*ချစ်စမ်းမောင် သို့မဟုတ် ကြိုးခြောက်ချောင်းဖြင့်ဖမ်းစားသူ* အပိုင်း- ၃

Music Crazy Te Te Tar Tar

တူမချော က မောင်ဒီလင့်ခ် ကို မြ၀တီမှာသီချင်းတစ်ပုဒ်လောက်ရိုက်ချင်ကြောင်း၊ သီချင်းကောင်းကောင်းတစ်ပုဒ်လောက်ရေးပေးပါ။ သို့  တည်းမဟုတ် ၀ယ်ပေးပါ ဟုဆိုလာပါသည်။ ပထမဆုံးသွားသတိယမိတာ က တေးရေးဆရာ ကိုစိုင်းလိတ်ကြီး၊ (ယခုတော့ကားမှောက်ပြီး ဆုံးပါးသွားခဲ့ပါပြီ၊မရှိတော့ပါ။) သူ ကမိန်းကလေးသီချင်းတွေေ၇းတာတော်သည်။ ကိုယ်နဲ့ လည်း သိပ်ခင်သည်။ သူ့ အိမ်လိုက်သွားတော့ လင်းစတူဒီယို သွားသည်ဟုဆိုပါသည်။
ဒီတော့ ကိုစိုင်းလိတ်ကြီးကိုရှာရန် လင်းစတူဒီယိုသို့ လိုက်သွားမိပါသည်။ လင်း သို့ ရောက်ပြီး ကိုလိတ်ကြီးကို
ရှာရန်စတူဒီယိုထဲဝင်လိုက်ရာ တိုက်တိုက်ဆိုင်ဆိုင် IC မှစီးရီးတစ်ခုအတွက်ရက်ကောဒင်းလုပ်နေရာမှ
ပြီးသွားချိန်တွင် ၊ အိမ်ပြန်ရန် ပြင်ဆင်နေသော ကိုချစ်စမ်းမောင် ကို ကိုစိုင်းလိတ်ကြီးမှ နောက်နေချိန်နှင့် သွားတိုးပါသည်။ ကိုလိတ်ကြီးမှ ချစ်စမ်းမောင် မင်း တို့ က နံမည်ကြီးသွားတော့ ကြီးကျယ်သွားပြီပေ့ါလေ
ဆိုပြီးနောက်နေပါသည်။
ကိုယ် နှစ်ရှည်လများ လေးစားခဲ့ရသော ဂစ်တာသမား ကိုချစ် ကို ပထမဦးဆုံးအကြိမ် ကိုယ်တိုင်
တွေ့ ဆုံခဲ့ခြင်းဖြစ်ပါသည်။ ကိုလိတ်ကြီးမှ ကိုယ့်အား ဂစ်တာဖြင့်အသက်မမွေးသော်လည်း ဂစ်တာဝါသနာလွန်စွာထုံကြောင်း၊မိတ်ဆက်ပေးရာ အဲဒါဆိုရင် ဦးဘွဲ့ ကြီးနဲ့  အပ်ပေးလိုက်ပါလားဟုပြောပါသည်။
ထိုအချိန်တွင် အံ့သြဖွယ်ရာ လင်းစတူဒီယိုထဲသို့ ဆယ်ကျော်သက် ကောင်မလေးများ အော်တိုစာအုပ်ကလေး
များကိုင်ဝင်လာသည်ကိုတွေ့ရပါသည်။ တွေ့ဖူးသည်မှာမိန်းကလေးငယ်ငယ်လေးများသည် နံမည် ကြီး အဆိုတော်များ ရုပ်ရှင် ဇာတ်လိုက်များ ကိုသာ လူသိများပြီး အော်တိုအလုအယက်ရေးခိုင်းခြင်းဖြစ်ပြီး အဆိုတော်များ နံမည်ကြီးရေး ဇာတ်လမ်းကြီးတွင်နောက်မှပံ့ပိုး မီးမှောင်းထိုးပေးသော တီးဝိုင်းဆရာ ဂစ်တာသမား များကို လည်းယခုကဲ့သို့ နေရာပေးတစ်လေးတစ်စား အော်တိုလာရေးခိုင်းသည့်ချာတိတ်မလေးများကိုလည်း လေးစားစိတ်ဖြစ်မိပါသည်။ ကိုချစ်စမ်းမောင်မှ ဘေ့စ် စစ်သူကြီး ကိုခင်မောင်သန့််  တို့ကိုခရမ်းတို့ နှင့်အတူ အိမ်ပြန်ခါနီး မညဉ်းမညူ လက်မှတ်တွေထိုးပေးနေသည်ကိုတွေ့ရပါသည်။ ကိုယ်သိချင်တာလေး နည်းနည်းလေး မေးချိန်ရလိုက်ပါသည်။
တစ်နေ့ဂစ်တာဘယ်နှစ်နာရီ ကျင့်လဲမေးတော့ အနည်းဆုံး ၃နာရီဖြစ်အောင်ကျင့်ပါသည်ဟုပြောပါသည်။
ကိုအဇူးရီထင်သလို ကိုချစ်စမ်းမောင်သည် လက်ကိုဆန်အိုးထဲတော့ထည့်မကျင့်ပါ။ ကော်ပီနဲ့ ကိုယ်ပိုင်သံစဉ် ဂစ်တာ ဆိုလိုတွေဘယ်ဟာကိုပိုဖီလင်လာသလဲ မေးမိရာ ကိုယ်ပိုင်သံစဉ် ဂစ်တာဆိုလိုတွေက ကိုယ့်စိတ်ကြိုက် ကိုယ်ထွင်ရင်ထွင်သလို ချယ်မှုန်း ဖန်တီး၍ရသဖြင့်ပိုဖီလင်လာသည်ဟုပြောပါသည်။
နောက်တော့၊ စီးရီးတိုင်းကို အားထည့်ပြီးတော့ တီးပါသည် ဆိုသော်လည်း စတူဒီယိုဂျုတီချိန်များစွာယူပြီးအသေအချာဖန်တီးပေးလိုက်သော အခွေများကမပေါက်ဘဲ
တစ်ခါတစ်ရံ အချိန်မရသဖြင့် တက်သုတ်ရိုက်ဖန်တီးပေးလိုက်သော ဗဒင်၏ နေရာ လိုအခွေမျိုးကတအားပေါက်သွားတဲ့အဖြစ်မျိုးလည်းကြုံဖူးကြောင်းပြောပါသည်။ သို့ သော် ဗဒင်အခွေထဲမှ သိပ်ချစ်တာပဲ သီချင်း၏ Country Guitar Solo တွေ ကတော့ အတော်ပြောင်မြောက်ပါကြောင်းချီးမွမ်းခဲ့ပါသည်။ နောက်စတူဒီယို ရက်ကောဒင်း ရက်ရှိလျှင် ဂစ်တာတီးတာလာကြည့်နိုင်ပါတယ်လို့ ဖိတ်ကြားသွားပြီး၊ ပြုံးပြုံးပြုံးပြုံးနှင့် ဂစ်တာသူရဲကောင်းကြီး ပြန်သွားပါသည်။
ကိုချစ်စမ်းမောင်ကိုခဏတာလေးသာစကားဆိုမိသော်လည်း မြန်မာပြည်၏နံမည်ကြီး ထိပ်တန်း Guitarist တစ် ယောက်အနေဖြင့်၊ အခြားသော ဆင်တွေဖမ်းသည်။ကျားတွေဖမ်းပါသည်ဆိုသည့် တစိတ်ကိုတအိတ်လုပ်ကြ သည့် So-called Guitarist ကြီးများကဲ့သို့မဟုတ်ဘဲ။
မာန်မာန ထောင်လွှားနေသည့်ပုံစံမျိုးမရှိကြောင်း၊သူ့ဆရာ ဦးဘွဲ့ကြီးလို ချစ်စရာကောင်းပြီး
ရိုးသားကြောင်း အကဲခတ်မိပါသည်။ အထူးအားဖြင့် ဂစ်တာသေနာပတိကြီး ဦးဘွဲ့ ပဲ့ ကိုင်နေသည့် သူတို့ IC အဖွဲ့ ကိုအထူးလေးစားရခြင်းမှာ Player တွေအားလုံးမူးယစ်ဆေးဝါးသုံးစွဲမှုမရှိခြင်းပင်ဖြစ်ပါသည်။ (ဦးဘွဲ့ကြီး ငယ်စဉ်က ဆေးတွေ ကစ် တာတွေ မပြောတော့ဘူးပေါ့နော်) နောက်စည်းလုံးညီညွတ်မှု ရှိခြင်းဖြစ်ပါသည်။
တစ်ဦးကိုတစ်ဦးချစ်ခင်ကြခြင်း၊ရိုင်းပင်းကူညီိကြခြင်းဖြစ်ပါသည်။ လင်း စတူဒီယိုတွင်သူတို့ တီးဝိုင်းမှလူများကို
တွေ့ရသည်မှာလွန်စွာစိတ်ချမ်းသာဖို့ ကောင်းပါသည်။ ထိုအချိန်က IC ၏ ပင်တိုင် Vocalist ကိုထွန်းထွန်းလည်းအမေရိကသို့  မထွက်ခွာသေးပါ၊ ကိုကောင်းဆက်ကအခွေသွင်းနေပါသည်။ ကိုထွန်းထွန်းတို့ ကိုကောင်းဆက်တို့  ကိုလေးဖြူကြီးတို့ သည်လင်းစတူဒီယိုထဲတွင် IC အဖွဲ့ နှင့် တရုံးရုံးနောက်လိုက်ပြောင်လိုက်နှင့်လုပ်နေကြသည်မှာ ပျော်ရွှင်စရာပင်၊
သူငယ်ချင်း သင်းဘောသီး ငစိုး အခွေ ၂ ခွေလုပ်တော့ IC မဟုတ်သည့် နံမည်ကြီးတီးဝိုင်း တစ်ခုနှင့် အလတ်စား တီးဝိုင်းတစ်ခု တို့နှင့်အတူ မေစတူဒီယိုထဲတွင် တစ်လခန့် ငစိုးနဲ့  ဒီလင့်ခ်တို့ ညအိပ်ညနေပင် နေပြီိး ရက်ကောဒင်း တွေလုပ်ခဲ့ဖူးပါသည်။ ( အတင်း ပြောမှာ ဖြစ်လို့  ထို တီးဝိုင်းများ နံမည်မတပ်တော့ပါ။ )
အချင်းချင်းစည်းလုံးမှုမရှိဘဲတစ်ယောက်လစ်ရင်တစ်ယောက်အတင်းချပါသည်။ Arranger ကို ကီးဘုတ်သမား က သီချင်းနတ်အတွက်ဘားတွေခွဲ တာ သူ့ အတွက်နည်းနည်းလေးပေးတာ၊အဲဒါသူ့ ကိုချိုးတာသတ်တာဆိုပြီး
မကျေမနပ်အတင်းချပါသည်။ နောက်တော့လည်းခွာတွေပြဲကုန်ပါသည်။ မည်သည့်အလုပ်လုပ်စည်းလုံးမှုမရှိလျှင်အဆုံးမှာပျက်သုန်းရသည်မှာဓမ္မတာပင်။ကိုချစ်စမ်းမောင်တို့ IC Band မြန်မာ့ဂီတလောကတွင်တာဝေးပြေးနေသည်မှာ ၊အောင်မြင်နေသည်မှာ စည်းလုံးညီညွတ်မှု၊ချစ်ခင်မှုကြောင့်ပင်ဖြစ်ပါသည်၊
ကိုချစ်အကြောင်းဆွေးနွေးရင်တော့ပစ်ချော်သွားသဖြင့် ပြန်တည့်လိုက်ပါရစေဦး၊
ကိုချစ်စမ်းမောင်သည်မာန်မာနမရှိသလို၊ရိုးသားကြိုးစားသူ၊ကူညီတတ်သူ၊ သူ ကိုင်ထားသောဂစ်တာကိုသစ္စာရှိသူ Guitarist တစ်ယောက်ဖြစ်ပါသည်။ တူတော်မောင်ဂစ်တာရူး သည်၊ ကိုချစ်စမ်းမောင်ပိုင်သော PTL စတူဒီယိုတွင် သူတီးချင်သောဂစ်တာများကိုအလွတ်သဘော၊အပျော်သဘော သွားသွင်းတော့ကိုချစ်စမ်းမောင်သည် ဂစ်တာ ကဝေ တစ်ယောက် ဖြစ်သော်လည်း တူတော်မောင်တီးသော ဂစ်တာသံများကိုကောင်း၏ဆိုး၏မည်သို့ မျှဝေဖန်ထောက်ပြခြင်းမရှိဘဲ ကျကျနနစိတ်ဝင်တစားဖြင့် တူတော်မောင်တီးချင်ရာတီးသောဂစ်တာဆိုလိုများကို Tracking တွေ
လိုက်ချိန် ကာရက်ကောဒင်း လုပ်ပေးကြောင်း အင်မတန်ကူညီပြီး စိတ်စေတနာကောင်းကြောင်း ပြောပါသည်။
သူသည် မြန်မာမိုနိုလိုင်း ဆရာကြီးများဖြစ်သော ကိုမင်းအောင်တို့ ၊ ကိုထွန်းရင်တို့ ထွက်ရှိသော မြစ်ဝကျွန်းပေါ်မှ ဟင်္သာတနယ် သားလေးဖြစ်ပါသည်။တိတိပပဆိုရလျှင် ဟင်္သာတ မြို့ နယ်အပိုင် ဒန္ဘီအမည်ရှိ ရွာလေးတစ်ရွာတွင်မွေးဖွားခဲ့သူတစ်ဦးဖြစ်ပါသည်။ ဂစ်တာ ကို အသက် ၄နှစ်အရွယ်တွင်စတီးနေပြီဆိုလျှင်လူ
တွေအံ့သြကုန်ကြမည်ဖြစ်ပါသည်။ဟုတ်ပါသည်။ ၄နှစ်သားကျောင်းစနေစဉ်အချိန်တွင်ကျောင်းကပွဲ၌ စင်ပေါ် တက်တီးခဲ့ခြင်းဖြစ်ပါသည်။ အကိုတွေအားလုံးခရစ်ယာန်တွေဖြစ်တော့ ဂစ်တာတီးကြသည်၊ဒီတော့မွေးကတည်းက သွေးထဲမှာ ဂစ်တာတွေစီးဆင်းနေသော ကိုချစ်စမ်း
မောင်လေးကို ကလေးဘ၀ထဲကပင် ဂစ်တာသင်ပေးခဲ့ကြသည်ပေါ့။ အထုံပါရမီရှိသူသည် သင်လွယ်တတ်လွယ် ပါသည်။ အတော်အတန်အသက်ရလာသောချာတိတ်ဘ၀တွင် ရွာတွင်အလှူ၊မင်္ဂလာဆောင် ဧည့်ခံပွဲများတွင် သူ့ နယ်ကတီးဝိုင်း ဆရာ နှင့် အတူ ဂစ်တာလိုက်တီးလျှင်တစ်ရက် ကို ၂၅ ကျပ်ရရှိသည်ဟုသိရပါသည်။
ထိုစဉ်က ရွာတွင်နေထိုင်စဉ် ကိုချစ်စမ်းမောင်တီးခဲ့သောဂစ်တာမှာ ခေတ်ကာလအခေါ်တွင် Resonator Guitar ခေါ် ဂစ်တာကို ပက်လက်လန်ပြီး၊ ဘယ်လက်မှ ဘားတန်းသစ်သားတုံးဖြင့်လိုက်ဖိတီးရသော ၊ မြန်မာဂီတာ မျိုး
ဖြစ်နိုင်သည်ဟုမှန်းဆမိပါသည်။ (မြန်မာ့ရုပ်မြင်သံကြားတွင် မြန်မာမိုနိုသီချင်းများကို ယင်းဂစ်တာဖြင့်တီးသည်ကို ကြည့်ဖူးခဲ့ပါသည်။ ) သို့ ဖြစ်ရာ၊ တစ်ချိန်တွင် ပြည်တွင်းပြည်ပစင်မြင့်ပေါ်၌ မှာ ဂစ်တာကိုပက်လက်လန်ကာ တီးပြသော ကိုချစ်စမ်းမောင်၏ Guitar Skill သည် ရွာမှာသူတီးခဲ့ရသော ဗမာ ဂီတာ ကို မြစ်ဖျားခံခဲ့သည်ဟုလည်း တွက်ဆမိပါသည်။
ရွာမှာနေထိုင်စဉ် တောက်မဲ့မီးခဲတစ်ရဲရဲဖြစ်သော မြန်မာပြည်၏ဂစ်တာသူရဲကောင်းအလျောင်းအလျာသည် လူပျိုပေါက်လေးဖြစ်လာသည့်အခါ ဂစ်တာ ကို စနစ်တကျ ရေဆုံးရေဖျား လိုက်စားချင်လာသလိုရန်ကုန်မြို့ ကြီး ၌လည်း ကျောင်းနေချင်ပါသည်။ဘ၀၏တိုးတက်ရာတိုးတက်ကြောင်းများကိုရှာချင်သည်။
ဒီတော့ရန်ကုန်မြို့ မှာ သူနာပြုဆရာမ လုပ်နေသော အမဖြစ်သူထံ စာရေးပြီး၊ အမနဲ့ အတူရန်ကုန်မှာကျောင်းလာနေရင်း သူချစ်သော ဂစ်တာ မှကြိုး ၆ချောင်း၏ နက်ရှိုင်းမှု ၊ပဟေဠိဆန်မှု တွေကို ရှာဖွေ စူးစမ်းဖော်ထုတ် ချင်ကြောင်းပူဆာသည် ။ အမ က မောင်ဖြစ်သူ၏ဆန္ဒကိုလိုက်လျောခဲ့ပါ၏
နောက်တော့အင်းစိန်က သူတို့ လိုကရင်လူမျိုး မြန်မာပြည်က ဂစ်တာ ဘုရားကြီး ဦးစောဘွဲ့ မှူးနဲ့ တွေ့ သည်။ ဦးဘွဲ့ ကြီး၏ ယုံကြည်စိတ်ချရသော ဂစ်တာ သာဝက တစ်ယောက်ဖြစ်ခဲ့ပေသည်။
ဦးဘွဲ့ ကြီးကို ကိုချစ်စမ်းမောင်စတွေ့ကာစက ဦးစောဘွဲ့ မှူးအစစ်ဟုမထင်မိခဲ့ကြောင်း စာစောင်တစ်ခုတွင်ဖတ်ခဲ့ဘူးပါသည်။ ဦးဘွဲ့ သည် ကိုချစ်စမ်းမောင်နှင့်စတွေ့ချိန်တွင် ဆေးဖြတ်ထားချိန် ဖြစ် လို့ ၊ လက်ကျနေချိန်ဖြစ်ပါသည်။ ထို့ ကြောင့် ကိုချစ်စမ်းမောင်မှ စောဘွဲ့  မှူး မှ ဟုတ်ပါ့မလားဟုထင်ခဲ့ခြင်းဟုသိခဲ့ရခြင်း ဖြစ်ပါသည်။ နောက်တော့ မှ ဦးဘွဲ့ ကြီးသည် တကယ့် ဂစ်တာ ဘုရားကြီးတစ်ဆူဖြစ်ကြောင်းသူယုံကြည် ခဲ့ခြင်း၊ ကိုးစားခဲ့ခြင်းဖြစ်ပါသည်။
ဦးဘွဲ့ ကြီးထံတွင် ဂစ်တာ ကိုစနစ်တကျ ဆည်းပူးလေ့ကျင့်သင်ယူခဲ့ယူမက လက်ထိပ်တွင်ဒုံးပျံတပ်ထားသည့်အလား Guitar Scacle တွေတအားပြေးနိုင် သော ၊ အထူးအားဖြင့် ဂစ်တာဆိုလိုများဖန်တီးရာတွင် Creative Thinker ဖြစ်သော ကိုချစ်စမ်းမောင် အား ဦးစောဘွဲ့ မှူး ဂစ်တာစာမေးပွဲအောင်လက်မှတ် ထုတ်ပေးလိုက်ချိန်တွင်၊ ဥက္ကံမြို့ စိုးသူစတိတ်ရှိုးတွင် သူ့  တပည့်ကို မြန်မာပြည်ရဲ့  အသက်အငယ်ဆုံး ဂစ်တာသူရဲကောင်းတစ်ယောက်အဖြစ်ကြေညာ ပွဲထုတ်ပေးပါသည်။
နောက်တော့ ဦးဘွဲ့ သည် Success တီးဝိုင်းမှ IC ( Iron Cross သူရဲ ကောင်းလေးများ )တီးဝိုင်းအဖြစ်ခွဲ ထွက်လိုက်ပြီး၊ မြန်မာပြည်အနှံ့အပြား ရှိုးပွဲတွေလိုက်တီးသလို၊ စီးရီးခွေပေါင်းများစွာကိုလည်းလက်ခံ
တီးခတ်ပေးပါသည်။ စင်မြင့်ရှိုးပွဲများတွင်ဦးဘွဲ့ ကြီးသည် 1st Lead မတီးဘဲ တပည့်ကျော် ကိုချစ်စမ်းမောင် ကို အထူးယုံကြည်စိတ်ချစွာ 1st Lead ရာထူးကြီးကို အပ်နှင်းထားပြီး၊၄င်းမှ 2nd Lead နှင့်ရမ်သမ်ကိုသာ တီးပါသည်။ စီးရီးခွေများသွင်းရာတွင်လည်းအလားတူပင် တစ်ချို့ သီချင်းများ ကို သူ ကိုယ်တိုင်တီးသော်လည်း အချို့ ဂစ်တာ ဆိုလိုများကို ကိုချစ်စမ်းမောင် ကို Guideline ပေးပြီး တီးခိုင်းပါသည်။ စိုးလွင်လွင်၏မာနမျက်နှာ စီးရီိးသည် ကိုချစ်စမ်းမောင် ၏ဂစ်တာ Skill များကို တိတ်သားပေါ်သို့ စတင်အသက်သွင်းခဲ့သော အခွေပင်ဖြစ်ပါသည်။
ယင်းအခွေမှ မာနမျက်နှာသီချင်း၏ ဂစ်တာ ဆိုလို ၁၆ ဘား လေးကို ကိုချစ်စမ်းမောင်သည်အချိန်ပေါင်းများစွာယူကာ အတော်ပင်ဦးဏှောက်စားခဲ့ရကြောင်းသိရှိရပါသည်။ ယင်းအခွေစသွင်းတော့ ကိုချစ်စမ်းမောင် က ၁၀ ကျောင်းသား တစ်ယောက်မျှသာရှိပါသေးသည်။ အတန်းထဲတွင်ကြွားကြွားဝါ၀ါ ထောင်ထောင်လွှားလွှားနေလေ့ မရှိဘဲ ရိုးရိုးကုပ်ကုပ်လေးသာ နေသူဖြစ်ရာ၊ သူ့  ကို Professional Guitarist တစ်ယောက်မှန်းမည်သူမျှမသိကြ၊
တညလုံး စတူဒီယိုထဲမှာ ရက်ကောဒင်း လုပ်ခဲ့ရတော့ နောက်နေ့ မနက်အတန်းထဲမှာကိုချစ်စမ်းမောင်တစ်
ယောက် အိပ်ငိုက်ငိုက်ပြီးစာရေးစားပွဲပေါ်ကို ခေါင်းငိုက်စိုက်ကျသည်။ သူ့ အိမ်မက်ထဲမှာတော့ ဂစ်တာတွေ..ဂစ်တာတွေ……….