Saturday, September 19, 2015

ကယ်လဖိုးနီးယားမြို့နေ၊မောင်ဇူကာဘတ်ထံသို့ပေးစာ (မင်းဒင်)



(တစ်)
အမေရိကန်ပြည်၊ကယ်လဖိုးနီးယားမြို့နေ၊မောင်ဇူကာဘတ်ထံ၊ခေတ္တထိုင်းနိုင်ငံ
ဖူးခက်မြို့နေ၊ရွှေပင်သားကျွန်ုပ်ဦးကြီးဒင်မှ၊လေးစားစွာစာရေးအကြောင်းကြား သိစေအပ်ပါ၏။
ကျွန်ုပ်အနေဖြင့်၊မောင်ဇူကာဘတ်ထံစာရေးသားမည်ဟု
စိတ်ကူးပေါ်သည်နှင့်၊မောင်ဇူကာဘတ်၏ လိပ်စာအတိအကျကို၊
ခင်မင်ရင်းနှီးသည့်၊ မိတ်ဆွေတချို့မှတဆင့်တတ်အားသမျှ စုံစမ်းရှာဖွေခဲ့ပါသော်လည်း
၊မောင်ဇူကာဘတ်၏၊ ချမ်းသာကြွယ်ဝမှု၊
နာမည်ဂုဏ်သတင်းကျော်ကြားမှုနှင့်ကြီးမားလှသောသြဇာကိတ္တိမကြောင့်ဟုလော
မဆိုနိုင်။ ဝီကီစာမျက်နှာတွင်ပင်၊မောင်ဇူကာဘတ်၏လိပ်စာကို
သုံးလေးမျိုးခန့်တွေ့ရသည်ဟုဆိုကြပေရာ၊အဖြစ်နိုင်ဆုံးဟုယူဆရသည့်၊
ကယ်လီဖိုးနီး ယားနေအိမ်သို့ပင်၊ရွေးချယ်လိပ်မူလိုက်ရပေသည်။
မည်သို့ဆိုစေ၊ကမ္ဘာကြီးပေါ်တွင်၊ကလီရှေးကာလများနှင့်မတူ၊
လွယ်ကူစွာချိတ်ဆက်နိုင်သော၊လူမှုဆက်သွယ်ရေးကွန်ယက်ကြီး၏
အာနုဘော်ကြောင့်၊ဤစာသည်မောင်ဇူကာဘတ်ထံ၊မချွတ်ဧကန်၊ဒုတ် ဒုတ်ထိ၊ချောမောစွာရောက်ရှိမည်ဟုကျွန်ုပ်ကောင်းစွာယုံကြည်မျှော်လင့်မိပါ၏။
ဤစာကိုရေးရခြင်းမှာလွန်စွာစိတ်မချမ်းမမြေ့ဖြစ်ရခြင်းကြောင့်ဖြစ်ကြောင်း၊
ကျွန်ုပ်ဦးစွာဝန်ခံလိုသည်။သို့သော်၊ကျွန်ုပ်၏စိတ်ခံစားမှုကိုရှေးဦးစွာရေးသား
မဖော်ပြမီ၊သူတထူး၏ကျေးဇူးကိုအထူးဆင်ခြင်အောက်မေ့ရမည်ဟူသော၊
သူတော်ကောင်းတို့၏အဆုံးအမနှင့်အညီ၊မောင်ဇူကာဘတ်သည်
ကျွန်ုပ်အပေါ်၌ကျေးဇူးရှိခဲ့ကြောင်း၊ဖော်ပြလိုပါ၏။
မှန်ပေသည်၊မောင်ဇူကာဘတ်။လွန်ခဲ့သောဆယ်နှစ်ကျော်က၊
ထိုင်းနိုင်ငံဖူးခက်မြို့သို့ရောက်ရှိကာ၊ဇာတိနိုင်ငံ၊ဆွေမျိုးရင်းချာများသာမက
မိတ်ဆွေသင်္ဂဟများနှင့်ပါ၊အဆက်ပြတ်လျက်၊တစ်ကိုယ်တည်း
အထီးကျန်ဘဝရောက်ရချိန်တွင်၊သင်ထူထောင်ဖွဲ့စည်းအပ်သော
ဖေ့စ်ဘွတ်၏ကောင်းမှုကြောင့်၊လွန်ခဲ့သောငါးနှစ်ခန့်မှစ၍၊
ဆိုခဲ့သောသူများနှင့်ပြန်လည်ဆက်သွယ်နိုင်ကာ၊ကျွန်ုပ်၏ဘဝမှာ
မိုးဆန်းပန်းနှယ်လန်းခဲ့ရပါ၏။
ယင်းကျေးဇူးတရားကြောင့်ပင်၊မောင်ဇူကာဘတ်တစ်ယောက်၊
ချမ်းသာကိုယ်စိတ်မြဲစေရန်၊ကျွန်ုပ်မှ၊တွင်တွင် ကြီးမေတ္တာပို့သအပ်ပါ၏။
(နှစ်)
အမောင်ဇူကာဘတ်၊သင်ကားသူတော်ကောင်းတရားနှင့်ပြည့်စုံသူဟု
ကျွန်ုပ်အလေးအနက်ယုံကြည်လျက်ရှိ၏။အသက်နှစ်ဆယ်ဝန်းကျင်အရွယ်ကပင်၊
သာမန်ယောက်ျားတို့၊မကြံစည်မစွမ်းသာသည့်၊ဖေ့စ်ဘွတ်တည်းဟူသော၊
ကမ္ဘာကျော်အံမခန်းလူမှုကွန်ယက်စာမျက်နှာကြီးကို၊လက်မွန်မဆွ
တည်ထောင်နိုင်ခဲ့သူဖြစ်ရာ၊ ဂျာမန်၊ဂျူးနွယ်ဖွားသင်၏ပါရမီကားထူးလှချေသည်။
ထို့ပြင်တဝ၊သင်သည်ကုဋေဘီလျံချီ၍ကြွယ်ဝနေသူပင်ဖြစ်လင့်ကစား၊
ယနေ့အချိန်အထိရုံးတက်ရာ၌၊ များသောအားဖြင့် သာမန်တီရှပ်အင်္ကျီကိုသာ ဝတ်ဆင်လေ့ရှိကြောင်းကြားသိရပြန်ရာ၊မင်္ဂလာတရားနှင့် အညီကိုယ့်ကိုယ်ကိုနှိမ့်ချလျက်၊ခြိုးခြံစွာနေထိုင်နိုင်သူဖြစ်၍၊
ကျွန်ုပ်၏တူသားအရွယ်ဖြစ်လင့်ကစားပို၍လေးစားရပြန်ပါသည်။
မောင်ဇူကာဘတ်၊လူအများအပေါ်သင်၏ကျေးဇူးတရားကား
ကြီးမားမြားမြောင်လှပါ၏။ဖေ့စ်ဘွတ်၏ကျေးဇူးကြောင့်၊
မည်သို့မျှပြန်လည်ဆုံတွေ့ရန်မဖြစ်နိုင်ကြသူတို့ပြန်လည်
ဆုံတွေ့ပေါင်းဖော်ခွင့်ရကြ၏။
အထီးကျန်ဖြစ်နေသူတို့အတွက်စိတ်ထွက်ပေါက်ကိုပေး၏။
များစွာသောသူအချင်းချင်း၊အဆွေခင်ပွန်းဖွဲ့ ခွင့်ရကြ၏။
အတွေးအမြင်တို့ကိုဖလှယ်နိုင်၏။
မှတ်ဖွယ်ဖတ်ထိုက်သောခြင်းရာ၊ကြီးစွာသောဗဟုသုတ
တို့ကိုလေ့လာခွင့်ရကြ၏။
ထိုမျှမကသေး။ကမ္ဘာတဝှမ်းမှလူမဆန်စွာမတရားသဖြင့်
ဖိနှိပ်ရက်စက်မှုများ၊ကိုယ်ကျိုးရှာမှုများအစရှိ သည်တို့ကို၊ လူအသိုင်းအဝန်းမှဆန့်ကျင်ရှုံ့ချ၊ပစ်ပယ်လာစေရန်
၊ဖေ့စ်ဘွတ်ကပင်စွမ်းဆောင်ပေးပြန်၏။တရုတ်၊
ထိုင်ဝမ်နိုင်ငံတို့မှဖြစ်ရပ်တို့သည်ထင်ရှားသောနမူနာပြယုဂ်များဖြစ်၏။
ထို့ထက်ပို၍ကျေးဇူးကြီးမားသည်ကား၊ကျွန်ုပ်၏ဇာတိနိုင်ငံဖြစ်သောမြန်မာပြည်မှ၊
အာဏာရှင်ကိုယ်ကျိုးရှာသမားတို့၏၊လုပ်ရပ်တို့ကို၊မြန်မာပြည်သူတို့အကြား
၊ဖော်ထုတ်တင်ပြလာနိုင်သည်ဖြစ်ရာ၊ရာစုနှစ်ဝက်နီးပါးကွယ်ပျောက်နေခဲ့သည့်
လူသားအခွင့်အရေးတို့ပြန်လည်ရရှိခဲ့ခြင်းမှာဖေ့စ်ဘွတ်တည်းဟူသော
မီးရှူးတန်ဆောင်ကြောင့်ပင် ဖြစ်ပါ၏။သို့သော်…။
(သုံး)
မောင်ဇူကာဘတ်။ကျွန်ုပ်ဆိုလတ္တံ့သော၊သို့သော်..၊အား၊သင်ကောင်းစွာ
ဖတ်ရှုနှလုံးသွင်းစေလိုပါ၏။
လွန်ခဲ့သောသုံးရက်ခန့်၊နံနက်စောအချိန်တွင်၊ကျွန်ုပ်၏ဖေ့စ်ဘွတ်စာမျက်နှာကို
ဖွင့်လိုက်မိရာ၊ကျွန်ုပ်၏ စာမျက်နှာအမည်(Min Din)ဟူသော စာတမ်းကိုမတွေ့ရပဲ၊ကျွန်ုပ်၏နိုင်ငံကူးလက်မှတ်တွင်ဖော်ပြထား သည့်၊ ကျွန်ုပ်၏အမည်ရင်းကိုထူးဆန်းစွာတွေ့မြင်ရပါသည်။
ထိုရက်မတိုင်မီက၊ကျွန်ုပ်၏ဖေ့စ်ဘွတ်စာမျက်နှာဖွင့်မရတော့သဖြင့်၊
လုပ်ထုံးလုပ်နည်းအတိုင်းဆောင်ရွက်ခဲ့ရာ၊ဖေ့စ်ဘွတ်မှ
ကျွန်ုပ်၏နိုင်ငံကူးလက်မှတ်မိတ္တူနှင့်ကျွန်ုပ်ရေးသားခဲ့သော
စာအုပ်တို့၏ဓာတ်ပုံများကိုစိစစ်နိုင်ရန်အလို့ငှာပြန်လည်ပေးပို့ခဲ့ရပါသည်။
ကျွန်ုပ်သည်ကျွန်ုပ်၏မိဘများခေါ်ဆိုသမုတ်အပ်သောအမည်ရင်းကို
ထိန်ချန်လျှို့ဝှက်ထားရန်မည်သည့်အခါကမျှ၊စိတ်မကူးခဲ့ချေ။ရှက်ရွံ့သိမ်ငယ်ရန်လည်း
အကြောင်းလည်းမရှိချေ။
အဘယ်ကြောင့်ဆိုသော်၊ကျွန်ုပ်သည်ကျွန်ုပ်ဖြတ်ကျော်ခဲ့သောဘဝအဖြစ်သနစ်မျိုးစုံကို၊
မခြွင်းမချန်ဖော်ပြဝန်ခံရေးသားခဲ့သူတစ်ဦးဖြစ်သောကြောင့်ပင်တည်း။
ကျွန်ုပ်သည်စာရေးသူတစ်ယောက်ဖြစ်သည်ဟူသောအချက်အား၊
သင်သည်လည်းကောင်း၊သင်၏မြန်မာကိုယ်စားပြုဝန်ထမ်းတို့သည်လည်းကောင်း၊
သတိမမူမိခဲ့ခြင်းပေလော။သိလျက်နှင့်ပင်တမင်ရည်ရွယ်ဖန်တီးလေသလော
ကျွန်ုပ်မဝေခွဲနိုင်ချေ။ထို့အတူ၊ရုတ်ခြည်းစွပ်စွဲပြစ်တင်ခြင်းအမှုကိုလည်း
ကျွန်ုပ်မပြုလို။ထို့ကြောင့်ဤစာကိုရေးရခြင်းဖြစ်လေသည်။
အချင်းမောင်ဇူကာဘတ်။စာရေးသူတို့တွင်ကလောင်အမည်ဟူသည်ရှိ၏။
ကမ္ဘာအနှံ့အပြားရှိစာပေရေးသားနေသူတိုင်းလိုလို၌ကလောင်အမည်ရှိကြ၏။
စာရေးသူတို့မည်သည်၊မိမိ၏ခံစားချက်ကိုဖွင့်ဟရာ၌လည်းကောင်း၊
အဆုံးတရားမဲ့သောအနုစာပေတို့ကိုဖန်တီးရာ၌လည်းကောင်း
၊မိမိ၏ပကတိလက်ရှိဘဝ ကိုမေ့ဖျောက်ထားလိုကြသည်မှာ၊ သဘာဝကျလှသောဓမ္မတာသဘောဖြစ်၏။
သို့မှသာ၊တဲကုပ်အတွင်းမှ စာရေးသူသည်၊ သူ၏စိတ်ဝိဥာည်ကိုရွှေနန်းတော်ထိတိုင်စေလွှတ်ခံစားနိုင်ကောင်းရာ၏။
ထမင်းနပ်မမှန် သောစာရေးသူသည်လည်း၊မတောင့်မတ၊မကြောင့်ကျရသော
ဘဝများကိုခံစားချယ်မှုန်းနိုင်ရာ၏။
မတ ရားမှု၊ယုတ်မာရက်စက်မှုများကို၊ လည်စင်းခံခဲ့နေရသော၊စာရေးသူတစ်ဦးသည်လည်း၊သူယုံကြည်ရာ၊ အမှန်တရား၊လောကပါလတရားတို့ကိုဖော်ထုတ်ရေးသားဖြန့်ဖြူးနိုင်ရာ၏။
အမောင်ဇူကာဘတ်။သင်သည်အထက်ပါခြင်းရာတို့ကိုမေ့လျော့
ပစ်ပယ်လေယောင်တကား။
(လေး)
အချင်းဇူကာဘတ်။အလျဉ်းသင့်သည်ဖြစ်သောကြောင့်ကျွန်ုပ်ဆက်၍ဆိုဦးအံ့။
ကျွန်ုပ်ဖေ့စ်ဘွတ်ကိုအသုံးပြုခဲ့သည်မှာငါးနှစ်တာကာလအတွင်းသို့ချဉ်းနင်း
ဝင်ရောက်ခဲ့ပေပြီ။ကျွန်ုပ်၏စာမျက်နှာတွင်၊မွေးသက္ကရာဇ်၊နေရပ်၊
အီးမေးလ်လိပ်စာ၊တယ်လီဖုန်းနံပတ်၊အိမ်ထောင်ရေးအခြေအနေ အစရှိသည်တို့ကို၊ပြည့်စုံစွာဖော်ပြထားခဲ့၏။ကျွန်ုပ်ရေးတင်ခဲ့သမျှသောစာတို့တွင်၊
လူသားအချင်းချင်း မုန်းတီးစေရန်လည်းကောင်း၊ အကျိုးမဲ့ပျက်စီးစေရန်လည်းကောင်း၊တပိုဒ်တပါဒမျှမပါရှိသည်ကို၊သင် သတိကောင်းစွာချပ်စေလိုပါသည်။
မတရားမှုတို့ကိုကွင်းကွင်းကွက်ကွက်မြင်သာရန်အလို့ငှာမူ၊ကျွန်ုပ် စိုက်လိုက်မတ်တတ်ရေးသားခဲ့၏။ဤကားချစ်ခြင်းမုန်းခြင်းကြောင့်မဟုတ်မူပဲ၊
ကျွန်ုပ်၏ဇာတိနိုင်ငံတွင် လောကပါလတရားထွန်းကားရေးသို့သာ
ဦးတည်သည်ဖြစ်၏။ကျွန်ုပ်ကိုယ်ကျိုးတစ်စုံတစ်ရာမပါချေ။
ထို့ပြင်ထူးခြားသောတိုက်ဆိုင်မှုကိုကျွန်ုပ်ဖော်ပြလိုသေးသည်။
လာမည့်နှစ်လဝန်းကျင်မကြာမီရက်ပိုင်း များတွင်၊မြန်မာပြည်၌ အထွေထွေရွေးကောက်ပွဲကြီးကျင်းပတော့မည်ဖြစ်၏။
ယင်းအချိန်တွင်၊မြန်မာအစိုးရပြန်ကြားရေးဝန်ကြီးဋ္ဌာနနှင့်သမ္မတရုံးတာဝန်ရှိသူတို့မှ၊
ဆိုးကျိုးပေါ်ပေါက်နိုင်သောဖေ့စ်ဘွတ်အသုံးချ မှုလျော့နည်းရေးခေါင်းစဉ်တပ်ကာ၊မြန်မာပြည်သူတို့၏လူ့အခွင့်အရေးကို
တားဆီးပိတ်ပင်ကန့်သတ်ရန် အားထုတ်လာသည်ကိုတွေ့ရပါသည်။
ဆိုးကျိုးတို့ကိုပိတ်ပင်ခြင်းကားနားဝင်ချိုလှပါ၏။ဖြစ်လည်းဖြစ်ထိုက်လှပါ၏။
ဖေ့စ်ဘွတ်စာမျက်နှာများ ပေါ်တွင်၊အမုန်းတရား၊အကြမ်းဖက်မှု၊စသည်တို့ကို
၊ဖော်ပြရန်မသင့်သည်မှာလည်း၊မှန်ပါ၏။ကျွန်ုပ်တို့ ဝန်းရံအားပေးရမည့် ကိစ္စရပ်များလည်းဖြစ်ပါ၏။သို့သော်လူကြားကောင်းသောခေါင်းစဉ်လှလှတပ်၍ ၊မြန်မာပြည်သူတို့၏လူ့အခွင့်အရေး၊သာယာဝပြောသောလူ့ဘောင်သစ်တစ်ရပ်
ထူထောင်ရေးမျှော်မှန်းချက်တို့ကိုမူ၊မထိပါးသင့်၊အမှန်တရားကိုမချေမှုန်းသင့်ကြောင်း၊
သင်နှင့်တကွတာဝန်ရှိသူတို့အားထောက်ပြသတိပေးလိုပါ၏။
တမ္ဘာလုံးကိုလွှမ်းခြုံထားသောဖေ့စ်ဘွတ်ကွန်ယက်ကမ္ဘာ့လူသားတို့အတွက်၊
မတရားမှု၊ဖိနှိပ်မှုတို့ကို မျှဝေရင်ဖွင့်ရာဖြစ်၍ ယင်းအခွင့်အရေးကိုမြန်မာပြည်သူတို့ရထိုက်ပေသည်။
ငွေကြေးမျက်နှာတစ်ခုတည်းကိုကြည့်၍၊အာဏာရအစိုးရ၏အာဘော်အတိုင်း၊
အလိုတူအလိုပါကျင့်သုံးဆောင်ရွက်နေမည်ဆိုပါက၊ မောင်ဇူကာဘတ်၏
ဥစ္စာဓနသည်၊သမာအာဇီဝကျစွာရရှိသည့်စည်းစိမ်းချမ်းသာဟုမဆိုနိုင်လေ။
ယင်းသို့သောအခြေအနေကို၊မြန်မာပြည်ဆိုင်ရာဖေ့စ်ဘွတ်တာဝန်ရှိသူတို့ကို၊
လက်ရှိအစိုးရနှင့်တကျိတ်တည်းတဥာဏ်တည်း၊အလိုတူ
အလိုပါကျူးလွန်ဖောက်ဖျက်နေသည်လည်း၊ဖြစ်တန်ချေရှိ၏။
မည်သို့ပင်ဆိုစေကာမူ၊ဖော်ပြပါကိစ္စရပ်အတွက်၊အသင်ဇူကာဘတ်တွင်၊
လုံးလုံးလျားလျားတာဝန်ရှိနေကြောင်း၊ ကျွန်ုပ်လေးနက်စွာအသိပေးလိုသည်။
(ငါး)
အမောင်ဇူကာဘတ်။သင်ထူထောင်အပ်သောဖေ့စ်ဘွတ်စာမျက်နှာ၏
မြန်မာပြည်ဆိုင်ရာပေါ်လစီလုပ်ထုံးလုပ်နည်းသည်၊မတရားမှုဖက်မှ
ရပ်တည်လျက်ရှိ၏။မြန်မာ့ဖေ့စ်ဘွတ်စာမျက်နှာတွင်၊အမုန်းတရား၊ အကြမ်းဖက်မှု၊မောင်နှင့်နှမ၊သားနှင့်အမိ၊မကြားဝံ့မနာသာ၊
ဆဲဆိုရေးသားဖော်ပြနေသူများမှာ၊မည်သူ မည်ဝါ၊မည်သူတို့၏ ဘက်တေ်ာသား၊မည်သူတို့ကနောက်ကွယ်မှနေ၍အားပေးအားမြှောက်ပြုလျက်ရှိ သည်ကို၊သင်ကဲ့သို့ပညာဥာဏ်ကြီးသူက၊အခြားသူတို့ထက်မြင်ထိုက်၏။
သိထိုက်၏။ဆင်ခြင်ထိုက်၏။
သင့်စည်းစိမ်းချမ်းသာတစ်ခုတည်းအလို့ငှာမြန်မာပြည်သူတို့၏ဘဝအား
နူရာဝဲမစွဲစေသင့်၊
လဲရာသူခိုးမထောင်းလင့်။ရေနစ်သူကို ဝါးကူမထိုးသင့်၊
အမှားတရားဖက်မှခြေကန်မရုန်းသင့်။
အထက်ပါတို့ကိုထောက်ချင့်လျက်၊မောင်ဇူကာဘတ်အနေဖြင့်
၊မြန်မာပြည်အပေါ်ဖေ့စ်ဘွတ်၏သဘော ထားလုပ်ရပ်တို့ကို၊ အချိန်မီပြင်လည်ကြပ်မတ်ပြင်ဆင်ပါရန်၊မေတ္တာရှေ့ထားလျက်၊
ကျွန်ုပ်သတိပေးလိုပါ ၏။
နိဂုံးအားဖြင့်ကျွန်ုပ်ပြောလိုသည်မှာ၊သင်ပိုင်ဆိုင်သောဖေ့စ်ဘွတ်အနေဖြင့်၊
ကျွန်ုပ်၏ကလောင်အမည်အား သေးသိမ်မှုန်ဝါးစေလျက်၊
နာမည်ရင်းကိုဖော်ပြရုံမျှမက၊ချက်ကြီး၊တုတ်ကြီး၊ဒင်ကြီးစသည့်အမည်များသို့
ပြောင်းလဲပစ်သည်ဖြစ်စေ၊နတ်မောက်သွေးစစ်စစ်ဖြစ်သောကျွန်ုပ်သည်၊
မတရားမှုတို့ကိုဆက်လက်ဖော်ထုတ် ရေးသားနေမည်သာဖြစ်ပါသည်။
နောက်ဆုံးအနေအားဖြင့်၊သင့်ပိုင်ဖေ့စ်ဘွတ်မှကျွန်ုပ်အားအပြီးတိုင်မောင်းထုတ် သည်ဖြစ်စေဦး။လောကကြီးတွင်တရားမျှတမှုတို့၊ပေါ်ပေါက်လာစေရန်
ကျွန်ုပ်ရနိုင်သမျှနည်းလမ်းမျိုးစုံဖြင့်၊ အပတ်တကုတ်ဆက်လက်ကြိုးပမ်း အားထုတ်နေဦးမည်ဖြစ်ကြောင်း၊သင်ယုံကြည်စေလို၏။
မတရားမှုသည်၊သင်ဖုံးကွယ်ရန်ကြိုးပမ်းရုံမျှနှင့်၊ပျောက်ကွယ်သွားမည့်မဟုတ်။
အမှန်တရားကိုလိုလားသောလူသားတိုင်းက၊လာမည့်ခေတ်အဆက်ဆက်တွင်၊
ကမ္ဘာကြေသော်ငြား၊ဥဒါန်းမကြေစတမ်းဆက်လက်ဖော်ထုတ်
နေကြမည်သာဖြစ်ကြောင်း၊
သင်သတိနှလုံးမူစေလိုပါသည်။
မေတ္တာတရားဖြင့်
မင်းဒင်
ဖူးခက်ကျွန်း၊
ထိုင်းနိုင်ငံတောင်ပိုင်း။
၂၀၁၅ခုနှစ်၊စက်တင်ဘာ(၁၃)ရက်

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...