ဆရာ အခွင့်အရေး

မင်းခက်ရဲ (Min Khet Ye)

ဒီဆောင်းပါးဟာ အမေရိကန် နိုင်ငံသားအခွင့်အရေးသမဂ္ဂကနေ ထုတ်လုပ်တဲ့ ဆရာများ အခွင့်အရေးကို အခြေခံ ရေးသားထားဖို့ ကြိုးစားတဲ့ စာအုပ်ဖြစ်ပါတယ်။ လူ့အခွင့်အရေး နှင့် ဒီမိုကရေစီ ဂျာနယ် မှာ ကျောင်းသားအခွင့်အရေးကို ရေးသားပြီးတဲ့ နောက် ဆရာအခွင့်အရေးဆိုတာလဲ ကျောင်းသားအခွင့် အရေးနည်းတူအရေးကြီးတယ်။ ကျောင်းသား အခွင့်အရေးနဲ့ ဆရာအခွင့်အရေးနှစ်ခုကြားမှာလဲ အများကြီး ကွဲပြားခြားနားပါတယ်။ ကျောင်းသားအခွင့်အရေးက အများ အားဖြင့် ကျောင်းသားတွေရဲ့ ပညာသင်ကြားခွင့် ၊ ကျောင်းသားတွေ အသိပညာရှာဖွေနိုင်ခွင့်အပေါ်မှာ အခြေခံတယ်။ ဆရာ အခွင့်အရေးကတော့ ပညာရေးအင်စတီကျူးရှင်းတစ်ခုလုံး တိုးတက်ဖို့ရာမှာ အရေးကြီးတဲ့ အခန်းကဏ္ဍကနေ ပါဝင် နေတဲ့ အခွင့်အရေး ပုံသဏ္ဌာန်တစ်ခုဖြစ်တာကို တွေ့ရမယ် ။ အမေရိကန်ရဲ့ ဆရာ အခွင့်အရေးဆွေးနွေး ချက်တွေကို ဖော်ပြ ထားတာဖြစ်တဲ့ အတွက် ယခု ဆောင်းပါးတွေမှာ လွတ်လပ်မှုနဲ့ လူ့အခွင့်အရေးအပေါ်ကို အခြေခံတဲ့ ဖွဲ့စည်းပုံ အခြေခံဥပဒေမျိုးကနေ ပေးအပ်ထားတဲ့ အရာတွေကိုသာလျင် အခြေခံဆွေးနွေး သွားမှာဖြစ်တယ်။

 ယနေ့ ကျွန်တော်တို့ ဆီမှာ တည်ဆောက်ထားတဲ့ အားနည်းချက်တွေ၊ ဖြည့်စွက်ပြင်ဆင်စရာတွေ ဒုနဲ့ဒေးဖြစ်နေတဲ့ ဖွဲ့စည်းပုံအခြေခံဥပဒေမျိုးကို အခြေခံထားတာ မဟုတ်ဘူး ။ နောက်တစ်ချက်က အမေရိကန်ရဲ့ ပညာရေး ဥပဒေနဲ့ ဖွဲ့စည်းပုံတွေအပေါ်အခြေခံထား တော့ကာ ကျွန်တော်တို့ဆီက အစိုးရလက်အောက်ခံ ၀န်ထမ်းပုံစံမျိုးလုံးလုံးလျောက်အောင် ဖိနှိပ်ခံထားရတဲ့ ဆရာတွေ ရဲ့ အနေအထားနဲ့ အတော်ကလေးကွဟာနေတာကို တွေ့ရမယ်။ ဒါဟာကျောင်းသားအခွင့်အရေးကို ရေးရတာနဲ့ ဆရာ အခွင့် အရေးကို ရေးရတာကြားမှာ အတော်ကလေးကြီးမားတဲ့ ကွာဟချက်ပဲ။ ဒါပေမယ့် ဆရာအခွင့်အရေးဆိုတာကို ကျွန်တော် တို့ဆီက အစိုးရလက်အောက်ခံဖြစ်နေတဲ့ ဆရာတွေထက် ၊ ပညာရေးစနစ်ကောင်းမွန်တဲ့ တကယ့် ဒီမိုကရေစီနိုင်ငံတွေ မှာ ဆရာတွေဟာ ဘယ်လို ပုံသဏ္ဌာန်အတွင်းကနေ ဘယ်လို အခွင့်အရေးမျိုးရသလဲ ဆိုတာကို အထူးပြုပြီး ပြောသွားမှာ ဖြစ်တယ်။ ဘယ်လိုပဲဖြစ်ဖြစ် လူ့အခွင့်အရေးကို လေးစားတန်ဖိုးထားတဲ့ နိုင်ငံသားလွတ်လပ်ခွင့် သမဂ္ဂအမြင်တွေဟာ ဒီမိုကရေစီ ကူးပြောင်းနေတဲ့ မြန်မာ့လူ့အဖွဲ့အစည်းအတွင်းက ဆရာတွေအတွက် မျှော်မှန်းတမ်းတစရာ ၊ အတုယူလေ့လာ စရာ စိတ်ကူးစံတစ်ခုဖြစ်လာမှာ တော့ သေချာတယ်။ နိုင်ငံသားလွတ်လပ်ခွင့် သမဂ္ဂရဲ့ ဆရာအခွင့်အရေးအမြင်ဖော်ပြချက်တွေနဲ့ အတူ တွဲပြီး ရှုမြင်စရာတွေ တွေ့ လာ နိုင်တာက ဖွဲ့စည်းပုံအခြေခံဥပဒေပါ အမြင်တွေ ၊ တစ်သီးပုဂ္ဂ ပဋိပညာဉ်တွေကနေတစ်ဆင့် ဖွင့်ဆိုပေးထားတဲ့ ဆရာတွေရဲ့ အခွင့်အရေးတွေ ၊ နောက် ဆရာအခွင့်အရေးနဲ့ ပတ်သတ်တဲ့ စုပေါင်း သဘောတူညီမှုတွေ ၊ ပြည်နယ် ဖွဲ့စည်းပုံအခြေခံဥပဒေနဲ့ စတက်ကျူဥပဒေတွေ ၊ ပြည်နယ်ရဲ့ပေါ်လစီနဲ့ ပညာရေးဘုတ်အဖွဲ့တွေရဲ့ ပေါ်လစီတွေ၊ ကောလိပ်နဲ့ တက္ကသိုလ်အဆင့် အင်စတီကျူးရှင်းနယ် ပေါ်လစီတွေကနေ ဆရာအခွင့်အရေးနဲ့ ပညာရှင်တွေပေးအပ် ထားသမျှအခွင့်အရေးတွေကိုတွေ့ရမှာဖြစ်တယ်။
ယေဘုယျစည်းမျဉ်းနိယာမများ
နိုင်ငံသားအခွင့်အရေးသမဂ္ဂထုတ် ဆရာအခွင့်အရေးရဲ့ အမြင်တစ်ခုမှာမေးထားတာက ဆရာတွေကို အလုပ်ဖြုတ် ပစ်တာ ၊ အပြစ်ပေးတာမျိုးကို ကျောင်းအာဏာပိုင်တွေက သူတို့စိတ်ကြိုက်ဥပဒေနဲ့ လုပ်နိုင်သလားဆိုတာပဲ။ ဒီမေးခွန်း အတွက် အဓိကအဖြေကတော့ လုပ်လို့မရဘူး လို့ ဖြေထားတာကိုတွေ့ရမယ်။ ဆိုလိုချင်တာက ဆရာတွေကို အမေရိကန် ဖွဲ့စည်းပုံအခြေခံဥပဒေမှာ တိုက်ရိုက်ကာကွယ်ပေးမထားပေမယ့် အလုပ်သမားတွေအပေါ်အကာအကွယ်ပေးမှုကို တော့ ထည့်ဝင်ထားတာကိုတွေ့ရမယ်။ ဒါကြောင့် ဆရာတွေအနေနဲ့ သူတို့အပေါ်အလုပ်ဖြုတ်ခြင်း ၊ ပြစ်ဒဏ်ပေးခြင်းကို အမေရိကန် ဖွဲ့စည်းပုံအခြေခံဥပဒေကနေ အကာအကွယ်ပေးထားတဲ့ အလုပ်သမားကာကွယ်မှု ပုဒ်တွေနဲ့ ချိတ်ဆက် အကာအကွယ်ယူနိုင်တယ်။ ဒီလို သဘောမျိုး ကျွန်တော်တို့ဆီမှာဖြစ်ထွန်းနိုင်ဖို့နည်းပါးနေသေးပေမယ့် ဒါမျိုး လုပ်လို့ရတယ် ဆိုတာလောက်တော့ လေ့လာကြည့်နိုင်တယ်။ နောက်ပြီးအဲဒီလို ကာကွယ်မှုမျိုးတွေကို ချိတ်ဆက်ခဲ့တဲ့ ဆရာ ဆရာမတွေရဲ့ ကျောင်းလျောက်လွှာတွေအပေါ်ကိုလည်း ကာကွယ်မှုကို ချိတ်ဆက်ခဲ့ဖူးတယ်ဆိုတဲ့ အကြောင်း ကြောင့် နောက်ပိုင်းလျောက်မယ့် ကျောင်းတွေက ပယ်ချပိုင်ခွင့် အခွင့်အရေးလဲ မရှိဘူး ။ ဒါ့အမြင် ကျောင်းအာဏာပိုင်တွေက ဆရာဆရာမတွေကို အဲဒီလို ဖွဲ့စည်းပုံအခြေခံဥပဒေကနေ ပေးအပ်ထားတဲ့ အလုပ်သမားများကာကွယ်ပေးမှု ဆိုင်ရာတွေနဲ့ မချိတ်ဆက်ရဘူးလို့ တားမြစ်ပိုင်ခွင့် ခြိမ်းခြောက်ပိုင်ခွင့်မရှိဘူး ။ ဒါ့အမြင် ဖွဲ့စည်းပုံအခြေခံဥပဒေအရ ဆရာဆရာမတွေအနေနဲ့ ကာကွယ်မှုမှာ မချိတ်ဆက်နိုင်ရင်လည်းရရဲ့သားနဲ့ ကျောင်းအာဏာ ပိုင်တွေက အတင်းချိတ်ဆက်ပိုင်ခွင့်မရှိဘူး ။ ဆရာဆရာမမှာ ချိတ်ဆက်ဆောင်ရွက်ပိုင်ခွင့်အ ခွင့်အရေးရှိသလို မချိတ် ဆက်ပဲ နေနေနိုင်ခွင့် အခွင့်အရေးလည်း ရှိတယ်။ ဒီလိုပဲ ကျောင်းအာဏာပိုင်တွေက သူတို့စီမံထားတဲ့ အလိုဆန္ဒတစ်ခုကို ဆရာဆရာမတွေ မနာခံတဲ့အတွက် အမိန့်ဖီဆန်တယ်ဆိုပြီး အပြစ်ပေးပိုင်ခွင့်လည်း မရှိဘူး။ တစ်ဖက်မှာလည်း အဲဒီလို အမိန်မနာခံလို့ ဆရာတွေကို အပြစ်ပေးမယ်ဆိုရင် ဆရာတွေအနေနဲ့ တာဝန်ရှိသူကို ပြန်လည်တရားစွဲဆိုနိုင်တဲ့ ဥပဒေမျိုး ရှိနေရမယ်။ အမေရိကန်မှာတော့ ဒီလိုဥပဒေမျိုးကို ၁၈၇၁ ခုနှစ် နိုင်ငံသားအခွင့်အရေးအက်ဥပဒေ ( 42U.S.C 1983) မှာ တွေ့ရမယ်။ ဒါကြောင့်ဆရာတွေရဲ့ အခြေခံအကျဆုံးအခွင့်အရေးကာကွယ်မှုကို အလုပ်သမားကာကွယ်မှု ဥပဒေအဖြစ် ဖွဲ့စည်း ပုံအခြေခံဥပဒေမှာဖော်ပြထားရမယ်။ အဲဒီ အခွင့်အရေးကို ကျောင်းအာဏာပိုင်တွေက ချိုးဖောက်တဲ့အခါ ဆရာတွေ အနေနဲ့ ပြန်လည်တရားစွဲဆိုပိုင်ခွင့် အက်ဥပဒေရှိနေရမယ်။ အဲဒီလိုတရားစွဲဆိုမှုတွေမှာ ဆရာတွေအနေနဲ့ နောက်ထပ်ရပိုင်ခွင့်က တရားစွဲဆိုမှုအတွင်းရှေ့နေခကို ပြန်လည်ရရှိခွင့်ရှိရမယ်၊ သင်တော်တဲ့ လျော်ကြေးရရှိရမယ်။ ဒါတင်မကဘူး ပုဂ္ဂလိကကျောင်းတွေမှာလုပ်ကိုင်နေတဲ့ ဆရာတွေ၊ အထူးသဖြင့်ပြည်နယ်ရဲ့ ထောက်ပံ့ကြေး ကိုအများဆုံး လက်ခံရရှိထားတဲ့ ပုဂ္ဂလိကကျောင်းတွေထံမှာလည်း အလုပ်လုပ်နိုင်ရမယ်။ ဆိုလိုတာက ဖွဲ့စည်းပုံအခြေခံဥပဒေပါ အခွင့် အရေးကာကွယ်မှုဖြစ်စဉ်မှာ ပါဝင်ဆောင်ရွက်ခဲ့လို့ဆိုပြီး သူတို့ကို ပယ်ချလိုက်တာမျိုး မရှိစေရဘူး။
လွတ်လပ်စွာပြောဆိုခွင့်
ဆရာအခွင့်အရေးအတွက် အရေးအကြီးဆုံးနဲ့ အခြေခံအကျဆုံးအခွင့်အရေးတစ်ခုကို ပြပါဆိုရင် လွတ်လပ် စွာ ပြောဆိုခွင့်ကို ပြရမယ်။ ကျောင်းတွေရဲ့ အလုပ်က လာမယ့် မျိုးဆက်နိုင်ငံသားတွေကို သင်ကြားပြသပေးနေရတာ။ ကျောင်းတွေ၊ ဆရာတွေဆိုတာ လာမယ့်မျိုးဆက်ကို သင်ကြားပေးနေတဲ့နေရာမှာ အရေးအကြီးဆုံးအခန်ကဏ္ဍကနေ လာတယ်။ နို်င်ငံသားတွေကို ပွင့်လင်းတဲ့ စိတ်ဓါတ်မျိုးရှိလာအောင် ၊ စည်းမျဉ်းစည်းကမ်းတွေ ၊ အများပြည်သူတွေရဲ့ ထင်မြင်ချက်တွေကို ဝေဖန်စူးစမ်းတတ်လာအောင် သင်ကြားပေးရမှာဖြစ်တယ်။ ဒီအရာတွေအလုပ်ဖြစ် လည်ပတ် အလုပ်လုပ် နိုင်ဖို့ဆိုတာက ဆရာတွေအနေနဲ့ လွတ်လပ်စွာပြောဆိုခွင့် အခွင့်အရေးတစ်ရပ်ကို ရရှိရမယ်။ လုပ်ဆောင် နိုင်ရမယ်။ နိုင်ငံသားတွေရဲ့ လွတ်လပ်စွာတွေးတောခွင့်နဲ့ စူးစမ်းခွင့်ကိုလည်း အကာအကွယ်ပေးထားရမှာ ဖြစ်တယ်။ ဒါကြောင့် တရားရုံးတွေကလည်း ဆရာတွေရဲ့ လွတ်လပ်စွာတွေးတောခွင့်ကို အကာအကွယ်ပေးဖို့ရာ အသင့်ဖြစ်နေရမယ်။
ဆရာတွေအနေနဲ့ စာသင်ခန်းရဲ့ ပြင်ပမှာ ကျောင်းအာဏာပိုင်တွေကို ဝေဖန်အပြစ်တင်တဲ့အတွက် ဖွဲ့စည်းပုံအခြေခံဥပဒေ အရ ကျောင်းကထုတ်ပစ်နိုင်သလား ဒါမှမဟုတ် ပစ်ဒဏ်ပေးလို့ရသလား ။
ဖွဲ့စည်းပုံအခြေခံဥပဒေဆိုတာ အလုပ်သမားနဲ့ဆရာတွေကို အကာအကွယ်ပေးထားရမှာဖြစ်တယ်။ ပြီးတော့ သူက လွတ်လပ်စွာပြောဆိုခွင့်ကို ခွင့်ပြုပေးထားရမယ်။ ဒါကြောင့် ဖွဲ့စည်းပုံအခြေခံဥပဒေအရတော့ ဆရာတွေရဲ့ ဝေဖန်ပြောဆိုမှု ကြောင့် သူတို့ကို အပြစ်ပေးပိုင်ခွင့်ဆိုတာ မရှိစေရဘူး။ အမေရိကန်မှာတော့ တရားရုံးချက်က ဒီလိုဝေဖန်ခွင့်ကို အကာအကွယ်ပေးတယ်။ ဆရာတွေရဲ့ လွတ်လပ်စွာပြောဆိုခွင့်နဲ့ ပတ်သတ်ပြီးPickering Vs Board of Education အမှုစီရင်ချက်ကို ကြည့်ရင်သိနိုင်တယ်။ ကျောင်းဘုတ်အဖွဲ့က သတင်းစာ အယ်ဒီတာတစ်ဦး ဆီကို ရေးတဲ့စာကြောင့် ကျောင်းထုတ်လိုက်တာဖြစ်တယ်။ အဲဒီစာမှာ အချက်နှစ်ချက်ပါတယ် ။ ပထမအချက်က ကျောင်းရဲ့ အဆောက်အအုံသစ်ဆောက်ဖို့ရာ ပြည်နယ်အစိုးရထံ ငွေကြေးအကူအညီတောင်းတဲ့အခါ ကိုင်တွယ်ပုံကို ၊ ပြီးတော့ ပညာရေးဆိုင်ရာနဲ့ အားကစားဆိုင်ရာ ပရိုဂရမ်တွေကြား အရင်းအမြစ်တွေခွဲဝေပုံတွေကိုတိုက်ခိုက်ထားတယ်။ ဒုတိယအချက်က မြို့နယ်ဒေသအတွင်း အထက်လူကြီးတွေရဲ့ အဲဒီ ငွေကြေးအကူအညီတောင်ခံမှု ပြဿနာအပေါ်ကို ဆရာတွေ ဝေဖန်မှာကို တားမြစ် ပိတ်ပင်ထားတဲ့ အချက်ပဲ ။ ပေးစာထဲမှာ အချက်အလက်အားဖြင့် မမှန်ကန်တာတွေ အမြောက်အမြားပါပေမယ့်လည်း တရားရုံးချုပ်က ဒီပေးစာကြောင့် ဆရာကိုကျောင်းကနေ ထုတ်လိုက်ခြင်းဟာ ဆရာရဲ့ လွတ်လပ်စွာပြောဆိုခွင့်ကို ချိုးဖောက်ခြင်းပဲလို့ ဆုံးဖြတ်လိုက်တယ်။ ကျောင်းရဲ့စည်းမျဉ်းစည်းကမ်းထဲမှာပဲ ခိုင်လုံပြည့်ဝစွာနဲ့မှန်ကန်နေပြီး အများပြည်သူနဲ့သက်ဆိုင်နေတဲ့ ကိစ္စ အပေးမှာ ဝေဖန်ရင် ကျောင်းကနေ ထုတ်ခံရမယ်လို့ ပြဌာန်းထားတယ်။ ဒီပြဌာန်းချက်ကို တရားရုံးချုပ်က ထည့်မစဉ်း စားတော့ဘဲ ဖွဲ့စည်းပုံအခြေခံဥပဒေပါ လွတ်လပ်စွာပြောဆိုခွင့် ဆိုတဲ့ အချက်ကိုသာလျင် အဓိကထားစဉ်းစားလိုက်တာ ဟာ တကယ့်ကို လေးစားစရာကောင်းတဲ့ ၊ လူ့အခွင့်အရေးကို လူတိုင်းရဲ့ ဘ၀အစိတ်အပိုင်းတွေဆီကိုယူဆောင်ပေးလာ နိုင်တဲ့ ဆုံးဖြတ်ချက်ပါပဲ ။ တရားရုံးက သူတို့ဒီလို ဆုံးဖြတ်ချက်ချရတဲ့ အကြောင်းပြချက်ကိုလေး အောက်ခြေမှတ်စုမှာ ပေးအပ်ထားတယ်။ ဒီအချက်ကလည်း အမေရိကန်တရားရုံးတွေရဲ့ တရားဥပဒေစိုမိုးမှု ၊တရားစီရင်ရေးလွတ်လပ်မှုသာမက သူတို့ရဲ့ နှလုံးသားတွေထဲမှာကိန်းအောင်နေတဲ့ လူသားတစ်ယောက်ရဲ့ အခြေခံအခွင့်အရေးကို ထည့်ဝင်စဉ်းစားပေးနိုင်မှု ကိုပါတွေ့ရမယ်။ တရားရုံးရဲ့ ဖော်ပြချက်မှာ -
“ အများပြည်သူဆိုင်ရာအလုပ်အကိုင်တွေရဲ့ တစ်ချို့သောနေရာတွေဟာ ယုံကြည်မှုလုံခြုံစိတ်ချရမှုဟာ အရေးကြီတဲ့ အတွက် ဒီလို လျို့ဝှက်စွားထိန်းသိမ်းထားရတဲ့အရာတွေကို မှန်ကန်စွာနဲ့ လူသိရှင်ကြားထုတ်ဖော်ဝေဖန်မှုဟာ အလုပ်တွေကနေ ထုတ်ပယ်ပစ်ကောင်းထုတ်ပယ်နိုင်တယ်ဆိုတာကို သိမြင်လက်ခံနိုင်ပါတယ်။ အခြားတစ်ဖက်မှာလည်း အထက်လူကြီးနဲ့လက်အောက်ခံတို့ကြားထဲ ဆက်နွယ်နေတဲ့ အများပြည်သူဆိုင်ရာ အလုပ်အကိုင်ရဲ့ အလုပ်နေရာတွေ သူတို့အချင်းချင်းရင်းနှီးစွာ ဆက်ဆံနေရတဲ့သဘာဝကြောင့် လက်အောက်ခံတွေက အထက်လူကြီးအပေါ် အများပြည်သူ ဆိုင်ရာ ဝေဖန်ချက်တွေဟာ သူတို့အချင်းချင်းကြားထဲက အလုပ်အကိုင်ထိရောက်စွာ လုပ်ကိုင်နိုင်စွမ်းနဲ့ ပတ်သတ်တာ တွေကို တိုက်စားသွားနိုင်တာကိုလည်းတွေ့ရပါမယ် ”
လို့ ဖော်ပြထားတယ်။ ဒီလို အောက်ခြေမှတ်စုဖော်ပြပြီးမှာ ဆရာတစ်ယောက်အနေနဲ့ ဖွဲ့စည်းပုံအခြေခံဥပဒေ ပြင်ဆင် ဖြည့်စွက်ချက် အမှတ်တစ်ပါ နိုင်ငံသားတိုင်းလွတ်လပ်စွာပြောဆိုပိုင်ခွင့်ကို ပိုအလေးပေးရင်း ဆရာ အခွင့်အရေးအဖြစ် တရားရုံးချုပ်က ဆုံးဖြတ်ချက်ချမှတ်သွားတာကိုတွေ့ရမယ်။ ဆက်လက်ပြီး တရားရုံးချုပ်က ဆရာတွေကို အလေးအနက်ထားပြောတာကတော့ - “ဆရာတွေအနေနဲ့ ကျောင်းနဲ့ အများပြည်သူဆိုင်ရာကိစ္စတွေကို အပြည့်အ၀ ဝေဖန်ပိုင်ခွင့်ရှိတယ်။ ကျောင်းစနစ်မှာနောက်ထပ် ဘဏ္ဍာငွေလိုအပ်ခြင်း မလိုအပ်ခြင်းဟာ ကျောင်းအုပ်ချုပ်ရေးအဖွဲ့တွေ ဆုံးဖြတ် ချက်ချမှတ်ရမယ့် တရားဝင် အများပြည်သူဆိုင်ရာ ကိစ္စဖြစ်တယ်။ လူ့အဖွဲ့အစည်းထဲမှာ ကျောင်းအုပ်ချုပ်ရေးအဖွဲ့ အနေနဲ့ သူတို့သာလျင် ဒီဆုံးဖြတ်ချက်က်ို ချမှတ်ရမယ်လို့ ထင်မှတ်မထားဖို့ အရေးကြီးတယ်။ ကျောင်းအုပ်ချုပ်ရေးအဖွဲ့ဟာ ဆုံးဖြတ် ချက်တွေနဲ့ပတ်သတ်ပြီး အများပြည်သူရဲ့ ဆုံးဖြတ်ချက်တွေကိုလည်း တောင်းဆိုထားသင့်တယ်။ ပြီးတော့ညှိနှိုင်း ဆောင်ရွက်သင့်တယ်။ ကျောင်းအုပ်ချုပ်ရေးအဖွဲ့ဝင်တွေဆိုတာလည်း ရွေးကောက်ခံပုဂ္ဂိုလ်တွေပဲ သူတို့ဟာ သူတို့ချမှတ် မယ့် အရေးကြီးတဲ့ ဆုံးဖြတ်ချက်တွေအတွက် မေးခွန်းတွေထွက်လာဖို့လွတ်လပ်ပြီး ပွင့်လင်းတဲ့ ဆွေးနွေးပွဲတွေကနေ တစ်ဆင့် မှတ်ယူရမှာဖြစ်တယ်။ ဆရာဆိုတာ လူတန်းစားတစ်ရပ်ပဲ ။ အဲဒီ ဆရာဆိုတဲ့ လူတန်းစားဟာ သူတို့နေထိုင်ရာ လူမှုအသိုင်းအ၀ိုင်းရဲ့ အဖွဲ့ဝင်တွေဖြစ်ပြီးပိုပြီးတော့ ဆွေးနွေးနိုင် ၊ ဆုံးဖြတ်ချမှတ်နိုင်မယ့် အချက်အလက်ကောင်းတွေ ပေး နိုင်တဲ့ လူတန်းစားတစ်ရပ်ဖြစ်တယ် ဆိုတာ ကျောင်းအာဏာပိုင်တွေ မေ့ထားလို့ မရဘူး ။ ပြီးတော့ ဆရာဆိုတဲ့ လူတန်းစားက ကျောင်းရဲ့ ဘဏ္ဍာငွေတွေကို ကျောင်းအော်ပရေးရှင်ထဲမှာ ဘယ်လိုထည့်ဝင်ခွဲဝေပြီး သုံးစွဲမလဲဆိုတာ တိကျတဲ့ ထင်မြင်ချက်ပေးနိုင်တဲ့ လူတန်းစားတစ်ရပ်ဖြစ်တယ်။ ဒါကြောင့် ဆရာဆရာမတွေအနေနဲ့ ကျောင်းနဲ့ အများ ပြည်သူဆိုင်ရာကိစ္စတွေအတွက် ထုတ်ခံရမှာကို မကြောက်ဘဲ လွတ်လပ်စွာထုတ်ဖော်ပြောဆိုဖို့လိုအပ်တယ် ။”
နောက်ပြီး ကျောင်းဆရာ ပစ်ကားရင်းရဲ့ဖော်ပြချက်တွေမှာ သူမသိဘဲပြောထားတဲ့ အချက်အလက်မခိုင်လုံတဲ့ အမှားတွေပါ တယ်။ တရားရုံးအနေနဲ့ ဒီဖော်ပြချက်တွေဟာ ကျောင်းရဲ့အုပ်ချုပ်ရေး ယန္တရားကို အကောင်းဘက်ဖြစ်လာအောင် ထောက်ပြ ပြောဆိုနိုင်မှုမရှိဘူး။ တစ်ဖက်မှာလည်း အချက်အလက်အမှားတွေပါနေတဲ့အတွက်ကျောင်းရဲ့ အလုပ်အကိုင် ဆက်သွယ်ချက်တွေကို လှိုက်စားသွားတဲ့ပုံမပေါက်ဘူးလို့မြင်တယ်။ ဘယ်လိုပဲဖြစ်ဖြစ် ပစ်ကားရင်းမှာ အခြေခံဥပဒေက ပေးအပ်ထားတဲ့ လွတ်လပ်စွာ ပြောဆိုခွင့်ကိုတော့ခံစားနိုင်ခွင့်ရှိတယ်လို့ တရားရုံးကမြင်တယ်။ ပစ်ကားရင်းရဲ့ အများပြည် သူဆိုင်ရာထုတ်ဖော်ပြောဆိုချက်တွေဟာ သူ့ရဲ့စာသင်ခန်းအတွင်း တာဝန်ထမ်းဆောင်မှုတွေမှာ ထိခိုက်သွားပါပြီလို့ ထောက်ပြနိုင်လောက်တဲ့အချက်အလက်လဲမရှိဘူး ။ ဒါကြောင့် တရားရုံးဟာ ဆရာတစ်ယောက်အတွက် ၊ လူသားတစ် ယောက်အတွက်အရေးကြီးတဲ့ ဖွဲ့စည်းပုံအခြေခံဥပဒေပါ လွတ်လပ်စွာ ပြောဆိုခွင့်ဆိုတာကို ကိုင်ပြီး ဆုံးဖြတ်ခဲ့တာဖြစ် တယ်။