18.11.2011 နေ့ဖတ်ရန်သတင်းများ

by Myanmar Journal on Friday, November 18, 2011 at 4:36am

 

 
အီတလီ ဝန်ကြီးချုပ်သစ် ကျမ်းကျိန်
အီတလီ ဝန်ကြီးချုပ်သစ် Mario Monti

အီတလီမှာ ဝန်ကြီးချုပ်သစ် မာရီရို မွန်တီက အစိုးရသစ် အဖွဲ့ အကြီးအကဲ အဖြစ် ကျမ်းသစ္စာ ကျိန်ဆို ခဲ့ပြီး သူ့ရဲ့ အစိုးရသစ် အဖွဲ့အတွင်းမှာ တက်သိ ပညာရှင်တွေ အတော်များများ ပါဝင် ပါတယ်။
ဘဏ္ဍာရေး ဝန်ကြီး တာဝန်ကိုလည်း သူဘဲ တာဝန်ယူမှာ ဖြစ်ပြီး သူ့ရဲ့ အဓိက ရည်ရွယ်ချက်က အီတလီ စီးပွားရေး တိုးတက်လာဖို့ ဖြစ်တယ်လို့ မစ္စတာ မွန်တီက ပြောပါတယ်။
ပါတီ နိုင်ငံရေး သမားတွေ အစိုးရ အဖွဲ့ထဲမှာ မပါတဲ့ အတွက် အခက်အခဲ ရင်ဆိုင် ရမယ့်အစား လုပ်ရကိုင်ရတာ လွယ်ကူ အဆင်ပြေ လိမ့်မယ်လို့ သူက ထပ်လောင်း ပြောသွားခဲ့ပါတယ်။
ဒီနေ့ ကြာသပတေးနေ့မှာ ဆီးနိတ်လွှတ်တော်မှာ သူ့ရဲ့ ခြိုးခြံ ချွေတာရေး အစီအစဉ်ကို မစ္စတာ မွန်တီက တင်ပြမှာ ဖြစ်ပါတယ်။

တိုင်းပြည်မှာ ကြွေးမြီ ဝန်ထုပ်ဝန်ပိုး ကြီးထွားလာတဲ့ အပေါ် ကိုင်တွယ်မှု ညံ့ဖျင်းတဲ့ အတွက် အရင် ဝန်ကြီးချုပ် Silvio Berlusconi ရာထူးက နှုတ်ထွက်ဖို့ ဖြစ်ပေါ်လာခဲ့တာ ဖြစ်ပါတယ်။

ကူဝိတ်မှာ ပါလီမန်ထဲ ဝင်ရောက် ဆန္ဒပြ
ကူဝိတ်နိုင်ငံမှာ ပါလီမန်ထဲဝင် ဆန္ဒပြကြ
ကူဝိတ် နိုင်ငံမှာ ထောင်နဲ့ချီတဲ့ ဆန္ဒပြသမားတွေဟာ ပါလီမန်ထဲမှာ ခဏတာ ဝင်ရောက် ဆန္ဒပြခဲ့ကြပါတယ်။
သူတို့ဟာ ဝန်ကြီးချုပ် Sheikh Nasser Mohammad al-Ahmad Al Sabah ရာထူးက နှုတ်ထွက်ဖို့ ဝန်ကြီးချုပ်ရဲ့ အိမ်ကို ချီတက် ဆန္ဒပြခဲ့ရာမှာ ရဲတွေက တားမြစ်ခဲ့တဲ့ အတွက် ပါလီမန် ဖက်ဆီကို သွားရောက် ခဲ့ကြတာ ဖြစ်ပါတယ်။
မျက်မြင်သက်သေ တယောက်ရဲ့ အဆိုအရ ပါလီမန် အစောင့်တွေက ဆန္ဒပြ ချီတက်လာသူ တွေ ဝင်လာတဲ့အခါ တားဆီးခြင်း မရှိခဲ့ဘူးလို့ ဘီဘီစီကို ပြောပြခဲ့ပါတယ်။
ပါလီမန် ပင်မ အဆောက်အအုံထဲမှာ ဆန္ဒပြသမားတွေက နိုင်ငံတော် သီချင်းကို သီဆို ဟစ်ကြွေးခဲ့ကြတယ်လို့ သိရပါတယ်။
ဒါ့အပြင် လာဘ်စားမှုနဲ့ စွပ်စွဲခံနေရတဲ့ လက်ရှိ ပါလီမန်ကို ဖျက်သိမ်းပေးပြီး စည်းမျဉ်းခံ ဘုရင်စံနစ် ကျင့်သုံးဖို့ သူတို့က တောင်းဆိုခဲ့ကြပါတယ်။

အာရပ် အဖွဲ့ချုပ် ဆီးရီးယားကို သတ်ဖြတ်မှု ရပ်ဖို့ ရာဇသံပေးပြီ
ဆီးရီးယား စစ်တပ် ဆက်လက် သတ်ဖြတ်နေဆဲ
ဆီးရီးယား အစိုးရက လူထုကို အကြမ်းဖက် နှိမ်နင်း သတ်ဖြတ်နေမှုတွေ သုံးရက်အတွင်း ရပ်ဖို့ မော်ရိုကိုမှာ ကျင်းပနေတဲ့ အာရပ် အဖွဲ့ချုပ် အစည်းအဝေးက ပန်ကြားလိုက်ပြီး သူတို့ရဲ့ လေ့လာ သုံးသပ်သူတွေကို နိုင်ငံအတွင်း ဝင်ခွင့်ပေးကာ အခြေအနေကို စစ်ဆေးခွင့် ပေးဖို့ တောင်းဆို လိုက်ပါတယ်။
ဒီတောင်းဆိုမှုတွေ မလိုက်လျောရင် ဆီးရီးယားကို အာရပ် အဖွဲ့ချုပ်က စီးပွားရေး အရ ပိတ်ဆို့ အရေးယူမှုတွေ လုပ်မယ်လို့ ဆိုပါတယ်။
ဆီးရီးယား ကို အာရပ် အဖွဲ့ချုပ် အဖွဲ့ဝင် အဖြစ်က ရပ်ဆိုင်းခဲ့ ပြီးတဲ့နောက် ဆီးရီးယား အစိုးရကို ထောက်ခံသူတွေက ဒမားစကတ်မြို့မှာ ရှိတဲ့ အာရပ်အဖွဲ့ချုပ် အဖွဲ့ဝင်နိုင်ငံ တချို့ရဲ့ သံရုံးတွေကို တိုက်ခိုက်ခဲ့ပြီးတဲ့နောက် အခုလို တောင်းဆိုချက်တွေ ထွက်ပေါ်လာတာ ဖြစ်ပါတယ်။
အတိုက်အခံတွေရဲ့ လက်နက်ကိုင် တိုက်ခိုက်မှု က အရှိန်မြင့် လာတာ အပါအဝင် ဒမားစကစ်မြို့မှာ အကြမ်းဖက်မှုတွေ တိုးလာတာကြောင့် ပြင်သစ်က သူတို့ သံအမတ်ကို ပြန်ခေါ်ခဲ့ပါတယ်။
ဟာမာ ပြည်နယ်မှာ စစ်တပ်က ဘက်ပြောင်း လာသူတွေက လုံခြုံရေး တပ်ဖွဲ့ဝင် ရှစ်ယောက်ကို သတ်ပစ်လိုက်ပြီး ဒမားစကစ်မြို့နားက စစ်တပ် စစ်ကြောရေး စခန်းကို ညလုံးပေါက်နီးပါး ထိုးစစ်ဆင်ခဲ့တယ်လို့ အစိုးရ ဆန့်ကျင်ရေး တက်ကြွ လှုပ်ရှားသူတွေက ပြောပါတယ်။

အာဆီယံ ထိပ်သီးညီလာခံ
အာဆီယံ ထိပ်သီးညီလာခံ
အင်ဒိုနီးရှား နိုင်ငံ ဘာလီကျွန်း ရှိ နူဆာဒူအာ အပမ်းဖြေ စခန်းမှာ ကျင်းပ နေပြီဖြစ်တဲ့ အာဆီယံ ထိပ်သီးညီလာခံ မှာ ၂ဝ၁၄ ခု နှစ် အတွက် အာဆီယံ ဉက္ကဌ ရာထူးနေရာ ကို မြန်မာနိုင်ငံ က လိုလား နေသလို အာဆီယံ အဖွဲ့ဝင် နိုင်ငံခြားရေး ဝန်ကြီး တွေ အနေနဲ့ သဘောတူဖို့ ရှိနေပါပြီ။
ဒီအကြောင်း ကို လက်ရှိ အာဆီယံ ဉက္ကဌ တာဝန် ယူထားတဲ့ အင်ဒိုနီးရှား နိုင်ငံမှ နိုင်ငံခြားရေး ဝန်ကြီး မာတီ နက်တာလာ ဂါဝါ က ပြောပြပါတယ်။
မာတီနက်တာလာ ဂါဝါ ဟာ မကြာခင်ကပဲ မြန်မာ နိုင်ငံ ကို သွားရောက်ခဲ့ပြီး အစိုးရ ထိတ်တန်း အရာရှိ တွေ အပြင် ဒေါ်အောင်ဆန်းစုကြည် နဲ့ လည်း တွေ့ဆုံခဲ့ပြီး မြန်မာနိုင်ငံ ဟာ အာဆီယံ ဉက္ကဌ ရာထူး ဆက်ခံခွင့် အသင့် ဖြစ်မဖြစ် လေ့လာ ခဲ့ပါတယ်။
မြန်မာနိုင်ငံ အတွင်းမှာ နိုင်ငံရေး ပြုပြင် ပြောင်းလဲမှု ဟာလည်း နောက်ကြောင်း ပြန်သွားလို့ မရတော့ဘူး၊ ရှေ့ကို တိုးလို့ ဆောင်ရွက် ဖို့သာ ရှိတယ်လို့ မစ္စတာ မာတီ က ပြောပါတယ်။
မြန်မာနိုင်ငံ ဟာ ဉက္ကဌ တာဝန်ယူခြင်းဖြင့် ပြောင်းလဲမှု တွေ ဆက်လက် ဖြစ်ပေါ် နေဖို့လည်း တွန်းအား ဖြစ်စေမယ်လို့ မစ္စတာ မာတီ က ထောက်ပြ ပြောဆိုပါတယ်။

ကေအန်ယူ နဲ့ အစိုးရ ဝန်ကြီး တွေ့ဆုံတော့မည်
ကေအန်ယူ ဘက်က စစ်ဦးစီးချုပ် ဗိုလ်ချုပ်ကြီး မူတူး စေးဖို့ ဦးဆောင် ဆွေးနွေးမှာဖြစ်
ကရင်အမျိုးသား အစည်းအရုံး ကေအန်ယူ အဖွဲ့ ရဲ့ ငြိမ်းချမ်းရေး ဖော်ဆောင်ရေး အဖွဲ့ ဟာ စနေနေ့မှာ ပြည်ထောင်စု ဝန်ကြီး ဦးအောင်မင်း နဲ့ တွေ့ဆုံ ပါလိမ့်မယ်။
ငြိမ်းချမ်းရေး ရဖို့ ကြိုးစားတဲ့ အဲဒီ ဆွေးနွေးပွဲ မှာ တိုင်းရင်းသား တွေ ကို စစ်ပြုနေတာတွေ အားလုံးရပ်ဖို့ နဲ့ ရပ်ပြီးရင် နိုင်ငံရေး ကိစ္စ ကို ဆွေးနွေး ကြဖို့ သူတို့ ဆွေးနွေးမယ့် အကြောင်း ကရင်အမျိုးသား အစည်းအရုံး က ဒုတိယ ဥက္ကဌ စောဒေးဗစ် သာကပေါ က ဘီဘီစီ ကို ပြောပါတယ်။
အနှစ်သာရ ရှိတဲ့ နိုင်ငံရေး ဆွေးနွေးပွဲ ဖြစ်အောင် တိုင်းရင်းသား လက်နက်ကိုင် အဖွဲ့ အစည်း တွေ စုပေါင်းထားတဲ့ ညီညွတ်သော တိုင်းရင်းသား များ ဖက်ဒရယ်ကောင်စီ UNFC နဲ့ ဆွေးနွေး ဖို့ သူတို့ အနေနဲ့ လိုလားကြောင်းလည်း ကေအန်ယူ ခေါင်းဆောင် က ပြော ပါတယ်။
အစိုးရဖက် က အဲဒီလို တပ်ပေါင်းစု နဲ့ ဆွေးနွေးဖို့ လိုလားမှု ရှိ မရှိ ကတော့ မသိရ သေး ပါဘူး။
ကရင်အမျိုးသား အစည်းအရုံး ဟာ ကရင်တိုင်းရင်းသား တွေရဲ့ ရပိုင်ခွင့် နဲ့ စစ်မှန်တဲ့ ပြည်ထောင်စု ပေါ်ပေါက်ရေး ကို ရည်ရွယ်ပြီး ခေတ် အဆက်ဆက် မြန်မာအစိုးရ တွေ ကို နှစ်ပေါင်း ၆၀ ကျော် လက်နက်ကိုင် ဆန့်ကျင် တိုက်ပွဲ ဝင်နေတဲ့ အဖွဲ့အစည်း ဖြစ်ပါတယ်။

အီတလီ အစိုးရ သစ် အကြပ်အတည်း
အီတလီ ဝန်ကြီးချုပ်သစ် မွန်တီ
အီတလီ ဝန်ကြီးချုပ်သစ် မာရီရို မွန်တီ က နိုင်ငံရဲ့ ကြွေးမြီ အကြပ်အတည်း ပြဿနာတွေကို ဖြေရှင်း နိုင်ရေး ကြိုးစား တဲ့ အနေနဲ့ ခြိုးခြံချွေတာရေး အစီအစဉ် တွေ ကို ရောမမြို့ က လွှတ်တော် အတွင်း တင်ပြဖို့ ကြိုးစား နေစဉ်မှာပဲ ဒီအစီအစဉ် ကို ဆန့်ကျင် ဆန္ဒပြဖို့ အတွက် ထောင်နဲ့ ချီတဲ့ ကျောင်းသား တွေဟာ လွှတ်တော် ရှိရာ နေရာ ဆီကို ချီတက် နေကြပါတယ်။
အစိုးရ က ပြည်သူ့အတွက် အသုံးစားရိတ်တွေ လျှော့ချတာ၊ အလုပ်လက်မဲ့တွေ ပိုများ လာ တာ စတာတွေကို ဆန့်ကျင် ကြတဲ့ အခု ကျောင်းသား ဆန္ဒပြပွဲ ဟာ နိုင်ငံတဝန်း သယ်ယူ ပို့ဆောင်ရေး သပိတ်မှောက်ပွဲ ကြီးနဲ့လည်း အတူ ဖြစ်ပေါ်နေတာပါ။
ဝန်ကြီးချုပ်သစ် မစ္စတာ မွန်တီ ကတော့ သူ့အစိုးရသစ် အပေါ် အယုံအကြည် ရှိကြဖို့ လွှတ်တော် အတွင်း မှာ စည်းရုံးနေပါတယ်။
အီတလီ ရဲ့ ပြုပြင်ပြောင်းလဲရေး အတွက် ရည်ရွယ်ပြီး ဝန်ကြီးချုပ် မွန်တီ က အစိုးရ ကို ပညာရှင်တွေ၊ စီးပွားရေး လုပ်ငန်းရှင် တွေနဲ့ ဗုဒ္ဓဟူး နေ့က ဖွဲ့စည်း ခဲ့ပါတယ်။
အီတလီရဲ့ ကြွေးမြီ အကြပ်အတည်း ပြဿနာကြောင့် အရင် ဝန်ကြီးချုပ် ဆယ်ဗီရို ဘာလူ စကိုနီ ဟာ ပြီးခဲ့တဲ့ သီတင်းပတ် အတွင်း က ရာထူး က နေ နှုတ်ထွက် သွားရ ပါတယ်။

အာဆီယံ ဥက္ကဌ ရာထူး အပေါ် ပြန်ကြားရေး ဝန်ကြီးရဲ့ တုံ့ပြန်ချက်
ပိုမို ပွင့်လင်း လာမယ်လို့ ဦးကျော်ဆန်း ကဆို
၂၀၁၄ ခုနှစ်မှာ မြန်မာ နိုင်ငံကို အာဆီယံ ဥက္ကဌ ရာထူး တာဝန်ယူဖို့ အာဆီယံ ခေါင်းဆောင် တွေက အတည် ပြုလိုက်တာဟာ အာဆီယံ စိတ်ဓါတ် ကို ပြသတာ အဖြစ် ပြန်ကြားရေးနဲ့ ယဉ်ကျေးမှု ဆိုင်ရာ ပြည်ထောင်စု ဝန်ကြီး ဦးကျော်ဆန်းက ဘီဘီစီ သတင်းထောက် ကိုချို နဲ့ တွေ့ဆုံမေးမြန်း ရာမှာ ပြောကြား ခဲ့ပါတယ်။
အာဆီယံ အဖွဲ့ဝင် ဖြစ်တဲ့ မြန်မာနိုင်ငံဟာ တာဝန်သိသိ နဲ့ဒီတာဝန်ကို ထမ်းဆောင်ခွင့် ရတာကို ဝမ်းသာတယ်လို့ သူကဆိုပါတယ်။
ဒီလိုတာဝန်ပေးအပ်တဲ့အတွက် မြန်မာနိုင်ငံဟာ ဒေသတွင်းနဲ့ရော နိုင်ငံတကာနဲ့ပါ ပိုပြီးကျယ်ကျယ် ပြန့်ပြန့် ပူးပေါင်း ဆောင်ရွက်မှုတွေ လုပ်နိုင် လိမ့်မယ်လို့ ဦးကျော်ဆန်း ကပြောပါတယ်။
မြန်မာ နိုင်ငံမှာ တပ်မတော်အစိုးရကနေ ဒီမိုကရေစီအစိုးရ အဖြစ်ပြောင်းသွားပြီး အမိန့်အာဏာနဲ့ အုပ်ချုပ်တဲ့ စံနစ်ကနေ အခြေခံဥပဒေ နဲ့ အုပ်ချုပ်တဲ့ စံနစ်ဆီ ရောက်လာပြီမို့ နိုင်ငံရေး အရ အသွင်သဏ္ဍာန်ရော အနှစ်သာရပါ ပြောင်းလဲ နေပြီလို့ လည်းသူက ဆိုပါတယ်။
အခြေခံဥပဒေ နဲ့အညီ ဒီမိုကရေစီရေး နဲ့ လူ့အခွင့်အရေး တွေကို ဆောင်ရွက်ပြီး မြန်မာ နိုင်ငံကို ပိုပြီး ပွင့်လင်းလာအောင် မျှော်မှန်းတယ် လို့လည်း ဝန်ကြီး ဦးကျော်ဆန်းက ဘီဘီစီ ရဲ့မေးမြန်းချက်တွေကို ဖြေကြား သွားပါတယ်။

အာဆီယံ ဥက္ကဌ နေရာ မြန်မာ အား ပေးအပ်
သမ္မတ ဦးသိန်းစိန် အာဆီယံ ထိပ်သီး ညီလာခံ တက်ရောက် စဉ်
၂၀၁၄ ခုနှစ် အာဆီယံ ဥက္ကဌ ရာထူး နေရာအတွက် မြန်မာနိုင်ငံ ကို ခွင့်ပြု လိုက်ပြီ လို့ အရှေ့တောင် အာရှ နိုင်ငံ တွေ က သဘောတူ လိုက်ပါတယ်။
မြန်မာနိုင်ငံ ဟာ ဒီမိုကရေစီ ကို ရှေးရှုတဲ့ လုပ်ငန်း တွေမှာ ထင်ရှားတဲ့ တိုးတက်မှု တွေ ကို တွေ့ရကြောင်းနဲ့ ဒီ ဖြစ်ပေါ်ပြောင်းလဲမှု ဟာ နောက်ပြန်ဆုတ် လာ ဘွယ်ရာ မရှိတဲ့ အကြောင်း အာဆီယံနိုင်ငံ ခေါင်းဆောင် တွေက မြင်ကြကြောင်း အခု လက်ရှိ အာဆီယံ ဥက္ကဌ တာဝန်ယူ ထားတဲ့ အင်ဒိုနီးရှားနိုင်ငံ က ပြောပါတယ်။
အင်ဒိုနီးရှား နိုင်ငံခြားရေး ဝန်ကြီး က မြန်မာနိုင်ငံ ကို အခုလို အာဆီယံ ဥက္ကဌ တာဝန် ပေးခြင်းအားဖြင့် နိုင်ငံတကာ ရဲ့ အာရုံစိုက်ကြည့်မှု ကို ပိုရလာပြီး အဲဒီအတွက် မြန်မာနိုင်ငံ အနေနဲ့ အခုလုပ်ဆောင်နေတဲ့ ပြောင်းလဲတိုးတက်မှုတွေ ကို ဆက်လက် လုပ်ဆောင်သွား လိမ့်မယ် လို့ မျှော်လင့် နိုင်ကြောင်း ပြောပါတယ်။
အရင် စစ်ဗိုလ်ချုပ် တွေ က နေ အရပ်သား အစိုးရ ဖြစ်လာတဲ့ မြန်မာ အစိုးရ ဟာ နိုင်ငံရေး အကျဉ်းသား တချို့ လွှတ်ပေးတာ၊ သတင်းစာ လွတ်လပ်ခွင့် အနည်းငယ် ပေးလာတာ စတဲ့ အာဏာကို တင်းကြပ်စွာ ချုပ်ကိုင် ထားရာကနေ ဖြေလျော့မှု အချို့ လုပ်လာတာ ကို တွေ့လာ ခဲ့ရ ပါတယ်။
အခု အာဆီယံ ရဲ့ အသိအမှတ်ပြုမှု ဟာ မြန်မာ အစိုးရ အဖို့ ကြီးမားတဲ့ အသိအမှတ်ပြုမှု တခု ရရှိခဲ့တာ လို့ လည်း သုံးသပ် မှုတွေ လည်း ရှိနေ သလို အခုလို အာဆီယံ နိုင်ငံ တွေ မြန်မာနိုင်ငံ ကို အသိအမှတ်ပြု နေချိန်မှာ မြန်မာနိုင်ငံ အတွင်း လူ့အခွင့်အရေးချိုးဖောက်မှု တွေ အများအပြား ရှိနေဆဲ ပဲ လို့ ထောက်ပြ နေကြပါတယ်။

NLD မှတ်ပုံတင်မယ့် အလားအလာများ
ဒေါ်အောင်ဆန်းစုကြည်က ပါတီမှတ်ပုံတင်ရေးကိစ္စ ပြောကြားစဉ်
အမျိုးသားဒီမိုကရေစီ အဖွဲ့ချုပ်အနေနဲ့ တရားဝင်ပါတီအဖြစ် ဆက်လက် မှတ်ပုံတင်ဖို့ အများစု သဘောတူ ဆုံးဖြတ်မယ်လို့ သူထင်ကြောင်း မြန်မာနိုင်ငံကို ရောက်နေတဲ့ ဘီဘီစီ သတင်းထောက် David Loyn နဲ့သီးခြား တွေ့ဆုံရာမှာ ဒေါ်အောင်ဆန်းစုကြည်က ပြောသွားတာ ဖြစ်ပါတယ်။
အခုပြင်ဆင်လိုက်တဲ့ ရွေးကောက်ပွဲ ဥပဒေအရ အဖွဲ့ချုပ်အနေနဲ့ နိုင်ငံရေးပါတီ အဖြစ်မှတ်ပုံတင်မဲ့ကိစ္စ နဲ့ ကြားဖြတ်ရွေးကောက်ပွဲ ဝင်ရေးမဝင်ရေး ကိစ္စတွေကို ပါတီဗဟိုကော်မီတီဝင်တွေ သောကြာနေ့မှာ ဆွေးနွေး ဆုံးဖြတ်ကြမှာ ဖြစ်ပါတယ်။
ဒေါ်စုကိုယ်တိုင် ရွေးကောက်ပွဲ ဝင်မဝင်ဆိုတာကိုတော့ ဘီဘီစီသတင်းထောက်ကို အသေအချာ မပြောခဲ့ပေမဲ့ သူကိုယ်တိုင် ဝင်ရောက် ယှဉ်ပြိုင်မယ်လို့ သံတမန် အသိုင်းအဝိုင်းကတဆင့် သိရကြောင်း David Loyn ကပြောပါတယ်။
သမ္မတနဲ့ ဒေါ်အောင်ဆန်းစုကြည်တို့အကြား ဆွေးနွေးပြီးတဲ့နောက် ရွေးကောက်ပွဲနဲ့ ပါတီမှတ်ပုံတင်ရေးဆိုင်ရာ ဥပဒေပြင်ဆင်ချက်တွေ ထွက်လာတာဖြစ်ပါတယ်။
ရွေးကောက်ပွဲဝင်ဖို့ သပိတ်မှောက်ခဲ့တဲ့ SNLD ရှမ်းတိုင်းရင်းသားများ ဒီမိုကရေစီ အဖွဲ့ချုပ်ကတော့ ပါတီမှတ်ပုံတင်တဲ့ကိစ္စကို အထူးမဝေဖန်လိုပေမဲ့ အဖွဲ့ချုပ်ရဲ့ ရည်မှန်းချက်တွေကို လွှတ်တော်အပြင်ဘက်ကလည်း ဆောင်ရွက်နိုင်မယ်လို့ထင်ကြောင်း SNLD ပြောခွင့်ရပုဂ္ဂိုလ် ဦးစိုင်းလိတ်ကပြောပါတယ်။
နိုင်ငံရေးအကျဉ်းသား အားလုံးပြန်မလွှတ်ဘဲ ပြည်တွင်းငြိမ်းချမ်းရေး မရဘဲ NLD အနေနဲ့ ရွေးကောက်ပွဲမဝင်သင့်ဘူးလို့ ဦးစိုင်းလိတ်က ဘီဘီစီကိုပြောပါတယ်။
လန်ဒန်စီးပွားရေးနဲ့ နိုင်ငံရေးသိပ္ပံမှ သုတေသန ပညာရှင် ဒေါက်တာဇာနည်ကတော့ NLD အနေနဲ့ နိုင်ငံရေးပါတီအဖြစ် ဆက်ရပ်တည်ဖို့ဆိုရင် တခြားရွေးစရာလမ်း မရှိတော့ကြောင်း ဒါပေမဲ့ လွှတ်တော်မှာ ပါတီနိုင်ငံရေး ခေါင်းဆောင်အနေနဲ့ ဒေါ်စုကပါဝင်ရင်တော့ လက်ရှိ ကြံ့ခိုင်ရေးပါတီနဲ့ စစ်တပ်အမတ်တွေလွှမ်းမိုးနေလို့ ဘာမှ ထိရောက်အောင်လုပ်နိုင်မှာ မဟုတ်ဘူးလို့ ဝေဖန်ပါတယ်။
ဒေါ်အောင်ဆန်းစုကြည်အနေနဲ့ ပါတီခေါင်းဆောင်အစား လူထုခေါင်းဆောင် အဖြစ်နေတာက တိုင်းပြည်အတွက် ပိုအကျိုးရှိနိုင်တယ်လို့ ဒေါက်တာ ဇာနည်က သုံးသပ်သွားပါတယ်။

ကချင်ပြည်မှာ စစ်ရေးနည်းနဲ့ဖိအားပေးလို့ အဖြေမရနိုင်
By မသင်းသီရိ
မြန်မာအစိုးရအနေနဲ့ စစ်ရေးနည်းအရ ကချင်လက်နှက်ကိုင်အဖွဲ့တွေကို ဖိအားပေးပြီး အပစ်အခတ်ရပ်စဲဖို့ ကြိုးစားနေတယ်ဆိုရင် မှားလိမ့်မယ်လို့ ကချင်လွတ်မြောက်ရေးတပ်မတော် KIA ထိပ်တန်း တာဝန်ရှိသူတဦးက ဗွီအိုအေကို ပြောပါတယ်။ KIA နဲ့ မြန်မာအစိုးရ စစ်တပ်တွေကြား ဒီရက်ပိုင်းတွေအတွင်း အနီးကပ် ရင်ဆိုင်တိုက်ပွဲတွေ ပိုများလာနေသလို ဒီတိုက်ပွဲတွေကြောင့် ဒုက္ခသည် အရေအတွက်တွေလည်း ပိုတိုးလာနေပါတယ်။ အဲဒီ တိုက်ပွဲ အခြေအနေတွေနဲ့ KIA  နဲ့ မြန်မာအစိုးရအကြား အပစ်အခတ်ရပ်စဲရေး ဆွေးနွေးပွဲအခြေအနေတွေ ဘယ်လိုရှိနေတယ်ဆိုတာကို ဆယ်သွယ် မေးမြန်းထားတဲ့ မသင်းသီရိက တင်ပြထားပါတယ်။
ဒီရက်ပိုင်းတွေအတွင်းမှာ ကချင် KIA အဖွဲနဲ့  မြန်မာအစိုးရစစ်တပ်တွေကြား တိုက်ပွဲတွေ ပိုပြီး ပြင်းထန်လာနေတာ တိုက်ပွဲအရေအတွက်တွေ ပိုများလာနေတာဟာ မြန်မာအစိုးရက အပစ်အခတ်ရပ်စဲရေး ကိစ္စကို စစ်ရေးနဲ့ ဖိအားပေးနေတာ ဖြစ်တယ်လို့ ကချင် KIA ရဲ့ ဒုတိယ စစ်ဦးစီးချုပ်  ဗိုလ်မှူးချုပ် ဂွမ်မော်ကပြောပါတယ်။
၂ ဘက်အကြား မအောင်မမြင်ဖြစ်နေတဲ့ အပြစ်အခတ်ရပ်စဲရေး  ကိစ္စကို အခုလို စစ်ရေးနည်းပုံစံနဲ့ ဖိအားပေးမယ်ဆိုရင်တော့  ကချင်လက်နှက်ကိုင်အဖွဲ့တွေက အလျှော့ပေးမှာ မဟုတ်ဘူးလို့ ဗိုလ်မှူးချုပ် ဂွမ်မော်ကပြောပါတယ်။
“KIA တပ်ကို ရင်ဆိုင်ပြီးမှ စစ်ရေးနည်းအရ ဖိအားပေးပြီးမှပဲ  KIA က၊ KIO က စကားပြောမယ်လို့ တွက်လို့ရှိရင် ဒီအယူအဆမှားမှာ ဖြစ်ပါတယ်။ ဘာဖြစ်လို့လဲဆိုတော့ ကျနော်တို့ လိုချင်တာက နိုင်ငံရေးအရ ဆွေးနွေးတာပဲ ဖြစ်တယ်။ ဒီလို စစ်တပ်နဲ့ ဖိအားပေးပြီးတော့ စကားပြော လာလိမ့်မယ်လို့ စဉ်စားလို့  ရှိရင်တော့ ဒါဟာမှားယွင်းတဲ့ အယူအဆလို့ ဒီလိုပဲ ပြောချင်ပါတယ်။ နိုင်ငံတော်အစိုးရအနေနဲ့ရော  မြန်မာ့ တပ်မတော်အနေနဲ့ရော တိုင်းရင်းသားလက်နှက်ကိုင် အင်အားစုတွေကို တိုင်းရင်းသား အဖွဲ့အစည်းတရပ်အနေနဲ့ အသိအမှတ်မပြုဘဲ သောင်းကျန်းနေတဲ့ သူတွေလို့ အသိအမှတ်ပြုနေတဲ့ သဘောလို့ ဦးစွာပြောရမယ်။ နောက်တခုကတော့ နိုင်ငံရေးကြောင့် ဖြစ်နေတဲ့ ပြည်တွင်းစစ်ကို နိုင်ငံရေးအရ ဖြေရှင်းချင်တဲ့ဆန္ဒ အခုချိန်ထိ မချရသေးဘူးဆိုတဲ့ ဆိုတဲ့ အဓိပ္ပါယ်သက်ရောက်တယ်လို့ပဲ ဒီလိုပဲ မြင်ပါတယ်”
ကချင်ပြည်နယ်ထဲက KIA ဌာနချုပ် စခန်းကို သွားမယ့် မြစ်ကြီးနား၊ ဗန်းမော်လမ်းကြောတလျှောက်နဲ့ တပ်မဟာ (၃) ရှိရာ ဗန်းမော်ကနေ တရုတ်ပြည်ဘက်ကို ထွက်မယ့် လမ်းကြောတွေမှာ ဒီရက်ပိုင်းတွေအတွင်း ကချင်လွတ်လပ်ရေးတပ်မတော် KIA နဲ့ မြန်မာအစိုးရ စစ်တပ်တွေ ကြား ရင်ဆိုင်တိုက်ပွဲတွေ ဖြစ်နေတယ်လို့ ဗိုလ်မှူးချုပ် ဂွမ်မော်ကပြောပါတယ်။
“အပြင်းအထန်ဖြစ်တာတော့ လိုင်ဇာနဲ့ မြစ်ကြီးနား သွားတဲ့လမ်းကြောင်းပေါ်မှာ တနေရာ ၊ နောက် တပ်မဟာ (၃) နဲ့ ဗန်းမော် စိန်လုံလို့ခေါ်တဲ့ တရုပ်ပြည်ဘက်ကိုသွားတဲ့ကားလမ်းတလမ်းရှိပါတယ်။ အဲဒီအပေါ်မှာ တနေရာ၊  အပြင်းထန်ဆုံးက အဲဒီ၂ နေရာတွေ ဖြစ်ပါတယ်။ အခုကတော့ ကျနော်တို့ အနီးကပ် ရင်ဆိုင်တိုက်ပွဲတွေ ဖြစ်နေတာပါ။ KIA တပ်ကလည်း ကချင်ပြည်နယ်တခုလုံးနဲ့ ရှမ်းပြည်နယ်မြောက်ပိုင်း ၊ ကျနော်တို့ တပ်မဟာ (၄) ဒေသတခုလုံးမှာ ရှိတဲ့အခါကျတော့ ၀ိုင်းနေတယ်လို့တော့ ပြောလို့မရပါဘူး၊ အနီးကပ်တိုက်ပွဲတွေကတော့ အမြဲတမ်းဖြစ်နေလျက်ပါပဲ”
အခုနိုဝင်ဘာလဆန်းပိုင်းမှာကိုပဲ မြန်မာအစိုးရစစ်တပ်က  သူတို့ရဲ့စစ်အင်အားတွေကို ပိုပြီး တိုးချဲ့ချထားတာတွေ လုပ်ခဲ့ပြီးတဲ့နောက် တိုက်ပွဲတွေဟာ ပိုပြီး  ပြင်းထန်လာနေတယ်လို့ ရှင်းပြပါတယ်။
“နိုဝင်ဘာထဲမှာ အင်အားတွေ တိုးလာတာက ပိုအဓိက ကျပါတယ်၊ ကျနော်တို့ မြောက်ပိုင်းတိုင်း  စစ်ဌာနချုပ်နဲ့ အရှေ့မြောက်တိုင်း စစ်ဌာနချုပ်ပေါ့နော်၊ ရမခ နဲ့ မပခမှာ ကျနော်တို့ KIA က ရင်ဆိုင်တိုက်ပွဲ ဖြစ်နေချိန်မှာပဲ  နောက်ထပ် ပဲခူးဘက်ကနေ တပ်မ (၂) ခု ထပ်ပြီး တက်လာပါတယ်”
ဒါကတော့ ကချင် KIA စစ်ဦးစီးချုပ် ဗိုလ်မှူးချုပ် ဂွမ်မော်ပါရှင်။ နယ်ခြားစောင့်တပ်အသွင်ကူးပြောင်းဖို့ လက်မခံတဲ့ ကချင် KIO နဲ့ မြန်မာအစိုးရ စစ်တပ်တို့ကြား  ပြီးခဲ့တဲ့ ဇွန်လလောက်ကတည်းက တိုက်ပွဲတွေ ဖြစ်နေတာပါ၊ ဒီတိုက်ပွဲတွေအတွက် အပစ်အခတ်ရပ်စဲရေး သဘော တူညီချက် ရဖို့ နှစ်ဖက်ညှိနှိုင်းမှုတွေ လုပ်နေပေမယ့် မအောင်မြင်သေးဘဲ တိုက်ပွဲတွေဖြစ်နေတာပါ။ ၆ လနီးပါးကြာ ရှိနေပြီ ဖြစ်တဲ့ ကချင်ပြည်နယ်က တိုက်ပွဲတွေကြောင့် ဒေသခံ ကချင်တိုင်းရင်းသားတွေဟာလည်း တိုက်ပွဲတွေရဲ့ လွတ်ရာကို ထွက်ပြေးနေရပြီးတော့ ဒီတိုက်ပွဲတွေကြောင့် ကချင် ဒုက္ခသည်အရေအတွက်ဟာလည်း  ၂ သောင်းမက ရှိနေပြီလို့ ကချင်ဒုက္ခသည် ကူညီရေးအဖွဲ့တွေက ပြောပါတယ်။

တရုတ်ရန် ခုခံနိုင်ကြောင်း တိုင်ဝမ်စစ်အင်အားပြ
By ဗွီအိုအေ(မြန်မာဌာန)
တရုတ်နိုင်ငံက တိုက်ခိုက်လာတာကို ခုခံကာကွယ်နိုင်ကြောင်း ပြသတဲ့အနေနဲ့ ထိုင်ဝမ်းကျွန်းမှာ ဒီကနေ့ စစ်ရေးလေ့ကျင်မှုကြီးတခု ပြုလုပ်ခဲ့ပါတယ်။
အမေရိကန်လုပ် F – 16 တိုက်လေယာဉ်နဲ့ ထိုင်ဝမ်လုပ် ခုခံ ကာကွယ်ရေး တိုက်လေယာဉ်အပါအ၀င် တိုက်လေယာဉ် ၄ ခုနဲ့ ထိုင်ဝမ်ကျွန်းက Pintung ခရိုင် အဝေးပြေးလမ်းမကြီးမှာ အဲဒီ စစ်ရေးလေ့ကျင့်မှုကို ပြုလုပ်ခဲ့တာပါ။ အဲဒီ တိုက်လေယာဉ်တွေကို အဝေးပြေးလမ်းမကြီးပေါ်က အရေးပေါ် ဆင်းသက်ဖို့ သတ်မှတ်ထားတဲ့နေရာမှာ ဆင်းဖို့ စီစဉ်ခဲ့ပေမယ့် ရာသီဥတုအခြေအနေ ဆိုးရွားနေတဲ့အတွက် အဲဒီအစီအစဉ်ကို ပယ်ဖျက်ခဲ့ပါတယ်။
တိုက်ခိုက်ရေး ရဟတ်ယာဉ် ၂ စင်းနဲ့ ကယ်ဆယ်ရေး ရဟတ်ယာဉ်တစ်စင်းတို့လည်း အဲဒီ စစ်ရေးလေ့ကျင့်မှုထဲမှာ ပါဝင်ခဲ့တယ်လို့ ဆိုပါတယ်။
ချန်ကေရှိတ် ဦးဆောင်တဲ့ ကူမင်တန် အမျိုးသားရေးဝါဒီ အုပ်စုတွေကို မော်စီတုံး ဦးဆောင်တဲ့ ကွန်မြူနစ်တွေက တရုတ်ပြည်မကြီးက တိုက်ထုတ်လိုက်တဲ့ ၁၉၄၉ ခုနှစ်ကစလို့ တရုတ်ပြည်မကြီးနဲ့ ထိုင်ဝမ်ကျွန်း နှစ်ခြမ်း ကွဲသွားခဲ့တာပါ။
ဒါပေမယ့် ထိုင်ဝမ်ကျွန်းဟာ တရုတ်ပြည်ရဲ့ တစိတ်တပိုင်းဖြစ်တယ်လို့ ပြည်မကြီးက သတ်မှတ်နေဆဲဖြစ်ပြီး ပြည်မကြီးနဲ့ ပြန်လည် ပေါင်းစည်းဖို့ ကြိုးစားနေတာမှာ လိုအပ်ရင် တပ်အင်အားပါ အသုံးပြုမယ်လို့ တရုတ်နိုင်ငံက ပြောဆိုထားပြီးသားပါ။


မင်းကိုနိုင်ကို ရန်ကုန်ရွှေ့
By ကိုမိုးဇော်
ရှမ်းပြည်နယ်၊ ကျိုင်းတုံထောင်မှာ ထောင်ဒဏ် ၆၅ နှစ်ကျခံနေရတဲ့ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်ကို ဒီကနေ့ နေ့ခင်းက ကျိုင်းတုံကနေ ရန်ကုန်မြို့ကို လေယာဉ်နဲ့ ပို့ဆောင်လိုက်ပြီ ဖြစ်ပါတယ်။ အဲဒီကနေတဆင့် ဘယ်ထောင်ကို ပို့မယ်ဆိုတာကိုတော့ အတိအကျ မသိရသေးပါဘူး။ ဗုဒ္ဓဟူးနေ့ကစပြီး နယ်ဝေးထောင်တွေမှာ အကျဉ်းကျခံနေရတဲ့ နိုင်ငံရေးအကျဉ်းသားတချို့ကို မိသားစုနဲ့နီးစပ်ရာထောင်တွေဆီ စတင်ပြောင်းရွှေ့ပေးနေတာ ဖြစ်ပါတယ်။ တခြား ၈၈ ကျောင်းသားခေါင်းဆောင်တွေ၊ နိုင်ငံရေး အကျဉ်းသားတွေရဲ့အခြေအနေတွေကိုတော့ မကြားသိရသေးပါဘူး။ ဒီအကြောင်းကို မိသားစုဝင်တွေ၊ အကျဉ်းထောင်ဝန်ထမ်းတွေနဲ့ ဆက်သွယ်မေးမြန်းထားတဲ့ ထိုင်းအခြေစိုက် ဗွီအိုအေသတင်းထောက် ကိုမိုးဇော်က တင်ပြထားပါတယ်။
နိုဝင်ဘာလ ၁၆ ရက်နေ့ကစတင်ပြီး ရှမ်းတိုင်းရင်းသားခေါင်းဆောင် ဦးခွန်ထွန်းဦး၊ ရွှေဝါရောင်လှုပ်ရှားမှု ဦးဆောင်ကိုယ်တော် ဦးဂဘမ္ဘီရ၊ ၈၈ မျိုးဆက် ကျောင်းသားခေါင်းဆောင်မနီလာသိန်းတို့ကို နယ်ဝေး ထောင်တွေကနေ စတင်ပြောင်းရွှေ့ခဲ့ရာက ဒီကနေ့မှာတော ကျိုင်းတုံထောင်က ကိုမင်းကိုနိုင်ကို ရန်ကုန်ကို ပြောင်းရွှေ့ခဲ့ပါတယ်။
ကိုမင်းကိုနိုင်ကို ဒီကနေ့ ကျိုင်းတုံထောင်က ပြောင်းရွှေ့လိုက်တယ်ဆိုတာကိုတော့ သူရဲ့အမဖြစ်သူ ဒေါ်ကြည်ကြည်ညွန့်က အခုလို ပြောပါတယ်။
“ကျိုင်းတုံက မိတ်ဆွေတဦးပြောတာကတော့ လေယာဉ်နဲ့ပါသွားပြီလို့တော့ ပြောတယ်။ လေယာဉ်က ၁၂ ခွဲထွက်တယ်တဲ့။ သူကိုပို့တာ လေဆိပ်လည်းအရောက် လေယာဉ်လည်းအရောက် ချိန်ကိုက်ပဲတဲ့။ တန်းတင်တယ်တဲ့ အဲလိုပြောတာ။ ရန်ကုန်လေယာဉ်ပဲပေါ့။ ဟဲဟိုးဝင်အုံးမယ်တော့ ပြောတယ်။ ဒီလေယာဉ်က။ လေယာဉ်က ရန်ကုန်လာမယ့် လေယာဉ်ပဲပေါ့။ သူ့ကြည်လိုက်တာ တယောက်တည်းပဲ တွေ့တယ်တဲ့။ Leather ဂျာကင်လေး ၀တ်သွားတာ တွေ့တယ်တဲ့။ လက်ထိပ်တွေဘာတွေတော့ မခတ်ထားပါဘူးတဲ့။ မိတ်ဆွေက လှမ်းမြင်လိုက်တာပြောတာ”
ဒီလိုထောင်ပြောင်းရွှေ့တာနဲ့ပတ်သက်ပြီး အာဏာပိုင်တွေက မိသားစုတွေကို တစုံတရာအကြောင်းကြားတာ မရှိဘူးလို့လည်း ပြောပါတယ်။
ကိုမင်းကိုနိုင်ကို ရန်ကုန်ကနေ သရက်ထောင်ကို ပြောင်းမယ်လို့ သတင်းတွေ ထွက်ပေါ်နေပေမဲ့ သီးခြား အတည်ပြုချက်တော့ မရသေးပါဘူး။
ကျိုင်းတုံထောင်မှာ နိုင်ငံရေးမှုနဲ့ ထောင်ဒဏ်ကျခံနေရတဲ့အခြားအကျဉ်းသား ၄ ဦးကို မနေ့က ဆေးစစ်ချက်ယူတာ ရှိခဲ့ပေမဲ့ ဒီကနေ့တော့ ကိုမင်းကိုနိုင်တယောက်တည်းကိုပဲ ထောင်ပြောင်းတာရှိတယ်။  ထောင်အာဏာပိုင်တွေက ကိုမင်းကိုနိုင်အတွက် လိုအပ်တဲ့ဆေးဝါးတချို့ကိုလည်း ထည့်ပေးလိုက်တယ်လို့ ကျိုင်းတုံထောင်က ဝန်ထမ်းတဦးက ပြောပါတယ်။
မိုင်းဆတ်ထောင်ထောင်မှာ အကျဉ်းကျခံနေရတဲ့ ကိုကိုကြီးကို ထောင်အပြောင်းအရွှေ့ရှိမရှိ နဲ့ပတ်သက်ပြီး ညီဖြစ်သူ ကိုအောင်ထွန်းက အခုလို ပြောပါတယ်။
“မိုင်းဆတ်ကို ကျနော်တို့ ဖုန်းဆက်တုန်းကတော့ ကိုင်တာမရှိဘူး။ အိမ်ကိုတော့ အကြောင်းကြားတာမျိုး မရှိဘူးပေါ့။ ကျနော်တို့လည်း ဘာမှ မကြားရသေးဘူး။ စောင့်ကြည့်နေတာပဲ။ တချို့လူတွေတော့ ကြားနေတာပေါ့။ မနီလာသိန်းတို့ ဘာတို့ ပြောင်းတယ်ဆိုတာတော့ ကြားနေတာပေါ့”
VOA က မိုင်းဆတ်ထောင်ကို ဆက်သွယ်မေးမြန်းရာမှာတော့ ကိုကိုကြီးနဲ့ အခြားနိုင်ငံရေးအကျဉ်းသားတွေဟာ အဲဒီမှာပဲ ရှိနေဆဲဖြစ်ကြောင်း တာဝန်ကျ ဝန်ထမ်းတဦး ပြောပါတယ်။
ကသာထောင်မှာကျခံနေရတဲ့ ကိုအံ့ဘွယ်ကျော်သတင်းနဲ့ပ တ်သက်လို့တော့ ဘာမှ မကြားရသေးကြောင်း အသက် ၇၈ နှစ်အရွယ် မိခင်ဖြစ်သူ ဒေါ်တင်တင်ဝင်းက ပြောပါတယ်။ နိုင်ငံရေးအကျဉ်းသားတွေလွတ်မယ်ဆို သတင်းတွေ ထွက်ပေါ်နေပြီး မလွတ်လာသေးတဲ့အပေါ်မှာတော့ ဒေါ်တင်တင်ဝင်းက သူ့ခံစားချက်ကို အခုလို ပြောပါတယ်။
“ကျမကတော့ လွှတ်မယ်ဆိုလည်း တခါတည်းလွှတ်လိုက်တာ ကြိုက်တယ်ပေါ့။ ဟိုတနေရာပြောင်း ဟိုတနေရာပြောင်း ပြောင်းပြီးတော့ကော လွှတ်ဖို့ဆိုတာက ဘယ်လောက်ကြာအုံးမှာလဲ။ အဲဒါက ရှိသေးတယ်။ ၁၀ ရက်နေ့တို့၊ ၁၄ ရက်နေ့တို့ ပြောနေကြတာ။ လူတွေကလည်း လွှတ်စေချင်တော့ ကိုယ်ဖြစ်ချင်တာ ပြောကြသလားတော့ မသိပါဘူး။ မိသားစုတွေကလည်း မျှော်လင့်-မျှော်လင့်၊ မပါ- မပါဆိုတော့ အဲလိုပဲ မျှော်ရ မျှော်ရတာနဲ့ပဲ အားကုန်တယ်ပေါ့နော်။ အသက်ကလည်းကြီးဆိုတော အားလျော့တာပေါ့"
အခြား ၈၈ မျိုးဆက်ကျောင်းသားခေါင်းဆောင်တွေဖြစ်တဲ့ ကိုမင်းဇေယျ၊ ကိုဌေးကြွယ်၊ ကိုပြုံးချို၊ ကိုမြအေးနဲ့ အခြားသူတွေရဲ့ ထောင်အပြောင်းအရွှေ့သတင်းတော့ မကြားသိရသေးပါဘူး။ ၈၈ မျိုးဆက် ကျောင်းသားတွေဟာ ၂၀၀၇ ခုနှစ် သြဂုတ်လအတွင်းက လောင်စာဆီဈေးနှုန်း ကျဆင်းရေးအတွက် ငြိမ်းချမ်းစွာ လမ်းလျှောက်ဆန္ဒပြခဲ့တာကြောင့် ထောင်ဒဏ် နှစ်ရှည်ချမှတ်ခံခဲ့ရပြီး ဝေးလံတဲ့ ထောင်တွေဆီ အပို့ခံထားရသူတွေဖြစ်ပါတယ်။
ဒီလို ဝေးလံတဲ့ အကျဉ်းထောင်တွေက နိုင်ငံရေးအကျဉ်းသားတွေကို မိသားစုနဲ့ နီးရာထောင်တွေကို ပြောင်းရွှေ့နေတဲ့ တချိန်တည်းမှာတော့  ၂၀၁၀ ခုနှစ် ရန်ကုန်မြို့က X20 ရေကစားမဏ္ဍပ် ဗုံးပေါက်ကွဲတာကို ဓာတ်ပုံရိုက်တာကြောင့် အဖမ်းခံရတဲ့ ကိုစည်သူဇေယျကိုတော့ မနေ့က မိသားစုနဲ့ ဝေးလံတဲ့ ဟင်္သာတ ထောင်ကို ပို့လိုက်ပါတယ်။ ဖခင်ဖြစ်သူ ဦးဇေယျကိုလည်း သီပေါထောင်ကို ပို့ဆောင်ထားတာဖြစ်ပါတယ်။
ဒီလ ၁၂ ရက်နေ့ကတော့ မြန်မာနိုင်ငံ အမျိုးသားလူ့အခွင့်အရေးကော်မရှင်က ယုံကြည်ချက်ကြောင့် အကျဉ်းကျခံနေရသူတွေကို ထပ်မံလွှတ်ပေးဖို့အတွက် နိုင်ငံတော်သမ္မတဆီကို အိပ်ဖွင့်ပေးစာ ပေးပို့ခဲ့ပါတယ်။ လိုအပ်ချက်အရ လွတ်ငြိမ်းခွင့် မပေးနိုင်ရင်လည်း မိသားစုနဲ့နီးရာ အကျဉ်းထောင်တွေကို ရွှေ့ပေးဖို့ အတွက်လည်း တောင်းဆိုထားပါတယ်။

CRPP ဆက်လက် ရပ်တည်ရေး မရေမရာ
ကိုဝိုင်း | ကြာသပတေးနေ့၊ နိုဝင်ဘာလ ၁၇ ရက် ၂၀၁၁ ခုနှစ် ၁၈ နာရီ ၄၅ မိနစ်


ချင်းမိုင် (မဇ္ဈိမ) ။       ။ ကြားဖြတ်ရွေးကောက်ပွဲ နီးလာချိန်တွင် အမျိုးသား ဒီမိုကရေစီ အဖွဲ့ချုပ်နှင့် တိုင်းရင်းသား များအကြား ပူးပေါင်းဆောင်ရွက်ရန် ၁၉၉၀ ရွေးကောက်ပွဲ ရလဒ်အပေါ် အခြေခံ ဖွဲ့စည်းထားသည့် လွှတ်တော် ကိုယ်စားပြု ကော်မတီ-CRPP ဆက်လက် ရပ်တည်ရေးမှာ မရေမရာ ဖြစ်နေကြောင်း အဖွဲ့ဝင် တိုင်းရင်းသားပါတီ
ခေါင်းဆောင်များက ပြောသည်။

CRPP ကို နိုင်ငံရေးအရ ဦးဆောင်နေသည့် NLD ပါတီက နိုဝင်ဘာ ၁၈ ရက်နေ့တွင် ပါတီမှတ်ပုံ ပြန်တင်မည်ဟု ဆုံးဖြတ်ပါက “CRPP ရဲ့ အနေအထားကလည်း ပုံစံပြောင်းရမယ့် သဘောရှိတယ်။” ဟု CRPP အဖွဲ့ဝင်တခု ဖြစ်သော မွန်အမျိုးသား ဒီမိုကရေစီ အဖွဲ့မှ ဦးနိုင်ငွေသိန်းက ပြောသည်။

၁၉၉၀ ရွေးကောက်ပွဲ ရလဒ်အပေါ် အခြေခံ ဖွဲ့စည်းထားသည့် လွှတ်တော် ကိုယ်စားပြု ကော်မတီ-CRPP အဖွဲ့ဝင်များ ၁၉၉၀ ပြည့်နှစ် ရွေးကောက်ပွဲအနိုင်ရအမတ်များဖြင့် လွှတ်တော် ခေါ်ယူနိုင်ရေးဟူသော ရည်ရွယ် ချက်နှင့် NLD နှင့် ရှမ်း၊ မွန်၊ ရခိုင်၊ ဇိုမီး၊ ကိုးကန့် တိုင်းရင်းသားပါတီများ၊ တသီးပုဂ္ဂလ
အမတ်များဖြင့် CRPP ကို ၁၉၉၈ ခု စက်တင်ဘာတွင် ဖွဲ့စည်း ခဲ့သည်။

ဇိုမီး အမျိုးသား ကွန်ကရက်ပါတီ ဥက္ကဋ္ဌ ဦးပူကျင့်ရှင်းထန်က CRPP ကို “တခြား
သင့်တော်တဲ့ နာမည် ယူပြီးတော့ ပြောင်းရင် ပြောင်းမယ်။ ဒီမဟာမိတ် အဖွဲ့တွေတော့ ဆက်ပြီးတော့ သွားမှာပါ။” ဟု ဆိုသည်။

နိုဝင်ဘာ ၁၅ ရက်နေ့က NLD အထွေထွေ အတွင်းရေးမှူး ဒေါ်အောင်ဆန်းစုကြည်နှင့် ဦးနိုင်ငွေသိန်း၊ ဦးပူကျင့်ရှင်းထန်၊ ရှမ်း SNLD မှ ဦးစိုင်းရွှေကြူး၊ ရခိုင်ပါတီမှ ဦးအေးသာအောင်၊ CRPP အဖွဲ့ဝင် တသီးပုဂ္ဂလ ဦးသိန်းဖေနှင့် အမျိုးသား ဒီမိုကရေစီ ပါတီမှ ဦးစိုးဝင်းတို့ တွေ့ဆုံကြစဉ်ကလည်း CRPP သက်တမ်း ၁၃ နှစ် ကျော် အတွင်း မပြီးသေးသည့် လုပ်ငန်းများကို ဆက်လက် လက်တွဲကြိုးစားသွားရန် သဘောထားပေးကြသည်။

“မှတ်ပုံတင်တဲ့ပါတီ ရှိကောင်းရှိမယ်၊ နောက်ကျမှတင်တဲ့ ပါတီလည်းရှိမယ်။ မတင်တဲ့ ပါတီတွေလည်း ရှိမယ်။ နိုင်ငံရေး ရည်မှန်းချက်က အတူတူပဲလေ။ ပြည်တွင်းစစ်ရပ်ဖို့၊ ပြည်တွင်း ငြိမ်းချမ်းရေး တည်ဆောက်ဖို့၊ စစ်မှန်တဲ့ ပြည်ထောင်စု ဖော်ဆောင်ဖို့၊ ၂၀၀၈ ဖွဲ့စည်းပုံ ပြင်ရေးဆိုတာ တူတယ်။” ဟု ဦးအေးသာအောင်က ပြောသည်။

CRPP ကို အမည်အသစ်ဖြင့် ပြန်လည်စုဖွဲ့မှုတခု လုပ်ရတော့မည်ကို တိုင်းရင်းသား ခေါင်းဆောင်များက တညီတည်း သဘောတူကြသော်လည်း တိကျသည့် အဖြေကိုမူ ပြောဆိုနိုင်ခြင်း မရှိသေးဘဲ ဖြစ်နေကြသည်။

ကိုးကန့်ပါတီက မပါတော့သဖြင့် တိုင်းရင်းသားသီးသန့် ပါတီ ၁၁ ဖွဲ့သာ ကျန်တော့သည့် စည်းလုံးညီညွှတ်သော တိုင်းရင်းသားလူမျိုးစု နိုင်ငံရေးပါတီများ မဟာမိတ်အဖွဲ့ United Nationalities Alliance (UNA) နှင့် NLD ပူးပေါင်း လူပ်ရှားနိုင်မည့် နည်းလမ်းကို ရှာဖွေရန် ဦးနိုင်ငွေသိန်းက စိတ်ကူးရှိနေသည်။ UNA ၌ CRPP အဖွဲ့ဝင်ပါတီ လေးခု ပါဝင်သည်။

“UNA နဲ့ NLD ပူးပေါင်းဆောင်ရွက်ဖို့ ဘယ်လိုပုံစံနဲ့ သွားမလဲဆိုတာ ကျနော်တို့ ပြန်ကြည့်ရမယ်လို့။ CRPP ကလည်း အခြေအနေ မပေးတော့ဘူး ဖြစ်သွားရင် အဲဒါ ပြန်ပူးပေါင်း ဖွဲ့စည်းရေးပေါ့။ စဉ်းစားထားတာ။” ဟု ဦးနိုင်ငွေသိန်းက ပြောသည်။

UNA ကို ၁၉၉ဝ ခုတွင် ဒုတိယ မဲအများဆုံးရသည့် ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD က ဦးဆောင် ခဲ့သည်။ သို့သော် ပါတီ ဥက္ကဋ္ဌ ခွန်ထွန်းဦးနှင့် အတွင်းရေးမှူး စိုင်းညွန့်လွင်တို့ အကျဉ်းကျနေရာမှ ပြန်လွတ်လာမှသာ SNLD က မှတ်ပုံပြန်တင်၊ မတင် ဆွေးနွေးမှာ ဖြစ်သည်။

ဦးပူကျင့်ရှင်းထန်ကမူ “UNA က ဒီခေါင်းဆောင်တွေ မရှိဘဲနဲ့၊ သူတို့ လိုအင်ဆန္ဒကို မသိဘဲနဲ့ ကျန်တဲ့ လူတွေကိုပြောဖို့က မသင့်တော်သေးဘူး ထင်လို့။ အစိုးရ တာဝန်ရှိ လူတွေရဲ့ စကားအရဆို နှစ်မကုန်ခင် လွတ်မယ့် သဘော ရှိနေတယ်။” ဟု ပြောသည်။

UNA ပါတီဝင်များမှာ ကျန်ပါတီများမှာ ၁၉၉၂ ခုနှစ်တွင် မှတ်ပုံတင် ပြန်ရုပ်သိမ်းခြင်း၊ ၂ဝ၁ဝ ပြည့်နှစ် ရွေးကောက် ပွဲ အတွက် ပါတီမှတ်ပုံ ပြန်မတင်ခြင်းတို့ကြောင့် တရားမဝင်ဘဲ ဖြစ်နေသည်။

တိုင်းရင်းသားပါတီ အားလုံးသည် ပါတီမှတ်ပုံမတင်ထားသဖြင့် နိုင်ငံရေး လုပ်ငန်းများကို တရားဝင် လှုပ်ရှားနိုင်ရေး အတွက် အခက်အခဲဖြစ်နေသဖြင့် ပါတီကြီးများ ဖြစ်သည့် NLD နှင့် SNLD တို့၏ အခြေအနေကို စောင့်ကြည့်နေကြ
ကြောင်း ဦးပူကျင့်ရှင်းထန်က ပြောသည်။

ထို့ပြင် ရွေးကောက်ပွဲ ဥပဒေအရ မှတ်ပုံတင်ပါက အနည်းဆုံး သုံး နေရာဝင်ပြိုင်ရမည် ဖြစ်သော်လည်း လစ်လပ်
နေရာ ၄၈ နေရာတွင် ချင်းပြည်နယ်နှင့် ရခိုင်ပြည်နယ်များ မပါဝင်သဖြင့် ဇိုမီးပါတီနှင့် ရခိုင်ပါတီတို့ အခက်တွေ့
နေကြောင်း သူက ဆိုသည်။