23.11.2011 နေ့ဖတ်ရန်သတင်းများ

by Myanmar Journal on Wednesday, November 23, 2011 at 6:21am

 

 

အီဂျစ်မှာ ဆန္ဒပြပွဲ ဆက်ဖြစ်ပွား
လုံခြုံရေး တပ်ဖွဲ့ တွေက မျက်ရည်ယို ဗုံးတွေနဲ့ နှိမ်နှင်း

အီဂျစ်နိုင်ငံ ကိုင်ရို မြို့လယ်က တာဟီရာ ရင်ပြင်မှာ ထောင်သောင်း ချီတဲ့ အီဂျစ် ပြည်သူ တွေဟာ စစ်ကောင်စီကို အာဏာ စွန့်လွှတ်ရေး ဖိအား ပေးတဲ့ အနေနဲ့ ထပ်မံ ဆန္ဒပြ နေကြ ပါတယ်။
တာဟီရာ ရင်ပြင်ကို ဒီကနေ့ သိမ်းယူထား ဖို့အတွက် လူ တသန်း လောက်အထိ စုရုံး ကြဖို့ တက်ကြွ လှုပ်ရှား သူတွေက ပန်ကြား ထားပါတယ်။
ဆန္ဒပြသူ အများအပြား ဟာ တာဟီရာ ရင်ပြင်မှာ ညအိပ် နေခဲ့ ကြတာ ဖြစ်ပါတယ်။
ဒါပေမယ့် အခု ဆန္ဒပြပွဲ တွေဟာ အရင် သမ္မတ မူဘာရက်ကို ဖြုတ်ချ ခဲ့သလိုမျိုး လူအများကို ဆွဲဆောင်နိုင် ခြင်း မရှိသေး ပါဘူး။

အခုလို ဖြစ်နေတဲ့ အကျပ်အတည်း အတွက် နိုင်ငံရေး ပါတီက ခေါင်းဆောင် အတော် များများဟာ အာဏာ ယူထားတဲ့ စစ်ကောင်စီ နဲ့ ဆွေနွေး တော့မှာ ဖြစ်ပါတယ်။
နိုင်ငံ တလွှား မတည် မငြိမ် ဖြစ်မှု ခဲ့တဲ့ ၃ ၇က် အတွင်း လူပေါင်း ၂၀ ကျော် သေဆုံး ခဲ့ရ ပြီလည်း ဖြစ်ပါတယ်။
လာမယ့် နိုဝင်ဘာ ၂၈ ရက် တနင်္လာနေ့ ဆိုရင် အီဂျစ် မှာ ပါလီမန် ရွေးကောက်ပွဲ တွေ ကျင်းပ တော့မှာ ပါ။
ဒါပေမယ့် ဆန္ဒပြသူတွေက စစ်တပ် ကို နိုင်ငံရေး နဲ့ ပတ်သက်ပြီး အထူးအာဏာ တွေ ပေးထားတဲ့ ဖွဲ့စည်းပုံ အခြေခံ ဥပဒေ ပြုပြင်ချက် တွေကို ရှုတ်ချ နေကြ တာပါ။
အရပ်သား အစိုးရ တက်လာပြီး နောက်ပိုင်း မှာလည်း ဖွဲ့စည်းပုံ အခြေခံ ဥပဒေသစ် ရေး ရင် စစ်တပ် က ပယ်ဖျက် နိုင်ခွင့် ဗီတို အာဏာ ယူထား သလို စစ်တပ်နဲ့ ပတ်သက်တဲ့ ဘတ်ဂျက် ကို သေသေ ချာချာ စိစစ် ခွင့်မပြု ဖို့ ပိတ်ပင်ထား တာကို သူတို့က ဝိုင်းကန့်ကွက် နေတာပါ။
အခု တောင်းဆို ကြတဲ့ သူတွေထဲ အစ္စလာမ်မစ် ဝါဒီ တွေလည်း ပါသလို အရင် နွေဦး တော်လှန်ရေး တုန်း က အီဂျစ် လူထု အများအပြား ပါဝင် လာအောင် စွမ်းဆောင် နိုင်ခဲ့တဲ့ ဧပြီ ၆ ရက် လူငယ် လှုပ်ရှားမှု အဖွဲ့ လို အဖွဲ့ တွေ လည်း ပါဝင်ပါတယ်။
အီဂျစ် ဒီမိုကရေစီ အသွင် ကူးပြောင်းရေး မှာ စစ်တပ် အနေနဲ့ ဘယ် အခန်းကဏ္ဍ မှာ ဘယ်ကာလ အထိ ဆက်ပါဝင် မလဲ ဆိုတာကို အခု ဆန္ဒပြပွဲ တွေက မေးခွန်း ထုတ် နေကြ ပါတယ်။

တိုင်းရင်းသား အဖွဲ့ အားလုံး ပါဝင် ဆွေးနွေးရင် UNFC လက်ခံနိုင်
ညီညွတ်သော တိုင်းရင်းသား များ ဖက်ဒရယ် ကောင်စီ UNFC က သူတို့ အဖွဲ့ ထဲမှာ ပါဝင် ကြတဲ့ တိုင်းရင်းသား အဖွဲ့ အားလုံး အတူ ပါဝင်နိုင်တဲ့ ဆွေးနွေးပွဲမျိုး ဆိုရင် လက်ခံ နိုင်တယ်လို့ ပြောပါတယ်။
မကြာသေးခင်က ကေအန်ယူ နဲ့ တခြား တိုင်းရင်း သား အဖွဲ့တွေကို အစိုးရက သီးခြားစီ တွေ့ဆုံခဲ့
UNFC အဖွဲ့ထဲမှာ ပါဝင်ကြတဲ့ ကချင်၊ ကရင်၊ ကရင်နီ၊ ရှမ်း၊ ချင်း၊ မွန် စတဲ့ တိုင်းရင်းသား လက်နက်ကိုင် အဖွဲ့ တွေကို မြန်မာ အစိုးရ ဘက်က ကိုယ်စားလှယ် စေလွှတ် ပြီး သီးခြား တစ်ဖွဲ့ချင်းစီ ဆွေးနွေး မှုတွေ ပြုလုပ် နေတာ ဖြစ် ပါတယ်။
UNFC အနေနဲ့က ငြိမ်းချမ်းရေး ဆွေးနွေးမှု တွေကို တပ်ပေါင်းစု အနေနဲ့သာ ပြုလုပ်မယ် ဆိုတဲ့ မူကို ကိုင်စွဲ ထား ပါတယ်။
အပစ် အခတ်ရပ်စဲရေး သဘောတူညီချက် ရပြီးတဲ့ အခါ တိုင်းရင်းသား အဖွဲ့တွေ အားလုံး ပါဝင်တဲ့ ညီလာခံ မျိုး နေပြည်တော်မှာ ကျင်းပမယ်လို့ အစိုးရက အရိပ် အမြွက် ပြောဆို ခဲ့တယ် ဆိုတဲ့ သတင်း တွေလည်း ကြားရတယ်လို့ UNFC အထွေထွေ အတွင်း ရေးမှူး ဦးနိုင်ဟံသာ က ပြောပါတယ်။
စစ်မက် ဖြစ်ပွား နေတဲ့ ဒေသတွေ အားလုံးမှာ အပစ် အခတ် ရပ်စဲရေးကို တပြိင်နက်တည်း ပြုလုပ်ပြီး နောက်တဆင့် အနေနဲ့ နိုင်ငံရေး ဆွေးနွေးမှုတွေ ပြုလုပ်ဖို့ လိုတယ်လို့ UNFC အထွေထွေ အတွင်း ရေးမှူး ဦးနိုင်ဟံသာ က ပြောပါတယ်။
နိုင်ငံရေး ဆွေးနွေးမှုတွေ ပြုလုပ်တဲ့ နေရာမှာ UNFC အနေနဲ့ သို့မဟုတ် ကျယ်ပြန့်တဲ့ တိုင်းရင်းသား အဖွဲ့ အစည်းတွေ အားလုံး စုပေါင်းပြီး ပြည်နယ် အစိုးရ အဆင့် သာ မက ဗဟို အစိုးရ အဆင့်နဲ့ ဆွေးနွေး ကြဖို့ကိုလည်း တောင်းဆို တယ်လို့ ဦးနိုင်ဟံသာက ဘီဘီစီကို ပြောပါတယ်။
လောလောဆယ်မှာ အစိုးရ ဘက်က တိုင်းရင်းသား အဖွဲ့ တစ်ဖွဲ့ချင်း နဲ့သာ တွေ့ဆုံ လိုတာကြောင့် တွေ့ဆုံ ဆွေးနွေး နေကြတာ ဖြစ်ပေမဲ့ တစ်ဖွဲ့ချင်းစီ နဲ့သာ နားလည်မှု ယူတဲ့ ပုံစံမျိုး လုပ်မှာ မဟုတ်ဘူးလို့လည်း သူက ပြောပါတယ်။
အခု လတ်တလော တိုင်းရင်းသား အဖွဲ့ တစ်ဖွဲ့ချင်းစီနဲ့ ဆွေးနွေးမှု တွေဟာ တိုးတက်မှု ရှိတယ်လို့ မပြောနိုင် ပေမဲ့ နှစ်ဘက် အပြန်အလှန် နားလည်မှု တော့ ရှိလာ တယ်လို့ ပြောနိုင် ကြောင်းလည်း ဦးနိုင်ဟံသာက ပြော ပါတယ်။

တူနီးရှားလွှတ်တော်သစ်ရဲ့ ပထမဦးဆုံး အစည်းအဝေး
လွှတ်တော်ရဲ့ တာဝန်ကတော့ အခြေခံဥပဒေ အသစ် တခု ရေးဆွဲရေး ဖြစ်ပါတယ်
တူနီးရှားနိုင်ငံမှာ အသစ်ရွေးကောက် တင်မြောက် ဖွဲ့စည်းလိုက်တဲ့ အခြေခံ ဥပဒေရေးဆွဲရေး လွှတ်တော်ရဲ့ ပထမဦး ဆုံး အစည်းအဝေးကို ကျင်းပနေပါတယ်။
ပြီးခဲ့တဲ့လကမှ ရွေးကောက်ဖွဲ့စည်းလိုက်တဲ့ ဒီလွှတ်တော်မှာ အရင်တုန်းက တားမြစ်ခံထား ရတဲ့ အစ္စလာမ်မစ်ပါတီက နေရာအများစုနဲ့ အနိုင်ရ ပါဝင်နေတာ ဖြစ်ပါတယ်။
ဒီညီလာခံရဲ့ တာဝန်ကတော့ ရွေးကောက်ပွဲတွေ ကျင်းပနိုင်ဖို့ အခြေခံဥပဒေအသစ်တခု ရေးဆွဲဖို့ ဖြစ်ပါတယ်။
အဲဒီနောက်မှာတော့ အထွေထွေရွေးကောက်ပွဲတွေကို တနှစ်အတွင်း ကျင်းပဖို့ သဘောတူ ထားတယ်လို့ မစ္စလာမ်မစ်ပါတီက ပြောပါတယ်။
တူနီးရှားမှာ လူထုအုံကြွမှု ဖြစ်ပွားရာကနေ သမ္မတ ဇီ အဲလ် အဘက်ဒီး ဘန်အာလီ ဇန္နဝါရီလမှာ ရာထူးက ပြုကျခဲ့ပြီးနောက် အာရပ်ကမ္ဘာတလွှားမှာ မတည်ငြိမ်မှုတွေ အကြီးအကျယ် ပျံ့နှံ့ ဖြစ်ပေါ်ခဲ့တာ ဖြစ်ပါတယ်။

အဓမ္မလယ်သိမ်းခံရမှု TSYO အစီရင်ခံစာ ထုတ်ပြန်
သုတေသနပြုထားသော လယ်ယာမြေသိမ်းမှု နေရာပြ တအောင်းဒေသ မြေပုံ
ရှမ်းပြည် မြောက်ပိုင်း ပလောင်ဒေသမှာ လွန်ခဲ့တဲ့ ၁၉၉၉ ခုနှစ်ကနေ အခုချိန်ထိ ဖြစ်ခဲ့တဲ့ လယ်ယာမြေ အဓမ္မ သိမ်းဆည်းခံ ရမှုတွေနဲ့ ပတ်သက်ပြီး၊ တအာင်း ကျောင်းသားနဲ့ လူငယ်များ အစည်းအရုံး TSYO က လေ့လာစစ်တမ်း ကောက်ယူ ကာ အစီရင်ခံစာ တစ်စောင် ထုတ်ပြန်လိုက် ပါတယ်။
၁၉၉၉ ဝန်းကျင်လောက်ကနေပြီး အခုအချိန် အထိ ပလောင်ဒေသအတွင်း လယ်ယာမြေ ၄ သောင်းကျော် သိမ်းဆည်းခံခဲ့ရတယ်လို့ အစီရင်ခံစာ ရေးသားသူ တစ်ယောက် ဖြစ်တဲ့ မိုင်းပါင်လက ဘီဘီစီကို ပြောပါတယ်။
တိုင်းရင်းသားဒေသက ပြည်သူတွေအနေနဲ့ အခုလို ဖြစ်ရပ်တွေကို တိုင်ကြားလို့ ရတယ် ဆိုတာကို မသိကြောင်း သူကပြောပါတယ်။
သူတို့ တွေ့ရှိရတဲ့ ဖြစ်စဉ်ပေါင်း များစွာမှာ၊ လာရှိုးတိုင်းမှူး အမိန့်နဲ့ အသိမ်းခံထားရတဲ့ လယ်မြေဧက ၅၀၀ ကိစ္စတခုပဲ တိုင်းကြားထားတာ ရှိကြောင်း၊ ဒါပေမယ့်လည်း အာဏာပိုင်တွေ ဘက်က ဘာမှ အကြောင်းပြန်တာ မရှိဘူးလို့ သိရပါတယ်။
အစိုးရ စစ်တပ်စခန်းတွေ တိုးချဲ့ရာကနေ စတင်သိမ်းယူခဲ့တာ ဖြစ်ကြောင်းနဲ့ နောက်ပိုင်း မှာတော့ မြို့တိုင်းမှာ သိမ်းဆည်းမှုတွေ ရှိခဲ့ကြောင်း မိုင်းပေါင်လက ရှင်းပြပါတယ်။ နောက်ပြီး ရေကာတာ စီမံကိန်းတွေကြောင့်လည်း လယ်ယာမြေ ထောင်သောင်းချီပြီး အသိမ်းခံရတယ်လို့ ဆိုပါတယ်။
ဒီလိုသိမ်းဆည်းခံရတဲ့အထဲမှာ လူသုံးလေးဦးလောက်သာ လျော်ကြေးအနည်းအကျဉ်း ရရှိတယ်လို့ ဆိုပါတယ်။
ပြည်နယ်အစိုးရကလည်း အခုကိစ္စရပ်တွေနဲ့ ပတ်သက်ပြီးဘာမှ လုပ်ကိုင်ဆောင်ရွက်ပေး ခြင်းမရှိသေးသလို၊ ပြည်နယ် အမတ်တွေကလည်း ပြည်နယ်လွှတ်တော်တွေမှာ တင်ပြ တာမျိုး မရှိသေးဘူးလို့ ပြောပါတယ်။

မန်မာ့လူ့အခွင့်အရေး ချိုးဖောက်မှုကို ရှုတ်ချတဲ့ ကုလသမဂ္ဂဆုံးဖြတ်ချက်
ကုလသမဂ္ဂ အထွေထွေ ညီလာခံ တတိယကော်မီတီ အစည်းအဝေး
အမေရိကန်ပြည်ထောင်စု နယူးယောက် မြို့မှာ တနင်္လာနေ့ က ကျင်းပခဲ့တဲ့ ကုလသမဂ္ဂ အထွေထွေ ညီလာခံ တတိယကော်မီတီမှာ အီရန် ၊ မြောက်ကိုရီးယားနဲ့ မြန်မာ နိုင်ငံ တွေက လူ့အခွင့်အရေး ဆိုးဆိုးရွားရွား ချိုးဖောက်မှု တွေကို ရှုတ်ချကြောင်း ဆုံးဖြတ်ချက်တွေကို စံချိန်တင် လောက်တဲ့ ထောက်ခံမဲတွေနဲ့ အတည်ပြုခဲ့ ပါတယ်။
မြန်မာနိုင်ငံနဲ့ပတ်သက်တဲ့ ဆုံးဖြတ်ချက်ကို နိုင်ငံပေါင်း ၉၈ နိုင်ငံက ထောက်ခံခဲ့ပြီး မနှစ်ကထက် နှစ်နိုင်ငံတိုးလာတာဖြစ်ပါတယ်။
ကုလသမဂ္ဂရဲ့ မြန်မာနိုင်ငံနဲ့ ပတ်သက်တဲ့ ဆုံးဖြတ်ချက်မှာတော့ မကြာခင်က ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အစိုးရတို့ တွေ့ဆုံခဲ့တာ ၊ နိုင်ငံရေး အကျဉ်းသား တချို့ ပြန်လွှတ်ပေးခဲ့တာနဲ့ ပြီးခဲ့တဲ့ နှစ်တွေအတွင်း အပြောင်းအလဲ ရှိခဲ့တဲ့ အပေါ် ကြိုဆိုခဲ့ပါတယ်။
ဒါပေမယ့် ယုံကြည်ချက်ကြောင့် အကျဉ်းကျနေရသူ အားလုံးကို ချွင်းချက်မရှိ ချက်ခြင်း ပြန်လွှတ်ပေးဖို့ အပြင်းအထန် တိုက်တွန်းကြောင်း ဖော်ပြထားပါတယ်။
ဒါ့အပြင် အခြေခံ လွတ်လပ်ခွင့်တွေနဲ့ လူ့အခွင့်အရေး တွေကို စနစ်တကျ ချိုးဖောက်မှု ဆက်ရှိနေပြီး လူတွေကို တဖတ်သက် စွဲချက်နဲ့ ဖမ်းဆီး ထောင်ချမှုတွေ ၊ တိုင်းရင်းသား ဒေသတွေမှာ အဓမ္မ နေရာရွေ့ပြောင်းမှုတွေ ၊ အမျိုးသမီးတွေကို အဓမ္မ ပြုကျင့် ၊ ညှင်းပမ်း နှိပ်စက်မှုတွေနဲ့ လူမဆန်စွာ ပြုကျင့်ဆက်ဆံမှု တွေကို ထောက်ပြခဲ့ပြီး လူမျိုးစု တိုင်းရင်းသားတွေကို ဆက်ဆံမှု အထူးသဖြင့် ကရင်တိုင်းရင်းသား တွေအပေါ် ဆက်ဆံ မှုတွေ ကိုလည်း အလွန်အမင်း စိုးရိမ်ကြောင်း ဖေါ်ပြထားပါတယ်။
ကုလသမဂ္ဂ ဆိုင်ရာ မြန်မာ သံအမတ်ကြီး ဦးသန်းဆွေ ကတော့ အစိုးရရဲ့ ဒီမိုကရေစီ လူ့ဘောင် အဖွဲ့အစည်း တည်ဆောက်မှု ကြိုးပမ်းချက်တွေ အပေါ် ဦးစားပေး ပြောဆို ခဲ့ပြီး ဒါတွေနဲ့ပတ်သက်လို့ နားလည်မှုနဲ့ ကြိုဆိုထိုက်တယ်လို့ ပြောခဲ့ပါတယ်။
ဗြိတိန် နိုင်ငံခြားရေး ဝန်ကြီး ဝီလီယမ် ဟိတ်ခ်ရဲ့ ကြေညာချက်မှာတော့ မြန်မာနိုင်ငံက ပြောင်းလဲမှုတွေကို အသိအမှတ်ပြု ခဲ့ပေမယ့် တိုင်းရင်းသား ဒေသတွေမှာ လူ့အခွင့်အရေး ချိုးဖောက်မှုတွေ ဆက်ရှိနေတုန်းဘဲ ၊ ကုလသမဂ္ဂရဲ့ ဆုံးဖြတ်ချက်ကို ထောက်ခံပြီး ဒါဟာ နိုင်ငံတကာက မြန်မာ ပြည်သူတွေကို မေ့မထားဘူး ဆိုတာ ပြလိုက်တာဘဲလို့ ဆိုပါတယ်။

နိုင်ငံရေးဆွေးနွေးမှုမျိုး ကေအိုင်အို လိုလား
2011-11-22
နိုင်ငံရေးဆွေးနွေးမှုမျိုး အစိုးရဘက်က ကမ်းလှမ်းလာရင် ကေအိုင်အို ကချင်အမျိုးသား လွတ်မြောက်ရေး အဖွဲ့အနေနဲ့ လက်ခံ တွေ့ဆုံဆွေးနွေးမယ်လို့ ကေအိုင်အို ပြောရေးဆိုခွင့်ရှိသူ ဦးလာနန်းက ဒီကနေ့ ပြောလိုက်ပါတယ်။
နိုင်ငံရေး ဆွေးနွေးမှုလုပ်ရင် အပစ်ခတ် ရပ်စဲရေးဟာ အလိုလို ဖြစ်သွားနိုင်ကြောင်းကိုလည်း ထည့်သွင်း ပြောသွားပါတယ်။တိုင်းရင်းသား အဖွဲ့တွေဖြစ်တဲ့ SSA ရှမ်းပြည်တပ်မတော် တောင်ပိုင်းနဲ့ ကေအင်ယူ ကရင်အမျိုးသား အစည်းအရုံး၊ ကေအင်ပီပီ ကရင်နီအမျိုးသား တိုးတက်ရေးပါတီအဖွဲ့တွေနဲ့ မြန်မာအစိုးရ ငြိမ်းချမ်းရေး ဖော်ဆောင်ရေး ကိုယ်စားလှယ်အဖွဲ့ဝင်တွေ ပြီးခဲ့တဲ့ နိုဝင်ဘာ ၁၉ ရက်က ထိုင်း မြန်မာ နယ်စပ် တစ်နေရာမှာ တွေ့ဆုံ ဆွေးနွေးခဲ့တယ်လို့ သိရပါတယ်။အလားတူ အဲဒီနေ့မှာပဲ ကေအိုင်အို ကိုယ်စားလှယ်တွေနဲ့ မြန်မာအစိုးရ ကိုယ်စားလှယ်တွေ တွေ့ဆုံ ဆွေးနွေးခဲ့တယ်လို့ ဦးလာနန်းက အတည်ပြု ပြောပါတယ်။ ဒါပေမဲ့ နှစ်ဘက် ဘာတွေ ဆွေးနွေးသလဲဆိုတာ မသိရသေးကြောင်းလည်း ပြောပါတယ်။ကေအိုင်အိုနဲ့ အစိုးရအကြား တိုက်ပွဲတွေ ပြန်လည် ဖြစ်ပွားခဲ့တာဟာ အရင် စစ်အစိုးရ လက်ထက်က ကေအိုင်အိုကို နယ်ခြားစောင့်တပ်အသွင် ပြောင်းဖို့ ဖိအားပေးခဲ့တာကို ကေအိုင်အိုဘက်က လက်မခံနိုင်လို့ အခုလို စစ်ရေးအရ အပြန်အလှန် တိုက်ခိုက်တဲ့အထိ ဖြစ်ခဲ့ရကြောင်း ဦးလာနန်းက ပြောပါတယ်။ကေအိုင်အို ခေါင်းဆောင်တွေနဲ့ ဗိုလ်မှူးကြီး သန်းအောင် ဦးဆောင်တဲ့ ကချင်ပြည်နယ်အစိုးရ ကိုယ်စားလှယ် အဖွဲ့ဟာ အပစ်ခတ် ရပ်စဲရေးအတွက် ဩဂုတ်လ ၂ ရက်က နောက်ဆုံးအကြိမ် တွေ့ဆုံခဲ့ပေမဲ့ နောက်ပိုင်းမှာ တွေ့ဆုံမှုတွေ ပျက်ပြား သွားခဲ့ပါတယ်။

ထောင်ကလွတ်ဖို့ ကိုမင်းကိုနိုင် မျှော်လင့်ထားပုံမရ
2011-11-22
ပြီးခဲ့တဲ့ရက်ပိုင်းက ကျိုင်းတုံ ထောင်ကနေ သရက်ထောင်ကို ရွှေ့ပြောင်းခံရတဲ့ ၈၈မျိုးဆက် ကျောင်းသား ခေါင်းဆောင် ကိုမင်းကိုနိုင်က ထောင်ကလွတ်ဖို့ မျှော်လင့်ထားပုံ မရကြောင်း မိသားစုဝင်တွေက ပြောဆိုတယ်လို့ သိရပါတယ်။
မနေ့က သရက်ထောင်မှာ မိသားစုနဲ့ မိနစ် ၂၀ ကြာ ထောင်ဝင်စာ တွေ့ခွင့်ရခဲ့တယ်လို့ မိသားစုနဲ့အတူ လိုက်ပါသွားတဲ့ ၈၈ မျိုးဆက် ကျောင်းသားအဖွဲ့ဝင် ကိုမြတ်သူက အာရ်အက်ဖ်အေကို ပြောပါတယ်။ထောင်ဒဏ် ၆၅ နှစ်ကျော် ချမှတ်ခံထားရတဲ့ ကိုမင်းကိုနိုင်ဟာ ကျိုင်းတုံ အကျဉ်းထောင်မှာ ကျန်းမာရေး ချို့တဲ့ခဲ့ပါတယ်။ အခုလက်ရှိ အခြေအနေမှာလည်း လမ်းလျှောက်တဲ့အခါ လူကောင်းတစ်ယောက်လို မလျှောက်နိုင်ဘူးလို့ မိသားစုဝင်တွေက ပြောပါတယ်။ဒီမိုကရေစီရေးနဲ့ လူ့အခွင့်အရေး လှုပ်ရှားသူတွေကတော့ ကိုမင်းကိုနိုင်အပါအဝင် နိုင်ငံရေး အကျဉ်းသားအားလုံး လွတ်မြောက်ရေးအတွက် အရှိန်အဟုန်မြှင့် လှုပ်ရှားသွားမယ်လို့ သိရပါတယ်။

ငြိမ်းချမ်းစွာ စုဝေးခွင့် ပြင်ဆင်ချက်အတည်ပြု
By မစုမြတ်မွန်
မြန်မာနိုင်ငံမှာ ငြိမ်းချမ်းစွာ စုဝေးခွင့်နဲ့ စီတန်းလှည့် လည်ခွင့် မူကြမ်းကို ပြည်ထောင်စုလွှတ်တော်က ဒီကနေ့ အင်္ဂါနေ့မှာ အတည်ပြုလိုက် ပါတယ်၊ အမျိုးသားလွှတ်တော်နဲ့ ပြည်သူ့လွှတ်တော်မှာ သဘောကွဲခဲ့တဲ့ နိုင်ငံတော်အလံ ကိုင်ဆောင်ခွင့်ကိစ္စကို ညှိနှိုင်းဆွေးနွေးခဲ့ကြပြီး အလံကိုင်ခွင့် မူကြမ်းကိုအတည်ပြုလိုက်တာဖြစ်ပါတယ်။ မြန်မာနိုင်ငံမှာ နှစ်ပေါင်းများစွာအတွင်း ပထမဆုံး ပြဌာန်းနိုင်တော့မယ့် ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့်ဥပဒေမှာ ဘယ်လို ကန့်သတ်ချက်တွေရော ရှိနေသေးလဲ၊ ဆန္ဒထုတ်ဖော်ခွင့်ကိုရော ဘယ်လောက် လွတ်လွတ်လပ်လပ် လုပ်နိုင်မှာလဲဆိုတာတွေကို ဘန်ကောက်ရုံးကို ရောက်နေတဲ့ မစုမြတ်မွန်က တင်ပြပေးထားပါတယ်။
မြန်မာနိုင်ငံမှာ ငြိမ်းငြိမ်းချမ်းချမ်း လူစုခွင့်နဲ့ စီတန်းလှည့်လည်ခွင့်ရနိုင်တော့မယ့် ဥပဒေကြမ်းကို လွှတ်တော် ၂ ရပ်ပေါင်းထားတဲ့ ပြည်ထောင်စု လွှတ်တော်ကနေ အတည်ပြုလိုက်တာဖြစ်ပါတယ်။ သက်ဆိုင်ရာဆီမှာ ကြိုတင်ခွင့်တောင်းပြီး စုဝေးခွင့်၊ လှည့်လည်ခွင့် ရတော့မှာဖြစ်တယ်လို့ ပြည်ထောင်စုလွှတ်တော်ရဲ့ ဥပဒေကြမ်း ပူးပေါင်းကော်မတီဝင် ဒေါက်တာမြတ်ဉာဏစိုးက VOA ကိုရှင်းပြပါတယ်၊
“ဦးဆောင်မယ့် ပုဂ္ဂိုလ်ရယ်၊ နောက်တခါ ဟောပြောပွဲလုပ်မယ်ဆိုရင်လည်း ဟောပြောမယ့် ပုဂ္ဂိုလ်ရဲ့ ကိုယ်ရေးအချက်အလက်တွေ ပါရပါမယ်။ နောက်ပြီး ကြွေးကြော်သံတွေနဲ့ ကြွေးကြော်မယ်ဆိုရင်လည်း ကြွေးကြော်သံတွေရဲ့ စာသား၊ ဒါလေးတွေကိုတော့ ကြိုပြီး တင်ပြရပါမယ်။ ဒါပေမယ့် ဘယ်လိုအကြောင်းအရာကိုတော့ဖြင့် ဆန္ဒဖော်ထုတ်ခွင့်မရှိဘူး၊ ဘယ်လိုအကြောင်းအရာကိုပဲ ဆန္ဒဖော်ထုတ်ခွင့်ရှိတယ်လို့ ကန့်သတ်ချက်တွေတော့ မရှိပါဘူးခင်ဗျ”
အခုဥပဒေကြမ်းထဲမှာ စုဝေးရမယ့် နေရာနဲ့ ပတ်သက်လို့ ကန့်သတ်ချက်ရှိသေးပေမဲ့ ဒီအချက်ကို ပြုနိုင် ပြင်နိုင်မယ်လို့ ပြည်သူ့လွှတ်တော် ကိုယ်စားလှယ် ဦးသိန်းညွန့်က ပြောပါတယ်။ ငြိမ်းချမ်းစွာ လူစုခွင့်၊ စီတန်းခွင့်ရနိုင်ဖို့ ကန့်သတ်ချက်တွေနဲ့ ပြန်ပြီး ထိန်းထားတာတွေကို တဖြည်းဖြည်းပြင်ယူသွားနိုင်မယ်လို့ သူက မျှော်လင့်ပါတယ်။
“ငြိမ်းချမ်းစွာ စုဝေးခွင့်တို့ ဘာတို့ ပေးလိုက်တဲ့အပေါ်မှာ တဘက်ကလည်း စည်းကမ်းထိန်းကျောင်းထားတဲ့ဟာတွေ ရှိတာပေါ့။ ဥပမာ ကန့်သတ်ချက်တွေ တချို့ ထား ထားတာတွေပေါ့။ ဥပမာ ဒေသဆိုင်ရာ ဓလေ့ထုံးတမ်းတွေကို လိုက်နာရမယ်ဆိုတာမျိုးတို့၊ နောက်တခါ အသရေဖျက်မှုမျိုး မပြောရဘူးတို့ ဆိုတာတွေက လွတ်လပ်စွာပြောဆိုခွင့်ကို ထိပါးစေတဲ့ အဟန့်အတားတွေဖြစ်တယ်ဆိုရင် နောက် ပြန်လည်ပြုပြင်ရမှာပေါ့။ နိုင်ငံတကာ အဆင့်နဲ့ချိန်ကြည့်ရင်တော့ ကျနော်တို့က အခုမှစရတဲ့အခါကျတော့ လုပ်ရင်းနဲ့ ပြင်စရာရှိတာတွေတော့ နောင် ပြင်ရမှာပေါ့”
ငြိမ်းချမ်းစွာ ဆန္ဒထုတ်ဖော်တဲ့ နေရာမှာ လုံခြုံရေးကို မထိခိုက်ရင်ဆိုတဲ့ အချက်ကိုခံထားတာဟာ အပြည့်အဝ လွတ်လပ်ခွင့်ပေးတာမျိုး မဟုတ်ဘူးဆိုပြီး လူ့အခွင့်အရေး လှုပ်ရှားသူတွေက ထောက်ပြနေကြပါတယ်။ ဒါနဲ့ ပတ်သက်လို့ ဦးသိန်းညွန့် ပြောတာက-
“ဥပဒေကြောင်းဆိုင်ရာမှာ သူတို့က ၂ ပိုင်းရှိတယ်။ ခွင့်ပြုချက်နဲ့စုဝေးခြင်း၊ စီတန်းလှည့်လည်ခြင်းဆိုရင် သူတို့ဘက်ကလည်း အကာအကွယ်ပေးမယ့်ဟာ ပါတယ်။ တခုပဲပေါ့ ကျနော်တို့က   စုဝေးတဲ့ ချီတက်တဲ့အခါမှာ ခွင့်ပြုထားတဲ့ပုံစံ မဟုတ်ရင်တော့ မြို့နယ်ရဲမှူးကနေ ရုပ်သိမ်းကြောင်း မြို့နယ်အုပ်ချုပ်ရေးမှူးကိုတင်ပြပြီး ရုပ်သိမ်းမယ်။ ဒါပေမယ့် ကျနော်ဖြည့်လိုက်တဲ့အတွက် အဲဒီရုပ်သိမ်းမှုကို ဒီအတိုင်းပဲ လက်လွတ်စပယ် နှုတ်နဲ့မရဘူး၊ ကျနော် ပြည်သူ့လွှတ်တော်မှာ ဖြည့်တာကတော့ စာအဖြစ်ရုပ်သိမ်းရမှာပေါ့။ သို့သော် အမျိုးသားလွှတ်တော်က ပြန်ပြင်လိုက်တာကတော့ နှုတ်ဖြင့်ရုပ်သိမ်းပြီး ၂၄ နာရီအတွင်း စာဖြင့် ရုပ်သိမ်းရမယ်ပေါ့။ အဲဒီလိုပြင်တဲ့ဟာအပေါ်မှာတော့ ကျနော်လည်း ဘယ်လိုဖြစ်ဖြစ်လေ၊ စာနဲ့ရရင် မတော်မတရားလုပ်လို့ မရဘူး။ အာဏာအလွဲသုံးစား လုပ်လို့ မရတော့ဘူး။ နှုတ်မိန့်ကို လွယ်လင့်တကူသုံးမှာကြောက်လို့ ကျနော် ဟန့်တားလိုက်တာပေါ့ ”
နှစ်ပေါင်းများစွာအတွင်း ပြဌာန်းနိုင်မယ့် ဥပဒေကြောင့် မြန်မာနိုင်ငံက ပြည်သူတွေအနေနဲ့ အတိုင်းအတာတခုအထိ ဆန္ဒထုတ်ဖော်ခွင့် ရလာတော့မှာဖြစ်ပါတယ်လို့ အမျိုးသားဒီမိုကရေစီအင်အားစု NDF ရဲ့ အမျိုးသား လွှတ်တော် ကိုယ်စားလှယ်လည်းဖြစ်တဲ့ ဒေါက်တာမြတ်ဉာဏစိုးက ဆိုပါတယ်။
“ကျနော်တို့နိုင်ငံရဲ့ သမိုင်းတလျှောက်မှာ အခုလိုမျိုး စီတန်းလှည့်လည်ခွင့်နဲ့ပတ်သက်တဲ့ ဥပဒေပြဌာန်းထားတာမျိုး မရှိပါဘူး။ အရင် ဖ.ဆ.ပ.လ အစိုးရလက်ထက်မှာလည်း ပြဌာန်းခဲ့တာ၊ ပ.ထ.စ အစိုးရလက်ထက်မှာလည်း ပြဌာန်းခဲ့တာ မရှိပါဘူး။ အခုမှသာ ဒီဟာက တရားဝင်ရှိလာတယ်။ ငြိမ်းချမ်းစွာ စီတန်းလှည့်လည်ခွင့်နဲ့ စုဝေးခွင့် ဆန္ဒဖော်ထုတ်ခွင့်၊ ဥပဒေအရလည်း နိုင်ငံသားတွေက သူတို့ရဲ့လိုလားချက်တွေကို လွတ်လွတ်လပ်လပ်ထုတ်ဖော်ပြီးတော့ ပြောဆိုနိုင်မှာဖြစ်ပါတယ်”
ဒီတခါ လွှတ်တော်စည်းဝေးပွဲတွေကို ၂၅ ရက်နေ့မှာ အပြီးသတ်ဆွေးနွေးမှုတွေ လုပ်သွားမယ်လို့ သိရပါတယ်။ လွှတ်တော်မနားခင် ရပ်ကွက်၊ ကျေးရွာ အုပ်ချုပ်ရေး ဥပဒေကြမ်း၊ လယ်ယာမြေဥပဒေကြမ်းတွေကို အတည်ပြုသွားနိုင်ဖို့ အဓိကထား ဆွေးနွေးကြလိမ့်မယ်လို့ လွှတ်တော် ကိုယ်စားလှယ်တွေက ပြောပါတယ်ရှင်၊

စစ်ကောင်စီဆန့်ကျင်သူတွေ ကိုင်ရိုမှာ စုဝေး
By ဗွီအိုအေ(မြန်မာဌာန)
အီဂျစ်နိုင်ငံ စစ်ဘက်အာဏာပိုင်တွေက အရပ်ဘက်အုပ်ချုပ်ရေးအဖွဲ့ကို အာဏာလွှဲပြောင်းပေးရေး တောင်းဆိုတဲ့ လူထု ဆန္ဒပြကြဖို့အတွက် အီဂျစ်နိုင်ငံသားတွေဟာ ကိုင်ရိုမြို့က တာဟီရာ ရင်ပြင်ကို အဆက်မပြတ် ရောက်ရှိလာနေကြ ချိန်မှာပဲ ပြဿနာအဖြေရှာရေးအတွက် အာဏာပိုင် စစ်ဗိုလ်ချုပ်ကြီးတွေနဲ့ နိုင်ငံရေးသမားတွေ စတင်ဆွေးနွေးနေပြီ ဖြစ်ပါတယ်။
ဒီကနေ့ အင်္ဂါနေ့မှာပြုလုပ်မယ့် ဆန္ဒပြပွဲဟာ ပြီးခဲ့တဲ့ဖေဖေါ်ဝါရီလ သမ္မတ ဟို့စ်နီမူဘာရက်ကို အာဏာ လက်လွတ် ဖြစ်သွားစေပြီး အာရပ်ကမ္ဘာကို တုန်လှုပ်သွားစေခဲ့တဲ့ ဆန္ဒပြပွဲကြီးနောက်ပိုင်း အကြီးမားဆုံးဆန္ဒပြပွဲဖြစ်လိမ့်မယ်လို့ မျှော်လင့်ရပါတယ်။
ညွန့်ပေါင်းလူငယ်တော်လှန်ရေးအုပ်စုတွေက ၀န်ကြီးချုပ် အဆမ် ရှာရပ်ဖ် ဦးဆောင်တဲ့ အရပ်သားအစိုးရအဖွဲ့ကို ချက်ခြင်းနုတ်ထွက်ပေးဖို့နဲ့ အမျိုးသားညီညွတ်ရေးအစိုးရ ဖွဲ့စည်းဖို့တောင်းဆိုကြောင်း အင်တာနက် အွန်လိုင်းမှာ ထုတ်ပြန်ထားပါတယ်။
မနေ့က တနင်္လာနေ့တုံးကတော့ အစိုးရက နုတ်ထွက်ပေးဖို့ကမ်းလှမ်းလိုက်ပြီး နုတ်ထွက်မှုအပေါ် စစ်ကောင်စီက လက်ခံဖို့ ရှိမရှိ ဆုံးဖြတ်ချက် မပေးသေးခင်ကာလအတွင်း တာဝန်ဆက်လက်ယူသွားမှာ ဖြစ်တယ်လို့ဆိုပါတယ်။
ရက်အတန်ကြာ လူတွေသေကျေခဲ့တဲ့ ဆန္ဒပြမှုတွေ အဆုံးသတ်ဖို့အတွက် လက်နက်ကိုင်တပ်ဖွဲ့များရဲ့ ဗဟိုကောင်စီက နိုင်ငံရေး အင်အားစုတွေနဲ့ အရေးပေါ်တွေ့ဆုံဆွေးနွေးဖို့ ကမ်းလှမ်းခဲ့တာ ဖြစ်ပါတယ်။
အီဂျစ်နိုင်ငံရဲ့ အကြီးဆုံး အစ္စလာမ်ဘာသာရေးအဖွဲ့ကြီးဖြစ်တဲ့ မွတ်စလင်ညီအကိုများအဖွဲ့နဲ့ နိုင်ငံရေးပါတီ ၄ ဖွဲ့တို့ဟာ ဒီကနေ့ အစည်းအဝေးကိုတက်ကြလိမ့်မယ်လို့ မျှော်လင့်ရပါတယ်။ ဆန္ဒပြပွဲကြီးကို တပ်လှန့်နှိုးဆော်တဲ့ လူငယ်အဖွဲ့တွေကတော့ ဆွေးနွေးပွဲကို ပါဝင်တက်ရောက်မယ့် အရိပ်လက္ခဏာ မတွေ့ရသေးပါဘူး။

အရှေ့အာရှ ဖွံ့ဖြိုးမှု နှေးကွယ်ဖွယ်ရှိ
By ဗွီအိုအေ(မြန်မာဌာန)
စီးပွားရေးဖွံ့ဖြိုးမှုဟာ အရှေ့အာရှမှာ ဆက်ပြီး ကြီးထွားလာနေဆဲဖြစ်ပေမယ့် ပြင်ပက ၀ယ်လိုအား ကျဆင်းနေတဲ့အပေါ် အကျိုးသက်ရောက်မှုတွေ ဆက်ရှိနေအုံးမှာဖြစ်တယ်လို့ ကမ္ဘာ့ဘဏ်က ပြောလိုက်ပါတယ်။
အင်္ဂါနေ့က ထုတ်ပြန်တဲ့ ၆ လပတ် အစီရင်ခံစာမှာ အရှေ့အာရှအတွင်းက ဖွံ့ဖြိုးဆဲနိုင်ငံတွေရဲ့ စီးပွားရေး ဖွံ့ဖြိုးလာမှုဟာ ဒီနှစ်အတွင်း ၈.၂ % ရှိနေရာကနေ ၂၀၁၂ ခုနှစ်ကိုရောက်တဲ့အခါ ၇.၈ % အထိ ကျဆင်းသွားလိမ့်မယ်လို့ ကမ္ဘာ့ဘဏ်က ဖော်ပြလိုက်တာပါ။
အဲဒီအစီရင်ခံစာမှာ ဒေသတွင်းနောင်ရေး စီးပွား ဖွံ့ဖြိုးမှုဟာ ဥရောပနဲ့အမေရိကန်တို့က အကြွေး ပြဿနာတွေကြောင့် ထိခိုက်လာနိုင်တယ် ဆိုပေမယ့် အရံသိုမှီးထားတဲ့ နိုင်ငံခြားငွေကြေး ပမာဏကြီးကြီးမားမားရှိနေတာကြောင့် ကာကွယ် ထားပေးနိုင်မှာဖြစ်ပါတယ်။
စီးပွားရေးဖွံ့ဖြိုးလာနေမှုနဲ့ ကမ္ဘာကြီးရဲ့ မရေရာမှုတွေရဲ့ သက်ရောက်မှုတွေကြားမှာ ချိန်ခွင်လျှာညီအောင် ညှိဖို့ဟာ အာရှအတွက် အဓိကစိန်ခေါ်မှု ဖြစ်လာလိမ့်မယ်လို့ ကမ္ဘာ့ဘဏ်က ပြောတာပါ။
ကမ္ဘာ့ဘဏ်ရဲ့ စီးပွားရေးပညာရှင် Bert Hofman ကလည်း တရုတ်ရဲ့ စီးပွားဖွံ့ဖြိုးမှုကလည်း နောက်နှစ်မှာ ၈ % သာသာလောက်အထိ ကျဆင်းပြီး အသင့်အတင့် နှေးကွေးသွားမယ်လို့ ယူဆရကြောင်း ပြောပါတယ်။

မီဒီယာ ဥပဒေသစ်အရ နိုင်ငံရေးဆိုင်ရာများ ဆင်ဆာမဖြတ်တော့
မီဒီယာ ဥပဒေသစ်အရ မြန်မာနိုင်ငံတွင် နိုင်ငံရေးနှင့် ပတ်သက်သည့် ဖော်ပြချက်များကို ဆင်ဆာ ဖြတ်တော့မည် မဟုတ်ကြောင်း သမ္မတ ဦးသိန်းစိန်၏ နိုင်ငံရေးအကြံပေးအဖွဲ့ခေါင်းဆောင် ဦးကိုကိုလှိုင်က ပြောကြားလိုက်သည်။ ဖွဲ့စည်းပုံအခြေခံ ဥပဒေပါ နိုင်ငံ သားတိုင်း၏ အခွင့်အရေးအရ လွတ်လပ်စွာ ထုတ်ဖော်ပြောဆိုခွင့်ကို ဖော်ဆောင်ခြင်းဖြစ်သည်ဟု ၎င်းကပြောကြောင်း Reuters သတင်း၌ ဖော်ပြထားသည်။ အင်ဒိုနီးရှားနိုင်ငံ ဘာလီကျွန်း၌ ကျင်းပသည့် နိုင်ငံတကာ ညီလာခံ အတွင်း စနေနေ့က အလွတ် သဘော ပြောဆိုခြင်းဖြစ်သည်ဟုလည်း ဆိုသည်။

လူ့အခွင့်အရေး ချိုးဖောက်မှုများ ရပ်ရန် ကုလသမဂ္ဂ တောင်းဆို
အမေရိကန်နိုင်ငံ နယူးရောက်မြို့၌ ကျင်းပသည့် ကုလသမဂ္ဂ အထွေထွေ ညီလာခံ၌ မြန်မာနိုင်ငံတွင် စိုးရိမ်ဖွယ်ရာ လူ့အခွင့် အရေး ချိုးဖောက်မှုများ ဆက်လက်ဖြစ်ပေါ်နေမှုကို ရပ်ဆိုင်းပေးရန် တောင်းဆိုလိုက်သည်။ နိုင်ငံရေး အကျဉ်းသားများလွှတ်ရန်၊ တိုင်းရင်းသား ဒေသများတွင် ဖြစ်ပွားနေသည့် စစ်ပွဲများ ရပ်ဆိုင်းရန်လည်း အစိုးရကို တောင်းဆိုထားသည်။ ယင်းညီလာခံ၏ လူ့အခွင့်အရေးဆိုင်ရာ တတိယကော်မတီတွင် တနလာင်္နေ့က မြောက်ကိုရီးယား၊ အီရန်နှင့် မြန်မာ နိုင်ငံတို့၏ လူ့အခွင့်အရေး အခြေ အနေများနှင့် ပတ်သက်ပြီး မဲခွဲ ဆုံးဖြတ်ခဲ့ခြင်းဖြစ်သည်။

တရုတ် စက်မှုနှင့်ကူးသန်းရောင်းဝယ်ရေး ဘဏ်ခွဲ ရန်ကုန်၌ဖွင့်မည်
တရုတ်နိုင်ငံမှ စက်မှုနှင့် ကူးသန်းရောင်းဝယ်ရေးဘဏ်(Industrial and Commercial Bank of China)က မြန်မာနိုင်ငံ ရန်ကုန်မြို့တွင်အခြေစိုက် ရုံးခွဲ ဖွင့်လှစ်ရန်ရှိကြောင်း ရန်ကုန်ရှိ တရုတ်သံရုံး စီးပွားရေးရာဌာနမှ သိရသည်။ ဘဏ် ရုံးခွဲ ဖွင့်ပွဲ အခမ်းအနား ကို ဒီဇင်ဘာ၂ ရက်နေ့ ညနေပိုင်းတွင် ရန်ကုန် Park Royal ဟိုတယ်၌ ကျင်းပသွားမည်ဖြစ်ပြီး မြန်မာနိုင်ငံဆိုင်ရာ တရုတ် သံ အမတ် အကြီး အပါအ၀င် မြန်မာအစိုးရအကြီးအကဲများ တက်ရောက်မည်ဖြစ်ကြောင်း တရုတ် သံရုံး စီးပွားရေးရာဌာန တာဝန်ရှိသူ တဦး က ပြောသည်။

“တနိုင်ငံလုံး အတိုင်းအတာနဲ့ အပစ်ရပ်တာမျိုး ဖြစ်သင့်တယ်”
By  ဧရာဝတီ on Nov 21, 2011

ပေါ်တူဂီတွင်မွေးဖွားခဲ့သူ ဗိုလ်မှူးချုပ် စောဆာဂေးသည် ကရင် အမျိုးသား အစည်းအရုံး (KNU) တွင် ၁၉၈၉ ခုနှစ်မှစပြီး တာဝန်ထမ်းဆောင်ခဲ့သည်။ လက်ရှိအချိန်တွင် KNU  ဗဟိုကော်မတီဝင်၊ လက်ထောက်နိုင်ငံခြားရေးဝန်ကြီး၊ အထူးစစ်ဗျူဟာဌာနမှူး စသည့် တာဝန်များ ထမ်းဆောင်လျက်ရှိသည်။
စောဆာဂေးသည် ၁၉၉၅ နှစ်တွင် စပိန်နှင့် ပေါ်တူဂီနိုင်ငံဆိုင်ရာ KNU ကိုယ်စားလှယ်အဖြစ် တာဝန်ယူခဲ့ပြီး ၁၉၉၇ မှ စ၍ ဥရောပနိုင်ငံများဆိုင်ရာ ကိုယ်စားလှယ် ဖြစ်လာသည်။
မြန်မာစစ်အစိုးရအပေါ် ဒဏ်ခတ် ပိတ်ဆို့ အရေးယူရေး၊ မြန်မာနိုင်ငံ တိုင်းရင်းသားများအရေးတို့ကို KNU၏ မူဝါဒများအတိုင်း နိုင်ငံတကာတွင် လှုံ့ဆော်ခဲ့သူဖြစ်သည်။
အမျိုးသား ဒီမိုကရက်တစ် တပ်ဦး (NDF)၊ တိုင်းရင်းသား လူမျိုးစုများကောင်စီ (ENC) တို့တွင်လည်း KNU ကိုယ်စားလှယ်အဖြစ် တာဝန်ယူထားသည်။
အစိုးရနှင့် KNU တို့၏ လတ်တလော ငြိမ်းချမ်းရေး ဆွေးနွေးမှုများနှင့် ပတ်သက်ပြီး ဧရာဝတီ အကြီးတန်းသတင်းထောက် စောရန်နိုင်က ဗိုလ်မှူးချုပ် စောဆာဂေးကို မကြာသေးမီက ဆက်သွယ် မေးမြန်းထားသည်။
မေး။   ။ အခုလ အစောပိုင်းက KNU က ဗဟိုကော်မတီ အစည်းအဝေးအပြီးမှာ  ငြိမ်းချမ်းရေး ကော်မတီကို အရေးပေါ် ဖွဲ့စည်းခဲ့တာ ဘာကြောင့်လဲ။
ဖြေ။   ။ မကြာသေးခင်က ကျနော်တို့ နဲ့ အစိုးရဘက်က ဦးအောင်မင်း ခေါင်းဆောင်တဲ့အဖွဲ့ တွေ့ပါတယ်။ ငြိမ်းချမ်းရေးအတွက် လက်တွေ့ကျတဲ့ နိုင်ငံရေး လုပ်ငန်းတွေကို ဖော်ဆောင်ရာမှာ အသေအချာ ကွပ်ကဲဖို့ အပြင် ဆွေးနွေးပွဲရဲ့ တိုးတက်မှု ရလဒ်ကို မူတည်ပြီး အဲဒီ ကော်မတီကပဲ ဆက်လက် အကောင် အထည်ဖော် ဆောင်ရွက်သွားဖို့ ဖြစ်ပါတယ်။ အရင် ဆွေးနွေးပွဲတွေတုန်းက နားလည်မှုလွဲတာတွေ၊ ဦးဆောင်ကွပ်ကဲမှု အားနည်းတာတွေ ရှိပါတယ်။ ကျနော်တို့ရဲ့ မူဝါဒတွေ၊ ဆွေးနွေးပွဲနဲ့ ပတ်သက်တာတွေကို နားမလည်ဘဲနဲ့ အမျိုးမျိုး ပြောခဲ့တာမျိုးလည်း ရှိပါတယ်။ အဲဒါတွေကို ပြန်ပြီး ထိန်းကျောင်းဖို့ အတွက်လည်း ရည်ရွယ်ပါတယ်။
မေး။   ။ အဲဒီ ကော်မတီမှာ ဘယ်သူတွေ ပါသလဲ။
ဖြေ။   ။ ကော်မတီအဖွဲ့ဝင် ၇ ဦး ပါဝင်ပြီးတော့ KNU ရဲ့ ဒု ဥက္ကဋ္ဌ စောဒေးဗစ် သာကပေါက ဦးဆောင်မှာဖြစ်ပါတယ်၊ အဲဒါက ဦးဆောင်ကွပ်ကဲမယ့် အဖွဲ့ ဖြစ်ပါတယ်။ ကိုယ်စားလှယ်အဖွဲ့ မဟုတ်ပါဘူး။ အဲဒီအဖွဲ့ကပဲ လိုအပ်တဲ့ မူဝါဒတွေကို ချမှတ်ပေးသွားမှာဖြစ်ပါတယ်။
မေး။   ။ ငြိမ်းချမ်းရေးဆွေးနွေးမှုအတွက် အစိုးရဘက်က အရင်ကလည်း အခုလို ကမ်းလှမ်းတာမျိုး ရှိပါတယ်။  ဒီတကြိမ် ကမ်းလှမ်းတာကရော ဘယ်လောက်ထိ လေးနက်မှု ရှိလဲ။
ဖြေ။   ။ အရင် ဗိုလ်ချုပ်ကြီးဟောင်း ခင်ညွန့်လက်ထက်က သုံးခဲ့တဲ့ နည်းတွေလိုပဲ တိုင်းရင်းသားအဖွဲ့တွေကို သွေးခွဲ သပ်လျှိုနေတုန်းလို့ ကျနော်တို့ မြင်ထားပါတယ်။ ၂၀၀၈ အခြေခံဥပဒေကို အခြေခံထားတယ်၊ ပြည်ထောင်စုနဲ့ တိုင်းရင်းသား စည်းလုံး ညီညွတ်မှုကို အကျိုးမပြုဘူး၊ သူတို့ရဲ့ အာဏာ ဆက်လက် တည်တံ့ဖို့အတွက်ပဲလို့ မြင်ထားပါတယ်။
မေး။   ။ KNU ဘက်က ဘယ်ကိစ္စတွေကို အဓိကထား ဆွေးနွေးမှာလဲ၊ ဆွေးနွေးမှုကနေ ဘာတွေကို မျှော်လင့်ထားလဲ။
ဖြေ။   ။ နိုင်ငံတနိုင်ငံရဲ့ ပြဿနာတွေကို ဖြေရှင်းနိုင်ဖို့ ဆိုတာ အဓိပ္ပာယ်ရှိပြီး အရေးပါတဲ့ နိုင်ငံရေးဆွေးနွေးမှုတွေ အထူးသဖြင့် တိုင်းရင်းသားတွေပါဝင်တဲ့ ဆွေးနွေးမှုတွေကပဲ ဖြေရှင်းနိုင်မယ်လို့ ကျနော်တို့ ယုံကြည်ထားပါတယ်။ ကျနော်တို့ရဲ့ လက်ရှိအနေအထားကတော့ ရှင်းပါတယ်၊ တနိုင်ငံလုံး အတိုင်းအတာနဲ့ အပစ်ရပ်တာမျိုး ဖြစ်သင့်တယ်၊ တိုင်းရင်းသားအဖွဲ့ အားလုံးက ညီညွတ်သော တိုင်းရင်းသားများ ဖက်ဒရယ်ကောင်စီ (UNFC) ကနေပဲ နိုင်ငံရေးဆိုင်ရာ ဆွေးနွေးမှုတွေကို ပြုလုပ်သွားသင့်တယ်လို့ပဲ ကျနော်တို့ ယုံကြည်ထားပါတယ်။ ကျနော်တို့ရဲ့ နိုင်ငံရေး ခံယူချက်ကတော့ အရင်တုန်းကလိုပါပဲ၊ ဖက်ဒရယ်စနစ်၊ တရားမျှတမှု၊ ကိုယ်ပိုင်အုပ်ချုပ်ခွင့်၊ အဲဒါတွေကိုပဲ ဆက်လက် တောင်းဆိုသွားမှာပါ။ စောဘဦးကြီးရဲ့ လမ်းညွှန်မှုအတိုင်းပဲ ကျနော်တို့ ဆက်လက် လုပ်ဆောင်သွားမှာ ဖြစ်ပါတယ်။
မေး။   ။ တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA) တပ်မဟာ ၅ က မကြာသေးခင်ကပဲ အပစ်အခတ်ရပ်စဲရေး စာချုပ်ကို သဘောတူလိုက်တယ် ဆိုတော့ KNU နဲ့ DKBA ရဲ့ လက်ရှိ ဆက်ဆံရေးကရော ဘယ်လိုရှိလဲ။
ဖြေ။   ။ ကျနော်တို့ အမြဲတမ်း ပြောနေတာ ရှိပါတယ်။ အဲဒါကတော့ ကျနော်တို့ဟာ သူတို့ရဲ့ ရန်သူမဟုတ်ပါဘူး၊ ကျနော်တို့လည်း သူတို့နဲ့ မတိုက်ချင်ပါဘူး။ ကျနော်တို့ အချိန်မရွေး သူတို့နဲ့ စကားပြောနိုင်ပါတယ်။
ဒုတိယတချက်ကတော့ DKBA ဟာ သူတို့အဖွဲ့ တည်တံ့ဖို့နဲ့ စီးပွားရေး လုပ်ငန်းတွေကလွဲလို့ နိုင်ငံရေးမောင်းနှင်မှုအား ကြီးမားတဲ့ အဖွဲ့အစည်းတခု မဟုတ်ပါဘူး။ အဲဒါကြောင့် သူတို့တွေ ထိန်းချုပ်တဲ့ နယ်မြေအပေါ် မူတည်ပြီးတော့ သူတို့ရဲ့ နိုင်ငံရေး ခံယူချက်တွေက ကွဲပြားကြပါတယ်။ မကြာသေးခင်က အပစ်ရပ် လက်မှတ်ထိုးလိုက်တဲ့ ဗိုလ်မှူးချုပ် စောလားပွယ်ရဲ့ တပ်မဟာ ၅ ကတော့ နိုင်ငံရေးအရ လက်မှတ်ထိုးတာ မဟုတ်ဘဲနဲ့ ဗျူဟာပိုင်းအရ လိုအပ်ချက်တွေကြောင့်မို့လို့  လက်မှတ် ထိုးလိုက်တာဖြစ်ပါတယ်။ သူ့အနေနဲ့ အစိုးရရဲ့ နယ်ခြားစောင့်တပ် အစီအစဉ်ကို လက်မခံဘဲနဲ့ ပြန်ပြီး တိုက်ခိုက်ခဲ့တာတွေကို မမေ့သင့်ပါဘူး။ ကျနော်တို့ရဲ့ ဆက်ဆံရေးဟာလည်း တခါတလေမှာ တည်နေရာတွေကို မူတည်ပြီး ဆုံးဖြတ်ရတာမျိုး ရှိသလို တခါတလေမှာ ပုဂ္ဂိုလ်ချင်း ရင်းနှီးမှုမျိုးတွေကို မူတည်ပြီး ဆုံးဖြတ်ရတာမျိုးတောင်မှ ရှိပါတယ်။ ဒါပေမယ့် အဲဒါကလည်း အမြဲတမ်း တသမတ်တည်း သွားမယ် လို့တော့ မဆိုလိုပါဘူး။
မေး။   ။ KNU ဟာ မြန်မာအစိုးရကို နှစ်ပေါင်း ၆၀ လောက် ပြန်ပြီး တိုက်ခိုက်ခဲ့တယ်။ KNU က အစိုးရဆီက ဘာကို လိုချင်တာလဲ။ ခွဲထွက်ရေးလား၊ ဖက်ဒရယ် ပြည်ထောင်စုလား။
ဖြေ။   ။ ကျနော်တို့ ကိုယ်ပိုင် အုပ်ချုပ်ခွင့် လိုအပ်တယ် ဆိုတာကို  သေချာ ရှင်းလင်းခဲ့ပြီးပါပြီ။ နောက်တခုက တန်းတူ အခွင့်အရေးတွေ ရှိတဲ့ တိုင်းရင်းသားတွေက ဖက်ဒရယ် ပြည်ထောင်စုကို  ဝိုင်းပြီး တည်ဆောက်ကြဖို့ပါ။ အဲဒါကတော့ တိုင်းရင်းသားတွေ အားလုံး ပါဝင်ပြီး အဓိပ္ပာယ် ပြည့်ဝတဲ့ တွေ့ဆုံ ဆွေးနွေးမှုတွေက တဆင့်ပဲ အကောင်အထည်ဖော်လို့ ရမှာပါ။ ကျနော်တို့ ပြောတဲ့ ကိုယ်ပိုင်အုပ်ချုပ်ခွင့်ရ ဖက်ဒရယ် ပြည်ထောင်စု ဆိုတာကတော့ ၁၉၄၇ အခြေခံဥပဒေအရ ပြည်နယ် ပြည်မ ခွဲခြားသလိုပုံစံ မဟုတ်ဘူးလို့ ပြောချင်ပါတယ်။