Thursday, July 23, 2015

အညွန့်ချိုးခံနေရတဲ့ခေတ်


သာလွန်မင်းလက်ထက်က မွန်ဝန်ကြီးတစ်ပါးရှိတယ်။ ဗညားကြမ်းတောလို့ခေါ်တယ်။ အလွန်ဖြောင့်မတ်ပြီး သတ္တိရှိသူလို့ နာမည်ကြီးတယ်။ ၀န်ကြီးဖြစ်မှ တရားစီရင်တာတွေ၊ ဆုံးဖြတ်ချက်ပေးရာတွေမှာ အရမ်း နာမည် ကျော်တယ်။ လူရိုသေ ရှင်ကြောက်ရလောက်အောင် သြဇာကြီးမားသူဖြစ်တယ်။
တစ်နေ့တော့ အမတ်ကြီး ဗညားကြမ်းတောဟာ စစ်ကိုင်းဘက်ကို ဘုရားတည်ဖို့သွားတယ်။ မြစ်ကူးတော့ မြစ်ကမ်းဘေးမှာ ကြီးမားတဲ့ မန်ကျည်းပင်ကြီးတစ်ပင်ကိုတွေ့တယ်။ မန်ကျည်းပင်ပေါ်မှာ လူငယ်တွေ ဆော့ ကစားရင်းနဲ့ မန်ကျည်းရွက်ခူးနေကြတာကိုတွေ့လိုက်တော့
"ဒီလူငယ်တွေ အများကြီးထဲမှာ သူရဲကောင်း နှစ်ယောက် ထွက်ရင်ကောင်းမယ်" လို့ပြောပြီး မန်ကျည်းပင် ပေါ်က လူငယ်တွေကို "ဟဲ့ သဘောက်မသားတွေ ၀န်ကြီးတစ်ယောက်လုံးလာတာကို မန်ကျည်းပင်ပေါ်က မဆင်း၊ ကမြင်းနေကြတယ်။ မိုက်လှတဲ့ကောင်တွေ။ နင်တို့ကို ငါအခု လာရိုက်မယ်။ သေပေတော့" လို့ ကြုံးဝါး ပြီး တုတ်ဆွဲလာတော့ ကလေးတွေလည်း ကြောက်လန့်ပြီး မန်ကျည်းပင်ပေါ်က ဆင်းပြေးကြတယ်။

ဒါပေမဲ့ သစ်ပင်ပေါ်မှာ လူငယ်အချို့ကျန်နေသေးတယ်။ ဘာလဲကွ ဆိုပြီး ပေကပ်ကပ်ကြည့်နေတာ။ အဲဒီ အချိန်မှာ ဗညားကြမ်းတောက "ဟဲ့ ငယ်ကျွန်တွေ သစ်ပင်ပေါ်က ကောင်တွေကို ခဲနဲ့ပစ်၊ တုတ်နဲ့ လိုက်ရိုက်စမ်း" လို့အမိန့်ပေးတော့ မင်းချင်းတွေလည်း အော်ငေါက်ခြိမ်းခြောက်တယ်။ အားလုံးလိုလို ဆင်းပြေး ပေမယ့် လူငယ်တစ်ယောက်ပဲ ကျန်နေတယ်။ သူက သစ်ကိုင်းမှာထိုင်ရင်းက
"ငါတို့ ဆင်းရဲသားတွေ မရှိလို့ မန်ကျည်းရွက်ခူးစားရပါတယ်။ သင်က ဘာမို့လို့ ငါတို့ကို ခြိမ်းခြောက် မောင်းထုတ်ရသလဲ" လို့ ရဲဝံ့စွာ ပြန်မေးတယ်။ အမတ်ကြီးကလည်း
"ငါ ၀န်ကြီးဖြစ်တယ်" လို့ ပြန်ပြောလိုက်တယ်။ လူငယ်က
"၀န်ကြီးက ၀န်ကြီးအလုပ် မလုပ်ပါလား။ သင့်ကို ၀န်ကြီးခန့်ထားတာ တိုင်းပြည်အတွင်း ဆူပူသောင်းကျန်း နေတဲ့ သူခိုး သူပုန်တွေရန်က ကာကွယ်ပေးဖို့ဖြစ်တယ်။ မန်ကျည်းရွက်ခူးနေတဲ့ သူတွေကို အော်ငေါက်ပြီး ခြိမ်းခြောက်ဖို့ဆိုတာ သင့်အလုပ်မှ မဟုတ်တာ။ ကိုယ့်အလုပ် ကိုယ်မလုပ်တဲ့ ၀န်ကြီးမျိုး နင် .. လက်နက် အားကိုးပြီး ငါ့ကို သတ်လိုကသတ်။ ငါသင့်ကို လုံးဝမကြောက်" လို့ ပြောလိုက်တယ်။
ဗညားကြမ်းတောလည်း လူငယ်ကို အလွန်သဘောကျသွားပြီး "သင့်ကို အာဂယောက်ျား ဟုတ်မဟုတ် ငါ စမ်းသပ်ခြင်းဖြစ်တယ်။ သင့်ကို ငါမွေးမယ် ဆင်းခဲ့လော့" ဆိုပြီး အ၀တ်ပုဆိုးတွေပေးပြီး ခေါ်သွားပါသတဲ့။
ဒီခေတ်မှာ အဲဒီလို လူငယ်မျိုးတွေ များများ ရှိစေချင်ပါတယ်။ သာလွန်လက်ထက်က ၀န်ကြီးရဲ့ သဘောထား ကြီးပုံမျိုး ဒီခေတ်ဘယ်ဝန်ကြီးမှ ရှိနိုင်မယ်မထင်ဘူး။ ဘာကြောင့်လဲဆိုတော့ လူငယ်ကို ပျိုးထောင်ချင်တဲ့ ၀န်ကြီးတွေမှမဟုတ်တာ။ အချုပ်ထဲထည့်ပြီး ထုထောင်းချင်နေတဲ့ ၀န်ကြီးမျိုးတွေရှိနေတဲ့တိုင်းပြည်မှာ တို့လူငယ်တွေရဲ့ဘ၀ ဘယ်တော့များမှ အညွန့်တက်ကြမယ် မသိ။
၂၁.၇.၂၀၁၅

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...