါတီကလည်း နိုင်ငံရေးပါတီအဖြစ် မှတ်ပုံတင်ပြီး လွှတ်တော် ကြားဖြတ် ရွေးကောက်ပွဲတွေမှာ ပါဝင်ဖို့အထိ ပြင်ဆင်လာတာပါ။

ဒီလို ဖြစ်ထွန်းမှုတွေ တွေ့မြင်လာရပေမဲ့လည်း အခြေအနေတွေဟာ ရေရှည်ခံဖို့ လိုအပ်နေတာမို့ အမေရိကန် ပြည်ထောင်စုကတော့ မူဝါဒ အပြောင်းအလဲတွေ မလုပ်ခင် အသေအချာ စောင့်ကြည့်ဖို့ လိုလားနေတာဖြစ်ပါတယ်။
“သမ္မတရဲ့ ကြေညာချက်အပေါ်မှာ မြန်မာအစိုးရဘက်က အပေါင်းလက္ခဏာဆောင်တဲ့ တုန့်ပြန်မှုတချို့ တွေ့ရသလို၊ ဒေါ်အောင်ဆန်းစုကြည် ဘက်ကလည်း အပေါင်းလက္ခဏာဆောင်တဲ့ တုန့်ပြန်မှုတွေ ရှိနေပါတယ်။ ဥပမာအားဖြင့်ဆိုရင် နိုင်ငံရေး လမ်းစဉ်ထဲမှာ သူ့အနေနဲ့ ပါဝင်လာတဲ့ ကိစ္စမျိုးဖြစ်ပါတယ်။ ဒါပေမဲ့လည်း မြန်မာနိုင်ငံသွားနေတဲ့ လမ်းကြောင်းကို အဆုံးအထိ စောင့်ကြည့်လေ့လာဖို့ လိုအပ်တယ်လို့ ကျနော်ယုံကြည်ပါတယ်။ ဒီလမ်းကြောင်းဟာ အမေရိကန် ပြည်ထောင်စု မျှော်လင့်တဲ့ ပုံစံအတိုင်း ဖြစ်ရဲ့လားဆိုတာ အဆုံးအထိ စောင့်ကြည့်လေ့လာဖို့ လိုအပ်ပါတယ်။ ဒီလို အဆုံးအထိ စောင့်ကြည့် လေ့လာဖို့ လိုအပ်တယ်ဆိုတဲ့ ကိစ္စဟာ သမ္မတက ထောက်ပြထားတဲ့ ကိစ္စလည်း ဖြစ်ပါတယ်။”
မြန်မာနိုင်ငံမှာ နိုင်ငံရေးအရ ပြုပြင်ပြောင်းလဲမှုတွေ ရှေ့ဆက်ဖို့သာမက၊ လူ့အခွင့်အရေး အခြေအနေတွေ တိုးတက်ဖို့၊ အမျိုးသား ပြန်လည် သင့်မြတ်ရေးအတွက် တိုင်းရင်းသား လူမျိုးစုတွေအပေါ် လေးစားမှုရှိဖို့တွေဟာလည်း အရေးကြီးတယ်လို့ အမေရိကန် ဒုတိယ အမျိုးသားလုံခြုံရေး အကြံပေးပုဂ္ဂိုလ် ဘန် ရုဒ်စ် ကပြောသွားပါတယ်။
အမေရိကန် ပြည်ထောင်စုလို မြန်မာအစိုးရအပေါ် ပြစ်ဒဏ်ခတ် အရေးယူထားတဲ့ ဥရောပသမဂ္ဂ (EU) ကတော့ ဒေါ်အောင်ဆန်းစုကြည် ဦးဆောင်တဲ့ NLD ပါတီက ကြားဖြတ် ရွေးကောက်ပွဲ မတိုင်မီ နိုင်ငံရေးပါတီအဖြစ် မှတ်ပုံတင်ဖို့ ဆုံးဖြတ်ခဲ့တာ အပါအ၀င် မြန်မာနိုင်ငံက မကြာသေးခင်က ဖြစ်ထွန်းမှုတွေ အတွက် ကြိုဆိုကြောင်း ပြောဆိုထားတာပါ။ ဒီလိုပဲ မြန်မာနိုင်ငံဆိုင်ရာ မူဝါဒကိုလည်း ပြန်လည် သုံးသပ်နေတဲ့အကြောင်း EU နိုင်ငံခြားမူဝါဒရေးရာ အကြီးအကဲ ကတ်သရင်း အက်ရ်ှတန် (Catherine Ashton) က အရင်တပတ်ထဲမှာပဲ ပြောဆိုထားတာ ဖြစ်ပါတယ်။

ထိုင်းဘုရင်စံနစ် ပုတ်ခတ်ရေးသားသူ ထောင်ဒဏ် အနှစ် ၂၀
By VOA (မြန်မာပိုင်း)
ထိုင်းနိုင်ငံမှာ တရားရုံးတခုက နိုင်ငံရဲ့ဘုရင် မိသားစုကို စော်ကားတယ်လို့ ထိုင်းအာဏာပိုင်တွေ စွဲဆိုထားတဲ့ လူတဦးကို နှစ် ၂၀ ထောင်ဒဏ် ချမှတ်လိုက်ပါပြီ။ ဘန်ကောက်မြို့ ရာဇ၀တ် တရားခုံရုံးကနေ ဒီကနေ့မှာပဲ အသက် ၆၁ နှစ် ရှိပြီဖြစ်တဲ့ အမ်ပွန်း တန်နော်ပါကူးလ် (Ampon Tangnoppakul) ဟာ မနှစ် မေလက အဲဒီအချိန်က ၀န်ကြီးချုပ်ဖြစ်သူ အဘီဆစ် ၀ိချာချီဝထံကို ဒီ မသင့်လျော်တဲ့ သတင်းစကား (Message) ပေးပို့ခဲ့မှုနဲ့ အပြစ်ရှိခဲ့တယ်လို့ အမိန့်ချလိုက်တာပါ။

ထိုင်းအာဏာပိုင်တွေက ဒီသတင်းစကားတွေထဲမှာ ဘာတွေပါလဲဆိုတာကို အတိအကျ ထုတ်မပြောခဲ့ပေမယ့် ဒီသတင်းစကားတွေဟာ ဘုရင်စံနစ်ကို စော်ကားတာလို့ ယူဆလို့ ရပြီး ဒီသတင်းစကား လက်ခံခဲ့ရသူ အတွက်လည်း စိတ်ပျက်စေခဲ့တယ်လို့ ဆိုပါတယ်။

ဒါပေမယ့် ထိုင်းနိုင်ငံမှာ အန်ကယ်လ် အက်စ်အမ်အက်စ် (SMS) လို့ လူသိများပြီး အပြစ်ပေးခံရတဲ့ အမ်ပွန်းကတော့ သူ့အနေနဲ့ အပြစ်မရှိဘူးလို့ ပြောဆိုနေဆဲဖြစ်ပြီး ဒီသတင်းစကား ပေးပို့ခဲ့တဲ့ ဖုန်းကဒ်၊ ဆင်းမ်ကဒ်ကိုလည်း သူပိုင်တာမဟုတ်ဘူးလို့ ဆက်လက် ငြင်းထားပါတယ်။