16.11.2011 နေ့ဖတ်ရန်သတင်းများ

by Myanmar Journal on Wednesday, November 16, 2011 at 7:01am

 

 

ဗြိတိန် ဝန်ကြီးရဲ့ မြန်မာနိုင်ငံ ခရီးစဉ် စတင်

မြန်မာ နိုင်ငံကို သွားသင့်တယ် ဆိုတာ ဆုံး ဖြတ်နိုင်ဖို့ လုံလောက်တဲ့ တိုးတက်မှုတွေရ ပြီလို့ဆို
ဗြိတိန်နိုင်ငံရဲ့ နိုင်ငံတကာ ဖွံ့ဖြိုး တိုးတက်ရေး ဆိုင်ရာ ဝန်ကြီး Andrew Mitchell ဟာ ၃ရက်ကြာ ခရီးစဉ် အဖြစ် မြန်မာနိုင်ငံမှာ ရောက်ရှိနေပါတယ်။
သူ့ရဲ့ ခရီးစဉ် အတွင်း အစိုးရ ထိပ်တန်း ခေါင်းဆောင်ပိုင်းနဲ့ တွေ့ဆုံမှာ ဖြစ်သလို ဒေါ်အောင်ဆန်းစုကြည်နဲ့လည်း တွေ့ဆုံဖို့ ရှိတယ်လို့ သိရပါတယ်။
ခရီးစဉ် ပထမနေ့ ဖြစ်တဲ့ အင်္ဂါနေ တုန်းကတော့ သူဟာ မြန်မာ နိုင်ငံ ဒုတိယ သမ္မတ သီဟသူရ ဦးတင်အောင်မြင့်ဦး နဲ့ တွေ့ဆုံ ခဲ့ပါတယ်။
မြန်မာအစိုးရသစ် စတင် ဆောင်ရွက်နေတဲ့ ပြုပြင်ပြောင်းလဲမှုတွေ အရ သတိကြီးကြီးနဲ့ အကောင်းဖက်က ပြောဆိုမှုတွေ ပေါ်ပေါက်လာခဲ့တယ်လို့ မစ္စတာ Mitchell က ဘီဘီစီကို ပြောပါတယ်။

ဒါပေမယ့်လည်း မြန်မာ အစိုးရအနေနဲ့ ဒါ့ထက် ပိုဆောင်ရွက် ပြဖို့ လိုနေပြီး နောက်ထပ် နိုင်ငံရေး အကျဉ်းသားတွေ ထပ်လွှတ်ပေးတာမျိုး၊ အတိုက်အခံတွေနဲ့ စစ်မှန်တဲ့ တွေ့ဆုံဆွေးနွေးမှုမျိုးတွေ၊ ဒေါ်အောင်ဆန်းစုကြည်ရဲ့NLD ပါတီကို လာမယ့် ရွေးကောက်ပွဲတွေမှာ ပါဝင် ခွင့်ပြုတာမျိုးတွေ လုပ်ဖို့ မစ္စတာ Mitchellက တိုက်တွန်း ပြောဆိုသွားပါတယ်။
တခါ တိုင်းရင်းသား နယ်မြေတွေမှာ တိုက်ပွဲတွေ ဆက်ဖြစ်နေတာနဲ့ ပတ်သက်လို့ စိုးရိမ်မကင်း ဖြစ်မိကြောင်းကိုလည်း မစ္စတာ Mitchell က ထုတ်ဖေါ် ပြောသွားပါတယ်။

အာဆီယံ ဥက္ကဌနေရာ မြန်မာရဖို့ နိုင်ငံခြားရေး ဝန်ကြီးတွေ ထောက်ခံ
မြန်မာနိုင်ငံမှာ ပြောင်းလဲမှုအရှိန်ကို ဆက်ထိန်း သွားဖို့ လိုတယ်လို့ နာတလီ ဂါဝါက ပြော
အင်ဒိုနီးရှားနိုင်ငံ ဘာလီကျွန်းမှာ အင်္ဂါ နေ့က ကျင်းပခဲ့တဲ့ အာဆီယံ နိုင်ငံခြားရေး ဝန်ကြီးများ အစည်းအဝေးမှာ ၂၀၁၄ ခုနှစ် အာဆီယံ ဥက္ကဌနေရာ မြန်မာနိုင်ငံရရေး လျှောက်ထားချက် အပေါ် အဖွဲ့ဝင်နိုင်ငံတွေ ရဲ့ နိုင်ငံခြားရေး ဝန်ကြီးတွေက ထောက်ခံ ခဲ့ကြတယ်လို့ မြန်မာနိုင်ငံခြားရေး ဝန်ကြီး ဦးဝဏ္ဏမောင်လွင်က အစည်းအဝေး အပြီး မှာ သတင်းထောက်တွေကို ပြောကြားလိုက် ပါတယ်။
အာဆီယံ ဥက္ကဌ နေရာ မြန်မာနိုင်ငံ ရလာမယ်ဆိုရင် မြန်မာနိုင်ငံ အနေနဲ့ တခြား အာဆီယံ နိုင်ငံများနည်းတူ အာဆီယံအဖွဲ့အစည်းတွင်းမှာလည်း တာဝန်ရှိတဲ့ အဖွဲ့ အစည်းတရပ် အနေနဲ့ ဆောင်ရွက်နိုင်မယ်၊ နိုင်ငံတကာ အသိုင်းအဝိုင်းထဲမှာလည်း တာဝန်ကျေပြွန်တဲ့၊ တာဝန် ယူနိုင်တဲ့ နိုင်ငံ တစ်နိုင်ငံအဖြစ် တရားဝင် ကျယ်ကျယ်ပြန့်ပြန့် ဆောင်ရွက်နိုင်မယ်လို့ ထင်ကြောင်း မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင်က ပြောသွားပါတယ်။
တခါ နိုင်ငံခြားရေး ဝန်ကြီးတွေ အကြား ပြောဆို ဆွေးနွေးခဲ့မှုတွေအရ မြန်မာနိုင်ငံမှာ လတ်တလော နိုင်ငံရေး ပြုပြင် ပြောင်းလဲမှု တွေ ထင်ထင်ရှားရှား ရှိနေတယ် ဆိုတာကို အဖွဲ့ဝင်အားလုံးက လက်ခံကြတယ်လို့ လက်ရှိ အာဆီယံ ဥက္ကဌ အင်ဒိုနီးရှား နိုင်ငံခြားရေး ဝန်ကြီး မာတီ နာတလီ ဂါဝါကလည်း ပြောပါတယ်။
ဒါပေမဲ့ မြန်မာအစိုးရ အနေနဲ့ ဒီအပြောင်းအလဲ အရှိန်ကိုတော့ ထိန်းရမယ်လို့ အင်ဒိုနီးရှား နိုင်ငံခြားရေး ဝန်ကြီးက ပြောပါတယ်။
၂၀၁၄ ခုနှစ်အတွက် အာဆီယံ ဥက္ကဌ နေရာ မြန်မာနိုင်ငံကို ပေးမပေး အတည်ပြု ဆုံးဖြတ် ချက်ကိုတော့ လာမယ့် နိုဝင်ဘာ ၁၇ ရက်နေ့မှာ စတင်မယ့် အာဆီယံ ထိပ်သီး အစည်းအဝေး ပွဲမှာ ဆုံးဖြတ်ဖွယ် ရှိပါတယ်။

နယူးယောက် Wall Street ကို ရဲက ရှင်းလင်း
ဆန္ဒပြသူ အများစုက အေးအေးချမ်းချမ်း ထွက်ခွာ သွားခဲ့
အမေရိကန် နိုင်ငံ New York မြို့ ဘဏ်လုပ်ငန်း ရပ်ကွက်က ပန်းခြံ တခုမှာ စက်တင်ဘာ လကတည်းက စခန်း ချပြီး Wall Street ဘဏ် လုပ်ငန်းရှင် တွေအပေါ် ဆန့်ကျင် ဆန္ဒပြ နေကြသူ တွေကို ရဲတွေက ရှင်းလင်း ဖယ်ရှား လိုက်ပြီ ဖြစ် ပါတယ်။
အဓိကရုဏ်း နှိမ်နှင်းရေး ဝတ်စုံတွေ ဝတ်ဆင်ထားကြတဲ့ ရဲ ရာပေါင်းများစွာ ဟာ ဆန္ဒပြ သူတွေကို တနင်္လာနေ့ညက ညတွင်းချင်း ဖယ်ရှား ခဲ့တာ ဖြစ်ပါတယ်။
ဆန္ဒပြသူ တချို့ဟာ အချင်းချင်း ချည်နှောင် ချိတ်ဆက်ပြီး ဆန္ဒပြနေခဲ့ကြတာပါ။
လူ ၇၀ လောက်ကို ဖမ်းဆီး ခဲ့တယ်လို့ သိရ ပါတယ်။
သူတို့ စခန်းချ နေတဲ့ နေရာ တွေကို သန့်ရှင်း ပြီးတာနဲ့ တပြိုင်နက် ယာယီ တဲတွေ မပါပဲ အဲဒီ နေရာကို ဆန္ဒပြ သူတွေ ပြန်သွား နိုင်တယ်လို့ New York အာဏာပိုင် တွေက ပြောပါတယ်။
အလားတူ ဆန့်ကျင် ဆန္ဒပြမှု တွေကို ကမ္ဘာတဝန်း တခြား မြို့ကြီး တွေမှာလည်း လုပ်ခဲ့ကြ ပါတယ်။

အာဆတ်ရာထူးကဆင်းဖို့ ဂျော်ဒန်ဘုရင်တောင်းဆို
ဂျော်ဒန် ဘုရင် အဒ္ဗူလာက ဆီးရီးယား သမ္မတကို ရာထူးက ဆင်းဖို့ တိုက်တွန်း
အာရပ် နိုင်ငံ ခေါင်းဆောင်တွေ ထဲမှာ ဂျော်ဒန် ဘုရင် အဒ္ဗူလာဟာ ဆီးရီးယား သမ္မတကို ရာထူးက ဆင်းပေးဖို့ တောင်း ဆိုတဲ့ ပထမဆုံး ခေါင်းဆောင် ဖြစ်လာ ပါတယ်။
သမ္မတ အာဆတ် အနေနဲ့ စည်းကမ်းတကျ အာဏာ လွှဲပေးဖို့ ကိစ္စ စကားပြောဖို့ ဂျော်ဒန် ဘုရင်က တိုက်တွန်း လိုက်ပါတယ်။
အာရပ် နိုင်ငံ အတော်များများက ဆီးရီးယားက အကြမ်းဖက် ဖိနှိပ်မှုတွေကို ပြစ်တင် ရှုံချခဲ့ပြီး အာရပ် အဖွဲ့ချုပ်ကလည်း အာရပ် နိုင်ငံတွေရဲ့ သံတမန်တွေကို ဆီးရီးယားကနေ ပြန်ခေါ်ဖို့ တိုက်တွန်းခဲ့ပြီးနောက် ဆော်ဒီနဲ့ ကာတာ သံ အမတ်တွေ သက်ဆိုင်ရာ နိုင်ငံတွေကို ပြန်သွား ကြပါတယ်။
ဒါပေမယ့် ဂျော်ဒန် ဘုရင်ကတော့ သမ္မတ အာဆတ်ကို ရာထူးက ဆင်းပေးဖို့ထိ ပြောလာ ပါတယ်။
ဂျော်ဒန်ဟာ ဆီးရီးယားရဲ့ အိမ်နီးချင်း ဖြစ်ပြီး ဆီးရီးယား အစိုးရရဲ့ ဆန္ဒပြမှုတွေကိုကိုင် တွယ်ပုံကို ပိုပို ဝေဖန်လာပါတယ်။
အီးယူနဲ့ အမေရိကန် နှစ်နိုင်ငံ စလုံးက အာဆတ်ရဲ့ အာဏာဟာ တရား မဝင်တော့ဘူးလို့ ပြောပေမယ့် စစ်ရေးအရ ဝင်စွက်ဖို့ မရှိဘူးလို့ ဆိုပါတယ်။
ဆီးရီးယားကို နိုင်ငံတကာ ဖိအားပေးမှုတွေ ပိုများလာပြီး မနေ့က အီးယူက ဆီးရီးယား အဆင့်မြင့် အရာရှိ ဆယ့်ရှစ်ယောက်ကို ခရီးသွားခွင့် ပိတ်ထားတဲ့ စာရင်းထဲ ထည့်လိုက် သလို ဥရောပ ရင်းနှီး မြှတ်နှံမှု ဘဏ်ကနေ ဆီးရီးယားက ပိုက်ဆံ ရွှေ့ပြောင်းတာတွေ မလုပ်နိုင်အောင် တားဖို့လည်း ခွင့်ပြုမိန့် ပေးလိုက်ပါတယ်။
ကုလသမဂ္ဂကလည်း ဆီးရီးယားကို ဒဏ်ခပ် ပိတ်ဆို့မှု လုပ်လာဖို့ မျှော်လင့်တယ်လို့ ပြင်သစ် ဝန်ကြီး တယောက်က ပြောပါတယ်။
ဒါပေမယ့် ရုရှနဲ့ တရုတ်က ဆီးရီးယားကို ပိတ်ဆို့ဖို့ ကုလသမဂ္ဂက ပြီးခဲ့တဲ့လက ကြိုးပမ်း မှုကို ဗီတိုသုံး ပယ်ချ ခဲ့ပါတယ်။
ရှရှက ဆိုရင် အာရပ် အဖွဲ့ချုပ်က ဆီးရီးယားကို အဖွဲ့ဝင် အဖြစ်က ဆိုင်းငံ့ဖို့ ဆုံးဖြတ်တာကို ဒေါသတကြီး ပြစ်တင် ပြောဆိုခဲ့ပါတယ်။
ဒီအတော အတွင်းမှာ ဆီးရီးယား အာဏာပိုင်တွေက အစိုးရကို ဆန့်ကျင် ဆန္ဒပြသူတွေကို ဆက်လက် ဖိနှိပ်နေပြီး မနေ့က တရက်ထဲမှာ လူလေးငါးဆယ် ဝန်းကျင် သေဆုံးခဲ့ပြီး အဲဒိ ထဲမှာ လုံခြုံရေး တာဝန်ရှိသူ တဝက်လောက် ပါတယ်ဆိုတဲ့ သတင်းတွေ ပေါ်ထွက်နေပါ တယ်။
ဒီအရေအတွက်ကို အတည် မပြုနိုင်ပေမယ့် ကုလသမဂ္ဂရဲ့ ခန့်မှန်းချက် အရတော့ မတ်လ ဆန္ဒပြမှုတွေ စချိန်က စပြီး ကနေ့ထိ သေဆုံးသူ သုံးထောင့် ငါးရာ ရှိသွားပြီလို့ သိရပါတယ်။

Oakland မြို့တော်ဝန် Jean Quanအရင်းရှင်စံနစ် တိုက်ဖျက်ရေး ဆန္ဒပြစခန်း အမေရိကန် ပိတ်ပစ်
အမေရိကန် ပြည်ထောင်စု တလွှားမှာ ပြန့်နှံ့ ဖြစ်ပွားနေတဲ့ အရင်းရှင် စံနစ် ဆန့်ကျင်ရေး ဆန္ဒပြစခန်းတွေ တခုဖြစ်တဲ့ ကယ်လီဖိုးနီးယား ပြည်နယ်က စခန်းကို အာဏာပိုင်တွေက ပိတ်ပစ် လိုက်ပါတယ်။
အာရုံတက် အချိန်လောက်မှာ San Francisco တလွှား Oakland က အဲဒီ ဆန္ဒပြ စခန်းကို အဓိကရုန်း ရဲတွေက ရှင်းပစ်ခဲ့ပြီး လူသုံးဆယ်ကို ဖမ်းဆီး လိုက်ပါတယ်။
ဒီစခန်းမှာ ရာဇဝတ်မှု ဆိုင်ရာ အကြမ်းဖက်မှုတွေ ထပ်တလဲလဲ ဖြစ်ပွားခဲ့တယ်လို့ အုတ်ကလန် မြို့တော်ဝန် က ပြောပါတယ်။
အောက်တိုဘာလ တုန်းကလည်း အခုလို ဆန္ဒပြစခန်းကို ပိတ်ဖို့ ကြိုးစားခဲ့တာကြောင့် အဓိကရုန်းတွေ ဖြစ်ခဲ့ပြီး ဆန္ဒပြသမား တယောက်ဖြစ်တဲ့ ရေတပ် စစ်သားဟောင်း အပြင်းအထန် ဒဏ်ရာရခဲ့ပါတယ်။

ဂရိ ဝန်ကြီးချုပ်သစ် Lucas Papademosယူရိုဇုံ ပြဿနာ ဂရိနဲ့ အီတလီအပြင် စပိန်ကို ကူးစက်ပြီ
ဂရိနိုင်ငံ အတွက် တခုတည်းသော နည်းလမ်းဟာ ယူရိုဇုံ ထဲမှာနေပြီး EU ရဲ့ ယုံကြည်မှုရလာအောင် လုပ်ဆောင်ဖို့ ဖြစ်တယ်လို့ ဝန်ကြီးချုပ်သစ် Lucas Papademos က ပြောပါတယ်။
လက်ရှိ စီးပွားရေး ပြဿနာကြောင့် ဂရိခ် ပြည်သူတွေ အနစ်နာခံ ရတာတွေ အချည်းနှီး မဖြစ်စေရ ပါဘူးလို့ သူ့အစိုးရ လုပ်ဆောင်မယ့် အစီအစဉ်တွေကို ပါလီမန်မှာ ချပြရာမှာ သူက ပြောသွားခဲ့ပါတယ်။
ဂရိစ် အနေနဲ့ အခြေခံကျတဲ့ အခွန်ကောက်ခံ ခြင်းဆိုင်ရာ ပြုပြင် ပြောင်းလဲမှုတွေ အလျင်အမြန် ချမှတ်ဆောင်ရွက်ဖို့နဲ့ အခွန်ရှောင်မှုတွေကို ထိထိရောက်ရောက် တိုက်ဖျက်ဖို့ လိုနေပြီလို့ သူက ဆိုပါတယ်။
အရင် အစိုးရရဲ့ ပေါ်လစီတွေက ဂရိ ကြွေးမြီ ပြဿနာကို ပိုမို ဆိုးရွားစေတယ်လို့ သူက ပြစ်တင် ပြောဆိုလိုက်ပါတယ်။
ဒါပေမယ့် သူ့ရဲ့ အမျိုးသား ညီညွတ်မှု အစိုးရ အနေနဲ့ အနာဂတ် အတွက် လုပ်ရမယ့် တာဝန်တွေက သိတ်ကြီးမားလွန်းပြီး ပထမ ဦးစားပေး အနေနဲ့ သဘောတူညီမှု ရပြီးသား ဖြစ်တဲ့ ဥရောပ သမဂ္ဂရဲ့ အရစ်ကျ ချေးငွေတွေ ပြန်ရအောင် လုပ်ဆောင်ဖို့နဲ့ ဒါပြီးရင် နောက်ထပ် ဘဏ္ဍာရေး အကူအညီ ထပ်ရဖို့ လုပ်ဆောင်သွားမယ်လို့ ပြောပါတယ်။

အီတလီ ဝန်ကြီးချုပ်သစ် Mario Montiတချိန်တည်းမှာ အီတလီမှာတော့ ဝန်ကြီးချုပ်သစ်က အစိုးရသစ် ဖွဲ့ဖို့ ကြိုးစားနေချိန်မှာ အစိုးရရဲ့ အကြွေးတွေ အတွက် ပေးရတဲ့ အတိုးနှုန်းဟာ ခြောက်ရာခိုင်နှုန်း အထက်မှာ ဆက်ရှိ နေပါတယ်။
အရင် ဥရောပ ကော်မရှင်နာ မင်းကြီး ဘောဂဗေဒနဲ့ ဘွဲ့ရတဲ့ ဝန်ကြီးချုပ်သစ် မာရီယို မွန်တီက သူ့ အစိုးရဟာ ၂၀၁၃ ရွေးကောက်ပွဲ ကျင်းပချိန်ထိ မြဲနေလိမ့်မယ်လို့ မျှော်လင့်ကြောင်း ပြောပါတယ်။
ဒါပေမယ့် အီတလီရဲ့ စီးပွားရေး ပြဿနာတွေကို အစိုးရသစ်ရဲ့ ကိုင်တွယ်နိုင်စွမ်းကို ရင်းနှီး မြှတ်နှံသူတွေက သံသယ ရှိနေဆဲ ဖြစ်ပါတယ်။
ဒီအတောအတွင်းမှာ ဥရောပ အကြွေး အကျပ်အတည်း ပိုဆိုးလာမယ့် အရိပ်အယောင်တွေ တခြား တနေရာက ပြန်တွေ့ လာရပြီး စပိန် အစိုးရရဲ့ အကြွေးတွေ အတွက် ပေးရတဲ့ အတိုးနှုန်းဟာ တရိပ်ရိပ် တက်လာနေပါတယ်။

ကဒါဖီ သားတွေထဲက တယောက်ဖြစ်တဲ့ Saadi GaddafiSaddi Gaddifi ကို နီဂျဲက ခိုလှုံခွင့်ပေးလို့ လစ်ဗျား ပြစ်တင်
လစ်ဗျား ခေါင်းဆောင်ဟောင်း ကဒါဖီရဲ့ သား Saadi Gaddafi ကို နိုင်ငံရေး ခိုလှုံခွင့် ပေးတာဟာ သူ့အဆိုအရ ရန်လိုတဲ့ လုပ်ရပ်ဖြစ်ပြီး တရားမျှတမှု မရှိတဲ့ ဆုံးဖြတ်ချက် ဖြစ်တာကြောင့် နီဂျဲနိုင်ငံ အနေနဲ့ ဒါကို ပြန်လည် သုံးသပ်ဖို့ လစ်ဗျား အစိုးရသစ်ရဲ့ ပြောခွင့်ရပုဂ္ဂိုလ်က တိုက်တွန်း လိုက်ပါတယ်။
ဒီလုပ်ရပ်ဟာ နှစ်နိုင်ငံ ဆက်ဆံရေးကို ပျက်ပြားစေတယ်လို့ လစ်ဗျား အသွင်ကူးပြောင်းရေး ကောင်စီ ဒုတိယ ဥက္ကဌ Abdel Hafidh Ghoga က ပြောပြီး နီဂျဲ နိုင်ငံဟာ ရာဇဝတ်မှု ကျူးလွန်တဲ့ သူတွေကို နိုင်ငံရေး ခိုလှုံခွင့် ပေးတဲ့နေရာ ဖြစ်မလာ စေဖို့ သူက တိုက်တွန်းလိုက်ပါတယ်။
Saadi Gaddafi လစ်ဗျား ဘောလုံးအသင်း အကြီးအကဲအဖြစ် တာဝန်ယူ ခဲ့တုန်းက ပြစ်မှု စွဲချက်တွေနဲ့ ပတ်သက်ပြီး သူ့ကို လက်ရှိ လစ်ဗျား အစိုးရက အလိုရှိနေတာ ဖြစ်ပါတယ်။

မဟာမြတ်မုနိ ဘုရား မှာ သံဃာတွေ ဆန္ဒပြ
အာဏာပိုင်တွေ က မီးဖြတ်တော့ လူတွေက မီးစက် မောင်းဖို့ လောင်စာဆီ လာပို့ ကြ
မဟာမြတ်မုနိ ဘုရားကြီး ဝင်း အတွင်း က မဟာ ဗုဒ္ဓဝင် ဗိမာန်တော် မှာ အင်္ဂါနေ့ မနက် က စလို့ သံဃာတော် ၅ ပါး ဆန္ဒပြ ခဲ့ကြ ပါတယ်။
မနက် စောစောပိုင်း အချိန် ၆နာရီ လောက် မှာ သံဃာတော် တွေ က မဟာ ဗုဒ္ဓဝင် ဗိမာန်တော် ကို ဝင်ရောက် ကာ အဆောက်အဦ ကို ပိတ်လိုက်ပြီး ငြိမ်းချမ်းရေး၊ လွတ်လပ်မှု နဲ့ နိုင်ငံရေး အကျဉ်းသားတွေ လွှတ်ပေးရေး တို့ ကို တောင်းဆို တဲ့ ပိုစတာတွေကို ဗိမာန်တော် ရဲ့ အပေါ်ထပ်မှာ ချိတ်ဆွဲ ပြီး ဆန္ဒပြ ခဲ့ကြတာပါ။
သံဃာတော် တွေ ဟာ ဗိမာန်တော် အပေါ်ထပ် ဝရံတာ ကနေ အသင့်ယူဆောင်လာတဲ့ အသံချဲ့စက် နဲ့ မိုက်ကရိုဖုန်း တွေကို အသုံးပြုပြီး စုဝေး လာတဲ့ လူစုလူဝေး ကို သူတို့ ဆန္ဒပြ ကြတဲ့ အကြောင်း တွေကို ရှင်းလင်း ပြောပြ ခဲ့ကြပါတယ်။
သူတို့ထဲက သံဃာတော် တပါး ဖြစ်တဲ့ အရှင် သောပါက ဟာ ဂျာမဏီ နိုင်ငံ မှ နိုင်ငံရေး ခိုလှုံခွင့် ရရှိထား သူတဦး ဖြစ်ပြီး ပြည်ပ မှာ အခြေစိုက် နေထိုင် နေတဲ့ သံဃာတော် တပါး ဖြစ်ပါတယ်။
ဒီ သံဃာ့ ဆန္ဒပြပွဲ ကို စုဝေးလာတဲ့ လူတွေ ရဲ့ အရေအတွက် က ၁၀၀၀ လောက် ရှိလာ ခဲ့တယ်လို့ လည်း သိရ ပါတယ်။
ငြိမ်းချမ်းရေး လိုလားသော သံဃာတော်များ အဖွဲ့ အမည်ခံပြီး ဆန္ဒပြနေကြတဲ့ ဒီရဟန်းတော် တွေကို နိုင်ငံတော် သံဃာ့ မဟာ နာယက အဖွဲ့ဝင်တွေ နဲ့ အတူ အာဏာပိုင် တွေ လာရောက်ညှိနှိုင်း ဆွေးနွေး ခဲ့ကြ ပေမယ့် သံဃာတော် တွေ က ဆန္ဒပြ တာ ကို မရပ်ဆိုင်း ခဲ့ပါဘူး။
သူတို့ ရှိနေတဲ့ ဗိမာန်တော် ကို သက်ဆိုင်ရာ အာဏာပိုင် တွေ က လျှပ်စစ်မီး ဖြတ်တောက်ခဲ့ ပေမယ့်လည်း စုဝေးလာတဲ့ လူတွေ ထဲ က သံဃာတော် တွေ မီးစက် မောင်း နိုင် အောင် ကူညီ ခဲ့ကြပါတယ်။
မန္တလေး မစိုးရိမ်ကျောင်းတိုက် က ဆရာတော် ရာဇာဓမ္မ ဘိဝံသ အဲဒီ ဆန္ဒပြပွဲ နေရာ ကို လိုက်လာပြီး မစိုးရိမ် ကျောင်းတိုက် ကို လိုက်ခဲ့ကြပါ၊ အဲဒီမှာ ငြိမ်းချမ်းရေး တရား တွေ ဟောမယ် ဆိုရင်လည်း ဟောခွင့်ပြု ပါတယ် လို့ လာရောက် ဖျောင်းဖျ ဖိတ်ခေါ် တဲ့ အတွက် ဆန္ဒပြ သံဃာတော် တွေ ဆရာတော် နဲ့ အတူ မွန်းလွဲ ၃ နာရီ ခွဲ လောက်မှာ မစိုးရိမ် ကျောင်းတိုက် ကို လိုက်ပါ သွားခဲ့ ကြတဲ့ နောက် ဆန္ဒပြ ပွဲ အေးအေး ချမ်းချမ်း နဲ့ ပြီးဆုံး သွားပါတယ်။
ဆန္ဒပြ သံဃာတော် တွေ အနေနဲ့ သူတို့တောင်းဆိုတဲ့ အကြောင်းအရာ တွေနဲ့ ပတ်သက်ပြီး တနေ့ ကို တနာရီ တရားဟောခွင့် နဲ့ သူတို့ တောင်းဆိုချက်တွေ ကို နိုင်ငံတော် သံဃာ့ မဟာနာယက အဖွဲ့ ကို တင်ပြ ပေးမယ် ဆိုတဲ့ ကတိ ကို ရထား ကြောင်းလည်း သိရပါတယ်။
အခု သံဃာတော် တွေ ဆန္ဒပြပွဲ နဲ့ ပတ်သက်လို့ အာဏာပိုင် တွေ ဘက် က ရဲ တပ်ဖွဲ့ တွေ စေလွှတ် ခဲ့ပေမယ့် အကြမ်းဖက် ဖြေရှင်းတဲ့ ပုံမျိုး မလုပ်ခဲ့ဘူး လို့လည်း သိရ ပါ တယ်။
၂၀၀၇ ခုနှစ် သံဃာ့လှုပ်ရှားမှု ကြီး နောက်ပိုင်း သံဃာတွေ ရဲ့ ဆန္ဒပြ တောင်းဆိုမှု ဟာ ပထမဆုံး ပြန်ထွက်ပေါ် လာတာလည်း ဖြစ်ပါတယ်။

မြစ်ကြီးနား ဗုံးပေါက်ကွဲမှု အိမ်ရှင်ကို ဖမ်းဆီး
2011-11-15
မြစ်ကြီးနားမြို့မှာ မနေ့က ဖြစ်ပွားခဲ့တဲ့ ဗုံးပေါက်ကွဲမှုနဲ့ ပတ်သက်ပြီး အိမ်ရှင်ကို ဖမ်းဆီးစစ်ဆေးနေတယ်လို့ အဖမ်းခံရသူရဲ့ အိမ်နီးနားချင်းတွေက ပြောပါတယ်။
အဖမ်းခံရသူဟာ မြစ်ကြီးနားမြို့ သီတာရပ်ကွက် AG ဘုရားကျောင်း အနီးနေ ဦးဒယောင်တန်ဂွန်း ဖြစ်ပါတယ်။ နေအိမ်မှာ ဗုံးတွေ လုပ်ရာက ပေါက်ကွဲမှု ဖြစ်ပွားတာဆိုတဲ့ စွပ်စွဲချက်နဲ့ စစ်ဆေးနေတယ်လို့ ဦးဒယောင်တန်ဂွန်း ရဲ့ မိတ်ဆွေတစ်ဦးက ပြောပါတယ်။မြစ်ကြီးနားမြို့ခံတွေကတော့ ဒီကိစ္စတွေ အားလုံးဟာ အာဏာပိုင်တွေ အကွက်ချ စီစဉ်နေတာ ဖြစ်တယ်လို့ ပြောဆိုပါတယ်။ အဓိကက မြစ်ကြီးနားမြို့ကို စစ်အုပ်ချုပ်ရေးနဲ့ အုပ်ချုပ်နိုင်ဖို့ ဖြစ်တယ်လို့ ဆိုပါတယ်။အခု ဗုံးပေါက်ကွဲမှုနဲ့ ပတ်သက်ပြီး ပထမပိုင်းရတဲ့ သတင်းတွေအရ မော်တော်ဆိုင်ကယ် သမားတစ်ဦးက အထုပ်တစ်ထုပ် အိမ်ထဲကို ပစ်သွင်းလိုက်ပြီးနောက် ပေါက်ကွဲခဲ့တယ်လို့ ဆိုပေမဲ့ အခုတော့ အိမ်ရှင်ကို ဖမ်းဆီးလိုက်ပါတယ်။
ရပ်/ကျေး ရွေးချယ်တင်မြှောက်ရေး ဥပဒေ မူကြမ်း အတည်ပြုတော့မည်
2011-11-15
လာမဲ့ သီတင်းပတ်အတွင်း အတည်ပြုတော့မဲ့ ရပ်/ကျေး ရွေးချယ်တင်မြှောက်ရေး ဥပဒေမူကြမ်းဟာ အောက်ခြေ ပြည်သူလူထုက တိုက်ရိုက်ရွေးကောက် တင်မြှောက်တဲ့စနစ် မဟုတ်ဘဲ အထက်ကနေ ခန့်အပ်တဲ့ စနစ်သာ ဖြစ်နေသေးတယ်လို့ သိရပါတယ်။
နိုဝင်ဘာ ၂၄ ရက်မှာ ကျင်းပမဲ့ ပြည်ထောင်စုလွှတ်တော် အစည်းအဝေးကနေ ရပ်ကွက် ကျေးရွာ အုပ်ချုပ်ရေးမှူး ရွေးချယ်တဲ့ ဥပဒေမူကြမ်းကို အတည်ပြုဖို့ ရှိတယ်လို့ သိရပါတယ်။အခု ပြဋ္ဌာန်းမဲ့ ရပ်/ကျေး ဥပဒေဟာ ကျေးရွာနဲ့ ရပ်ကွက် အုပ်ချုပ်ရေးမှူးတွေကို လုပ်ပိုင်ခွင့်အာဏာ ပေးအပ်ထားတာ များလွန်းတယ်လို့ အမျိုးသား ဒီမိုကရေစီအင်အားစု ပါတီ NDF လွှတ်တော် အမတ် ဦးခိုင်မောင်ရီက ပြောပါတယ်။မူကြမ်းမှာ ပါတာက ရပ်ကွက် ကျေးရွာ အုပ်ချုပ်ရေးမှူးကို ဆယ်အိမ်မှူးတွေက ရွေးချယ်ပေးရမှာဖြစ်ပြီး ဆယ်အိမ်မှူးတွေကိုတော့ ကျေးရွာ ရပ်ကွက် ရပ်မိရပ်ဖတွေက ရွေးချယ်ပေးရမှာ ဖြစ်ပါတယ်။ လွှတ်တော်တွေမှာ အရင်က ဆွေးနွေးခဲ့တဲ့ ဥပဒေမူကြမ်းမှာ ရပ်ကွက် ကျေးရွာ အုပ်ချုပ်ရေးမှူးဟာ မည်သည့်ပါတီဝင်မှ မဖြစ်စေရလို့ ပါပေမဲ့ အခုပြဋ္ဌာန်းမဲ့ မူကြမ်းမှာတော့ ပါတီဝင် ဖြစ်ခွင့်ရှိတယ် ဆိုတဲ့သဘော သက်ရောက်နေတယ်လို့ လွှတ်တော်အမတ် ဦးခိုင်မောင်ရီက ပြောပါတယ်။ရပ်ကွက် ကျေးရွာ အုပ်ချုပ်ရေးမှူးတွေဟာ နိစ္စဓူဝ အုပ်ချုပ်ရေးကိစ္စ ဧည့်စာရင်းစစ်တဲ့ အလုပ်ကနေ လယ်ယာမြေ ပြဿနာမျိုးအထိ ပါဝင်ဆုံးဖြတ်ခွင့် ရှိသလို ရွေးကောက်ပွဲဆိုင်ရာ ကိစ္စတွေမှာလည်း အရေးပါတယ်လို့ ပြောပါတယ်။

မြန်မာနိုင်ငံအတွက် အာဆီယံ ဥက္ကဋ္ဌတာဝန် AIPMC ဆိုင်းငံ့စေချင်
2011-11-15
အာဆီယံ နိုင်ငံခြားရေးဝန်ကြီးတွေက သဘောတူလိုက်ကြပေမဲ့ အာဆီယံ ပါလီမန်အမတ်များအဖွဲ့ AIPMC ကတော့ မြန်မာနိုင်ငံ အလှည့်ကျဥက္ကဋ္ဌ တာဝန်ပေးရေးကို ဆိုင်းငံထားသင့်ကြောင်း ကြေညာချက် ထုတ်ပြန်လိုက် ပါတယ်။
မနေ့က ဂျာကာတာမြို့ပါလီမန် အဆောက်အအုံမှာပြုလုပ်တဲ့ AIPMC အဖွဲ့ အစည်းအဝေးကနေ အခုလို ဆုံးဖြတ်လိုက်ကြောင်း AIPMC အဖွဲ့ ဥက္ကဋ္ဌ Ms Eva Sundari က အဓိက အကြောင်းပြချက်တွေ အနေနဲ့ မြန်မာနိုင်ငံက ဒီိမိုကရေစီရေး ပြုပြင်ပြောင်းလဲမှုတွေနဲ့ ပတ်သက်တဲ့ အချက်တွေအပြင် မြန်မာနိုင်ငံမှာ ဆက်လက် ဖြစ်ပေါ်နေတဲ့ လူ့အခွင့်အရေးချိုးဖောက်မှုတွေ အထူးသဖြင့် တိုင်းရင်းသား ဒေသတွေမှာ ဖြစ်ပျက် နေတာတွေကို ထောက်ပြ ထားတယ်လို့ ပြောပါတယ်။အလားတူ မြန်မာနိုင်ငံက လူ့အခွင့်အရေး ချိုးဖောက်မှုတွေနဲ့ ပတ်သက်ပြီး မနေ့က အာဆီယံ လူမှုအဖွဲ့အစည်းများ ကွန်ယက်က ကြီးမှူးပြီး ဂျာကာတာမြို့မှာ ဆွေးနွေးပွဲ ပြုလုပ်တဲ့အခါ မြန်မာနိုင်ငံက တိုင်းရင်းသား ၃ ဦးက သူတို့ဒေသက အစိုးရရဲ့ လူ့အခွင့်အရေး ချိုးဖောက်မှုတွေ အကြောင်းကို ထွက်ဆို တင်ပြသွားတယ်လို့ သိရပါတယ်။

အာဖဂန်မှာ တာလီဘန်ထောက်ခံမှု ကျဆင်း
By ဗီအိုအေ (မြန်မာဌာန)
အာဖဂန်နစ္စတန်နိုင်ငံမှာ ကောက်ယူတဲ့ လူထုသဘောထားအမြင် စစ်တမ်းအရ တာလီဘန်အဖွဲ့ အပေါ် ထောက်ခံသူ အရေအတွက်ဟာ ဘယ်တုန်းကမှနဲ့ မတူအောင် ကျဆင်းသွားတယ်လို့ သိရပါတယ်။
အမေရိကန်နိုင်ငံမှာ အခြေစိုက်တဲ့ အာရှ ဖောင်ဒေးရှင်းအဖွဲ့က ကောက်ယူခဲ့တဲ့စစ်တမ်းကို အင်္ဂါနေ့က ထုတ်ပြန်ကြေညာရာမှာ တွေ့ဆုံစစ်တမ်းကောက်ယူခဲ့သူ အားလုံးရဲ့ ၂၉% ကသာ တာလီဘန် လက်နက်ကိုင်အဖွဲ့ကို လက်ခံသူ ရှိတယ်လို့ ဆိုပါတယ်။
အာဖဂန်ပြည်သူ ၄၆% က သူတို့တိုင်းပြည်ဟာ လမ်းကြောင်းမှန်ပေါ်ကို ဦးတည်နေပြီလို့ ယုံကြည်ကြောင်း သိရပါတယ်။ စစ်တမ်းအဆိုအရ အာဖဂန်နိုင်ငံသား ၃၅% ကတော့ အဲဒီအဆိုကို သဘောမတူကြဘူးလို့ သိရပါတယ်။
ဒီ အရေအတွက်ဟာ ၂၀၀၄ ခုနှစ်၊ အာဖဂန်ရွေးကောက်ပွဲပြီးနောက်ပိုင်း အမြင့်မားဆုံးဖြစ်ပါတယ်။ နိုင်ငံရဲ့ လုံခြုံရေးကိစ္စဟာ သူတို့အတွက် အဓိကစိတ်ပူပင်စရာဖြစ်ပြီး ဒုတိယလိုက်တဲ့ ပြဿနာတွေကတော့ အလုပ်လက်မဲ့ပြဿနာနဲ့ အဂတိလိုက်စားမှုကိစ္စတွေ ဖြစ်တယ်လို့ ဆိုပါတယ်။ အာဖဂန်နိုင်ငံသား ၈၂ % က အစိုးရနဲ့ တာလီဘန်သူပုန် လက်နက်ကိုင်အဖွဲ့တွေကြား ပြန်လည် ရင်ကြားစေ့ရေး ကြိုးပမ်းမှုကို ထောက်ခံတယ်လို့ စစ်တမ်းမှာတွေ့ရှိရကြောင်း ဖော်ပြထားပါတယ်။
အခုလို စစ်တမ်းကောက်ယူဖို့အတွက် အမေရိကန်အစိုးရရဲ့ နိုင်ငံတကာ ဖွံ့ဖြိုးတိုးတက်ရေး အေဂျင်စီ USAID က ထောက်ပံ့ပေးခဲ့တာ ဖြစ်ပါတယ်။ အာဖဂန်နစ္စတန်နိုင်ငံအတွင်း စစ်တမ်းကောက်သူတွေ အတွက် အန္တရာယ်ခြိမ်းခြောက်မှုမရှိတဲ့ ခရိုင် ၃၄ ခရိုင်အတွင်းက ပြည်သူပေါင်း ၆,၀၀၀ ကို တွေ့ဆုံမေးမြန်းပြီးတော့ စစ်တမ်းကောက်ယူခဲ့တာဖြစ်တယ်လို့ သိရပါတယ်။

တရုတ်နဲ့အငြင်းပွားမှု အမေရိကန်ထောက်ခံဖို့ ဖိလစ်ပိုင်လိုလား
By ဗီအိုအေ (မြန်မာဌာန)
ဖိလစ်ပိုင် အစိုးရ တာဝန်ရှိသူတွေနဲ့ အမေရိကန် နိုင်ငံခြားရေး ၀န်ကြီး ဟီလာရီ ကလင်တန်တို့ ဒီကနေ့ တွေ့ဆုံတဲ့အခါ တရုတ်နိုင်ငံနဲ့ ရေပိုင်နက် အငြင်းပွားနေတဲ့ ကိစ္စတွေကို အာရုံစိုက် ဆွေးနွေးသွားလိမ့်မယ်လို့ မျှော်လင့်ရပါတယ်။
အင်ဒိုနီးရှားနိုင်ငံ ဘာလီကျွန်းမှာ ဒီတပတ်နှောင်းပိုင်း ကျင်းပသွားမယ့် အရှေ့အာရှ ထိပ်သီး အစည်းအဝေးပွဲကိုအသွား အမေရိကန် နိုင်ငံခြားရေးဝန်ကြီးက ဖိလစ်ပိုင်နဲ့ထိုင်းနိုင်ငံတို့ကို သွားရောက်နေတာလည်း ဖြစ်ပါတယ်။ တောင်တရုတ် ပင်လယ်တွင်းမှာ ရေပိုင်နက်အတွက် တရုတ်နိုင်ငံနဲ့ အငြင်းပွားမှုတွေ ကြီးထွားနေတဲ့ ကိစ္စအပေါ် အမေရိကန်ရဲ့ ထောက်ခံမှုရစေဖို့ ဖိလစ်ပိုင်သမ္မတ Benigno Aquino ကကြိုးပမ်းသွားလိမ့်မယ်လို့လည်း မျှော်လင့်ရပါတယ်။
ဘာလီကျွန်းက ထိပ်သီး အစည်းအဝေးပွဲအတွင်း တခြား အရှေ့တောင်အာရှ နိုင်ငံတွေအနေနဲ့ ရေပိုင်နက် အငြင်းပွားမှုမှာ ပြတ်ပြတ်သားသား ဆောင်ရွက်ဖို့ ဖိလစ်ပိုင်သမ္မတက ဖိအားပေးသွားဖို့ ပြင်ဆင်ထားကြောင်းလည်း သတင်းတွေက ဖော်ပြနေကြတာပါ။ အမေရိကန် ပြည်ထောင်စုဟာ ဖိလစ်ပိုင်နိုင်ငံနဲ့ အပြန်အလှန် ကာကွယ်ရေးအတွက် နှစ်ပေါင်း ၆၀ ကြာ သဘောတူညီချက် တရပ်ကို လက်မှတ်ရေးထိုးထားတာဖြစ်ပြီး ပြီးခဲ့တဲ့ သြဂုတ်လမှာပဲ ဖိလစ်ပိုင်နိုင်ငံက ကမ်းခြေလုံခြုံရေးအတွက် သင်္ဘောတွေ ပြန်လည်မွမ်းမံရာမှာ အကူအညီပေးခဲ့တာလည်း ဖြစ်ပါတယ်။

မြန်မာအသင်း အရှေ့တီမောကို ၁ ဂိုးပြတ်ဖြင့်နိုင်
အင်ဒိုနီးရှားနိုင်ငံတွင် ကျင်းပနေသော၂၆ ကြိမ်မြောက် ဆီးဂိမ်း ယူ ၂၃ နှစ်အောက် ဘောလုံးပြိုင်ပွဲ၌ မြန်မာ အသင်းနှင့် အရှေ့တီမော အသင်းတို့ ယနေ့ ယှဉ်ပြိုင်ကစားရာ မြန်မာ အသင်းက ၁ ဂိုး ဂိုးမရှိဖြင့် အနိုင်ရရှိသွားသည်။ ဆီမီးဖိုင်နယ်ပွဲစဉ်ကို လာမည့် နိုဝင်ဘာလ ၁၉ ရက်နေ့တွင် ယှဉ်ပြိုင်ကစားရမည် ဖြစ်သည်။ ကျင်းပခဲ့ပြီး ဖြစ်သည့် အားကစားပြိုင်ပွဲများတွင် မြန်မာနိုင်ငံက ငွေနှင့် ကြေး ဆုတံဆိပ်ပေါင်း၂၂ ခုရရှိထားကြောင်း ဆီးဂိမ်း အင်တာနက် စာမျက်နှာတွင် ဖော်ပြထားသည်။

၂၀၁၄ အာဆီယံ ဥက္ကဌ မြန်မာကို အတည်ပြု
မြန်မာနိုင်ငံကို၂၀၁၄ ခုနှစ်အတွက် အာဆီယံ အလှည့်ကျ ဥက္ကဌ အဖြစ် အတည်ပြုလိုက်ကြောင်း သိရသည်။ အင်ဒိုနီးရှားနိုင်ငံ ဘာ လီကျွန်း၌ ယနေ့စတင်ကျင်းပသော ၄၄ ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးမှ အတည်ပြုလိုက်ခြင်းဖြစ် ကြောင်း ဘန်ကောက်ပို့စ် သတင်း၌ ဖော်ပြထားသည်။ အာဆီယံ ဥက္ကဌ နိုင်ငံသည် အာဆီယံနိုင်ငံဝန်ကြီးများ အစည်းအဝေးများနှင့် အာဆီယံ ထိပ်သီး အစည်းအဝေးများကို တာဝန်ယူကျင်းပနိုင်ရမည်ဖြစ်ကြောင်း အာဆီယံ ပဋိညာဉ်တွင် ပါရှိသည်။ယင်း အာဆီယံ အလှည့်ကျ ဥက္ကဌ တာဝန်ယူရန် လက်ရှိမြန်မာ အစိုးရသစ် က ကမ်းလှမ်းခဲ့ခြင်းဖြစ်သည်။

ဗိုလ်ချုပ်ကြီး မင်းအောင်လှိုင် ဗီယက်နမ်နိုင်ငံသို့ သွားရောက်
မြန်မာ့ တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်သည် ဗီယက်နမ်နိုင်ငံသို့ ချစ်ကြည်ရေးခရီးစဉ်အဖြစ် ယမန်နေ့က သွားရောက်သည်။ ဗီယက်နမ် အမျိုးသား ကာကွယ်ရေး ၀န်ကြီး ဗိုလ်ချုပ်ကြီး Plung Quang Tanh ၏ ဖိတ်ကြားချက် အရ သွားရောက်ခြင်း ဖြစ်ကြောင်း ယနေ့ထုတ် အစိုးရသတင်းစာများတွင် ဖော်ပြထားသည်။ ဗိုလ်ချုပ်ကြီး မင်းအောင်လှိုင်သည် ပြီး ခဲ့သည့် မတ်လကုန်မှစတင်၍ ကာကွယ်ရေး ဦးစီးချုပ်ဖြစ်လာခဲ့သည်။

ကာချုပ်ရဲ့ ပထမဆုံးပြည်ပခရီးစဉ် ဗီယက်နမ်ကို ဘာလို့သွားတာလဲ
By ရန်ပိုင် on November 15, 2011 
တပ်မတော် ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင်၏ ချစ်ကြည်ရေးခရီးစဉ်အဖြစ် ဗီယက်နမ်နိုင်ငံသို့ ယမန်နေ့ နံနက်က ထွက်ခွာသွားကြောင်း ယနေ့ထုတ် အစိုးရသတင်းစာများတွင် ဖော်ပြထားသည်။
ဗိုလ်ချုပ်ကြီးမင်းအောင်လှိုင် ကာကွယ်ရေး ဦးစီးချုပ်တာဝန်ယူပြီးနောက်ပိုင်း ပထမဆုံးသွားရောက်သည့် ပြည်ပခရီးစဉ်ဖြစ်ပြီး ကာ ကွယ်ရေး ဦးစီးချုပ်ရုံး (ကြည်း) မှ ဒု ဗိုလ်ချုပ်ကြီး သောင်းအေး၊ ဒု ဗိုလ်ချုပ်ကြီး စိန်ဝင်း၊ အရှေ့အလယ်ပိုင်း စစ်ဌာနချုပ် တိုင်းမှူး ဗိုလ်မှူးချုပ် မြထွန်းဦး၊ အလယ်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ရဲအောင်နှင့် ကာကွယ်ရေးဦးစီးချုပ်ရုံးမှ အရာရှိကြီးများ လိုက်ပါသွားသည်ဟုလည်း သိရသည်။

ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင် နေပြည်တော်လေဆိပ်မှ ဗီယက်နမ်နိုင်ငံသို့ မထွက်ခွာမီ တွေ့ရစဉ်
လေ့လာသူများက စစ်အစိုးရလက်ထက်တွင် ကာကွယ်ရေးဦးစီးချုပ်များ အနေဖြင့် အိမ်နီးချင်း တရုတ်နိုင်ငံသို့သာ အရင်ဆုံး  သွား ရောက်သော်လည်း ဗိုလ်ချုပ်ကြီးမင်းအောင်လှိုင် လက်ထက်တွင်မူ အာဆီယံနိုင်ငံများထဲမှ ဗီယက်နမ်သို့ သွားရောက်ခြင်းသည် ထူးခြားသော ဖြစ်စဉ် တရပ်ဖြစ်ပြီး စစ်ရေးအရ ပူးပေါင်းဆောင်ရွက်မှုတရပ်ဖြစ်နိုင်သည်ဟု ပြောဆိုနေကြသည်။
မြန်မာ့ တပ်မတော်တွင် ကာကွယ်ရေး ဦးစီးချုပ်တာဝန်ယူခဲ့ဖူးသည့် ဗိုလ်ချုပ်ကြီဟောင်း ဦးတင်ဦးက ကချင်ပြည်နယ်၌ တည်ဆောက်နေသည့် မြစ်ဆုံရေအားလျှပ်စစ် စီမံကိန်းကို ရပ်ဆိုင်းပြီးနောက် တရုတ်- မြန်မာ ဆက်ဆံရေး အနည်းငယ် ယိုယွင်းသွား သည်ဟု ထင်မြင်ကြောင်း၊ ထိုကြောင့် ဗီယက်နမ် အပါအ၀င် အမေရိကန် စသည့်နိုင်ငံများနှင့် ဆက်ဆံရေး ပိုမိုကောင်းမွန်အောင် ကြိုးစားလာခြင်း ဖြစ်နိုင်ကြောင်း ပြောသည်။
“အရင်ကတော့ တရုတ်ကို သွားကြတယ်၊ အခုတော့ ဗီယက်နမ် စစ်တပ်က နယ်စပ်တလျောက်မှာ တရုတ်နဲ့ ဘယ်လိုဆက်ဆံ သလဲဆိုတာကို ချိန်ထိုးကြည်ဖို့  သွားလေ့လာတာလို့ ထင်တယ်” ဟု ၎င်းက ဆိုသည်။
ကွန်မြူနစ် ဗီယက်နမ်နိုင်ငံသည် တောင်တရုတ် ပင်လယ်အတွင်းရှိ စပါတလီကျွန်းစုများ ပိုင်ဆိုင်မှုနှင့် ပတ်သက်၍ တရုတ်နိုင်ငံနှင့် တင်းမာမှုများ ဖြစ်ခဲ့ပြီးနောက် အမေရိကန်နိုင်ငံနှင့် ပိုမိုနီးကပ်စွာ ဆက်ဆံခဲ့ပြီး အမေရိကန်လေယာဉ်တင် သင်္ဘောကြီးများနှင့် စစ်သင်္ဘောများမှာ ဗီယက်နမ်ဆိပ်ကမ်းများတွင် လာရောက်လည်ပတ် ဆိုက်ကပ်သည်အထိ တိုးတက်လာသည်။
ဝါရှင်တန် အခြေစိုက် ထောက်လှမ်းရေး ဗိုလ်မှူးဟောင်း ဦးအောင်လင်းထွဋ်ကမူ ဗိုလ်ချုပ်ကြီး မင်းအောင်လှိုင်သည် ဗီယက်နမ် ကာကွယ်ရေး ၀န်ကြီး၏ ဖိတ်ကြားချက် အရ တရားဝင်ခရီးစဉ်အဖြစ် သွားရောက်ခြင်းဖြစ်သည်ဟု ဆိုသော်လည်း  စစ်လက်နက် ပစ္စည်းနှင့် နည်းပညာပိုင်းတွင် အပြန်အလှန် ဖလှယ်ရန် သွားရောက်ခြင်းလည်း ဖြစ်နိုင်ကြောင်း ဧရာဝတီသို့ ပြောသည်။
“လိုက်သွားတဲ့သူတွေကို ကြည့်ရင် စစ်ရေးကိစ္စ၊ လက်နက်ကိစ္စ ဖြစ်ဖို့များတယ်။ တရုတ်ဒေသတွင်း အားကြီးလာတာကို တန်ပြန် ဖို့လည်း ဖြစ်နိုင်ပါတယ်။ စစ်ရေးမဟာမိတ် မဟုတ်တောင် အကြံဉာဏ်ယူတဲ့ သဘောပဲ” ဟု ၎င်းက ဆိုသည်။
မြန်မာနှင့် ဗီယက်နမ်နှစ်နိုင်ငံ တပ်မတော်များသည် အင်ဒိုချိုင်းနား စစ်ပွဲကာလ နယ်ချဲ့ဆန့်ကျင်ရေး၌ သဘောထားခြင်း တူညီခဲ့ပြီး ယခင်ကတည်းကပင် အပြန်အလှန်လေးစားစွာ ဆက်ဆံမှုရှိခဲ့ကြောင်းလည်း ၎င်းက ဆက်ပြောသည်။
တရုတ် – မြန်မာနယ်စပ် စစ်ရေးလေ့လာသူ ဦးအောင်ကျော်ဇောကလည်း “အာဆီယံထဲမှာ ဗီယက်နမ်က တရုတ်နဲ့ နယ်စပ်ခြင်း ကပ်နေပေမယ့် အဲဒီနှစ်နိုင်ငံက အဆင်မပြေဘူးလေ။ ဒါကြောင့် နိုင်ငံခြားရေး ပေါ်လစီအရ တရုတ်ကို ကစားဖို့ ဗီယက်နမ်ကို သွားတာပါ” ဟု သုံးသပ်သည်။
ဗီယက်နမ်နှင့် မြန်မာသည် စီးပွားရေးအရ ပူးပေါင်းဆောင်ရွက်မှုများကို ပိုမိုလုပ်ဆောင်လာပြီး လေကြောင်းလိုင်း ပြေးဆွဲခြင်း၊  အထည်ချုပ်စက်ရုံများနှင့် ဘဏ်ခွဲများကို ရန်ကုန်မြို့၌ လာရောက်ရင်းနှီးမြုပ်နှံခြင်းများ ပိုမိုတိုးမြင့်လုပ်ဆောင်လာသည်။
၁၉၄၈ ခုနှစ် လွတ်လပ်ရေးရပြီးနောက် ဖဆပလ အစိုးရက ဦးချစ်လှိုင် (စာရေးဆရာ ကိုကိုမောင်ကြီး)၊ ကိုသန်း (ကြည်မြင်တိုင်)၊ ဗိုလ်ဘုန်းအောင်၊ ဦးဘသိန်းဇံတို့ကို ဗီယက်နမ်သို့ စေလွှတ်ကာ နယ်ချဲ့တော်လှန်ရေးကို ကူညီခဲ့ဖူးသည်။
ဗိုလ်ချုပ်ကြီးမင်းအောင်လှိုင်က ဗီယက်နမ်နိုင်ငံသို့ ယမန်နေ့က သွားရောက်ခဲ့ပြီး တိုက်ဆိုင်စွာပင် ယနေ့၌ မြန်မာနိုင်ငံအား ၂၀၁၄ ခုနှစ် အာဆီယံ ဥက္ကဋ္ဌရာထူး ပေးအပ်ရန် အာဆီယံနိုင်ငံခြားရေး ဝန်ကြီးများက ထောက်ခံလိုက်ကြောင်း ကြားသိရသည်။
အလားတူ မြန်မာနိုင်ငံတွင်လည်း စစ်အစိုးရလက်ထက် အမေရိကန်နိုင်ငံနှင့် ဆက်ဆံရေး မပြေလည်ကြသော်လည်း သမ္မတ ဦးသိန်းစိန် လက်ထက်တွင် ဆက်ဆံရေး ကောင်းမွန်အောင်ကြိုးစားလာရာ အမေရိကန်အစိုးရ၏ ကိုယ်စားလှယ်များ မကြာခ ဏလာရောက်သကဲ့သို့ မြန်မာအစိုးရ အဖွဲဝင်များလည်း အမေရိကန်သို့ သွားရောက်လည်ပတ်နေသည်။
ပြီးခဲ့သည် အောက်တိုဘာလက မြန်မာနိုင်ငံသို့ ရောက်ရှိလာသည့် အမေရိကန်အစိုးရ၏ အထူးကိုယ်စားလှယ်နှင့် မူဝါဒရေးရာ ညှိ နှိုင်းရေးမှူး ဒဲရက်မစ်ချယ်နှင့် ဗိုလ်ချုပ်ကြီး မင်းအောင်လှိုင်တို့ တွေ့ဆုံကာ နှစ်နိုင်ငံတပ်မတော်များ ပူးပေါင်းဆောင်ရွက်ရန် ကိစ္စရပ် များကို ဆွေးနွေးခဲကြောင်း အစိုးရသတင်း စာများ၏ ဖော်ပြချက်များအရသိရသည်။