11.11.2011 နေ့ဖတ်ရန်သတင်းများ

by Myanmar Journal on Friday, November 11, 2011 at 7:00am

 

ဘာလူစကိုနီ ရာထူးက ဆင်းပေးဖို့ ကတိပြုခဲ့ရယူရို အကျပ်အတည်း အီတလီ အစိုးရ အကျပ်ရိုက်
ဘဏ္ဍာရေး ဈေးကွက်မှာ ကမောက်ကမ မဖြစ်အောင် အီတလီ အစိုးရက ဘဏ္ဍာရေး တည်ငြိမ်ရေး ဆိုင်ရာ ဥပဒေသစ်ကိုရက် ပိုင်း အတွင်း ထုတ်ပြန်ပြီး ဘာလူ စကို နီလည်း ရာထူးက ဆင်းမယ်လို့ အီတလီ သမ္မတ နပိုလီတားနိုက ပြောလိုက်ပါတယ်။
ယူရိုဇုံက အစိုးရတွေရဲ့ အကြွေး အကျပ် အတည်းဟာ ကြီးလွန်းတဲ့ အတွက် နိုင်ငံရေး အရ ကြီးမား ပြင်းထန်တဲ့ သက်ရောက်မှုတွေကို စတွေ့ နေရပါပြီ။
အီတလီ အစိုးရရဲ့ အကြွေးတွေ အတွက် ပေးရမယ့် အတိုး နှုန်းဟာ မနေ့က ၇ ရာခိုင်နှုန်း ကျော်ထိ စံချိန်တင် မြင့်တက် ခဲ့ပြီးနောက် အီတလီ အစိုးရဟာ အရေးပေါ် တခုခု လုပ်ဖို့ ပြည်တွင်း မှာရော ပြည်ပကပါ ဝိုင်းဖိအားပေးတာ ခံလာရပါတယ်။

ဒီဖိအားပေးမှုတွေကြောင့်ပဲ မနေ့က ဆိုရင် ဝန်ကြီးချုပ် ဘာလူ စကိုနီက ရာထူးကနှုတ် ထွက်မယ်လို့ ကတိ ပေးခဲ့ရပါတယ်။
သူမထွက်ခင်မှာ ခြိုးခြံ ချွေတာရေး အစီအမံသစ်တွေကို အတည်ပြုသွားမှာ ဖြစ်တယ်လို့ ဘာလူ စကိုနီ ကိုယ်တိုင် ခုရက်ပိုင်း အတွင်း ထုတ်ပြောလာ ရပါတယ်။
ဒါပေမယ့် မနေ့က အီတလီ အစိုးရ ပေးရတဲ့ အတိုးနှုန်း စံချိန်တင် တက်သွားပြီးနောက် ခုနောက်ဆုံး သမ္မတ နပိုလီတားနိုက ဘာလူ စကိုနီ ကတိပေးထားတဲ့ ခြိုးခြံ ချွေတာရေး အစီအစဉ်တွေကို ရက်ပိုင်း အတွင်းမှာကိုပဲ အတည် ပြုပေးမယ်လို့ ပြောလာပါတယ်။
အီတလီ အနေနဲ့ အင်မတန် အန္တရယ် ရှိတဲ့ အနေအထားကနေ ထွက်နိုင်အောင် ချက်ချင်း လုပ်ဆောင်မယ်လို့ အီတလီ သမ္မတက ပြောပါတယ်။
အရင် ဘယ်လိုမှ မဖြစ်နိုင်ဖူးလို့ ယူဆထားတာတွေ၊ အတား အဆီးတွေကို ကျော်လွှားရမယ်၊ ဆုံးဖြတ်ချက်တွေ ချက်ချင်း ချဖို့ လိုတယ်၊ လာမယ့် နှစ်တွေမှာလည်း တာဝန် သိသိနဲ့ တနိုင် ငံလုံး စည်းစည်း လုံးလုံး လုပ်ဆောင် သွားရလိမ့်မယ်လို့ အီတလီ သမ္မတက ပြောပါတယ်။
တဘက်မှာ ဂရိ မှာတော့ အစိုးရသစ် အနေနဲ့ ဂရိ အစိုးရ သဘော တူထားတဲ့ ခြိုးခြံချွေ တာရေး အစီအမံတွေကို တနိုင်ငံလုံး တစည်း တလုံးထဲ ဖော်ဆောင်ဖို့ နိုင်ငံရေး ပါတီတွေ စကား ပြောနေကြပါတယ်။
မကြာခင် ရာထူးက ဆင်းပေးတော့မယ့် ဝန်ကြီးချုပ် ပါပင်ဒရိုက ဂရိ နိုင်ငံ ယူရိုဇုံထဲဆက် ရှိနေဖို့ အစွမ်းကုန် ကြိုးစားသွားမယ်လို့ ပြောပါတယ်။
အစိုးရ ခေါင်းဆောင် နှစ်ယောက် ရက်ပိုင်းအတွင်း ရာထူးက ဆင်းပေးဖို့ ပြောလာရတဲ့ထိ ဖြစ်ခဲ့တာကို ကြည့်ရဂင် ယူရိုဇုံ အကျပ်အတည်း ဘယ်လောက် ကြီးသလဲဆိုတာ မှန်းကြည့် လို့ ရနိုင်တယ်လို့ သတင်းထောက်တွေက မှတ်ချက်ပေးထားကြပါတယ်။

ယူရိုဇုန် ပြဿနာ ဘယ်လို ကိုင်တွယ်သင့် သလဲ
ဥရောပ ယူရိုဇုန် အတွင်းမှာ အစိုးရတွေရဲ့ အကြွေး ပြဿနာ ပိုဆိုး လာနိုင်တဲ့ အတွက် ဂရိနဲ့ အီတလီ နိုင်ငံတို့ ဘက်က နိုင်ငံရေး နည်းလမ်းနဲ့ ပိုပြီး ရှင်းရှင်း လင်းလင်း လုပ်ဆောင်ဖို့ နိုင်ငံတကာ ငွေကြေး ရန်ပုံငွေ အဖွဲ့ IMF အကြီး အကဲ ခရစ္စတင်း လာဂတ်က တိုက်တွန်း လိုက်ပါတယ်။
ငွေကြေး အကျပ် အတည်း ကိစ္စ IMF အကြီးအကဲ သတိပေး
တရုတ်နိုင်ငံ ဘေဂျင်း မြို့တော်မှာ တရုတ် ခေါင်းဆောင်တွေနဲ့ ဆွေးနွေး အပြီး ဥရောပ ငွေကြေး အကျပ်အတည်း ကိစ္စကို ပြောကြား လိုက်တာ ဖြစ်ပါတယ်။
ဂရိနဲ့ အီတလီက ငွေကြေး ပြဿနာ အပေါ် ကိုင်တွယ်ရာမှာ ရှုပ်ထွေးမှုတွေ ရှိနေတာ တွေက ငွေကြေး ဈေးကွက်တွေ အပေါ် မတည် မငြိမ် ဖြစ်စေတယ်လို့ သူက ပြော ပါတယ်။
အမေရိကန်နဲ့ အရှေ့ အလယ်ပိုင်း ငွေကြေး ဈေးကွက် တွေမှာ ၃ ရာခိုင်နှုန်းကနေ ၄ ရာခိုင်နှုန်းထိ ဈေးတွေ ထိုးကျခဲ့ ပါတယ်။
အီတလီ အစိုးရရဲ့ အကြွေးတွေ အပေါ် ဗုဒ္ဓဟူး နေ့က အခွန်တိုး ကောက်ခဲ့ပါတယ်။
ချေးငွေ အတိုးနှုန်းဟာ ၇ ရာခိုင်နှုန်း ကျော်ဖြစ်သွား ပါတယ်။
အီတလီ အစိုးရ က ပေါင်း သန်း လေးထောင့် ငါးရာ လောက် တန်ဖိုး ရှိတဲ့ အစိုးရ ငွေချေး စာချုပ် တွေကို ထုတ်ရောင်း နိုင်အောင် လုပ်ဆောင်ဖို့ ရှိပါတယ်။
ဒီလို ငွေကြေး အကျပ်အတည်း ကိစ္စတွေကြောင့် ဥရောပ အတွင်းက နိုင်ငံတွေ အနေနဲ့ အဆင့် နှစ်ဆင့်ထားပြီး လုပ်ဆောင်ဖို့ အခြေအနေ တွေ ဖြစ်လာနိုင် ပါတယ်။
အထူးသဖြင့် ပြင်သစ်နဲ့ ဂျာမနီတို့မှာ ဥရောပ သမဂ္ဂရဲ့ အနာဂတ်နဲ့ပတ်သက်ပြီး ဘယ်လို လုပ်ဆောင်ကြမလဲဆိုတာကို အပြင်း အထန် ငြင်းခုန် ဆွေးနွေးမှုတွေ ရှိနေ ပါတယ်။
ပြင်သစ်သမ္မတ ဆာကိုဇီလို ပုဂ္ဂိုလ်မျိုး တွေက ဥရောပ ထဲမှာပဲ အုပ်စုနှစ်စု ပုံစံ နှစ်မျိုးနဲ့ သွားဖို့ လူသိ ရှင်ကြား ထုတ်ဖော် တိုက်တွန်း နေတာတွေ ရှိပါတယ်။
သူ့အဆိုအရ အုပ်စု တမျိုး မှာတော့ အခွန် ကိစ္စနဲ့ သုံးစွဲငွေ ကိစ္စတွေမှာ ပူးပေါင်း ဆောင်ရွက်မှု တွေကို အရှိန် မြန်မြန်နဲ့ ထိထိ ရောက်ရောက် လုပ်ဆောင်ဖို့ လိုတဲ့ နိုင်ငံတွေ ရှိနေပြီး ကျန်အုပ်စု နိုင်ငံတွေ မှာတော့ အဲဒီ လောက်ထိ နီးနီး ကပ်ကပ် ဆက်သွယ် လုပ်ဆောင်စရာ မလိုဘူးလို့ ဆိုပါတယ်။
ဗုဒ္ဓဟူးနေ့ ကလည်း ဂျာမနီ ဝန်ကြီးချုပ် အန်ဂလာ မာ့ကဲလ်က ဥရောပရဲ့ ပုံစံသစ် တစ်ခု ရှိဖို့ လိုနေပြီလို့ ပြောပါတယ်။
ဒါပေမဲ့ ဒီကိစ္စက ဆွေးနွေး နေတုန်း ဖြစ်သလို အသေးစိတ် အချက် အလက်တွေလည်း ထွက်မလာသေး ပါဘူး။
ဒါပေမဲ့ ဒီလို ဆွေးနွေး ပြောကြား နေမှုတွေအပေါ် ဥရောပ ကော်မရှင် ဥက္ကဌ ဂျိုဆေး မန်နွဲ ဘရော့ ဆိုကတော့ ပြင်းပြင်း ထန်ထန် သတိပေးလိုက် ပါတယ်။
ဥရောပ သမဂ္ဂကို ပိုင်းခြားမယ့် ကိစ္စက အလုပ် မဖြစ်နိုင်ဘူးလို့ သူက ဆိုပါတယ်။
ဥရောပကို ပိုင်းခြားပြီးမှ ပူးပေါင်း လုပ်ဆောင်လို့ မရနိုင် သလို ဒီလို လုပ်ခဲ့ရင်လည်း နောက်မျိုးဆက်တွေ အတွက် အန္တရာယ် အလွန် များတယ်လို့ သူက ပြောပါတယ်။
တချိန်တည်း မှာပဲ ဂရိ နိုင်ငံမှာတော့ ဝန်ကြီးချုပ်သစ် ခန့်အပ်နိုင်ဖို့ ကြိုးစားနေ တဲ့ လေးရက်မြောက်နေ့ မှာ ပဲ ဥရောပ ဗဟိုဘဏ် ဒုတိယ ဥက္ကဌ ဟောင်း လုကပ်စ် ပါပါဒီမော့စ် Lucas Papademos ကို ခန့်ထားလိုက်ပါပြီ။
အီတလီ ပါလီမန် မှာလည်း စီးပွားရေး ပြပြုင် ပြောင်းလဲမှု လုပ်နိုင်မယ့် ဥပဒေကြမ်း တွေကို ဆွေးနွေးဖို့ ရှိပြီး အခု လာမယ့် စနေ တနင်္ဂနွေ လောက်မှာ အတည်ပြုဖို့ ရည်ရွယ် နေကြ ပါတယ်။
အီတလီက အဲဒီလို လုပ်ရင် ငွေကြေး ဈေးကွက် မတည်ငြိမ်မှု တွေကို သက်သာ စေမယ်ဆိုတဲ့ မျှော်လင့်ချက် တွေလည်း ရှိနေပါတယ်။

ဘီဘီစီ မြန်မာ ဌာနမှူး ဒေါ်တင်ထားဆွေ ဆုလက်ခံ ယူခဲ့အကောင်းဆုံး သတင်း ဖြစ်စဉ် တင်ပြမှု ဘီဘီစီ မြန်မာ ဌာန အထူးဆုရ
နိုင်ငံတကာ ရုပ်သံနဲ့ အသံလွှင့် အဖွဲ့ကြီး ဖြစ်တဲ့ The Association for International Broadcasting AIB က မနေ့က လန်ဒန်မြို့မှာ အပ်နှင်းခဲ့တဲ့ ၂၀၁၁ ခုနှစ် အတွက် သတင်း ဖြစ်စဉ် တစ်ခုကို အကောင်းဆုံးနဲ့ အရှင်းလင်းဆုံး တင်ပြ နိုင်တဲ့ ဆုမှာ ဘီဘီစီ မြန်မာ ဌာနက အထူးဆု ဆွတ်ခူး ရရှိခဲ့ပါတယ်။
အဲဒီ ဆု အမျိုး အစားမှာ ဘီဘီစီ ရေဒီယို အမှတ် (၅) BBC Radio 5 Live က အကောင်းဆုံးဆု ဆွတ်ခူးခဲ့ ပါတယ်။
AIB အဖွဲ့က ကမ္ဘာ တဝန်းလုံးမှာ ရှိတဲ့ သတင်း ဌာနတွေထဲက အကောင်းဆုံး ရုပ်မြင်သံကြားနဲ့ ရေဒီယို သတင်း တင်ပြမှုဆု၊ အကောင်းဆုံး အစီအစဉ် တင်ဆက်သူဆု စတာတွေကို ရွေးချယ်ပြီး ဆုချီးမြှင့် ခဲ့တာ ဖြစ်ပါတယ်။
ဘီဘီစီမြန်မာ ဌာနက ဆွတ်ခူးခဲ့တဲ့ ဆုကတော့ မနှစ်က ၂၀၁၀ ခုနှစ် နိုဝင်ဘာလ ၁၃ ရက် ဒေါ်အောင်ဆန်း စုကြည် နေအိမ် အကျယ်ချုပ် ကနေ ပြန်လည် လွတ်မြောက် လာခဲ့တဲ့ နေ့က သတင်း တင်ပြမှု တွေ ကောင်းမွန်တဲ့ အတွက် အခုလို အထူးဆု အပ်နှင်းတာ ဖြစ်တယ်လို့ နိုင်ငံတကာ ရုပ်သံနဲ့ အသံလွှင့် အဖွဲ့ AIB က ပြောပါတယ်။
မြန်မာ ဌာနဟာ ပြည်တွင်းမှာ သတင်းထောက် ထားရှိပြီး သတင်း ရယူနိုင်ခြင်း မရှိပေမဲ့ စုဆောင်း ရရှိတဲ့ သတင်း အချက်အလက် တွေကို မှန်မှန်ကန်ကန် စုစည်းပြီး စိတ်ဝင်စားဖွယ် ကောင်းအောင် တင်ပြခဲ့တယ်၊ သောတရှင်တွေ သိလိုတဲ့ သတင်း တွေကို အချိတ် အဆက် မိမိ တင်ပြ သွားနိုင်တယ်လို့ AIB က မှတ်ချက် ပေးပါတယ်။
ကိုယ်တိုင် အခမ်း အနားတက်ရောက်ပြီး ဆုလက်ခံ ရယူခဲ့တဲ့ ဘီဘီစီ မြန်မာ ဌာနမှူး ဒေါ်တင်ထားဆွေကတော့ မြန်မာ ဌာနဟာ အရင်တုန်းကလည်း သတင်း တင်ဆက်မှုပိုင်း ဆိုင်ရာ ဆုတွေ လက်ခံ ရရှိခဲ့ဖူး ပေမဲ့ အခု တကြိမ်က ပိုပြီး ထူးခြားတယ်၊ အကြောင်း ကတော့ အရင် ဆုတွေဟာ ဘီဘီစီ အဖွဲ့ အစည်း အတွင်းက ချီးမြှင့်တဲ့ ဆုတွေ ဖြစ်ပြီး အခုက နိုင်ငံတကာ အဖွဲ့ အစည်းက ချီးမြှင့်တာ ဖြစ်တယ်လို့ ပြောပါတယ်။
ပြီးခဲ့တဲ့ နိုဝင်ဘာ ၁၃ ရက်နေ့က ဒေါ်အောင်ဆန်း စုကြည် လွတ်ရမယ့် ရက်ဖြစ်လို့ သူ လွတ်မြောက် လာရေးကို အားလုံးက မျှော်လင့် နေခဲ့ကြပေမဲ့ ဘယ်သူမှ လွတ်မယ် ဆိုတာ အတိအကျ ကြိုတင်မသိခဲ့ကြရဘဲ ပြင်ဆင်မှုတွေ လုပ်ခဲ့ကြတာ ဖြစ်တယ်၊ အခုလို ဆုရရှိတဲ့ အတွက် ဘီဘီစီ မြန်မာ ပိုင်း အစီအစဉ်က ဝန်ထမ်းတွေ အားလုံး ဂုဏ်ယူရမှာ ဖြစ်တယ်လို့ ဒေါ်တင်ထားဆွေက ပြောပါတယ်။

စစ်ကြောရေး လက်မှာ ကွယ်လွန် ခဲ့သူ ဦးမောင်ကို အကြောင်း စာအုပ်ထုတ်
ဦးမောင်ကို ဟာ ၈၈ လှုပ်ရှားမှုကြောင့် အဖမ်းခံရ ပြီး အစောဆုံး သေဆုံးရသူ တွေထဲက တဦးပါ
၁၉၉၀ ခုနှစ် တုန်းက စစ်အာဏာပိုင် တွေရဲ့ စစ်ကြောရေး စခန်းမှာ အဖမ်းခံ နေရတုန်း ကွယ်လွန် သွားခဲ့တဲ့ အန်အယ်ဒီပါတီ အလုပ်သမား ခေါင်းဆောင် ဦးမောင်ကို အကြောင်း အခုအခါ နော်ဝေ နိုင်ငံမှာ ရောက်ရှိ နေတဲ့ သူ့ရဲ့ သမီး ဖြစ်သူ မဆွေဆွေက "မုန်တိုင်းမှာ ကြွေတဲ့ ကြယ်တပွင့်" ဆိုတဲ့ စာအုပ်ကို ရေးသား ထုတ်ဝေ လိုက်ပါတယ်။
ဖခင် ဖြစ်သူ ဦးမောင်ကို ကို ကြယ်တပွင့် အနေနဲ့ ရည်ညွှန်းပြီး မြန်မာ့ နိုင်ငံရေးမှာ မုန်တိုင်းထန်ခဲ့တဲ့ ကာလက အဖြစ်အပျက် တွေကို ရေးသားထားတာ ဖြစ်တယ်လို့ သူက ပြောပါတယ်။
မြန်မာနိုင်ငံတွင်းမှာ နိုင်ငံရေး ကြောင့် အာဏာပိုင်တွေရဲ့ ဖိနှိပ်မှုကို အလားတူခံစား ခဲ့ကြရသူ အမြောက်အများ အတွက် သူတို့ မိသားစု မှာ ကြုံတွေ့ ခဲ့ရတဲ့ အဖြစ်အပျက် တွေကို ဥပမာ တခုအနေနဲ့ တင်ပြ ထားတာ ဖြစ်တယ်လို့ မဆွေဆွေက ဆိုပါတယ်။
စစ်ထောက်လှမ်းရေး လက်ထဲမှာ ဖခင် သေဆုံးခဲ့တာကို တစုံတရာ တိုင်ကြား နိုင်ဖို့ ဝေးလို့ အာဏာပိုင် တွေရဲ့ ဖိအားပေးမှုကြောင့် သူတို့ မိသားစု ဘဝ ရပ်တည်ရေး အတွက် ကိုတောင် မနည်းရုန်းကန် ကြိုးစားခဲ့ရတယ်လို့ သူက ပြောပြပါတယ်။
ဦးမောင်ကို ဟာ အာဏာပိုင် တွေရဲ့ အပြင်းအထန် ညှဉ်းပမ်း နှိပ်စက် မှုကို ခံခဲ့ ရတယ်လို့ သူ့မိသားစု နဲ့ လုပ်ဖော်ကိုင်ဘက် တွေက ပြောပါတယ်။

တောင်အာဖရိက ဆိုင်ရာ မြန်မာသံအမတ် စွပ်စွဲခံရ
တောင်အာဖရိက ပါလီမန်မှာ မြန်မာသံအမတ် ကိစ္စမေးဖွယ်ရှိ
လက်ရှိတောင်အာဖရိကနိုင်ငံဆိုင်ရာ မြန်မာသံအမတ်ကြီး ဦးမြင့်နောင်ရဲ့ နောက်ကြောင်းကို ပြန်စုံစမ်းဖေါ်ထုတ်ဖို့ တောင်အာဖရိက အတိုက်အခံပါတီက တောင်းဆိုလိုက်ပါတယ်။
ဂျိုဟန်နစ်ဘတ်မြို့ရှိ Mail and Guardian Online မှာရေးသား ဖေါ်ပြချက်အရ လက်ရှိသံအမတ်ဟာ စစ်ဗိုလ်ချုပ်ဘဝက စစ်ဆင်ရေးတွေမှာ လူ့အခွင့်အရေး ချိုးဖေါက်မှုတွေရှိတယ်လို့ စွပ်စွဲသွားတဲ့အတွက် အတိုက်အခံ Democratic Alliance ကအခုလိုအစိုးရကို တိုက်တွန်းတာ ဖြစ်ပါတယ်။
တောင်အာဖရိကနိုင်ငံမှာ နိုင်ငံရေးလှုပ်ရှားနေတဲ့ Free Burma Campaign South Africa ရဲဥက္ကဌ ဒေါက်တာသိန်းဝင်းကတော့ အခုကိစ္စကို ပါလီမန်မှာ တရားဝင် မေးခွန်းထုတ်ဖို့ရှိပြီး အစိုးရက ပြန်ဖြေကြားရမယ်လို့ သူကြားကြောင်း ဘီဘီစီကိုပြောပါတယ်။
အရင်ကလည်း မြန်မာ သံအမတ်တွေဟာ တပ်မတော်အရာရှိဟောင်းကြီးတွေဘဲဖြစ်လို့ ဘာကြောင့် အခုမှဒီလိုစုံစမ်းစစ်ဆေးဖို့အထိ ဖြစ်လာသလဲမေးကြည့်ရာမှာ တော့ ဒေါက်တာ သိန်းဝင်းက အခုသံအမတ်ဟာ အစိုးရသစ် လက်ထက်မှာ ခန့်အပ်တာဖြစ်ပြီး ဒီမိုကရေစီကိုသွားမယ်လို့ ကြေညာ ထားတဲ့အတွက် နိုင်ငံရေးနဲ့ဆိုင်တဲ့ သံတမန်ရာထူးမှာ အရပ်သားတွေသာ သံအမတ်ဖြစ်သင့်လို့ အခုလို ပြဿနာပေါ်တာလို့ ယူဆကြောင်း ဘီဘီစီကိုပြောသွားပါတယ်။

တူရကီ ငလျင်တူရကီ ငလျင် ထပ်လှုပ်
ငလျင်ပြင်းအား ၅ဒဿမ ၇ ရစ်ခ်ျတာ စကေးရှိတဲ့ မြေငလျင် တခု တူရကီ နိုင်ငံတောင်ပိုင်း မှာ လှုပ်သွားတဲ့ အတွက် အဆောက်အဦး ၁ဝ လုံး ပြိုကျရာမှာ ခြောက်ထပ်တိုက် ဟိုတယ် တလုံး ပါ၊ပါဝင်တယ် လို့ တူရကီ လခြမ်းနီ ကယ်ဆယ်ရေး အဖွဲ့ က ဘီဘီစီ ကို ပြောပါတယ်။
ဟိုတယ် အပြို အပျက်ကြား ထဲက လူ ၁၁ ဦး ကိုတော့ ကယ်ဆယ်ပြီး သလို နောက်ထပ် ရှာဖွေ ကယ်ဆယ်ရေး ဆက်လက် လုပ်နေကြပါတယ်။ အခင်းဖြစ်ပွားရာ ကို ရောက်ခဲ့တဲ့ ပါလီမန် အမတ် တဦးက လူ ရာဂဏန်း ခန့် သေနိုင်တယ်လို့ ပြောပါတယ်။
အမေရိကန် ဘူမိဗေဒ စစ်တမ်းဌာန က ငလျင် ဗဟိုချက်ဟာ ဗင်မြို့ရဲ့ တောင်ဖက် ကီလိုမီတာ ၁၇ အကွာအဝေး မှာ လှုပ်တာလို့ ပြောပါတယ်။
ဒီဒေသ မှာပဲ ပြီးခဲ့တဲ့ သီတင်းနှစ်ပတ်က ငလျင်လှုပ်ခဲ့လို့ လူပေါင်း ၅ဝဝ ကျော် သေဆုံး ခဲ့ပါတယ်။

တိုင်းရင်း ဒေသ အခွင့်အရေး ဆက်ချိုးဖောက်
ကေအိုင်အေနဲ့ တိုက်ပွဲ ဖြစ်ပွားရာ နေရာက ဒုက္ခသည် ခလေးငယ်များ
မြန်မာ နိုင်ငံ အရှေ့ပိုင်းမှာ လူ့အခွင့် အရေး ချိုးဖောက်မှုတွေ ဆက်ရှိ နေတယ်လို့ CSW ခရစ်ယာန် သွေးစည်း ညီညွတ်ရေး အဖွဲ့က ပြောလိုက်ပါတယ်။
အထူးသဖြင့် ကချင် ပြည်နယ် ဘက်မှာ လူ့အခွင့် အရေး ချိုးဖောက်မှုတွေ ဆိုးဆိုး ရွားရွား ဆက်ရှိ နေတယ်လို့ CSW (Christian Solidarity Worldwide)က ထုတ်ပြန်တဲ့ အစီရင် ခံစာမှာ ဖော်ပြထားပါတယ်။
ဒီဒေသတွေမှာ စစ်တပ်က အရပ်သားတွေကို တိုက်ခိုက် မှုတွေ ဆက်ရှိ နေသလို အဓမ္မ လုပ်အား ပေးခိုင်းတာတွေ၊ ရွာသူ ရွာသားတွေကို တိုက်ခိုက် အဓမ္မ ပြုကျင့် တာတွေလည်း ဆက်ရှိနေတယ်လို့ ပြီးခဲ့တဲ့ လက မြန်မာ နိုင်ငံ အရှေ့ဘက် နယ်စပ်ကို သွားရောက်ခဲ့တဲ့ CSW က Ben Rogers ဘင်ရော်ဂျာစက ပြောပါတယ်။
အစိုးရ စစ်တပ် ရွာထဲ ဝင်လာပြီး ရွာတွေကို မီးရှို့တယ်၊ နောက် မထင် မထင်သလို ပစ်သတ် တယ်၊ သူတို့ လာရင် ပြေးရတယ်၊ မပြေးတဲ့လူ ဒုက္ခ ရောက်တာပဲလို့ ရွာပုန်း ရွာရှောင် တယောက်ရဲ့ အပြောကို ကိုးကားပြီး ပြောပြပါတယ်။
မြန်မာ နိုင်ငံထဲမှာ လက်နက်ကိုင် ပဋိပက္ခတွေကြောင့် နေရပ် စွန့်ခွာ ထွက်ပြေးရသူ လေး သိန်းကျော် ရှိနိုင်တယ်လို့ IDP ပြည်တွင်းက နေရပ် စွန့်ခွာ ထွက်ပြေး ရသူများ လေ့လာ စောင့်ကြည့်ရေး အဖွဲ့က ခန့်မှန်းပါတယ်။
ဒီလူ အများစုဟာ နိုင်ငံတကာ ကုသိုလ်ဖြစ် အဖွဲ့တွေရဲ့ ထောက်ပံ့မှုနဲ့ ထိုင်းမြန်မာ နယ်စပ်က စခန်းတွေမှာ အဆင်ပြေသလို ကြည့်နေကြရပါတယ်။
ဒါပေမယ့် ထောက်ပံ့မှု ပေးနေတဲ့ အဖွဲ့တွေရဲ့ ရံပုံငွေ ရရှိမှု အားနည်းလာတဲ့ အတွက် ရွာပုန်း ရွာရှောင်တွေကို ကူညီ ထောက်ပံ့မှု ပေးနိုင်အားကို ထိခိုက်လာတယ်လို့ CSW က Ben Rogers က ပြောပါတယ်။
အဓိက ကတော့ ထိုင်းမြန်မာ နယ်စပ်က ရွာပုန်း ရွာရှောင်တွေကို အထောက် အပံ့ ပေးနေတဲ့ TBBC ထိုင်းမြန်မာ နယ်စပ် အဖွဲ့ ရတဲ့ ပိုက်ဆံဟာ လွန်ခဲ့တဲ့ ခြောက်နှစ် အတွင်းမှာ တိုးမလာ တဲ့ အပြင် ခုနောက်ပိုင်းမှာ လျော့တောင် လာပါတယ်။
အထူးသဖြင့် အီးယူလို အလှုရှင် အဖွဲ့တွေက ပေးတဲ့ အထောက် အပံ့ နည်းလာတဲ့အတွက် အကျိုးဆက် အားဖြင့် နယ်စပ် အဖွဲ့အစည်းတွေက ဒုက္ခသည်တွေကို အကူ အညီ အထောက် အပံ့ ပေးမှုတွေကို သိသိသာသာ ဖြတ်တောက် လာရပါတယ်။


ကရင် ဒုက္ခသည်များ နယ်စပ် ဖြတ်ပြေးရပုံ
ဒီနှစ်မှာ မနှစ်ကထက် နှစ်ဆယ် ရာခိုင်နှုန်း လျှော့ပေးရပြီး လက်ရှိ အလှုငွေ ရရှိမှုတိုး မလာရင် ရှေ့နှစ်မှာ ဒီနှစ်ထဲ နှစ်ဆယ် ရာခိုင်နှုန်း ထပ်လျှော့ရဖွယ် ရှိတယ်လို့ ဘင်ရော်ဂျာစက တီဘီဘီစီကို ကိုးကားပြီး ပြောပါတယ်။
သူကိုယ်တိုင်လည်း နယ်စပ်မှာ အဟာရ ဆိုးဆိုး ရွားရွား ချို့တဲ့ နေတဲ့ ခလေးတွေကို တွေ့ခဲ့ရပြီး ရွာပုန်း ရွာရှောင်တွေဟာ ခုဆိုရင် ဆန်နဲ့ ဆားပဲ ရရှိကြောင်း၊ အဝတ် အစား၊ စောင်နဲ့ ခြင်ထောင်တွေ မရတာ ၂၀၀၈ ခုနှစ် ကတည်းက ဖြစ်ကြောင်း ပြောပါတယ်။
နယ်စပ် ဒေသတွေမှာ စစ်တပ်ရဲ့ လူ့အခွင့် အရေး ချိုးဖောက်မှုတွေနဲ့ ပတ်သက်ပြီး ထိုင်း အခြေစိုက် အမျိုးသမီး အဖွဲ့ချုပ် မြန်မာ နိုင်ငံက တိုင်းရင်းသူတွေကို စစ်တပ်ရဲ့ အဓမ္မ ပြုကျင့်မှု အပါအဝင် တခြား ကျူးလွန်မှုတွေ အကြောင်း ရိုက်ကူးထားတဲ့ မှတ်တမ်းတင် ရုပ်ရှင်ကို မကြာခင်က ထုတ်ပြန် ခဲ့ပါတယ်။
ဒါတွေကို ကြည့်ရင် စစ်တပ်ရဲ့ လူ့အခွင့် အရေး ချိုးဖောက်မှုတွေကို ကုလသမဂ္ဂက ဦးစီးပြီး စုံစမ်း စစ်ဆေးမှု လုပ်သင့်တာကို ပြနေတယ်လို့ CSW က ပြောပါတယ်။
မြန်မာနိုင်ငံထဲက လူမဆန်တဲ့ ရာဇဝတ်မှု မြောက်တဲ့ လူ့အခွင့် အရေး ချိုးဖောက်မှုတွေကို ကုလသမဂ္ဂက စုံစမ်း စစ်ဆေးဖို့ တာဝန် ရှိပြီး လူ့အခွင့် အရေး ကျူးလွန် ဖောက်ဖျက်သူ တွေကို အရေး မယူတဲ့ အစဉ်အလာ ဆက်ရှိနေတာကိုလည်း ထောက်ပြ ဝေဖန် သင့်တယ်လို့ CSW က ပြောပါတယ်။
အစိုးရက အပြောင်းအလဲ ဖော်ဆောင်မယ်လို့ ကြွေးကြော်နေတဲ့ အတိုင်း တကယ်ဖော် ဆောင်အောင် အစိုးရ အနေနဲ့ တာဝန် ရှိသလို နိုင်ငံတကာ အဖွဲ့အစည်းတွေ အနေ နဲ့လည်း အစိုးရကို ဖိအားပေးဖို့ တာဝန်ရှိတယ်လို့ ဘင်ရော်ဂျာစက ပြောပါတယ်။
အစိုးရ အနေနဲ့ အပြောင်း အလဲတွေကို တကယ် လေးလေး နက်နက် ဖော်ဆောင်ချင်ရင် ခုပြောခဲ့တဲ့ လူ့အခွင့် အရေး ချိုးဖောက်မှုတွေကို ရပ်တန်းက ရပ်ပြီး တနိုင်ငံလုံး အတိုင်း အတာနဲ့ အပစ် အခပ် ရပ်စဲရေး ကြေညာ ရပါလိမ့်မယ်။
မကြာသေးခင်က အစိုးရဆီက ကြိုဆိုချင်စရာ လုပ်ဆောင်ချက် တချို့ ထွက်လာခဲ့ပေမယ့် ခု လုပ်နေသလောက်နဲ့ အနှစ်သာရ ရှိတဲ့ အပြောင်းအလဲ ဖြစ်လာပြီလို့ ပြောလို့ မရကြောင်း၊ ပြောခဲ့တဲ့ လူ့အခွင့်အရေး ချိုးဖောက်မှုတွေ မရပ်မချင်း မြန်မာ နိုင်ငံမှာ အဓိပ္ပါယ် ရှိတဲ့ အပြောင်းအလဲတွေ ဖြစ်လာပြီလို့ မပြောနိုင်ကြောင်း CSW ပြောခွင့်ရ တာဝန်ခံက ဘီဘီစီကို ပြောပြခဲ့ပါတယ်။

မြန်မာနိုင်ငံမှာ မော်တော်ယာဉ်စက်ရုံ တည်ဆောက်ဖို့ မလေးရှား ကုမ္ပဏီ စီစဉ်
2011-11-09
မလေးရှားနိုင်ငံ အခြေစိုက် Asia Motor ကားကုမ္ပဏီဟာ အမေရိကန် ဒေါ်လာ ၄၄ သန်း ကုန်ကျမယ့် ကားစက်ရုံ တစ်ခု မြန်မာနိုင်ငံမှာ တည်ဆောက်ဖို့ ပြင်နေတယ်လို့ သိရပါတယ်။
မလေးရှား မော်တော်ယာဉ် ပစ္စည်း အရောင်းပြခန်း တစ်ခုလည်း မြန်မာနိုင်ငံမှာ လာရောက်ဖွင့်ဖို့ ရှိပြီး ကားပစ္စည်းတွေကို ဈေးနှုန်း သက်သက်သာသာနဲ့ ရောင်းချမယ်လို့ ပြည်တွင်းထုတ် ပေါ်ပြူလာ သတင်းဂျာနယ်ကို ကိုးကားပြီး တရုတ် အစိုးရ ဆင်ဝှါသတင်းက ရေးပါတယ်။Asia Motor ကားကုမ္ပဏီဟာ နှစ်စဉ် မော်တော်ကား စီးရေ ၃ သိန်း ထုတ်လုပ်ပြီး နိုင်ငံပေါင်း ၂၇ နိုင်ငံကို တင်ပို့ ရောင်းချနေတဲ့ ကုမ္ပဏီ တစ်ခုပါ။တစ်ချိန်ထဲမှာပဲ မြန်မာ အာဏာပိုင်တွေဟာ ရန်ကုန်မြို့တွင်း ပြေးဆွဲနေတဲ့ အငှါးတက္ကဆီ ၂၀၀ ခန့်ကို မလေးရှားနိုင်ငံထုတ် ပရိုတွန်ကားတွေနဲ့ အစားထိုးသွားဖို့ ရှိတယ်လို့ ဆိုပါတယ်။မလေးရှား အခြေစိုက် ပရိုတွန် မော်တော်ကား ကုမ္ပဏီဟာ ကားအမျိုးအစား ၁၂ မျိုးခန့် နှစ်စဉ် ထုတ်လုပ်ပြီး နိုင်ငံပေါင်း ၂၅ နိုင်ငံကျော်ကို တင်ပို့ ရောင်းချနေတယ်လို့ သိရပါတယ်။ပြီးခဲ့တဲ့ရက်ပိုင်းက မလေးရှား ၀န်ကြီးချုပ်ဟောင်း မဟာသီယာ မိုဟာမက် မြန်မာနိုင်ငံကို ရောက်လာတဲ့အခါ ရာဘာ ထုတ်လုပ်ရေး၊ စာအုန်းဆီ ထုတ်လုပ်ရေးနဲ့ ကမ္ဘာလှည့် ခရီးသွား လုပ်ငန်းတွေမှာ ပူးပေါင်း လုပ်ဆောင်ရေး ဆိုင်ရာ စာချုပ်တွေ မလေးရှားနဲ့ မြန်မာ လုပ်ငန်းရှင်တွေ အကြား ချုပ်ဆိုခဲ့ပါတယ်။မြန်မာအစိုးရ စာရင်းအင်းတွေ အရ ၂၀၁၀-၁၁ ကုန်သွယ်ရေးနှစ် အတွင်း မလေးရှား မြန်မာကုန်သွယ်မှု တန်ဖိုးဟာ အမေရိကန် ဒေါ်လာ သန်း ၆၀၀ နီးပါး ရှိခဲ့ပါတယ်။

ဒေါ်ဝင်းမြမြ ထောင်ထဲမှာ တကယ်ရှိမရှိ ပြန်စစ်ဆေးခိုင်း
2011-11-10
ပူတာအို အကျဉ်းထောင်မှာ ထောင်ဒဏ် ၁၂ နှစ် ကျခံနေရတဲ့ မန္တလေးတိုင်း အင်န်အယ်လ်ဒီ စည်းအဖွဲ့ဝင် ဒေါ်ဝင်းမြမြ ပြန်လွတ်ပြီဆိုတဲ့ သတင်းတွေကြောင့် ဒေါ်ဝင်းမြမြ အကျဉ်းထောင်မှာ ရှိမရှိ စစ်ဆေးဖို့ အကျဉ်းဦးစီးဌာန ညွှန်ကြားရေးမှူးချုပ်က ပူတာအို ထောင်ပိုင်ကို ညွှန်ကြားခဲ့တယ်လို့ သိရပါတယ်။
သမ္မတ ဦးသိန်းစိန်ရဲ့ ဒုတိယအကြိမ် လွတ်ငြိမ်းချမ်းသာခွင့်အရ အောက်တိုဘာ ၁၂ ရက်က နိုင်ငံရေးအကျဉ်းသား ၂၀၀ ကျော် ပြန်လွတ်လာတဲ့ အထဲမှာ ပူတာအို အကျဉ်းထောင်က ဒေါ်ဝင်းမြမြလည်း ပါတယ်ဆိုပြီး ဖေ့စ်ဘွတ်နဲ့ အင်တာနက်မှာ သတင်းတွေ ပျံ့နှံ့နေတာကြောင့် ပူတာအို ထောင်ပိုင် အနေနဲ့ ဒေါ်ဝင်းမြမြ ထောင်ထဲမှာပဲ ရှိတဲ့အကြောင်း ထုချေလွှာ တင်လိုက်ရတယ်လို့ အောက်တိုဘာ ၃၁ ရက်က ထောင်ဝင်စာ သွားတွေ့ခဲ့သူ ဒေါ်ဝင်းမြမြရဲ့ ညီမ ဒေါ်တင်ဝင်းရီက ပြောပါတယ်။မန္တလေးတိုင်း အင်န်အယ်လ်ဒီ စည်းအဖွဲ့ဝင် ဒေါ်ဝင်းမြမြကို ၂၀၀၇ ရွှေဝါရောင် သံဃာ့ လှုပ်ရှားမှုအတွင်း ဖမ်းဆီးသွားခဲ့ပြီး ပုဒ်မ ၅၀၅ (ခ)၊ ၁၅၃ (က) စတဲ့ နိုင်ငံတော် တည်ငြိမ်ရေးနဲ့ အေးချမ်းရေးကို နှောင့်ယှက်မှု ပုဒ်မတွေနဲ့ ထောင်ဒဏ် ၁၂ နှစ် ချမှတ်ခဲ့ပြီး မိသားစုနဲ့ ဝေးရာ ပူတာအို အကျဉ်းထောင်ကို ပို့ထားခဲ့တာပါ။ပူတာအို အကျဉ်းထောင်မှာ ရှမ်းတိုင်းရင်းသား ခေါင်းဆောင် ဦးခွန်ထွန်းဦး၊ ဒေါ်ဝင်းမြမြတို့ အပါအဝင် နိုင်ငံရေး အကျဉ်းသား (၂၀) ကျော် ကျန်နေ သေးတယ်လို့ သိရပါတယ်။

အစာငတ်ခံ ဆန္ဒပြပွဲ ပြီးဆုံးပြီလို့ အကျဉ်းသား မိသားစုဝင်များ ပြောဆို
2011-11-10
အင်းစိန် အကျဉ်းထောင်က အစာငတ်ခံ ဆန္ဒပြသူတွေရဲ့ ဆန္ဒပြပွဲ ပြီးခဲ့တဲ့ နိုဝင်ဘာ ၄ ရက်က အဆုံးသတ် လိုက်ပြီလို့ ယူဆကြောင်း နိုင်ငံရေး အကျဉ်းသား မိသားစုဝင်တွေက ပြောဆိုပါတယ်။
အင်းစိန် အကျဉ်းထောင်မှာ အောက်တိုဘာ ၂၆ ရက်က စပြီး နိုင်ငံရေး အကျဉ်းသား ၁၅ ဦးက အကျဉ်းသား ရပိုင်ခွင့်အတွက် အစာငတ်ခံ ဆန္ဒပြနေရာမှာ အာဏာပိုင်တွေက သတင်းထုတ်ပြန်ခြင်း မရှိတဲ့အပြင် ဆန္ဒပြသူတွေကို ထောင်ဝင်စာ ပိတ်လိုက်တာကြောင့် ဘာသတင်းမှ မရရှိဘဲ ဖြစ်နေခဲ့ပါတယ်။ဒီကိစ္စနဲ့ ပတ်သက်ပြီး လူ့အခွင့်အရေး အဖွဲ့တွေနဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ သောမတ် ကင်တာနားက စိုးရိမ်မိကြောင်း အခုအပတ် အစောပိုင်းက ထုတ်ဖော် ပြောဆိုပါတယ်။ဒီကနေ့ ညနေပိုင်းက ရတဲ့ သတင်းတွေအရ စစ်ခွေးတိုက်မှာ ပို့ထားသူ ၈ ဦးကို မူလအဆောင်တွေ ပြန်ပို့လိုက်ပြီ ဆိုတာကြောင့် ဆန္ဒပြပွဲ ပြီးဆုံးသွားပြီလို့ ယူဆကြောင်း အကျဉ်းသား မိသားစုဝင်တွေက ပြောပါတယ်။ နိုင်ငံရေးအကျဉ်းသား မိသားစု ကွန်ယက်က ကို အောင်ဇော်ထွန်းက ခုလို ပြောပါတယ်။“ပြစ်ဒဏ်တိုက်မှာ မရှိတော့ဘူး ဆိုတာတော့ ကျိန်းသေတယ်။ သူတို့ရဲ့ တောင်းဆိုချက်ကို အပြည့်အဝ လိုက်လျောတာ မလိုက်လျောတာတော့ မသိဘူး။ ဒါပေမဲ့ တစ်စုံတစ်ရာ ညှိနှိုင်းပြီးတော့ ဆန္ဒပြမှုကို ရပ်တန့်သွားပြီလို့တော့ ပြောလို့ရပါတယ်”ပြီးခဲ့တဲ့ နိုဝင်ဘာ ၄ ရက်က စတင် ရွှေ့ပြောင်းကြောင်းနဲ့ ထောင်ဝင်စာ တွေ့ဆုံခွင့် မပေးပေမဲ့ အဲဒီနေ့မှာပဲ ထောင်အာဏာပိုင်တွေက ဆန္ဒပြသူတွေ အတွက် ပါဆယ်သွင်းခွင့် ပေးခဲ့တယ်လို့ သိရပါတယ်။

နိုင်ငံရေးအကျဉ်းသားများ လွတ်မြောက်ရေး ဆက်ပြီး ကြိုးပမ်းမယ်လို့ ဒေါ်အောင်ဆန်းစုကြည်ပြော
2011-11-10
အကျဉ်းသားတွေကို လွတ်ငြိမ်းချမ်းသာခွင့် ထပ်ပေးဖို့ ရှိတယ်ဆိုတဲ့ ခန့်မှန်းချက်တွေ ထွက်ပေါ်နေချိန်မှာဒေါ်အောင်ဆန်းစုကြည်က နိုင်ငံရေး အကျဉ်းသားများ မကြာခင် လွတ်မြောက် လာလိမ့်မယ်လို့ ထင်မြင်ကြောင်း ထုတ်ဖော်ပြောဆိုပါတယ်။
ပြီးခဲ့တဲ့ အောက်တိုဘာ ၁၂ရက်နေ့ လွတ်ငြိမ်းချမ်းသာခွင့်မှာ နိုင်ငံရေး အကျဉ်းသား ၂၀၀ ကျော်သာ ပါဝင်ပေမဲ့ အခု တစ်ကြိမ်မှာ နိုင်ငံရေး အကျဉ်းသား ပိုများ လာလိမ့်မယ် ဆိုတဲ့ ခန့်မှန်းချက်တွေလည်း ထွက်ပေါ် နေပါတယ်။ ဒေါ်အောင်ဆန်းစုကြည်က နိုင်ငံရေး အကျဉ်းသားတွေ လွတ်မြောက် လိမ့်မယ်ဆိုတဲ့ မျှော်လင့်ချက် ထားသလို လွတ်မြောက်ဖို့လည်း ကြိုးစားမယ်လို့ ပြောပါတယ်။“လွတ်မှာပါပဲ ဆိုပြီးတော့ စောင့်နေမှာတော့ မဟုတ်ပါဘူး။ ဆက်လက်ပြီး ဒီကိစ္စ ချောချော မောမော ဖြစ်ဖို့အတွက် ကြိုးစားမှာပါ”အာရ်အက်ဖ်အေက ထုတ်လွှင့်နေတဲ့ လူထုနဲ့ ဒေါ်အောင်ဆန်းစုကြည် အစီအစဉ်အတွက် သောတရှင် တစ်ဦးရဲ့မေးခွန်းကို ဖြေကြားရာမှာ ဒေါ်အောင်ဆန်းစုကြည်က အခုလို ထည့်သွင်းပြောဆိုလိုက်တာပါ။

NLD မှတ်ပုံတင်ရေး တိုင်းနဲ့ ပြည်နယ်အမြင်
By မသင်းသီရိ
အမျိုးသားဒီမိုကရေစီအဖွဲ့ချုပ် NLD ပါတီကို  နိုင်ငံရေးပါတီအဖြစ်မှတ်ပုံတင်ရေး မတင်ရေး ကိစ္စကို နိုင်ငံတ၀ှန်းက ဗဟိုဦးစီးအဖွဲ့ဝင်တွေနဲ့ ဆွေးနွေးပြီး ဆုံးဖြတ်ချက်မချခင်  တချို့ပြည်နယ်နဲ့တိုင်းတွေမှာ ဆွေးနွေးနေကြတဲ့အထဲ မတူကွဲပြားတဲ့အမြင်တွေ ရှိနေကြပါတယ်။ အများစုကတော့ နိုင်ငံရေးပါတီအဖြစ် မှတ်ပုံတင်ဖို့ သဘောတူကြပေမယ့် ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင်ဖို့နေရာမှာ မတူတဲ့ အမြင်တချို့ ရှိနေတာပါ။ ဒီအခြေအနေအပြည့်အစုံကိုတော့ မသင်းသီရိက တင်ပြပေးထားပါတယ်။
NLD ပါတီကို   နိုင်ငံရေးပါတီအဖြစ်မှတ်ပုံတင်ရေး၊ မတင်ရေးကိစ္စအတွက် ပြီးခဲ့တဲ့  နိုဝင်ဘာ ၈ ရက်နေ့က NLD ဗဟိုအလုပ်အမှုဆောင် အဖွဲ့ဝင်တွေ ဆွေးနွေးအပြီး လာမယ့် နိုဝင်ဘာ ၁၈ ရက်နေ့မှာ တနိုင်ငံလုံးက  NLD ဗဟိုဦးစီးတွေနဲ့ ထပ်မံတွေ့ဆုံပြီး ဆုံးဖြတ်ချက်ချဖို့ NLD က စီစဉ်ထားတာပါ။ ဒါ့ကြောင့်မို့ ၁၈ ရက်မတိုင်ခင် တချို့ပြည်နယ်တိုင်းတွေမှာ NLD အဖွဲ့ဝင်တွေရဲ့ သဘောထားတွေနဲ့ ဆွေးနွေးတိုင်ပင် နေတာတွေရှိနေပါတယ်။
မန္တလေးတိုင်း၊ မိတ္ထီလာခရိုင်ထဲက nld ပါတီဝင်တွေကတော့ နိုင်ငံရေးပါတီအဖြစ် မှတ်ပုံတင်ဖို့မှာ သဘောတူကြတာများပေမယ့်  ကြားဖြတ်ရွေးကောက်ပွဲ ၀င်ဖို့မှာတော့ မတူတဲ့အမြင်တွေ ရှိတာမျိုး သိရတယ်လို့  မိတ္ထီလာခရိုင်က NLD ဗဟိုဦးစီးတယောာက်ဖြစ်တဲ့ ဒေါက်တာသိန်းလွင်က ပြောပါတယ်။
“မေးကြည့်တဲ့အခါမှာ တချို့ကလည်း မတင်ချင်ဘူးပေါ့။ တချို့ကလည်းတင်ချင်တယ်ပေါ့။ ပါတီမှတ်ပုံတင်ဖို့ကိစ္စနဲ့ ပတ်သက်လို့ကတော့ တော်တော်များများက သဘောတူပါတယ်။ ရွေးကောက်ပွဲဝင်ရေးကိစ္စကတော့ တကဏ္ဍတဖြစ်နေတယ်လေ။ တချို့ကျတော့လည်း ရတဲ့အခွင့်အရေးကို ရတဲ့နေရာမှာ ရတဲ့ပုံစံနဲ့ လုပ်ရတဲ့အခါမှာ NLD က ရသလောက် ၀င်ယူကြမယ်ဆိုတဲ့ အနေအထားမျိုးတော့ ရှိပါတယ်။ လိုရင်းကတော့ တင်ရေးနဲ့ ၀င်ရေးပေါ့။ မှတ်ပုံလည်းတင်၊ ၀င်စရာရှိတာလည်း ၀င်လိုက်တော့။ ၀င်လိုက်တော့ဆိုတာက ကျနော်တို့ကြားထဲမှာ လုပ်ရမယ့်အလုပ်တွေက အများကြီးရှိသေးတယ်။ အတိုင်းအတာတခုအထိ ပါတီထဲမှာ တစိတ်တပိုင်းဝင်ထားခြင်းအားဖြင့် အကျိုးရှိမယ်လို့မြင်တယ်”
တခါ ကရင်ပြည်နယ်က NLD ပါတီဝင်တွေဟာ ဆိုရင်လည်း ပါတီမှတ်ပုံတင်ရေးကို ကန့်ကွက်သူမရှိ လက်ခံပေမယ့် ကြားဖြတ် ရွေးကောက်ပွဲဝင်ဖို့မှာတော့ တချို့က သဘောမတူတာရှိတယ်လို့ ပြောပါတယ်။
ဒါပေမယ့် ဒီမိုကရေစီနည်းအရ အများဆန္ဒအတိုင်း လိုက်နာဆောင်ရွက်မှာ ဖြစ်သလို တိုင်းရင်းသားအရေး အားလုံး ပြေလည်ဖို့အတွက် ဘယ်လို ညှိနှိုင်းဆောင်ရွက်မှုမျိူးမဆို လိုက်နာဆောင်ရွက်မယ်လို့ ကရင်ပြည်နယ် NLD ပါတီက ခေါင်းဆောင် တဦးဖြစ်တဲ ဒေါ်နန်းခင်ထွေးမြင့်က ပြောပါတယ်။
“အဲဒီအပေါ်မှာတော့ နည်းနည်းကွဲပြားမှုရှိတယ်။ ဒါပေမယ့် အဲဒါကျတော့လည်း ရန်ကုန်ကျမှပဲ ပြန်ပြီးတော့စုစည်းပြီးတော့ ပြန်ညှိနှိုင်းပြီးတော့ ဆုံးဖြတ်ကြမယ်လို့ တိုင်ပင်ထားကြတယ်။ တချို့ကလည်း မ၀င်ချင်ဘူး။ သူတို့တဦးထဲဆန္ဒပေါ့နော်။ မ၀င်ချင်ဘူးဆိုပေမယ့် အများဆန္ဒ အတိုင်းပါပဲ။ အများဆန္ဒက ၀င်မယ့်ဘက်ကဖြစ်တယ်ဆိုလို့ရှိရင် အန်တီတို့ကလည်း ကျေကျေနပ်နပ်ပဲလက်ခံမှာပါ။ လောလောဆယ် ဖြစ်နေတဲ့ တိုင်းရင်းသားတွေရဲ့စစ်ပွဲတွေကလေ တိုင်းရင်းသားတွေရော၊ ဒေသခံ ရှိတဲ့လူတွေ၊ မြို့ပေါ်မှာရှိတဲ့လူတွေက ဒီလောက် မသိသာပေမယ့် နယ်စပ်မှာနေတဲ့ တိုင်းရင်းသားတွေက အင်မတန်ဒုက္ခရောက်ပါတယ်။ အဲဒီလို အန်တီတို့ ဒီဘက်မှာ တင်းနေလို့ရှိရင် အဲဒီလို ရေရှည်ကြီးဖြစ်နေလိမ့်မယ်အတွက် အဲဒါကို တထစ်လျှော့တဲ့အနေနဲ့ အန်တီတို့လည်း လျှော့ပေးမယ်လို့ စိတ်က ကူးထားပါတယ်”
မန္တလေးတိုင်းကတော့ လတ်တလော ဗဟိုဦးစီး အစည်းဝေးလုပ်ပြီး သဘောထား မမေးမြန်းရသေးပေမယ့် NLD ပါတီကို ဦးဆောင်နေကြတဲ့ ဗဟိုနဲ့အတူ တခြား ပြည်နယ်၊ တိုင်းတွေရဲ့ သဘောထားအတိုင်း လုပ်ဆောင်မယ်လို့ NLD မန္တလေးတိုင်းဒုဥက္ကဋ္ဌ ဦးသိန်းတန်ကဆိုပါတယ်။
“အမျိုးမျိုးတော့ ရှိရမှာပေါ့ခင်ဗျာ။ ယတိပြတ်တော့ ပြောလို့မရပါဘူး။ တခြားတိုင်းတွေ ဘယ်လိုလုပ်ထားသလဲ၊ ဘာပြောမလဲဆိုတာ ကျနော်တို့လည်း unseen လေ။ ဘာမှ မသိရသေးဘူးလေ ခင်ဗျာ။ အဲဒီကျမှပဲ ကျနော်တို့ ဆွေးနွေးကြရမှာပေါ့။ ”
မန္တလေးတိုင်းရဲ့ သဘောထားပါရှင်။
တခါ ရှမ်းပြည်နယ်ကတော့ ဖြစ်ချင်တဲ့ ဆန္ဒတွေထက် ဖြစ်သင့်တာတွေကို ဒေါ်အောင်ဆန်းစုကြည်ရဲ့ ခေါင်းဆောင်မှုအောက်မှာ လိုက်ပါဆောင်ရွက်မယ်လို့ ရှမ်းပြည်နယ် ဗဟိုဦးစီးအဖွဲဝင် ဒေါ်ခင်မိုးမိုးကဆိုပါတယ်။
“ကျမတို့ ရှမ်းပြည်နယ်သဘောထားကတော့ ဒီအချိန်မှာ ဖြစ်သင့်ဖြစ်ထိုက်တာကို ဖြစ်အောင်လုပ်ရမယ့် အချိန်ဖြစ်ပါတယ်။ ဒါကြောင့်မို့လို့ မှတ်ပုံတင်ရေးကို ကျမတို့ ရှမ်းပြည်က လက်ခံပါတယ်။ ဒါပေမဲ့ ကျမတို့က ကြားဖြတ်ရွေးကောက်ပွဲဝင်တာကိုလည်း လက်ခံပါတယ်။ ဒေါ်အောင်ဆန်းစုကြည်ရဲ့ခေါင်းဆောင်မှုအောက်မှာ ဆက်လက်ပြီးပါတီရှင်သန်အောင် လုပ်ရမှာမို့လို့ကို အသွင်တွေပြောင်းလာတယ်။ အဲဒီလိုပဲ ကျမတို့ကလည်း တိုးတက်မှုအတွက် ပြောင်းလဲတာကို လက်ခံတဲ့သဘော ဖြစ်ပါတယ်။”
ဒါကတော့ ရှမ်းပြည်နယ် ဗဟိုဦးစီးအဖွဲဝင် ဒေါ်ခင်မိုးမိုးဖြစ်ပါတယ်။
လာမယ့် ၁၈ ရက်နေ့ အစည်းဝေးကိုတက်မယ့် ဧရာဝတီတိုင်းက ဗဟိုဦးစီအဖွဲ့ဝင် ဦးမန်းညွန့်သိန်းကတော့ လက်ရှိအစိုးရကို ဘယ်လောက် ယုံကြည်ရမလဲဆိုတဲ့ စဉ်းစာချက် သူ့မှာ ရှိနေတဲ့အတွက် ပါတီရဲ့ ရှေ့ရပ်တည်ချက်ဆိုင်ရာတွေကို ထည့်သွင်းစဉ်းစားဖို့ လိုမယ်လို့ သုံးသပ်ပါတယ်။
“မှတ်ပုံတင်လိုက်ပြီးတော့ မ၀င်ဘဲနေလို့ရရင်လည်း နေစေချင်တယ်။ ၁၉၉၀ ခုနှစ်က ရှိသေးတာကိုး။ တကယ်လို့ မတော်တဆများ ယိုင်သွားမယ်ဆိုရင် တို့ ဘယ်လိုလုပ်ကြမလဲဆိုတဲ့ဟာလေးလည်း ပြန်စဉ်းစားရတယ်။ တို့ရဲ့အတွေ့အကြုံနဲ့ပေါ့လေ။ နှစ် ၂၀ ကျော် ဖြတ်သန်းခဲ့တဲ့ဟာ အမျိုးမျိုး အလှည့်ပတ်ခံပြီးတော့ သံသယအကျိုးကတော့ ရှိနေတယ်။ အခြေခံမှာ ပြောင်းလဲမှုတွေ မရှိသေးဘူးလား ဆိုတော့ အခြေခံမှာ ဒီ ကျေးရွာအုပ်စု၊ အုပ်ချုပ်ရေးမှူးတွေရွေးတာကျတော့ နဂိုရ်မူလလူတွေပဲ သို့မဟုတ် သူတို့ကြံ့ခိုင်ရေးကလူတွေ၊ သို့မဟုတ် အာဏာပိုင်နဲ့ဆက်စပ်တဲ့လူတွေချည့်ပဲ။ ဒီလိုပဲ ငွေများတရားနိုင်၊ ငွေနည်းတရားရှုံးနေတာတွေလည်း ရှိနေတယ်”

ဧရာဝတီက ဦးမန်းညွန့်သိန်းပါ။ NLD ပါတီဟာ နိုင်ငံရေးပါတီအဖြစ် မှတ်ပုံတင်မယ်ဆိုရင်တော့ ဒီနှစ်မကုန်ခင် ကျင်းပပေးမယ်ဆိုတဲ့ ကြားဖြတ် ရွေးကောက်ပွဲကို ဥပဒေအရ ၀င်ရောက်ယှဉ်ပြိုင်ရမှာ ဖြစ်သလို ဒေါ်အောင်ဆန်းစုကြည်ကိုယ်တိုင် ၀င်နိုင်ခြေရှိတယ်လို့  NLD ပါတီ ပြောခွင့်ရသူ  ဦးဉာဏ်ဝင်းက  VOA မြန်မာပိုင်းကို ပြောခဲ့ပါတယ်။