14.11.2011 နေ့ဖတ်ရန်သတင်းများ

by Myanmar Journal on Monday, November 14, 2011 at 6:41am

 

အိုဗားမား နဲ့ ဟူကျင်းတောင် 

အေပက်ဟာ အင်ဂျင်တခုလို့ အိုဗားမားပြော
အမေရိကန် သမ္မတ အိုဗားမားက အာရှ နဲ့ ပိစိဖိတ် ဒေသ ဟာ ဖွံ့ဖြိုး တိုးတက် မှုတွေ ကို မောင်းနှင်မဲ့ အင်ဂျင်ကြီး တခု ဖြစ်တယ် လို့ ဆိုလိုက် ပါတယ်။
ဆက်လက်ပြီး ပိစိဖိတ် ဒေသတွင်း စီးပွား ပူးတွဲ ဆောင်ရွက်ရေး နဲ့ ပတ်သက်လို့ လိုအပ်မဲ့ အချက် အလက်တွေ အတွက်လဲ သဘောတူညီ မှုတွေ ရပြီး ဖြစ်တယ် လို့လဲ ပြောပါတယ်။ ဒါကတော့ ဟာဝိုင်ယီ ကျွန်းမှာ ကျင်းပတဲ့ အာရှနဲ့ ပိစိဖိတ် ဒေသဆိုင်ရာ ထိတ်သီး အစည်းအဝေး မှာ အခုလို ပြောကြား သွားတာ ဖြစ်ပါတယ်။

ဒီ ထိတ်သီး အစည်း အဝေးမှာ တရုတ် သမ္မတ ဟူကျင်းတောင်လဲ ရောက်ရှိ နေပါတယ်။ တရုတ် နိုင်ငံဟာ ပိစိဖိတ် ဒေသတွင်း စီးပွား ပူးတွဲရေး အစီအစဉ် တွေထဲမှာ မပါဝင်ပေမယ့် သူက ဒေသအတွင်းမှာ စီးပွားရေး ဖွံ့ဖြိုး တိုးတက်နိုင်ဖို့အတွက်ကို အထောက်အကူပြုနိုင်မဲ့ လွတ်လပ်တဲ့ကုန်သွယ်ရေးဒေသ တည်ထောင်ရေး တွေကို ထောက်ခံတဲ့သူ ဖြစ်ပါတယ်။ နောက်ပြီး တရုတ် နိုင်ငံ ဟာ အသစ်တည်ထွင် ဖန်တီး မှုနဲ့ နိုင်ငံ ရပ်ခြား ရင်းနှီး မြှပ်နှံမှုတွေ ကို လဲ အားပေး သွားမှာ ဖြစ်တယ်လို့ ဆိုပါတယ်။

အကျဉ်းသားတွေထပ်လွှတ်ဖို့ လူ့အခွင့်အရေး ကော်မရှင်က ပန်ကြား
ပြီးခဲ့တဲ့ လက လွတ်လာတဲ့ အကျဉ်းသားတွေ ထဲမှာ နိုင်ငံရေး အကျဉ်းသား ၂၀၀လောက်ပဲပါ
မြန်မာနိုင်ငံမှာ ယုံကြည်ချက်ကြောင့် အကျဉ်းကျနေသူတွေကို ပြန်လွှတ်ပေးဖို့ သမ္မတ ဦးသိန်းစိန်ထံ မြန်မာနိုင်ငံ အမျိုးသား လူ့အခွင့်အရေး ကော်မရှင်က နိုဝင်ဘာလ ၁၂ရက်နေ့ နေ့စွဲနဲ့ အိတ်ဖွင့်စာ ရေးပြီး ပန်ကြားလိုက်ပါတယ်။
မြန်မာနိုင်ငံမှာ ယုံကြည်ချက်ကြောင့် အကျဉ်းကျ နေသူပေါင်း ၂၀၀၀ နီးပါး ရှိတယ်လို့ ကုလသမဂ္ဂ နဲ့ ကမ္ဘာ့ နိုင်ငံတချို့က ပြောနေပေမယ့် မြန်မာ နိုင်ငံ လူ့အခွင့်အရေး ကော်မရှင်ရဲ့ မေးမြန်း စုံစမ်းမှုတွေ အရတော့ ၅၀၀ ခန့်သာ ရှိကြောင်းနဲ့ အဆိုပါ ၅၀၀ ခန့်အနက် ပြီးခဲ့တဲ့လက ထုတ်ပြန်ခဲ့တဲ့ လွတ်ငြိမ်းချမ်းသာခွင့် အမိန့်အရ ၂၀၀ခန့် ပြန်လွတ်လာခဲ့ပြီး ဖြစ်တာမို့ ကျေနပ် ဝမ်းမြောက်မိတယ်လို့လည်း အိတ်ဖွင့်စာထဲမှာ ဖေါ်ပြထားပါတယ်။
အခုတခါ ထပ်ပြီး လွှတ်ပေးနိုင်သူတွေကို လွှတ်ပေးဖို့နဲ့ မလွှတ်ပေးနိုင်သူတွေကိုလည်း မိသားစုနဲ့နီးရာ အကျဉ်းထောင်တွေဆီ ပြောင်းရွှေ့ ထားရှိပေးဖို့ကိုလည်း ထည့်သွင်း တင်ပြထားပါတယ်။
နိုင်ငံခြား သတင်း အေဂျင်စီ တွေမှာတော့ အကျဉ်းသားတွေ ပြန်လွှတ်ပေးမယ့် လွတ်ငြိမ်း ချမ်းသာခွင့် အမိန့်တခု မကြာခင် ရက်ပိုင်းအတွင်း ထုတ်ပြန်နိုင်ဘွယ် ရှိတယ်လို့ အမည် မဖေါ်တဲ့ အစိုးရ တာဝန်ရှိ ပုဂ္ဂိုလ်တဦးကို ကိုးကားပြီး ဖေါ်ပြ ထားပါတယ်။
နိုဝင်ဘာလ ၁၃ရက် တနင်္လာနေ့မှာတောင် လွတ်ငြိမ်းချမ်းသာခွင့် အမိန့် ထုတ်ပြန်နိုင်ဘွယ် ရှိတယ်ဆိုတဲ့ ပြောဆိုမှုတွေလည်း ထွက်ပေါ်နေပါတယ်။
ဘာလီကျွန်းမှာ လာမယ့် နိုဝင်ဘာလ ၁၇ရက်နေ့မှာ စတင် ကျင်းပမယ့် အာဆီယံ ထိပ်သီး ညီလာခံ မတိုင်ခင်မှာ သမ္မတ ဦးသိန်းစိန် အနေနဲ့ အကျဉ်းသားတွေ လွှတ်ပေးမယ့် ပုံမျိုး ရှိတယ်လို့လည်း မျှော်လင့်နေကြပါတယ်။
နိုင်ငံရေး အကျဉ်းသားတွေ လွတ်မြောက်လာရေး လက်မှတ်ရေးထိုး တောင်းဆိုမှုတွေကို ဦးဆောင် လှုပ်ရှားနေတဲ့ ကိုတိုးကျော်လှိုင်ကတော့ အိတ်ဖွင့်ပေးစာပါ အချက်တွေကို ကြည့်ခြင်းအားဖြင့် နိုင်ငံရေး အကျဉ်းသား အားလုံးကို လွှတ်ပေးမယ့်ပုံမျိုး မရှိဘူးလို့ ခန့်မှန်းပါတယ်။
နိုင်ငံရေး အကျဉ်းသားတွေ အားလုံးကို ပြန်မလွှတ်ပေးတာဟာ အစိုးရအနေနဲ့ အစိုးရိမ် လွန်နေတာသာ ဖြစ်တယ်လို့လည်း သူက ပြောပါတယ်။

ဒေါ်အောင်ဆန်းစုကြည် ပြန်လွတ်လာတဲ့ တနှစ်ပြည့်
ပြန်လွတ်လာပြီး တနှစ်တာအတွင်း အစိုးရနဲ့ တွေ့ဆုံ ဆွေးနွေးမှုတွေ ပြုလုပ်ခဲ့
မြန်မာ့ဒီမိုကရေစီရေး ခေါင်းဆောင် ဒေါ်အောင်ဆန်းစုကြည် နေအိမ် အကျယ် ချုပ်က ပြန်လွတ်လာတာ တနင်္ဂနွေနေ့မှာ တနှစ်ပြည့်ခဲ့ပြီ ဖြစ်ပါတယ်။
သူပြန်လွတ်လာပြီး တနှစ်တာ ကာလအတွင်း အစိုးရနဲ့ အခါအားလျော်စွာ တွေ့ဆုံဆွေးနွေး မှုတွေ ပြုလုပ်ခဲ့ရာမှာ သမ္မတ ဦးသိန်းစိန်နဲ့ တကြိမ်၊ ပြန်ထောင်စုဝန်ကြီး ဦးအောင်ကြည်နဲ့ လေးကြိမ် တွေ့ဆုံဆွေးနွေးခဲ့ကြပြီး ဖြစ်ပါတယ်။
အဲဒီနောက်မှာတော့ မြန်မာ အစိုးရက နိုင်ငံရေးပါတီမှတ်ပုံတင်ခြင်း ဥပဒေကို ပြင်ဆင်ပေးခဲ့ သလို နိုင်ငံရေး အကျဉ်းသား တချို့ကိုလည်း ပြန်လွှတ်ပေးခဲ့ပါတယ်။
အခုအချိန်မှာတော့ ဒေါ်အောင်ဆန်းစုကြည် ဦးဆောင်တဲ့ NLD အမျိုးသားဒီမိုကရေစီ အဖွဲ့ချုပ်ဟာ ပါတီမှတ်ပုံတင်ဖို့ အလားအလာရှိနေပြီး၊ ဒေါ်အောင်ဆန်းစုကြည် ကိုယ်တိုင် ရွေးကောက်ပွဲဝင်နိုင်ကြောင်း NLD ပြောခွင့်ရ ဦးဉာဏ်ဝင်းက ပြောခဲ့ပါတယ်။
လူငယ်တွေရဲ့ ခံစားချက်နဲ့အမြင်
ဒေါ်အောင်ဆန်းစုကြည် အကျယ်ချုပ်က ပြန်လွတ်လာအပြီး သူ့ရဲ့ ဆောင်ရွက်မှုတွေက လူငယ်တွေရဲ့ ဘဝကို အတိုင်းအတာ တခုအထိ ရိုက်ခတ်စေခဲ့ပါတယ်။
လူငယ်တွေရဲ့ ဘဝကိုလည်း အတိုင်းအတာ တခု အထိ ရိုက်ခတ်စေခဲ့ပါတယ်
ဒေါ်အောင်ဆန်းစုကြည် လွတ်လာတဲ့နေ့က သူ့အိမ်ရှေ့မှာ ကိုယ်တိုင် သွားစောင့် ကြိုဆိုခဲ့တဲ့ မိန်းကလေးတဦးက အဲဒီနေ့မှာ ဒေါ်အောင်ဆန်း စုကြည်ကို ပထမဆုံး တွေ့မြင်ရလိုက်တာ ဖြစ်ပြီး၊ တွေ့လိုက်ရတယ်ဆိုရင်ပဲ မျှောင်လင့် ချက် အလင်းရောင် တခုကို မြင်လိုက်ရသလို ခံစားခဲ့ရကြောင်း ဘီဘီစီကို ပြောပြပါတယ်။
ဒေါ်အောင်ဆန်းစုကြည် လွတ်မြောက်လာပြီး နောက် လူငယ်တွေအနေနဲ့ လူပီသလာကြပြီး၊ အများကြီးတိုးတက်လာတယ်လို့ ထင်မြင်မိ ကြောင်း အဲဒီမိန်းကလေးက ဆက်ပြောပြ ပါတယ်။
NLD လူငယ်တဦးကလည်း ဒေါ်အောင်ဆန်းစုကြည် လွတ်လာတုန်းက သူ့မျက်နှာကို မြင်လိုက်ရတဲ့အချိန်မှာ ခွန်အားတရပ်လို့ ခံစားခဲ့ရကြောင်းနဲ့၊ သူတို့အတွက် မားမားမတ်မတ် ရပ်တည်ပေးမယ့် ခေါင်းဆောင် ပေါ်လာပြီဆိုတဲ့ စိတ်နဲ့ အတိုင်းအဆမရှိ ဝမ်းသာခဲ့ရ ကြောင်း ပြန်ပြောင်း ပြောပြပါတယ်။
အဲဒီနောက်ပိုင်းမှာတော့၊ အနှောင့်အယှက်ဖြစ်မှာ စိုးတဲ့အတွက် အရင်တုန်းက လက်မတွဲရဲ တဲ့ လူမှုရေးအဖွဲ့တွေဟာ NLD လူငယ်တွေနဲ့ ပူးပေါင်းဆောင်ရွက် နိုင်ခဲ့ကြောင်း ဘီဘီစီကို ပြောပြပါတယ်။

အစိုးရနဲ့ ကေအန်ယူ မကြာခင် ဆွေးနွေးတော့မယ်
တတိုင်းပြည်လုံးဆောင်တဲ့ ငြိမ်းချမ်းရေး အတွက် ဆွေးနွေးမယ်လို့ KNU ပြော
မြန်မာအစိုးရ ကိုယ်စားလှယ်တွေနဲ့ ကရင်အမျိုးသားအစည်းအရုံး KNU တို့အကြား မကြာခင် ဆွေးနွေးမှုတွေ စတင်တော့မှာ ဖြစ်တယ်လို့ KNU ဘက်က ပြောပါတယ်။
KNU ငြိမ်းချမ်းရေးဖေါ်ဆောင်ရေးအဖွဲ့ဝင် တချို့နဲ့ မြန်မာအစိုးရဘက်က မီးရထားဝန်ကြီး ဦးအောင်မင်း ဦးဆောင်တဲ့ ကိုယ်စားလှယ် အဖွဲ့ဟာ မကြာခင်မှာ တွေ့ဆုံကြမှာ ဖြစ်ပါ တယ်။ ဒါပေမယ့် ဘယ်တော့လောက် တွေ့ကြမယ်ဆိုတာကိုတော့ KNU ဘက်က အတိအကျ ပြောဆိုခြင်း မရှိပါဘူး။
အစိုးရကိုယ်စားလှယ်တွေနဲ့ တွေ့ဆုံကြတဲ့အခါ ဝန်ကြီးဦးအောင်မင်းဘက်က ဘာပြောမယ် ဆိုတာကို နားထောင်ပြီး၊ သူတို့အနေနဲ့ တပ်ပေါင်းစုနဲ့ ဆွေးနွေး ချင်လာအောင် လုပ်မှာ ဖြစ်တယ်လို့ KNU ဒုတိယဥက္ကဌ ပဒို စောဒေးဗစ်သာကပေါက ပြောပါတယ်။
KNU က တဖွဲ့ချင်းအနေနဲ့ အစိုးရနဲ့ ငြိမ်းချမ်းရေးဆွေးနွေးမယ် ဆိုတဲ့ သတင်းတွေ ထွက်နေတာ မဟုတ်မှန်ကြောင်းနဲ့၊ KNU ဟာ တပ်ပေါင်းစု အနေနဲ့ ဆွေးနွေးမှာ ဖြစ်တယ်လို့လည်း သူက ပြောပါတယ်။
တဖွဲ့ချင်းအနေနဲ့ ခေတ်အဆက်ဆက် ဆွေးနွေးခဲ့ရာမှာ၊ အကျိုးမရှိခဲ့တဲ့အတွက် အခုလက်ရှိ တပ်ပေါင်းစုအဖွဲ့ဖြစ်တဲ့ တိုင်းရင်းသားများ ညီညွတ်ရေး ဖက်ဒရယ်ကောင်စီ UNFC နဲ့ ဆွေးနွေးဖို့ လိုအပ်တာ ဖြစ်ကြောင်း စောဒေးဗစ်သာကပေါက ဆိုပါတယ်။
ဆွေးနွေးတဲ့အခါကျရင်လည်း တပြည်လုံး အတိုင်းအတာဆောင်တဲ့ ငြိမ်းချမ်းရေးအတွက် ဆောင်ရွက်မှာဖြစ်တယ်လို့ သူကပြောပါတယ်။
အရင်မြန်မာအစိုးရတွေနဲ့ ဆွေးနွေးရင်း၊ ဆွေးနွေးပွဲတွေ ရပ်ဆိုင်း သွားခဲ့ဖူးတာကြောင့် အခုတခါမှာတော့ KNU ငြိမ်းချမ်းရေး ဖေါ်ဆောင်ရေးအဖွဲ့က၊ ဆွေးနွေးပွဲ မရပ်သွားအောင် ထိန်းကျောင်းသွားမှာ ဖြစ်တယ်လို့လည်း ဆိုပါတယ်။

အီတလီမှာ အစိုးရသစ်ဖွဲ့ရေး စတင်ဆွေးနွေးပြီ
တနင်္လာနေ့ ဘဏ္ဍာရေးဈေးကွက် ပြန်မဖွင့်ခင် အစိုးရသစ် ဖွဲ့စည်းမယ်လို့ မျှော်လင့်ရ
အီတလီ ဝန်ကြီးချုပ် ဆဲလ်ဗီယို ဘာလူစကိုနီ ရာထူးက နှုတ်ထွက်သွားခဲ့ ပြီးနောက် အစိုးရသစ် ဖွဲ့စည်ရေးအတွက် သမ္မတ ဂျော့ဂျီယို နပိုလီတာနို ဟာ ဆွေးနွေး တိုင်ပင်မှုတွေ စတင်နေပြီ ဖြစ်ပါတယ်။
လူအများလေးစားတဲ့ စီးပွားရေးပညာရှင် မာရီယို မွန်တီဟာ အစိုးရခေါင်းဆောင်အနေနဲ့ ဘာလူစကိုနီ နေရာကို ဆက်ခံမယ့် အခြေအနေ မျိုး ရှိနေပါတယ်။
မစ္စတာမွန်တီ အနေနဲ့ အဓိက လုပ်ဆောင်ရမယ့် တာဝန်ကတော့ အီတလီရဲ့ ကြီးမားတဲ့ ကြွေးမြီ အကျပ်အတည်းကို ဖြေရှင်းရေးအတွက် တင်းကျပ်တဲ့ ခြိုးခြံချွေတာရေး အစီအစဉ် ကို အကောင်အထည်ဖေါ်ဖို့ ဖြစ်ပါတယ်။
တနင်္လာနေ့ ဘဏ္ဍာရေး ဈေးကွက် ပြန်မဖွင့်ခင်မှာ အစိုးရသစ်ကို ဖွဲ့စည်းလိမ့်မယ်လို့ မျှော်လင့်ရပါတယ်။
မစ္စတာ ဘာလူစကိုနီကတော့ ပြီးခဲ့တဲ့အပတ်က ပါလီမန်မှာ မဲအများစု မရဘဲ ရှုံးနိမ့်ခဲ့ပြီး နောက် ရာထူးက နှုတ်ထွက်ခဲ့ရတာ ဖြစ်ပါတယ်။

ဆီးရီးယားကို အာရပ်အဖွဲ့ချုပ် အရေးယူ
ဆီးရီးယား ဆန္ဒပြမှုတွေကို အစိုးရက ဆက်ပြီး အကြမ်းဖက် နှိမ်နင်းနေ
ဆီးရီးယားမှာ အစိုးရကို ဆန့်ကျင် ဆန္ဒ ပြနေသူတွေကို အကြမ်းဖက် နှိမ်နင်းတာ တွေ ရပ်မယ်လို့ ဆီးရီးယား အစိုးရက လွန်ခဲ့တဲ့ ဆယ်ရက်လောက်က အာရပ် အဖွဲ့ချုပ်မှာ ကတိ ပေးခဲ့ပေမယ့် အကြမ်း ဖက်နှိမ်နင်းမှုတွေ မရပ်တဲ့ အဆုံးမှာ မနေ့ ကတော့ အာရပ် အဖွဲ့ချုပ်က ဆီးရီးယားကို အရေးယူ လုပ်ဆောင်လာပါတယ်။
ဆီးရီးယားကို အာရပ် အဖွဲ့ချုပ်က ပြုလုပ်တဲ့ အစည်း အဝေးတွေ တက်ခွင့် ပိတ်ပင်မှု အပါ အဝင် ဒဏ်ခပ် ပိတ်ဆို့မှုတွေ လုပ်ဖို့ ဆုံးဖြတ် လိုက်ပါပြီ။
ဒါ့အပြင် အာရပ် အဖွဲ့ချုပ် အဖွဲ့ဝင် နိုင်ငံတွေကို သူတို့ရဲ့ သံအမတ်တွေကို ဆီးရီးယားကနေ ပြန်ခေါ်ဖို့လည်း တိုက်တွန်းခဲ့ပါတယ်။
အာရပ် အဖွဲ့ချုပ်ရဲ့ ဆုံးဖြတ်ချက် ထွက်လာပြီးနောက်မှာ ဆီးရီးယားဘက်က တုန့်ပြန်ချက် ကတော့ ဒီအဖွဲ့ဟာ အမေရိကန် လက်ကိုင်တုတ် သာသာလို့ စွပ်စွဲ ပြောဆိုခဲ့တာပဲ ဖြစ်ပါ တယ်။
ဆီးရီးယား နိုင်ငံက ဆန္ဒပြမှုတွေကို အစိုးရရဲ့ အကြမ်းဖက် နှိမ်နင်းမှုတွေနဲ့ ပတ်သက်ပြီး လွန်ခဲ့တဲ့ ဆယ်ရက်လောက်က အာရပ် အဖွဲ့ချုပ်နဲ့ ဆီးရီးယားတို့ ဆွေးနွေး ခဲ့ကြပြီး အာရပ် အဖွဲ့ချုပ်က ဆီးရီးယား အစိုးရ လုပ်ဆောင်ရမယ့် အချက်တွေကို ချပြခဲ့ပါတယ်။
အဲဒိထဲမှာ နိုင်ငံရေး အကျဉ်းသားတွေ လွှတ်ပေးဖို့၊ နောက် လမ်းတွေပေါ်မှာ ချထားတဲ့ လုံခြုံရေး တပ်တွေကို ပြန်ရုပ်သိမ်းပေးဖို့၊ နောက် အစိုးရနဲ့ အတိုက်အခံတို့ စ စကား ပြောဖို့တွေ ပါဝင်ပါတယ်။
ဒီ အချက်တွေကို ဆီးရီးယား အစိုးရက အဲဒိတုန်းက လက်ခံခဲ့ပေမယ့် ခု အာရပ် အဖွဲ့ချုပ် အမြင်မှာ ဆီးရီးယားက ကတိ အတိုင်း လိုက်နာမှု မရှိဘူးလို့ မြင်တဲ့ အတွက် ဆီးရီးယားကို အရေးယူ ဆောင်ရွက်ဖို့ လုပ်ဆောင်လာတာ ဖြစ်ပါတယ်။
ဆီးရီးယားကို အရေးယူဖို့ ကိုင်ရိုမှာ မဲခွဲတဲ့ အခါမှာ ဆယ့်ရှစ် နိုင်ငံက ထောက်ခံခဲ့ပြီး၊ ဆီးရီးယား၊ လက်ဘနွန်နဲ့ ယီမင် သုံးနိုင်ငံက ကန့်ကွက်ပါတယ်။ အီရတ်ကတော့ ဘာဆုံးဖြတ်ချက်မှ မပေးပါဘူး။
တကယ်တော့ ဆီးရီးယားကို အာရပ် အဖွဲ့ချုပ်က တနည်းတဖုံ အရေးယူမယ်လို့ မှန်းထား ကြပေမယ့် ခုလို ဒဏ်ခပ် ပိတ်ဆို့တာ၊ အဖွဲ့ဝင် နိုင်ငံတွေရဲ့ သံအမတ်တွေကို ပြန်ခေါ်ခိုင်း တဲ့ထိ ဆုံးဖြတ်တာကတော့ မှန်းထားတာထက် ပိုပြင်းထန်တယ်လို့ ဘီဘီစီ သတင်းထောက် ဂျွန်လိုင်းက သုံးသပ်ပါတယ်။
ခု အာရပ် အဖွဲ့ချုပ်ဟာ ဆီးရီးယား အတိုက်အခံတွေကို အာရပ် အဖွဲ့ချုပ် အစည်းအဝေး လုပ်တဲ့ ကိုင်ရိုထိ ဖိတ်တာကို ကြည့်ရင် အာရပ် နိုင်ငံတွေဟာ ဆီးရီးယား အစိုးရကို ဖြုတ်ချ မယ့် အတိုက်အခံတွေကို ထောက်ခံတဲ့ အင်အားစု တခု ပေါ်လာအောင် ကြိုးစားနေပုံရတယ် လို့ ဘီဘီစီ သတင်းထောက်က မှတ်ချက် ပေးပါတယ်။
ခု အာရပ် အဖွဲ့ချုပ်ရဲ့ အရေးယူ ဆုံးဖြတ်ချက်တွေဟာ ဗုဒ္ဓဟူးနေ့က စပြီး အမိန့် အာဏာ တည်မှာ ဖြစ်ပြီး ဒီကြားထဲမှာ ဆီးရီးယား အတိုက်အခံတွေနဲ့ ဆက်စကား ပြောသွား မယ်လို့ ကာတာ ဝန်ကြီးချုပ် ဟာမက် ဂျာဆင်က ပြောပါတယ်။
ခု အရေးယူ လုပ်ဆောင်မှုတွေ လုပ်နေလျက်နဲ့ ဆီးရီးယားမှာ အကြမ်းဖက် တိုက်ခိုက်မှုတွေ မရပ်ဖူး ဆိုရင် အာရပ် အဖွဲ့ချုပ်က လူ့အခွင့်အရေး အဖွဲ့တွေနဲ့ ကုလသမဂ္ဂက တဆင့် သွေးထွက် သံယိုမှုတွေ ရပ်တန့်အောင် သင့်တော်တဲ့ လုပ်ဆောင်မှုတွေ လုပ်သွားမယ် လို့လည်း ကာတာ ဝန်ကြီးချုပ်က ပြောပါတယ်။
လစ်ဗျား ကိစ္စကို ပြန်ကြည့်ရင် ခုလိုပဲ ပထမ အာရပ် အဖွဲ့ချုပ်က ကဒါဖီ အစိုးရကို ပြစ်တင် ရှုံ့ချတယ်၊ နောက် မပျံသန်းရဇုံ သတ်မှတ်တယ်။ ဒါတွေ အားလုံး ပြီးတဲ့အခါ ကုလသမဂ္ဂ လုံခြုံရေး ကောင်စီကနေ ပြဌာန်း ဆုံးဖြတ်ချက် ချပြီး အရပ်သားတွေကို ကာကွယ်ဖို့ နေတိုးကို စစ်ရေးအရ ဝင်ရောက် စွက်ဖက်ခွင့် ပြုရာကနေ နောက်ဆုံး ကဒါဖီ ပြုတ်ကျတဲ့ထိ ဖြစ်ခဲ့ပါတယ်။
ခု ဆီးရီးယား ကိစ္စမှာ အတိုက်အခံတွေက မပျံသန်းရဇုံ သတ်မှတ်ဖို့ တောင်းဆိုပေမယ့် အာရပ် အဖွဲ့ချုပ်က အဲ့သလောက်ထိတော့ အရေး မယူသေးပါဘူး။
ဒါ့အပြင် ဆီးရီးယားဟာ လစ်ဗျားလို ဖြစ်မှာ မဟုတ်ဖူးဆိုပြီးလည်း ကာတာ ဝန်ကြီးချုပ်က ပြောပါတယ်။
ဒါပေမယ့် ဆီးရီးယား သမ္မတ အာဆတ် အနေနဲ့ ဒီအတိုင်း ဆက်သွားမယ် ဆိုရင် သူ့အတွက် နေစရာရက် သိပ်ကျန်တော့မှာ မဟုတ်ဖူးဆိုတာကို အာရပ် အဖွဲ့ချုပ် နိုင်ငံတွေက သတိပေး ထားပြီးသား ဆိုတာကိုတော့ ပြောနိုင်တယ်လို့ ဘီဘီစီ သတင်းထောက်တွေက သုံးသပ် ထားပါတယ်။

ဒီကေဘီအေ ရဲ့ အပစ်ရပ် သဘောထား
မြန်မာ အစိုးရနဲ့ နိုဝင်ဘာလ ၃ ရက်နေ့က ဘားအံမှာ အပစ်အခတ် ရပ်ဆဲရေး လက် မှတ်ထိုး ခဲ့တဲ့ ဒီကေဘီအေ ကလို့ ထူးဘော အဖွဲ့ ဟာ ပြီးခဲ့တဲ့ ကြာသပတေး နေ့က သတင်းစာ ရှင်းလင်းပွဲ လုပ်ဖို့ ရှိပေမယ့် လမ်းပန်း ဆက်သွယ်ရေး အခက်အခဲ တွေကြောင့် ရက်ရွှေ့ဆိုင်း ခဲ့ရပါတယ်။
ဒါပေမယ့် ဒီကေဘီအေ ရဲ့ ပြည်ပ ဆက်ဆံရေး တာဝန်ခံ ဗိုလ်မှူး စောလုံလုံကို ဘီဘီစီက ဆက်သွယ်မေးမြန်း ခဲ့ရာမှာ တော့ ဗိုလ်မှူး စောလုံလုံက သတင်းစာ ရှင်းလင်းပွဲမှာ အပစ်အခတ် ရပ်စဲရေး လက်မှတ် ထိုးခဲ့တာကို ဒေသခံ လူထုနဲ့ သတင်း သမား တွေကို တင်ပြ ဖို့ ဖြစ်ကြောင်း ပြောပါတယ်။
ယာယီ အပစ်ရပ်စဲ ရေးမှသည် ထာဝရ ငြိမ်းချမ်းရေး ဆိုတဲ့ မူကို အဓိက ထားတဲ့ အကြောင်း၊ အစိုးရသစ် က မြန်မာပြည် မှာ ထာဝရ ငြိမ်းချမ်းရေး ရအောင် လုပ်ဆောင် သွားမယ်လို့ ဆိုတဲ့ အတွက် ယာယီ အပစ်ရပ် လက်မှတ် ထိုးခဲ့တာ ဖြစ်ပြီး မှန်ကန်သော ငြိမ်းချမ်းရေးကို သွားနိုင်မယ်လို့ ထင်ကြောင်း ပြောပါတယ်။
လောလောဆယ်မှာ ကလို့ထူးဘော ဌာနချုပ်ကို နေရာ ချထားပေးဖို့ သဘောတူညီ ထားတယ်လို့ လဲဆိုပါတယ်။ တခြားတပ်ဖွဲ့ စည်းရေး ဆိုင်ရာတွေကို တော့ နောက်ပိုင်းမှာ ဆွေးနွေးကြ မှာ ဖြစ်ပြီး၊ အဲဒီ နှစ်ချက် ကို ဆောင်ရွက် ပြီးရင် တော့ နေပြည်တော် အထိ သွားဖို့ ရှိတဲ့ အကြောင်းတွေကို ပြောပြသွား ပါတယ်။
အခုလို ယာယီ အပစ်အခတ် ရပ်စဲ ရေး ကို ဆောင်ရွက် ပြီးနောက်မှာ အစိုးရနဲ့ ဒီကေဘီအေ ပူးပေါင်းလို့ ဒေသတွင်း ဖွံ့ဖြိုးရေး လုပ်ငန်းတွေ ကို ဆောင်ရွက် သွားမယ် လို့လဲ ဗိုလ်မှူး စောလုံလုံ က ပြောပြခဲ့ ပါတယ်။

ဘာလူစကိုနီ ရာထူးက နှုတ်ထွက်
နှစ်နှစ်ဆယ်နီးပါး အီတလီ နိုင်ငံရေးကို ကြီးစိုးခဲ့တဲ့ ဘာလူစကိုနီ နှုတ်ထွက်ပေးရ
အီတလီ နိုင်ငံရေး လောကကို ဆယ်စုနှစ် နှစ်ခုနီးပါးကြာ ကြီးစိုး ထားခဲ့တဲ့ ဆီလဗီယို ဘာလူစကိုနီဟာ မနေ့ကတော့ ရာထူးက နှုတ်ထွက် ပေးလိုက်ပါပြီ။
အီတလီ သမ္မတ ဂျော်ဂျီယို နာပိုလီတားနိုက ဘာလူစကိုနီရဲ့ နှုတ်ထွက်စာကို လက်ခံပြီး အရင် အီးယူ ကော်မရှင်နာ မင်းကြီး စီးပွားရေး ကျွမ်းကျင်သူ မာရီယို မွန်တီကို ဝန်ကြီးချုပ် အဖြစ် ခန့်အပ်ခဲ့ပါတယ်။
ဘာလူ စကိုနီရဲ့ နိုင်ငံရေး သက်တမ်း တလျှောက်မှာ အမျိုးမျိုးသော အခက်အခဲတွေကို သူဟာ အကြိမ်ကြိမ် ကျော်လွှား နိုင်ခဲ့ပေမယ့် ခုတခါက် မှာတော့ ဘာလူစကိုနီ လက်မြှောက် လိုက်ရပါပြီ။
သူနှုတ်ထွက်ရတဲ့ ကိစ္စမှာ အဓိက အကျဆုံး အချက် ကတော့ ယူရိုဇုံ အကြွေး အကျပ် အတည်းဖြစ်ပြီးအကြွေး အကျပ်အတည်းကို သူကိုင်တွယ်ပုံကို လွှတ်တော်မှာ အများစုက သဘော မတူတဲ့ အဆုံးမှာ သူထွက်ရတာ ဖြစ်ပါတယ်။
သမ္မတ နန်းတော်ကို ရာထူးက နှုတ်ထွက်စာ တင်ဖို့ လာတော့ သူ့ကို လမ်းမှာ လူတွေက ဝိုင်းလှောင် ကြပါတယ်။
သူ့ကို လှောင်ဖို့ ရောက်နေတဲ့ လူအုပ်က ကြီးလွန်းလို့ ရဲလည်း မထိန်းနိုင်ဘဲ နောက်ဆုံးမှာ ဘာလူ စကိုနီဟာ သမ္မတ နန်းတော်က အပြန်မှာ လာလမ်း အတိုင်း မပြန် နိုင်ဘဲ နန်းတော် ဘေးပေါက်ကနေ ထွက်သွားရပါတယ်။
အီတလီ နိုင်ငံရေး လောကကို ဆယ်စုနှစ် နှစ်ခု နီးနီး ကြီးစိုးလာသူ တယောက် သိက္ခာ ရှိရှိနဲ့ စင်မြင့်ပေါ်က ဆင်းမသွားနိုင်ရှာဘူးလို့ သတင်းထောက်တွေက မှတ်ချက် ပေးပါတယ်။
ဒုတိယ ကမ္ဘာစစ် နောက်ပိုင်းမှာ သူဟာ သက်တမ်း အကြာဆုံး အုပ်ချုပ် နိုင်ခဲ့သူ ဖြစ်ပြီး သူ့ဝန်ကြီးချုပ် သက်တမ်း တလျှောက်မှာ အညှီအဟောက် အရှုပ်တော်ပုံ ဇာတ်လမ်းတွေ မနည်း ပေါ်ထွက်ခဲ့ပါတယ်။
ဝန်ကြီးချုပ် ဘဝနဲ့ ညဘက် ပါတီတွေ၊ ပွတ်သဘင်တွေ မှန်မှန် ပေးသလိုနောက် ပြည့်တန် ဆာတွေနဲ့ ပျော်ပါးတာလည်း တိုင်းသိ ပြည်သိပါ။ အဲဒိထဲမှာ အရွယ် မရောက် သေးတဲ့ ကောင်မလေး ငယ်ငယ်လေးတွေတောင် ပါတယ်လို့ သတင်းစာ တချို့က ရေးပါတယ်။
ဒါပေမယ့် ဒီလို အရှုပ်တော်ပုံတွေကို ကျော်နိုင်ပေမယ့် စောစောက ပြောခဲ့သလိုပဲ ယူရိုဇုံ ဘဏ္ဍာရေး အကျပ်အတည်းတွေ အရှိန်ပြင်းလာရာမှာ ပြီးခဲ့တဲ့ အပတ်က အီတလီ အစိုးရရဲ့ အကြွေးတွေ အတွက် ပေးရတဲ့ အတိုးနှုန်းဟာ နေ့စဉ် ရက်ဆက်တက်လာရာမှာ နောက်ဆုံး ဘာလူစကိုနီ ဆင်းမှ ဖြစ်တော့မယ့် အနေအထားကို ရောက်လာပါတယ်။
ရင်းနှီး မြှတ်နှံသူတွေက သူဟာ အီတလီရဲ့ ဘဏ္ဍာရေး အကျပ်အတည်းကို ရှင်းပေးနိုင်မယ့် လူလို့ မမြင်ကြပါဘူး။
သူ ရာထူးက မထွက်ခင်မှာ အီတလီ အထက် လွှတ်တော်က ခြိုးခြံ ချွေတာရေး အစီအမံ တွေကို အတည်ပြုခဲ့ပြီး မနေ့ညက အောက်လွှတ်တော်မှာ ဒီအစီအမံတွေကိုပဲ မဲခွဲရာမှာ အတည်ပြုတဲ့ဘက်က အပြတ်အသတ်ကို အနိုင်ရပြီး အတည်ပြုနိုင်ခဲ့ပြန်ပါတယ်။
အဲဒိ အစီအစဉ်တွေထဲမှာ ဗီအေတီ ခေါ်တဲ့ တန်ဖိုးပေါ် ထပ်ဆင့် ပေးဆောင်ရတဲ့ အခွန်ကို ၂၁ ရာခိုင်နှုန်းထိ တိုးတယ်၊
နောက် အစိုးရ အမှုထမ်းတွေရဲ့ လစာကို ၂၀၁၄ ထိ တိုးမပေးဘဲ လက်ရှိ အတိုင်းထားဖို့ ဆုံးဖြတ်တယ်၊ အငြင်းအခုံ အဖြစ်ဆုံး အချက်တခုကတော့ အမျိုးသမီးတွေရဲ့ ပင်စင်သက်ကို တဖြည်းဖြည်း မြှင့်ရာမှာ ၂၀၂၆ မှာ ၆၅ နှစ်ထိ သတ်မှတ်ဖို့တွေ ပါဝင်ပါတယ်။
ဘာလူစကိုနီဟာ လူကြိုက်များတဲ့ ဝန်ကြီးချုပ်တော့ မဟုတ်ပါဘူး။
ဒါပေမယ့် ခု လွှတ်တော်က အတည်ပြုလိုက်တဲ့ အစီအမံတွေဟာလည်း ပြည်သူလူထုက သဘောတူတဲ့ အစီအမံတွေ မဟုတ်တဲ့ အတွက် ဒါတွေဟာ ဒီမိုကရေစီနည်းကျ ရထားတဲ့ အစီအမံတွေ ဟုတ်ရဲ့လားဆိုတာလည်း မေးစရာ ဖြစ်နေပါတယ်။

တရုတ်စီးပွားရေးပြုပြင်ပြောင်းလဲမှု အမေရိကန်တို့ စိတ်မရှည်
By ဗွီအိုအေ (မြန်မာဌာန)
တရုတ်နိုင်ငံက စီးပွားရေးဆိုင်ရာမူဝါဒတွေ ပြုပြင်ပြောင်းလဲရာမှာ နှေးကွေးလွန်းတဲ့အတွက် အမေရိကန်တွေ အနေနဲ့ စိတ်မရှည်၊ စိတ်ပျက်စရာတွေ ပိုများလာနေတယ်လို့ မနေ့တုန်းကပဲ အမေရိကန်သမ္မတ ဘရက်အိုဘားမားက တရုတ်သမ္မတ ဟူကျင်းတောင်ကို ပြောလိုက်ပါတယ်။
အာရှ-ပစိဖိတ်ဒေသ စီးပွားရေးပူးပေါင်းဆောင်ရွက်ရေးအဖွဲ့ APEC ထိပ်သီးအစည်းအဝေးပွဲ ကျင်းပနေတဲ့ ဟိုနိုလူလူ ကျွန်းမှာ တရုတ်သမ္မတနဲ့ အတူထိုင်ပြီး တရုတ်နိုင်ငံက ပူးပေါင်းဆောင်ရွက်မှုတွေဟာ အရေးကြီးတဲ့အကြောင်း ပြောဆိုလိုက်တာပါ။
တရုတ်သမ္မတကလည်း ပူးပေါင်းဆောင်ရွက်မှုတွေ ဒီထက်ပိုလုပ်ဆောင်ဖို့ အပြန်အလှန် တောင်းဆိုခဲ့သလို တရုတ်နဲ့ အမေရိကန် ၂ နိုင်ငံကြား အဓိကကျတဲ့ စိုးရိမ်မကင်းဖြစ်စရာ အခြေအနေတွေကို အပြန်အလှန် လေးစားဖို့နဲ့ အတိမ်းအစောင်းမခံနိုင်တဲ့ ကိစ္စတွေကို သင့်တော်တဲ့ နည်းလမ်းတွေနဲ့ ကိုင်တွယ် ဆောင်ရွက်ဖို့လည်း ပြောဆိုခဲ့တာဖြစ်ပါတယ်။

ကချင်ပြည်နယ်မှာ စစ်ပွဲတွေ ရပ်ဆိုင်းဖို့ ငြိမ်းချမ်းရေးအဖွဲ့ ဖွဲ့စည်း
2011-11-13
မြန်မာအစိုးရနဲ့ ကချင်လွတ်မြောက်ရေး အဖွဲ့ KIO အကြား ဖြစ်ပွားနေတဲ့ စစ်ပွဲတွေ ရပ်ဆိုင်းဖို့အတွက် နိုင်ငံရေး ပါတီ အသီးသီးမှာ ပါဝင်ဆောင်ရွက်နေ တဲ့ တိုင်းရင်းသားခေါင်းဆောင်တွေက Vision of Peace ဆိုတဲ့ ငြိမ်းချမ်းရေးအဖွဲ့တဖွဲ့ကို မနေ့က ဖွဲ့စည်းလိုက်ပါတယ်။
ဒီ ငြိမ်းချမ်းရေးအဖွဲ့ အနေနဲ့ ပထမဦးဆုံး သမ္မတဦးသိန်းစိန် ဆီကို စာရေးသားမှာ ဖြစ်တယ်လို့ အဖွဲ့ အတွင်းရေးမှူး ပူးရှန်းထွန်းက ပြောပါတယ်။
ဒါ့အပြင် ကချင်ပြည်နယ်မှာ ဖြစ်ပွားနေတဲ့ စစ်ပွဲတွေအတွင်း လူ့အခွင့်အရေး ချိုးဖောက်မှုတွေကို ဖော်ထုတ်ပြီး လူထုကို အသိပေးသွားမယ်လို့လည်း ဆိုပါတယ်။
အခု ဖွဲ့စည်းလိုက်တဲ့ ငြိမ်းချမ်းရေးအဖွဲ့မှာ အမျိုးသား ဒီမိုကရေစီအင်အားစု NDF ပါတီ ခေါင်းဆောင်တဦးဖြစ်တဲ့ ကချင်အမျိုးသမီး ဒေါ်ဘောက်ဂျာက ဥက္ကဋ္ဌအဖြစ် တာဝန်ယူပြီး ချင်းအမျိုးသား တိုးတက်ရေးပါတီ CPP ရဲ့ ထိပ်ပိုင်းခေါင်းဆောင်တဦး ဖြစ်တဲ့ ပူးရှန်းထွန်း က အတွင်းရေးမှူးအဖြစ် တာဝန်ယူထားပါတယ်။ ဒါ့အပြင် ဒီအဖွဲ့မှာ မွန်ဒေသလုံးဆိုင်ရာ ဒီမိုကရေစီပါတီနဲ့ တခြား တိုင်းရင်းသားပါတီတွေက ခေါင်းဆောင်တချို့လည်း ပါဝင်တယ်လို့ သိရပါတယ်။

နှစ်ပတ်လည်အထိမ်းအမှတ် BG အဖွဲ့ သွေးလှူ
2011-11-13
NLD လူငယ်တွေ ဦးစီးတဲ့ BG ခေါ် ‘Blood Group သွေးအကူအညီပေးရေး အဖွဲ့’ တည်ထောင်ခြင်း နှစ်ပတ်လည်နဲ့ ဒေါ်အောင်ဆန်းစုကြည် နေအိမ် အကျယ်ချုပ်က လွတ်မြောက်ခြင်း နှစ်ပတ်လည် အထိမ်းအမှတ်အဖြစ် သွေးလှူဒါန်းပွဲတွေကို မနေ့က စပြီး ဆောင်ရွက်ခဲ့ကြောင်း BG အဖွဲ့က ပြောပါတယ်။
သွေးလှူဒါန်းပွဲတွေကို ၃ ရက် ဆောင်ရွက်သွားမယ်လို့ သိရပါတယ်။ နှစ်ပတ်လည် အထိမ်းအမှတ် သွေးလှူဒါန်းမှုနဲ့ ပတ်သက်ပြီး BG အဖွဲ့တာဝန်ခံ ကိုလင်းထက်က နိုဝင်ဘာလ ၁၂ ရက် မနေ့ကစပြီး ရန်ကုန်မြို့က ဆေးရုံ အတော်များများမှာ သွေးပုလင်း ၃ဝ ကျော် လှူဒါန်းခဲ့ကြောင်း၊ နိုဝင်ဘာလ ၁၄ ရက်နေ့အထိ လှူဒါန်းကြမှာ ဖြစ်ကြောင်း၊ ‘မွန်မြတ်စေတနာ’၊ ‘ကရုဏာရှင်’ နဲ့ တခြား သွေးလှူအဖွဲ့တွေလည်း ပူးပေါင်း ဆောင်ရွက်ကြကြောင်း ပြောပါတယ်။
လက်ရှိ အဖွဲ့ဝင် ၃ သောင်းကျော် ပါဝင်တဲ့ BG သွေးလှူအဖွဲ့ဟာ သွေးလှူဒါန်းတဲ့ အလုပ်အပြင် တခြား ကူညီကယ်ဆယ်ရေးနဲ့ ဖွံ့ဖြိုးရေး လုပ်ငန်းတွေကိုလည်း ဆောင်ရွက်နေကြတယ်လို့ ကိုလင်းထက်က ပြောပါတယ်။
မကြာသေးခင်က တောင်ဒဂုံမြို့နယ်မှာ ပညာရေး အားနည်းနေတဲ့ ကလေးငယ်တွေအတွက် အသက်မွေးဝမ်းကျောင်း ပညာသင် ကျောင်းတကျောင်း ဖွင့်လှစ်ခဲ့ပြီး ကျောင်းစာ မသင်နိုင်တဲ့ လူငယ်တွေကို ဆံပင်ညှပ်၊ ကားပြုပြင်၊ သံဂဟေဆော် စတဲ့ အသက်မွေးဝမ်းကျောင်း ပညာတွေကို အလုပ်ခွင် ဝင်နိုင်တဲ့အထိ သင်ကြားပေးခဲ့ရာမှာ ခုအခါမှာ သင်တန်းသား ၄ ရာကျော် ရှိသွားပြီလို့ သိရပါတယ်။

မြန်မာ့အသွင်ကူးပြောင်းရေး ခြေလှမ်းတိုးဖို့ အမေရိကန်တိုက်တွန်း
By ကိုသားညွှန့်ဦး
ဟာဝိုင်အီပြည်နယ် ဟိုနိုလူလူမှာကျင်းပနေတဲ့ APEC အစည်းအဝေး (နိုဝင်ဘာလ ၁၂၊ ၂၀၁၁)
မြန်မာနိုင်ငံတွင်းမှာ ကျယ်ပြန်တဲ့ နိုင်ငံရေးဆွေးနွေးပွဲတစ်ရပ် ပေါ်လာစေရေးအတွက် အသွင်ကူးပြောင်းရေး လုပ်ငန်းတွေ ဒီထက်ပို အားကောင်းလာတာကို မြင်လိုတယ်လို့ အမေရိကန်နိုင်ငံခြားရေးဝန်ကြီး ဟီလာရီ ကလင်တန်က ပြောပါတယ်။ မြန်မာနိုင်ငံမှာ အပြောင်းအလဲတွေ မြင်နေရပြီဆိုပေမဲ့ လူ့အခွင့်အရေး အခြေအနေနဲ့ပတ်သက်လို့တော့ စိုးရိမ်မိတယ်လို့ အမေရိကန် နိုင်ငံခြားရေးဝန်ကြီးက မနေ့က APEC ညီလာခံအတွင်း သတင်းစာရှင်းလင်းပွဲမှာ ပြောဆိုသွားတာပါ။ ဒီအကြောင်း ကိုသားညွန့်ဦးက တင်ပြထားပါတယ်။
မြန်မာနိုင်ငံမှာ နိုင်ငံရေးအပြောင်းအလဲအချို့ ခိုင်ခိုင်မာမာ တွေ့လာရပြီဆိုပေမဲ့ ဒီထက်ပိုပြီး လုပ်ဆောင်သွားဖို့ အမေရိကန် နိုင်ငံခြားရေးဝန်ကြီး ဟီလာရီကလင်တန်က APEC အစည်းအဝေးတွင်းမှာ ပြောသွားတာပါ။ နိုဝင်ဘာလ ၁၁ ရက်နေ့ အမေရိကန်စံချိန် ညနေပိုင်းက အာရှပစိဖိတ် စီးပွားရေးပူးပေါင်းဆောင်ရွက်မှုအဖွဲ့ APEC ၀န်ကြီးများအဆင့် အစည်းအဝေးအပြီး သတင်းစာရှင်းလင်းပွဲအတွင်း နိုင်ငံခြားရေးဝန်ကြီး ကလင်တန်က ပြောဆိုသွားခဲ့တာဖြစ်ပါတယ်။ မြန်မာနိုင်ငံမှာ အခုမြင်လာရတဲ့ အသွင်ကူးပြောင်းရေး လုပ်ငန်းတွေ ပိုပြီး အရှိန်ကောင်းကောင်းနဲ့ ဆောင်ရွက်သွားဖို့လိုမယ်လို့ နိုင်ငံခြားရေးဝန်ကြီး ကလင်တန်က ပြောပါတယ်။
“ပွင့်လင်းမြင်သာမှုနဲ့ လွတ်လပ်မှုတွေ ပိုရှိလာစေဖို့အတွက် နိုင်ငံရေးအရ ပြုပြင်ပြောင်းလဲမှုတွေ လုပ်သွားဖို့ မြန်မာအစိုးရကို တိုက်တွန်းနေပါတယ်။ အခြားလူတွေ ရရှိခံစားရသလို နိုင်ငံတကာသတ်မှတ်မှု စံနှုန်းတွေအတိုင်း မြန်မာလူထုဟာလည်း ဒီအခွင့်အရေးတွေ ရရှိဖို့လိုပါတယ်။ ဒါကြောင့် မြန်မာနိုင်ငံမှာ ကျယ်ပြန့်တဲ့ တွေ့ဆုံဆွေးနွေးမှုတရပ် ပေါ်လာရေးအတွက် အားတက်ကျေနပ်စရာ အသွင်ကူးပြောင်းရေး လုပ်ငန်းတွေ ပိုမို အားကောင်းလာတာကို မြင်လိုပါတယ်။ ဒီကတဆင့် မြန်မာလူထုအတွက် အကျိုးရှိစေမယ့် ပွင့်လင်းတဲ့ ဒီမိုကရေစီလူ့အဖွဲ့အစည်းတရပ် တဖြည်းဖြည်း ဖြစ်လာဖို့ မျှော်လင့်ပါတယ်။”
လက်ရှိ အနေအထားမှာတော့ အမေရိကန်ဘက်က အကြီးတန်းအရာရှိတွေ မြန်မာနိုင်ငံကို မကြာခဏ သွားရောက်လာတာမျိုး ရှိနေပြီး သူတို့တွေရဲ့ အစီရင်ခံမှုအပါအ၀င် အခြားနိုင်ငံတွေက မြန်မာကိုသွားတဲ့ တာဝန်ရှိသူတွေရဲ့ တုံ့ပြန်ချက်အရပါ မြန်မာနိုင်ငံမှာ ခိုင်မာတဲ့ အပြောင်းအလဲအချို့ မြင်လာရပြီလို့ ၀န်ကြီးကလင်တန်က ပြောပါတယ်။
“ဒေါ်အောင်ဆန်းစုကြည်နဲ့ တွေ့ဆုံဆွေးနွေးမှုတွေဟာ ခိုင်ခိုင်မာမာ ရှိလာပါပြီ။ အလုပ်သမားဥပဒေသစ် ထုတ်ပြန်တာ၊ နိုင်ငံရေးပါတီများ မှတ်ပုံတင်တဲ့ဥပဒေကို ပြောင်းလဲပြင်ဆင်တာ အပါအ၀င် အရေးကြီးတဲ့ ဥပဒေပြင်ဆင်မှုတွေ လုပ်ခဲ့ပါတယ်။ ဒီလို ပြုပြင်ပြောင်းလဲမှုဆိုင်ရာ ကနဦးကြိုပမ်းမှုတွေကို အမေရိကန် ပြည်ထောင်စုအနေနဲ့ ထောက်ခံပါတယ်။ ကျမတို့အနေနဲ့ကတော့ မြန်မာလူထုအနေနဲ့ မိမိတို့နိုင်ငံရဲ့ နိုင်ငံရေးမှာ အပြည့်အ၀ ပါဝင်နိုင်ခွင့်ရတာကို မြင်လိုပါတယ်။”
ဒီလို အပြောင်းအလဲတွေအပေါ် အမေရိကန်ပြည်ထောင်စုအနေနဲ့ အားပေးသလို တဘက်မှာ လူ့အခွင့်အရေး အခြေအနေတွေနဲ့ပတ်သက်လို့ စိုးရိမ်စရာ ရှိသေးတယ်လို့ အမေရိကန်နိုင်ငံခြားရေးဝန်ကြီးက ပြောသွားပါတယ်။
“ဒါပေမဲ့လည်း လုပ်စရာတွေ ပိုလုပ်ရပါလိမ့်ဦးမယ်။ လူ့အခွင့်အရေး အခြေအနေတွေနဲ့ ပတ်သက်လို့ ကျမတို့ စိုးရိမ်မိပါတယ်။ နိုင်ငံရေးအကျဉ်းသားတွေဟာ နှစ်ရှည် ထိန်းသိမ်းခံနေရဆဲ ရှိနေပါတယ်။ ဒါကြောင့် နိုင်ငံရေးအကျဉ်းသား အားလုံးကို ခြွင်းချက်မရှိ လွှတ်ပေးဖို့နဲ့ တိုင်းရင်းသားလူနည်းစုဒေသတွေမှာ အကြမ်းဖက်မှုတွေကို အဆုံးသတ်စေဖို့ ကျမတို့ ဆက်ပြီး တောင်းဆိုပါတယ်။ မြောက်ကိုရီယားနဲ့ ဆက်ဆံရေးပိုင်းမှာလည်း ပွင့်လင်းမြင့်သာမှုရှိဖို့ တိုက်တွန်းပါတယ်။”
မြန်မာနိုင်ငံကို အမေရိကန်ဘက်က အကြီးတန်းအရာရှိတွေ ဒီလပိုင်းအတွင်း သွားရောက်ခဲ့ပါတယ်။ အမေရိကန်ပြည်ထောင်စုရဲ့ ဒီမိုကရေစီ လူ့အခွင့်အရေးနဲ့ အလုပ်သမားရေး လက်ထောက်နိုင်ငံခြားရေးဝန်ကြီး မိုက်ကယ်ပေါ့စနာ (Michael Posner) နဲ့ မြန်မာနိုင်ငံဆိုင်ရာ အထူးကိုယ်စားလှယ် ဒဲရက်မစ်ချဲလ် (Derek Mitchell) တို့ ပြီးခဲ့တဲ့ သီတင်းပတ်ကပဲ မြန်မာပြည်ကိုသွားပြီး အစိုးရအာဏာပိုင်တွေရော၊ အတိုက်အခံတွေ၊ လူထုအခြေပြုအဖွဲ့အစည်းတွေနဲ့ပါ ကျယ်ကျယ်ပြန့်ပြန့် တွေ့ဆုံခဲ့ပါတယ်။
အခု APEC အစည်းအဝေးအပြီးမှာလည်း အမေရိကန်သမ္မတ အိုဘားမား၊ နိုင်ငံခြားရေးဝန်ကြီး ကလင်တန်တို့အပါအ၀င် အမေရိကန် အကြီးတန်းသံတမန်တွေဟာ အင်ဒိုနီးရှား ဘာလီမှာကျင်းပမယ့် အာဆီယံနဲ့ နောက်ဆက်တွဲ အစည်းအဝေးတွေကို သွားရောက်မှာဖြစ်ပါတယ်။ အဲဒီမှာလည်း အမေရိကန် ထိပ်ပိုင်းတာဝန်ရှိသူတွေနဲ့ မြန်မာဘက်က ထိပ်ပိုင်းခေါင်းဆောင်တွေ သီးခြား တွေ့ဆုံလိမ့်မယ်လို့ မျှော်လင့်ရပါတယ်။