Saturday, August 22, 2015

စိန်တွင်းပေါ်က မြို့ နဲ့ လူများ


ဖင်လန်နိုင်ငံ ကူရိုပီရိုမြို့၏ မြေအောက်တွင် စိန်တွင်းကြီးရှိသည်။ ထို စိန်တွင်းကြီးပေါ်တွင် လေယာဉ်ကွင်း တည်ဆောက်ပစ်လိုက်သည်။ မြို့တော်ဝန်နှင့် မြို့ခံရပ်မိရပ်ဖများက နှစ်ပေါင်း ၁၀၀ စီမံကိန်းဖြင့် နိုင်ငံခြား သားများကို မြို့တော်တွင် အခြေချရန် ဖိတ်ကြားတောင်းဆိုကြသည်။ အစိုးရက ဒုက္ခသည်များနှင့် ပြန်လည် အခြေချ နေထိုင်လိုသည့် ဖင်လန်နိုင်ငံသားမျာကို စီစဉ်ပေးရသည်။
ကျနော် ရေးပြသည့် စာပိုဒ်သည် စာစီစာကုံး တပုဒ်၏ ကျောရိုးမဟုတ် လူသားရင်းမြစ်အရေးကြီးသည့် လက်တွေ့ ဖြစ်ရပ် ဖြစ်နေလေသည်။
-
မည်သည့် ကိစ္စတွင် မဆို အမျိုးသားရေးဆိုသည့်စကားလုံးကား မြန်မာနိုင်ငံတွင် အလွန်ပင် ရေပန်းစားနေသည်။ အမျိုးသားရေး၏ အဓိပ္ပါယ်ကို မည်သူတို့က မည်ကဲ့သို့သော အဓိပ္ပါယ်ဖြင့် ဖွင့်ဆိုကြသည်ကား ရှင်းရှင်းလင်းလင်းမရှိ။ မြန်မာပြည်သားတိုင်း နိုင်ငံကို ချစ်ကြသည်ဟုပြောသည်။ မည်သို့  မည်ပုံ ချစ်ကြပြီး၊ မည်သို့ မည်ပုံ ကျင့်ကြံသည်ကား ကမ္ဘာ့ရွာကြီးထဲတွင် နားလည်ရန်ခက်ခဲလှသည်။ နှစ်ပေါင်း ၆၀ ကျော် ပြည်တွင်းစစ်နှင့် စစ်အာဏာရှင်များ အုပ်ချုပ်နေဆဲ တိုင်းပြည်တခုတွင် ရောင်းစားလို့ရသည့် သယံဇာတ နှင့် ဆင်ဖြူလောက်ကိုပဲ နိုင်ငံတော် ရတနာ အဖြစ် သတ်မှတ်သည်ဟု အဓိပ္ပါယ်ဖွင့်ဆိုထားသည်လားပင် မေးမြန်းရှင်းလင်းရမည့် အခြေအနေတခုကို ရင်ဆိုင်နေရသည်။ အသိပညာမရှိ၊ သယံဇာတပေါများသလောက် ပြည်သူတွေ ထမင်းရေတောင် မသောက်နိုင်သည့် အဖြစ်ကို နိုင်ငံရေးကြောင့်ဟု ပြတ်ပြတ်သားသား ပြောရမည့်အစား ဆင်းရဲခြင်းသည် ပြဿနာဟု ခုတ်ရာတခြား၊ ရှရာတခြားဖြင့် အဖြေရှာခြင်းတွေကို ရပ်တန်းက မြန်မြန်ရပ်သင့်သည်။ ပူးသတ်မည်ဆိုသည့် သောက်တတ်စားတတ်သည့် အတိုက်အခံများကား ရူးသွားပြီဟု နာမည်ခံတပ်ရသည့် အဖြစ်အပျက်များစွာကား မြန်မာ့သမိုင်းတွင် မရေမတွက်နိုင်တော့။ စစ်အာဏာရှင်စနစ်ကား မိဘမျက်နှာမကြည့် ဆွေမျိုးမိတ်သင်္ဂါမရှိ လူတစု ကောင်းစားရေးသာရှိသည်။  ထိုစနစ်ကိုသာ အမြစ်ပြတ်အောင် တိုက်ထုတ်ရမည်ဟု ပြတ်ပြတ်သားသား မူဝါဒရှိဖို့ လိုအပ်သည်မှာ အမှန်တရားဖြစ်သည်။
-
မူဝါဒကို လူတွေက ရေးဆွဲကြသည်။ ကောင်းသထက် ကောင်းအောင်ဖြည့်စည်းခြင်း ပြင်ဆင်ခြင်းများ ပြုလုပ်လေ့ရှိကြသည်။ မူဝါဒများ အကောင်အထည်ဖေါ်နိုင်ခြင်း မဖေါ်နိုင်ခြင်းကတော့ လူတွေနှင့် သက်ဆိုင်သည်။ လူတွေမကောင်းပါက မူဝါဒလည်း ဒူလာကြပြီး ဆေးခန်းပြရသည့်အဖြစ်မျိုးကို ၁၉၈၈ ခုနှစ်တွင် လူထုအရေးတော်ပုံကြီးဖြင့် ကုသခဲ့ရသည်ကို မေ့ကြဦးမည်မဟုတ်၊ ၁၉၈၈ အရေးတော်ပုံကြောင့်ပင် တိုက်ပွဲထဲမှ ခေါင်းဆောင်များ ပေါ်ထွက်လာခဲ့သည်။ လူထုက ယုံကြည်အားကိုး ခဲ့ကြသည်မှာ ၂၀၁၅ ရွေးကောက်ပွဲ အထိပင် ဖြစ်တော့သည်။ ၁၉၆၂ ခုနှစ် စစ်အာဏာသိမ်းပြီးကတည်းက စဉ်းစားဆင်ခြင်နိုင်စွမ်းရှိသည့် အသိပညာ၊ အမှန်တကယ်ကျွမ်းကျင်တတ်မြောက်အောင် သင်ကြားပေးမည့် ပညာရေးစနစ်ကို စတင်ဖျက်ဆီးခဲ့ပြီးဖြစ်သည်။ ယခုခေတ်တွင်ကား ခုံနံပါတ်နဲ့ ငွေကြေးအတိုင်းအတာတစုံတခု ပေးအပ်နိုင်ပါက ပြည်တွင်းဖြစ် ဘွဲ့တခုကို ရနိုင်သည့်အခြေအနေထိ ဆိုးရွားသော ပညာရေးကို တိုင်းပြည်က ရင်ဆိုင်နေရလေပြီ။ ထိုကြောင့်ပင် အများစုက ဗမာ့တပ်မတော်သည်သာလျှင် မြန်မာနိုင်ငံတွင် အကောင်းဆုံးသော အစုအဖွဲ့ အဖွဲ့အစည်း ဖြစ် ခေါ်ဝေါ်ပြောဆိုနေကြသည်။ တကယ်တန်းကျတော့ ထိုအဖွဲ့ပင်လျှင် နိုင်ငံတကာက မိုင်းရှာ၊ မူးယစ်ရေးဆေးဝါးရှာဖို့ သင်တန်းပေးထားသည့် ခွေးများသာသာပင်၊ စေခိုင်း အမိန့်ပေးမည့်သူ မရှိ မိုင်းမရှိ၊ မူးယစ်ဆေးဝါးမရှိက ငုတ်တုတ်ထိုင်စောင့်သည့် အနေအထားပင်၊ အကယ်၍ အတိုက်အခံက စည်းလုံးညီညွတ်ခြင်းမရှိ၊ ကိုယ်ကျိုးရှာခြင်း မရှိဘဲ အချင်းချင်း သစ္စာဖောက်မှု့များသာ မလုပ်ပါက ထိုတပ်မတော်သားများ၏ စွမ်းဆောင်ရေးကား ဘာမှမရှိ။ ပြည်တွင်းစစ် နှစ်ပေါင်း ၅၀ ကျော်အတွင်း မိမိလုပ်ဆောင်ရမည့် စစ်တိုက်ခြင်း အတတ်ပညာဖြင့် တိုင်းရင်းသားလူမျိုး အဖွဲ့အစည်း တခုကိုပင် ကျူပင်ခုတ် ကျူငုတ်ပင်မကျန် ရှင်းလင်းနိုင်ခြင်းမရှိကြ။ ထို့အတူ အတိုက်အခံဘက်ကလည်း အတိုက်ခံပြီး နာမည်ယူ ဗိုလ်လုပ်ကာ ကိုယ်ကျိုးရှာဖို့ ကျိုးစားနေသည်က များသည့် နိုင်ငံရေးကြောင့် တိုင်းပြည်ကိုတကယ်ချစ်သည့် တကယ်အနစ်နာခံသည့် ခေါင်းဆောင်များ၏ အခန်းကဏ္ဍမှာ မှေးမှိန်ရသလို၊ ရန်သူ၏ လုပ်ကြံသတ်ဖြတ်ခြင်း၊ အချင်းချင်း လုပ်ကြံသတ်ဖြတ်ချင်းများအထိ ခံကြရသည့်အတွက် တိုင်းပြည်အတွက် အလွန်အမင်း နစ်နာရသည်။
-
"လူသားရင်းမြစ်ဖြင့် နိုင်ငံကို ဖွံ့ဖြိုးတိုးတက်အောင် တည်ဆောက်အံ့ ဆိုသည့် ဆောင်ပုဒ်သည် ဖင်လန်နိုင်ငံ၏ အမျိုးသားရေးဖြစ်သည်။ "
-
 ကျနော်နေထိုင်သည့် ကူရိုပီရိုမြို့တွင် ထိုဆောင်ပုဒ်ကို အကောင်ထည်ဖေါ်၏။ မည်ကဲ့သို့ အကောင်အထည်ဖေါ်သလဲ ရှင်းပြချင်ပါသည်။ ကူရိုပီရိုမြို့၏ သမိုင်းကား မြန်မာပြည်ကဲ့သို့ပင် ရုရှားတို့၏ ကျူးကျော်မှု့သိမ်းပိုက်မှု့အောက်တွင် နှစ်ပေါင်း ဆယ်စုနှစ် ချီပြီး နေခဲ့ရသည်။ ဆွီဒင်တို့၏ လက်အောက်တွင်လည်း နှစ်ပေါင်းများစွာ အခွန်ပေးဆောင်ခဲ့ရသည်။ ကွန်မြူနစ်စနစ်တွေ ပြန့်နှံ့လာတော့ အဖေက သားကိုသတ်၊ သားက အစ်ကိုကို သတ် စသည်ဖြင့် မကြားဝံ့မနာသာ ရင်နာဖွယ် ဖြစ်ရပ်များစွာကို စာတမ်းပြုစုသမိုင်းတင်ထားသည့် မြို့လည်းဖြစ်သည်။ ထိုဒေသတ၀ိုက်တွင် လူမျိုးရေးမုန်းတီးမှု့များကို အကြီးအကျယ်ပြုလုပ်သည့် နိုင်ငံခြားသားများ လက်မခံသည့် ယောအန်းစုမြို့၊ ဗာရ်ကောက်မြို့ စသည့် မြို့များလည်း  ၀န်းရံထားခဲ့သည်။ ယခုအချိန်တွင်တော့ လူမျိုးရေးမုန်းတီး ခွဲခြားဆက်ဆံမှု့သည် တိုင်းပြည်သာမက ဒေသတခုလုံးကို စီးပွားရေးပျက်စီးသည်အထိ၊ လူမျိုးတခုလုံး၏ ဂုဏ်သိက္ခာကျဆင်းစေခြင်း၊ နိုင်ငံတခုလုံး၏ ပုံရိပ်ကိုပါ အမည်းစက်ထိုးသည်အထိ နောက်ဆက်တွဲများ ရှိနိုင်ကြောင်းကို လက်ခံလာသည့် နေရာဖြစ်ခဲ့ပြီ။ အဆိုးထဲမှ အကောင်းများပင်ဖြစ်တော့သည်။ သို့သော်လည်း လွယ်လွယ်ကူကူတော့ ရခဲ့သည်မဟုတ် အမျှော်အမြင်ရှိသော။ သတ္တိရှိသော၊ ပြတ်သားသော၊ တရားဥပဒေကို လေးစားလိုက်နာသော ခေါင်းဆောင်များရှိဖို့၊ ခေါင်းဆောင်များ နေရာယူခွင့်ရအောင်ဖန်တီးပေးဖို့တော့ လိုအပ်သည်။
-
လူ ၁ သိန်းကျော်ရှိသော ကူရိုပီရိုမြို့ကား မြို့သူမြို့သားများ၏ ဆန္ဒအတိုင်း ယုံကြည်သော မြို့တော်ဝန်ကို ခန့်အပ်ခွင့်ရှိသည်။ ရပ်မိရပ်ဖများက မြို့တော်ကို တိုးတက်စေရန် မြို့တော်ဝန်နှင့် တိုင်ပင်ဆွေးနွေးကြသည်။ ထိုသို့ဆွေးနွေးရာတွင် ရေတို၊ ရေရှည်စီမံကိန်းများ ရှိ၏။ ကမ္ဘာ့စီးပွားရေးနှင့် ယှဉ်တွဲပြောဆိုကြ၏၊ အိမ်နီးချင်း ရုရှားစီးပွားရေး၊ ဆွီဒင်နိုင်ငံတို့၏ စီးပွားရေးအကြောင်းများလည်း ပါ၏။ သို့သော် နေထိုင်သည့် မြို့ ကောင်းစားရေးကား အဓိက ဦးစားပေးဖြစ်သည်။ ထိုနေရာတွင် လူဦးရေ သန်းခေါင်စာရင်းသည် အလွန်ပင်အရေးကြီး၏။ အလုပ်လုပ်နိုင်သည့်သူ ဘယ်လောက်ရှိသလဲ၊ ပညာသင်ကြားရမည့် ကလေးအရေအတွက်က ဘယ်လောက်၊ ပင်စင်စား လေးစား စောင့်ရှောက်ရမည့် လူကြီးများက ဘယ်လောက်၊ အမျိုးသား အချိုးအစားက ဘယ်လောက်၊ အမျိုးသမီးအချိုးအစားက ဘယ်လောက်။ ကျောင်းဘယ်နှစ်ခုထပ်တိုးပြီး၊ ဆရာလောက်ရဲ့လား၊ ဘယ်ဒေသက ခေါ်ရမလဲ၊ မိမိမြို့က ကလေးတွေကို ဖင်လန်နိုင်ငံမှာ၊ ကမ္ဘာပေါ်မှာ အကောင်းဆုံး ဘယ်လို ထားပေးနိုင်မလဲဆိုတာက ပထမဦးစားပေး အမြဲတမ်းဆွေးနွေးပြီး။ ဆေးရုံက ဘယ်လောက်ထပ်တိုးရလဲ၊ လမ်းက ဘယ်လိုချဲ့မလဲ၊ မြို့က ဘယ်လိုတည်ဆောက်မလဲ၊ လူတွေအတွက် အပမ်းဖြေမှု့ကို ဘယ်လို စီစဉ်မလဲ။ အလုပ်အကိုင်အခွင့်အလမ်းကို ဘယ်လိုပေးမလဲ၊ ကိုယ်မြို့ကို လူတွေလာအောင် ဘယ်လိုလုပ်မလဲ စသည်ဖြင့် စသည်ဖြင့် ရေရှည်စီမံကိန်းတွေ ပွင့်ပွင့်လင်းလင်းပဲ ဆွေးနွေးကြပါတယ်။
-
ပင်စင်စား လေးစားပြုစုရမဲ့ သက်ကြီးရွယ်အိုတွေ များလွန်းပြီး၊ ကလေးမွေးဖွားမှု့နှုန်း နဲပါးလာတဲ့အတွက်  ကူရိုပီရိုမြို့ကြီး ပျက်စီးနိမ့်ကျသွားမှာ စိုးရိမ်တဲ့ မြို့မိမြို့ဖတွေဟာ သယံဇာတတွေကို ထုတ်ယူပြီး ကျားကန်တည်ဆောက်တဲ့ စနစ်ထက်၊ လူသားရင်းမြစ်ကို အသုံးချပြီး မြို့ကို တည်ဆောက်တဲ့ စနစ်ကို ရွေးချယ်ခဲ့ပါတယ်။ ရင်းနှီးမြှပ်နှံမှု့တွေကို ဖိတ်ခေါ်ခဲ့ပါတယ်။ ရင်းနှီးမြှပ်နှံမှု့တွေအတွက် လိုအပ်တဲ့ လုပ်သားအင်အား ရရှိဖို့အတွက် ဒေသမှာ အခြေစိုက်နေထိုင်နိုင်မဲ့ လူများကိုလည်း တန်းတူအခွင့်အရေးတွေပေးပြီး ဖိတ်ခေါ်ခဲ့ပါတယ်။ အရေးကြီးဆုံး လုပ်ရပ်တခုကတော့ ပထမအခြေချပြီး ဌာနေ နိုင်ငံသားတွေကိုရော၊ လာရောက်အခြေချနေထိုင်တဲ့သူတွေကိုပါ ကူရိုပီရိုမြို့သား ဆိုတဲ့ စိတ်ဓါတ်ကို သွပ်သွင်းပေးခဲ့တာပါ။ ကျနော်တို့မြို့မှာ ဖင်လန်နိုင်ငံသား၊ ကူရိုပီရိုမြို့သားဆိုတဲ့ စိတ်ဓါတ်ပဲ ရှိကြပါတယ်။ ဒီမြို့ကြီးကို ကောင်းအောင် ၀ိုင်းပြီး လုပ်ကြမယ်ဆိုတဲ့ စိတ်ဓါတ်၊ အနာဂါတ်ကို ၀ိုင်းပြီး တည်ဆောက်ကြမယ် ဆိုတဲ့ စိတ်ဓါတ်နဲ့ပဲ သွားကြပါတယ်။ ဒါတွေဟာ နိုင်ငံရေးနဲ့ ပညာရေး အားသာမှု့ကြောင့် ဖြစ်ခဲ့ရတာတွေပါ။ နောက်တချက်ကတော့ တရားဥပဒေ စိုးမိုးရေးရှိလို့ပါ။ လူသစ် လူဟောင်း မကျေနပ်ခွင့်ရှိပေမဲ့ တရားလက်လွတ် ပြုလုပ်ခွင့်မရှိလို့ပဲ ဖြစ်ပါတယ်။
-
စိန်တွေ ဘယ်လောက်ပဲရှိရှိ -စိန် ရှိမှန်းသိတဲ့ အတတ်ပညာမရှိရင်၊
စိန်တွေ ဘယ်လောက်ပဲရှိရှိ - စိန်တူးတတ်တဲ့သူတွေ မရှိရင်
စိန်တွေဘယ်လောက်ပဲရှိရှိ- စိန်ရောင်းတတ်တဲ့ အတတ်ပညာမရှိရင်
စိန်တွေဘယ်လောက်ပဲ ရှိရှိ- ထိန်းသိမ်းတတ်တဲ့ အသိပညာမရှိရင်
စိန်တွေဘယ်လောက်ပဲရှိရှိ- လူသားရင်းမြစ်မရှိရင်
စိန်တွေ ထုတ်မဲ့အစား - လေယာဉ်ကွင်းကြီး တည်ဆောက်ပြီး ၀င်ငွေတွေ ရနေမယ်ဆိုရင်
စိန်တွေကြောင့် ကျင်းကြီးချိုင့်ကြီးတွေအစား - ကစားကစားကွင်း ပိုဖောက်မဲ့ ခေါင်းဆောင်တွေများလာရင်
ကူရိုပီရိုမြို့ဟာ တချိန်တုန်းက ဖင်လန်နိုင်ငံရဲ့ မကြီးမသေးမြို့ကလေးကနေ အခုတော့ နံပါတ်လေး နေရာရတဲ့အထိ ခေါင်းဆောင်ကောင်းတွေရဲ့ အမျှော်အမြင်နဲ့ စိန်တွေ၊ သယံဇာတတွေကို မထုတ်ရဘဲ  ကြီးထွားချင်တိုင်း ကြီးထွားနေပါပြီ။
လူတိုင်းကို တန်းတူအခွင့်အရေးပေးပြီး၊ လူတိုင်းကို တရားဥပဒေဘောင်အတွင်းကနေ မျှမျှတတအုပ်ချုပ်နိုင်မယ်ဆိုရင် နိုင်ငံကို ချစ်ဖို့၊ အမျိုးသားရေး တို့အရေးကာကွယ်နေစရာမလိုပါဘူး လူတိုင်းဟာ ကိုယ်ရှင်သန် နေထိုင်ရတဲ့ ပါတ်ဝန်ကျင်းကို ချစ်တတ်ကြောင်းနဲ့ ကိုယ့်အသိုင်းအ၀န်းကို စောင့်ရှောက်ဖို့ အမြဲရှိကြောင်း ကျနော်နေထိုင်တဲ့ ကူရိုပီရိုမြို့က ဥပမာလေးနဲ့ နှိုင်းယှဉ်ပြောပါရစေ။
-
မြန်မာနိုင်ငံသားတိုင်း လူမျိုးရေးမုန်းတီးမှု့တွေ၊ ဘာသာရေးခွဲခြားမှု့တွေကို အဆုံးသတ်ပြီး စစ်အာဏာရှင်စနစ်ကို ပူးပေါင်းတိုက်ထုတ်ကြပါစို့ တိုက်တွန်းရင်းနဲ့ ဒီဆောင်းပါးလေးက တခုခု ရနိုင်ကြပါစေ။
-
မောင်ကြီးငြိမ်းချမ်း







http://en.gtk.fi/_system/print.html?from=/informationservices/commodities/diamond.html

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...