ဗဆွေလေး (သို့မဟုတ်) လက်ဝဲစာလုံး တီထွင်သူ
|
7:24 AM |
No မှတ်ချက် |
by Myo Myint on Sunday, July 3, 2011 at 7:48pm
Posted under အတ္ထုပ္ပတ္တိများ , ကျောင်းသား ခေါင်းဆောင်များ
အားကျဖွယ် လေးစားဖွယ် အတုယူဖွယ်ကောင်းတဲ့ လူပုဂ္ဂိုလ်တွေအကြောင်းကိုဖတ်ရှုရင်း သမိုင်းနောက်ခံကားချပ်တွေကိုလည်း တစေ့တစောင်းသိနိုင်ဖို့ ဆရာကြီးဦးတင်မိုးက သူ့ဘဝတလျောက် တွေ့ကြုံသိကျွမ်းခဲ့ရတဲ့ လူပုဂ္ဂိုလ်တွေအကြောင်းကို ဧရာဝတီ မြန်မာပိုင်း ကွန်ရက်စာမျက်နှာမှာ ‘ဘဝရုပ်ပုံလွှာ’ ကဏ္ဍတခုဖွင့်ပြီး ရေးသားတင်ဆက်ခဲ့ပါတယ်။ အဲဒီ ကဏ္ဍမှာ ဘဝရုပ်ပုံလွှာ (၃) အဖြစ် ဆရာတင်မိုးရေးဖွဲ့ခဲ့တဲ့ တကသဥက္ကဋ္ဌ ဖြစ်ခဲ့သူ “ဗဆွေလေး (သို့မဟုတ်) လက်ဝဲစာလုံး တီထွင်သူ” ကို ပြန်လည်ကူးယူလွှင့်တင် ပေးလိုက်တာ ဖြစ်ပါတယ်။
ဗဆွေလေး (သို့မဟုတ်) လက်ဝဲစာလုံး တီထွင်သူ
ကျွန်တော် တင်ပြချင်တဲ့ ရုပ်ပုံလွှာတချပ်ကတော့ ရန်ကုန်တက္ကသိုလ်ရဲ့ နောက်ဆုံး တကသဥက္ကဖြစ်တဲ့ ကိုဗဆွေလေးပါ။ သူက ဘိုကလေးသား။
ကိုဗဆွေလေးကို မြင်ရရင် မျက်နှာကလေးချောင်ပြီး ပင်ပန်းနွမ်းနယ်နေဟန် ပုံသဏ္ဌာန်ပါ။ အိပ်ရေးမဝတဲ့ အခြေအနေနဲ့တူပါတယ်။ သူ့အပြုံးကလေး လျော့ရဲရဲအပြုံးလို့ ဆိုနိုင်ပါတယ်။ ဆံပင် သပ်သပ်ရပ်ရပ်ဖီးသင်ထားခြင်း မရှိ။
သူ့ကို နာမည်သာကြားဖူးပေမဲ့ လူချင်းမတွေ့ဖူးပါ။ ၁၉၆ဝ - ၆၁ ခုနှစ် ကျွန်တော် ရန်ကုန်တက္ကသိုလ်မှာ မြန်မာစာဂုဏ်ထူးသင်တန်း လာတက်စဉ်က တ.က.သ လက်ဖက်ရည်ဆိုင်မှာ စတင်တွေ့ဖူးခြင်းပါပဲ။
ရန်ကုန်တက္ကသိုလ် မြန်မာစာဌာနမှာ ဆရာမင်းသုဝဏ် ပါမောက္ခဖြစ်ပြီလို့ သတင်းစာထဲမှာတွေ့လိုက်ရတော့ ကျွန်တော်ဟာ ဆရာ မင်းသုဝဏ်ရဲ့ ပို့ချက်မှုကိုခံယူချင်တာနဲ့ ရန်ကုန်တက္ကသိုလ် ပြောင်းခဲ့တာပါ။
အရင်နှစ်က မန္တလေးတက္ကသိုလ် မြန်မာစာဌာနမှာ ပထမနှစ် မြန်မာစာဂုဏ်ထူးသင်တန်း တက်ခဲ့ပါတယ်။ မန္တလေး သီးခြား တက္ကသိုလ်နှစ်ရဲ့ ပထမဦးဆုံးစာမေးပွဲပါ။ ကျွန်တော် ဂုဏ်ထူးတန်းပထမနှစ် ကျခဲ့ပါတယ်။ သမိုင်းဘာသာမှာ စာမေးပွဲကျခဲ့ခြင်း ဖြစ်ပါတယ်။
ယခင့် ယခင် နှစ်များက သမိုင်းဘာသာ ကျရှုံးသူမရှိသလောက်ပါပဲ။ ဝိဇ္ဇာပထမနှစ်ဆိုရင် အေးအေးဆေးဆေး အောင်ကြတာ များပါ တယ်။ ရန်ကုန် တက္ကသိုလ်က ဘာသာရပ်အားလုံး စစ်ဆေးအအောင်ပေးလေ့ရှိပါတယ်။
မန်းသီးခြားတက္ကသိုလ်နှစ်မှာ သမိုင်းပါမောက္ခက ဒေါက်တာ မောင်မောင်ကြီးပါ။ ယခု အမေရိကမှာ ထင်ပါရဲ့ … ပါမောက္ခက သမိုင်းကို လေးစားအောင် လုပ်မယ်လို့ရည်ရွယ်တယ်ကြားတာပဲ။ အများအပြား အတုံးအရုံး ကျရှုံးကုန်ကြပါတယ်။ (နောင် ကျောင်းသားတွေ ဆူပူ ဆန္ဒပြလို့ နောက်ဆက်တွဲအောင်စာရင်း ထုတ်ပြန်ရပါတယ်။ ကျွန်တော်လဲ အောင်ပါတယ်)။
ကျွန်တော့်ဆရာ ပါမောက္ခဦးချမ်းမြက ကျွန်တော့်အတွက် အသနားခံပေးသေးတယ်လို့ တဆင့်စကားကြားရဖူးပါတယ်။ ဒါပေမဲ့ မရပါ။ သမိုင်းပါမောက္ခက စာမေးပွဲချလိုက်တော့ ကျွန်တော့် ဂုဏ်ထူးတန်း ပြုတ်ခဲ့ရပါရော။ ဒီလိုနဲ့ …
ဒီမှာ ရန်ကုန်ရောက်လာပြီး ရဲဘော် ကိုဗဆွေလေး၊ ရဲဘော် မောင်မောင်ညွန့် (ညွန့်ကြူး)၊ ဦးစိုးသိန်း၊ ကိုလှရွှေ စတဲ့ တ.က.သ ရဲဘော်ကြီးများနဲ့ အကျွမ်းတဝင် ခင်မင်သွားသဗျ။ အဲဒီနှစ်က တ.က.သ ဥက္ကဋ္ဌ မြို့မ ဦးတင်အေး (နောင်အခါ ကျွန်တော်နဲ့ မယားညီ အကို) နဲ့လဲ ရင်းနှီးကြတယ်။ ကိုဗဆွေလေးက တ.က.သ အတွင်းရေးမှူးကိုး။
သူက ကဗျာချစ်တယ်။ ‘ထွန်းသစ်’ ဆိုတဲ့ နာမည်နဲ့ တက္ကသိုလ်စာစောင်တွေမှာ ကဗျာရေးတယ်။ လူသိခံပုံ မရဘူး။ ပန်းချီလဲ ချစ်တယ်။ လက်ဝဲစာလုံး၊ တပ်ဦးစာလုံးလို့ နာမည်ကျော်တဲ့ လက်ရေးစတိုင်ဟာ သူထွင်ခဲ့တဲ့ ပိုစတာလက်ရေးပေါ့။
ကျွန်တော် သိသလောက် ကိုဗဆွေလေးဟာ တ.က.သ အလုပ်တွေကို အောက်ခြေသိမ်းကုန်းရုန်းပြီး မအိပ်မနေလုပ်ရုံမက ရဲဘော်တွေကိုကြွေးဖို့၊ သူ့မိသားစု ထောက်ပံ့ဖို့၊ သူ့ဇာတိ ဘိုကလေးမှာရှိတဲ့ ကျောင်းသားသမဂ္ဂရဲဘော်တွေ ရပ်တည်ဖို့ မနားမရပ် လှုပ်ခတ်တောင်ပံ အားမာန်အပြည့်နဲ့ လုပ်ကိုင်တာကိုတွေ့ရတယ်။
ဒီအတောအတွင်း ပညာရေးတက္ကသိုလ်မှာ မနက် ၇ နာရီတက်ရတဲ့ ပညာရေးဒီပလိုမာလဲ မှန်မှန်တက်နေသေးတယ်။ အဲဒီတုန်းက ရန်ကုန် အလွတ်ပညာရေးကျောင်းတွေမှာ ဦးဗဆွေလေးက ပထဝီဘာသာ နာမည်ကျော်ဆရာ။ ဟိုကျောင်းကခေါ် ဒီကျောင်းကခေါ် ပျိုတိုင်းကြိုက်တဲ့ နှင်းဆီခိုင်။ လက်မလည်နိုင်။ ဒါလဲ တာဝန်ကျေပါပေ့။
တ.က.သမှာ ပိုစတာရေးရင်း ညအိပ်၊ ဖြစ်သလိုစား၊ ကျောင်းတွေလဲမပျက်၊ အလုပ်နဲ့လက်ဒရစပ် အလုပ်လုပ်တဲ့အပြင် ဘိုကလေးက ရဲဘော်တွေဖို့ ဖွင့်ပေးထားတဲ့စာအုပ်ဆိုင်အတွက် လေဟာပြင်ဈေးက စာအုပ်ဆိုင်မျိုးစုံသွားပြီး စာအုပ်တွေဝယ်ပို့ပေးရသေးတယ်။ ကျွန်တော့်ကို ရဲဘော်တွေဖတ်သင့်တဲ့စာအုပ်တွေ ရွေးပေးဖို့အကူအညီတောင်းတယ်။ ဒါနဲ့ သူနဲ့ ခင်သွားကြတာပဲ။ ဆဲဗင်းဂျူလိုင် အရေးတော်ပုံအထိ တာဝန်ထမ်းဆောင်သွားခဲ့တယ်။ တောထဲမှာ ကျဆုံးသွားသတဲ့။ ဖြစ်ရလေ ရဲဘော်ကြီးရယ် …။
နိုင်ငံ့အတွက် အဖိုးတန်သားကောင်း ရတနာအစစ်ပါ။ စံပြ ကျောင်းသားခေါင်းဆောင် မီးရှူးတန်ဆောင်ပါ။ ။
တင်မိုး
0 comments:
Post a Comment