ဆွေမျိုးပေါက်ဖော်သွေး ဝေးဝေးရှောင်

Daw Let Yar

ကျွန်မတို့ ပြည်သူတွေအ တွက် ကျန်းမာရေးရာသတင်း စကားတို့ ကို အချိန်မီရရှိရန် ခက်ခဲနှောင့်နှေးနေတတ်သည်ဟု ထင်သည်။ မြန်မာပြည်အနေနှင့် အစိုးရ၏ အများပြည်သူအတွက် ကျန်းမာရေးအသုံးစရိတ် ဘတ်ဂျက်မှာလည်း နည်းပါးလှရာ ကျန်းမာရေးဝန်ကြီးဌာနအနေဖြင့် လူထုပညာပေးလုပ်ငန်းများကို ငွေကုန်ကြေးကျခံကာ ထိထိရောက်ရောက် မလုပ်နိုင်ခြင်းသည်လည်း ပြည်သူလူထုအတွက် ကျန်းမာရေးဗဟုသုတများ ရရှိနိုင်ရန် အခွင့်အလမ်းနည်းပါးနေရခြင်း၏ အကြောင်းရင်းတစ်ရပ် ဖြစ်ကောင်းဖြစ်နေမည်။

အများပြည်သူလူထုကို မဆိုထားပါလင့်။ ကျန်းမာရေးဝန်ထမ်းများ ကိုယ်တိုင်ပင် မွမ်းမံသင်တန်း များ၊ ကျန်းမာရေးဝန်ထမ်းများအ တွက် အထူးရည်ရွယ်သည့် စာ စောင်များ၊ သီးသန့်ဂျာနယ်များ ထုတ်ဝေဖြန့်ချိနိုင်မှုမှာ ဖြစ်တည် သင့်သလောက် မဖြစ်တည်နိုင် သေး။ ထို့ကြောင့်ပင် အသစ်၊ အ သစ်သော ကျန်းမာရေးဆိုင်ရာ တွေ့ရှိချက် ဗဟုသုတများကို ဆင့်ပွားသိရှိရန် ကြန့်ကြာနှောင့်နှေး နေတတ်ပေသည်။
ယခု ကျွန်မအနေဖြင့် အ ကြောင်းအရာတစ်ခုကို ပြောပြလို သည်။ ၂၀၁၄ ဖေဖော်ဝါရီလအ တွင်းက ဖြစ်သည်။ ကျွန်မ၏ မိတ်ဆွေဖြစ်သော စက်မှု (၁) ၀န်ကြီး ဌာနမှ ကျွမ်းကျင်အဆင့် (၃) တာ ၀န်ထမ်းဆောင်နေသူ ကိုကြီး မောင်ဆိုသော ၀န်ထမ်းငယ်တစ် ဦးသည် နေအိမ်အနီး စက်ဘီးစီး ရာမှ လဲကျပြီး ပေါင်ကျိုးသွား ခဲ့သည်။ သူသည် ရန်ကုန်ဆေးရုံ ကြီးသို့ ရောက်ရှိသွားပြီးနောက် ကျိုးသွားသော ပေါင်တံရိုးကို ခွဲ စိတ်ကုသရန် ခွဲစိတ်ခန်းသို့ ၀င်ရ မည်။ သွေးအားနည်းနေ၍ သွေး သွင်းရန် သွေး နှစ်ပုလင်းလိုအပ် သည်။ ထို့အတွက် သွေးလှူရှင်ကို ရှာဖွေပေးရမည်ဟု ဆိုသည်။
ကိုကြီးမောင်၏ သွေးမှာ (AB, Rh-) သွေးဖြစ်သည်။ ကို ကြီးမောင်အတွက် သွေးရရှိရန် ကိုကြီးမောင်၏ ညီအရင်း နှစ် ယောက်ကို သွေးအမျိုးအစားခွဲ ကြည့်ရာ သူတို့လည်း (AB, Rh-)သွေးများပင် ဖြစ်နေ၍ သွေးလှူ ဘဏ်သို့ ကိုကြီးမောင်အတွက် သွေးလှူပါမည်ဟု သွားရောက် စာရင်းပေးခဲ့ရာ သွေးလှူဘဏ်ရှိ ဓာတ်ခွဲဝန်ထမ်းများက ညီအစ်ကို မောင်နှမအချင်းချင်း၏ သွေးကို သွေးအုပ်စုတူညီသော်လည်း ပေး သွင်းရန် မသင့်လျော်ဟု ဆိုကာ လက်ခံရန် ငြင်းဆန်ခဲ့သည်။
ဒီလိုနှင့် ကိုကြီးမောင်နှင့် သွေး အမျိုးအစားတူညီသော ဆွေမျိုးသားချင်း မတော်စပ်သည့် အခြားသူစိမ်းသွေးလှူရှင် များ၏ (AB, Rh-) သွေးကို မရ အရရှာဖွေရင်း ခွဲစိတ်ကုသခံယူ နိုင်ရန် နှစ်ပတ်တိတိစောင့်ဆိုင်းခဲ့ ရသည်။ ယခင်ကမူ ဆွေမျိုးသား ချင်းတော်စပ်သူပင်ဖြစ်စေ၊ သွေး သားမတော်စပ်သူ သူစိမ်းပင်ဖြစ် စေ သွေးအမျိုးအစားတူညီလျှင် ပေးသွင်းခဲ့ကြစမြဲ။ ယခုတော့ ထို သို့မဟုတ်တော့ပြီ။
ထိုအကြောင်းအရာသစ်ကို ကျွန်မလည်း ဓာတ်ခွဲပညာရှင်တစ် ယောက်အနေနှင့် စိတ်ဝင်စားမိ သည်။ ထို့ကြောင့် ၂၀၁၅ မေလ ၃ ရက်နေ့က ရန်ကုန်မြို့ မင်းရဲ ကျော်စွာလမ်းရှိ မြန်မာနိုင်ငံစက် မှုလုပ်ငန်းရှင်များနှင့် ကုန်သည် ကြီးများအသင်းတိုက်မှာ ပြုလုပ် ကျင်းပသော မြန်မာနိုင်ငံရောဂါ ရှာဖွေရေးဓာတ်ခွဲကျွမ်းကျင်သူ များအသင်း (MMTA)၏ ဒုတိယ အကြိမ်မြောက် စာတမ်းဖတ်ပွဲကို တက်ရောက်နားထောင် ဖြစ်ခဲ့ သည်။ ထိုစာတမ်းဖတ်ပွဲမှာ MMTA မှ စာတမ်းအတော်များ များကို ဖတ်ရှုခဲ့ကြသော်လည်း ကျန်စာတမ်းများမှာ အများပြည် သူသိရှိရန် သိပ်မလိုအပ်လှဘဲ ကျွမ်းကျင်သူများနှင့်သာ သက် ဆိုင်သော စာတမ်းများ ဖြစ်သည်။
MMTA မှ ဖတ်ကြားခဲ့သော စာတမ်းများအနက် မန္တလေးပြည် သူ့ဆေးရုံကြီး သွေးလှူဘဏ်၏ ရောဂါရှာဖွေရေးဓာတ်ခွဲဘက် ဆိုင်ရာအရာရှိ ဒေါ်စိုးစံဝင်းဖတ် ကြားခဲ့သော (Say "NO" to Relative, s Blood) စာတမ်းပါ အကြောင်းအရာများကိုမူ အများ ပြည်သူသိရှိသင့်သည်ဟု ယူဆ၍ မျှဝေပေးပါရစေ။
Say "NO" to Relative,s Blood ဆိုသည့် စကားရပ်မှာ တကယ်တော့ သွေးသွင်းကုသခံ ယူရမည့် လူနာများအတွက် သွေး လိုအပ်လာလျှင် လူနာနှင့် ဆွေမျိုးတော်စပ်သူတို့၏ သွေးကို ဓာတ်ခွဲ ၀န်ထမ်းများက လက်မခံနိုင် ကြောင်း ငြင်းဆိုကြရန် ဓာတ်ခွဲ ပညာရှင်များအား ညွန်ကြားထား သော စကားလုံး ဖြစ်သည်။
အဘယ်ကြောင့်နည်း။ ယ ခင်က လက်ခံခဲ့ပြီး ယခုဘာ ကြောင့် လက်မခံရသနည်း။ ရှင်း လင်းအောင်ပြောပြရပါလျှင် ဆေး ပညာ၏ အသစ်တွေ့ရှိမှုတွေ ကြောင့် လက်မခံသင့်၍ လက်မခံ ရခြင်းဟုသာ ဖြေရပါလိမ့်မည်။ ယခင်က သွေးသွင်းကုသရာမှာ သွေးသွင်းကုသခံရမည့် လူနာနှင့် သွေးလှူရှင်တို့အကြားမှာ ABO နှင့် Rh သွေးအုပ်စုတူညီခြင်း၊ မတူညီခြင်းမျှကိုသာ စဉ်းစားခဲ့ကြ သည်။ ယခုအခါမှာ အသည်း၊ ကျောက်ကပ်အစရှိသည့် ကိုယ် တွင်းအင်္ဂါများအစားထိုးကုသရာ မှာ အဓိကျသော HLA System ၊ HLA Gene စသည့် အချက်များကို သွေးသွင်းကုသရာမှာလည်း ထည့်သွင်းစဉ်းစားရန်လိုအပ်ကြောင်း အသစ်တွေ့ရှိမှုများရှိလာ၍ ဖြစ် သည်။
သွေးသွင်းကုသခံယူရမည့် လူနာအား ဆွေမျိုးသားချင်းများ ၏ သွေးကိုပေးသွင်းလိုက်ခြင်းအားဖြင့် Transfusion-Associated graft-versus-host disease (TA-GvHD) ဆိုသည့် ရောဂါကို ဖြစ်ပွားစေသည်ဟု ဆိုသည်။ ထို ရောဂါမှာ ဆွေမျိုးသားချင်း၏ သွေးကို လက်ခံခဲ့သည့် လူနာအ တွက် လူနာ၏ ခုခံအားစနစ်ကို ထိခိုက်ပြောင်းလဲသွားစေသော ရောဂါဖြစ်ပြီး နှစ်ပတ်မှ သုံးပတ်အတွင်း ရောဂါလက္ခဏာပြတတ် သည်။ ရောဂါ၏ လက္ခဏာမှာ ဖျားခြင်း၊ အန်ခြင်း၊ အရေပြားတွင် အဖုအပိမ့်များထွက်ခြင်း၊ အသည်းနှင့် အရိုးများ၏ အလုပ်တာဝန်များထိခိုက်ခြင်းများ ဖြစ်သည်။ TA- GvHD ရောဂါရရှိခဲ့လျှင် အသက် အန္တရာယ်ရှိပြီး အသက်ဆုံးရှုံးနိုင် ရန် ၉၀ ရာခိုင်နှုန်းဖြစ်နိုင်ခြေရှိ သော ရောဂါအမျိုးစားဖြစ်သည် ဟု ဆိုသည်။
TA-GvHD ရောဂါကို ပထမဆုံးအနေဖြင့် ဂျပန်နိုင်ငံမှာ စတင်တွေ့ရှိခဲ့ပြီး ကျွန်မတို့ မြန်မာပြည်မှာမူ ထိုရောဂါအကြောင်းကို ဆေးရုံကြီးများ၊ သွေးလှူဘဏ် များနှင့် ရောဂါရှာဖွေရေးဓာတ်ခွဲ ပညာရှင်များအကြားမှာသာ အ ထူးသတိထား ပြောဆိုနိုင်သေး သည့်အကြောင်းအရာ ဖြစ်နေ သေးသည်။ ထိုရောဂါနှင့် ပတ် သက်၍ ဆရာဝန်များ၊ ဓာတ်ခွဲ ကျွမ်းကျင်ပညာရှင်များနှင့် အခြား ကျန်းမာရေးဝန်ထမ်းများက အ သေးစိတ် သိရှိနားလည်နိုင်ရန် သီးခြားလေ့လာကြရမှာဖြစ်ပြီး လူနာ ရှင်များကမူ ပထမအဆင့်အနေ ဖြင့် မိမိ၏ မိသားစုဝင်များမှ တစ် ဦးဦးက သွေးသွင်းကုသရန် လို အပ်လာပါက မိသားစုဆွေမျိုး သားချင်း၏ သွေးကိုလှူဒါန်းကြ မည့်အစား အခြားသွေးသားမ တော်စပ်သည့် သူစိမ်းသွေးလှူရှင် ကို ရှာဖွေလှူဒါန်းစေရမည်ဟုသာ မှတ်သားထားရန် လိုအပ်ပေမည်။ ရန်ကုန်၊ မန္တလေးကဲ့သို့သော သွေးလှူဘဏ်စနစ်ရှိသော မြို့ကြီးများ ရှိ ဆေးရုံကြီးများမှာ သွေးများကို အချိန်ကာလတစ်ခုအထိ ထိန်း သိမ်းထားနိုင်သော သွေးဘဏ် စနစ်များ စနစ်တကျရှိပြီးဖြစ်ရာ သွေးလှူရှင်က မည်သူပင်ဖြစ်နေ ပါစေ။ လူနာအတွက် အခြား၊ အခြားဆွေမျိုးသားချင်း လုံးဝ မတော်စပ်သူ သွေးလှူရှင်များ၏ သွေးနှင့် လဲလှယ်ပေးသွင်းနိုင် သော်လည်း နယ်ဒေသများရှိ ဆေးရုံငယ်များမှာမူ သွေးလှူဘဏ် စနစ်မရှိဘဲ တိုက်ရိုက်သွေးယူ၊ သွေးသွင်း စနစ်သာရှိသေးရာ ပြဿနာဖြစ်နိုင်ခြေမှာ ပိုမိုများနေ သည့် သဘောဆောင်နေသည်။
အထူးသဖြင့် ကျန်းမာရေး သတင်းအချက်အလက်များကို ကျန်းမာရေးဝန်ထမ်းများပင် တစ် နိုင်ငံလုံးအတိုင်းအတာအထိ အ လွယ်တကူသိရှိရန် ခက်ခဲနေသေး ရာ နယ်ဒေသများရှိ ဓာတ်ခွဲပညာ ရှင်များက သွေးသွင်းကုသခံယူရ မည့် လူနာ၏ ဆွေမျိုးတော်စပ်သူ၊ သားချင်းများ၏ သွေးကိုလက်ခံ ရန် ငြင်းဆိုတိုင်း ဆေးရုံရှိဆရာဝန် များနှင့် လည်းကောင်း၊ သွေးလှူ ဒါန်းရန် ရောက်ရှိလာသော လူနာ ၏ ဆွေမျိုးသားချင်းများနှင့် လည်းကောင်း အတိုက်အခံငြင်းဆိုဖြေ ရှင်းနေကြရဆဲဖြစ်နေကြောင်း သိ ရှိရသည်။
ဓာတ်ခွဲပညာရှင်များက လူ နာ၏ ဆွေမျိုးသားချင်းများ၏ သွေးကို လက်ခံရန် ငြင်းဆိုလိုက်တိုင်း လည်း ဆေးရုံရှိ ဆရာဝန်များ စိတ်ဆိုး၊ လူနာရှင်က ဒေါသထွက်၊ သွေးလှူချင်ကြသည့် ဆွေမျိုးများ ကလည်း ဓာတ်ခွဲခန်းက ကတ်သီး ကတ်သတ်လုပ်သည်ဟု ထင်မြင်ကြခြင်းများကို ရင်ဆိုင်နေကြရသည်ဟု နယ်ဒေသများရှိ ဓာတ်ခွဲပညာရှင်များက စာတမ်းဖတ်ပွဲမှာ သူတို့ရင်ဆိုင်ကြုံတွေ့နေရသော အခက်အခဲများကို ပြောဆိုဆွေးနွေးခဲ့ကြသည်။ကျွန်မကိုယ်တိုင်ပင် ရောဂါ ရှာဖွေရေး ဓာတ်ခွဲပညာရှင်ဖြစ် သည့်တိုင် စာတမ်းဖတ်ပွဲကို နားထောင်ပြီးမှ အဘယ်ကြောင့် ဆွေမျိုးသားချင်းအချင်းချင်း၏ သွေးကို လက်ခံရန် ငြင်းဆန်ရမည်ကို ရှင်းရှင်းလင်းလင်းသဘော ပေါက်နားလည်ခဲ့ရသူ ဖြစ်သည်။
ထိုအတွက် တစ်ဆက်တည်း ဆက်စပ်တင်ပြပြောဆိုရပါလျှင် မြန်မာနိုင်ငံရောဂါရှာဖွေရေးဓာတ်ခွဲပညာရှင်များအသင်းဆိုသည်မှာ ၁၉၆၂ ခုနှစ်မှာ စတင်ကာကြီးထွားလာသည့် တပ်မတော်အသင်းကြီး၏ လက်အောက်မှာ မည်သည့်အချိန်ကာလကမှ ဖွဲ့စည်းခွင့်မရရှိခဲ့ဘဲ ၂၀၁၂ ခုနှစ်မှ အသင်းအဖွဲ့ငယ်တစ်ခုအဖြစ် ဖွဲ့စည်းခွင့်ကို ခက်ခက်ခဲခဲရရှိလာခဲ့သော အသင်းတစ်ခု ဖြစ်သည်။
နိုင်ငံတကာရှိ ရောဂါရှာဖွေ ရေးဓာတ်ခွဲပညာရှင်များအသင်း များမှာ ကိုယ်ပိုင်ရပ်တည်ခွင့်၊ ကိုယ်ပိုင်ဦးစီးဆောင်ရွက်လှုပ်ရှား ခွင့်၊ ကိုယ်ပိုင်အဆောက်အအုံ များကိုယ်စီနှင့် ဖွံ့ဖြိုးတိုးတက်ပြီး ဖြစ်သော်လည်း မြန်မာပြည်၏ မွေးကင်းစရောဂါရှာဖွေရေးဓာတ်ခွဲ ပညာရှင်များအသင်းမှာကား အ သင်းဖွံ့ဖြိုးတိုးတက်ရန်အတွက် အလွန်အားနည်းနေဆဲ အသင်း တစ်ခုမျှသာရှိသေးသည်။
လူထု၏ ကျန်းမာရေးဝန် ဆောင်မှုများကို ချောင်ကျလျှိုလျှို ဆေးရုံအိုများ၏ နောက်ကွယ်တွင် ရောဂါပိုးမွှားအမျိုးမျိုးနှင့် ရင်ဆိုင် လုပ်ကိုင်ရင်း ၀န်ဆောင်မှုပေးနေ သော ရောဂါရှာဖွေရေးဓာတ်ခွဲ ပညာရှင်များသည် စစ်အစိုးရအ ဆက်ဆက်မှာ အမေ့ခံကျွမ်းကျင် ပညာရှင်များဖြစ်နေပြီး ခေတ်မီ နည်းပညာများကို နိုင်ငံတကာအ ဆင့်မီ တတ်ကျွမ်းနားလည်နိုင်ရန် အခွင့်အရေးမရရှိခဲ့ဘဲ ကိုယ့်အား ကိုယ်ကိုးကာ အသစ် အသစ်တွေ့ရှိမှုများကို လေ့လာသင်ယူနေရသူများ ဖြစ်နေသည်။
ယခုအထိလည်း မြန်မာနိုင်ငံ ရှိ ရောဂါရှာဖွေရေးပညာရှင်များ အနေဖြင့် နိုင်ငံတကာတက္ကသိုလ် များ၊ သင်တန်းများသို့ အဆင့်မြင့် ပညာရပ်များကို အဆင့်မြှင့်သင် ကြားနိုင်ရန် အခွင့်အလမ်းများ လုံးဝမရှိသေးသလို အသင်းအဖွဲ့ တစ်ခုအနေဖြင့် ငွေအား၊ လူအား နည်းပညာများအားများ အကူအညီပေးနိုင်မည့် မည်သည့်နိုင်ငံတကာဖောင်ဒေရှင်းမျိုးမှလည်း မရှိသေးသည်ကလည်း ၀မ်းနည်းစရာကောင်းလှသည်။ အနာဂတ်မှာတော့ မျိုးဆက်သစ်၊ မျိုးဆက် ဟောင်းများကို ထိုက်သင့်သော နိုင်ငံတကာရောဂါရှာဖွေရေးအ ဆင့်မြင့်ပညာရပ်များကို သင်ယူ လေ့လာနိုင်ရန် အစိုးရ၏ အကူ အညီ၊ နိုင်ငံတကာအဖွဲ့အစည်း များ၏ အကူအညီများကို ရရှိတန် ကောင်းရဲ့ဟုသာ မျှော်လင့်မိပါ သည်။
မြန်မာနိုင်ငံ ရောဂါရှာဖွေ ရေးဓာတ်ခွဲပညာရှင်များအသင်း အနေဖြင့် မဖြစ်ညစ်ကျယ်အခြေ အနေအခက်အခဲများအကြားမှ လူနာများ၏ စမ်းသပ်ခံပစ္စည်း များကို ခေတ်မီ စနစ်တကျစု ဆောင်းရယူနည်း၊ စမ်းသပ်ချက် အဖြေများကို တိကျမှန်ကန်စေရန် စံနှုန်းထိန်းသိမ်းခြင်း (Quality Control) အတွက် စာတမ်းများ၊ ဆေးပညာဆိုင်ရာအသစ်တွေ့ရှိ မှုများကို မြန်မာနိုင်ငံတစ်ဝန်းရှိ ဓာတ်ခွဲပညာရှင် ၄၀၀ ကျော်ကို ဖိတ်ကြားပြီးမျှဝေနိုင်ရန် ကြိုးပမ်း အားထုတ်မှုအတွက် အထူးကျေး ဇူးတင်ရှိမိသည်။
ကျွန်မအနေဖြင့်မူ မန္တလေး ဆေးရုံကြီး သွေးလှူဘဏ်မှ ကျွမ်းကျင်သူအရာရှိ ဒေါ်စိုးစံဝင်း၏ Say "NO" to Relative,s Blood ကို နားဆင်ခဲ့ပြီး မိမိသိရှိခွင့်ရခဲ့သော ကျန်းမာရေးအသိအမြင်ဗဟုသု တကို အများပြည်သူလည်း သိရှိ ထားသင့်သည်ဟု ယူဆသဖြင့် တစ်ဆင့်ခံမျှဝေလိုက်ရခြင်း ဖြစ်ပါသည်။
ကျွန်မတို့ ပြည်သူလူထုအ နေဖြင့် အထူးမှတ်သားစေချင် သော စကားတစ်ခွန်းမှာ အကယ်၍ သင်၏ မိသားစုဝင်တစ်ဦးဦးမ ကျန်းမမာဖြစ်နေစဉ် သွေးသွင်းကု သရန် လိုအပ်ပါက သွေးလှူဒါန်း ရန် သင်၏ ဆွေမျိုးပေါက်ဖော်များထံမှ အလှူမခံပါနှင့်။ အရေးကြီး သွေးနီးမှဆိုသော မြန်မာစကားပုံ သည် အခြားနေရာများတွင် မှန် ကောင်းမှန်မည်။ ခေတ်သစ်ဆေး ပညာမှာတော့...ဆွေမျိုးသားချင်း မှန်လျှင် တစ်ဝမ်းကွဲ၊ နှစ်ဝမ်းကွဲများ၏ သွေးများကိုပင် ပေးသွင်းရန် မသင့်တော်။ အန္တရာယ်ရှိသည်ဟု သတ်မှတ်ထားပါသည်။ ထို့ ကြောင့် အောက်ပါစကားလုံးများ ကို တိတိကျကျလိုက်နာဆောင် ရွက်ကြစေလိုသည်။
သွေးသွင်းကုသခံယူရလျှင် ဆွေမျိုးပေါက်ဖော်သွေး ဝေးဝေး ရှောင်ဟူ၍သာ...။။
.
မယ်ငွေဥ ( Fri, 2015-05-15 ) .... 7Day Daily
.
Credit : Khin Khin Gyi
.
ပြန်လည်မျှဝေပေးပါတယ်
လေးစားလျက်
Martin Swe
15-05-2015