Friday, November 13, 2015

သားဖွားနှင့်မီးယပ် အထူးကုဆရာဝန်ကြီး ဒေါက်တာစိုးလွင် နှင့် မေးမြန်းခြင်း


ဒီတစ်ပတ်မှာတော့ အမျိုးသမီးတိုင်းလိုလို တစ်ချိန် ချိန်မှာမဖြစ်မနေ ကြုံတွေ့ရမယ့် သွေးဆုံးခြင်းနဲ့ပတ်သက် တဲ့ သိမှတ်ဖွယ်ရာတွေကို သားဖွားနဲ့မီးယပ်အထူးကု ဆရာဝန်ကြီးဒေါက်တာစိုးလွင်နဲ့ မေးမြန်းထားတာတွေ ထဲက ရရှိလာတဲ့ ဆောင်ရန်၊ ရှောင်ရန်၊ လေ့လာရန် အ ချက်အလက်တွေကို ဖော်ပြပေးလိုက်ပါတယ်။
►အမျိုးသမီးတွေ သွေးဆုံးတယ်ဆိုတာ ဘာကိုပြော တာပါလဲဆရာ၊ ဆေးပညာရှုထောင့်ကနေ ရှင်းပြ ပေးပါလား။

အမျိုးသမီးတွေက ၄၅၊ ၅ဝ ပတ်ဝန်းကျင် လောက်ရောက်ပြီဆိုရင် သူတို့ရဲ့ခန္ဓာကိုယ်ထဲမှာရှိ တဲ့ သားဥအိမ်ကနေ ဟော်မုန်းတွေထုတ်တာ ရပ် သွားတယ်။ တဖြည်းဖြည်းနဲ့ နည်းလာရာကနေ လုံးဝရပ်သွားရော။ အဲ့ဒီတော့ မိန်းမဟော်မုန်းတွေ မထွက်တော့တဲ့အခါကျတော့ ဓမ္မတာ မလာတော့ ဘူး။ ဓမ္မတာမလာတော့ဘူးဆိုရင် မိန်းကလေးတွေ က သွေးဆုံးပြီပေါ့။ အဲ့ဒီလိုသွေးဆုံးတာက အမျိုး သမီးတိုင်း ကြုံရမယ့် သဘာဝတရားကြီးပါ။ တစ် ယောက်နဲ့ တစ်ယောက်တော့ မတူကြဘူးပေါ့။ အ ကြမ်းဖျင်းအားဖြင့်တော့ အသက်၄၅၊ ၅ဝ လောက် မှာ ဖြစ်တယ်။ အများစုကတော့ ဒီလိုပဲ ဓမ္မတာ မလာတော့တာ၊ ဓမ္မတာကတ ဖြည်းဖြည်းနဲ့ လတွေ လတွေကျော်ကျော်သွားပြီး မလာတော့တာတွေဖြစ် ပြီး ဓမ္မတာရပ်သွားတယ်။ အဲ့ဒါကိုပဲ သွေးဆုံးတယ် လို့ခေါ်တာပါ။
►သွေးဆုံးခြင်းနဲ့ဆိုင်တဲ့ လက္ခဏာတွေကရော ဘာ တွေဖြစ်လာမလဲ။ ကြိုပြီးသိနိုင်အောင်ပြောပြပေး ပါဆရာ။
တစ်ယောက်နဲ့ တစ်ယောက်တော့ မတူဘူးပေါ့။အများဆုံးဖြစ်တာက ဘာလဲဆိုတော့ မီးယပ်ပူ မီးယပ်ချမ်းလို့ခေါ်တဲ့ မျက်နှာတွေ လည်ပင်းတွေ၊ ရင်ဘတ်တွေ ရှိန်းရှိန်း ရှိန်းရှိန်းနဲ့ပူမယ်။ နောက်ပြီး ချမ်းသွားပြန်ရော၊ ညကြီးမှာလည်း ချွေးတွေ မတ ရားထွက်ပြီး လန့်နိုးတာတို့ဖြစ်တယ်။ အဲ့ဒါမျိုးတွေ ဖြစ်တတ်တာပေါ့။ နောက်ပြီး ညအိပ်မပျော်တာ တွေဖြစ်တယ်။ တချို့တွေကျတော့ စိတ်မှာအပြောင်း အလဲတွေဖြစ်တယ်။ ဒေါသထွက်တာတို့ တစ်ခါတ လေကျလို့ရှိရင် ဘာမှမဟုတ်တဲ့အကြောင်းနဲ့လည်း ငိုချင်နေတာပေါ့။ ငိုချင် ငိုနေမယ်။
နောက်ပြီးတော့ အိမ်ထောင်ရှင်တွေမှာ မယုံသင်္ကာဖြစ်တာတွေ လည်း
ဖြစ်တက်တယ်။ ယောက်ျားကို အဲ့ဒီလိုမျိုး တွေဖြစ်တယ်။ နောက်ပြီးမိမိယောက်ျားကို စိတ်ကုန် တာတွေရှိတယ်။ ကိုယ့်ကလေးတွေနဲ့လည်း ဘာမ ဟုတ်တာလေးနဲ့ စိတ်ဆိုးစိတ်ကောက်တာတွေ ဖြစ် တယ်။ စိတ်တွေနဲ့ပတ်သက်ပြီးကတော့ မျိုးစုံဖြစ် တယ်။ ဒါတွေကို သွေးဆုံးတဲ့လက္ခဏာတွေလို့ ပြော ကြတယ်။
►သွေးဆုံးတာရဲ့နောက်ဆက်တွဲ ကိစ္စရပ်လေးတွေ ကရော ဘာတွေ ဖြစ်မလဲဆရာ။
ထပ်ပြီးတော့ သိရမယ့်အကြောင်းလေးတွေ လည်းရှိတယ်။လက္ခဏာတွေ အဲ့ဒီလိုတွေ ပြပြီဆို လို့ရှိရင် ဘာတွေဖြစ်သေးလဲဆိုတော့ တဖြည်းဖြည်း နဲ့ ရက်ပိုကြာလာပြီဆိုလို့ရှိရင် မျိုးပွားအင်္ဂါတွေမှာ မွေးလမ်းကြောင်းတွေ၊ ဆီးသွားတဲ့နေရာတွေမှာရှိတဲ့ အရေပြားတွေက ခြောက်သွေ့ပြီးတော့ အရည်တွေ ဘာတွေ သိပ်မထွက်တော့ဘဲနဲ့ ယားယံတာတွေဘာ တွေဖြစ်တတ်တယ်။ နောက်တစ်ခုက အိမ်ထောင် ရေးတွေမှာ ပြဿနာတက်တာက စိတ်မပါတော့ တာ၊ နာကျင်တာတို့ဖြစ်တတ်တယ်။ အတူတူနေတဲ့ ကိစ္စတွေမှာ သာယာမှုမရှိတာတွေ
နည်းလာတာတို့ ဖြစ်တတ်တယ်။ ပွန်းပဲ့တာတွေ ဖြစ်တတ်တယ်။ နောက် ဆီးမထိန်းနိုင်တာတွေ ဖြစ်တတ်တယ်။ ချောင်းဆိုးရင် ဆီးမထိန်းနိုင်တာတို့ ဖြစ်တယ်။
►သွေးဆုံးခြင်းနဲ့ ပတ်သက်ပြီး နောက်ထပ် ကျန်းမာရေးပြဿနာတွေရှိရင်
လည်းကြိုတင်ကာကွယ်လို့ရ အောင်ပြောပြပေးပါဆရာ။
ဘာတွေဖြစ်တတ်သေးလဲဆိုတော့ ဟော်မုန်း အပြောင်းအလဲတွေကြောင့် အရိုးတွေပွ အရိုးပါးတာ တွေဖြစ်တတ်တယ်။ နောက်ပြီးတော့ အမျိုးသမီးတွေ အသက်ကြီးလာပြီဆိုလို့ရှိရင် ချော်လဲတဲ့အခါတွေ မှာ လက်လေးနဲ့ ထောက်ရုံလေးနဲ့ ကျိုးသွားတာ တွေဖြစ်တတ်တယ်။ လက်ကောက်ဝတ် အရိုးတွေ ကျိုးတာ။ ပေါင်ရိုးတွေကျိုးတာ။ အဲ့ဒါမျိုးတွေဖြစ် တတ်တယ်။ အလွယ်အကူနဲ့ ကျိုးသွားတတ်တယ်။ နောက်ဒီထက်ပိုပြီး ကြာသွာရင်တော့ ခါးတွေကုန်း တာတို့၊ ခါးမှာရှိတဲ့အရိုးတွေ ကျိုးပဲ့ကုန်တာတွေဖြစ် တတ်တယ်။
နောက်ပြီးတော့ အမျိုးသမီးတွေမှာ နှလုံးသွေးကြောကျဉ်းတဲ့ ရောဂါတွေက ပိုဖြစ်လာ တယ်။ အရင်တုန်းက ဟော်မုန်းတွေက အဲ့ဒါတွေ မဖြစ်အောင် ကာကွယ်ပေးထားတာခုလို ဟော်မုန်း လည်းမထွက်ရော နှလုံးသွေးကြောကျဉ်း ပြီးတော့ ရင်ဘတ်အောင့်တာတို့ ပိုပြီးတော့ ဖြစ်တတ်တယ်။
►အမျိုးသမီးတစ်ယောက်သွေးဆုံးပြီဆိုရင် မိသားစု တွေကရော ဘယ်လိုမျိုးတွေနားလည်ပေးဖို့လိုမလဲ။
ပထမအရေးအကြီးဆုံးကတော့ အဲ့ဒီသဘာဝ တရားကြီးကို အမျိုးသမီးတွေ၊ သူ့ရဲ့ မိသားစုတွေ အနေနဲ့ အမှန်အတိုင်းနားလည်ဖို့တော့ လိုတာပေါ့ နော်။ သဘာဝတရားဖြစ်တဲ့အတွက် ဒါမျိုးတွေက ကြုံရတတ်တယ်။ တချို့တွေကအဲ့ဒါမျိုးတွေဖြစ်လာ ရင်လုံးဝလက်မခံတဲ့ သူတွေလည်းရှိတယ်။ တချို့ ဆို စိတ္တဇပဲဖြစ်သလိုပုံစံမျိုးနဲ့ မိသားစုကလည်း အဲ့ ဒီအချိန်မျိုးကျရင် နားမလည်ဖြစ်ပြီး စိတ္တဇဆရာဝန် ဆီရောက်တာတို့၊ တောတွေမှာဆို ပယောဂဝင်တယ် ဆိုပြီးတော့ ဖြစ်တတ်တယ်။ မိသားစုအနေနဲ့က လည်း ဒီသဘာဝတရားကို နားလည်ရမယ်။ မိမိအ နေနဲ့ကလည်း ဘာလုပ်ဖို့လိုသလဲဆိုတော့ သဘာဝ တရားကိုလက်ခံဖို့လိုတယ်။ မိမိဘဝကိုအလိုက်သင့် နေနိုင်အောင် ပုံစံကိုအလိုက်သင့်ပြောင်းလဲရမယ်။
►သွေးဆုံးတယ်ဆိုတာကတော့ အမျိုးသမီးတိုင်းဖြစ် တတ်ပါတယ်။ ဒါပေမဲ့ အဲ့ဒီလိုဖြစ်ချိန်မှာ ကျန်းမာ ရေးအမြင်နဲ့ ဘာတွေကြိုတင်ပြင်ဆင်ရပါမလဲ။
ဘာတွေ ပြောင်းလဲပေးရမလဲဆိုတော့ ဟော် မုန်းတွေ ပြောင်းလဲသွားတဲ့ ကိစ္စတွေမှာ သဘာဝ ဟော်မုန်းဖြစ်တဲ့ ပဲနို့တို့၊ ပဲပုတ်တို့၊ ပဲပိစပ်တို၊့ တို့ ဟူးတို့ အဲ့ဒါမျိုးလေးတွေကို စားရမယ်။နောက်ပြီး တော့ အရိုးတွေ သန်စွမ်းဖို့အတွက် နို့နဲ့ နို့ထွက် ပစ္စည်းတွေကို စားရမယ်။
Popular News Journal
Saw Noi Nay Saing - Putao

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...