ဒင့်အသက်ရှည်သမျှပါခင် (မင်းဒင်)

U Kyi Nyunt

(တစ်)
မြူတိမ်ကင်းသည့်နေ့လည်ခင်းတခုဖြစ်လေသည်။
ယိုးဒယားပြည်ဖူးခက်မြို့၊အမ်မခမ်အရပ်ရှိ
ကျွန်ုပ်နေထိုင်ရာအိမ်အိုကြီး၏ခြံဝင်းရှေ့သို့၊(Farrari-F60)အမျိုးအစား၊နောက်ဆုံးပေါ်ဇိမ်ခံကားကြီးတစ်စီး၊
မ ထင်မှတ်ပဲထိုးဆိုက်လာသည်ကို၊အပေါ်ထပ်ဝရန်တာဆီမှနေ၍၊ ကျွန်ုပ်တအံ့တသြငေးမော ကြည့်ရှုနေမိ၏။

အဆိုပါမော်တော်ကားမှာ၊ကာလတန်ဖိုးအားဖြင့်၊
အမေရိကန်ဒေါ်လာသုံးသန်းနီးနီးတန်ဖိုးရှိ၏။
သို့သော်..၊အဆိုပါကားပေါ်မှ၊
ဆင်းလာသူကလေး၏ခြေလှမ်းများကား၊
တလှမ်းလျှင်၊အမေရိကန်ဒေါ်လာဘီယံချီ၍တန်လောက်သည့်
၊ခြေလှမ်းတို့ဖြစ်ပါချေသည်။ရှုပါလော့။
သူကလေး၏လှမ်းဟန်မှာဆင်မယဉ်သာကဲ့သို့ရှိလေရာ၊
ယဉ်မူရာသွင်၊လှခေါင်ကြော့ဆုံးဟုထင်ရလောက်၏။
စဉ်းငယ်တိုသည့်၊စကပ်ကြားမှ၊သွယ်လျဖြောင့်စင်းသော
ပေါင်တံတို့သည်၊မြင်သူတကာတို့၏သည်းအူနှလုံးကို
ဆွဲယူကြေပြုန်းစေယောင်တကား။
ဖွံ့ထွားလှသောရွှေရင်အစုံသည်ကျွန်ုပ်၏
ရင်ခုန်သံစည်းချက်ကို၊ဗြောင်းဆန်အောင်မြန်စေလေသည်။
မင်္ဂလာရှိသော၊ဧည့်သည်တော်၊သူကလေးကိုကြိုဆိုရန်၊
ကျွန်ုပ်ကိုယ်တိုင်ပင်၊အိမ်ပေါ်မှအပြေးဆင်းကာ၊
ခြံတံခါးကိုဖွင့်လိုက်သည်တွင်၊အလှတွင်
အယဉ်ဆင့်လျက်ပြစ်မျိုးမှဲ့မထင်သော၊
သူကလေးသည်ရွှင်မြူးဝမ်းသာ၊ချိုမြိန်လှစွာသော၊အသံဖြင့်၊
ကျွန်ုပ်၏ကိုယ်လုံးကိုသူ၏လက်အစုံဖြင့်သိမ်းကျုံးပွေ့ဖက်လေရာ၊
ကျွန်ုပ်ကား၊ဓာတ်လိုက်သလိုလို၊နတ်ပူးသလိုလို
တုန်ရီလှိုက်မောရလျက်၊အလိုက်သင့်ပြန်လည်ယောင်ယမ်းပွေ့ဖက်
မိလိုက်ရင်း၊တုံ့ပြန်နှုတ်ဆက်စကားဆိုရသည်။
ရင်ထဲတွင်မူ၊ဒိန်းဒလိန်းနတ်ဖမ်းစားသည့်နှယ်၊
တဂျိမ်းဂျိမ်း၊တဒိန်းဒိန်း အသံမြည်လျက်ရှိ၏။
“ဟေး၊မစ္စတာဒင်၊အိုင်ဂလက်တူဆီးယူ၊ဝိုး..၊ယူအာဘဲရီးစမတ်မင်း”
“မီတူး၊ယူတူးပါကွယ်။ဝမ်းမြောက်ဝမ်းသာဖြစ်ရပါဘိ”
(နှစ်)
သူကလေးနှင့်ကျွန်ုပ်၊ဘေးချင်းယှဉ်လျှောက်ရင်းဧည့်ခန်းဆီသို့
စုံတွဲခုတ်လာကြချိန်တွင်၊မလှမ်းမကမ်းမှ၊အကဲခတ်နေကြသည့်၊
တပည့်ကျော်တို့ထံမှ၊ထွက်ပေါ်လာသော၊တအံ့တသြ
တီးတိုးရေရွတ်သံများကြောင့်၊သူကလေးမည်သူမည်ဝါဖြစ်သည်ကို
ကျွန်ုပ်ရိပ်စားသိရှိလာရ၏။
“အလိုလေး၊လက်စသတ်တော့၊တို့ဆြာ့ဧည့်သည်ဟာ၊
ကမ္ဘာကျော်ဟောလီးဝုဒ်မင်းသမီးခရစ်စတင်းဒန့်စ်
(Kirseten Dunst)ပါကလားဗျာ။ဆြာ့ကိုအားရပါးရဖက်လိုက်တာများ၊
သူ့ရည်းစားကျနေတာပဲဗျား”
“ဟုတ်ပါ့ကွာ၊ရွှေကမ္ဘာလုံးဆုရဖူးတဲ့၊ဟောလီးဝုဒ်မီဂါစတားပေါ့။
သူ့ထက်လှတာတောင်သူ့လောက်မလှနိုင်ဘူးဟေ့။ထူးဆန်းလိုက်ပါဘိ”
“ဟုတ်တယ်ဟ။စပိုက်ဒါမင်းဇာတ်ကားတူးနဲ့သရီးထဲက၊
သရုပ်ဆောင်မင်းသမီးပေါ့။တို့ဆြာတစ်ယောက်၊
ကြီးကောင့်ကြီးမားကျကာမှ၊ထလာတဲ့
ဇာတာစန်းလဂ်ကတော့ကြောက်ခမန်းလိလိပဲဟေ့။
အရမ်းအရမ်းကိုအားကျစရာကြီးပါကလား”
မှန်ပါ၏။ဂျာမန်အမေရိကန်ကပြားဖြစ်သည့်၊
သူကလေးသည်၊ကမ္ဘာ့ပေါ်တွင်စွဲဆောင်မှုအရှိဆုံးသော၊
ထိပ်ထိပ်ကြဲထိပ်တန်းအလှမယ်ဆယ်ဦးစာရင်းတွင်၊
အမှတ်စဉ်တစ်၊ဂဏန်းတစ်အဖြစ်ထိပ်ဆုံးမှရပ်တည်နေသူဖြစ်ကြောင်း၊
ကျွန်ုပ်၏မှတ်ဥာဏ်ဝယ်တရေးရေးပေါ်လာ၏။
သူကလေး၏ကိုယ်ရောင်ကိုယ်ဝါကြောင့်ထင့်၊
ကျွန်ုပ်၏ဧည့်ခန်းခပ်စုတ်စုတ်သည်၊ရုတ်ခြည်းဝင်းထိန်သွားသကဲ့သို့
ရှိလေရာ၊ပပဝင်းဝင်း၊မြအဆင်းသို့ပင်၊အဆင်းလှလှ၊
ယမင်းသူဇာတမျှပင်၊မှန်ရဝေဆောင်၊
ကိုယ်ရောင်တိုက်ခန်းထွန်းသည့်ပုံသွင်ဟူသော
၊တေးသီချင်းအပိုင်းအစကိုပင်နားဝယ်ကြားယောင်ရ ပါ၏။
ထိုစဉ်မှာပင်၊ကျွန်ုပ်၏အတွေးအာရုံဝယ်၊ရတုဘုရင်
နတ်သျှင်နောင်၏ရတုတပိုဒ်သည်၊ရုတ်ခြည်းအမှတ်
မထင်ခိုဝင်လာခဲ့လေသည်။
တင့်လှပေဟန်ဘက်မရန်တည့်၊ခြောက်တန်နတ်ရွာဘုံကလာသို့
၊ပြာပြာလတ်လတ် မွတ်မွတ် ညက် ညက်၊ ရွှန်းစက်စက်မျှ ၀င်းလက်ရောင်ရွှေ၊အခေါင်ပေတည့် တောင်နေနတ်ဟန်၊
မြတ်သစ်ကြန်နှင့် ပန်း မာလ်ရေးချေ၊ထုံးနေမကြော့၊ ပတ်လျော့ဆံကြာ၊ကျတိုင်းသာလျှင်၊ရွှေဝါပိတ်ရှင်း၊
ထည်ချင်းစပယ် နံ့ကြွယ်လှိုင်ကြူ၊ မဉ္စူမျက်မည်း ပေါ်ထပ်စည်းနှင့်၊ မရည်းမထင် ဖြုတ်ချည်းမြင်က၊ နတ်ပင်ယိုးမှား
ဝိုးဝါးတွေးချွတ်၊ စိတ်လုံးညွှတ်လည် ဘုံထွတ်နန်းတောင်နေတို့လော…………….။
(သုံး)
ဥက္ကာပျံနှင့်ဝင်တိုက်ခံရဘိသည့်အလား၊စပိန်နွားရိုင်းအဝှေ့ခံရသည့်နှယ်၊
ဗရမ်းဗတာဖြစ်သွားရသောကျွန်ုပ်၏စိတ်အစဉ်ကို၊
သမာဓိတရားလက်ကိုင်ထားလျက်၊အတတ်နိုင်ဆုံး
ထိန်းချုပ်ဆင်ခြင်ပြီးသကာလ၊ရေနွေးကြမ်းဖြင့်
တည်ခင်းဧည့်ခံရင်းသူကလေး၏လာရင်းကိစ္စကို
၊မေးမြန်းတီးခေါက်ကြည့်သည့်အခါ၊သူသည်
၊မြန်မာစာအရေးအသားကိုရွှတ်နောက်နောက်ရေးရာ၌၊
အမည်ဂုဏ်သတင်းကျော်စောလှသော၊ကျွန်ုပ်ထံမှ
၊မြန်မာစာ၊မြန်မာစကားကို၊နည်းခံသင်ယူလိုသောကြောင့်ဟု
ဆိုပါလေသည်။အထူးကြီးဖြင့်ထူးချေ၏။
မြန်မာစာအရာ၌ကျွန်ုပ်ထက်မိုးပျံအောင်တတ်ကျွမ်းကြလေကုန်သော၊
ကဝိတဆူပါရဂူတို့ကို၊သူနေထိုင်ရာအမေရိကန်ပြည်သို့
လက်ဖျောက်တီးခေါ်ယူကာ၊အိုးမကွာအိမ်မကွာသင်ကြားနိုင်ပါလျက်၊
ကျွန်ုပ်ထံ ဆိုက်ဆိုက်မြိုက်မြိုက်ရောက်ရှိလာခြင်းမှာ၊ အခြားအကြောင်းခြင်းရာတခုခုဖြင့်၊ရှိတန်ရာချေသည်။
မည်သို့ဆိုစေ။ဆြာကောင်းတို့မည်သည်၊နာသုံးနာတည်းဟူသော
စိတ်ထားဖြင့်၊ပညာရှာမှီးလိုသူတို့ကို၊မိမိတတ်ကျွမ်းသမျှ၊
အိတ်သွန်ဖာမှောက်သင်ကြားပြသပေးရမည့်ဝတ္တရားရှိပေရာ၊
ကျွန်ုပ်အနေဖြင့်၊အဖိုးစားနားတစ်စုံတစ်ရာမဆိုသော်ငြား၊
သူကလေးကမူ၊ကျွန်ုပ်ဖက်မှ၊ခေါင်းငြိမ့်သဘောတူသည်နှင့်တပြိုင်နက်၊
တစ်လတာ၊မြန်မာစာသင်စားရိတ်၊ဥာဏ်ပူဇော်ခအနေဖြင့်၊
အမေရိကန်ဒေါ်လာနှစ်သောင်းတိတိကို၊ကျွန်ုပ်၏ဘဏ်စာရင်းသို့
လွှဲပြောင်းလျက်၊ထိုက်တန်သည်ထက်ပိုမိုပေးအပ်ခဲ့ပါ၏။
ဤသို့လျှင်ကျွန်ုပ်သည်၊ဖူးခက်မြို့ကြီးရှိအလွန်တရာ
အဆင့်အတန်းမြင့်လှသောဇိမ်ခံဟိုတယ်ကြီးတစ်ခု၏
အထူးသီးသန့်ခန်းတစ်ခုတွင်၊သူကလေးအားမြန်မာစာ
သင်ကြားပို့ချရင်း၊ရွှေရောင်လွှမ်းသည့်နာရီပေါင်းများစွာကို
ကုန်လွန်ဖြတ်သန်းခဲ့ပါ၏။
စာသင်ချိန်မှအားလပ်သည့်အချိန်များတွင်မူ၊
ဖူးခက်မြို့၏အထင် ကရအပန်းဖြေကမ်းခြေများဖြစ်သည့်၊
ပါတောင်၊ကလွန်း၊ကတအစရှိသောကမ်းခြေများတွင်
၊နှစ်ယောက်သားတယောက်မျက်နှာတယောက်ကြည့်လျက်၊
ရယ်ရွှင်တပြုံးပြုံး၊အပန်းဖြေအနားယူခဲ့ကြသည်မှာ၊
သဲကမ်းပါးယံတွင်၊ဟင်္သာမောင်နှံပျော်မြူးကြသကဲ့ရှိသောကြောင့်
တသက်တာမေ့ပျောက်နိုင်ဖွယ်မရှိသည့်၊
ကြည်နူးဖွယ်နေ့ရက်များဖြစ်ခဲ့ချေသည်တမုံ့။
(လေး)
သင်းကလေးသည်ကျွန်ုပ်အား၊လိုသည်ထက်ပို၍အရေးပေး၏။
အသက်အရွယ်ချင်းအလွန်အမင်းကွာ ခြားနေသည့်ကျွန်ုပ်အား၊
သိသိသာသာကော၊မသိမသာပါရေလာမြောင်းပေးစကားတို့ဆို၏။
ကလူကျီစယ်ပြု၏။ခိုးခိုးခစ်ခစ်ရယ်သံပြုရင်း၊
မျက်လုံးရွှဲကြီးများဖြင့်ရွှန်းရွှန်းစားစားကြည့်သည်လည်းရှိ၏။
မိုးမမြင်လေမမြင်အပျော်လုံးဆိုက်နေသည့်ကျွန်ုပ်အား၊
ဝန်တိုမစ္ဆရိယစိတ်ဖြစ်ပေါ်ဟန်ရှိကြသည့်၊တပည့်ကျော်တို့သည်၊
ကျွန်ုပ်အပေါ်စိုးရိမ်စိတ်မကင်းသောလေသံဖြင့်
သတိပေးစကားဆိုရသည်အထိပင်၊ဖြစ်ချေသည်။
“ဆြာ၊ကြည့်လုပ်နော်၊ဆြာ့ဘွားတော်ကြီးနားကိုဒီသတင်းပေါက်ကြားရင်၊
မိုးမီးလောင်ကုန်မယ်”
“အေးပါကွယ်။ဆြာဖက်က ရိုးရိုးသားသားပါကွဲ့။
ဒါပေမဲ့ဒီကလေးမလှချက်ကတော့
ကမ်းကုန်တယ် မောင်”
“သတိတော့ထားပ့ါဆြာ။ကမ္ဘာကျော်မင်းသမီးဆိုတော့
၊ဆြာ့ကိုစိတ်ကစားပြီးအပျော်ကြံတာလည်းဖြစ်နိုင် တယ်ခင်ဗျ”
“ဟုတ်ပါပြီမောင်ရဲ့။သူကလေးရက်စက်ရင်လည်း၊
ဝဋ်ကြွေးလို့သာမှတ်ပါတယ်မောင်၊ဒါပေသိ၊သူ့လှချက် ကတော့၊နတ်ပြည်ကပန်းချီဆရာတောင်လက်မှိုင်ချလောက်ပါရဲ့ကွာ”
သူ့အလှအားကျွန်ုပ်ချီးမွမ်းခန်းဖွင့်နေသည်မှာအလွန်အကျူးဟုမဆိုနိုင်ချေ။
အကယ်၍နတ်သျှင်နောင် သာသူ့အလှကို
မျက်ဝါးထင်ထင်မြင်ရပါမူ၊အောက်ပါရတုထက်၊
သာလွန်သောအဖွဲ့အနွဲ့ကို၊ဖွဲ့မည်ဟုပင် ကျွန်ုပ်ထင်မြင်မိလေသည်။
ရင့်မျှရွှေကျန် ရွက်မပွန်တည့်၊ ၀ါကြန်နီမောင်း ပင်တိုင်းပြောင်းက၊
သက်ပေါင်းထင်ယုံ လှနိတုံလည်း၊ ပန်းစုံရောယှက် ထုံးမြရွက်နှင့်၊
လိုက်ဘက်တင့်မှတ် ကိုယ်ဝတ်တော်မှာ၊ မလ္လာရနံ့ မွှေးပျံ့ ကြိုင်ရွှင်း၊
ပယင်းရောင်ခြည် ပွတ်လဲ့ကြည်သို့၊ မြရည်ကြောစိမ်း လဲ့လဲ့ရှိန်းမြ၊
ခပ်သိမ်းကလျာ ရှု့ဖွယ်သာလျှင်၊ သိင်္ဂါလျှံတောက်လက်ကောက်လက်ကြပ်၊
ရည်လျှပ်ဆံကျင်၊ မျှမဆင်လည်း၊ တိုင်းပင်တင့်မှတ် လှခေါင် ထွတ်သည်၊ ကြာနတ်တန်းဆောင်ပေတို့လော………………….။
(ငါး)
အပျော်ရက်တို့ကုန်ဆုံးခဲ့ချေပြီ။တစ်လတာသင်တန်းပြီးဆုံးချိန်တွင်၊
မင်္ဂလာပါ၊ချစ်တယ်ဒင်၊စသည်ဖြင့်၊မြန်မာစာ၊မြန်မာစကားကို
ထမင်းစားရေသောက်အဆင့်ထက်၊များစွာသာလွန်၍ဂျောင်းဂျောင်းပြေး
ကျွမ်းကျင်ခဲ့ပြီဖြစ်သည့်ခရစ်စတင်းဒန့်စ်သည်၊ရင်ဖိုဖွယ်
အနမ်းတို့ဖြင့်နှုတ်ဆက်လျက်၊
ပန်ကာလည်နေသောလေယာဉ်ကြီးပေါ်သို့တက်ကာ၊
သူ၏ဇာတိနိုင်ငံအမေရိကန်သို့ပြန်လည်ထွက်ခွာသွားခဲ့ပါ၏။
လေယာဉ်ပေါ်သို့သူမ၊မတက်မီကလေးမှာပင်၊
ကျွန်ုပ်၏လက်ဝယ်သို့အပြာရောင်စာအိတ်တစ်အိတ်ပေးအပ်ခဲ့ရာ၊
ဖူးခက်လေဆိပ်မှ၊နေအိမ်သို့အပြန်လမ်းတွင်
ကျွန်ုပ်ဖွင့်ဖောက်ဖတ်ရှုကြည့်သည့်အခါ၊မြန်မာဘာသာဖြင့်
အောက်ပါအတိုင်းရေးသားထားသည်ကိုတွေ့ရှိရလေသည်။
ချစ်သောဒင်
တကယ်တော့ဒင့်ကိုဒန့်လာတွေ့ခဲ့တဲ့အကြောင်းရင်းမှန်ဟာ၊
ဒင်တို့နိုင်ငံမှာ၊မကြာခင်ကျင်းပတော့မဲ့၊ရွေး ကောက်ပွဲနဲ
့ပတ်သက်ပါတယ်။လွန်ခဲ့တဲ့လက၊မြန်မာစစ်ဗိုလ်ချုပ်ဟောင်းတွေရဲ့
ကိုယ်စားလှယ်အဖွဲ့တဖွဲ့ ဟာ၊နယူးယောက်မြို့မှာ၊ ဒန့်စ်ကိုလာတွေ့ဆုံပြီး၊လာမဲ့ရွေးကောက်ပွဲမှာ၊
လက်ရှိအာဏာရပါတီအနိုင်ရအောင်မဲဆွယ်ပေးဖို့၊ကမ်းလှမ်းလာပါတယ်။
မဲဆွယ်စားရိတ်အဖြစ်၊ပြည်ပဘဏ်တွေမှာသူတို့
လျှို့ဝှက်သိမ်းဆည်းထားတဲ့၊အမေရိကန်ဒေါ်လာ(၁၃)ဘီလျံထဲက၊
လိုသလောက်ထုတ်သုံးဖို့သဘောတူကြပါတယ်။ထူးခြားချက်ကတော့
၊နိုင်ငံတကာနဲ့ပြည်တွင်းမှာပါ၊သူတို့အောင်နိုင်စေဖို့၊
ဒန့်စ်ဟာဒင်နဲ့အတူပူးပေါင်းပြီး၊မဲဆွယ်ပေးရမယ်ဆိုတဲ့အချက်ပါဝင်နေတာပါပဲ။
ဒင်နဲ့လက်ပွန်းတတီးနေခဲ့ရတဲ့ကာလတိုလေးအတွင်းမှာ
ဒန့်စ်ခန့်မှန်းမိသလောက်၊ဒင့်ရဲ့မြန်မာစာကျွမ်း ကျင်မှု၊ဒင့်ရဲ့လူမှုဆက်ဆံရေး၊ဒင့်အရည်အချင်းတွေကိုသာ၊
ဒီပွဲမှာအသုံးချနိုင်ခဲ့ရင်၊ဒင်နဲ့ဒန့်စ်တို့အနာဂတ် ဟာ၊စိန်စီတဲ့လမ်းကို၊လျှောက်လှမ်းနိုင်ကြပြီပေါ့။
မကြာခင်ပြန်လာခဲ့မယ်ဒင်ရယ်။ဒန့်စ်နဲ့အတူလက်တွဲဆောင်ရွက်ဖို့
အဆင်သင့်ရှိနေပါနော်။
ပျော်ရွှင်စွာပြန်လည်ဆုံတွေ့ပါရစေ။
ချစ်သော
ဒန့်စ်
(ခြောက်)
ဖူးခက်မြို့တွင်းဆီသို့ဦးတည်နေသော၊ ကျွန်ုပ်စီးနင်းလိုက်ပါလာသည့်မော်တော်ကားသည်၊လမ်းဘေးဝဲ ယာမှသစ်ပင်တောအုပ်တို့ကိုတရိပ်ရိပ်ဖြတ်ကျော်လျက်ရှိ၏။
ကျွန်ုပ်သည်လေပူကြီးကိုဝူးကနဲနေအောင်ပါးစပ်မှမှုတ်ထုတ်လိုက်မိသည်။
ကျွန်ုပ်၏နောက်တော်ပါတပည့်တို့ကား၊ကားနောက်ခန်းတွင်၊ဆြာ့ကို မသိမသာအကဲခတ်ရင်းနှုတ်ဆိတ်လျက်ရှိကြ၏။
ကျွန်ုပ်၏စိတ်အာရုံလိပ်ပြာမှာမူဒန့်စ်ထံသို့ပြေးဝင်ခိုလှုံလျက်ရှိနေ၏။
သြော်၊ဒန့်စ်ရယ်။ချစ်ခြင်းမေတ္တာနဲ့သံယောဇဉ်တရားဆိုတာမျိုးတွေဟာ၊
အသက်အရွယ်၊ဂုဏ်ရည်အဆင့်အတန်း၊လူမျိုးဘာသာနဲ့မသက်ဆိုင်လှပါဘူး။
မင်းလိုအလှပဂေးကိုကိုယ်မြတ်နိုးမိတာမှန်သောသစ္စာပါ။
ဘီလျံနဲ့ချီတဲ့ဒေါ်လာတွေကိုလည်း၊မက်မောမိတာအမှန်ပါ။
ဒါပေမဲ့ဒန့်စ်ရယ်။ကိုယ်တို့တိုင်းပြည်ဟာနှစ်ပေါင်းငါးဆယ်ကျော်
အာဏာရှင်လက်အောက်မှာနစ်မွန်းနေခဲ့ရပြီး၊တိုင်းပြည်နဲ့လူမျိုးသိက္ခာ
၊မူးလို့တောင်ရှူစရာမရှိတဲ့ဘဝကို၊နာကျည်းစိတ်ပျက်လှပြီမို့၊ ကိုယ့်အသက်ရှည်နေသမျှ၊ကိုယ်အသက်ရှူမရပ်သေး သမျှ ကာလပတ်လုံး၊မြန်မာ့မြေမှာအာဏာရှင်စနစ်အပြီးတိုင်
ချုပ်ငြိမ်းရေးအတွက်၊ဆက်ပြီး၊ရုန်းကန် ဆန့်ကျင်သွားဖို့အခိုင်အမာစိတ်ပိုင်းဖြတ်ထားခဲ့ပါပြီ။
ဒန့်စ်နဲ့ပြန်လည်ဆုံတွေ့ချင်ပေမဲ့၊ဒန့်စ်ပြောတဲ့ကိစ္စကိုလက်တွဲ
ဆောင်ရွက်ဖို့ဆိုတာကတော့၊မိုးနဲ့မြေထိစပ်၊ရဟတ်သို့လည်သည့်တိုင်၊ ဘယ်နည်းနဲ့မှ၊ ဖြစ်နိုင် မှာမဟုတ်ပါဘူး။
ဘဲရီးဆောရီး။ဆိုးဆောရီး၊အများကြီးဝမ်းနည်းပါတယ်ဒန့်စ်ရယ်။
ထိုစဉ်တခဏ၌ပုထုဇဉ်လူသာမန်မျှသာဖြစ်လေသော
ကျွန်ုပ်သည်၊ဒန့်စ်၏အလှတရားကိုလွမ်းမောတမ်းတမိပြန်လေရာ၊
ရတုတပိုဒ်လက်တန်းစပ်ဆိုလျက်၊နှုတ်မှဖွဖွရွတ်ဆိုမိပြန်သည်။
အဆိုပါရတုပိုဒ်သည်၊ စာဆိုဘုရင်၏ ရာဇဓာတုကလျာတမ်းချင်းရတု
၊နောက်ဆုံးအပိုဒ်နှင့်ထပ်တူဖြစ်နေပါမူ၊ ထိခိုက်ခံစားရသော
အလွမ်းဓာတ်တို့၊ခွဲမရအောင်
တူညီနေသောကြောင့်သာဖြစ်သည် ဟု၊စာရှုသူတို့အနေဖြင့်ယုံကြည်လက်ခံကြစေလိုပါသည်။
ဆင့်ချစွေသွန်၊ရက်မချန်တည့်၊ယုဂန်အလုံးမြရည်ဖုံးသား၊
လှဆုံးတင့်နေထုံးသရေလည်း၊ထွေထွေကြည့် တိုင်း ပြစ်မျိုးရိုင်းသည်၊စံခိုင်းလှော်သစ် ရွှေနှယ်နှစ်မျှ၊
တင်ပြစ်မစက်၊လဲ့လဲ့ညက်သား၊ ထက် နတ်ဘုံနေ ခုသာကြွေသုိ့၊
ထင်ချေရှု့မြော် အကျော်ပျံ့မွှန်း၊ ၀င်းငြိမ့်ရွှန်းကို တောင်နန်းနေလော၊ နတ်ပေလောဟု တွေးတောချေမိ၊ ထပ်မသိခဲ့ ထင်မိဖြုတ်ချည်း၊
မြော်ကတည်းက အူသည်းစုညွှတ်၊ သက်လုံးပြတ်သည် လျှံပတ်ထွန်းရောင် ဝေတုို့လော……………..။

၈၊စက်တင်ဘာ၊(၂၀၁၅)နေ့ထုတ်၊
သည်ဗွိုက်ဒေးလီးနေ့စဉ်သတင်းစာမှ။