22.11.2011 နေ့ဖတ်ရန်သတင်းများ

by Myanmar Journal on Tuesday, November 22, 2011 at 8:21am

 

 

NLD ရွေးကောက်ပွဲ ဝင်ပေမယ့် MPU ဆက်ရှိနေမယ်

မြန်မာနိုင်ငံမှာ ထဲထဲဝင်ဝင် ပြောင်းလဲတဲ့ အချိန်ထိ MPU ရပ်တည်သွားမယ်
NLD အမျိုးသား ဒီမိုကရေစီ အဖွဲ့ချုပ် ပါတီ ပြန်မှတ်ပုံတင်ပြီး ဒေါ်အောင်ဆန်း စုကြည်နဲ့အတူ ကြားဖြတ် ရွေးကောက်ပွဲမှာ ဝင်ပြိုင်ဖို့ ဆုံးဖြတ်လိုက်တာနဲ့ ပတ်သက်လို့ ပြည်ပအခြေစိုက် MPU လွှတ်တော်အမတ် များ သမဂ္ဂက ကြိုဆို ထောက်ခံ လိုက်ပါ တယ်။
MPU အတွင်းရေးမှူး ဦးသိန်းဦးက NLD အနေနဲ့ ဒီလို ဆုံးဖြတ်လိုက်တာဟာ နိုင်ငံရေးမှာ လက်တွေ့ကျကျ လုပ်ရမယ့်အပိုင်းကို လုပ်တာလို့ ရှုမြင် သုံးသပ်ကြောင်းနဲ့ တပြိုင်နက်ထဲမှာလည်း ၁၉၉၀ ပြည့်နှစ် ရွေးကောက်ပွဲ ရလဒ်ကို တနည်းမဟုတ် တနည်းနဲ့ အသိအမှတ် ပြုခံရဖို့ ဒေါ်အောင်ဆန်းစုကြည်နဲ့ NLD က ကြိုးစား မယ် ဆိုတာကိုလက်ခံ ယုံကြည်ထားကြောင်း ဘီဘီစီကို ပြောပါတယ်။
MPU ဟာ ၁၉၉၀ ရွေးကောက်ပွဲ ရလဒ်အရ ရွေးကောက်ခံထားရတဲ့ အမတ်တွေနဲ့ ဖွဲ့စည်း ထားတဲ့ ပြည်ပ အခြေစိုက် သမဂ္ဂ အဖွဲ့ ဖြစ်ပါတယ်။
မြန်မာနိုင်ငံဟာ အခုချိန်မှာ လုံးဝ ဒီမိုကရေစီ နိုင်ငံတခု အဖြစ် ပြောင်းလဲသွားတာ မဟုတ်သေးပဲ ထဲထဲ ဝင်ဝင် စောင့်ကြည့်ရမယ့် အနေအထားမျိုး ဖြစ်ကြောင်း၊ ဒီလို အနေအထားမှာ ပြည်တွင်းကရော၊ ပြည်ပကရော၊ နိုင်ငံတကာကပါ အားလုံး ဝိုင်းဝန်း လုပ်ဆောင်ဖို့လိုကြောင်း ဦးသိန်းဦးက ပြောပါတယ်။
ပြည်တွင်းမှာ CRPP ပြည်သူ့ လွှတ်တော် ကိုယ်စားပြု ကော်မီတီကို ဖွဲ့စည်းထားရှိထားသလို ပြည်ပမှာ ရှိတဲ့ အမတ်တွေနဲ့ ဖွဲ့ထားတဲ့ MPU ကလည်း ပြည်တွင်းမှာ လုပ်တဲ့ လုပ်ငန်းတွေနဲ့ အံဝင်ဂွင်ကျ ဖြစ်အောင် ညှိနှိုင်း ဆောင်ရွက်နေတယ်လို့လည်း ဆိုပါတယ်။
မြန်မာပြည်မှာ တကယ်တမ်း ထဲထဲဝင်ဝင် နဲ့ ပြောင်းလဲတဲ့ အခြေအနေမျိုး ဖြစ်လာရင်တော့ MPU အနေနဲ့ ပြည်ပမှာ ရှိစရာ မလိုတော့ပဲ မြန်မာပြည်တွင်းမှာ လက်တွေ့ ကျကျ ပူးပေါင်း ဆောင်ရွက်သွားမှာ ဖြစ်တယ်လို့ ပြောပါတယ်။
MPU က ဖွဲ့ထားတဲ့ NCGUB အဝေးရောက် ညွန့်ပေါင်း အစိုးရ အဖွဲ့အနေနဲ့ကတော့ ဒေါ်အောင်ဆန်း စုကြည်နဲ့ NLD ပါတီ ရွေးကောက်ပွဲ ဝင်ပြိုင်ပြီး အနိုင်ရသွားမယ် ဆိုရင် NCGUB ဆက်ရပ်တည်ဖို့ လိုမှာ မဟုတ်တော့ကြောင်း၊ ဒါပေမယ့်လည်း ဒီကိစ္စကို MPU နဲ့ NCGUB အဖွဲ့တွင်းက ခေါင်းဆောင်တွေ ဆွေးနွေး ညှိနှိုင်းပြီးမှသာ ဆုံးဖြတ်မှာ ဖြစ်ကြောင်း ဦးသိန်းဦးက ဘီဘီစီကို ပြောပါတယ်။

အီဂျစ်နိုင်ငံ ဆန္ဒပြမှုတွေအတွင်း လူ ၃၃ ဦး သေဆုံး
ဆန္ဒပြသူတွေဟာ ရင်ပြင်မှာ ဆက်ရှိနေဆဲ ဖြစ်ပြီး၊ အကြမ်းဖက်မှုတွေ ဆက်ဖြစ်နေ
အီဂျစ်နိုင်ငံ ကိုင်ရိုမြို့လယ်မှာ ပြီးခဲ့တဲ့ စနေနေ့က စပြီး ဖြစ်ပွားခဲ့တဲ့ ဆန္ဒပြ သူတွေနဲ့ လုံခြုံရေးတပ်ဖွဲ့တွေအကြား ထိပ်တိုက် ရင်ဆိုင်မှုတွေအတွင်း လူ ၃၃ ဦး သေဆုံးသွား တယ်လို့ ရင်ခွဲရုံ တာဝန်ရှိသူ တွေက ပြောပါတယ်။ လူ ၁၈၀၀ လောက် ကတော့ ဒဏ်ရာရရှိသွားကြပါတယ်။
ရာနဲ့ချီတဲ့ ရဲနဲ့ စစ်သားတွေဟာ ဆန္ဒပြသူတွေ တာဟီရာ ရင်ပြင်ကနေ ထွက်သွားအောင် ထပ်မံကြိုးစားတဲ့ အနေနဲ့ မျက်ရည်ယိုဗုံးတွေ၊ နံပါတ်တုတ်တွေနဲ့ ရာဘာကျည်တွေ သုံးပြီး တိုက်ခိုက်ခဲ့ကြတာ ဖြစ်ပါတယ်။
ပြည်ထဲရေးဝန်ကြီးဌာနရုံးကို ကာကွယ်ဖို့ ဝန်ကြီးက စေလွှတ်ခိုင်းတဲ့အတွက် တပ်ဖွဲ့ဝင်တွေ ကို စေလွှတ်တာဖြစ်တယ်လို့ လက်ထောက် ဗဟိုစစ်ဒေသမှူး ဗိုလ်ချုပ်ကြီး ဆာအိ အာဘတ်စ်က ပြောပါတယ်။
ဒါပေမယ့် များစွာသော ဆန္ဒပြသူတွေဟာ ရင်ပြင်မှာ ဆက်ရှိနေဆဲ ဖြစ်ပြီး၊ အကြမ်းဖက် မှုတွေ ဆက်လက် ဖြစ်ပွားနေတယ်လို့ သတင်းတွေက ဆိုပါတယ်။
အီဂျစ်စစ်တပ်ဟာ အရင်သမ္မတ မူဘာရက်ဆီက အာဏာလွှဲယူပြီးနောက် အရပ်သား အစိုးရကို ခြောက်လအတွင်း အာဏာလွှဲပေးမယ်ဆိုပြီး ကတိပေးခဲ့ပေမယ့် ခု ဆယ်လ ရှိလာချိန်ထိ အာဏာလွှဲပေးမယ့် အရိပ်အယောင် မတွေ့ရသေးတာမို့ လမ်းပေါ် တခါထွက် ဆန္ဒပြတာလို့ ဆန္ဒပြသူတွေက ပြောပါတယ်။
နောက်ပြီးသူတို့ဟာ စစ်သွေးကြွတွေ မဟုတ်ကြောင်း၊ ကိုယ့်တော်လှန်ရေးနဲ့ ကိုယ့်လွတ်လပ် ခွင့်တွေကို ကာကွယ်ဖို့ ဆန္ဒပြနေကြတာ ဖြစ်တယ်လို့ ပြောပါတယ်။
အီဂျစ်အရေး တက်ကြွလှုပ်ရှားသူတွေက စစ်တပ်ဟာ အာဏာကို ဆက်လက် ဆုပ်ကိုင်ထားဖို့ ကြိုးစားနေတာ ဖြစ်တယ်လို့ စွပ်စွဲလိုက်ပြီး၊ စစ်ဦးစီးချုပ် အနေနဲ့ ရာထူးက ထွက်ပေးဖို့ ထောင်းဆိုခဲ့ပါတယ်။
အီဂျစ်အရေးတက်ကြွသူတွေရဲ့ ကွန်ယက် အတော်များများကလည်း လက်ရှိ အာဏာယူထားတဲ့ စစ်ကောင်စီအနေနဲ့ တော်လှန်သော အစိုးရတရပ်ကို အာဏာလွှဲပြောင်းပေးဖို့ တောင်းဆို ထားပါတယ်။
အခုအချိန်ဟာ စစ်တပ်က ခက်ခဲတဲ့ အခြေအနေတွေထဲမှာ အကောင်းဆုံး ဖြစ်အောင် ကြိုးစားထိန်းနေတဲ့ အခြေအနေမျိုး ဖြစ်နေပါတယ်။ အတိုက်အခံတွေကတော့ အကောင်း ဆုံး ဖြစ်စေချင်တယ်ဆိုရင် အရပ်သားတွေနဲ့ ဖွဲ့ထားတဲ့ ကောင်စီကို အာဏာ အမြန်ဆုံးလွှဲပြီး ကိုယ့်နေရာ ကိုယ်ပြန်ကြလို့ ပြောနေကြပါတယ်။

အီဂျစ်က ဆန္ဒပြနေသူများတဟီရာ ရင်ပြင်မှာ ဆန္ဒပြ နေကြဆဲ
အီဂျစ် နိုင်ငံက ကိုင်ရို မြို့တော်မှာ ရှိတဲ့ တဟီရာ ရင်ပြင်မှာ ဆန္ဒပြသူ တွေကို အစိုးရ လုံခြုံရေး တွေက ဖယ်ရှားဖို့ ကြိုးစား ခဲ့ကြ ပေမယ့် ဆန္ဒပြသူ ထောင် ပေါင်း များစွာ ဟာ ဆက်ရှိနေကြဆဲဖြစ် ပါတယ်။
ရာပေါင်းများစွာ ရှိတဲ့ စစ်သားနဲ့ ရဲတွေက ဆန္ဒပြသူ တွေရဲ့ ခေါင်းတွေကို ရိုက်ပြီး ရင်ပြင်ကနေ မောင်းထုတ် ကြတုန်းက တော့ ရုတ်ရုတ် သဲသဲတွေ ဖြစ်ခဲ့ကြ ပါတယ်။ အဲဒီ ဖြစ်ရပ်တွေ အတွင်းမှာ လူပေါင်း ၇ ဦး ထက် မနည်း အသက် ဆုံးရှုံး ခဲ့ကြ ရပါတယ်။
ဒါပေမယ့် အဲဒီလို ဖြစ်ပြီး တနာရီ တောင် မကြာသေးခင် မှာဘဲ လူအုပ်ကြီးက ပြန်ရောက် လာကြပြီး အီဂျစ် စစ်ကောင်စီရဲ့ တိုင်းပြည်ကို အမြဲ ထိန်းချုပ် သွား ဖို့ ကြိုးစား နေတယ်လို့ သူတို့ ထင်ထားတဲ့ အပေါ်မှာ ဆက်လက်ပြီး ဆန္ဒတွေ ပြခဲ့ကြပါတယ်။
အီဂျစ် ကက်ဘိနက် ရဲ့ အစည်းအဝေး မှာတော့ ပြည်ထဲရေး ဝန်ကြီးဌာနရဲ့ တပ်ဖွဲ့တွေ ဘက်က အကြမ်းနည်းနဲ့ တိုက်ခိုက် လာတာတွေ ကိုတောင် မှ ထိန်းထိန်းသိမ်းသိမ်း နဲ့ ကိုင်တွယ်ဖြေရှင်း နိုင်ခဲ့တယ် ဆိုပြီး ချီးကျူးလိုက်ပါတယ်။

Tahrir Squareက ဆန္ဒပြသူတွေ ပြေးပြေးလွှားလွှားအစိုးရ အဖွဲ့ စစ်ကောင်စီ ထံမှာ နှုတ်ထွက်စာတင်
အီဂျစ်နိုင်ငံမှာ အစိုးရ အဖွဲ့က နှုတ်ထွက်စာကို စစ်ကောင်စီထံ တင်ပြခဲ့ပြီး ဒီနှုတ်ထွက်စာကို လက်ခံဖို့ သင့်မသင့် ဆိုတာကို စစ်ကောင်စီက စဉ်းစားနေတယ်လို့ အီဂျစ် ရုပ်မြင်သံကြားက ပြောပါတယ်။
အစိုးရ အဖွဲ့ နှုတ်ထွက်မှုနဲ့ ပတ်သက်လို့ ရှင်းလင်းချက် ထွက်မလာ သေးပါဘူး။
အီဂျစ်မှာ စစ်တပ်ကနေပြီး ချုပ်ကိုင်ထားတဲ့ အာဏာတွေ ပိုမို လျှော့ချလာစေဖို့ အရပ်သား နိုင်ငံရေး သမားတွေက ကြိုးစားနေတာ ဖြစ်နိုင်တယ်လို့ ကိုင်ရိုမြို့က ဘီဘီစီ သတင်းထောက် တယောက်က ပြောပါတယ်။
ကိုင်ရိုမြို့လယ်က တာဂ်ရီရာ ရင်ပြင်မှာ ဆန္ဒပြသူတွေထဲက Hazem Mahmoud ကတော့ လက်ရှိ ဖြစ်ပျက်မှုတွေ အပေါ် စစ်ကောင်စီမှာသာ တာဝန်ရှိတယ် စစ်တပ် အကြီးအကဲ ဗိုလ်ချုပ်ကြီး တန်တာဝီ ရာထူးက ဆင်းပေးသင့်တယ် ၊ ကျွန်တော်တို့ကတော့ ဒီကနေ ထပ်ပြီး ထွက်မသွားနိုင်ပါဘူးလို့ ဆိုပါတယ်။
စစ်ကောင်စီ အနေနဲ့ တော်လှန်ရေး အစိုးရ လက်ထဲ အာဏာလွှဲပေးဖို့ နိုင်ငံရေး တက်ကြွ လှုပ်ရှားတဲ့ အဖွဲ့ ဂခုကလည်း အစောပိုင်းတုန်းက တောင်းဆိုခဲ့ ကြပါတယ်။
ကိုင်ရိုမြို့လယ်က တာဂ်ရီရာ ရင်ပြင်မှာ လုံခြုံရေး တပ်ဖွဲ့က ဆန္ဒပြသူတွေကို သုံးရက်ကြာ အကြမ်းဖက် နှိမ်နင်းခဲ့လို့ ဆန္ဒပြသူ ၃၃ယောက် သေဆုံးခဲ့ပြီးတဲ့နောက် အခုလို တောင်းဆို မှုတွေ ထွက်ပေါ်လာတာ ဖြစ်ပါတယ်။

ရွေးကောက်ပွဲ အပြီး အာဏာခွဲဝေယူပြီတူနီးရှားမှာတော့ အစိုးရသစ် ရာထူးတွေ ကြေညာခဲ့
တူနီးရှား နိုင်ငံမှာ တိုင်းပြည်ရဲ့ ထိပ်တန်း ရာထူး သုံးခုအတွက် ရွေးကောက်ပွဲ အနိုင်ရ အဓိက ပါတီကြီး သုံးခုကြား သဘောတူညီမှု ရခဲ့ပါပြီ။
ပြီးခဲ့တဲ့လ ရွေးကောက်ပွဲမှာ အမတ်နေရာ အများဆုံး အနိုင်ရခဲ့တဲ့ အလယ်အလတ်ကျတဲ့ အစ္စလာမ် ဝါဒီ Ennahda အန်နာဒါ့ ပါတီ ဒုတိယခေါင်းဆောင် Hamadi Jebali ဟာမာဒီ ဂျီဘလီက ဝန်ကြီးချုပ်သစ် ဖြစ်လာပါပြီ။
လက်ဝဲယိမ်းတဲ့ Congress for the Republic ပါတီက ခေါင်းဆောင် Moncef Marzouki မွန်ဆက်ဖ် မာဇိုကီးက သမ္မတ နေရာယူခဲ့ပါတယ်။
တတိယ ညွှန့်ပေါင်း အစိုးရ အဖွဲ့ထဲက Ettakatol ပါတီ ခေါင်းဆောင် မူစတာ ဘန် ဂျာဖာ Mustafa Ben Jaafar က တူနီးရှား လွှတ်တော် ဥက္ကဌ ရာထူးကို ထမ်းဆောင်မှာ ဖြစ်ပါတယ်။
ဒီအကြီးအကဲ ရာထူးသုံးခုကို ဒီနေ့ အင်္ဂါနေ့မှာ ပထမဆုံး အကြိမ် ခေါ်ယူ ကျင်းပတဲ့ တူနီးရှား လွှတ်တော်မှာ အတည်ပြု ကြေညာမှာ ဖြစ်ပါတယ်။
တူနီးရှားမှာ ပြီးခဲ့တဲ့ ဇန္နဝါရီလတုန်းက အာဏာရှင် သမ္မတ ဘန်အလီ ရာထူးက ဆင်းပေးခဲ့ရပြီးတဲ့နောက် ဖွဲ့စည်းပုံသစ်ကို အခု ပါလီမန် အသစ်က ရေးဆွဲမှာဖြစ်ပါတယ်။

ရီပါဘလစ်ကန်နဲ့ ဒီမိုကရက် တဖက်နဲ့ တဖက် အပြစ်တင်နေ
အစိုးရ ဘတ်ဂျက် လိုငွေပြမှု ပြဿနာ ဖြေရှင်းဖို့ သဘောတူညီမှု မရသေး
အမေရိကန် ပြည်ထောင်စုမှာ အစိုးရ ဘတ်ဂျက် လိုငွေ အကြီးအကျယ် ပြနေမှုကို ဘယ်လို လျှော့ချမလဲ ဆိုတဲ့ အပေါ် ဆွေးနွေးနေတာ နှစ်လကြာခဲ့ပြီ ဖြစ်ပေမယ့် သဘောတူညီချက် မရသေးပါဘူး။
ဆူပါ ကော်မတီ လို့ခေါ်တဲ့ အဲဒီ အဖွဲ့အတွင်းမျာ ရီပါ့ဘလစ်ကန်နဲ့ ဒီမိုကရက် အမတ် ခြောက်ယောက်စီ ပါဝင်ကြီး ဘတ်ဂျက် တစ်ထွီလီယံ ဒေါ်လာ ကျော် လျော့ချဖို့ ကြိုးစား ခဲ့တာ ဖြစ်ပါတယ်။
ချမ်းသာတဲ့ အမေရိကန် တွေဆီက အခွန်တိုးကောက်ဖို့ကို ရီပါ့ဘလစ်ကန် တွေက ပယ်ချခဲ့တယ်လို့ ဒီမိုကရက်တွေက ဆိုပြီး တခါ အသက် အရွယ် ကြီးရင့်သူတွေနဲ့ နွမ်းပါးသူတွေကို ပေးထားတဲ့ အကျိုးခံစားခွင့်တွေကို ဒီမိုကရက်တွေက ဖြတ်တောက် မပစ်ချင်ဘူးလို့ ရီပါဘလစ်ကန်တွေက ထောက်ပြကာ နှစ်ဖက် ပါတီဝင်တွေကြား တဖက်ပေါ် တဖက် အပြစ်ပုံချခဲ့ ကြပါတယ်။
အမေရိကန် အစိုးရရဲ့ လတ်တလော ကြွေးမြီဟာ ၁၅ ထွီလီယံ အထိ ထိုးတက်သွားပါပြီ။
လာမယ့် ၂ဝ၁၃မှာ ကာကွယ်ရေး အသုံးစရိတ် လျှော့ချမှု အပါအဝင် တခြား ဖြတ်တောက်မှုတွေ စတင်တော့မှာ ဖြစ်ပါတယ်။
အစိုးရတွေရဲ့ ကြွေးမြီ ပြဿနာ အပေါ် စိုးရိမ်မှုတွေ ဆက်လက် တိုးပွားလာနေရာမှာ ဥရောပနဲ့ အမေရိကန် တလွှားက အစုရှယ်ယာ ဈေးတွေ ထပ်မံ ကျဆင်းခဲ့ပါတယ်။
ပါရီနဲ့ ဖရန့်ဖတ်မြို့က အဓိက ရှယ်ယာ အညွန်းကိန်းတွေလည်း သုံးရာခိုင်နှုန်းကျော် ကျသွားခဲ့ပြီး လန်ဒန်မြို့မှာလည်း အလားတူ နီးပါး ကျဆင်းခဲ့ပါတယ်။
New York မြို့က Dow Jones အညွန်းကိန်းကတော့ နေ့လည်ပိုင်းမှာ နှစ်ရာခိုင်နှုန်း နီးပါး ကျခဲ့ပါတယ်။
အစိုးရ ဘတ်ဂျက်လိုငွေ အကြီးအကျယ် ပြနေမှုကို လျှော့ချဖို့ တာဝန် ပျက်ကွက်ခဲ့တယ်လို့ အမေရိကန်က ဒီမိုကရက်နဲ့ ရီပါဘလစ်ကန် နှစ်ပါတီ ပါဝင်တဲ့ အထူး လွှတ်တော် ကော်မတီက ဝန်ခံပြောကြား လိမ့်မယ်လို့ ယူဆပြီး အခုလို အစုရှယ်ယာဈေးတွေ ကျခဲ့တာ ဖြစ်ပါတယ်။

အီရန်ကို အမေရိကန်၊ ဗြိတိန်နဲ့ ကနေဒါက ထပ်မံပိတ်ဆို့ အရေးယူ
အီရန် အပေါ် ထပ်မံ ပိတ်ဆို့ အရေးယူပြီ
အီရန်နိုင်ငံက ရေနံနဲ့ စွမ်းအင် လုပ်ငန်းတွေ အပေါ် ထပ်မံ ပိတ်ဆို့ အရေးယူမှုတွေ လုပ်ဆောင်ဖို့ အမေရိကန် ပြည်ထောင်စုက ကြေညာခဲ့ပါတယ်။
သူတို့ အဆိုအရ ငွေကြေး ခဝါချမှုတွေကို အဓိက လုပ်ဆောင်နေတဲ့ အီရန် နိုင်ငံက ဘဏ္ဍာရေး အဖွဲ့အစည်းတွေနဲ့ စီးပွားရေး လုပ်ဆောင်မှုတွေ ရပ်ဖို့ကိုလည်း အမေရိကန်က သတိပေး ထားပါတယ်။
အီရန်ဟာ နျူကလီးယား လက်နက် ထုတ်နေတယ် ဆိုတဲ့ အထောက်အထားတွေ တွေ့ရတယ်လို့ ကုလသမဂ္ဂ နျူကလီးယား အေဂျင်စီ IAEA ရဲ့ အစီရင်ခံစာ ထွက်ပေါ်ခဲ့ ပြီးတဲ့နောက် ဗြိတိန်နဲ့ ကနေဒါတို့ကလည်း အီရန် အပေါ် ပိတ်ဆို့ အရေးယူဖို့ ကြေညာ ခဲ့ပါတယ်။
အီရန်ကတော့ သူတို့အပေါ် စွပ်စွဲချက်တွေကို ငြင်းဆို ထားပါတယ်။

AIDS ရောဂါ ဖြစ်ပွားမှု အနိမ့်ဆုံးထိ လျော့ကျ
AIDS ရောဂါ လျော့ကျရေး၊ ၁၀ နှစ်အတွင်း တွန်အားပေး လုပ်ဆောင်ခဲ့ကြ
HIV ရောဂါပိုးဟာ လွန်ခဲ့တဲ့ ၁၄ နှစ်က ကူးစက်ပြန့်ပွားမှုအမြင့်ဆုံးဖြစ်ခဲ့ရာကနေ အခုအချိန်မှာ ကူးစက်မှု အနိမ့်ဆုံး အဆင့် ထိကို လျော့ကျသွားပြီ ဖြစ်တယ်လို့ ကုလသမဂ္ဂရဲ့ AIDS ရောဂါတိုက်ဖျက်ရေး အေဂျင်စီ UN-AIDS အဖွဲ့က ပြောပါ တယ်။
AIDS ရောဂါလျော့ကျရေးအတွက် ပြီးခဲ့တဲ့ ၁၀ နှစ်အတွင်း တကမ္ဘာလုံးက တွန်အားပေး လုပ်ဆောင် ခဲ့ရာမှာ ၁၉၉၇ ခုနှစ်က HIV ပိုး ကူးစက်မှု အမြင့်ဆုံး ဖြစ်ခဲ့ရာကနေ အခုဆိုရင် ၂၀ ရာခိုင်နှုန်းကျော်အထိ ကျဆင်းသွား တယ်လို့ UN-AIDS ရဲ့ အစီရင်ခံစာသစ် တစောင်မှာ ဖေါ်ပြထားပါတယ်။
ဆေးကုသခွင့် ကျယ်ကျယ်ပြန့်ပြန့် ရရှိကြတဲ့အတွက် AIDS ရောဂါနဲ့ဆက်စပ် ဖြစ်ပွားခဲ့တဲ့ ရောဂါတွေကြောင့် သေဆုံးသူအရေအတွက်ဟာလည်း ကျဆင်းခဲ့ပါတယ်။
ဒါပေမယ့်လည်း ကမ္ဘာ့ပေါ်က တချို့ဒေသတွေ၊ အထူးသဖြင့်တော့ အာဖရိက ဆာဟာရ တောင်ပိုင်း ဒေသတွေမှာတော့ HIV ရောဂါပိုး ကူးစက်မှုဟာ အလွန်မြင့်မားနေဆဲဖြစ်ပြီး အဲဒီအတွက် ရင်းနှီးမြှပ်နှံမှုတွေ အကြီးအကျယ် လိုအပ်နေဆဲဖြစ်တယ်လို့ အစီရင်ခံစာက ဆိုပါတယ်။

ကေအန်ယူနဲ့ အစိုးရကိုယ်စားလှယ် ဆွေးနွေး
နှစ်ဘက်စလုံးက အပြုသဘော နားလည်းမှု ရရှိခဲ့ကြ တယ်လို့ ဆိုပါတယ်
မီးရထားဝန်ကြီး ဦးအောင်မင်း ဦးဆောင်တဲ့ အစိုးရ ကိုယ်စားလှယ်အဖွဲ့နဲ့ KNU ကရင် အမျိုးသားအစည်းအရုံး ကိုယ်စားလှယ် အဖွဲ့တို့ ထိုင်း-မြန်မာ နယ်စပ် မယ်ဆိုင်မြို့ မှာ တွေ့ဆုံ ဆွေးနွေး ခဲ့ပါတယ်။
ဒါဟာ အစိုးရသစ်တက်လာပြီးနောက် KNU ကိုယ်စားလှယ်တွေနဲ့ အစိုးရကိုယ်စားလှယ်တွေ အကြား ပထမဆုံး အကြိမ် တိုက်ရိုက်တွေ့ဆုံမှု လည်း ဖြစ်ပါတယ်။
KNU ဘက်က အဖွဲ့ခေါင်းဆောင်အနေနဲ့ စစ်ဦးစီးချုပ် ဗိုလ်ချုပ်ကြီး မူတူးစောဆေးဖိုးက ဦးဆောင်ပြီး တရားရေးဌာန ပဒိုစောဒေးဗစ်ထောနဲ့ သစ်တောရေးရာ တာဝန်ခံ ပဒို စောအားတိုးတို့ ပါဝင် ဆွေးနွေးခဲ့ကြတာ ဖြစ်ပါတယ်။
အခုဆွေးနွေးမှုဟာ ပဏာမတွေ့ဆုံဆွေးနွေးမှု ဖြစ်ပြီး၊ နှစ်ဘက်စလုံးက အပြုသဘော နားလည်မှု ရရှိခဲ့ကြတယ်လို့ ဆိုပါတယ်။
အပစ်အခတ်ရပ်စဲရေးကို တဖွဲ့ချင်းအနေနဲ့ ဆွေးနွေးပြီး၊ နိုင်ငံရေးကိုတော့ တပ်ပေါင်းစု အနေနဲ့ ဆွေနွေးဖို့ စီစဉ်ထားတာရှိတယ်လို့ KNU က ပြောပါတယ်။
KNU ငြိမ်းချမ်းရေးဖေါ်ဆောင်ရေးအဖွဲ့ကလည်း မကြာခင်မှာ ဘားအံကို သွားရောက် ဆွေးနွေးဖို့ ရှိပြီး၊ အဲဒီအခါကျရင် KNU ဘက်က အချက် ၄ ချက်ကို တင်ပြဆွေးနွေးမှာ ဖြစ်တယ်လို့ သိရပါတယ်။
အဲဒီချက်တွေကတော့ အပစ်အခတ်ရပ်စဲရေး၊ ဆက်ဆံရေးအဖွဲ့တွေ အပြန်အလှန်ထားရှိရေး၊ လက်နက်မပါဘဲ နယ်ကျော် ဖြတ်သန်းသွားလာခွင့်နဲ့ ဗဟိုအစိုးရအဆင့်နဲ့ ဆွေးနွေးရေး အတွက် အချိန်နဲ့နေရာသတ်မှတ်ရေး ဆိုတဲ့ အချက်တွေ ဖြစ်ပါတယ်။
အစိုးရကိုယ်စားလှယ်တွေဟာ တခြား တိုင်းရင်းသား လက်နက်ကိုင်အဖွဲ့တွေနဲ့လည်း ဆွေးနွေးခဲ့တာ ဖြစ်ပြီး၊ ရှမ်းပြည်တောင်ပိုင်း ဗိုလ်မှူးကြီးရွက်ဆစ် ဦးဆောင်တဲ့ အဖွဲ့နဲ့တော့ မကြာခင် တောင်ကြီးမြို့မှာ အပစ်ရပ်ရေး သဘောတူ လက်မှတ်ရေးထိုးဖို့ ရှိတယ်လို့ သိရပါ တယ်။
အလားတူ ချင်းအဖွဲ့နဲ့လည်း ချင်းပြည်နယ် မြို့တော် ဟားခါးမှာ သဘောတူ လက်မှတ်ရေး ထိုးဖို့ အထိ ဆွေးနွေးခဲ့တယ်လို့ သိရပါတယ်။
KNU အဖွဲ့ကတော့ ဗဟိုကိုတင်ပြပြီးတော့မှာ ရှေ့ဆက်ဆောင်ရွက်မှုတွေ လုပ်မှာ ဖြစ်တယ် လို့ ဆိုပါတယ်။

လစ်ဗျားမှာ ဆန်နူဆီကို ဖမ်းမိပြီ
အဗ္ဗဒူလာ အဲလ် ဆန်နူဆီ
လစ်ဗျား နိုင်ငံမှာ အရင် ဗိုလ်မှူးကြီး ကဒါဖီ အစိုးရ အဖွဲ့ဝင် တွေထဲက အခု အစိုးရရဲ့ အလိုချင်ဆုံး တယောက် ဖြစ်တဲ့ ထောက်လှမ်းရေး အကြီး အကဲ ဟောင်း အဗ္ဗဒူလာ အဲလ် ဆန်နူဆီကို ဖမ်းမိ သွားပြီ ဖြစ်ပါတယ်။
သူ့ကို လစ်ဗျား တောင်ပိုင်းမှာ အရှင် ဖမ်းဆီး ရမိခဲ့တယ်လို့ လစ်ဗျား ကြားဖြတ် အစိုးရ အရာရှိ တွေက ပြောပါတယ်။ အရင် လစ်ဗျား ခေါင်းဆောင်ဟောင်း နဲ့ ယောက်ဖ တော်စပ် သူ ဖြစ်တဲ့ မစ္စတာ ဆန်နူဆီ ဟာ ရက်စက် တဲ့လူ တဦး အဖြစ် လူသိများ ပါတယ်။ ပြီးခဲ့တဲ့ ဖေဖော်ဝါရီ လက ဘင်ဂါဇီ မြို့မှာ စတင်ခဲ့တဲ့ လူထု အုံကြွမှုကြီးကို နှိမ်နင်း ဖို့ ကြိုးစားခဲ့ ကြရာမှာ မစ္စတာ ဆန်နူဆီ ဟာ အရေးကြီး တဲ့ အခန်းကဏ္ဍ ကနေ ပါဝင် ခဲ့တယ်လို့ ဆိုပါတယ်။
ပြီးခဲ့တဲ့ စနေနေ့က တော့ ကြားဖြတ်အစိုးရ ဘက်က လက်နက်ကိုင် တွေက ဗိုလ်မှူးကြီး ကဒါဖီရဲ့ သားတဦး ဖြစ်တဲ့ ဆေ့ဖ် အဲလ် အစ္စလာမ်ကို အဲဒီ ဒေသ အတွင်းမှာပဲ ဖမ်းမိခဲ့ ပါတယ်။ ဒီ လူ နှစ်ဦးလုံးကို နိုင်ငံတကာ ရာဇဝတ် တရားရုံး (အိုင်စီစီ) က စစ် ရာဇဝတ်မှု တွေနဲ့ အလိုရှိ နေခဲ့တာ ဖြစ်ပါတယ်။ လစ်ဗျား အသွင်ပြောင်း အစိုးရ ကတော့ အိုင်စီစီကို ဆေ့ဖ် အဲလ် အစ္စလာမ်ကို မျှတစွာ တရားစီရင် သွားမှာ ဖြစ်တယ်လို့ ကတိပေးထားပါတယ်။

ဒေါ်အောင်ဆန်းစုကြည် ရွေးကောက်ပွဲမှာ ဝင်ပြိုင်မယ်
ပါတီ အမှတ်တံဆိပ်ဖြစ်တဲ့ ခမောက်ပုံကိုလည်း ပြောင်းလဲမယ်
အမျိုးသားဒီမိုကရေစီအဖွဲ့ချုပ် NLD ပါတီ အထွေထွေ အတွင်းရေးမှူး ဒေါ်အောင်ဆန်းစုကြည်ဟာ လာမယ့် ကြားဖြတ်ရွေးကောက်ပွဲမှာ လွှတ်တော် ကိုယ်စားလှယ်လောင်းအဖြစ် ဝင်ရောက် ယှဉ်ပြိုင် အရွေးခံမှာ ဖြစ်တယ်လို့ ပါတီ ပြောခွင့်ရ ဦးဉာဏ်ဝင်းက ပြောပါတယ်။
ဒါပေမယ့်လည်း ဘယ် မဲဆန္ဒ နယ်မြေကနေ ပါဝင်မယ် ဆိုတာကတော့ မဆုံးဖြတ်ရသေး ဘူးလို့ သိရပါတယ်။
ပါတီမှတ်ပုံပြန်တင်တဲ့အခါမှာတော့ NLD ပါတီ ဖွဲ့စည်းပုံ၊ မူဝါဒတွေကို ပြင်ဆင်ဖို့ရှိပြီး၊ ပါတီ အမှတ်တံဆိပ်ဖြစ်တဲ့ ခမောက်ပုံကိုလည်း ပြောင်းလဲမှာဖြစ်ပါတယ်။
ဒါပေမယ့် ပါတီအမည်ကိုတော့ အခုအတိုင်း ထားရှိမှာ ဖြစ်တယ်လို့ ဦးဉာဏ်ဝင်းက ပြောပါတယ်။
ပါတီမှတ်ပုံတင်ဖို့ကိုတော့ မကြာခင် ရက်ပိုင်းအတွင်း အကောင်အထည်ဖေါ်တော့မှာ ဖြစ်တယ်လို့လည်း သူကပြောပါတယ်။
ကြားဖြတ်ရွေးကောက်ပွဲမှာ NLD အနေနဲ့ လူငယ်တွေနဲ့ တိုင်းရင်းသားတွေကို ဦးစားပေး ဝင်အရွေးခံစေမှာ ဖြစ်ပြီး၊ ပါတီအပြင်က ဒီမိုကရေစီအရေး လှုပ်ရှားနေကြတဲ့ တခြား လူငယ်နိုင်ငံရေး တက်ကြွသူတွေကိုလည်း ဖိတ်ခေါ်မှာ ဖြစ်ပါတယ်။

မြန်မာ့လူ့အခွင့်အရေး ဆုံးဖြတ်ချက် ကုလအတည်ပြု
By ဒေါ်ခင်မျိုးသက်
နိုင်ငံပေါင်း ၄၈ နိုင်ငံက ဦးဆောင်တင်သွင်းခဲ့တဲ့ မြန်မာနိုင်ငံ လူ့အခွင့်အရေး အခြေအနေဆိုင်ရာ အဆိုပြုချက် မူကြမ်းကို (၆၆) ကြိမ်မြောက် ကုလသမဂ္ဂ အထွေထွေညီလာခံမှာ တနင်္လာနေ့က ဆွေးနွေးခဲ့ကြပြီးတော့ မဲခွဲဆုံးဖြတ်ရာမှာ ထောက်ခံမဲ ၉၈ မဲနဲ့ အတည်ပြုခဲ့ပါတယ်။ မြန်မာနိုင်ငံမှာ လူ့အခွင့်အရေး ဆက်ပြီးတော့ ချိုးဖောက်မှုတွေ လုပ်နေတာကို အထူး စိတ်ပူသလို နိုင်ငံရေးအကျဉ်းသား အားလုံးကို ချွင်းချက်မရှိ လုပ်ပေးဖို့၊ တိုင်းရင်းသားဒေသတွေမှာ တိုက်ပွဲတွေ ချက်ချင်းရပ်ဖို့နဲ့ ဒေါ်အောင်ဆန်းစုကြည်ကို နိုင်ငံရေးလွတ်လပ်စွာ လုပ်ပိုင်ခွင့်တွေ ပေးဖို့ တောင်းဆိုလိုက်ပါတယ်။ ဒီအကြောင်း အပြည့်စုံကို ဒေါ်ခင်မျိုးသက်က အစီရင်ခံထားပါတယ်။
ကုလသမဂ္ဂ အထွေထွေညီလာခံရဲ့ လူ့အခွင့်အရေးနဲ့ပတ်သက်ပြီး ကိုင်တွယ်ဆောင်ရွက်တဲ့ တတိယကော်မတီမှာ နိုင်ငံပေါင်း ၄၈ နိုင်ငံကနေ ဦးဆောင်တင်သွင်းခဲ့တဲ့ မြန်မာနိုင်ငံ လူ့အခွင့်အရေး အခြေအနေဆိုင်ရာ အဆိုပြုချက်မူကြမ်းကို တနင်္လာနေ့မှာ ဆွေးနွေးခဲ့ကြတာပါ။ ဆွေးနွေးပွဲအပြီး မဲခွဲ ဆုံးဖြတ်ရာမှာ နိုင်ငံပေါင်း ၉၈ နိုင်ငံက ထောက်ခံမဲပေးခဲ့ပြီး ၂၅ နိုင်ငံက ကန့်ကွက်မဲ၊ ၆၃ နိုင်ငံက မဲမပေးဘဲနေခဲ့ကြပြီး မြန်မာနိုင်ငံဆိုင်ရာ အဆိုပြုချက်ကို ထောက်ခံမဲအများစုနဲ့ အတည်ပြုခဲ့ပါတယ်။
အခုတကြိမ် ကုလသမဂ္ဂရဲ့ ဆုံးဖြတ်ချက်ဟာ မြန်မာနိုင်ငံမှာ တိုင်းရင်းသားဒေသတွေက တိုက်ပွဲတွေ အပါအ၀င် လူ့အခွင့်အရေးချိုးဖောက်မှုတွေ အတွက် ပြင်းပြင်းထန်ထန် သတိပေးထားပြီး လက်တွေ့နဲ့ ထင်ဟပ်မှုရှိတာဟာ ထူးခြားတယ်လို့ ဆွေးနွေးပွဲကို ကိုယ်တိုင်တက်ရောက်ခဲ့တဲ့ Burma Fund အဖွဲ့ရဲ့ ကုလသမဂ္ဂဆိုင်ရာ ကိုယ်စားလှယ် ဒေါက်တာ သောင်းထွန်းက ပြောပါတယ်။
“ဆုံးဖြတ်ချက်က ဒီနှစ်ထူးခြားတာကတော့ ကနေ့ မြန်မာနိုင်ငံမှာ ဖြစ်ပေါ်နေတဲ့ အပြုသဘောဆောင်တဲ့ ပြုပြင်ပြောင်းလဲမှုတွေနဲ့ ပတ်သက်လို့ ကြိုဆိုတာတွေ၊ မှတ်ချက်ပြုတာတွေ ရှိသလို ဆက်ပြီးတော့ ဖြေရှင်းရမယ့် လူ့အခွင့်အရေး ချိုးဖောက်မှုတွေ ဆက်ဖြစ်နေသေးတာနဲ့ပတ်သက်လို့ လူ့အခွင့်အရေး ချိုးဖောက်မှုတွေ ရပ်စဲဖို့၊ အထူးသဖြင့် တိုင်းရင်းသားဒေသတွေမှာ အပစ်အခတ်ရပ်စဲပြီးတော့ ပြည်တွင်း ငြိမ်းချမ်းရေးကို တနိုင်ငံလုံး အတိုင်းအတာအသွင် လုပ်ဆောင်ဖို့၊ တိုင်းရင်းသား အင်အားစုတွေကိုလည်း နိုင်ငံရေးလုပ်ငန်းစဉ်ထဲမှာ ပါဝင်ဖို့ ဆွေးနွေးတာတွေ တွေ့ရပါတယ်။ အာဆီယံနိုင်ငံတွေထဲက ထိုင်းတို့၊ အင်ဒိုနီးရှားတို့၊ စင်ကာပူတို့ကတော့ လက်ရှိ ပြုပြင်ပြောင်းလဲမှုတွေနဲ့ ပတ်သက်လို့ တော်တော်လေး အပြုသဘောဆောင်ပြီးတော့ ဆွေးနွေးသွားတယ်။
“ထူးခြားတာကတော့ အရင်တုန်းက ဆွေးနွေးနေကျ အနောက်နိုင်ငံတွေအပြင်ကို အာဖရိက က ဘော့စ်ဝါးနား ဆိုလို့ရှိရင် လူ့အခွင့်အရေးချိုးဖောက်မှုတွေ ဖြစ်နေတဲ့ပြဿနာတွေ ရပ်တန့်အောင် ကိုင်တွယ်ဆောင်ရွက်ဖို့နဲ့ တကယ့် အင်အားစုအားလုံး ပါဝင်တဲ့ ဒီမိုကရေစီရေးအသွင်ကူးပြောင်းမှုကို ပြောသွားတာ တွေ့ရပါတယ်။ ဘရာဇီးလ်က အလားတူပဲ တဘက်မှာ ပြုပြင်ပြောင်းလဲမှုတွေအတွက် မျှော်လင့်သလို တိုင်းရင်းသားဒေသ တွေမှာ လူ့အခွင့်အရေး ချိုးဖောက်မှုတွေနဲ့ ပတ်သက်လို့ ရပ်စဲဖို့ တောင်းဆိုသွားတာ တွေ့ရတယ်။”
အမေရိကန်၊ ဗြိတိန်၊ ကနေဒါ တို့လို မြန်မာ့အရေးကို အရင်ကတည်းက တစိုက်မတ်မတ် အားပေးလာခဲ့တဲ့ နိုင်ငံတွေကတော့ မြန်မာနိုင်ငံက လူ့အခွင့်အရေး ချိုးဖောက်မှုတွေအတွက် အစိုးရသစ်က ကတိပေးထားတဲ့ အတိုင်း မလုပ်ဘဲ ဆက်လက် ချိုးဖောက်နေတာတွေအတွက် အထူး စိုးရိမ်ကြောင်း ပြောကြားခဲ့တယ်လို့ ဆိုပါတယ်။ ဆုံးဖြတ်ချက်ထဲမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ နိုင်ငံရေး လုပ်ဆောင်မှုအတွက် ကန့်သတ်မှုတွေ မလုပ်ဖို့ တောင်းဆိုတာ ပါဝင်တယ်လို့ ပြောပါတယ်။
“နိုင်ငံတကာရဲ့ အမြင်မှာ ဒေါ်အောင်ဆန်းစုကြည်ဟာ တိုင်းပြည် ဒီမိုကရေစီအသွင် ကူးပြောင်းရေးမှာ အရေးပါတဲ့ အခန်းကဏ္ဍကနေ ပါဝင်သင့်တယ်ဆိုတဲ့ အမြင်ရှိပါတယ်။ ဒါကြောင့် ဒေါ်အောင်ဆန်းစုကြည် နိုင်ငံရေး ဆောင်ရွက်မှုတွေကို လွတ်လွတ်လပ်လပ် ဆောင်ရွက်ခွင့်ပေးဖို့ ဆိုပြီးတော့ ထပ်မံတိုက်တွန်းတဲ့ သဘောမျိုး ဖြစ်ပါတယ်။”
ဒါ့အပြင် ဒေါ်အောင်ဆန်းစုကြည် အသက်အန္တရာယ်နဲ့ လုံခြုံရေးအတွက် တာဝန်ယူဖို့ သက်ဆိုင်ရာအဖွဲ့အစည်း အသီးသီးနဲ့ နိုင်ငံရေးလုပ်ဆောင်မှု လုပ်ငန်းစဉ်တွေမှာ လွတ်လွတ်လပ်လပ် လုပ်ပိုင်ခွင့်ပေးဖို့ကိုလည်း တောင်းဆိုထားပါတယ်။ ဒီအထဲမှာ အကျဉ်းကျနေတဲ့ နိုင်ငံရေးအကျဉ်းသားတွေပါ အနာဂတ် မြန်မာ့နိုင်ငံရေးမှာ ပါဝင်စေဖို့ လိုအပ်သလို ကျန်နိုင်ငံရေးအကျဉ်းသားအားလုံးကိုလည်း ချွင်းချက်မရှိ အမြန်ဆုံး ပြန်လွှတ်ပေးဖို့ ပြင်းပြင်းထန်ထန် တောင်းဆိုခဲ့တယ်လို့ ဆိုပါတယ်။
“နိုင်ငံရေးအကျဉ်းသား ၂၂၀ လောက် လွှတ်ပေမဲ့လို့ နိုင်ငံရေးအကျဉ်းသား အားလုံး ချွင်းချက်မရှိ လွတ်မြောက်ဖို့၊ ထောင်ထဲမှာရှိတဲ့ ဆိုးရွားတဲ့အခြေအနေတွေကိုလည်း ထောက်ပြထားတာ ရှိပါတယ်။ အဲဒီမှာ အရေးကြီးတဲ့ တိုင်းသိပြည်သိ ရှစ်လေးလုံး ကျောင်းသားခေါင်းဆောင်တွေ၊ ခွန်ထွန်းဦးတို့လို တိုင်းရင်းသား ခေါင်းဆောင်တွေ၊ လူ့အခွင့်အရေးလှုပ်ရှားတဲ့ ကိုမြင့်အေးတို့လို ပုဂ္ဂိုလ်တွေ၊ ရွှေဝါရောင်တော်လှန်ရေးမှာ အဓိက အခန်းကဏ္ဍက ပါဝင်ခဲ့တဲ့ ဦးဂမ္ဘီရတို့လို ပုဂ္ဂိုလ်မျိုးတွေကို ပိုပြီးတော့ ခပ်မြန်မြန် လွှတ်ဖို့ဆိုတဲ့ သဘောမျိုး တိုက်တွန်းတာ တွေ့ရတယ်။”
ဒါ့အပြင် အခုထိ နိုင်ငံရေးနဲ့ဆက်နွယ်နေသူတွေကို ဖမ်းဆီးအကျဉ်းချမှုတွေ ရှိနေတာနဲ့ မြန်မာ့အကျဉ်းထောင် တွေရဲ့ အခြေအနေဆိုးရွားမှုတွေကို ပြုပြင်ဖို့အပြင် နိုင်ငံတကာကြက်ခြေနီအဖွဲ့ (ICRC) ဆက်လက် သွားရောက်ခွင့်တွေ ပေးဖို့လည်း တိုက်တွန်းထားပါတယ်။
မြန်မာနိုင်ငံ ဒီမိုကရေစီရေး ဖော်ဆောင်ရာမှာ ကုသလမဂ္ဂ အတွင်းရေးမှူးချုပ်က ဆက်လက်ပြီး ကူညီပံ့ပိုး ပေးသွားဖို့ ရှိတယ်လို့ အတွင်းရေးမှူးချုပ်ရဲ့ တွဲဘက်ပြောခွင့်ရပုဂ္ဂိုလ် မစ္စတာ ဖာရင်ဟိုက်က အခုလို ပြောပါတယ်။
“အတွင်းရေးမှူးချုပ်ဟာ မကြာသေးခင်က မြန်မာခေါင်းဆောင် ဦးသိန်းစိန်နဲ့ တွေ့ဆုံခဲ့ပြီး မြန်မာနိုင်ငံအနေနဲ့ ပြုပြင်ပြောင်းလဲရေးကို ဆက်လက်လုပ်ဆောင်တဲ့နေရာမှာ ကုလသမဂ္ဂရဲ့ ကူညီပံ့ပိုးမှုကို ရရှိမယ် ဆိုတာကိုလည်း ရှင်းရှင်းလင်းလင်း အသိပေးခဲ့ပြီးပါပြီ။ ဒါကြောင့် မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှုကို ကုလသမဂ္ဂက ဆက်လက်ထောက်ခံ အားပေးသွားမှာဖြစ်သလို အတွင်းရေးမှူးချုပ် အနေနဲ့လည်း အဆင်ပြေရင် မြန်မာနိုင်ငံကို သွားရောက်မှာဖြစ်ပါတယ်။”
တနင်္လာနေ့ ကုလသမဂ္ဂ အထွေထွေညီလာခံရဲ့ မြန်မာနိုင်ငံဆိုင်ရာ ဆွေးနွေး ဆုံးဖြတ်မှုတွေဟာ တန်ဖိုးရှိတဲ့ လုပ်ဆောင်မှုတွေဖြစ်ကြောင်း ဗြိတိသျှ နိုင်ငံခြားရေးဝန်ကြီး ၀ီလျံဟိတ် ကလည်း ပြောကြားလိုက်ပါတယ်။ ဒီဆုံးဖြတ်ချက်ကနေ မြန်မာနိုင်ငံရဲ့ တိုးတက်မှုလက္ခဏာတွေအတွက် အားပေးခဲ့သလို အထူးသဖြင့် တိုင်းရင်းသားဒေသတွေက လူ့အခွင့်အရေး ချိုးဖောက်မှုတွေ အဆက်မပြတ် ဖြစ်နေတာတွေဟာ စိုးရိမ်စရာဆိုတာကို ထောက်ပြပြီး မြန်မာသမ္မတ ကတိပေးထားတဲ့ တကယ့်ပြောင်းလဲမှုတွေလုပ်ဖို့ တိုက်တွန်းထားတာဟာ မြန်မာပြည်သူတွေကို နိုင်ငံတကာ အသိုင်းအ၀ိုင်းကနေ မေ့မထားဘူးဆိုတာ ပြသနေတယ်လို့လည်း ပြောကြားခဲ့ပါတယ်။

တိုင်းရင်းသားလက်နက်ကိုင် ၅ ဖွဲ့နဲ့ မြန်မာကိုယ်စားလှယ်အဖွဲ့တွေ့ဆုံ
By မစုမြတ်မွန်
မြန်မာအစိုးရကို နှစ်ပေါင်းများစွာထဲက လက်နက်ကိုင်တော်လှန်နေကြတဲ့ လက်နက်ကိုင် တိုင်းရင်းသားအဖွဲ့ တွေထဲက အဖွဲ့ ၅ ဖွဲ့နဲ့ သမ္မတဦးသိန်းစိန်ရဲ့ ကိုယ်စားလှယ်အဖွဲ့တို့ ပြီးခဲ့တဲ့ စနေ၊ တနင်္ဂနွေရုံးပိတ်ရက်မှာ သီးခြားစီ တွေ့ဆုံခဲ့ကြပါတယ်။ ထာဝရငြိမ်းချမ်းရေးအတွက် အစိုးရကကမ်းလှမ်းတဲ့ အဆင့် ၃ ဆင့်မှာ ပထမအဆင့်က အပစ်အခတ်ရပ်စဲရေး သဘောတူညီမှုရဖို့ဖြစ်ပြီး ဒီသဘောတူညီချက်ရနိုင်ဖို့ ပြည်နယ်အဆင့် ဆွေးနွေးမှုတွေကို ပထမဆုံးလုပ်ရမှာ  ဖြစ်တယ်လို့ ဆွေးနွေးပွဲတွေကို တက်ရောက်ခဲ့သူ ငြိမ်းချမ်းရေး အကျိုးဆောင် ဦးကျော်ရင်လှိုင်က ဗွီအိုအေ မြန်မာပိုင်းကို ပြောပြပါတယ်။ ဒီတော့ ပြည်နယ်အဆင့် ဆွေးနွေးမှုက ဘယ်လိုလဲ၊ ဘယ်အဖွဲ့တွေက ဘာတွေသဘောတူခဲ့သလဲ ဆိုတာကို ဘန်ကောက်ရုံး ရောက်နေတဲ့ မစုမြတ်မွန်က အပြည့်အစုံ အစီရင်ခံထားပါတယ်။
မြန်မာနိုင်ငံမှာ တိုင်းရင်းသားလက်နက်ကိုင်အဖွဲ့တွေနဲ့ စစ်ရေးပဋိပက္ခတွေ အဆုံးသတ်ဖို့ လိုအပ်တယ်လို့ နိုင်ငံတကာက ပိုပြီးဖိအားပေး ပြောလာချိန်မှာ သမ္မတဦးသိန်းစိန်က မီးရထားဝန်ကြီး ဦးအောင်မင်းကို လက်နက်ကိုင် တိုင်းရင်းသားအဖွဲ့တွေနဲ့ ညှိနှိုင်းဆွေးနွေးဖို့ ကိုယ်စားလှယ်လွှတ်လိုက်တာ ဖြစ်ပါတယ်။ ကရင်အမျိုးသားအစည်းအရုံး (KNU)၊ ကချင်ပြည်လွတ်မြောက်ရေးအဖွဲ့ (KIO)၊ ရှမ်းပြည်တပ်မတော် တောင်ပိုင်း (SSA-South) နဲ့ ရှမ်းပြည် ပြန်လည် ထူထောင်ရေးကောင်စီ (RCSS)၊ ကရင်နီအမျိုးသား တိုးတက်ရေးပါတီ (KNPP)၊ ချင်းအမျိုးသားတပ်ဦး (CNF) စတဲ့ တိုင်းရင်းသားလက်နက်ကိုင်အဖွဲ့ ၅ ဖွဲ့နဲ့ ဝန်ကြီးဦးအောင်မင်း ထိုင်းနိုင်ငံ ချင်းရိုင်ခရိုင်ထဲမှာ သီးခြားစီတွေ့ဆုံစဉ်ခဲ့တာ ဖြစ်ပါတယ်။ ဒီလိုတွေ့ဆုံကြစဉ်မှာ အချက် ၂ ချက်ကို အဓိကထား ပြောခဲ့တယ်ဆိုတာကို ဆွေးနွေးပွဲတွေမှာပါဝင်ခဲ့တဲ့ ငြိမ်းချမ်းရေး အကျိူးဆောင် ဦးကျော်ရင်လှိုင်က ခုလို ဗွီအိုအေကို ရှင်းပြပါတယ်။
“ဦးအောင်မင်းအနေနဲ့ လာတာက အဓိက အကြောင်းအချက် နှစ်ခုပေါ့လေ။ ပထမကတော့ သမ္မတကြီး ဦးသိန်းစိန်အနေနဲ့ တိုင်းရင်းသားတွေနဲ့ပတ်သက်ပြီးတော့ ငြိမ်းချမ်းရေး ဆွေးနွေးပွဲတွေကိုလုပ်ဖို့အတွက် ဖိတ်ခေါ်ထားတယ်။ ဒါကြောင့်မိုလို့ ဦးအောင်မင်းကိုယ်တိုင် သမ္မတကြီးရဲ့ ကိုယ်စားလှယ်အနေနဲ့ တိုင်းရင်းသား လက်နက်ကိုင်အဖွဲ့အစည်းတွေနဲ့ ငြိမ်းချမ်းရေးစားပွဲကို လာဖို့အတွက် ဖိတ်စာကို ပါးစပ်နဲ့ ကိုယ်တိုင် သမ္မတကြီးကိုယ်စား လာပေး ပေးတယ်ပေါ့၊ ဒါကတစ်ချက်။ နောက်တစ်ချက်က ဘယ်နေရာမှာ ဘယ်လိုတွေ့ကြမလဲ ဆိုတာ။ အဲဒီနှစ်ချက်ကိုပဲ အဓိကထားပြီးပြောပါတယ်။”
အစိုးရနဲ့ တိုင်းရင်းသား လက်နက်ကိုင်အဖွဲ့တွေကြား ထာဝရငြိမ်းချမ်းရေးအတွက် သမ္မတဘက်က အဆင့် ၃ ဆင့်ကို ကမ်းလှမ်းခဲ့ပါတယ်။ ပထမအဆင့်က အပစ်အခတ် ရပ်စဲရေး သဘောတူညီမှုရယူဖို့၊ ဒုတိယ အဆင့်က သက်ဆိုင်ရာ တိုင်းရင်းသားဒေသတွေမှာ ဖွံ့ဖြိုးရေးလုပ်ငန်းတွေကို ဆွေးနွေးသွားမယ်၊ တတိယအဆင့်ကတော့ ပြည်လုံးကျွတ်ပါဝင်တဲ့ ပင်လုံဆန်ဆန် ညီလာခံတစ်ခု နေပြည်တော်မှာ ကျင်းပသွားဖို့ ကမ်းလှမ်းခဲ့ပါတယ်။
အဲဒီထဲကမှ ပထမဆုံး အပစ်အခတ်ရပ်စဲရေး သဘောတူနိုင်ဖို့မှာလည်း အချက် ၄ ချက်ကို သတ်မှတ်ထားပါတယ်။ နံပါတ်တစ်က ပြည်နယ်အဆင့် ဆွေးနွေးမှုတွေလုပ်ဖို့၊ နံပါတ်နှစ်အချက်ကတော့ နှစ်ဘက် ဆက်သွယ်ရေးရုံးတွေ ဖွင့်လှစ်ဖို့၊ နံပါတ်သုံးက ဗဟိုအစိုးရနဲ့ ညှိနှိုင်းဆွေးနွေးမှုတွေ လုပ်ကြဖို့နဲ့ နောက်ဆုံး အပစ်အခတ်ရပ်စဲရေး သဘောတူညီချက်ကို လက်မှတ်ထိုးပြီးသွားတာနဲ့ တိုင်းရင်းသား အဖွဲ့တွေကို လက်နက်မကိုင်ဘဲ လွတ်လပ်စွာသွားလာခွင့် ပြုရေးတွေအတွက်ကို သမ္မတကိုယ်စားလှယ်က ရှင်းပြပြီး ဆွေးနွေးခဲ့ကြတာပါ။ SSA တောင်ပိုင်း၊ RCSS ရှမ်းအဖွဲ့နဲ့ CNF ချင်းအမျိုးသားတပ်ဦးတို့ကတော့ ပြည်နယ်အဆင့်ဆွေးနွေးမှုတွေကို လုပ်သွားဖို့ သဘောတူခဲ့ကြပါတယ်တဲ့။
“အဓိက က ဘာလဲဆိုတော့ အပစ်အခတ်ရပ်စဲရေးနဲ့ပတ်သက်ပြီးတော့ ၀န်ကြီး ဦးအောင်မင်း ရှင်းပြတာက ပထမ ပြည်နယ်အဆင့် စည်းဝေးပွဲကိုလာခဲ့ပါ။ အစည်းအဝေးပွဲစတာနဲ့ အပစ်အခတ်ရပ်စဲပြီ။ ဒါအတွက် သက်သက်ကို သဘောတူညီချက်တွေ ဘာတွေ လက်မှတ်ထိုးဖို့ကို မဟုတ်ဘူး။ အစည်းအဝေး စလိုက်တာနဲ့ အပစ်အခတ် ရပ်စဲပြီလို့ နှစ်ဦးနှစ်ဘက် ယူဆလိုက်ကြမယ်။ ပြီးတော့ တကယ်လည်း အပစ်အခတ် ရပ်စဲလုပ်ဆောင်ကြမယ်ပေါ့။ အဲဒီလိုပါ။ အခုဟာကတော့ သဘောတူညီချက် ရတယ်ဆိုတာက ဘာလဲဆိုတော့ အဲဒီပထမအဆင့် အစည်းအဝေးကို လာဖို့အတွက်က ကျနော်တို့ ရှမ်းအဖွဲ့နဲ့ ချင်းအဖွဲ့ကတော့ နေ့ကော ရက်ကော သတ်မှတ်ဖို့အတွက် တော်တော်သဘောတူထားပြီ။
"ကျနော်တို့ KNU အဖွဲ့အနေနဲ့ကတော့ သူတို့ဗဟိုကော်မတီကို ဆက်လက်ပြီးတော့ တင်ပြမယ်။ ရှေ့ဆက်ပြီးတော့ ဒီဆွေးနွေးပွဲကို လာဖြစ်နိုင်အောင် ငြိမ်းချမ်းရေးတွေ ဆက်ပြီးဆွေးနွေးနိုင်အောင်လို့ သူတို့ဦးတည်ပြီးတော့ ဆက်လုပ်မယ်ဆိုတဲ့ ကတိစကားနဲ့ပဲ သူတို့ လောလောဆယ် ပြန်ထားပါတယ်။ ကယန်းအဖွဲ့ကကျတော့လည်း ဒီအစည်းအဝေးနဲ့ပတ်သက်လို့တော့ သူတို့ နောက်ကျမှသိတဲ့အတွက် အသေအချာ မလုပ်ခဲ့ရသေးတဲ့အတွက် သူတို့ သိချင်တာတွေကိုလုပ်ဖို့နဲ့ ပထမဆုံးအစည်းအဝေးက