Tuesday, March 15, 2016

အမျိုးသမီးတိုင်းဖတ်သင့်သော ကျန်းမာရေးအကြောင်း

Lwin Pyin

" တစ်သားမွေး တသွေးလှဆိုသောေ ရှးစကားကို မိန်းမတိုင်းပင်ကြားဖူးနားဝရှိကြသည်။ သို့ရာတွင် များသောအားဖြင့် သားမွေးပြီး ရုပ်ကျ ရုပ်ပျက်သွားသည်သာ များပြားကြသဖြင့် တစ်သားမွေး တသွေးလှဆိုသော ရှေးစကားမှာ အဓိပ္ပါယ်ကင်းမဲ့သလို ဖြစ်နေသည်။
တစ်သားမွေး တသွေးလှ ဆိုသော ရှေးစကားဟုတ်မှန်ကြောင်းကို ယခုခေတ် မျက်နှာမြင် သားဖွားနေကြသော မွေးနည်းဖွားနည်းမျိုးဖြင့် ကိုက်ညီနိုင်ရန် ခဲယဉ်းသလို ရှေးက မွေးနည်းဖွားနည်းမျိုး မှသာ ရှေးစကားဟုတ်မှန်ကြောင်းကိုက်ညီနိုင်စရာရှိသည်။ " တဲ့
ဂျာနယ်ကျော်မမလေးရဲ့ မြန်မာဆေးပညာဆိုတဲ့ ဆောင်းပါးများထဲမှ ယောကျာင်္းဖောင်စီး မိန်းမ မီးနေ ဆိုတဲ့ ဆောင်းပါးမှာ ရေးထားပါတယ် ။
လူမျိုး တမျိုးမှာ ဓလေ့ထုံးတမ်းက အသီးသီး ရှိကြတာ ဆိုတော့ အင်္ဂလိမွေးဖွားနည်း ၊ ကုလားမွေးဖွားနည်း ၊ တရုတ် မွေးဖွားနည်း ၊ မြန်မာ မွေးဖွားနည်း ရယ်လို့ ကိုယ့်ဓလေ့ထုံးစံနဲ့ ကိုယ် မွေးဖွားရာဒေသ ရေ မြေ ရာသီဥတုကို လိုက်ပြီး ကွဲပြားခြားနားကြတာမျိုး မဟုတ်လား။
အေးတဲ့ တိုင်းပြည်က မိန်းမတွေနဲ့ ပူတဲ့ ဒေသက မိန်းမတွေ သွေးသားချင်းမတူညီဘူးလေ ။
အေးတဲ့ အရပ်မှာ သွေးခဲနေတော့ သွေးများများဆင်းရင် စိုးရိမ်ရပေမဲ့ ပူတဲ့ အရပ်မှာ ကျတော့ သွေးများများ ဆင်းပါမှ ကျန်းမာတာဆိုတော့ မီးနေသည် သတင်းမေးရင် သွေးများများဆင်းရဲ့ လားလို့ မေးကြတဲ့ ထုံးစံရှိတာပါ။
ယခုခေတ်ဖွားနည်းနဲ့ မတူတဲ့ ရှေးနည်းက ရှေးတုန်းက ကိုယ်ဝန်ဆောင်သည်က လနုနု ကတည်းက လက်သည်ဝမ်းဆွဲကို ဗိုက်အပ်ကြရတာဆိုတော့ အတွေ့အကြုံရှိသူဝမ်းဆွဲကို လူကြီးတွေက ရှာဖွေပြိး အပ်ထား လနုစဉ်ကတည်းက ဝမ်းဆွဲက ဝမ်းဗိုက် မတင်းအောင် ပေါင်မှ အကြောအခြင်တွေလျော့ပေး ကလေးကို အနေအထားကောင်းအောင် ပြုပြင်ပေးနဲ့ လရင့်လာရင် မီးတွင်းထဲ သောက်မဲ့ နနွင်းကို ကိုယ်တိုင် ထောင်း လှုံမဲ့ မီးအတွက် ထင်းတွေစုနဲ့ ပြင်ဆင်ကြတယ် ။
ပြီးတော့ ရှေးက ဝမ်းဆွဲတွေက မီးမဖွားနိုင်လို့ အခက်ကြုံနေရင် ပေါက်ပန်းဖြူ ၇ ရွက်ကို ဘယ်ဘက်လက် နဲ့ ဆုပ်ကိုင်ခိုင်းတာတို့ ဗိုက်နာနေချိန်မှာ ဆီမီးတောက်ဥနဲ့ ဗိုက်ကို ညာရစ် ၉ ရစ် ရစ်ပေး ကာ မွေးဖွားပြီး လက်ဖြင့် ဘယ်ရစ် ၉ ရစ် ပြန်ဖျက်ပေးတာမျိုးလည်း မြန်မာဓါတ်ပညာသဘောကို တတ်သိနားလည်ကြသေးတယ် ။ ခုခေတ် ဓါတ်ပညာကို မလေ့လာဖူးသူ အနောက်တိုင်းပညာမှ ပညာထင်သူတချို့ ကတော့ ဘာတွေပါလိမ့် လို့ ထင်မှာပေါ့လေ ။
အရင်ခေတ်က မီးတွင်းမှာ ထင်းကောင်းကောင်းနဲ့ မီးလှုံ တာ ခေါင်းကို သေချာ အကျအနပေါင်းပြီး နနွင်းလိမ်းတာ ချွေးထုတ်တာတွေ အသေအချာလုပ်ခဲ့ကြလို့ လည်း ထုံတာ ကျင်တာ ကိုက်ခဲတာ ခေါင်းကိုက်တာ မဖြစ်ကြဘူး။
ခုခေတ်ကျတော့လည်း အတွေ့အကြုံတကယ်ရှိတတ်သိနားလည်တဲ့ ဝမ်းဆွဲတွေကလည်း မရှိသလောက်ရှားပြီးရှာရခက်တဲ့ အပြင် အားလုံးလိုလို က ဆေးရုံမှာ မွေးကြတာ များတော့ ရှေးနည်းလို အတိအကျလိုက်လုပ်ဖို့ ကတော့ သိပ်မလွယ်ဘူးပေါ့ ။ တကယ်တော့ မီးနေသည်အတွက် အရေးကြီးတာ မွေးပြီး ပထမ ၇ ရက်ပါ။ သွေးသားက နုသွားတဲ့ အတွက် ဒီ ၇ ရက်အတွင်းမှာ ပြုပြင်နိုင်ပါမှ သွေးပုပ် ချွေးပုပ်စင်ပြီး တစ်သားမွေး တသွေးလှ ဆိုတာ ဖြစ်တာပါ ။
သဘောတရားအရ နွားသားအစိုကို နနွင်းလူးပြီး မီးကင်လိုက်ရင်အရည်တွေကျပြီး ခြောက်မာ သွားသလို သွေးနုသားနုမှာ နနွင်းလိမ်း မီးကင် ချွေးအောင်းလိုက်ရင် အသားကကျစ်လစ် ရင့်မာလာတာ ကလေးတယောက် ၁၀ လတာ နေခဲ့တဲ့ သားအိမ်က အကျက်မြန်ပြီး ဝမ်းဗိုက်ချပ်တာ လေမကျန်တာ စတဲ့ အကျိုးတွေ ရပါတယ်။
ဒါပေမဲ့ ယနေ့ခေတ်မှာတော့ ဆေးရုံက ၅ ရက် ၆ ရက်မှ ဆင်းတာ ဆိုတော့ ကိုယ့်အိမ်ပြန်ရောက်လို့ မီးနေချင်ရင်တောင်အချိန်က လွန်နေတော့တာပေါ့ ။ အဲဒီနေရာမှာ ရိုးရိုးမွေးသူတွေက သာပါတယ် ။ ခွဲမွေးတာ မဟုတ်ပဲ သဘာဝအတိုင်းမွေးတာဆိုရင် ဆေးရုံမှာ ရက်သိပ်မကြာပါဘူး ၃ ရက်လောက်ဆို ဆင်းရတဲ့ အချိန်မှာ အိမ်ရောက်တာနဲ့ နနွင်းလိမ်း ချွေးအောင်းလုပ်လိုက်နိုင်ရင် အင်မတန်အကျိုးများပါတယ် ။ ဒါကြောင့် ပြသနာကြီးကြီးမားမား မရှိရင် ခွဲမွေးမဲ့ အစား တတ်နိုင်သရွေ့ ရိုးရိုး မွေးကြပါလို့ တိုက်တွန်းချင်ပါတယ် ။ ရိုးရိုးမွေးတာက မအိုသေးတဲ့ သူ အပျိုလေးနဲ့ တူအောင်လည်း ပြုပြင်လို့ ရပါတယ် ။
တချို့က နာမှာကျင်မှာ ကြောက်ဆရာဝန်တွေကလည်း စောင့်မနေနိုင်တော့ ခွဲမွေးတာကို အားပေးကြတာ တကယ်တော့ မကောင်းပါဘူး။ ကျွန်မတော့ ခွဲမွေးမိတာကို နောင်တ တော်တော်ရပါတယ် ။ တကယ်တာ့ သဘာဝတရားက လူသားတွေအတွက် ပြည့်စုံပြီးသားပါ။
ပထမကလေးမှာကတည်း က ခွဲမွေးတာ မှားပြီ လို့ သိပြီး ဒုတိယကလေးကို ရိုးရိုးမွေးဖို့ ကြိုးစားပေမဲ့ ပထမကလေးကို ခွဲမွေးခဲ့တာကြောင့် old scar က ကွဲထွက်မှာ စိုးလို့ ခွဲမွေးလိုက်ရပါတယ် ။
ကိုယ်တိုင်အတွေ့အကြုံအရတော့ ခွဲမွေးတာ ထုံဆေးပေးလို့ ကျောရိုးမှာ ဆေးထိုးတဲ့ အတွက် သမီးကို မွေးပြီးတော့ အကြာကြီးမချီနိုင်ပါဘူး ။ ကျောရိုးထဲက နာလာရင် မနေနိုင် မထိုင်နိုင် ဖြစ်လွန်းလို့ ကြမ်းအမာပေါ် ပက်လက် လှဲချရတဲ့ အထိပါပဲ။ ဗိုက်ထဲမှာ လေကျန်တဲ့ အတွက် ဗိုက်ကလည်း ပူလာပါတယ် ။ လေ့ကျင့်ခန်းများလုပ်ရင် လေတွေ ပလုတ်ပလုတ် နဲ့ အသံထွက်တယ် ။
ခွဲမွေးတဲ့ သူတွေ ၉၅% လောက် ဗိုက်စူလာကြပါတယ် ။ ရိုးရိုးမွေးတဲ့ မိခင်တွေလောက် ပြန်ကျတာ မမြန်ပါဘူး ။ ဒီကြားထဲ အစားပါ မထိန်းရင် တစ်ယောက်မွေး တစ်ခါ ဝ ပါပဲ။
တစ်သားမွေး တသွေးလှ မလာပဲ တစ်သားမွေး တခေါက်ဝရင်း ဗိုက်ပူခါးတုတ် ရုပ်ဆိုးကြီးတွေဖြစ်လာကြတာ ထုံးစံအတိုင်း မီးမနေလို့ ဖြစ်ရတာ ဆို မမှားဘူး။
တောဘက်ကို ရောက်တော့ တောက အမျိုးသမီးတွေ ဗိုက်ပူကြီးတွေ ပွစိစိနဲ့ ဝနေတာတွေ တွေ့ရခဲတယ် ။ အထူးသဖြင့် ခေတ်သိပ်မမှီတဲ့ ရှေးကျတဲ့ ရွာတွေမှာ ရှေးနည်း မပစ်ပယ်တဲ့ အမျိုးသမီးတွေ ရှမ်းရော ဗမာရော ရွာတွေရောက်ခဲ့သမျှ ဝ တာ မတွေ့ ။
တကယ်တော့ သွေးနုတဲ့ ၇ ရက်မှာ မီးနေခြင်းအမှု့ကို သေချာပြုနိုင်ရင် သွေးသားဟာ ရင့်မာလာတဲ့ အတွက် ရေကိုင်တာ ဆပ်ပြာ ကိုင်တာ ဘာညာတွေမှာ ထုံတာ ကျင်တာ သိပ်မဖြစ်တော့ပါဘူး ။
ဒီခေတ်မှာ အကူတွေဘာတွေမရှိပဲ ကိုယ့်အားကိုယ်ကိုးကြရတော့ သွေးသားရင့်မာလာအောင် ပြုပြင်ပြီးမှ ရေကိုင်တာ ကလေးဝေယျာဝစ္စလုပ်တာ လုပ်သင့်ပါတယ် ။
ကိုယ်ဝန်ဆောင် မိခင်များကို နံပါတ်၁ တိုက်တွန်းလိုတာက ပြဿနာမရှိရင် ခွဲမမွေးပဲ ရိုးရိုးမွေးပါ။
တကယ်လို့ ဆေးရုံမှာ မွေးခဲ့ရင်လည်း ပန်ကာအောက် လေအေးပေးစက်အောက် တိုက်ရိုက်လေ ထိမဲ့ နေရာ ရှောင်ပါ။ တတ်နိုင်သမျှ လေမထိအောင်နေပါ။
ကိုယ်ဝန်လရင့်လာတာနဲ့ မမွေးခင်ကတည်းက နနွင်းစစ်စစ်ကို ပျားရည် နဲ့ ဆားနဲ့ သမပြီး လုံးပြီးနေပြထားပါ။ နနွင်းလုံးက အနောက်တိုင်းဆေးနဲ့ လည်း ရောစားလို့ ရပြီး အန္တယ်ရယ် လည်း မရှိပါဘူး။
နနွင်းစားခြင်းဖြင့် သားအိမ်အကျက်မြန်တယ်။
ဗိုက်ထဲမှာ နွေးနေစေတဲ့ အတွက် လေ မကျန်ဘူး။ အနာကျက်မြန်တယ် ။ ချွေးစို့ စေတဲ့ အတွက် မိခင်အတွက် သိပ်ကောင်းပါတယ် ။ တခုရှိတာ က နနွင်းသောက်ရင် ဝမ်းချုပ်တတ်ပါတယ်။ ဒါကြောင့် ရေနွေး များများ သောက်ပေး ဟင်းခါးသောက်တဲ့ အခါ အငန် အနည်းငယ် ကဲပြီး ရေမကြာခဏသောက်ဖြစ်အောင် စီမံပါ။
ဆေးရုံကဆင်း အိမ်ရောက်တာနဲ့ နနွင်းကို ဖျော်ပြီး တကိုယ်လုံးလိမ်း ချွေးထုတ်ပါ။
အိပ်ယာခင်းအဟောင်း အဝတ်အဟောင်းတွေ သုံးရင် ညစ်ပတ်တာ သိပ်ပြဿနာမရှိပါဘူး။ ချွေးထုတ်တာက သိပ်မခက်ပါဘူ။ နနွင်းလိမ်းပြီး ခြောက်လာရင် ပိတ်ခြင်ထောင်ထောင် ဒါမှမဟုတ်ရင် ဖျာလိပ်ကြီးကြီးကို ခွေလိုက်ပြီး စောင်အုပ် ရေနွေးပွက်ပွက်ဆူအိုးကို ပိတ်ခြင်ထောင်/ ဖျာလိပ် ထဲ ထားရင်မကြာမှီ တကိုယ်လုံးချွေးထွက်လာတာပါပဲ ။ စိုတဲ့ ချွေးကို ခြောက်အောင်သုတ်ပြီး ဖလန်နယ်လက်ရှည်လေးနဲ့ လုံချည်ကို လုံလုံခြုံခြုံလေး ဝတ်ထားလိုက်ရင် ပေါ့ပါးပြီးနေကောင်းပါတယ်။ အဲလို ၇ ရက်လောက် လုပ်လိုက်နိုင်ရင် အတော်အဆင်ပြေပါတယ်။
အဲလို ချွေးထုတ်ရင်း အုတ်တလုံးကို ပူအောင် မီးပြ အဝတ်သန့်သန့်နဲ့ ပတ်ပြီး မိန်းမကိုယ်ချုပ်ရိုးပေါ်ကို ဖိထိုင်ပေးနိုင်ရင် အနာကျက်မြန်ပြီး အပျိုလေးနဲ့ တူအောင် ပြုပြင်လို့ ရပါသတဲ့။ တိုင်းရင်းသား တချို့ ရဲ့ ရိုးရာမှာတော့ သူတို့ ရဲ့ အိမ်မှာ အိမ်ခန်းအသေးလေးကို မီးနေခန်းအဖြစ် ရွေး ပြီး မီးနေသည်က နေရပါတယ် ။ အဲဒီအခန်းရဲ့ အလည်မှာ မီးဖို ဖိုထားပြီး မီးလှုံရင်း မီးဖိုပေါ်ရေနွေးအိုးတည်ထား ပြီး သောက်ကြတယ်။ ကျောက်တုံး ကို မီးဖုတ်ပြီး ကိုယ်တိုင်ယက်ထားတဲ့ ဂျပ်ခုပ်စောင်ထူထူနဲ့ ပတ်လို့ ကြပ်ထုပ်ထိုးရင် မွေးဖွားစဉ်က နာကျင်တာ အကုန်ပျောက်ရတယ်တဲ့ ။ ဒီနည်းအတိုင်း ကလေး ၁၃ ယောက်လောက်မွေးပြီး ကျန်းမာနေတဲ့ တောင်ပေါ်သူ အမျိုးသမီးကြီးကို တွေ့ခဲ့ဖူးပါတယ်။
ခွဲမွေးတာဆိုရင်တော့ ဆေးရုံပေါ် ၃ ရက် မက နေရတတ်ပါတယ်။ နောက်ပြိး ခွဲထားတဲ့ ချုပ်ရိုးကလည်း ရှိတော့ ဆရာဝန်တွေက ပိုးဝင်မှာ စိုးတယ် ဆိုတဲ့ ကိစ္စတွေရှိတာမို့ နနွင်းလိမ်းဖို့ ကတော့ အိမ်ရောက်မှာ ကိုယ့် နပ်စ့်နဲ့ တိုင်ပင်ပေါ့လေ ။ ခွဲမွေးတဲ့ သူတွေ ဗိုက်ကိုတော့ ကြပ်ကြပ်စည်းပေးဖို့ လိုပါမယ်။ ဒါမှ အဆီပြင်က မလှုပ်လို့ ခွဲထားတဲ့ နေရာကလည်း မနာ ဗိုက်လည်း ပြန်ချပ် ပါတယ်။ ကိုယ့်အတွေ့အကြုံကတော့ ၅ ရက်မြောက်လို့ ဆေးရုံကဆင်းတော့ မှ အိမ်မှာ ရှမ်းထုံးစံ ဆူး ၇ မျိုး ပြုတ်ရည် ဆေးရွက်ပြုတ်ရည်ပူပူ နဲ့ ရေချိုးပြီး သူနာပြု ဆရာမက ဗိုက်ကို ကြပ်ကြပ်စည်းပေးပါတယ် ။ ကံကောင်းတာက ရှမ်းဆရာမ နဲ့ ဆုံလို့ သူကိုယ်တိုင် ကိုယ်ဖိ ရင်ဖိ ရှမ်းလို သေချာ ပြုစုပေးပါတယ်။ အနှီး တထည်ထဲမှာ ဆား ၃၀ သားလောက်ထည့် ကြပ်ကြပ်ကလေးထုတ် ပြီး ပွက်ပွက်ဆူနေတဲ့ ရေနွေးအိုးရဲ့ အငွေ့နဲ့ အပူပေးပြီး ဆားကြပ်ထုတ် ထိုးပေးပါတယ်။ မျက်နှာက အသားတွေ ကိုယ်ဝန်ဆောင်နေစဉ် ပွလာတဲ့ အသားတွေက ကြပ်ထုတ်ထိုးတော့ မပွပဲ သိပ်သွားပါတယ်။ ကိုယ်လည်း နာတာ ကျင်တာ သိပ်မရှိပါဘူး။ ဒါတောင်သိပ်ပူလွန်းတော့ အကျီ င်္လက်ရှည်ကို ချွတ်ပြီး လက်တိုနဲ့ နေခဲ့မိတဲ့ အကျိုးကတော့ အခုဆို လက်တွေ ကိုက်တာ ပါပဲ ။
ဒီစာရိုက်ရင်းတောင် လက်ချောင်းတွေကိုက်တာ ကို ခံစားနေရပါတယ်။
ပထမကလေး မွေးစဉ်က ချွေးမအောင်းခဲ့ ရဘူး ဆေးပြုတ်ရေ ( အရင်က ရှမ်းပြည်မှာ အရွက်တွေ အမြစ်တွေ စုပြီး နှီးကလေးနဲ့ ချည်ပြီးရောင်းတာ ရှိတယ် ခုတော့ ရောင်းသေးလားမသိ) အမေ လွိုင်ကော်က ယူလာတဲ့ ဆေးရွက်ဆေးမြစ်တွေ ပြုတ်ပြီး တကယ်ဆို ချွေးအောင်ရမှာကို ဈေးဆစ်ပြီး ပြုတ်ရည်သာ ချိုးခဲ့တယ်။ ဆားကြပ်ထုပ်ထိုးတယ်။ ယောက္ခမက တရုတ်နည်းဖြစ်တဲ့ ဂျင်းကို နှမ်းဆီနဲ့ ကြော်ကျွေးတာ စားရတယ်။ တခါစားရင် ၅၀ သားလောက်ရှိတဲ့ အိမ်ကြက် တကောင်ကို ဂျင်း ၂၀ သားလောက်နဲ့ နှမ်းဆီ နဲ့ အရက်နဲ့ ကြော်ချက် ချက်ထားတဲ့ ကြက်ကို ၁ လပြည့်အောင် အမုန်းစားခဲ့ရတယ်။ ၁ လအတွင်း ဂျင်း ၇ ပိဿလောက် ရှိမလားမသိဘူး စားခဲ့ရတာ ။ အဲဒီတုန်းက သမီးလေး လသားအရွယ် ချီပြီး ရိုက်တဲ့ ပုံမှာ အသားအရည် က လှနေသေးတယ်။
ပထမကလေးမှာ ယောက္ခမ က ကိုယ်တိုင်လာပြုစုတော့ သူ့ကို အားနာတာရော မလွန်ဆန်ရဲတာရော နဲ့ အသေအချာ စားသောက်ဖြစ်တယ် ။
ဒုတိယကလေးကတော့ ကိုယ်ဝန် ၄ လ အရမှာ ပျက်သွားခဲ့တာ လူကြီးတွေလည်း အနားမှာ မရှိ ။ ကိုယ်တိုင်ကလည်း နားမလည်တော့ ဆေးရုံက ပြန်ရောက်တာနဲ့ ရေချိုး လိုက်တာ အသားတွေ ဗြုတ်ထ ပွစိပြီး ရုပ်ဆိုးသွားတာပါပဲ။ အဲဒီကစလို့ ထွက်လိုက်တဲ့ ဝက်ခြံ ဆိုတာ အတောမသတ်။ အဲဒီဝက်ခြံ ပြန်ကုရတဲ့ အကြောင်းတော့ရေးပြီးသားမို့ မပြောတော့ပါဘူး။
တတိယကလေးဖြစ်တဲ့ သမီးလေးကို မွေးတဲ့ အချိန်မှာတော့ မမျှော်လင့်ပဲ သမီးက ရေမွှာမွန်းလို့ ဆေးရုံမှာ ကြာသွားပါတယ်။ အဲဒီတုန်းက အလုပ်လုပ်နေပြီမို့ အလုပ်ကတဖက် မို့ အသေအချာ မနားပဲ လောဘနဲ့ အလုပ်ကို ဂရုစိုက်ရမယ်ဆိုတဲ့ အသိပဲ ရှိပြီး တစ်လမပြည့်ခင် ဗိုက်စည်း ကြပ်ကြပ်စည်းလို့ စက်ရုံကို သွားမြဲ သွားနေခဲ့ပါတယ်။ ချွေးလည်း မထုတ် ဆေးပြုတ်ရေ နဲ့ တောင် ရေ မချိုးခဲ့မိတော့ အခု ခံနေရတာပါ။
ခေါင်းကိုက် ဇက်ထိုး နဲ့ လူလည်း အတော် ဝ သွားပါတယ်။
ဒါတွေက အတွေ့အကြုံပါ ။
ဆောင်ရန် ရှောင်ရန် ပြောရရင်တော့
- ကိုယ်ဝန်လနုစဉ်ကတည်းက အတွေ့အကြုံရင့် သားဖွားဆရာမဖြစ်စေ ယုံကြည်စိတ်ချရတဲ့ အရပ်လက်သည် ကို စုံစမ်းပြီး အိုဂျီ ဆီမှာလည်းဗိုက်အပ် ဒါပေမဲ့ ပေါင်ကြော လျော့တာ တို့ ဘာတို့ နားလည်တတ်ကျွမ်းသူနဲ့ အပြုစုခံတာလည်း မမှားပါဘူး။
- နနွင်းစစ်စစ်ကို ပျားရည်နဲ့ ဆားလေးအနည်းငယ်ထည့်ပြီး လုံးပြီးနေလှမ်းထားပါ။
( ဒီနေရာမှာ နေ လ ပညာမှာတော့ လ သမားတွေကတော့ နနွင်းက သောက်ဖို့ မတည့် လို့ ရင်းပြားကို သောက်ရပါတယ် နနွင်းကတော့ လိမ်းဖို့ သာ သင့်တော်ပါတယ်။
နေ သမားတွေကတော့ နနွင်းကို လိမ်းဖို့ မတည့်ချွေးထုတ်ခါနီး နံ့သာဖြူ စစ်စစ်ကိုသွေး လိမ်းရင် ကောင်းပါတယ် ။ နနွင်းကို တော့ နေသမားများက သောက်ရမှာပါ။ အမှုန့် အရည်ဖျော်သောက်တာက အဝင်ဆိုးတော့ ခပ်များများလေးသာ ပျားရည်နဲ့ လုံးထားပါ။ နနွင်းလုံးပြီးသားလည်း ရောင်းတာ တွေ့ပါတယ်။ )
တရုတ်တွေကတော့ မီးဖွားပြီး ခွဲခန်းထဲက ထွက်လာတာနဲ့ ခပ်နွေးနွေးလေး အပူပေးထားတဲ့ နှမ်းဆီကို လက်ဖက်ရည်ပန်းကန်လုံးလေးနဲ့ သောက်တာ တွေ့ဖူးပါတယ် လေ တွေထွက်ပြီး ဝမ်းတွင်းနွေးစေပါတယ်တဲ့။
- နေ သမားတွေက ရေနွေးပူထဲမှာ လေးညှင်းပွင့်လေးထည့်ပြုတ်ထန်းလျှက်ကလေး ထည့်ကြေအောင် ဖျော်ပြီး ကော်ဖီသောက်သလို သောက်ရင် အစာကြေတယ် လေသက်တယ် နေကောင်းပါတယ် ။
-လ သမားများကတော့ ဂျင်းပြုတ်ရည်ကို ပျားရည်နဲ့ ဆားလေးခပ်သောက်တာ ကောင်းပါတယ်။
- ရှုဖို့က နေသမားများက ဇာတ္တိဖိုလ်သီး နဲ့ ငြုတ်ကောင်းလှော်လေးကို ကွဲရုံလေးထောင်းပြီး အဝတ်ကလေးနဲ့ ထုတ်ပြီး ရှုပေါ့
လသမားကတော့ စမုံနက် က အကောင်းဆုံးပါပဲ
- အဓိကက မီးနေသည်ဟာ နွေးနွေးထွေးထွေးနေပြီး ချွေးလေးတစိုစိုဖြစ်နေဖို့ပါပဲ။ ဒီခေတ်မှာ မီးကပ်မီးဖို နေဖို့ မလွယ်ပေမဲ့ တခြားနည်းတွေရှိပါတယ် ။ အကျီ င်္ထူထူထဲထဲလေးဝတ်ပြီး ရေနွေးအိတ်လေး ၂ လုံး ၃ လုံးလောက်နဲ့ နွေးနွေးထွေးထွေးနေပါ။ အပူကို သည်းခံပါလို့တောင်းပန်ချင်ပါတယ်။ ခြေတွေလက်တွေ နွေးအောင်ထားပါ။
မလုပ်မဖြစ် ရေ ကိုင်ရရင် ကိုင်ပြီးတာနဲ့ ရေနွေအိတ်လေးနဲ့ ပြန်ကပ်ပြီး နွေးအောင်လုပ်ပါ။ ခုဆိုလျှပ်စစ်နဲ့ ပလပ်ထိုးပြီး ခုချက်ချင်းပူအောင် လုပ်လို့ ရတဲ့ ရေနွေးအိတ်တွေ တရုတ်ကလာတာ ရောင်းနေတာ အလွယ်တကူဝယ်နိုင်ပါတယ်။
- ရေ အေးတွေ အချိုရည်တွေရှောင်ပြီး တတ်နိုင်သမျှ ရေ နွေးပူကို မှုတ်သောက်ပါ။
- မျက်နှာမှာ မိတ်ကပ်လိမ်းတာ ပေါင်ဒါရိုက်တာ တတ်နိုင်သမျှရှောင်ပြီး နေသမားက သနပ်ခါး (သို့) နံ့သာဖြူ ၊ လသမားက တောင်တန်ကတိုးသာ လိမ်းသင့်ပါတယ်။ လသမားတွေ နနွင်းမလိမ်းနိုင်ရင် တောင်တန်ကတိုး သွေးပြီး လိမ်းပေးပါ။ မွှေးလည်း မွှေးပါတယ်။
* -ဂျာနယ်ကျော်မမလေး ရဲ့ မြန်မာ့ဆေးပညာ
- ဆရာကြီး ဦးသာတင့် ပုဂ္ဂလ ပညတ်
- ကြီးကြီး ဒေါ်သင်းကြည်၏ ဖုန်းနှင့်ပြောပြချက် တို့ဖြင့် ကိုယ်ကြုံရတာ မျှဝေပါတယ်။
ခေတ်အလို အရ ရှေးမြန်မာ ဝမ်းဆွဲက ရှားပါးလှတယ်ဆိုတော့ သားဖွားမီးယပ်ဆရာဝန်များနဲ့ မီးဖွားသော်လည်း ကိုယ့်ဓလေ့က ကိုယ်နဲ့ အသင့်တော်ဆုံးမို့ ဥာဏ်ရှိသလိုသာ စောင့်ရှောက်ပါလေ။
Sukhita Chaw
အားလုံးကျန်းမာရွှင်လန်းကြပါစေ။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...