12.11.2011 နေ့ဖတ်ရန်သတင်းများ

by Myanmar Journal on Saturday, November 12, 2011 at 8:43am

 
 ဗိုလ်ချုပ်ကြီး မူတူး 

KNU ငြိမ်းချမ်းရေး ဆွေးနွေးဖို့ ဆုံးဖြတ်
ကေအင်ယူ ဗဟိုကော်မတီ နဲ့ အရံ ဗဟိုကော်မတီ အစည်းအဝေး ဒီတပတ် အတွင်းဆုံးဖြတ်ချက် အရ အဖွဲ့ဝင် ၇ ဦး ပါတဲ့ ကိုယ်စားလှယ် အဖွဲ့ ဟာ မြန်မာနိုင်ငံက ပြည်ထောင်စု အစိုးရနဲ့ ငြိမ်းချမ်းရေး ဆွေးနွေးဖို့ ပြည်တွင်းကို စေလွှတ်ဖို့ ဆုံးဖြတ်လိုက်ပါတယ်။

ကိုယ်စားလှယ် အဖွဲ့ ခေါင်းဆောင် အဖြစ် စစ်ဦးစီးချုပ် ဒုတိယ ဉက္ကဌ ဗဒို စောဒေးဗစ် သာကပေါ၊ အဖွဲ့ဝင် တွေ အနေနဲ့ ဗိုလ်ချုပ်ကြီး မူတူးစေးဖိုး၊ အတွင်းရေးမှူးချုပ် နော်စီဖိုးရာစိန် နဲ့ စုစုပေါင်း ၇ ဦး ပါဝင်မှာပါ။
ဆွေးနွေးမယ့် ရက်ကိုတော့ ကေအင်ယူ ဖက် က မပြောသေး ပေမယ့် အပစ်အခတ် ရပ်ဆဲရေး နဲ့ တပ်နေရာ ချထားရေး တွေကို အရင် ဆွေးနွေးမယ် လို့ သိရပါတယ်။
မြန်မာအစိုးရ ဟာ လူမျိုးစု လက်နက်ကိုင်တွေနဲ့ ငြိမ်းချမ်းရေး ဆွေးနွေးရင်၊ ပြည်နယ် အစိုးရ အဆင့်နဲ့ ဆွေးနွေးလေ့ ရှိပေမယ့် ဒီတခါ မှာတော့ ကေအင်ယူ ဖက်က ပြည်ထောင်စု အစိုးရ နဲ့ တိုက်ရိုက်ဆွေးနွေး လိုတယ်လို့ ပြောခဲ့လို့ လက်ခံ ခဲ့ပါတယ်။
ပြီးခဲ့တဲ့ အောက်တိုဘာ လဆန်းက မီးရထားဝန်ကြီး ဦးအောင်မင်း နဲ့ ကေအင်ယူ ခေါင်းဆောင်ပိုင်း မဲဆောက်မှာ တွေ့တုန်း အထက်ပါ သတင်းစကား ပေးလိုက်တါပါ။

အာဆီယံ အတွင်းရေးမှူးချုပ် စူရင်ပစ်စူဝမ် Association of Southeast Asian Nations (ASEAN) Secretary General Surin Pitsuwan talks to the media after the Asian foreign ministers meeting at the Asean-EU ministerial meeting at the Ministry of Foreign Affairs in Phnom Penh May 27, 2009. REUTERS/Chor Sokunthea (CAMBODIA POLITICS) REUTERSမြန်မာ အာဆီယံ ဥက္ကဌဖြစ်ရေး ဘာလီမှာဆွေးနွေးမယ်
အာဆီယံထိပ်သီးအစည်းအဝေးတွေနဲ့ အာဆီယံအပေါင်း ထိပ်သီးစည်းဝေး ပွဲတွေကြောင့် ဒေသတွင်းရော၊ နိုင်ငံတကာ အရေးကိစ္စတွေမှာ နိုင်ငံရေး၊ စီးပွားရေး၊ လုံခြုံရေးနဲ့ နယ်နမိတ်ဆိုင်ရာ ဖြေရှင်းရေးစတဲ့ အကြောင်းအရာစုံ ပါဝင်ဆွေးနွေးကြမှာ ဖြစ်ပါတယ်။
မြန်မာနိုင်ငံရဲ့ မကြာမီက နိုင်ငံရေး ဖြစ်ပေါ်ပြောင်းလဲမှုတွေကို အခြေခံလို့ မြန်မာလိုချင်နေတဲ့ ၂၀၁၄ အာဆီယံ အိမ်ရှင်ဖြစ်ရေး ကိစ္စလည်း ခေါင်းဆောင်တွေကြား ဆုံးဖြတ်ရမယ့် အရေးတွေပါဝင်ပါတယ်။
ဒီတော့ အခုလာမယ့်သီတင်းပတ်မှာ ကျင်းပမယ့်ဘာလီ အာဆီယံထိပ်သီး စည်းဝေးပွဲမှာ မြန်မာနိုင်ငံအိမ်ရှင်ဖြစ်ရေး ဆုံးဖြတ်ချက်ထွက်လာမလားဆို တာကို အာဆီယံအတွင်းရေးမှူးချုပ် ဒေါက်တာ ဆူရင်ပစ်ဆူဝမ် ပြောတာက ၂၀၁၄ အတွက် မြန်မာအိမ်ရှင် ဖြစ်မဖြစ်ဖို့ ဒီဘာလီ ညီလာခံမှာ အာဆီယံ ခေါင်းဆောင်တွေ ဆုံးဖြတ်မလားဆိုတာကို့ မသိပါဘူး။ ဒါပေမဲ့ ခေါင်းဆောင်တွေက မြန်မာ လျှောက်ထားတာကို လက်ခံထားတယ်။ မြန်မာနိုင်ငံက နိုင်ငံရေးဖြစ်ပေါ်ပြောင်းလဲမှုတွေကို ဂရုထား စောင့်ကြည့်ထားတယ် အာဆီယံနိုင်ငံခြားရေးဝန်ကြီး အစည်းအဝေးရဲ့ သဘာပတိဖြစ်တဲ့ အင်ဒိုနီးရှားနိုင်ငံခြားရေးဝန်ကြီးကလည်း မြန်မာပြည်သွားထား၊ လေ့လာထားတာရှိတယ်လို့ အာဆီယံအတွင်းရေးမှူးချုပ်ကဘီဘီစီကို ပြောပါတယ်။
တခါ ဒီ ၁၉ကြိမ်မြောက် ဘာလီအာဆီယံထိပ်သီးအစည်းအဝေးမှာတော့ အိတ်ခ်ျအိုင်ဗီ၊ အေအိုင်ဒီအက်စ်တိုက်ဖျက်ရေးနဲ့ပတ်သက်ပြီး ကြေညာချက်အသစ်ထုတ်ဖို့ရယ်၊ အစီရင်ခံစာထုတ်ဖို့ရယ်လည်း ရှိပါတယ်။ ဂျာကာတာကလာတဲ့သတင်းတွေအရတော့ အာဆီယံထိပ်သီးအစည်းအဝေးအတွက်ကို ရဲအရာရှိ ၂၃၀၀ နဲ့ လုံခြုံရေးကိုလည်း ပြင်ဆင်ထားတယ်လို့ သိရပါတယ်။

ယူနက်စကို အကြီးအကဲ Irina Bokovaပါလက်စတိုင်းအဖွဲ့ဝင်ဖြစ်လာလို့ ယူနက်စကို ငွေကြေးအခက်ကြုံ
ထောက်ပံ့ ကူညီငွေတွေ ဖြတ်တောက်မယ် ဆိုတဲ့ အမေရိကန်ရဲ့ ဆုံးဖြတ်ချက်ကြောင့် သူတို့အဖွဲ့စည်းရဲ့ စီမံကိန်း သစ်တွေကို ယာယီ ဆိုင်းငံ့ထားမယ်လို့ ကုလသမဂ္ဂ ယဉ်ကျေးမှု ဆိုင်ရာ အဖွဲ့ ယူနက်စကိုက ပြောပါတယ်။
မကြာသေးခင်က ပါလက်စတိုင်းကို ယူနက်စကိုက အဖွဲ့ဝင် နိုင်ငံအဖြစ် အသိအမှတ်ခဲ့ ပြီးတဲ့နောက် အမေရိကန်က အခုလို ဆုံးဖြတ်ချက် ချခဲ့တာ ဖြစ်ပါတယ်။
ဒီပြဿနာကြောင့် ယူနက်စကို အဖွဲ့ကြီးရဲ့ ရံပုံငွေ ဒေါ်လာ ခြောက်သန်းကျော် လျှော့နည်း သွားတယ်လို့ ဆိုပါတယ်။
အခုကနေ ဒီဇင်ဘာ လကုန် အထိ သူတို့ရဲ့ လှုပ်ရှားမှုတွေကို ပြန်လည် သုံးသပ်ပြီး စီမံကိန်း အသစ်တွေကို ရပ်ဆိုင်းထားမယ်လို့ ယူနက်စကို အကြီးအကဲ Irina Bokova က ပြောပါတယ်။

ဂရိဝန်ကြီးချုပ်သစ် Papademosဂရိဝန်ကြီးချုပ်သစ်နဲ့ ကြွေးမြီအကျပ်အတည်း
ဥရောပမှာ အကြွေးပြသနာတက်နေတဲ့ အဓိက နှစ်နိုင်ငံဖြစ်တဲ့ အီတလီနဲ့ ဂရိနိုင်ငံတွေမှာ အခုသိတင်းပတ်အတွင်း နိုင်ငံရေး ဂယက်တွေ ရိုက်ခတ်ခဲ့တာကို တွေ့ခဲ့ကြရပါတယ်။
ဂရိနိုင်ငံမှာ ၄ ရက်ကြာ အကြိတ်အနယ် ဆွေးနွေးခဲ့ကြပြီးတဲ့နောက် ဝန်ကြီးချုပ် ဂျော့ ပါပင်ဒရေရဲ့နေရာကို အရင် ဘဏ်လုပ်ငန်းရှင်ဟောင်း Lucas Papademos နဲ့ အစားထိုးလိုက်ပြီလို့ ကြေငြာခဲ့ပါတယ်။
အမျိုးသား ညီညွတ်ရေးအစိုးရကို ဦးဆောင်ရမဲ့ မစ္စတာပါပါဒီမိုစ့်ဟာ အသက် ၆၄ နှစ်ရှိပြီး ဥရောပ ဗဟိုဘဏ်ရဲ့ ဒုတိယဥက္ကဌဟောင်းဖြစ်ပါတယ်။
ဒီလို သူရဲ့ အရင် လုပ်ငန်းအတွေ့အကြုံကြောင့် ဥရောပခေါင်းဆောင်တွေ ရဲ့ ယုံကြည်မှုကို သူရနိုင်မဲ့ပုံရှိပါတယ်။
ဒါပေမဲ့ လောလောဆယ်ကာလမျိုးမှာ ဘဏ်လုပ်ငန်းရှင်တွေ အပေါ် သိပ်ပြီးကျေနပ်မှုမရှိကြတဲ့ ဂရိနိုင်ငံသားတွေရဲ့ ထောက်ခံမှုကို ရ မရ ဆိုတာကတော့ သိပ်မသေချာလှပါဘူး။
ဂရိနိုင်ငံ ဥရောပသမဂ္ဂဝင်နိုင်ငံဖြစ်လာဖို့ ကြိုးစားရာမှာ မမှန်တဲ့ ကိန်းဂဏန်းတွေ သုံးခဲ့တယ်ဆိုတာကို အဲဒီအချိန်က ဂရိအမျိုးသားဘဏ်ဥက္ကဌအဖြစ်လုပ်နေတဲ့ မစ္စတာ ပါပါဒီမိုစ်အနေနဲ့ သိသင့်တယ်လို့ တချို့က ပြောကြပါတယ်။
ဒါပေမဲ့ မစ္စတာပါပါဒီမိုစ်ကတော့ သူရဲ့ ဦးစားပေးလုပ်ငန်းဟာ ဂရိနိုင်ငံအတွက် နိုင်ငံတကာက ချေးငွေတွေရဖို့အတွက် အောက်တိုဘာ ၂၆ ရက်နေ့က ဥရောပထိပ်သီးညီလာခံမှာ ခေါင်းဆောင်တွေ သဘောတူခဲ့ကြတဲ့ ကယ်ဆယ်ထောက်ပံ့ရေး အစီအစဉ်ကို အကောင်အထည် ဖေါ်ဖို့ဖြစ်တယ်လို့ ဆိုပါတယ်။
ယူရိုဇုံမှာ ဂရိနိုင်ငံဆက်ပြီးပါနေခြင်းအားဖြင့် နိုင်ငံရဲ့ ဘဏ္ဍာရေးတည်ငြိမ်မှုကို အာမခံမယ်လို့ သူယုံကြည်ကြောင်းပြောပါတယ်။
ကြွေးမြီ ကယ်တင်ရေးအစီအစဉ်အရ ပိုပြီးခြိုးခြံချွေတာဖို့လိုပါတယ်။ ဒါကြောင့် လူမှုရေး မတည်ငြိမ်မှုတွေကို ပိုပြီး အရှိန်မြင့်လာနိုင်ပါတယ်။
မစ္စတာပါပါဒီမိုစ်အနေနဲ့ သူဟာ ညွန့်ပေါင်းအစိုးရကို ဦးဆောင်ရမှာဖြစ်တာကြောင့် တဦးနဲ့တဦး မတည့်ဖြစ်နေကြတဲ့ ဂရိနိုင်ငံရေးသမားတွေကို ညီညွတ်အောင် စုစည်းနိုင်လိမ့်မယ်လို့ မျှော်လင့်ရပါတယ်။
ဂရိနိုင်ငံမှာ အစိမ်းသက်သက် အမျိုးသားညီညွတ်ရေး အစိုးရသစ်ဟာ အလွန်ကို ပြင်းထန်တဲ့ ခြိုးခြံချွေတာရေး နည်းလမ်းတခုကို ကျင့်သုံးရတော့မဲ့ အလွန်ဆိုးရွားတဲ့အချိန်ကို ရင်ဆိုင်ရမဲ့ အခြေအနေကိုရောက်နေပါတယ်။
ဒါ့အပြင် တဖြေးဖြေးပိုပြီး ထိခိုက်လွယ်လာနေတဲ့ ယူရိုငွေကြေးဇုံရဲ့ တည်ငြိမ်မှုနဲ့ အကျပ်အတည်းကြုံနေရတဲ့ ဂရိအနာဂတ်ဟာ ဘဏ်လုပ်ငန်းရှင်ဟောင်း မစ္စတာပါပါဒီမိုစ့်ရဲ့ ပုခုံးပေါ် ကျရောက်နေတယ်လို့ ဘီဘီစီသတင်းထောက် Mark Lowen အေသင်မြို့ကနေ သတင်းပေးပို့ထားပါတယ်။

သက်တမ်းရင့် တာဝန်ထမ်းခဲ့သူ Dennis Rossအိုဘားမား အကြံပေး ရာထူးက နှုတ်ထွက်ပြန်ပြီ
အမေရိကန် သမ္မတ အိုဘားမားရဲ့ အရှေ့အလယ်ပိုင်း ဆိုင်ရာ အကြံပေး အရာရှိ Dennis Ross ဟာ ရာထူးက အနားယူမယ့် အကြောင်း ကြေညာ ခဲ့ပါတယ်။
အသက် ၆၂ နှစ်ရှိပြီ ဖြစ်တဲ့ မစ္စတာ ရော့စ်ဟာ ကိုယ်ရေး ကိုယ်တာ ကိစ္စအတွက် အခုလို ရာထူးက နှုတ်ထွက်တာလို့ ဆိုပါတယ်။
၂ဝဝ၉ ခုနှစ်မှာ သမ္မတ ဖြစ်လာတဲ့ အိုဘားမားရဲ့ လက်ထက် မတိုင်ခင် အရင်သမ္မတ နှစ်ယောက် လက်ထက် ကတည်းက မစ္စတာရော့စ်က အကြံပေး အဖြစ် တာဝန် ထမ်းဆောင်ခဲ့တာပါ။
ပြီးခဲ့တဲ့ မေလတုန်းကလည်း အမေရိကန်ရဲ့ အရှေ့အလယ်ပိုင်း ဆိုင်ရာ နောက်သံတမန် တယောက်ဖြစ်တဲ့ ဂျော့ခ်ျ မစ်ချဲလ် ရာထူးက နှုတ်ထွက်ခဲ့တာ ဖြစ်ပြီး အမေရိကန် အစိုးရ အဖွဲ့ထဲမှာ အရှေ့အလယ်ပိုင်း ရေးရာ ကျွမ်းကျင်သူ နည်းလာပြီလို့ သတင်းထောက်တွေက ပြောပါတယ်။
အရှေ့အလယ်ပိုင်း ငြိမ်းချမ်းရေး ကိစ္စဟာ အမေရိကန် နိုင်ငံခြားရေးရာ ပေါ်လစီမှာ ထိပ်ဆုံးက ဦးစားပေး ဖြစ်တယ်လို့ သမ္မတ အိုဘားမားက ပြောခဲ့ပြီး ကတည်းက ငြိမ်းချမ်းရေး လုပ်ငန်းစဉ်တွေ တဖြည်းဖြည်း မှေးမှိန်လာတာကို ပြသနေတယ် လို့လည်း သတင်းထောက်တွေက ဆိုပါတယ်။

တောင်ပိုင်းနဲ့ မြောက်ပိုင်းက သမ္မတ နှစ်ယောက်တောင်ပိုင်းဒုက္ခသည် စခန်းကို မြောက်ပိုင်းဆူဒန် ဗုံးကြဲ
မြောက်ပိုင်းက ဆူဒန် သမ္မတနိုင်ငံဟာ သူတို့ရဲ့ ဒုက္ခသည် စခန်းကို ဗုံးကြဲခဲ့တဲ့ အတွက် တောင်ပိုင်း ဆူဒန် နိုင်ငံက ပြစ်တင် ပြောကြား လိုက်ပါတယ်။
တောင်ပိုင်း ဆူဒန်နိုင်ငံရဲ့ Unity State ညီညွတ်ရေး ပြည်နယ်ထဲက Yida ဒုက္ခသည် စခန်းမှာ Antonov လေယာဉ်ဟာ ဝေဟင်ကနေ စခန်းတဝိုက်ကို လှည့်ပတ် ပျံသန်းခဲ့ ပြီးတဲ့နောက် ဗုံးငါးလုံး ကြဲချခဲ့တယ်လို့ ဒေသခံတွေက ပြောပါတယ်။
ကယ်ဆယ်ရေး ဝန်ထမ်းတွေကတော့ အသေအပျောက် မရှိဘူး ပြောပေမယ့် လူ၁၂ယောက် သေဆုံးတယ်လို့ အစိုးရဖက်က သတင်း ထုတ်ပြန်တာကြောင့် အငြင်းပွားနေ ကြပါတယ်။
တောင် မြောက် ဆူဒန်နိုင်ငံတွေကြား နယ်စပ်မှာ တည်ရှိတဲ့ Southern Kordofan ပြည်နယ်က စစ်မက် ဖြစ်ပွားမှုတွေကြောင့် ပြေးလာတဲ့ ဒုက္ခသည်တွေကို ထားဖို့ ဒီစခန်း ဖွင့်ထားတာ ဖြစ်ပါတယ်။
ဒီတိုက်ခိုက်မှုနဲ့ ပတ်သက်လို့ သူတို့လက်ချက် မဟုတ်ဘူးလို့ မြောက်ပိုင်း ဆူဒန်ရဲ့ စစ်တပ် ပြောခွင့်ရ ပုဂ္ဂိုလ် Al-Sawarmi Khalid က ပြောပါတယ်။
ပြီးခဲ့တဲ့ ဇူလိုင်လ တောင်ပိုင်းဆူဒန် လွတ်လပ်ရေး ရကတည်းက နှစ်နိုင်ငံကြား တင်းမာမှု တိုးလာပြီး နယ်စပ်တလျှောက် အကြမ်းဖက် တိုက်ခိုက်မှုတွေ ပေါ်ပေါက်ခဲ့တာ ဖြစ်ပါတယ်။

SSA မြောက်ပိုင်းSSA မြောက်ပိုင်း နဲ့ အစိုးရ ဆွေးနွေး
အက်စ်အက်စ်အေ မြောက်ပိုင်း ဘက်က ဗိုလ်မှူးစပ်နော်လိတ်ခ် နဲ့ အဖွဲ့ဝင် ၂ ဦးဟာ ကြားဝင် စေ့စပ်ပေးတဲ့ အရင် အက်စ်အက်စ်အေ မြောက်ပိုင်းတပ် အဟောင်း အခု ပြည်သူ့စစ် အဖွဲ့ ဒုတိယဥက္ကဌ ဦးစပ်ကိုင်ဖ တို့ ပြီးခဲ့တဲ့လ ၂၈ ရက်နေ့က နေပြည်တော်မှာ ငြိမ်းချမ်းရေး အစပျိုး ဆွေးနွေးပွဲလုပ်ခဲ့ ပါတယ်၊၊
အစိုးရ ငြိမ်းချမ်းရေးတာဝန်ခံ ဦးသိန်းဇော် နဲ့ ကြံ့ခိုင်ဖွံ့ဖြိုးရေး ပါတီ အတွင်းရေးမှူး ဦးအောင်သောင်းတို့ ဦးဆောင် တဲ့ အဖွဲ့ ဆွေးနွေးခဲ့ တာ ဖြစ်ပါတယ်၊
အက်စ်အက်စ်အေ မြောက်ပိုင်းက ၃ ချက်တင်ပြတဲ့အထဲမှာ ငြိမ်းချမ်းရေး အတွက် ဗဟိုကော်မတီဝင်တွေ အားလုံး စုံညီ ဆွေးနွေးနိုင်ဖို့ လက်ရှိ ဝမ်ဟိုင်း ဌာန ချုပ် နားမှာရှိနေတဲ့ အစိုးရ တပ်တွေ ပြန်နောက်ဆုတ်ပေးဖို့ အပစ်အခတ် ရပ်စဲလုပ်ဖို့ နဲ့ နိုင်ငံရေးအရ ဆွေးနွေးဖို့ ယူအဲန်အက်ဖ်စီလို့ခေါ်တဲ့ ညီညွတ်သော တိုင်းရင်းသား များ ဖယ်ဒရယ်ကောင်စီ နဲ့ ဆွေးနွေးဖို့ ကို ပြောတယ်လို့ သိရပါတယ်။
အရင် ငြိမ်းချမ်းရေး လုပ်တုန်းက စာချုပ်စာတမ်းနဲ့ လက်မှတ် ရေးထိုးတာ မျိုးမရှိဘူး၊ အခုက စာချုပ်စာတမ်း နဲ့ လုပ်တဲ့အတွက် ထာဝရ ငြိမ်းချမ်းရေး ကို ဦးတည် လုပ်နေတယ်လို့လည်း အစိုးရ ဘက် ကပြော ပါတယ်။
အဲဒီ ဆွေးနွေးပွဲမှာ ထူးခြားတာ တခုက အပစ်အခတ် ရပ်စဲရေး အားလုံးနဲ့ လုပ်ပြီးရင် ပြည်သူ့စစ်တို့၊ နယ်ခြားစောင့်တို့ အပါအဝင် လက်နက်ကိုင် အဖွဲ့ အားလုံး နဲ့ စုပြီး နိုင်ငံရေး အဖြေရှာတဲ့ ဆွေးနွေးပွဲ တရပ် စုပေါင်း ဆောင်ရွက်နိုင်ဖို့ အစိုးရ ဘက်က စီစဉ်နေတယ်လို့ ပြောလိုက်တဲ့ အကြောင်းလည်း အဲဒီ ဆွေးနွေးပွဲ တက်ခဲ့တဲ့သူ တစ်ဦးက ဘီဘီစီ ကို ပြောပြပါတယ်၊                    

စုပေါင်း လက်ထပ်ပွဲမြင်ကွင်းတစ်ခြောက်လုံး မင်္ဂလာနေ့
၁၁ရက် ၁၁လ ၁၁ခုနှစ် ဟာ တစ်ဂဏန်းတွေချည်း ဖြစ်နေတာမို့ ထူးထူးခြားခြား မင်္ဂလာ ရှိတဲ့ နေ့ ရက်ကောင်းရက်မြတ်နေ့ ဆိုပြီး ကမ္ဘာတဝန်းက မင်္ဂလာမောင်နှံတွေက ဒီကနေ့မှာ ရွေးပြီး လက်ထပ်မင်္ဂလာပွဲတွေ ဆင်နွဲခဲ့ကြပါတယ်။ဒီအယူကို အာရှနိုင်ငံတွေမှာ ပိုဆောင်ရွက်ကြပါတယ်။
တရုတ်နိုင်ငံမှာဆို ဒီကနေ့ နိုဝင်ဘာလ ၁၁ရက် နေ့မှာ စုံတွဲတွေ ထောင်နဲ့ချီ မင်္ဂလာဆောင်ခဲ့ကြပါတယ်။တရုတ်နိုင်ငံမှာက ၁၁ရက် ၁၁လကို Super Singles Day လူပျိုအပျိုတွေ စွံတဲ့နေ့လို့ ၁၉၉၀ ခုနှစ်ကတည်းက စ သတ်မှတ်ပြီး စုံတွဲတွေ မင်္ဂလာဆောင်ခဲ့ကြတာပါ။
တစ် ဆိုတာ တုတ်ချောင်း တချောင်းလို့ အဓိပ္ပါယ် ရတာမို့ တကိုယ်တည်း လူပျို အပျိုကြီး တွေကို ရည်ညွှန်းတာလို့လည်း ဆိုပါတယ်။
အခု ဒီနှစ်ကတော့ ၁၁ရက် ၁၁လ ၁၁ခုနှစ် ဆိုတော့ တစ်ဂဏန်း ချည်း ၆လုံး ဆက်တိုက် ဖြစ်နေတဲ့ အပြင် နှစ်ပေါင်း ၁၀၀မှာမှ တကြိမ်ကျတာမို့ ခါတိုင်းထက်ကို ပိုထူးနေတယ် လို့ ဆိုရမှာပါ။
ရှန်ဟိုင်းမြို့တမြို့ထဲမှာတင် မင်္ဂလာဆောင်ဖို့ ဘွတ်ကင် လုပ်ထားတဲ့ စုံတွဲပေါင်း သုံးထောင့် သုံးရာလောက် ရှိနေပါတယ်။
စုံတွဲတွေ မင်္ဂလာဆောင်တဲ့ Super Singles Day ကို စသတ်မှတ် ကျင်းပခဲ့တဲ နန်ဂျင်းမြို့မှာဆိုရင် စုံတွဲ ၃ထောင်လောက် မင်္ဂလာဆောင်ကြမှာပါ။
တခါ ကိန်းဂဏန်းတွေ ယတြာတွေ အစွဲကြီးလေ့ ရှိတဲ့ မြန်မာပြည်မှာ ဆိုရင်လည်း ဒီကနေ့ကို နေ့ထူးနေ့မြတ်အဖြစ် သတ်မှတ်ပြီး ရွှေလက်တွဲခဲ့ကြတဲ့ မင်္ဂလာစုံတွဲတွေ အတော်များခဲ့ပါတယ်။
အင်ဒိုနီးရှား နိုင်ငံမှာ လက်ထပ်သူပေါင်း တသောင်းကျော်ပြီး မလေးရှားနဲ့စင်္ကာပူမှာလည်း လက်ထပ်သူအထူးများပြားပါတယ်။

မြန်မာ ကို လက်တွဲဖို့ အသင့် လို့ ကလင်တန်ပြော
အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က မြန်မာ နိုင်ငံတွင်း လက်ရှိ အပြောင်း အလဲတွေ ကနေ ပိုမို တိုးတက်မှု တွေ ရှိလာရင် မြန်မာကို Partner အဖြစ် လက်တွဲ လုပ်ဆောင် သွားဖို့ အသင့် ဖြစ်နေပြီလို့ ထုတ်ဖော် ပြောလိုက် ပါတယ်။
မြန်မာ နိုင်ငံ အတွင်း ဒီမို ကရေစီ ပြုပြင် ပြောင်းလဲမှု တွေနဲ့ လူ့ အခွင့် အရေး တိုးတက် ကောင်းမွန် လာဖို့ အမေရိကန်က အစဉ် တစိုက် တောင်းဆို လာခဲ့တာ ဖြစ်ပါတယ်။
လတ်တလော မြန်မာ နိုင်ငံ တွင်းမှာ နိုင်ငံရေး တိုး တက်မှု တချို့ကို အမေ ရိကန် သတိ ပြုမိ
နှစ်ပေါင်း များစွာ အတွင်း အပြောင်း အလဲ တချို့ကို အခု ချိန်မှာ စတင် တွေ့နေ ရပြီ ဖြစ်ပေမဲ့ နိုင်ငံရေး အကျဉ်းသား တွေကို ဆက်လက် ထိန်းသိမ်း ထားခြင်း ကတော့ မေးစရာ ဖြစ်နေ တယ်လို့ အမေရိကန် ပြည်ထောင်စု ဟိုနို လူလူမှာ ကျင်းပမယ့် APEC အာရှနဲ့ ပစိဖိတ် စီးပွားရေး ပူးပေါင်းမှု အဖွဲ့ ထိပ်သီး ဆွေးနွေးပွဲ မတိုင်ခင်မှာ နိုင်ငံခြားရေး ဝန်ကြီးက ပြောပါတယ်။
ရေရှည် ခံတဲ့ ပြုပြင် ပြောင်းလဲမှု၊ တိုင်းရင်းသား နယ်မြေ တွေမှာ ငြိမ်းချမ်းရေးနဲ့ ပြန်လည် သင့်မြတ်ရေးကို တိုးချဲ့ လုပ်ဆောင်ဖို့ လိုသေးတယ် လို့ မစ္စစ် ကလင်တန်က ပြော ပါတယ်။
မြန်မာ နိုင်ငံ အပေါ် အပြု သဘော တုံ့ပြန် မှုတွေ ပြုလုပ်ဖို့ စဉ်းစား နေတဲ့ အမေရိကန်က အခု သုံးလေးလ အတွင်း မြန်မာ နိုင်ငံ အတွင်းမှာ နိုင်ငံရေး ပြုပြင် ပြောင်းလဲမှု တချို့ ရှိတာကို အသိ အမှတ်ပြုတာ တွေ့ရ တယ်လို့ ပြည်ထောင်စုမြန်မာ နိုင်ငံ အဝေးရောက် အမျိုးသား ညွန့်ပေါင်း အစိုးရ ရဲ့ ကုလ သမဂ္ဂ ရေးရာ တာဝန်ခံ ဒေါက်တာ သောင်းထွန်းက ပြောပါတယ်။
အခုဆိုရင် USAID ဆိုတဲ့ အမေရိကန် ရဲ့ ဖွံ့ဖြိုးရေး အစီအစဉ် အရ ဆင်းရဲ မွဲတေမှု ပပျောက်ရေးနဲ့ လယ်ယာ စိုက်ပျိုးရေး ဆိုင်ရာ တိုးတက်မှု အတွက် လယ်သမား တွေကို အသေးစား ချေးငွေ ထုတ်ပေးရာမှာ အကူအညီ တိုးမြှင့် ပေးရေး ဆွေးနွေးတာ ရှိပြီး နှစ်နိုင်ငံ သံတမန် ဆက်ဆံရေး စိပ် လာတာ တွေ့ရတယ်လို့ လည်း သူက ပြောပါတယ်။
ပိတ်ဆို့ အရေး ယူမှုကို ပယ်ဖျက် ပေးဖို့ လိုလား နေတဲ့ မြန်မာ အစိုးရ အနေနဲ့ နောက်ကြောင်း ပြန်မလှည့်တဲ့၊ ဒီမိုကရေစီ ရေးကို ရှေ့ရှုတဲ့ ပြုပြင် ပြောင်းလဲမှု တွေ ဆက်လုပ် လာမယ် ဆိုတာ ယုံကြည်နိုင် လောက်အောင် လုပ်ဖို့ လိုတယ်၊ နိုင်ငံရဲ့ ရှေ့လုပ်ငန်းစဉ် တွေမှာ ပါဝင် နိုင်အောင် နိုင်ငံရေး အကျဉ်းသား တွေ အားလုံး ကို ချွင်းချက် မရှိ ပြန်လွှတ် ပေးဖို့နဲ့ တိုင်းရင်းသား ဒေသ တွေမှာ ဖြစ်နေတဲ့ လက်နက်ကိုင် ပဋိပက္ခတွေ ရပ်ဆိုင်းပြီး ပြည်တွင်း ငြိမ်းချမ်းရေး လုပ်ဆောင်ဖို့ အမေရိကန် ဘက်ကတိုက်တွန်း နေတာ ရှိတယ်လို့ လည်း ဒေါက်တာ သောင်းထွန်းက ပြောပါတယ်။

အမေရိကန် နည်းပညာနဲ့ မြန်မာအစိုးရ အင်တာနက် ဆင်ဆာ လုပ်နေ
2011-11-10
မြန်မာနဲ့ ဆီးရီးယား အစိုးရတွေဟာ ပြည်သူတွေရဲ့ အင်တာနက် အသုံးပြုမှုကို ထိန်းချုပ်တဲ့ ဆင်ဆာ ပိတ်ပင်ရေး လုပ်ငန်းတွေမှာ အမေရိကန် နည်းပညာတွေ သုံးစွဲနေတာ အခိုင်အမာ တွေ့ရှိရကြောင်း သုတေသန အစီရင်ခံစာသစ် တစောင်က ဖော်ပြလိုက်ပါတယ်။
ကနေဒါနိုင်ငံ တိုရွန်တို တက္ကသိုလ် အင်တာနက် သုတေသနဌာန Citizen Lab က ထုတ်ပြန်လိုက်တဲ့ အစီရင်ခံစာသစ် အရ ဆီရီးယားနဲ့ မြန်မာ အစိုးရတွေဟာ အမေရိကန် ပြည်ထောင်စု ကာလီဖိုးနီးယား ပြည်နယ် အခြေစိုက် Blue Coat ကုမ္ပဏီရဲ့ နည်းပညာတွေ သုံးစွဲနေကြောင်း အထင်အရှား တွေ့ရှိရတယ်လို့ ဆိုပါတယ်။Blue Coat ကုမ္ပဏီ ကတော့ မြန်မာ အစိုးရက Blue Coat ရဲ့နည်းပညာတွေ အသုံးပြုနေတယ် ဆိုတဲ့ တွေ့ရှိချက်ဟာ အခု ပထမဆုံးအကြိမ် ဖြစ်ကြောင်း၊ ကုမ္ပဏီ အနေနဲ့ မိမိတို့ နည်းပညာတွေကို အမေရိကန် အစိုးရက ပိတ်ဆို့ ဒဏ်ခတ်ထားတဲ့ နိုင်ငံတွေက အသုံးပြုတာ မလိုလားကြောင်း၊ ဒီအတွက် စတင် စုံစမ်း စစ်ဆေးနေပြီ ဖြစ်ကြောင်း ကုမ္ပဏီရဲ့ ပြောခွင့်ရပုဂ္ဂိုလ် Steve Schick က ပြောပါတယ်။မြန်မာနဲ့ ဆီးရီးယား နိုင်ငံတွေဟာ လူ့အခွင့်အရေး ဆိုးဆိုးဝါးဝါး ချိုးဖောက်တဲ့ အတွက် အမေရိကန် အစိုးရရဲ့ စီးပွားရေး ပိတ်ဆို့ ဒဏ်ခတ် အရေးယူခံထားရတဲ့ နိုင်ငံတွေ ဖြစ်ပါတယ်။

အစိုးရတပ်များ ဓာတုလက်နက် ပုိုသုံးနေတယ်လို့ KIO စွပ်စွဲ
2011-11-11
မိုးမောက်မြို့နယ်အတွင်း ဖကွန်ကျေးရွာ အနီးက တောင်ကုန်းကို မနေ့က တိုက်ခိုက်ရာမှာ အစိုးရတပ်က ဓာတု အဆိပ်ငွေ့ ပါတဲ့ လက်နက်တွေကို ပိုမို အသုံးပြုလာတယ်လို့ ကေအိုင်အို ပြောရေးဆိုခွင့်ရှိသူ ဦးလနန်က ပြောပါတယ်။
“တပ်ဖွဲ့တွေကတော့ ခလရ ၂၃၇ နဲ့ ခမရ ၃၂၀။ မနက် ၉နာရီခွဲလောက်မှာ တိုက်ပွဲက စတယ်။ သူတို့ပစ်တဲ့ လက်နက်ကြီးတိုင်းမှာ တော်တော် များများ အဲလို လက်နက်တွေ သုံးကြတယ်။ ကျွန်တော်တို့ အဖွဲ့တွေက အခါတိုင်း ရိုးရိုးပုံစံ ဖြစ်နေတော့ မာ့စ်က်တွေ တပ်မသွားဘူး။ ဗိုလ်ကလေး တစ်ယောက်ကတော့ တော်တော်လေး ဆိုးဆိုးဝါးဝါး ဖြစ်တော့ နောက်တန်းကို ပြန်ပို့ထားတာ ရှိတယ်။ အခုတော့ ဖြစ်တဲ့ဖြစ်စဉ် သက်သေ ပစ္စည်းတွေကိုတော့ စုတော့ စုခိုင်းထားတယ်”ဖကွန်ကျေးရွာဟာ ကေအိုင်အို တပ်မဟာ ၃ ဆန်ဂန် တပ်စခန်းရဲ့ အထက်ဘက်မှာ ရှိပါတယ်။နှစ်ဘက်ရင်ဆိုင် တိုက်ပွဲမှာ ကေအိုင်အေ တပ်တွေ ရှိတဲ့ဘက်ကို ပစ်တဲ့ လက်နက်ကြီး ကျည်ဆံတွေထဲမှာ အဲဒီ ဓာတုလက်နက်တွေ ပါလာတာ ဖြစ်ပါတယ်။အဲဒီ လက်နက်ကျည်ဆံ ကျတဲ့အခါ တခြား လက်နက်တွေလို အသံမြည်တာ မတူတဲ့ အပြင် မီးခိုးထွက်တာလည်း မတူဘူးလို့ သိရပါတယ်။ ဗိုလ်တစ်ယောက် အပါအ၀င် ရဲဘော် လေးငါးယောက်လောက်ဟာ မူးမေ့ အော့အန်ပြီး လမ်းမလျှောက်နိုင်တော့ဘူးလို့ ဆိုပါတယ်။ နောက်ပိုင်း အဲဒီဓာတု အငွေ့တွေ ဒဏ်ခံနိုင်ဖို့ ဓာတ်ငွေ့ကာ မျက်နှာဖုံးတွေကို ကေအိုင်အိုက ရှေ့တန်း စခန်းတွေကို ဖြန့်ဝေထားတယ်လို့ ဦးလနန်က ပြောပါတယ်။အောက်တိုဘာလ ၂၉ ရက်နေ့ကလည်း ၀ိုင်းမော် မြို့နယ် ဂါးရာယန်ကျေးရွာ အနီးမှာ ရှိတဲ့ လုံဇက်ကောင် ဆိုတဲ့ ခံစစ်ကုန်းကို အစိုးရတပ်က လက်နက်ကြီး အများအပြား ပစ်တဲ့ အထဲမှာ အလားတူ ဓာတုလက်နက်တွေ အသုံးပြုခဲ့တာကြောင့် အဲဒီတောင်ကုန်းကို ကေအိုင်အိုက ဖယ်ပေးလိုက်ရတယ် လို့လည်း သိရပါတယ်။အခုလုပ်ရပ်ကိုကြည့်ခြင်းအားဖြင့် အစိုးရတပ်ဟာ ဓာတုလက်နက်တွေကို အရေးကြီးတဲ့နေရာကို ရွေးပြီးသုံးတာမဟုတ်ဘဲ ရှင်းလင်းရေးလုပ်တဲ့အခါမှာ သုံးချင်သလို သုံးနေတာဖြစ်တယ်လို့လည်း ဦးလနန်ကပြောပါတယ်။အစိုးရတပ်က ဓာတုလက်နက် သုံးစွဲတဲ့ အဆင့် အထိ သူတို့ကို တိုက်ခိုက်လာတဲ့ အပေါ် ကေအိုင်အိုက ခုခံစစ်နဲ့ပဲ ပြန်လည် တိုက်ခိုက်သွားမှာ ဖြစ်ပြီး ဒီကိစ္စနဲ့ ပတ်သက်လို့ နိုင်ငံတကာက ပြောဆိုသင့်နေပြီလို့ ဦးလနန်က ဆက်ပြောပါတယ်။ကချင်ပြည်နယ် အတွင်းမှာ အစိုးရတပ်က လူအင်အား လက်နက် အင်အား အများအပြားနဲ့ ထိုးစစ်ဆင် နေရာမှာ ကား၊ ရထား စတဲ့ ထောက်ပံ့ရေးယာဉ်တွေနဲ့ တပ်တွေကို ကေအိုင်အိုက လမ်းကနေ ပျောက်ကြားနည်းနဲ့ ပိတ်ဆို့ တိုက်ခိုက် ခုခံနေတာ ဖြစ်ပါတယ်။

ပါလက်စတိုင်း ကုလအဖွဲ့ဝင်ဖြစ်ရေး လုံခြုံရေးကောင်စီ သဘောမတူ
By Margaret Besheer/ ကိုရန်နိုင်
ကုလသမဂ္ဂအဖွဲ့ဝင်နိုင်ငံ အပြည့်အ၀ဖြစ်ပေါ်လာဖို့အတွက် ပါလက်စတိုင်းရဲ့ ကြိုးပမ်းချက်ဟာ အဖွဲ့ဝင်သစ် ကိစ္စတွေကို ကိုင်တွယ်ဆောင်ရွက်နေတဲ့ လုံခြုံရေးကောင်စီကော်မတီရဲ့ ထောက်ခံမှုကိုမရခဲ့ပါဘူး။ သောကြာနေ့ကချမှတ်ခဲ့တဲ့ အဲဒီဆုံးဖြတ်ချက်ဟာ မမျှော်လင့်ထားတဲ့ ဆုံးဖြတ်ချက် မဟုတ်ဘူးလို့ ကုလသမဂ္ဂရုံးချုပ်ကနေ ဗွီအိုအေသတင်းထောက် Margaret Besheer ရဲ့ သတင်းပေးပို့ချက်ကို အပြည့်အစုံကို ကိုရန်နိုင်က တင်ပြထားပါတယ်။
အဖွဲ့ဝင် ၁၅ နိုင်ငံပါဝင်တဲ့ လုံခြုံရေးကောင်စီရဲ့ ကော်မတီက ပါလက်စတိုင်းကို အဖွဲ့ဝင်အဖြစ်လက်ခံဖို့ တညီတညွတ်တည်း အကြံပြုထောက်ခံတာမျိုးကို လုံခြုံရေးကောင်စီကို ပေးပို့ဖို့မဖြစ်နိုင်တဲ့အကြောင်း အစီရင်ခံစာကို ပြောကြားဖို့အတွက် ဒီကော်မတီက သောကြာနေ့မှာ တွေ့ဆုံခဲ့ကြတာဖြစ်ပါတယ်။ အခုအခါမှာ ကော်မတီက အဲဒီအစီရင်ခံစာကို လုံခြုံရေးကောင်စီကို ပေးပို့သွားမှာဖြစ်ပြီး အဲဒီကနေ ဘာဆက်လုပ်သွားမယ် ဆိုတာကို ဆုံးဖြတ်သွားမှာဖြစ်ပါတယ်။
အစ္စရေးနဲ့ ငြိမ်းချမ်းရေးဆွေးနွေးပွဲတွေ ရပ်ဆိုင်းနေတဲ့အတွက် စိတ်ပျက်နေတဲ့ ပါလက်စတိုင်းတွေက နိုင်ငံအဖြစ်ရပ်တည်ဖို့အတွက် ကုလသမဂ္ဂကနေတဆင့် ပြီးခဲ့တဲ့စက်တင်ဘာလမှာ ကြိုးပမ်းခဲ့ပါတယ်။ ဒါပေမဲ့ အမေရိကန်အပါအ၀င် အဖွဲ့ဝင်နိုင်ငံအတော်များများကတော့  နိုင်ငံအဖြစ်ရပ်တည်ဖို့အတွက် တခုတည်းသော နည်းလမ်းကတော့ ငြိမ်းချမ်းရေးဆွေးနွေးပွဲ ဖြစ်တယ်လို့ ပြောပါတယ်။
ကုလသမဂ္ဂဆိုင်ရာ ပါလက်စတိုင်းသံတမန် ရီးယဒ်မန်ဆူအာ (Riyad Mansour) ကတော့ ပါလက်စတိုင်း အစိုးရအနေနဲ့ သောကြာနေ့က ဆုံးဖြတ်ချက်ကို အဲဒီလို ဆုံးဖြတ်ဖို့ မမျှော်လင့်ထားကြောင်း၊ ဒါပေမဲ့ သူတို့အနေနဲ့ လက်လျှော့မှာမဟုတ်ဘူးလို့ ပြောပါတယ်။
“ကံမကောင်းစွာဘဲ အခုအချိန်မှာ ဒါဟာ လက်တွေ့ဖြစ်မလာခဲ့ပါဘူး။ လုံခြုံရေးကောင်စီမှာ ပါလက်စတိုင်းကို အဖွဲ့ဝင်နိုင်ငံအဖြစ် လက်ခံတဲ့အချိန် ရောက်တဲ့အထိ ကျနော်တို့အနေနဲ့ စုပေါင်းပြီး ပိုလုပ်သွားရမှာဖြစ်သလို ဆက်လုပ်သွားဖို့လည်း ပိုပြီး စိတ်ပိုင်းဖြတ်ထားပါတယ်။”
ပါလက်စတိုင်းတွေအနေနဲ့ ရွေးချယ်စရာနည်းလမ်းတွေ အများအပြားတော့ရှိပါတယ်။ သူတို့အနေနဲ့ လုံခြုံရေးကောင်စီအဖွဲ့ဝင် နိုင်ငံတွေထဲက လက်ဘနွန်နဲ့ တောင်အာဖရိကလို ဖြစ်နိုင်ချေရှိတဲ့နိုင်ငံတွေကို လုံခြုံရေးကောင်စီအတွင်းမှာ မဲခွဲဆုံးဖြတ်ဖို့အတွက် တောင်းဆိုခိုင်းတာမျိုး တောင်းဆိုနိုင်ပါတယ်။ တကယ်လို့ သူတို့က အဲဒီလိုလုပ်မယ်ဆိုရင်တော့ ကျိန်းသေပေါက် အောင်မြင်မှာမဟုတ်ဘူးလို့ သံတမန်တွေက ပြောပါတယ်။ ဘာဖြစ်လို့လဲဆိုတော့ ပါလက်စတိုင်းအနေနဲ့ လိုအပ်တဲ့ ထောက်ခံမဲ ၉ မဲရမယ်လို့ မထင်တဲ့အပြင် တကယ်လို့ရခဲ့ရင်လည်း အမေရိကန်က ဗီတိုသုံးပြီး ပယ်ချနိုင်တယ်လို့ ပြောပါတယ်။
ဒါ့အပြင် ပါလက်စတိုင်းတွေအနေနဲ့ လေ့လာသူအဖြစ်နဲ့ တက်ရောက်နေတဲ့ ကုလသမဂ္ဂ အထွေထွေညီလာခံ မှာ မဲခွဲဆုံးဖြတ်ဖို့လုပ်နိုင်ပြီး တကယ်လို့ အဲဒီကနေ အများစုထောက်ခံမဲ ၃ ပုံ ၂ ပုံရမယ်ဆိုရင် လက်ရှိ ရှိနေတဲ့အဆင့်ကနေ တဆင့်မြင့်ပြီးတော့ အဖွဲ့ဝင်နိုင်ငံမဟုတ်တဲ့ လေ့လာသူအဖြစ် တိုးမြင့်ရရှိလာမှာ ဖြစ်ပါတယ်။ အဲဒီလိုဆိုရင် သူတို့အနေနဲ့ ကုလသမဂ္ဂရဲ့ လှုပ်ရှားမှုတွေမှာ ပါဝင်နိုင်ဖို့အတွက် စွမ်းရည်တွေ တချို့ကို ကျယ်ပြန့်အောင်လုပ်လာနိုင်ပြီး နိုင်ငံတကာ သဘောတူစာချုပ်တချို့မှာ ပါဝင်လက်မှတ်ထိုးနိုင်တာမျိုး လုပ်နိုင်မှာပါ။
သံအမတ်ကြီး မန်ဆူအာ ကတော့ ရွေးချယ်ရမယ့်နည်းလမ်း အားလုံးကိုတော့ စဉ်းစားနေပြီး ပါလက်စတိုင်း ဦးဆောင်မှုနဲ့အတူ အာရပ်နဲ့ တခြားမိတ်ဆွေနိုင်ငံတွေနဲ့ ပေါင်းပြီး ဘယ်လမ်းကြောင်းကို ရွေးချယ်ရမယ် ဆိုတာကို လာမယ့်သီတင်းပတ်တွေအတွင်းမှာ ဆုံးဖြတ်သွားမှာဖြစ်တယ်လို့ ပြောပါတယ်။

အိန္ဒိယ ပါကစ္စတန် ဆက်ဆံရေးသစ် မျှော်လင့်ဖွယ်ရှိ
By ဗွီအိုအေ (မြန်မာဌာန)
SAARC ထိပ်သီးစည်းဝေးပွဲ တက်ရောက်နေကြတဲ့ ပါကစ္စတန်ဝန်ကြီးချုပ် Yousuf Raza Gilani (ယာ)၊ အိန္ဒိယ၀န်ကြီးချုပ် Manmohan Singh (၀ဲ)။ (နိုဝင်ဘာလ ၁၀၊ ၂၀၁၁)
အိန္ဒိယနဲ့ ပါကစ္စတန် နှစ်နိုင်ငံတို့အကြား တွေ့ဆုံဆွေးနွေးမှု ပြုလုပ်ဖို့ တောင်အာရှနိုင်ငံတွေက အားပေး တိုက်တွန်းနေကြပါတယ်။ အဲဒီလိုဆွေးနွေးတာဟာ အားပြိုင်နေတဲ့ နိုင်ငံနှစ်နိုင်ငံအကြား ကဏ္ဍသစ်တစ်ခု ဖွင့်လှစ်နိုင်လိမ့်မယ်လို့ ပြောပါတယ်။
အဖွဲ့ဝင် ၈ နိုင်ငံပါတဲ့ တောင်အာရှဒေသတွင်း ပူးပေါင်းဆောင်ရွက်မှုအဖွဲ့ SAARC ရဲ့ နှစ်ရက်ကြာ အစည်းအဝေးကို မော်လ်ဒိုက်ဗ် နိုင်ငံမှာ ကျင်းပခဲ့ပါတယ်။
နျူကလီးယားလက်နက်ပိုင်ဆိုင်တဲ့ နိုင်ငံကြီးနှစ်နိုင်ငံအကြား တိုးတက်ဖြစ်ထွန်းမှုရရှိအောင် ဆွေးနွေးကြဖို့ တိုက်တွန်းချက်ကို မော်လ်ဒိုက်ဗ်နိုင်ငံ သမ္မတ မိုဟာမက်နာရှိ က ကြိုဆိုပါတယ်။
ဆွေးနွေးပွဲကာလအတွင်း အိန္ဒိယ၀န်ကြီးချုပ် မန်မိုဟန်ဆင်းနဲ့ ပါကစ္စတန် ၀န်ကြီးချုပ် ယူဆွတ် ရာဇာဂီလာနီ တို့ဟာ ကြာသပတေးနေ့မှာ အလွတ်သဘော တွေ့ဆုံခဲ့ကြပါတယ်။ မစ္စတာဆင်းက ပါကစ္စတန်ဝန်ကြီးချုပ် မစ္စတာ ဂီလာနီကို ငြိမ်းချမ်းရေးသမားအဖြစ် ခေါ်ဆိုထောပနာပြုခဲ့တာပါ။
နှစ်နိုင်ငံခေါင်းဆောင်တွေက အနာဂတ်ဆွေးနွေးပွဲမှာ ကွဲလွဲချက်တွေရှိနေတဲ့ အကြမ်းဖက်မှုကိစ္စ၊ ရေပိုင်နက်ခွဲဝေ ပိုင်ဆိုင်မှုကိစ္စ၊ ကက်ရ်ှမီးယားဒေသ နယ်မြေအငြင်းပွားနေတဲ့ ကိစ္စတွေကို ဆွေးနွေးနိုင်လိမ့်မယ်လို့ မျှော်လင့်ကြောင်း ပြောဆိုကြပါတယ်။
သောကြာနေ့မှာတော့ အိန္ဒိယ၀န်ကြီးချုပ် ဆင်းဟာ အာဖဂန်နစ္စတန်နိုင်ငံသမ္မတ ဟာမစ်ခါဇိုင်းနဲ့ တွေ့ဆုံခဲ့ပါတယ်။

သမ္မတအိုဘားမား အာရှပစိဖိတ်နိုင်ငံများနဲ့ ဆက်ဆံရေးခရီး စတင်
By ဗွီအိုအေ (မြန်မာဌာန)
အမေရိကန်သမ္မတ ဘရက်အိုဘားမားဟာ အာရှပစိဖိတ် ဒေသတွင်းနိုင်ငံတွေနဲ့ ဆက်ဆံရေး ပိုမို ကောင်းမွန်လာအောင် မြှင့်တင်ဖို့အတွက် ၀ါရှင်တန်ကနေ ၉ ရက်ကြာခရီးကို စတင်ထွက်ခွာသွားပြီ ဖြစ်ပါတယ်။ သမ္မတအိုဘားမား ဟာ အမေရိကန်နိုင်ငံ ဟာဝိုင်အီပြည်နယ်မှာ အာရှပစိဖိတ် စီးပွားရေး ပူးပေါင်းဆောင်ရွက်မှု ညီလာခံကို ပထမဦးဆုံး လက်ခံကျင်းပပေးမှာဖြစ်ပါတယ်။
သမ္မတဟာ အမေရိကန်၊ သြစတြေးလျ၊ ဘရူနိုင်း၊ ချီလီ၊ မလေးရှား၊ နယူးဇီလန်၊ ပီရူး၊ စင်ကာပူနဲ့ ဗီယက်နမ်နိုင်ငံတွေ ပါဝင်တဲ့ ဒေသတွင်း လွတ်လပ်စွာကုန်သွယ်ရေး အဆိုတစ်ခုကို တင်သွင်း ဆွေးနွေးလိမ့်မယ်လို့ မျှော်လင့်ရပါတယ်။ ဂျပန်နိုင်ငံကလည်း အဲဒီ လွတ်လပ်စွာ ကုန်သွယ်ရေးဆိုင်ရာ ဆွေးနွေးပွဲမှာ ပါဝင်မယ်လို့ သောကြာနေ့က ပြောဆိုပါတယ်။ ဒါဟာ တခြား ဒေသတွင်း စီးပွားရေးအင်အားကြီး နိုင်ငံတစ်ခုဖြစ်တဲ့ တရုတ်နိုင်ငံကို ဆွဲဆောင်နိုင်ပါလိမ့်မယ်။
မစ္စတာ အိုဘားမားဟာ သြစတြေးလျနိုင်ငံမှာ တထောက်နားပြီး အင်ဒိုနီးရှားနိုင်ငံကို ဒုတိယအကြိမ် သွားရောက်လည်ပတ်ဖို့ ရှိပါတယ်။ အဲဒီကာလတွင်း ဘာလီကျွန်းမှာပြုလုပ်မယ့် အရှေ့အာရှ ထိပ်သီး အစည်းအဝေးကိုလည်း တက်ရောက်မှာဖြစ်ပါတယ်။

ရာသီဥတုကြောင့် မြန်မာဆန်စပါး အထွက်နည်းမည်
By ကိုအောင်လွင်ဦး
မြန်မာနိုင်ငံအပါအ၀င် အာရှက ရေကြီးမှုတွေ ကြုံခဲ့ရတဲ့ နိုင်ငံတွေမှာ ဆန်စပါးအထွက် လျော့နည်းနိုင်တယ်လို့ ကုလသမဂ္ဂ စားနပ်ရိက္ခာနဲ့ စိုက်ပျိုးရေးအဖွဲ့ (FAO) က ပြောပါတယ်။ ဒီလို အထွက်လျော့နိုင်ပေမဲ့လည်း တခြားဒေသတွေမှာ အလားအလာကောင်းတွေ ရှိနေတဲ့အတွက် ကမ္ဘာတ၀န်း ဆန်အရောင်းအ၀ယ် အပေါ်မှာတော့ ကြီးကြီးမားမား သက်ရောက်မှု မရှိနိုင်ဘူးလို့ ခန့်မှန်းထားတာပါ။ စိုက်ပျိုးရေးကို ပင်မစီးပွားရေးအဖြစ် လုပ်ကိုင်နေတဲ့ မြန်မာနိုင်ငံနဲ့ အာရှက ဆန်စပါးထုတ်လုပ်မှု အခြေအနေ အပြည့်အစုံကိုတော့ ကိုအောင်လွင်ဦး က တင်ပြထားပါတယ်။
မြန်မာနဲ့ အိမ်နီးချင်း ထိုင်းနိုင်ငံတွေ အပါအ၀င် အာရှဒေသက ရေကြီးမှုဒဏ်ခံနေရတဲ့ တိုင်းပြည်တွေမှာ ဒီနှစ် ဆန်စပါး အထွက် လျော့နည်းနိုင်တယ်လို့ FAO ရဲ့ နောက်ဆုံး အစီရင်ခံစာက ဖော်ပြပါတယ်။ ဒါပေမဲ့လည်း အာရှတိုက်က နိုင်ငံတချို့နဲ့ တခြားဒေသတွေမှာ အထွက်ကောင်းမယ့် အလားအလာတွေ ရှိနေတာကြောင့် ဒီနှစ်မှာ ကမ္ဘာတ၀န်း ဆန်တန်ချိန် ၇၂၁ သန်းအထိ ထွက်နိုင်တယ်လို့ ခန့်မှန်းထားတဲ့အတွက် ဒါဟာ မနှစ်ကထက်စာရင် ၃% အထိ ပိုတိုးလာတာ ဖြစ်ပါတယ်။ သြဂုတ်လကစလို့ ရေကြီးမှုဒဏ်ခံရတဲ့ အာရှတိုင်းပြည်တွေထဲက မြန်မာနိုင်ငံမှာတော့ အစောပိုင်း ခန့်မှန်းချက်ထက် လျော့နည်းမယ်လို့ FAO ရဲ့ အကြီးတန်း စီးပွားရေး ပညာရှင် Concepción Calpe က ပြောလိုက်တာပါ။
“မြန်မာနိုင်ငံဟာလည်း ရေကြီးတဲ့ဒဏ်ခံခဲ့ရတာ ဖြစ်ပါတယ်။ တကယ်တော့ မြန်မာနိုင်ငံက အထွက်နှုန်းအပေါ် ကျမတို့က အစောပိုင်း ခန့်မှန်းချက်ထက် လျော့မယ်လို့ တွက်ထားတာပါ။ ရှေ့နှစ် မြန်မာနိုင်ငံကနေ ပြည်ပကို ဆန်တင်ပို့မှုတွေမှာလည်း လျော့တာမျိုး ဖြစ်နိုင်ပါတယ်။ ဒါပေမဲ့လည်း သိပ်များများစားစားတော့ မဖြစ်နိုင်ပါဘူး။”
ရေကြီးမှုဒဏ် ဆိုးဆိုးရွားရွား ခံနေရတဲ့ အိမ်နီးချင်း ထိုင်းနိုင်ငံမှာတော့ ဆန်ထုတ်လုပ်မှုတွေ လျော့ပါးနိုင်တာထက် အစိုးရက စပါးတွေကို ဈေးကောင်းပေးပြီး လယ်သမားတွေဆီက ၀ယ်ယူဖို့ မူဝါဒသစ်ကို ချမှတ်လိုက်တဲ့အတွက် ကမ္ဘာ့ဆန်တင်ပို့မှုမှာ ထိပ်ဆုံးနေရာ ရောက်နေတဲ့ အခြေအနေတွေကို ထိခိုက်ကောင်း ထိခိုက်နိုင်တယ်လို့ FAO က သတိပေးပါတယ်။ မြန်မာနိုင်ငံမှာတော့ ဒီနှစ်မတ်လကုန်မှာ အစိုးရသစ်တက်လာပြီးတဲ့နောက် ပြည်ပကုန်တင်ပို့တဲ့ မူဝါဒတွေကို ပိုမိုအားပေး လာတာမျိုး ရှိတဲ့အတွက် ရာသီဥတုဖျက်ဆီးမှုကြောင့် အထွက်လျော့နိုင်ပေမဲ့ ဆန်တင်ပို့မှုတွေမှာ သိပ်ထိခိုက်စရာ မရှိနိုင်ဘူးလို့လည်း FAO က အကြီးတန်းစီးပွားရေး ပညာရှင် Concepción Calpe က ပြောပါတယ်။
“တကယ်တော့ ဒီနှစ်ထဲမှာ မြန်မာအစိုးရက ပြည်ပကို ကုန်တင်ပို့တဲ့ လုပ်ငန်းတွေကို အားပေးဖို့ ကြိုးစားနေတာပါ။ ပြည်ပတင်ပို့ခွင့် လိုင်စင်တွေကို ချပေးဖို့လည်း စီစဉ်နေတာ ဖြစ်ပါတယ်။ ဒါကြောင့်လည်း မြန်မာနိုင်ငံမှာ ထုတ်လုပ်မှုအပိုင်းမှာ အကန့်အသတ်တွေ ရှိနိုင်ပေမဲ့ ဈေးကောင်းရနေတဲ့ ပြည်ပကို ကုန်တင်ပို့တာတွေမျိုး အစိုးရက အားသန်နေတာမို့ ဆန်တင်ပို့မှုတွေကတော့ ရှိနေဦးမှာပါ။”
မုန်တိုင်းတွေနဲ့ မိုးသည်းထန် ရွာသွန်းမှုတွေကြောင့် မြန်မာနိုင်ငံက ဆန်စပါးစိုက်ပျိုးရာ အဓိကဒေသတွေမှာ ရေကြီးမှုတွေ ကြုံခဲ့ရတဲ့အတွက် စိုက်ပျိုးရေးတွေမှာ ထိခိုက်မှုတွေ ကြုံနေရတာပါ။ ဒီအတွက် မြန်မာနိုင်ငံမှာ ဆန်စပါး အထွက်လျော့မယ့် အလားအလာတွေ ရှိနေချိန် ပြည်ပတင်ပို့မှုတွေ များမယ်ဆိုရင်တော့ ဆန်ဈေးနှုန်းတက်တဲ့ အခြေအနေမျိုးတွေ ကြုံရမှာကိုစိုးရိမ်ရပါတယ်။