17.11.2011 နေ့ဖတ်ရန်သတင်းများ

by Myanmar Journal on Thursday, November 17, 2011 at 7:46am

 

 

ရှမ်းခေါင်းဆောင် ဦးခွန်ထွန်းဦးဟာ ကျန်းမာရေး မကောင်း ဖြစ်နေတယ်လို့လည်း သိရ 

ထင်ရှားတဲ့ နိုင်ငံရေး အကျဉ်းသား တချို့ ထောင်ပြောင်း
ထင်ရှားတဲ့ နိုင်ငံရေး အကျဉ်းသား တစ်ယောက် ဖြစ်တဲ့ ရှမ်းတိုင်းရင်းသား ခေါင်းဆောင် ဦးခွန်ထွန်းဦး ကို ပူတာအို ထောင် ကနေ တောင်ငူထောင်ကို ရွှေ့ပြောင်း လိုက်တယ်လို့ သိရပါတယ်။
ထောင်ဒဏ် ၉၃ နှစ် ကျခံ နေရတဲ့ ရှမ်း တိုင်းရင်းသားများ ဒီမိုကရေစီ အဖွဲ့ချုပ် (SNLD) ဥက္ကဋ္ဌ ဦးခွန်ထွန်းဦး ကို ဗုဒ္ဓဟူးနေ့က ပူတာအို အကျဉ်းထောင် ကနေ ခေါ်လာပြီး ပူတာအို လေဆိပ် ကတဆင့် မြစ်ကြီးနားကို ပို့ဆောင် လိုက်တယ်လို့ SNLD ပါတီ ပြောရေး ဆိုခွင့် ရှိသူ ဦးစိုင်းလိတ်က ဘီဘီစီကို ပြော ပါတယ်။
အဲဒီ ပြောင်းရွှေ့မှုနဲ့ ပက်သက်ပြီး မိသားစုဝင် တွေကို အာဏာပိုင် တွေက အကြောင်း ကြားတာမျိုး မရှိဘူးလို့ ဦးစိုင်းလိတ်က ပြောပါတယ်။

ရပ်ဝေး ထောင်တွေမှာ အကျဉ်း ကျခံ နေကြရတဲ့ တခြား SNLD ခေါင်းဆောင် ဦးစိုင်းညွန့်လွင်နဲ့ ဦးစိုင်းလှအောင်တို့ ကတော့ ထောင်ပြောင်းရွှေ့ ခံရသူတွေထဲမှာ ပါမပါ မသိရသေး ပါဘူး။
ဦးခွန်ထွန်းဦး၊ ဦးစိုင်းညွန့်လွင် နဲ့ ဦးစိုင်းလှအောင်တို့ သုံးဦးဟာ တခြား ရှမ်း တိုင်းရင်းသား ခေါင်းဆောင် ၆ ဦး တို့နဲ့ အတူ ပြီးခဲ့တဲ့ ၂၀၀၅ ခုနှစ်က ရှမ်းပြည် အတိုင်ပင်ခံ အဖွဲ့ ဖွဲ့စည်းမှု တို့နဲ့ စွပ်စွဲခံခဲ့ကြရပြီး နှစ်ရှည် ထောင်ဒဏ်တွေ ချခံ ကြရတာ ဖြစ်ပါတယ်။
ပြီးခဲ့တဲ့ ၁၄ ရက်နေ့ တုန်းက မြန်မာ အစိုးရ က တတိယအသုတ် အနေနဲ့ ထပ်လွှတ်ပေး ဖွယ်ရှိတဲ့ အကျဉ်းသား တွေထဲမှာ သူတို့ ပါမယ် ဆိုတဲ့ သတင်းတွေ ကြားခဲ့ရ ပါတယ်။
တခြား ထင်ရှားတဲ့ ခေါင်းဆောင်များ
ကျိုင်းတုံ ထောင်က ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင် ကတော့ ဗုဒ္ဓဟူး နေ့က ပြောင်း ရွှေ့တဲ့ အထဲမှာ မပါသေးဘဲ ကျိုင်းတုံ ထောင်ထဲမှာ ရှိနေသေးပြီး ကြာသပတေး နေ့ ကျမှ ပြောင်းရွှေ့မယ်လို့ ထောင် အသိုင်း အဝိုင်းက သိရတဲ့ အကြောင်း ကျိုင်းတုံ မြို့ခံ တစ်ယောက်က ဘီဘီစီကို ပြောပါတယ်။

၈၈ မျိုးဆက် ကျောင်းသား ခေါင်းဆောင်တွေ ထဲက တချို့ကို ထောင်ရွှေ့ ပြောင်း
ကိုမင်းကိုနိုင်ကို အင်းစိန် ထောင် ကနေ တဆင့် သရက် ထောင်ကို ပြောင်းရွှေ့ သွားဖို့ ရှိတယ်လို့လည်း အကျဉ်း ဦးစီး ဌာနနဲ့ နီးစပ်တဲ့ အသိုင်း အဝိုင်းက ပြော ပါတယ်။
၈၈ မျိုးဆက် ကျောင်းသူ တစ်ယောက် ဖြစ်တဲ့ မနီလာသိန်း ကိုတော့ သရက်ထောင် ကနေ သာယာဝတီ ထောင်ကို ပြောင်းရွှေ့ လိုက်ပြီလို့ သိရ ပါတယ်။
ကလေးမြို့ အကျဉ်း ထောင်မှာ ထောင်ဒဏ် ၆၃ နှစ် ကျခံ နေရတဲ့ ၂၀၀၇ သံဃာ့ လှုပ်ရှားမှု ခေါင်းဆောင် ဆရာတော် တပါး ဖြစ်သူ ဦးဂမ္ဘီရ ကိုလည်း ဗုဒ္ဓဟူးနေ့က ထောင် ပြောင်းလိုက် ပါတယ်။
သားဖြစ်သူ ပြန်လွတ်လာနိုးနဲ့ ကလေးမြို့ အကျဉ်း ထောင်မှာ သွားရောက် စောင့်စား နေတဲ့ ဆရာတော်ရဲ့ မိခင် ဒေါ်ရေးက သားဖြစ်သူကို ရန်ကုန် အင်းစိန် ထောင်ကို ပြောင်းရွှေ့ လိုက်တယ်လို့ ကြားရပြီး ဆက်စုံစမ်း ဦးမယ်လို့ ပြောပါတယ်။
အခုချိန် ထိတော့ နိုင်ငံရေး အကျဉ်း သား တစ်ယောက်မှ ပြန်လည် လွတ်မြောက် လာတယ် လို့ မကြား ရသေး ပါဘူး။
ပြီးခဲ့တဲ့ ရက်ပိုင်း အတွင်းက မြန်မာနိုင်ငံ အမျိုးသား လူ့ အခွင့် အရေး ကော်မရှင်ကနေ ယုံကြည်ချက်ကြောင့် အကျဉ်းကျ နေသူတွေကို ပြန်လွှတ် ပေးဖို့နဲ့ ပြန်မလွှတ် နိုင် သေးဘူး ဆိုရင်တောင် မိသားစု တွေနဲ့ နီးရာ ထောင်တွေဆီ ပြောင်းရွှေ့ ပေးဖို့ သမ္မတဆီ စာရေး ပန်ကြားခဲ့ပြီး မကြာခင်မှာပဲ အခုလို အကျဉ်းထောင် အရွှေ့ အပြောင်း သတင်းတွေ ကြားလာ ရတာ ဖြစ်ပါတယ်။

ငြိမ်းချမ်းရေး အတွက် သံဃာတော် တွေ ဆန္ဒပြမန္တလေး ဆန္ဒပြသံဃာတွေ တရားထပ်ဟော
မဟာမြတ်မုနိ ဘုရား မဟာဗုဒ္ဓဝင် ဗိမာန်တော် ပေါ်မှာ ဆန္ဒပြခဲ့ကြတဲ့ သံဃာ ၅ ပါးဟာ ဗုဒ္ဓဟူးနေ့ က မစိုးရိမ် တိုက်ဟောင်းမှာ တရားဟောခွင့် ရခဲ့ ပါတယ်။
ဗုဒ္ဓဟူးနေ့ မွန်းလွဲ တနာရီက မစိုးရိမ် တိုက်ဟောင်း အတွင်းမှာရှိတဲ့ သုတ္တန္တန ယူပဒေသ ကျောင်းရှေ့ ကွင်းပြင်မှာ ဆန္ဒပြ ဆရာတော် ၅ ပါးထဲက ဦးသောပါက ကနေ သူတို့ တောင်းဆိုခဲ့တဲ့ ငြိမ်းချမ်းရေး နဲ့ ပတ်သက် တဲ့ အချက်တွေကို တနာရီလောက် ဟောပြောခဲ့ ပါတယ်။
ဒီဟောပြောပွဲကို လူ ၂၀၀ လောက်နဲ့ သံဃာတော် ၅၀၀ လောက် တက်ရောက်ခဲ့ပြီး၊ နိုင်ငံရေး အကျဉ်းသား အားလုံးလွှတ်ပေးရေးနဲ့ ငြိမ်းချမ်းရေးအတွက် သမ္မတထံ လက်မှတ် ရေးထိုး တင်ပြမယ်လို့ လည်း သိရပါတယ်။
သံဃာ့ မဟာနာယက ဆရာတော်တွေ အနေနဲ့ ဒီလက်မှတ်ရေးထိုး တောင်းဆိုထားချက်တွေ ကို သမ္မတထံ တင်ပြပေးမယ်လို့ ပြောကြောင်း၊ ဆန္ဒပြ သံဃာတော် ဦးမာဃ က ဘီဘီစီ ကို ပြော ပါတယ်။
ဒီဟောပြောပွဲမှာ အာဏာပိုင်ဘက်က အရပ်ဝတ်တွေနဲ့ စောင့်ကြည့် သတင်းယူတာ ရှိပေမယ့် အနှောင့်အယှက် ပေးတာမျိုး မရှိဘူးလို့ ပြောပါတယ်။
ဟောပြောပွဲပြီးနောက် မစိုးရိမ် တိုက်ဟောင်းနဲ့ တိုက်သစ်က နာယက ဆရာတော်တွေရဲ့ မစိုးရိမ် စာသင်တိုက် မှာ ဆက်လက် မနေဖို့ မေတ္တာရပ်ခံချက်အရ ဆန္ဒပြ ကိုယ်တော် တွေ ဟာ မဟာမြတ်မုနိ ဘုရားကြီး တောင်ဘက်မုခ် နားက ပိဋကပါလ ရေတော်တိုက် ကို ရွှေ့လာခဲ့ရ ပါတယ်။

သြစတြေးလျ က အမေရိကန် တပ် ကိစ္စ တရုတ် တုန့်ပြန်
အာရှ ပိစိဖိတ် ဒေသမှာ အမေရိကန် ပါဝင်မှု တိုးမြှင့် ဟု အိုဘားမား ပြော
လာမယ့်နှစ်ကျရင် သြစတြေးလျ နိုင်ငံမှာ အမေရိကန် စစ်တပ် က မရိန်း တပ်ဖွဲ့ဝင် ၂၅၀လောက် စေလွှတ်ပြီး တဖြည်းဖြည်း နဲ့ တပ်ဖွဲ့ဝင် ၂၅၀၀ လောက် အထိ တိုးချဲ့ ချထားမှာ ဖြစ်ကြောင်း သြစတြေးလျ ဝန်ကြီးချုပ် Julia Gillard က သတင်းစာ ရှင်းလင်းပွဲမှာ ထုတ်ဖေါ်ကြေညာ လိုက် ပါတယ်။
အခုလို သြစတြေးလျ နိုင်ငံမှာ အမေရိကန် တပ်ဖွဲ့ဝင်တွေ ချထားဖို့ လုပ်တာဟာ အမေရိကန် တို့ အနေနဲ့ ဒေသတွင်း တရုတ်ရဲ့ လွှမ်းမိုးမှု ကြီးထွား လာတာကို တန်ပြန် တဲ့ အနေနဲ့ လုပ်လိုက်တာလို့ အများက ယူဆ နေကြ ပါတယ်။
ဒီအရေး နဲ့ ပတ်သက်ပြီး တရုတ် အစိုးရ ဘက် က တုန့်ပြန်ရာ မှာ တော့ တရုတ်နိုင်ငံ ရဲ့ ရပ်တည်ချက်က ဖွံ့ဖြိုးတိုးတက်ရေး နဲ့ ပူးပေါင်း ဆောင်ရွက်ရေး ကို ငြိမ်းချမ်းတဲ့ နည်း နဲ့ ဆောင်ရွက်ဖို့ ဖြစ်ပြီး စစ်ရေး မဟာမိတ် တိုးချဲ့ ဆောင်ရွက် တာမျိုး ဟာ သင့်လျော်တဲ့ လုပ်ဆောင်မှုမျိုး ဖြစ်မှာ မဟုတ်ဘူးလို့ တရုတ် နိုင်ငံခြားရေး ဝန်ကြီးဌာန ပြောခွင့်ရ ပုဂ္ဂိုလ် က ပြော ပါတယ်။
ကမ္ဘာတဝန်း စီးပွားရေး အကြပ်အတည်း ကြောင့် စိုးရိမ် ပူပန်မှုတွေ ဖြစ်နေကြတဲ့ အခုလို အချိန်မျိုးမှာ အခုလို စစ်ရေး မဟာမိတ် တိုးချဲ့လိုက်တာဟာ ဒေသတွင်း နိုင်ငံ တွေရဲ့ အကျိုးစီးပွား အတွက် ဟုတ်မဟုတ် ဆိုတာကို မေးစရာတောင် မလိုဘူး လို့ လည်း သူက ပြောသွား ပါတယ်။
တရုတ် အစိုးရထုတ် သတင်းစာထဲမှာ တော့ အတော်လေး ပြင်းပြင်းထန်ထန် တိုက်ခိုက် ရေးသားထားပြီး တကယ်လို့ တရုတ် အကျိုးစီးပွား ထိခိုက်လာအောင် သြစတြေးလျ အစိုးရက သူတို့ရဲ့ စစ်စခန်းတွေ ကို အသုံးပြုပြီး အမေရိကန်ကို အကူအညီ ပေးမယ် ဆိုရင် တော့ သြစတြေးလျ နိုင်ငံဟာ ကျွဲနှစ်ကောင်ကြား မှာ မြေစာပင် ဖြစ်မယ့် အခြေအနေ ရှိသွား လိမ့်မယ် လို့ ဆိုပါတယ်။
ဒါပေမယ့် သမ္မတ အိုဘားမား ကတော့ အမေရိကန် အစိုးရဟာ တရုတ်ကို ဘေးဖယ်ထားတာ မဟုတ်ပဲ အာရှ ပိစိဖိတ် ဒေသတခုလုံးမှာ အမေရိကန်ရဲ့ ပါဝင် ပတ်သက် မှု ကို တိုးမြှင့် လုပ်ဖို့ ကြိုးပမ်းမှု သာ ဖြစ်တယ် လို့ ဆိုပါတယ်။

ဆီးရီးယား ထောက်လှမ်းရေးဌာန တိုက်ခိုက်ခံရ
အာရပ်အဖွဲ့ချုပ် ခေါင်းဆောင်တွေဟာ ဆီးရီးယား အတွက် မော်ရိုကိုမှာ အစည်းအဝေးပြုလုပ်
ဆီရီးယားစစ်တပ်ကနေ အတိုက်အခံတွေ ဘက်ကို ဘက်ပြောင်း လာကြသူတွေဟာ ဒမားစကက်စ်မြို့ ဆင်ခြေဖုံးအပိုင်းက အဓိကကျတဲ့ စစ်ထောက်လှမ်းရေး စခန်း ဝင်း ကို တိုက်ခိုက်ခဲ့တယ်လို့ အတိုက်အခံ တက်ကြွလှုပ်ရှားသူ တွေက ပြောပါတယ်။
ဘက်ပြောင်းလာသူတွေက သူတို့ကိုယ် သူတို့ Free Syrian Army လို့ အမည်ပေးထားပြီး၊ ဟာရတ်စ်တာ ရပ်ကွက်က အဲဒီ ထောက်လှမ်း ရေး ဝင်း ကို စက်သေနတ်တွေ၊ ရော့ကက်တွေ နဲ့ ပစ်ခတ် ခဲ့တယ်လို့ သတင်းတွေက ဆိုပါတယ်။
ဘက်ပြောင်းလာသူတွေက အစိုးရကို ပြန်လည် တိုက်ခိုက်မှုတွေ လုပ်နေရာ အခုအချိန် အထိတော့ ဒီတိုက်ခိုက်မှုဟာ အကြီးမားဆုံးသော တိုက်ခိုက်မှု ဖြစ်ပါတယ်။
အဲဒီ ထောက်လှမ်းရေး ဌာန ကနေ ဆန္ဒပြမှုတွေကို အကြမ်းဖက် နှိပ်ကွပ်မှုတွေ အဓိက ပြုလုပ်နေတာလည်း ဖြစ်ပါတယ်။
ဆီးရီးယားကို အာရပ်နိုင်ငံများ အဖွဲ့ချုပ်ဝင် အဖြစ်က ရပ်ဆိုင်းထား လိုက်ပြီးနောက် ဆီးရီယားက အကြမ်းဖက်မှုတွေ ရပ်သွားအောင် ဆောင်ရွက်မှု အသစ်တွေ ထပ်လုပ်ဖို့ အတွက် အာရပ် အဖွဲ့ချုပ် နိုင်ငံခြားရေး ဝန်ကြီးတွေဟာ မော်ရိုကိုမှာ အစည်းအဝေး ထိုင်နေကြပါတယ်။

မြန်မာ အာဆီယံဥက္ကဌဖြစ်ရေး နိုင်ငံခြားရေး ဝန်ကြီးတွေ သဘောတူ
အာဆီယံ ထပ်သီး ညီလာခံ ကြာသပတေး နေ့မှာ စတင်မှာ ဖြစ်
မြန်မာနိုင်ငံကို လာမယ့် ၂၀၁၄ ခုနှစ်မှာ အာဆီယံ ဥက္ကဌ နေရာ ပေးဖို့အတွက် အဖွဲ့ဝင် နိုင်ငံ အကြီးအကဲ တွေက ထောက်ခံပေးရေး အတွက် အာဆီယံ နိုင်ငံခြားရေး ဝန်ကြီးတွေက သဘောတူခဲ့ကြတယ်လို့ အင်ဒိုနီးရှား နိုင်ငံခြားရေး ဝန်ကြီး မာတီ နာတာလီဂါဝါ က ပြောကြားပါတယ်။
အင်ဒိုနီးရှားနိုင်ငံ ဘာလီကျွန်းမှာ ပြုလုပ်ခဲ့တဲ့ အာဆီယံ နိုင်ငံခြားရေးဝန်ကြီးများ အစည်း အဝေး အပြီး မစ္စတာ နာတာလီဂါဝါ က အခုလိုပြောကြားလိုက်တာ ဖြစ် ပါတယ်။
ဒါပေမယ့်လည်း ကြာသပတေးနေ့ အာဆီယံ ထိပ်သီး အစည်းအဝေး စတင်တဲ့ အခါမှ အာဆီယံနိုင်ငံ တွေရဲ့ အကြီးအကဲ တွေ က တရားဝင် ထောက်ခံ အတည်ပြုပေးမှာ ဖြစ်ပါတယ်။
ထိပ်သီးအစည်းအဝေးမစခင် ကတည်းက ဒေသတွင်း စီးပွားရေး၊ နိုင်ငံရေးနဲ့ လုံခြုံရေး ဆိုင်ရာ ကိစ္စရပ်တွေကို သက်ဆိုင်ရာ ဝန်ကြီးတွေက ဆွေးနွေးမှုတွေ ပြုလုပ် နေကြတာ ဖြစ်ပြီး၊ မြန်မာသမ္မတ ဦးသိန်းစိန် ကတော့ ဗုဒ္ဓဟူးနေ့ ညနေပိုင်းမှာ ဘာလီကျွန်းကို ရောက်ရှိလာပါတယ်။
အခုနှစ် အာဆီယံ ထိပ်သီး ညီလာခံမှာ မြန်မာ အာဆီယံဥက္ကဌ ဖြစ်ရေး ကိစ္စ အပြင် တခြား ထင်ရှားတဲ့ ကိစ္စရပ်တခုကတော့ တောင်တရုတ်ပင်လယ်က ကျွန်းစုတွေနဲ့ ပတ်သက်ပြီး အငြင်းပွား နေကြတဲ့ ကိစ္စ ဖြစ်ပါ တယ်။
အဲဒီတောင်တရုတ်ပင်လယ် ကိစ္စရပ်ကိုလည်း သံတမန်နည်းအရ ငြိမ်းချမ်းစွာ ဖြေရှင်းနိုင် မယ့် နည်းလမ်းတွေကို အခု ထိပ်သီးအစည်းအဝေးကနေ ချမှတ်နိုင်မှာ ဖြစ်တယ် လို့လည်း မစ္စတာ နာတာလီဂါဝါ က ပြောပါတယ်။

ဝန်ကြီး အင်ဒရူးမစ်ချယ်ဗြိတိန်ဝန်ကြီး ရဲ့ မြန်မာနိုင်ငံ ခရီးစဉ်
ဗြိတိန်မှ အပြည်ပြည်ဆိုင်ရာ ဖွံ့ဖြိုးရေး ဝန်ကြီး အင်ဒရူးမစ်ချယ် ဟာ မြန်မာနိုင်ငံ ကို ရောက်ရှိနေပြီး နေပြည်တော် မှာ ပြည်သူ့လွှတ်တော် ဉက္ကဌ သူရဦးရွှေမန်း နဲ့ တွေ့ဆုံ ဆွေးနွေးခဲ့ ပါတယ်။
မစ္စတာ မစ်ချယ် ရဲ့ ခရီးစဉ်ကတော့ ဗြိတိန်နိုင်ငံဟာ မြန်မာနိုင်ငံ အပေါ် ကူညီထောက်ပံ့မှု အများဆုံး ပြုလုပ်တဲ့ နိုင်ငံ အနေနဲ့ မြန်မာနိုင်ငံမှာ ပြုပြင်ပြောင်းလဲမှု တွေ အမှန်တကယ် ဖြစ်ပေါ် နေပြီလား ဆိုတာကို သွားရောက် လေ့လာတာလည်း ဖြစ်ပါတယ်။
နေပြည်တော်မှာ သူရဦးရွှေမန်း နဲ့ တွေ့တဲ့အခါ မှာ ပြုပြင်ပြောင်းလဲရေး အစစ်အမှန် တွေ မြန်မာနိုင်ငံမှာ ဖြစ်နေ သလို၊ ဒါဟာ နောက်ကြောင်းပြန် လို့ ရမှာ မဟုတ်တဲ့ အကြောင်း မစ္စတာ မစ်ချယ် ကို ဦးရွှေမန်း က ရှင်းပြပါတယ်။
ပြုပြင်ပြောင်းလဲတဲ့ အပိုင်းမှာ လည်း၊ နိုင်ငံရေး အကျဉ်းသားတွေ လွှတ်ပေးဖို့၊ တိုင်းရင်းသား လက်နက်ကိုင် အဖွဲ့ တွေနဲ့ အပစ်အခတ် ရပ်ဆဲရေး၊ အမျိုးသားဒီမိုကရေစီ အဖွဲ့ချုပ် ကို မြန်မာ့နိုင်ငံရေး လမ်းကြောင်းမှာ ပါဝင်ခွင့် ပြုရေး စတာတွေ ပါဝင်ကြောင်း၊ ဒီ အချက်တွေ ရှိမရှိ ဆိုတာကို ဗြိတိန် သာမက နိုင်ငံတကာ ကပါ စောင့်ကြည့် နေတဲ့ အကြောင်း မစ္စတာ မစ်ချယ်ကလည်း သူရဦးရွှေမန်း ကို ပြောခဲ့ပါတယ်။
ဝန်ကြီးနဲ့ အတူ ဘီဘီစီ သတင်းထောက် ဒေးဗစ်လိုင်း လည်း မြန်မာနိုင်ငံဆီ ပထမဆုံး အကြိမ် အဖြစ် လိုက်ပါ သတင်းယူခွင့် ရခဲ့လို့ နေပြည်တော် ရှိ လွှတ်တော် အဆောက်အအုံ တွေ၊ အစိုးရ ရုံး တိုက်တာတွေဟာ ကြီးကျယ် ခန်းနား ပေမယ့် သာမန်ပြည်သူ တွေ အနေနဲ့ ဘတ်စ်ကား ကို အချိန်ကြာ စောင့်စား ခရီးသွားရတာ ကို တွေ့ရတဲ့ အတွက် လူမှု အဆင့်အတန်း ကွာဟမှု ရှိတာ တွေ့ခဲ့ရတယ်လို့ ဘီဘီစီ ရုပ်သံသတင်း ကို နေပြည်တော်မှ လွှင့်ထုတ် ပြသသွားပါတယ်။
ရာစုနှစ်ဝက် ဖိနှိပ်မှု ခါးစည်းခံ နေ ရတဲ့ နိုင်ငံအနေနဲ့ ရှေ့အနာဂတ်မှာတော့ မြှော်လင့်ချက် လင်းရောင်ခြည်ကို တွေ့ကောင်း တွေ့မယ် လို့ ဒေးဗစ်လိုင်း က ပြောပါတယ်။

ပိတ်ဆို့မှု ဖယ်ရှားရေး အပြောင်းအလဲ တိုးလုပ်ပြဖို့ လိုကြောင်း အမေရိကန် ထပ်ပြော
2011-11-15
မြန်မာနိုင်ငံအပေါ် ပိတ်ဆို့ အရေးယူထားတာတွေ ဖယ်ရှားဖို့ဆိုရင် မြန်မာ အစိုးရ အနေနဲ့ ဒီမိုကရေစီရေးနဲ့ နိုင်ငံရေး ပြုပြင် ပြောင်းလဲမှု တိုးပြီး လုပ်ဆောင်ဖို့ လိုသေးကြောင်း အမေရိကန် အစိုးရက မနေ့က ထပ်မံပြောကြားလိုက်ပါတယ်။
မြန်မာနိုင်ငံမှာ အတိုက်အခံ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အင်န်အယ်လ်ဒီ ပါတီက ပါတီ မှတ်ပုံတင်ပြီး ရွေးကောက်ပွဲဝင်မဲ့ အလားအလားတွေ တွေ့မြင်ရတဲ့ အတွက် အပြောင်းအလဲ ပိုဖြစ်လာအောင် ပိတ်ဆို့ အရေးယူမှု တချို့ ဖယ်ရှားဖို့ ပြောဆို သုံးသပ်တာမျိုး ရှိမရှိ သတင်းထောက် တစ်ဦးက မေးမြန်းရာမှာ အမေရိကန် နိုင်ငံခြားရေး ၀န်ကြီးဌာန ပြောခွင့်ရ ပုဂ္ဂိုလ် Mark Toner က အခုလို ပြောလိုက်တာပါ။အမေရိကန် အစိုးရ အနေနဲ့ မြန်မာ အစိုးရဆီက အပြုသဘော တိုးတက်မှုတွေ လက္ခဏာတွေ တွေ့ရပါတယ်။ အမေရိကန် အစိုးရ အနေနဲ့ မြန်မာ အစိုးရနဲ့လည်း ကောင်းမွန်တဲ့ တွေ့ဆုံ ဆွေးနွေးမှုတွေ ရှိပါတယ်။ နိုင်ငံရေး အကျဉ်းသား အားလုံး လွှတ်ပေးရေး၊ နိုင်ငံရေး စနစ် လွတ်လပ် ပွင့်လင်းလာရေးလို ကိစ္စတွေမှာ ခိုင်မာ တိကျတဲ့ အပြုသဘောခြေလှမ်းတွေ တိုးပြီး မြင်တွေ့လိုတဲ့ အကြောင်း တိုက်တွန်း ပြောကြားထားပါတယ်လို့ သူက ပြောသွားပါတယ်။အင်ဒိုနီးရှားနိုင်ငံ ဘာလီကျွန်းမှာ ကျင်းပမဲ့ အာဆီယံ ထ်ိပ်သီး ညီလာခံ ကာလမှာ မြန်မာ သမ္မတ ဦးသိန်းစိန် တက်ရောက်မှာ ဖြစ်သလို အမေရိကန် သမ္မတ အိုဘားမားလည်း တက်ရောက်ဖို့ ရှိပြီး ၂ နိုင်ငံ ခေါင်းဆောင်တွေ တွေ့ဆုံဖို့ မျှော်လင့်ကြောင်း အာဆီယံ အလှည့်ကျ ဥက္ကဋ္ဌ အင်ဒိုနီးရှား နိုင်ငံခြားရေး ၀န်ကြီးက မြန်မာပြည် ခရီးစဉ် အတွင်း ပြောကြားခဲ့ပါတယ်။

မြန်မာ့တပ်မတော် ကာကွယ်ရေး ဦးစီးချုပ် ဗီယက်နမ်နိုင်ငံ ၀န်ကြီးချုပ်နဲ့ တွေ့ဆုံဆွေးနွေး
2011-11-15
မြန်မာနဲ့ ဗီယက်နမ်နိုင်ငံတို့ အကြား ကာကွယ်ရေး ကဏ္ဍမှာ ပူးပေါင်း ဆောင်ရွက်သွားဖို့ မြန်မာ့ တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်နဲ့ ဗီယက်နမ်နိုင်ငံ ၀န်ကြီးချုပ် ငုယင်တန်ဒေါင်းတို့ တနင်္လာနေ့က ဟနွိုင်းမြို့တော်မှာ ဆွေးနွေး သဘောတူညီခဲ့ကြ ပါတယ်။
ဗိုလ်ချုပ်ကြီး မင်းအောင်လှိုင်ရဲ့ ခရီးစဉ်ဟာ နှစ်နိုင်ငံ ဆက်ဆံရေးကို ပိုပြီးခိုင်မာစေမှာ ဖြစ်ကြောင်း၊ မြန်မာနဲ့ ဗီယက်နမ် နှစ်နိုင်ငံ တပ်မတော်တွေ အကြား ပူးပေါင်း ဆောင်ရွက်ရေး ဆိုင်ရာ နားလည်မှု စာချွန်လွှာ တစ်ခုကို လက်မှတ်ရေးထိုးဖို့ ရှိကြောင်း ဗီယက်နမ် ၀န်ကြီးချုပ်က ပြောပါတယ်။ဦးသိန်းစိန် အစိုးရသစ် လက်ထက်မှာ ပထမဆုံး ကာကွယ်ရေး ဦးစီးချုပ်ဖြစ်လာတဲ့ ဗိုလ်ချုပ်ကြီး မင်းအောင်လှိုင် ပထမဆုံး နိုင်ငံခြား ခရီးစဉ် အဖြစ် ဗီယက်နမ် နိုင်ငံကို အခုလို သွားရောက်တာဟာ အမေရိကန် ပြည်ထောင်စု အပြင် တရုတ်နဲ့ ဆက်ဆံရေး အဆင်မပြေ ဖြစ်နေတဲ့ နိုင်ငံတွေနဲ့ အနီးကပ် ဆက်ဆံလိုကြောင်း ပြသလိုက်တာ ဖြစ်တယ်လို့ မြန်မာ့စစ်ရေး လေ့လာ သုံးသပ်သူ ဦးဌေးအောင်က ပြောပါတယ်။ဗိုလ်ချုပ်ကြီး မင်းအောင်လှိုင်က အခု ဗီယက်နမ် ခရီးစဉ်ဟာ နှစ်နိုင်ငံ စစ်ရေးနဲ့ ကာကွယ်ရေး ပူးပေါင်း ဆောင်ရွက်ရေး ကိစ္စတွေကို မြှင့်တင်ပေးနိုင်မှာ ဖြစ်ကြောင်း ဗီယက်နမ် ၀န်ကြီးချုပ်ကို ပြောကြားခဲ့ပါတယ်။ဒါ့အပြင် နှစ်ဘက် ကိုယ်စားလှယ်တွေ အပြန်အလှန် လည်ပတ်ရေး၊ ကာကွယ်ရေးဆိုင်ရာ မဟာဗျူဟာ ဆွေးနွေးမှု၊ တပ်မတော် ဆေးဘက်ဆိုင်ရာ ပြုစုစောင့်ရှောက်မှု၊ ထောက်လှမ်းရေး သတင်း အချက်အလက် လဲလှယ်မှု၊ လုံခြုံရေး ဆိုင်ရာ စိန်ခေါ်မှုတွေနဲ့ တခြားအကျိုးတူ ကိစ္စတွေမှာ နှစ်နိုင်ငံ ပူးပေါင်း ဆောင်ရွက်သွားဖို့ကိုလည်း ဗိုလ်ချုပ်ကြီး မင်းအောင်လှိုင်နဲ့ ဗီယက်နမ် ၀န်ကြီးချုပ် ငုယင်တန်ဒေါင်းတို့ သဘော တူညီခဲ့ကြတယ်လို့ သိရပါတယ်။

ဒေသတွင်းလုံခြုံရေး အာဆီယံ ၀န်ကြီးများ ဆွေးနွေး
By VOA (မြန်မာပိုင်း)
မြန်မာနိုင်ငံလည်း အဖွဲ့ဝင်ဖြစ်တဲ့ အရှေ့တောင်အာရှ နိုင်ငံများအသင်းရဲ့ နိုင်ငံခြားရေးဝန်ကြီးတွေရဲ့ ဒီကနေ့ စည်းဝေးပွဲမှာ ဒေသတွင်း လုံခြုံရေး ကိစ္စတွေကိုအဓိကထား ဆွေးနွေးခဲ့ကြပါတယ်။

အင်ဒိုနီးရှားနိုင်ငံ ဘာလီကျွန်းမှာလုပ်နေတဲ့ ဒီဆွေးနွေးမှာ အာဆီယံရဲ့ ငြိမ်းချမ်းရေးနဲ့ ပြန်လည်သင့်မြတ်ရေး အဖွဲ့ ဖွဲ့ဖို့၊ တောင်တရုတ် ပင်လယ်ထဲက ပဋိပက္ခမှာ ပါဝင်ပတ်သက်နေတဲ့ နိုင်ငံတွေအနေနဲ့ ကျင့်သုံးဖို့ ထုတ်ပြန်ခဲ့တာတွေကို အကောင်အထည်ဖော်ဖို့နဲ့ နားလည်မှုနဲ့ ပူးပေါင်း ဆောင်ရွက်ရေး စာချွန်လွှာ
ကိစ္စတွေကို ဆွေးနွေးခဲ့ကြပါတယ်။

ဒေသတွင်း အစိုးရိမ်ရဆုံး နိုင်ငံတကာ ပဋိပက္ခဖြစ်တဲ့ ဒီ တောင်တရုတ်ပင်လယ် နယ်မြေပိုင်ဆိုင်မှု အငြင်းပွားနေတဲ့နေတဲ့ ပြဿနာမှာ တရုတ်၊ ထိုင်ဝမ်နဲ့ အာဆီယံ လေးနိုင်ငံဖြစ်တဲ့ ဖိလစ်ပိုင်၊ ဗီယက်နမ်၊ မလေးရှားနဲ့ ဘရူနိုင်း နိုင်ငံတို့ တိုက်ရိုက် ပါဝင် ပတ်သက်နေတာ ဖြစ်ပါတယ်။

အခုလို အာဆီယံနိုင်ငံခြားရေး ၀န်ကြီးတွေရဲ့ စည်းဝေးပွဲ ပြင်ပမှာလည်း စီးပွားရေးနဲ့ ယဉ်ကျေးမှုဆိုင်ရာ ဆွေးနွေးပွဲတွေလည်း နိုင်ငံတွေကြား ဒီကနေ့ ပြုလုပ်ခဲ့ကြပါတယ်။

အင်ဒိုနီးရှားသမ္မတ ဆူဆီလို ဘန်ဘမ်း ယူရို ယူနိုကတော့ စီးပွားရေး ဆွေးနွေးပွဲတခုမှာ သူ့နိုင်ငံအနေနဲ့ ဒီနှစ်ထဲမှာ စီးပွားရေး အလျင်အမြန် ကြီးမားဖို့ ရှိတယ်လို့ မျှော်လင့်ထားတယ်လို့ ဆိုလိုက်ပါတယ်။

ထိုင်းရေဘေး အမေရိကန် ကူမည်
By Zaw Win Hlaing
အမေရိကန် နိုင်ငံခြားရေးဝန်ကြီး ဟီလာရီ ကလင်တန်က ထိုင်းနိုင်ငံ ရေဘေး ဒုက္ခအတွက် ကြီးကြီး မားမား ကူညီပေးမယ်လို့ ဒီကနေ့ ပြောလိုက်ပါတယ်။

နိုင်ငံခြားရေးဝန်ကြီး ကလင်တန်အနေနဲ့ အင်ဒိုနီးရှားနိုင်ငံ ဘာလီကျွန်းက အာဆီယံ အရှေ့တောင် အာရှ နိုင်ငံနိုင်ငံတွေရဲ့ အရှေ့အာရှ ထိပ်သီး အစည်းအဝေးကို အသွား ထိုင်းနိုင်ငံကို ဒီကနေ့ ၀င်ရောက်စဉ်မှာ ဒီအကူအညီပေးဖို့ အသင့်ရှိနေတာကို ကြေငြာမှာ ဖြစ်ပါတယ်။

အမေရိကန်ရဲ့ ထိပ်တန်း သံတမံတဦးအနေနဲ့ ထိုင်းနိုင်ငံ ရေကြီးနေတဲ့ ဒေသတွေကိုလည်း သွားကြည့်မှာ ဖြစ်ပြီး ထိုင်းဝန်ကြီးချုပ် ရင်းလပ် ရှင်နာဝပ်နဲ့လည်း တွေ့ဆုံဖို့ ရှိပါတယ်။

ဝန်ကြီး ကလင်တန်ရဲ့ ဒီခရီးစဉ်ဟာ ကမ္ဘာ့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းရဲ့ လက်ရှိ ထိုင်းနိုင်ငံ ခရီးစဉ်နဲ့လဲ ကြုံကြိုက်နေပါတယ်။

အတွင်းရေးမှူး ဘန်ကီမွန်းကလည်း ထိုင်းဝန်ကြီးချုပ်နဲ့အတူ သတင်းစာ ရှင်းလင်းပွဲ လုပ်ရာမှာ ကမ္ဘာ့ကုလသမဂ္ဂအနေနဲ့ ထိုင်းအစိုးရရဲ့ ရေဘေး ကယ်ဆယ်ရေးလုပ်ငန်းတွေကို ၀ိုင်းကူပေးဖို့ အသင့်ရှိတယ်လို့ ဆိုခဲ့ပါတယ်။

ထိုင်းအစိုးရ အရာရှိတွေကတော့ ထိုင်းရေကြီးမှုဟာ မှန်မှန် ပြန်ကျလာနေပြီး ဘန်ကောက်မြို့ ဘန်ကောက်မြို့မှာတော့ နှစ်ပတ်အတွင်း ရေတွေ ပြန်ကျသွားမယ်၊ အမြန်ဆုံး လမ်းပန်းဆက်သွယ်ရေး အဆောက်အဦးတွေကို ပြန်လည် ပြင်ဆင်ပေးမယ်လို့ ပြောဆိုနေပါတယ်။

အပြောင်းအလဲတွေလေ့လာဖို့ ဗြိတိန်ဝန်ကြီး မြန်မာနိုင်ငံရောက်
By ဒေါ်ခင်မျိုးသက်
မြန်မာအစိုးရသစ်လက်ထက်မှာ ဖေါ်ဆောင်နေတဲ့ ပြုပြင်ပြောင်းလဲမှုတွေကို ဆန်းစစ်လေ့လာဖို့အတွက် ဗြိတိန်နိုင်ငံ၊ အပြည်ပြည်ဆိုင်ရာ ဖွံ့ဖြိုးတိုးတက်ရေးဝန်ကြီး  Andrew Mitchell ဟာ  မြန်မာနိုင်ငံကို အင်္ဂါနေ့မှာ စတင်ရောက်ရှိနေပါတယ်။
တချိန်ထဲမှာပဲ သူရဲ့ မြန်မာနိုင်ငံ ၃ ရက်ကြာခရီးစဉ် အတွင်း မြန်မာနိုင်ငံ၊ ဖွံ့ဖြိုးတိုးတက်ရေးဆိုင်ရာ ဆွေးနွေးမှုတွေ ပြုလုပ်ဖို့ရှိတဲ့ အတွက် မြန်မာနိုင်ငံထဲက တကယ် လိုအပ်နေတဲ့ ဒုက္ခသည်တွေဆီ အကူညီတွေရောက်ဖို့ပါ သေချာအောင်လုပ်ဆောင်သင့်တယ်လို့ ဗြိတိန်နိုင်ငံအခြေစိုက် မြန်မာ့အရေး လှုပ်ရှားနေတဲ့ Burma Campaign UK အဖွဲ့ကြီးက တောင်းဆိုလိုက်ပါတယ်။  အပြည့်အစုံကို ဒေါ်ခင်မျိုးသက်က တင်ပြထားပါတယ်။
ဝန်ကြီး အန်ဒရူးမစ်ချဲလ်ဟာ အင်္ဂါနေ့မှာ  မြန်မာနိုင်ငံကိုရောက်ရှိလာပြီး နေပြည်တော်မှာ  သမ္မတဦးသိန်းစိန်နဲ့ ပြည်ထောင်စုလွှတ်တော် ဥက္ကဋ္ဌ သူရ ဦးရွှေမန်း အပါအ၀င် အစိုးရ ထိပ်တန်း တာဝန်ရှိသူတွေနဲ့ တွေ့ဆုံခဲ့ပါတယ်။
တကယ်လို့ မြန်မာနိုင်ငံမှာ နိုင်ငံရေး အကျဉ်းသားအားလုံးပြန်လွှတ်ပေးတာနဲ့ ဒီမိုကရေစီလမ်းကြောင်းပေါ်ဦးတည်တဲ့ နိုင်ငံရေးလမ်းကြောင်းမှာ  ဒေါ်အောင်ဆန်းစုကြည် ပါဝင်စေတာမျိုး မြန်မာအစိုးရအဖွဲ့ဘက်က လုပ်ဆောင်လာမယ်ဆိုရင် ဗြိတိန်နိုင်ငံက  စီးပွားရေး ပိတ်ဆို့အရေးယူထားမှုတွေ ဖြေလျှော့ပေးဖို့နဲ့  မြန်မာနိုင်ငံ တိုးတက်ဖွံ့ဖြိုးရေးအတွက် ကူညီထောက်ပံ့မှုတွေ တိုးပေးဖို့ ဗြိတိန်နိုင်ငံက အသင့်ပဲလို့ ၀န်ကြီး မစ်ချဲလ်က သမ္မတဦးသိန်းစိန်ကို ပြောကြားခဲ့ကြောင်း ဗြိတိန်နိုင်ငံထုတ်  The Telegraph တယ်လီဂရပ်ဖ် သတင်းမှာ ဖော်ပြထားပါတယ်။
ဗြိတိန်နိုင်ငံအခြေစိုက် မြန်မာ့အရေးလှုပ်ရှားတဲ့ Burma Campaign UK အဖွဲ့ ဒါရိုက်တာ Mark Farmaner ကတော့ ၀န်ကြီး မစ်ချဲလ် မြန်မာနိုင်ငံကို မသွားခင် မြန်မာအစိုးရသစ် အဖွဲ့ရဲ့လုပ်ဆောင်မှုတွေကို လက်တွေ့ လေ့လာဆန်းစစ်ပြီးမှ အပြောင်းအလဲတွေ တကယ်ရှိမရှိ ဆုံးဖြတ်မယ်လို့ ပြောဆိုခဲ့တယ်လို့ ဆိုပါတယ်။
“ သူပြောခဲ့တဲ့ စကားတွေထဲက  အရေးကြီးတဲ့စကားတခွန်းက  မြန်မာအစိုးရနဲ့  အရင်ဆက်ဆံခဲ့တဲ့ အတွေ့အကြုံတွေအရဆိုရင်  သူတို့ ပြောစကားတွေကို မယုံသင့်တဲ့အတွက်  သူတို့ရဲ့အပြောထက်  လက်တွေ့လုပ်ဆောင်ပြတာကို ကြည့်ပြီးမှ  ကိုယ်တိုင်ဆုံးဖြတ်မှာပါလို့ ပြောခဲ့တာပါ။  ဒါ့ပြင် အခုထိ သူတို့ လုပ်ဆောင်မှုတွေအရဆိုရင်  sanction နဲ့ အရေးယူမှုတွေ ရုပ်သိမ်းပေးရလောက်အောင်  တကယ်စစ်မှန်တဲ့ ပြောင်းလဲမှုတွေဖြစ်လာဖို့က သိပ်ကို လိုနေပါသေးတယ်လို့လည်း ပြောပါတယ်”
မြန်မာနိုင်ငံမှာ ဒေါ်အောင်ဆန်းစုကြည်ကို နေအိမ်အကျယ်ချုပ်ကနေ လွှတ်ပေးတာနဲ့ နိုင်ငံရေးအကျဉ်းသားတချို့ကို လွှတ်ပေးတာအပြင် လွတ်လပ်စွာ ထုတ်ဖော်ပြောဆိုမှုတချို့ကို ခွင့်ပြုခဲ့တာတွေ ရှိခဲ့ပေမယ့် တကယ်စစ်မှန်တဲ့ ပြောင်းလဲမှုတွေလုပ်ဖို့ လိုနေသေးတယ်လို့ ဆိုပါတယ်။
“ မြန်မာနိုင်ငံမှာ နိုင်ငံရေးအကျဉ်းသားအားလုံးကို လွှတ်ပေးတာ မြင်ချင်တယ်လို့လည်း သူကပြောပါတယ်။  နောက် တိုင်းရင်းသားဒေသတွေမှာ  ဖြစ်ပွားနေတဲ့  တိုက်ပွဲတွေ ရပ်ဆိုင်းဖို့နဲ့ မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှုတွေ အခုလောက်နဲ့ မလုံလောက်သေးဘူးဆိုတဲ့အကြောင်း မြန်မာအာဏာပိုင်တွေသိအောင်  ပြင်းပြင်းထန်ထန် ပြောကြားမှာဖြစ်ပြီး တကယ်လို့ အရေးယူဒဏ်ခတ်မှုတွေ ဖယ်ရှားပေးစေချင်ရင် တကယ်စစ်မှန်တဲ့  ပြောင်းလဲမှုတွေလုပ်ဖို့ တိုက်တွန်းမယ် လို့လည်း မစ္စတာ မစ်ချဲလ်ကပြောပါတယ်”
လက်ရှိမှာ မြန်မာနိုင်ငံတွင်း တိုင်းရင်းသားဒေသတွေမှာ တိုက်ပွဲတွေ ဖြစ်ပွားနေတာမို့ ဒုက္ခသည်အရေအတွက်ဟာ အရင်ကထက် ၂ ဆ များလာတာ တွေ့ရပေမယ့် ဗြိတိန်နိုင်ငံက အကူအညီထပ် တိုးပေးတာမျိုးမရှိသေးဘူးလို့ ဆိုပါတယ်။ အကယ်လို့ ထောက်ပံ့ကူညီမှုတွေ ပေးမယ်ဆိုရင်လည်း တကယ့် ဒုက္ခသည်တွေဆီ ရောက်အောင် လုပ်ပေးဖို့လည်း တောင်းဆိုလိုက်ပါတယ်။
“ Andrew Mitchell ဟာ မြန်မာနိုင်ငံအတွက် ကူညီထောက်ပံ့မှုတွေပေးရာမှာ တာဝန်ရှိသူ ၀န်ကြီးတဦးပါ။  သူဟာ ဗြိတိန်နိုင်ငံရဲ့ နိုင်ငံတကာ ဖွံ့ဖြိုးတိုးတက်ရေး ဆိုင်ရာကူညီမှုတွေကို ကိုင်တွယ်သူမို့ အခု မြန်မာနိုင်ငံကို ကူညီထောက်ပံ့မှုတွေ ပေးမယ်ဆိုရင် တကယ်လိုအပ်နေတဲ့ သူတွေဆီရောက်မရောက် သေချာအောင် လုပ်ဖို့ လိုပါတယ်”
ပြီးခဲ့တဲ့နှစ်ထဲမှာ ကရင်ပြည်နယ်၊ ရှမ်းပြည်နယ်နဲ့ ကချင်ပြည်နယ်တွေမှာ တိုင်းရင်းသားတွေနဲ့ အပစ်အခတ်ရပ်စဲထားတာကို ချိုးဖောက်ပြီး မြန်မာအစိုးရဘက်က စစ်ရေးတိုက်ခိုက်မှုတွေကြောင့် အိုးအိမ်စွန့်ခွာ ထွက်ပြေးခဲ့ကြရတဲ့ ဒုက္ခသည်ပေါင်း ၁ သိန်းခွဲလောက် ရှိလာခဲ့တာမို့ ဒီဒုက္ခသည်တွေအတွက် ဗြိတိန်နိုင်ငံရဲ့ အကူညီ တိုက်ရိုက်ပေးခွင့်မရခဲ့ရင် နယ်စပ်ကျော်ဖြတ်ပြီး အိမ်နီးချင်းနိုင်ငံတွေကနေတဆင့် ကုလသမဂ္ဂအကူအညီနဲ့ ပေးအပ်ဖို့လည်း တောင်းဆိုခဲ့တာပါ။
ဝန်ကြီးမစ်ချဲလ်ဟာ မြန်မာ့အရေးကို တစိုက်မတ်မတ် လုပ်ဆောင်ခဲ့သူမို့ အခုလည်း မြန်မာနိုင်ငံက ဒုက္ခသည်တွေကို ထဲထဲဝင်ဝင် ကူညီနိုင်မယ်လို့ မျှော်လင့်ထားကြောင်းလည်း ပြောပါတယ်။
“Andrew Mitchell ဟာ မြန်မာ့အရေးကို အရင်နှစ်ပေါင်းများစွာကတည်းက စိတ်ဝင်စားခဲ့သူပါ။  လွန်ခဲ့တဲ့နှစ် သိပ်မကြာခင်ကပဲ သူ မြန်မာနိုင်ငံကို သွားခဲ့ပါသေးတယ်။ အဲဒီတုန်းက ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်နဲ့ တွေ့ဆုံခဲ့သူပါ။  သူဟာ မြန်မာနိုင်ငံ၊ ကရင်ပြည်နယ်ထဲက တိုက်ပွဲတွေဖြစ်နေတဲ့နေရာကိုလည်း  ကိုယ်တိုင်လေ့လာဖို့ သွားရောက်ခဲ့သူမို့ပါ”
မစ္စတာ မစ်ချဲလ်ဟာ နိုဝင်ဘာလ ၁၇ ရက်နေ့မှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ ရှိတယ်လို့ ဒေါ်အောင်ဆန်းစုကြည်ရဲ့ လက်ထောက်တဦးဖြစ်သူ ဦးခွန်သာမြင့်က VOA ကိုအတည်ပြုပြောဆိုပါတယ်။

သမ္မတအိုဘားမား သြစတြေးလျားခရီးဆက်
By ဗွီအိုအေ (မြန်မာဌာန)
အမေရိကန်သမ္မတ ဘာရက်အိုဘားမားဟာ အေပက် APEC ထိပ်သီးညီလာခံကျင်းပရာ ဟာဝိုင်အီကနေ သြစတြေးလျားကို မနေ့က နိုဝင်ဘာလ ၁၄ ရက်နေ့ နေ့လည်မှာ ထွက်ခွာသွားခဲ့ပါပြီ။ သြစတြေးလျားခရီးစဉ်ဟာ သမ္မတအိုဘားမား မကြာခဏစီစဉ်ပြီးမှ ရွှေ့ဆိုင်းခဲ့ရတာတွေရှိခဲ့ပြီးတော့ အခုအခါမှာတော့ စီးပွားရေးနဲ့ လုံခြုံရေးတွေကို ၂ နိုင်ငံခေါင်းဆောင်တွေ ဆွေးနွေးကြမှာ  ဖြစ်ပါတယ်။
ဒီနေ့ ဗုဒ္ဓဟူးနေ့မှာ မြို့တော် ကမ်ဘာရာကို ဆိုက်ရောက်လာမယ့် သမ္မတအိုဘားမားဟာ သြစတြေးလျားဝန်ကြီးချုပ် ဂျူလီယာဂေးလပ်နဲ့ (Julia Gillard) တွေ့ဆုံဆွေးနွေးကြပြီးတဲ့နောက် ၂ ဦးပူးတွဲ သတင်းစာရှင်းလင်းပွဲလည်း ပြုလုပ်မှာဖြစ်ပါတယ်။
မနက်ဖြန် ကြာသာပတေးနေ့မှာ သြစတြေးလျားပါလီမန်မှာ သမ္မတအိုဘားမားက မိန့်ခွန်းပြောကြားမှာ ဖြစ်ပါတယ်။ အဲဒီနောက်မှာတော့ သြစတြေးလျားမြောက်ပိုင်းက မြို့တော် ဒါဝင်ကို သွားရောက်ပြီးတော့ ဒါဝင်မှာ အမေရိကန်မရိန်းတပ်စခန်းတခု အသစ်ဖွင့်လှစ်မယ့် အစီအစဉ်ကို ကြေညာမှာဖြစ်ပါတယ်။
အခု ခရီးစဉ်ဟာ အမေရိကန် သြစတြေးလျား ကာကွယ်ရေးပူးတွဲစာချုပ်တရပ် ချုပ်ဆိုခဲ့တဲ့ နှစ် ၆၀ ပြည့်မြောက်တဲ့ အထိမ်းအမှတ် ခရီးလည်း ဖြစ်ပါတယ်။

မြန်မာကို အပြည့်အ၀ ကူညီရေး ဂျပန်စောင့်ကြည့်
By Brian Padden
မြန်မာနိုင်ငံမှာ ဗိုလ်ချုပ်ကြီးဟောင်းတွေ ဦးဆောင်တဲ့ အရပ်သားအစိုးရဆိုတာ တက်လာပြီးတဲ့နောက်ပိုင်း ဖြစ်လာတဲ့ အခြေအနေတွေ အပေါ်မှာ နိုင်ငံတကာကတော့ အတော်လေးကို အကောင်းမြင်သဘောနဲ့ တုန့်ပြန်လာကြပါတယ်။ ၂၀၁၄ ခုနှစ်မှာ အရှေ့တောင်အာရှနိုင်ငံများအဖွဲ့ ASEAN ရဲ့ ဥက္ကဋ္ဌအဖြစ် မြန်မာနိုင်ငံကို တာဝန်ပေးဖို့ အာဆီယံနိုင်ငံခြားရေး ၀န်ကြီးတွေက ထောက်ခံထားပြီး ဖြစ်သလို ရင်းနှီးမြှုပ်နှံမှုနဲ့ ကူညီ ထောက်ပံ့တာတွေလည်း ၀င်လာဖွယ်ရှိနေပြီလို့ ဗွီအိုအေ သတင်းထောက် Brian Padden က အင်ဒိုနီးရှားနိုင်ငံ၊ ဂျကာတာမြို့တော်ကနေ သတင်းဆောင်းပါး ပေးပို့ထားတာကို ကိုကျော်ကျော်သိန်းက တင်ပြပေးထားပါတယ်။

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နေအိမ် အကျယ်ချုပ် ချထားတာကနေ လွှတ်ပေးခဲ့ပြီးတဲ့နောက် လူတွေရဲ့ အခြေခံ လိုအပ်ချက်အတွက် တရားဝင် ဖွံ့ဖြိုးတိုးတက်ရေး အကူအညီတွေ ဂျပန်နိုင်ငံက ပြန်ပေးခဲ့တယ်လို့ ဂျပန် ဒုတိယနိုင်ငံခြားရေးဝန်ကြီး Kimihiro Ishikane က က အင်ဒိုနီးရှားနိုင်ငံ၊ ဂျကာတာမြို့မှာကျင်းပနေတဲ့ အာဆီယံထိပ်သီး အစည်းအဝေးအကြို၊ ၀န်ကြီးအဆင့် အစည်းအဝေးအတွင်း ဗုဒ္ဓဟူးနေ့က ပြောခဲ့ပါတယ်။

“မြန်မာနိုင်ငံနဲ့ အပြည့်အ၀ ပူးပေါင်းဆောင်ရွက်တာတွေ ပြန်စတဲ့အဆင့်ထိတော့ ကျနော်တို့ မရောက်သေး ပါဘူး။ မြန်မာနိုင်ငံမှာ အခုဖြစ်နေတဲ့ အပေါင်းလက္ခဏာဆောင်တဲ့ ဖြစ်ပေါ်တိုးတက်မှုတွေကို ကျနော်တို့ သတိ ကြီးကြီးထားပြီး ဆက်လက် စောင့်ကြည့်နေပါတယ်။ ဒါပေမဲ့လည်း မြန်မာအစိုးရက နည်းလမ်း အမျိုးမျိုးနဲ့ လုပ်ဆောင်နေတဲ့ အခုလမ်းကြောင်း ကို ထောက်ခံပေးသွားဖို့ ကတော့ ကျနော်တို့ အသေအချာကို အဆင်သင့်ရှိနေပါတယ်။”

အဖွဲ့ဝင် ဆယ်နိုင်ငံပါ အာဆီယံအဖွဲ့ရဲ့ အလှည့်ကျဥက္ကဋ္ဌအဖြစ် ၂၀၁၄ ခုနှစ်မှာ မြန်မာနိုင်ငံ ထမ်းဆောင်ရေး အာဆီယံနိုင်ငံခြား ရေးဝန်ကြီးတွေက တညီတညွတ်ထဲ ထောက်ခံခဲ့ကြပြီးတဲ့နောက်မှာ ဂျပန် ဒုတိယ နိုင်ငံခြားရေးဝန်ကြီးက အဲဒီလို ပြောခဲ့တာပါ။

မြန်မာအစိုးရက ဆက်ပြီး အကျဉ်းချထားဆဲရှိတဲ့ နိုင်ငံရေးအကျဉ်းသားတွေကို လွှတ်ပေးဖို့နဲ့ အတိုက်အခံ ပါတီတွေအားလုံးကို နိုင်ငံရေးစနစ်ထဲမှာ အပြည့်အ၀ ပါဝင်ခွင့် ပေးရေးတို့ဟာ မြန်မာနိုင်ငံ၊ ဒေသတွင်းနဲ့ ကမ္ဘာကြီးရဲ့ စီးပွားရေး အကျိုးဖြစ်ထွန်းဖို့ပါပဲလို့ Ishikane က ပြောပါတယ်။

အာဆီယံ ဒေသတခုလုံးအနေနဲ့ ဆိုရင် စီးပွားရေး တိုးတက်နေပြီး ဂျပန်၊ အမေရိကန်နဲ့ ဥရောပ နိုင်ငံတွေဆီကနေ ကုန်သွယ်ရေးနဲ့ ရင်းနှီးမြှုပ်နှံမှုဆိုင်ရာ အခွင့်အလန်းတွေ ၀င်လာနေတယ်လို့ လက်ရှိ အာဆီယံ အလှည့်ကျဥက္ကဋ္ဌ အင်ဒိုနီးရှားနိုင်ငံသမ္မတ ဆူဆီလို ဘမ်ဘန်း ယူဒိုယိုနိုက ပြောပါတယ်။

အာဆီယံဒေသရဲ့ အားနည်းချက်တခုက အခြေခံအဆောက်အအုံပိုင်း လျော့နည်းတာဖြစ်တယ်လို့ ဂျပန် ဒုတိယနိုင်ငံခြားရေး ၀န်ကြီး Ishikane က ပြောပါတယ်။

မြန်မာနိုင်ငံ ကိစ္စမှာဆိုရင် အခြေခံအဆောက်အအုံပိုင်း အားနည်းချို့တဲ့တာနဲ့ စီးပွားရေး အရ တသီးတခြား အထီးကျန် ဖြစ်နေတာတွေက မဲခေါင်ဒေသကနေ အိန္ဒိယနိုင်ငံဆီ တိုက်ရိုက် ကုန်သွယ်ရေးလမ်းကြောင်း ဖွင့်နိုင်ဖို့ရာမှာ အတားအဆီး ဖြစ်နေတယ်လို့ သူကဆိုပါတယ်။