13.11.2011 နေ့ဖတ်ရန်သတင်းများ

by Myanmar Journal on Sunday, November 13, 2011 at 6:15am

 

မက္ကဆီကိုမှာ မူးယစ်ဂိုဏ်းတွေ ပြဿနာ ကြီးကြီး မားမားရှိ 

မက္ကဆီကို ၀န်ကြီး ရဟတ်ယဉ် ပျက်ကျ သေဆုံး
မက္ကဆီကို နိုင်ငံက ပြည်ထဲရေး ဝန်ကြီး ဖရန်စစ်စကို ဘလိတ်မိုရာ ရဟတ်ယဉ် ပျက်ကျမှုမှာ သေဆုံး သွားပါတယ်။ သူဟာ မက္ကဆီကို စီးတီးကနေ ကူယာနာ ဗာချာမြို့ကို အသွား လမ်းမှာ ရဟတ်ယဉ် ပျက်ကျပြီး သူနဲ့ အတူ ရဟတ် ယဉ်ပေါ် ပါသူ အားလုံး သေဆုံး ခဲ့ပါတယ်။
ရဟတ်ယဉ် ပျက်ကြရခြင်း အကြောင်းရင်း တွေကို မသိရသေးပါဘူး။
သေဆုံးသူ ပြည်ထဲရေး ဝန်ကြီးဟာ သမ္မတ ဖိလစ်ပေ ကာလဒရွန်နဲ့ နီးစပ်တဲ့ သူ့ရဲ့ မဟာမိတ် ဖြစ်ပြီး မက္ကဆီကိုက မူးယစ်ဂိုဏ်းတွေကို တိုက်ဖျက်ရာမှာ ထိပ်တန်းက ပါဝင် ခဲ့ပါတယ်။
လွန်ခဲ့တဲ့ သုံးနှစ်ကလည်း သူ့အရင် ပြည်ထဲရေး ဝန်ကြီးဟာ ခုလိုပဲ လေယဉ် ပျက်ကျမှုမှာ သေဆုံးခဲ့ပါတယ်။


အေပက် ညီလာခံ တက်ဖို့ အိုဘားမား ဟာဝိုင်ယီသွားအေးပက် ညီလာခံအတွက် အိုဘားမား ဟာဝိုင်ယီသွား
နှစ်စဉ် ကျင်းပတဲ့ အေးပက်ခေါ် အာရှ ပစိဖိတ် နိုင်ငံများ ထိပ်သီး စည်းဝေးပွဲကို လက်ခံ ကျင်းပဖို့ အမေရိကန် သမ္မတ အိုဘားမားဟာ ဟာဝိုင်ယီကျွန်းကို သွားနေပါတယ်။
ကမ္ဘာ့ ဘဏ္ဍာရေး အကျပ်အတည်းကို ဘယ်လို ရှင်းမလဲ ဆိုတဲ့ ကိစ္စကို အေးပက် အစည်းအဝေး တက်လာတဲ့ ခေါင်းဆောင်တွေ ဆွေးနွေးကြဖွယ် ရှိပြီး အထူးသဖြင့် ဥရောပက စီးပွားရေး အကျပ် အတည်းတွေကနေ ဘယ်လို ကာကွယ်မလဲ ဆိုတာကို ဆွေးနွေးကြဖွယ် ရှိပါတယ်။
အမေရိကန် အစိုးရက အာရှကို စီးပွားရေး အရရော၊ မဟာဗျူဟာ အရပါ အမေရိကန်ရဲ့ အနာဂတ် အတွက် အင်မတန်မှ အရေးပါတဲ့ ဒေသ အဖြစ် မြင်တယ်လို့ ဘီဘီစီ သတင်း ထောက်က သတင်း ပေးပို့ပါတယ်။
အာရှ ပစိဖိတ် ဒေသက နိုင်ငံ အတော်များများနဲ့ လွတ်လပ်တဲ့ ကုန်သွယ်မှုဇုံ ထူထောင်နိုင်ဖို့ အမေရိကန် သမ္မတက မျှော်လင့်နေပါတယ်။
မနှစ်က အေပက် ညီလာခံကို ဂျပန်က လက်ခံ ကျင်းပ ပေးခဲ့တာ ဖြစ်ပါတယ်။

ကမ္ဘာတဝှမ်း ရှယ်ယာဈေးတွေ ထိုးတက်ယူရိုဇုံ သတင်းကြောင့် ရှယ်ယာဈေးတွေ ပြန်တက်
ယူရိုဇုံ အနာဂတ်ကို ချိမ်းခြောက်နေတဲ့ အကြွေး ပြဿနာတွေကို ဖြေရှင်းဖို့ ဂရိနဲ့ အီတလီတို့က ပြတ်ပြတ် သားသားလုပ် ဆောင်လာပြီးနောက် မနေ့က ဥရော ပနဲ့ အမေရိကန်က အစုရှယ်ယာ ဈေးကွက်မှာ ရှယ်ယာ ညွှန်းကိန်းတွေ တရက်ထဲ နှစ်ရာ ခိုင်နှုန်း ဝန်းကျင်စီ တက်သွားခဲ့ပါတယ်။
ယူရိုနဲ့ ဒေါ်လာလဲနှုန်းလည်း မနေ့က သိသိ သာသာ တက်ခဲ့ပါတယ်။
အီတလီ အထက် လွှတ်တော်က နေ့ရွှေ့ ညရွှေ့ လုပ်နေတဲ့ စီးပွားရေး ပြုပြင် ပြောင်းလဲမှု အစီအမံတွေကို မနေ့က အတည်ပြုခဲ့ပြီး အောက်လွှတ်တော်က ခုစနေ တနင်္ဂနွေ နှစ်ရက်မှာ တခါ မဲခွဲ အတည်ပြုဖို့ ရှိပါတယ်။
ဒါပြီးရင် အရင် အီးယူ ကော်မရှင်နာ မင်းကြီး မာရီယို မွန်တီဟာ ဘာလူ စကိုနီဆီကနေ ဝန်ကြီးချုပ် ရာထူးက လွှဲပြောင်း ရယူဖို့ လမ်းပွင့်သွားမှာ ဖြစ်ပါတယ်။
ဂရိ နိုင်ငံမှာလည်း ဝန်ကြီးချုပ်သစ် လူးကပ်စ ပါပါဒီမော့စဟာ မနေ့က ကျမ်းသစ္စာ ကျိန်ဆို ခဲ့ပြီး အီးယူနဲ့ ပြီးခဲ့တဲ့ လက သဘော တူခဲ့တဲ့ ဘဏ္ဍာရေး ဆိုင်ရာ သဘော တူညီချက်တွေကို ဆက်လုပ်မှာ ဖြစ်ပါတယ်။
ဒီသဘော တူညီချက်တွေ အရ ပြည်သူလူထု အများစု ဆန့်ကျင်တဲ့ ခြိုးခြံ ချွေတာရေး အစီ အမံတွေကို ဆိုင်ရာ အစိုးရတွေက ဖော်ဆောင်မှုဟာ ဒီမိုကရေစီနည်း ကျရဲ့လား ဆိုတာ မေးစရာ ဖြစ်နေပါတယ်။

အဓမ္မအလုပ်စေခိုင်းမှုတွေ ရှိခဲ့လို့ ပြောလူ့အခွင့်အရေးချိုးဖောက်မှုများ မှတ်တမ်းတင်
မြန်မာနိုင်ငံမှာ ဒီနှစ်ဆန်းကစလို့ အစိုးရသစ်တက်လာပေမယ့် လူ့အခွင့် အရေးအခြေအနေတွေကတော့ တိုးတက်မှု မရှိသေးဘူးလို့ လူ့အခွင့်အရေး မှတ်တမ်း ကွန်ယက် (မြန်မာနိုင်ငံ) က အစီရင်ခံစာ တစ်စောင်မှာ ထောက်ပြလိုက် ပါတယ်။
၂၀၁၁ ဇန်နဝါရီလကနေ စက်တင်ဘာလအထိ ၉ လအတွင်း လူ့အခွင့်အရေး ချိုးဖောက်မှုတွေကို ထိုင်းအခြေစိုက် ဒီအဖွဲ့ကနေ မှတ်တမ်းတင် ခဲ့တာ ဖြစ်ပါတယ်။
အဲဒီကာလအတွင်း နိုင်ငံတဝန်း လူ့အခွင့်အရေး ချိုးဖောက်မှု ၂၆၁ ခု ကို မှတ်တမ်းတင် နိုင်ခဲ့တယ်လို့ အစီရင်ခံစာမှာ ဖော်ပြပါတယ်။ အဲဒီထဲမှာ ညှဉ်းပန်းနှိပ်စက်မှု၊ အဓမ္မ အလုပ်စေခိုင်းမှုနဲ့ ပစ္စည်း သိမ်းယူမှုတွေ ပါဝင်ပါတယ်။
ဒီလို လူ့အခွင့်အရေး ချိုးဖောက်မှုတွေဟာ အထူးသဖြင့် စစ်မက် ဖြစ်ပွားရာ တိုင်းရင်းသား ဒေသတွေမှာ ပိုပြီး ဖြစ်ပွားနေတယ်လို့ ဒီအဖွဲ့က ခေါင်းဆောင် တစ်ဦးဖြစ်တဲ့ ကိုထွန်းဇော်က ပြောပါတယ်။
ဒီလို စာရင်းပြုစုတာဟာ ကုလသမဂ္ဂ ဘက်ကနေ စုံစမ်း စစ်ဆေးမှုတွေ လုပ်နိုင်အောင် အထောက်အကူ ဖြစ်ဖို့လည်း ရည်ရွယ်တယ်လို့ သူက ဆိုပါတယ်။

တူရကီသင်္ဘောကို ပြန်ပေးဆွဲသူ သေဆုံး
ကွန်မန်ဒိုတပ်ဖွဲ့တွေက သင်္ဘောကို ဝင်စီးပြီး ပြန်ပေး သမားကို ပစ်သတ်လိုက်တာဖြစ်
တူရကီနိုင်ငံ အီစတာဘူး ကမ်းလွန်ပိုင်းမှာ ခရီးသည်တင် ကူးတို့သင်္ဘောကို ပြန်ပေးစွဲ ပြီးနောက် ပစ်သတ်ခံလိုက်ရတဲ့ ပြန်ပေး သမားဟာ ဗုံးတလုံး ကိုင်ဆောင်ထားတာ ဖြစ်တယ်လို့ တူရကီ ပြည်ထဲရေးဝန်ကြီးက ပြောကြား လိုက်ပါတယ်။
ပြန်ပေးသမားဟာ တားမြစ်ထားတဲ့ ကာ့ဒ် အလုပ်သမားပါတီ PKK ရဲ့ အဖွဲ့ဝင်တဦး ဖြစ်ပြီး၊ သူကိုယ်မှာ ၄၅၀ ဂရမ် အလေးချိန် ရှိတဲ့ ပလတ်စတစ် ဗုံး ချည်ထားတာ ဖြစ်တယ်လို့ ဝန်ကြီးက ပြောပါတယ်။
သင်္ဘော ပေါ်ပါ ခရီးသည် ၂၄ ဦးနဲ့ သင်္ဘော ဝန်ထမ်းတွေကို ကယ်ဆယ်ဖို့အတွက် ကွန်မန်ဒိုတပ်ဖွဲ့တွေက စနေနနေ့ မနက်အရုဏ်တက်အချိန် သင်္ဘောကို ဝင်စီးတဲ့အခါ ပြန်ပေးသမားကို ပစ်သတ် လိုက်တာ ဖြစ်ပါတယ်။
ပြန်ပေးသမားကို လက်နက်ချ အညံ့ခံဖို့ ဖျောင်းဖျ ပေမယ့်လည်း မအောင်မြင်ခဲ့ဘူးလို့ ဆိုပါတယ်။

တစ်ခြောက်လုံးနေ့ ဆုတောင်းပွဲ အခမ်းအနား ကျင်းပ
တစ်ခြောက်လုံးစုံတဲ့ ရန်ကုန်မြို့ရဲ့ ညအချိန်မှာ မီးရောင် အလှတွေဆင်ယင်ခဲ့
'၁' ခြောက်လုံးစုံတဲ့ ၁၁-၁၁-၂၀၁၁၊ သောကြာနေ့မှာ Eleven Media Group ကနေ ဂုဏ်ပြုဆုတောင်းပွဲ အခမ်းအနား တခုကိုရန်ကုန်မြို့ ဆီဒိုးနားဟိုတယ်မှာ ကျင်းပခဲ့ပါတယ်။
ဒီအခမ်းအနားကို လူမှုအသင်းအဖွဲ့က ပုဂ္ဂိုလ်တွေ၊ စီးပွားရေး လုပ်ငန်းရှင်တွေ၊ လွှတ်တော်ကိုယ်စားလှယ်တွေနဲ့ နိုင်ငံရေး အကျဉ်းသားတွေရဲ့ မိသားစုဝင်တွေ အပါအဝင် လူ ၇၀၀ကျော် တက်ရောက်ခဲ့ကြသလို၊ ပြည်သူ့လွှတ်တော်ဥက္ကဌ သူရဦးရွှေမန်းကလည်း သဝဏ်လွှာ ပေးပို့ခဲ့ပါတယ်။
Weekly Evleven ဂျာနယ် အယ်ဒီတာ ကိုဝေဖြိုးက ဒီအခမ်းအနားဟာ ၂၀၁၁ ခုနှစ်အတွက် ကောင်းမွန်တဲ့ အပြောင်းအလဲတွေအတွက် ကြိုးပမ်းဆောင်ရွက်ခဲ့သူတွေကို ဂုဏ်ပြုတဲ့ အခမ်းအနားဖြစ်တယ်လို့ ပြောပါတယ်။
ဒီအခမ်းအနားမှာ ' ယုံကြည်ချက်ကြောင့် အကျဉ်းကျခံနေရသူတွေ' ဆိုတဲ့ စကားရပ် အပြင် 'နိုင်ငံရေးအကျဉ်းသား'ဆိုတဲ့ စကားရပ်ကိုပါ ပေါ်ပေါ်ထင်ထင် ထည့်သွင်း သုံးစွဲခဲ့ ကြောင်း သူကပြောပါတယ်။
အကျဉ်းကျခံနေရဆဲဖြစ်တဲ့ ကိုမင်းကိုနိုင်ရဲ့ မိခင်ဖြစ်သူကလည်း အခမ်းအနား တက်ရောက် ပြီး စကားပြောခဲ့ပါတယ်။

ဒေါ်အောင်ဆန်းစုကြည် ရွေးကောက်ပွဲ ဝင်ပြိုင်မယ့်ပုံရှိ
NLD ပါတီ မှတ်ပုံတင်ရေး မတင်ရေးကို နိုဝင်ဘာလ ၁၈ရက်နေ့မှာ ဆွေးနွေးဖို့ရှိ
NLD အမျိုးသား ဒီမိုကရေစီ အဖွဲ့ချုပ် အနေနဲ့ ပါတီ မှတ်ပုံတင်ဖို့ အလားအလာ ရှိပြီး ဒေါ်အောင်ဆန်းစုကြည် အနေနဲ့ လည်း လာမယ့် ကြားဖြတ် ရွေးကောက်ပွဲ မှာ ဝင်ပြိုင်မယ့်ပုံ ရှိတယ်လို့ NLD ဗဟို အလုပ်အမှုဆောင်လည်း ဖြစ် NLD ပြောခွင့်ရသူလည်း ဖြစ်တဲ့ ဦးဉာဏ်ဝင်းက ပြောပါတယ်။
NLD ပါတီ မှတ်ပုံတင်ရေး မတင်ရေးကို ပါတီတွင်း ဆွေးနွေးဖို့ ရက်ပိုင်း အလိုမှာပဲ ဦးဉာဏ်ဝင်းက အခုလို ထုတ်ဖေါ်ပြောဆိုလိုက်တာပါ။
မြန်မာနိုင်ငံအတွက် အကျိုးရှိမယ့် ကိစ္စတွေမှာ အားလုံး ပါဝင်သင့်တယ်လို့ မြင်တာကြောင့် NLD အနေနဲ့ရော၊ ဒေါ်အောင်ဆန်း စုကြည်ပါ ပါဝင်သွားဖို့ ရှိကြောင်း ဦးဉာဏ်ဝင်းက ဘီဘီစီကို ပြောပါတယ်။
ပြုပြင် ပြောင်းလဲမှု ရနိုင်မယ့် အခြေအနေ ရောက်မှ ရွေးကောက်ပွဲ ဝင်မယ်လို့ ဆုံးဖြတ်ခဲ့ရင် ဘယ်တော့မှ ဝင်ဖြစ်မယ် ဆိုတာ မသေချာကြောင်း၊ ဒါ့ကြောင့် လုပ်နိုင်တဲ့ နေရာကနေ စလုပ်မှာ ဖြစ်ကြောင်း ပြောပါတယ်။
ရွေးကောက်ပွဲ ဝင်တဲ့အခါ ဒေါ်အောင်ဆန်းစုကြည်အနေနဲ့ ဘယ် မဲဆန္ဒနယ်မြေကနေ ဝင်ပြိုင်မလဲ ဆိုတာနဲ့ ပတ်သက်လို့ ဒေါ်အောင်ဆန်းစုကြည် ကိုယ်တိုင်ကသာ စဉ်းစား ဆုံးဖြတ်မယ်လို့ ဦးဉာဏ်ဝင်းက ပြောပါတယ်။
လက်ရှိအခြေအနေအရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ က လွှတ်တော်မှာ အများစုနေရာ ရထားပြီးသား ဖြစ်တာမို့ NLD အနေနဲ့ ကြားဖြတ် ရွေးကောက်ပွဲမှာ ဝင်ပြိုင်ရင် လွှတ်တော်မှာ လုပ်ပိုင်ခွင့် သိပ်မရနိုင်မယ့် အခြေအနေနဲ့ ပတ်သက်လို့ ဦးဉာဏ်ဝင်းက ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီအနေနဲ့ မြန်မာပြည်သား တိုင်းရင်းသား တွေပဲ ဖြစ်ပြီး မြန်မာပြည်ကောင်းစားရေးကို ဦးတည် သလို NLD ကလည်း မြန်မာပြည် ကောင်းစားရေးကို ဦးတည်နေတာမို့ ဦးတည်ချက်ချင်းတူတဲ့ အရေးကြီးတဲ့ အချက်တွေကို ဆောင်ရွက်သွားနိုင်မှာ ဖြစ်တယ်လို့ ဦးဉာဏ်ဝင်းက ဘီဘီစီကို ပြောပါတယ်။

ဆီရီးယားကို အာရပ်အဖွဲ့ချုပ် အဖွဲ့ဝင်အဖြစ်က ရပ်ဆိုင်း
ဆီးရီးယားကို စီးပွားရေးပတ်ဆို့မှုတွေ လုပ်မယ်လို့လည်း အာရပ်အဖွဲ့ချုပ် ကြေညာ
အာရပ်နိုင်ငံများအဖွဲ့ချုပ်က ဆီးရီးယား နိုင်ငံကို အဖွဲ့ဝင်အဖြစ်ကနေ ရပ်ဆိုင်း ထားလိုက်ပြီ ဖြစ်ပါတယ်။
ဆီးရီးယားနိုင်ငံမှာ ဖြစ်ပွားနေတဲ့ အစိုးရ ဆန့်ကျင်ရေး ဆန္ဒပြမှုတွေကို အကြမ်းဖက် ဖြိုခွဲ နေတာတွေ အဆုံးသတ်စေရေးအတွက် အာရပ် နိုင်ငံများအဖွဲ့ချုပ်က တင်ပြထားတဲ့ အစီအစဉ် တွေကို ဆီးရီးယားအစိုးရ လုပ်ဆောင်ဖို့ ပျက်ကွက်တဲ့အတွက် အာရပ်နိုင်ငံများအဖွဲ့ချုပ် ရဲ့ နိုင်ငံခြားရေး ဝန်ကြီးတွေဟာ ဆီးရီးယား အစိုးရ အပေါ် ဘယ်လို တုံ့ပြန် ကိုင်တွယ်မလဲဆိုတာနဲ့ ပတ်သက်ပြီး ကိုင်ရိုမြို့မှာ အရေးပေါ် အစည်းအဝေးကျင်းပပြီး အခုလို ဆုံးဖြတ်ခဲ့တာ ဖြစ်ပါတယ်။
ဆီးရီးယားအနေနဲ့ ပြီးခဲ့တဲ့အပတ်က သဘောတူ ခဲ့တဲ့ အာရပ်အဖွဲ့ချုပ်ရဲ့ ငြိမ်းချမ်းရေး အစီအစဉ် ကို အကောင်အထည် မဖေါ်မခြင်း အဖွဲ့ချုပ်ရဲ့ လုပ်ငန်းတွေမှာ ဝင်ရောက် ဆောင်ရွက်နိုင် တော့မှာ မဟုတ်ပါ။
ဆီးရီးယားအစိုးရ အပေါ် စီးပွားရေး ဒဏ်ခတ်မှုတွေ လုပ်မယ်လို့လည်း အာရပ်အဖွဲ့ချုပ်က ကြေညာလိုက်ပါတယ်။ နောက်ပြီး အာရပ်အဖွဲ့ချုပ် အဖွဲ့ဝင်နိုင်ငံတွေရဲ့ သံအမတ်တွေကို ဒမားစကက်စ် ကနေ ပြန်ခေါ်ဖို့ ပန်ကြားလိုက်ပါတယ်။
အာရပ်နိုင်ငံတခုအဖြစ် ဂုဏ်ယူဝင့်ကြွားခဲ့တဲ့ ဆီးရီးယား နိုင်ငံအနေနဲ့ အခုကိစ္စမှာ အတော် အထိနာသွားစေခဲ့ပါတယ်။
ဆီရီးယားအစိုးရက ဆန္ဒပြသူတွေအပေါ် အကြမ်းဖက် နှိမ်နင်းနေမှုတွေ ရပ်တန့်ပေးမယ်၊ တင့်ကားတွေ ပြန်ဆုတ်ပေးမယ်၊ နောက်ပြီး အတိုက်အခံတွေနဲ့ တွေ့ဆုံစကား ပြောမှုတွေ စလုပ်မယ်ဆိုတဲ့ သဘောတူချက်တခုကို လက်ခံခဲ့ပေမယ့်၊ အဲဒီအချိန်ကစလို့ အကြမ်းဖက် နှိမ်းနင်းမှုတွေ ပိုဆိုးလာခဲ့တာ ဖြစ်ပါတယ်။
ဆီရီးယားအပေါ် အရေးယူဆောင်ရွက်ဖို့ တောင်းဆိုတဲ့ ဆန္ဒပြမှုတွေလည်း၊ ကိုင်ရိုမြို့က အာရပ်နိုင်ငံများအဖွဲ့ချုပ်ရဲ့ ဌာနချုပ်ရုံးရှေ့မှာ အကြီးအကျယ်ပြုလုပ်ခဲ့ပါတယ်။ ဒါဟာ အာရပ်နိုင်ငံများအဖွဲ့ချုပ် အဖွဲ့ဝင် နိုင်ငံတွေအပေါ် နိုင်ငံတကာရဲ့ ဖိအားပေးမှုတွေ တိုးပွား လာနေမှုရဲ့ တစိတ် တဒေသလည်း ဖြစ်ပါတယ်။

ဂဒါဖီသားတစ်ဦး နိုင်ဂျာမှာ ခိုလုံ
By ဗွီအိုအေ (မြန်မာဌာန)
လစ်ဗျားမှာ ၀ရမ်းပြေးအဖြစ် ကြေညာခံထားရသူ၊ ကွယ်လွန်သူ လစ်ဗျားခေါင်းဆောင်ဟောင်း ဗိုလ်မှူးကြီး မိုမာဂဒါဖီရဲ့ သားတစ်ဦးဖြစ်သူ ဆာအာဒီ ဂဒါဖီ (Saadi Gadhafi) ကို အာဖရိကတိုက်၊ နိုင်ဂျာ (Niger) နိုင်ငံမှာ လူသားချင်း စာနာထောက်ထားမှုအရ နိုင်ငံရေးခိုလှုံခွင့်ပေးမယ်လို့ နိုင်ဂျာသမ္မတ မဟာမဒူ အစ်ဆိုဖူ (Mahamadou Issoufou) က ဒီကနေ့ ကြေညာလိုက်ပါတယ်။
ဆာအာဒီ ဂဒါဖီဟာ လစ်ဗျားရဲ့ ဘောလုံးအဖွဲ့ချုပ်ဥက္ကဋ္ဌ ဖြစ်ပြီး သူကျူးလွန်ထားတဲ့ ပြစ်မှုတွေအတွက် တရားရုံးက အလိုရှိနေတယ်လို့ လစ်ဗျားရဲ့ကြားဖြတ်အစိုးရ အမျိုးသားအသွင်ကူးပြောင်းရေး ကောင်စီ (NTC) က ကြေညာထားပါတယ်။ ဆာအာဒီ ဂဒါဖီရဲ့ အစ်ကိုဖြစ်သူ ဆာအိ အယ်လ်အစ္စလာမ် (Seif al-Islam) ကိုလည်း ဖခင် ဂဒါဖီ အာဏာရနေစဉ်က ဆန္ဒပြသူတွေကို နှိမ်နင်းရာမှာ လူသားမျိုးနွယ်ကို စော်ကားကျူးလွန်မှုတွေနဲ့ နိုင်ငံတကာပြစ်မှုဆိုင်ရာ တရားရုံး (ICC) က ဖမ်းဝရမ်း ထုတ်ထားပါတယ်။
ဆာအိ အယ်လ်အစ္စလာမ်ကတော့ နိုင်ဂျာ နိုင်ငံမှာမရှိဘဲ အကယ်၍ ဆာအိအနေနဲ့ နိုင်ဂျာကို ရောက်လာခဲ့ရင် ဘယ်လို ဆောင်ရွက်ရမယ်ဆိုတာကို မဆုံးဖြတ်ရသေးဘူးလို့ နိုင်ဂျာသမ္မတ အစ်ဆိုဖူက ပြောကြားလိုက်ပါတယ်။
အီးယူဥရောပသမဂ္ဂရဲ့  နိုင်ငံခြားမူဝါဒရေးရာ အကြီးအကဲ ကတ်သရင်း အရ်ှတွန်(Catherine Ashton) ဟာ တရားဝင် အီးယူ ကိုယ်စားလှယ် ရုံးသစ်ဖွင့်ပွဲအတွက် စနေနေ့က လစ်ဗျားကို သွားရောက်ခဲ့ပါတယ်။ ဒီဖွင့်ပွဲအခမ်းအနားမှာပြောခဲ့တဲ့ သူ့ရဲ့ကြေညာချက်ထဲမှာ အီးယူအနေနဲ့ လစ်ဗျား အစိုးရနဲ့ နီးနီးကပ်ကပ် ဆက်ပြီးဆက်ဆံသွားဖို့ သန္နိဌာန်ချထားကြောင်းကို အရ်ှတွန်က အဓိကထောက်ပြ ပြောဆိုသွားခဲ့တာဖြစ်ပါတယ်။

NLD ရွေးကောက်ပွဲဝင်ရေးအပေါ် ဦးဝင်းတင်အမြင်
By ကိုဇော်ဝင်းလှိုင်
အမျိုးသားဒီမိုကရေစီအဖွဲ့ချုပ် (NLD) အနေနဲ့ ပါတီ မှတ်ပုံတင်ရေးကိစ္စနဲ့ပတ်သက်လို့ ဘာမှ ပြောစရာမရှိပေမဲ့ ရွေးကောက်ပွဲဝင်ရေး ကိစ္စကိုတော့ အများကြီး စဉ်းစားရလိမ့်မယ်လို့ NLD ထိပ်တန်း ခေါင်းဆောင်တစ်ဦးဖြစ်တဲ့ သတင်းစာဆရာကြီး ဦးဝင်းတင်က ပြောပါတယ်။ ရွေးကောက်ပွဲဝင်ရေး ကိစ္စဟာ ၂၀၀၈ အခြေခံဥပဒေအပေါ် သဘောထားနဲ့ သက်ဆိုင်တယ်လို့လည်း ဆိုပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။
NLD ပါတီ မှတ်ပုံတင်ရေးကိစ္စနဲ့ တပါတည်း ပါတီရွေးကောက်ပွဲ ၀င်သင့်မ၀င်သင့် ဆိုတဲ့ အကြောင်းအရာတွေက မြန်မာ့နိုင်ငံရေးအသိုင်းအ၀ိုင်းမှာ အခုတလော အတော်လေး လူပြောများလာနေတဲ့ ကိစ္စပါ။ ဒီကိစ္စကို NLD ဗဟိုကော်မီတီဝင်တွေ စည်းဝေးထိုင်ပြီးမှ ဆုံးဖြတ်မှာဖြစ်ပေမဲ့ ပါတီမှတ်ပုံတင်ရေး ကိစ္စအတွက် ဘာမှ အငြင်းပွားစရာ မရှိပေမဲ့ မှတ်ပုံတင်ပြီး နောက်ဆက်တွဲဖြစ်လာမယ့် ရွေးကောက်ပွဲဝင်ရေး မ၀င်ရေးဆိုတဲ့ကိစ္စကတော့ အများကြီး စဉ်စားကြရမယ်လို့ ဗဟိုကော်မီတီဝင်တစ်ဦးဖြစ်သူ ဦးဝင်းတင်က သူ့သဘောထားကို အခုလို ထုတ်ဖော် ပြောဆိုလာတာပါ။
“ဒီကိစ္စက အပိုင်းနှစ်ပိုင်းရှိတယ်လို့ ကျနော် ယူဆတယ်။ တစ်ပိုင်းက မှတ်ပုံတင်ရေးကိစ္စ၊ တစ်ပိုင်းက ရွေးကောက်ပွဲဝင်ရေးကိစ္စပေါ့။ ရွေးကောက်ပွဲဝင်ရေးကိစ္စနဲ့ ပတ်သက်လာပြီဆိုရင်တော့ အတော်ကို စဉ်းစားရမယ့်ကိစ္စတွေ၊ စဉ်းစားစရာတွေ၊ မေးခွန်းထုတ်စရာတွေ၊ ဒွိဟ သံသယတွေ တော်တော်များများ ပေါ်နိုင်လိမ့်မယ်လို့ ထင်တယ်။ ဘာဖြစ်လို့လဲဆိုတော့ ရွေးကောက်ပွဲဝင်တဲ့ကိစ္စက ကျနော်တို့က ၂၀၀၈ ခုနှစ် အခြေခံဥပဒေကို ကျနော်တို့ လက်ခံသလား၊ လက်မခံဘူးလား ဆိုတဲ့ဟာနဲ့ စဉ်းစားရမယ့်ဟာကိုး။ ဒါကတစ်ချက်။ နောက်တစ်ချက်က ကျနော်တို့တွေ ၀င်သွားမယ့်လွှတ်တော်ဆိုတော့ နေရာဒေသကလည်း ဘာပဲပြောပြော ၂၀၀၈  အခြေခံဥပဒေလွှမ်းမိုးနေတဲ့ နေရာဒေသဖြစ်တဲ့အခါကျတော့ ကျနော်တို့ အဲဒီလွှတ်တော်ထဲကို ၀င်သွားဖို့အတွက် ရွေးကောက်ပွဲ ၀င်ကြမယ်ဆိုတဲ့ကိစ္စမှာ ကျနော်တို့ ပါတီဝင်ထုကြားထဲမှာ အများကြီး စဉ်းစားတဲ့သူတွေ ဒွိဟ သံသယတွေ ပေါ်နိုင်တယ်လို့ ကျနော်ထင်တယ်။”
ရွေးကောက်ပွဲဝင်ရေးကိစ္စအတွက် ပါတီတွင်းမှာ ကွဲလွဲတဲ့ အယူအဆတွေ ရှိနိုင်တာကြောင့် သူ့အနေနဲ့ အခုလို ပြောတာဖြစ်တယ်လို့ ဦးဝင်းတင်က ဆက်ပြောပါတယ်။
“ကျနော် ပြောနိုင်တာတစ်ခုကတော့ ဘယ်လိုပဲဖြစ်ဖြစ် ဒီ မှတ်ပုံတင်ကိစ္စရော၊ ရွေးကောက်ပွဲဝင်ရေး ကိစ္စရောမှာ သေချာတာတစ်ခုကတော့ ကျနော်တို့မှာ ကွဲလွဲတဲ့အယူအဆတွေ၊ ကွဲလွဲတဲ့ အမြင်တွေ၊ သဘောထားတွေ၊ ရပ်တည်ချက်တွေ၊ တောင်းဆိုချက်တွေ စသည်ဖြင့် အများကြီး ကွဲလွဲမှုတွေ ရှိနိုင်တယ်။ ဒါ သေချာတယ်။ ဒါကို ကျနော်တို့ ဘာမှငြင်းစရာမလိုဘူး။ သို့သော် အဲဒီကွဲလွဲမှုတွေ အားလုံးကို ကျနော်တို့ ပါတီရဲ့ အစဉ်အလာရှိတဲ့အတိုင်းပဲ ဆုံးဖြတ်ချက်မှာတော့ ကျနော်တို့ပါတီဟာ တညီတညွတ်တည်း ဆုံးဖြတ်နိုင်တဲ့အစဉ်အလာအတိုင်းပဲ ဆုံးဖြတ်လိမ့်မယ်လို့ ကျနော်ကတော့ ထင်မြင်တယ်ဗျာ။”
ပါတီမှတ်ပုံတင်ရေးကိစ္စနဲ့ပတ်သက်လို့ မကြာခင်ရက်ပိုင်းအတွင်း ဗဟိုကော်မီတီ စည်းဝေးထိုင်ပြီး ဆုံးဖြတ်ဖို့ရှိတယ်ဆိုတာ သိရပေမဲ့ ဘယ်နေ့ဆိုတာတော့ အတိအကျ မသိရသေးပါဘူး။
၂၀၁၀ ရွေးကောက်ပွဲအတွက် ပါတီများ မှတ်ပုံတင်ရေးဆိုင်ရာ ဥပဒေစဉ်းမျဉ်းတွေအပေါ် သဘောမတူတဲ့အတွက် NLD က မှတ်ပုံမတင်ဖို့ ဆုံးဖြတ်ခဲ့တာဖြစ်ပေမဲ့ အခု အဲဒီဥပဒေတွေကို ပြီးခဲ့တဲ့လကုန်ပိုင်းအတွင်း ပြင်ဆင်ဖို့ လွှတ်တော်က ဆုံးဖြတ်ပြီး သမ္မတက လက်မှတ်ထိုးလိုက်ပြီ ဖြစ်တာကြောင့် ပါတီမှတ်ပုံတင်ရေး ကိစ္စအတွက်တော့ အလွယ်တကူ ဆုံးဖြတ်ချက် ကျနိုင်လိမ့်မယ်လို့ ဦးဝင်းတင်က ပြောပါတယ်။
“မှတ်ပုံတင်ရေးကိစ္စနဲ့ပတ်သက်လို့ကတော့ ကျနော်တို့တွေ အရင်တုန်းက ၂၀၁၀ တုန်းက ငြင်းဆန်ခဲ့တဲ့ ပါတီမှတ်ပုံတင်ခြင်း ဆိုတဲ့နေရာမှာ ရွေးကောက်ပွဲဥပဒေအရ သတ်မှတ်ထားတဲ့ စည်းကမ်းတွေပေါ့ဗျာ၊ စကားလုံးတွေ သက်သာအောင်လုပ်ပေးတဲ့ သက်သာပျော့ပြောင်းတဲ့ ပေါ့ဗျာ စည်းကမ်းချက်များ ဖြစ်တဲ့အတွက် ကျနော် ထင်တယ်၊ ကျနော်တို့ ပါတီဝင်ထုတွေကြားထဲမှာ ဒီကိစ္စက သိပ်ပြီးတော့ ပြဿနာရှိလိမ့်မယ်လို့ ကျနော် သိပ်မထင်ဘူး။ ဘာဖြစ်လို့လဲဆိုတော့ ကျနော်တို့တွေက ဒီမိုကရေစီပါတီ ဖြစ်တယ်၊ တောခိုမယ့်ပါတီလည်း မဟုတ်ဘူးဗျာ၊ မြေသျှိုးမယ့်ပါတီလည်း မဟုတ်ဘူးဆိုတဲ့အခါကျတော့ ကျနော်တို့ဟာ ဒီမိုကရေစီပါတီပီပီ ဥပဒေဘောင်အတွင်းမှာ နေချင်ကြတာပေါ့။”
NLD ဗဟိုအလုပ်အမှုဆောင်အဖွဲ့ဝင် ဦးဝင်းတင် ပြောပြခဲ့တာပါ။
ပြည်နယ်တိုင်းတွေမှာရှိတဲ့ NLD အဖွဲ့ဝင်တွေက လွန်ခဲ့တဲ့ ရက်ပိုင်းတွေအတွင်း ဗွီအိုအေ မြန်မာပိုင်းကို ပြောပြခဲ့တဲ့ သဘောထားတွေအရကတော့ မှတ်ပုံတင်ရေးကိစ္စအတွက် ပါတီဝင်အများစုက ယေဘုယျအားဖြင့် သဘောတူကြပေမဲ့ ရွေးကောက်ပွဲဝင်ရေး မ၀င်ရေးဆိုတဲ့ကိစ္စအပေါ်မှာ သဘောထားကွဲပြားမှုတွေ ရှိနေတယ် ဆိုတာကို ထုတ်ဖော် ပြောဆိုခဲ့ကြပါတယ်။

ထိုင်းဘုရင် နာမကျန်းမှု ပြန်သက်သာ
By ဗွီအိုအေ (မြန်မာဌာန)
ထိုင်းဘုရင်ကြီး ဘူမိပေါ အဒူလျာဒဲ့ဂ်ျ (Bhumipol Adulyadej) ရဲ့ အငယ်ဆုံးသမီး ချူလာဘွန် (Princess Chulaborn) က အသက် ၈၃ နှစ်အရွယ် သူ့ရဲ့ ခမည်းတော်ကြီးဟာ ရုတ်တရက် သတိမေ့သွားရာကနေ ဆေးရုံမှာ ပြန်ပြီးသက်သာလာခဲ့ပြီလို့ မနေ့က ပြောကြားလိုက်ပါတယ်။ မင်းသမီး ချူလာဘွန်ဟာ ဘန်ကောက်မြို့က ရေဘေးသင့် ဒုက္ခသည်တွေကို သွားရောက်အားပေးရင်းနဲ့ ပြောကြားခဲ့တာပါ။
ဘန်ကောက်က သိရီရက်ဂ်ျ (Siriraj) ဆေးရုံမှာ ၂ နှစ်ကြာ တက်ရောက်ပြီး ဆေးကုသခံယူနေတဲ့ ဘုရင်ကြီး ဘူမိပေါ ဟာ မကြာသေးခင်က အတွင်းသွေးယိုတဲ့ ဝေဒနာခံစားနေရာကနေ သက်သာလာခဲ့ပြီလို့လည်း မင်းသမီး ချူလာဘွန်က ပြောခဲ့ပေမဲ့ ဘယ်နေ့ ဘယ်အချိန်က ဒီဝေဒနာ ခံစားခဲ့ရတယ်ဆိုတာကို သတင်းထုတ်ပြန်ခြင်း မရှိပါဘူး။
ထိုင်းနိုင်ငံမှာ ပြည်သူတွေ ရေဘေးဒုက္ခကြုံတွေ့နေရမှုကြောင့် ဘုရင်ကြီး ဘူမိပေါဟာ စိတ်ထိခိုက်ပြီး စိတ်ဖိအား ပြင်းထန်လာမှုရဲ့ ရလဒ်အဖြစ် အခုလို သတိမေ့သွားခဲ့တာလို့ မင်းသမီး ချူလာဘွန်က ပြောဆိုခဲ့ပါတယ်။

ရောင်းစားခံရတဲ့ မြန်မာကလေး (၇) ဦး တရုတ် ရဲတပ်ဖွဲ့က ကယ်တင်
2011-11-11
တရုတ်နိုင်ငံအရှေ့ပိုင်း ကျဲ့ကျန်းပြည်နယ် ယူယောင်းမြို့က အထည်အလိပ် စက်ရုံတစ်ခုမှာ ကျွန်လို ခိုင်းစေခံနေရတဲ့ မြန်မာကလေး ၇ ဦးကို တရုတ် ရဲတပ်ဖွဲ့က မနေ့က ကယ်တင် လိုက်နိုင်တယ်လို့ သိရပါတယ်။
စက်ရုံက ထွက်ပြေးပြီးနောက် အဝေးပြေး လမ်းမကြီးပေါ်မှာ ၃ ရက်လောက် အစာရေစာ ပြတ်လပ်ပြီး ပင်ပန်းကြီးစွာ လမ်းလျှောက်နေတဲ့ မြန်မာ ကလေးငယ် ၂ ဦးကို ရဲက တွေ့ရှိခဲ့တာကြောင့် ကယ်တင်နိုင်ခဲ့တာလို့ အဲဒီဒေသထုတ် သတင်းစာ တစ်စောင်က ဖော်ပြပါတယ်။အဲဒီ ဆယ်ကျော်သက်ရွယ် မြန်မာကလေး ၂ ဦးဟာ တရုတ် မြန်မာ နယ်စပ်မှာ ကျင်းပတဲ့ အလုပ်သမား ရှာဖွေရေးပွဲ တစ်ခုမှာ စုဆောင်းခံခဲ့ရတာလို့ ဆိုပါတယ်။ စက်ရုံကို စရောက်တာနဲ့ သူတို့ နိုင်ငံကူး လက်မှတ်တွေနဲ့ လက်ကိုင်ဖုန်းတွေကို အလုပ်ရှင်က သိမ်းယူလိုက်ပြီး ထွက်မပြေးအောင် အစောင့်တွေ ချထားခဲ့တယ်လို့ သိရပါတယ်။ဒါ့အပြင် စက်ရုံကို တံခါးပိတ်ထားပြီး လုပ်ခလည်း လုံးဝ မပေးဘူးလို့ ဆိုပါတယ်။အလုပ်ရှင်ဆီမှာ လုပ်အားခ တောင်းဆိုတိုင်း အရိုက်ခံကြရတယ်လို့ မြန်မာကလေးတွေက ပြောပါတယ်။ အဲဒီ မြန်မာ ကလေး နှစ်ယောက်ရဲ့ ဖွင့်ဟ ပြောဆိုချက်တွေအရ တရုတ်ရဲတွေက စက်ရုံကို ၀င်ရောက် စီးနင်း ရှာဖွေရာမှာ နောက်ထပ် မြန်မာ ကလေး ၅ ယောက် တွေ့ရှိခဲ့ပါတယ်။ဒီမြန်မာကလေးတွေ အလုပ်လုပ်ရတဲ့ နေရာဟာ ရွှံ့တွေဗွက်တွေနဲ့ ၀က်ခြံတစ်ခုလို ညစ်ပတ် ပေရေနေတယ်လို့ တရုတ်ရဲတွေက ပြောပါတယ်။စက်ရုံ ပိုင်ရှင်ကတော့ ရဲတွေ ရောက်မလာခင် ထွက်ပြေး တိမ်းရှောင်သွားခဲ့ကြောင်း၊ ဒီအမှုကို ရဲက ဆက်လက် စုံစမ်းနေဆဲ ဖြစ်ကြောင်း သိရပါတယ်။

အပစ်ရပ်ရေးဆွေးနွေးဖို့ KNU ကိုယ်စားလှယ်အဖွဲ့ ဖွဲ့
2011-11-12
ကရင်အမျိုးသား အစည်းအရုံး KNU ဟာ မြန်မာအစိုးရနဲ့ အပစ်အခတ် ရပ်စဲရေး ဆွေးနွေးဖို့အတွက် တွေ့ဆုံဆွေးနွေးရေး ကော်မတီတရပ် ဖွဲ့စည်းလိုက်ပြီလို့ သိရပါတယ်။
ဒီကော်မတီမှာ အဖွဲ့ဝင် ၇ ဦး ပါဝင်ပြီး အပစ်အခတ် ရပ်စဲရေး ဆွေးနွေးဖို့အတွက် KNU ဘက်က လတ်တလော ကြိုတင်ပြင်ဆင်တဲ့ သဘောသာ ဖြစ်ကြောင်း အထွေထွေ အတွင်းရေးမှူး နော်ဇစ်ပိုးရာစိန်က ပြောပါတယ်။
“ကော်မတီဖွဲ့တာ ဟိုမှာ စကားသွားပြောဖို့တော့ မဟုတ်သေးဘူး။ ဒါပေမယ့် တွေ့ဆုံဆွေးနွေးရေးနဲ့ ပတ်သက်ပြီး ဆွေးနွေးဖို့တော့ ရှိတယ်”
အခုဖွဲ့စည်းလိုက်တဲ့ ကော်မတီမှာ- ဒုတိယဥက္ကဋ္ဌ စောဒေးဗစ် တာကပေါ၊ အထွေထွေ အတွင်းရေးမှူး နော်ဇစ်ပိုးရာစိန်၊ ပဒို စောအားတိုး စတဲ့ KNU ထိပ်ပိုင်းခေါင်းဆောင်တွေ ပါဝင်တယ်လို့ သိရပါတယ်။
သမ္မတဦးသိန်းစိန် အစိုးရဟာ အပစ်အခတ် ရပ်စဲရေးအတွက် ဆွေးနွေးလိုရင် သက်ဆိုင်ရာ ပြည်နယ်အစိုးရတွေနဲ့ အရင်ဆုံး ဆွေးနွေးဖို့ ထုတ်ပြန်ပြောဆိုထားပါတယ်။ KNU ကတော့ ဗဟိုအစိုးရနဲ့သာ တွေ့ဆုံ ဆွေးနွေးလိုကြောင်း ပြောပါတယ်။

မစ္စတာ ဘန်ကီမွန်း အာရှ ၃ နိုင်ငံခရီး သွားမည်
ကုလသမဂ္ဂ အထွေအထွေ အတွင်းရေးမှူးချုပ် မစ္စတာ ဘန်ကီမွန်းသည် အာရှနိုင်ငံများဖြစ်သော ထိုင်း၊ အင်ဒိုနီးရှား နှင့် ဘင်္ဂလား ဒေ့ရှ် နိုင်ငံများသို့ လာမည့် စနေနေ့တွင် စတင် သွားရောက်မည် ဖြစ်သည်။ ကလေးနှင့် အမျိုးသမီးများ ကျန်းမာရေး စောင့်ရှောက် မှု ဆိုင်ရာ တိုးတက်မှုများကို ကြည့်ရှုလေ့လာရန် ဖြစ်သည်ဟု ကုလသမဂ္ဂက ထုတ်ပြန်ထားသည်။ မစ္စတာ ဘန်ကီမွန်း သည် အင်ဒိုနီးရှား နိုင်ငံ ဘာလီကျွန်းတွင် ယခုလအတွင်း ကျင်းပမည့် အာဆီယံ ထိပ်သီး အစည်းအဝေးပွဲလည်း တက်ရောက်မည် ဖြစ်ကြောင်း သိရသည်။

အင်တာနက် ၀က်ဘ်ဆိုက်များ စောင့်ကြည့် စိစစ်ဆဲ
အစိုးရက အင်တာနက် ၀က်ဘ်ဆိုက်များကို ဆက်လက်၍ စောင့်ကြည့် စိစစ်နေဆဲဖြစ်ကြောင်း သိရသည်။ ဆီးရီးယားနိုင်ငံ က ပြီး ခဲ့သည့်လအတွင်း တိုးမြှင့်လိုက်သော အင်တာနက် ၀က်ဘ်ဆိုက်များကို စောင့်ကြည့် စိစစ်နိုင်သည့် နည်းပညာဆိုင်ရာ ဆက်စပ် ပစ္စည်းများ ကုမ္ပဏီ Blue Coat Systems နှင့်ပင် မြန်မာ အစိုးရက စီစဉ်ဆောင်ရွက်သည့် အထောက်အထားများကို ကနေဒါနိုင်ငံ တိုရန်တို တက္ကသိုလ် သုတေသနဌာနက ယမန်နေ့တွင်ထုတ်ပြန်ထားသည်ဟု Forbes အင်တာနက်စာမျက်နှာ၌ ဖော်ပြထားသည်။

ရန်ကုန်တွင် ရင်ချင်းဆက် အမြွှာနှစ်ဦး ခွဲစိတ်မှု အောင်မြင်
ရန်ကုန် ကလေးဆေးရုံကြီး၌ ယမန်နေ့ နံနက်ပိုင်းက မအင်ကြင်းခိုင်-မအင်ကြင်းလှိုင် အမည်ရှိ ပဉ္စမမြောက် ရင်ချင်းဆက် အမြွှာညီအစ်မ နှစ်ဦးကို အောင်မြင်စွာ ခွဲစိတ်ကုသ ပေးနိုင်ခဲ့သည်။ ယင်း အမြွှာညီအစ်မသည် အသက် ၂ နှစ် နှင့် ၁၀ လစီရှိပြီး တနင်္သာရီ တိုင်း လောင်းလုံမြို့နယ်တွင် မွေးဖွားခဲ့သူများဖြစ်ကြောင်း မြန်မာ့အလင်း သတင်းစာက ဖော်ပြသည်။ မြန်မာနိုင်ငံတွင် ယခု မအင်ကြင်းခိုင်-မအင်ကြင်းလှိုင် တို့အပြင် ပထမ မနန်းစိုး - မနန်းစံ၊ ဒုတိယ အေးအေးငြိမ်း-အိအိငြိမ်း၊ တတိယ မိုးပပမောင် - မိုး ပပအောင်၊ စတုတ္ထ မစိုပြေလင်း-မစိုပြေ၀င်း တို့ကို အောင်မြင်စွာ ခွဲစိတ်ကုသပေးခဲ့ပြီး ဖြစ်သည်။