တုံချမ်ဘိုင်စကုပ်။ ။ (မင်းဒင်)

Min Din

(၁)
တုံ၊
ချမ်၊
တုံ၊
ချမ်၊
တုံချမ်၊ တုံချမ်၊ တုံချမ်၊

တုံ၊
ချမ်၊
တုံချမ်၊ တုံချမ်၊ တုံချမ်၊ တုံချမ်၊ ချမ်း၊
တုံဟူသောအသံသည်ဗုံတိုကို တုတ်တိုနှင့်ရိုက်သံဖြစ်၍၊ ချမ်ဆိုသည်ကား
လင်းကွင်းကို တုတ်ဖျားနှင့် ထိခတ်သံဖြစ်၏။ ယင်းအသံစတင်ထွက်ပေါ်လာစဉ်ကသော်
တုံနှင့်ချမ်ကြားတွင်၊ မဆိုစလောက်အချိန်ခြား၏။တဖြည်းဖြည်း တုံ သံနှင့် ချမ်သံနီးကပ်လာကာ၊ တုံချမ်၊ တုံချမ်၊ တုံချမ်ဟူသောအသံဖြစ်ပေါ်လာခြင်းဖြစ်သည်။
ငယ်စဉ်ကသော်တုံချမ်သံသည်ကျွန်တော့်အတွက်မင်္ဂလာရှိလှပါ၏။
ကျွန်တော့်နည်းတူအခြားသောကလေးငယ်တို့အတွက်လည်းဝမ်းပန်းတသာဖြစ်ရသော
အသံဖြစ်ပါသည်။ထိုတုံချမ်သံသည်၊တုံချမ်ဘိုင်စကုပ်ကားပေါ်မှ
ထွက်ပေါ်လာခဲ့ခြင်းဖြစ်သည်။ကျွန်တော်တို့ကတုံချမ်ကားဟု
အမည်သညာပြုကြသော်ငြား၊စင်စစ်မော်တော်ကား မဟုတ်ချေ။သစ်သားဘော်ဒီကို သံပြားဖြင့်အလုံပိတ်နီးပါးကာ၊သံဘီးတပ်ထားသည့်တွန်းလှည်းဟောင်းကြီးမျှ သာဖြစ်သည်။
တုံချမ်ကား၏နောက်ဖက်တွင်လူတစ်ကိုယ်စာဝင်ပေါက်ရှိသည်။တုံချမ်သံသည်
တုံချမ်ကားခေါင်းရင်း စက်ခန်းမှထွက်ပေါ်လာနေသဖြင့်၊တီးနေသူကိုမမြင်ရချေ။
ထိုတုံချမ်ကားသည်သီတင်းကျွတ်တန်ဆောင်တိုင်ပွဲတော်ရက်များ၌၊
လှိုင်မြို့နယ်ကမာရွတ်ဘူတာရုံလမ်း ၊၁၂ လမ်းထိပ်ဗလီရှေ့သို့၊နှစ်စဉ်ရောက်လာတတ်သည်။
ဤတုံချမ်ကားသည်၊အဆိုပါရပ်ကွက်ရှိနှပ်ချေးမစင်ကြ သေး သော၊ဂုဏ်သရေရှိကလေးငယ်တစ်သိုက်၊
ကမ္ဘာဦးလူတို့နေလကိုအမျှော်ကြီးမျှော်သလိုမျှော်နခဲ့ကြရသောအရာဖြစ်ခဲ့ချေ၏။တုံချမ်ကားသည်ဘိုင်စကုပ်ပြသည့်ကားဖြစ်၍ကျွန်တော်တို့အဖို့၊လူကြီးသူမများပါးစပ်ဖျားမှသမ္မတရုပ်ရှင်ရုံနှင့်မလဲနိုင်သည့်တန်ဖိုးထားဖွယ်၊ရုံတော်မင်္ဂလာဖြစ်၏။
(၂)
တုံချမ်သံကြားပြီဟေ့ဆိုကတည်းက၊ကျွန်တော်တို့ကလေးတစ်သိုက်တုံချမ်ကားဘေး၌၊
ဝိုင်းအုံကာ၊ကား ဘော် ဒီဘေးသွပ်ပြားပေါ်တွင်၊မြေဖြူနှင့်ရေးထားသည့် ထိုနေ့ညပြသမည့်ရုပ်ရှင်ဇာတ်ကားအမည်များကိုဖတ်ရသည်မှာအမော။ရုံဝင်ခမှာ တခါကြည့်ဆယ်ပြားဖြစ်သည်။ကလေးတိုင်းလိုလို၊အိမ်ကိုနားပူနာပူနာဆာလုပ်ကြသည်။
ချောင်ကြိုချောင်ကြားမှာရှိနေတတ်သည့်ဘူးခွံပုလင်းခွံအဟောင်းတို့ကို၊
လမ်းထိပ်ရှိဘော်တယ်ကုလားဆိုင်မှာထုတ်ရောင်းသူကရောင်းနှင့်၊ဗျာများကုန်ကြ၏။
ငါးမူးပြားခြောက်ဆယ်တန်သည်ရှိမှဖြစ်မည်။မည်သူမျှတစ်ကားတည်းနှင့်
တင်းတိမ်ရောင့်ရဲရိုးထုံးစံမရှိ၊ထိုအထဲတွင်ကျွန်တော် လည်းပါဝင်သည်။
တုံချမ်ကားထဲသို့ဝင်လိုက်သည့်နှင့်လူငွေ့ကြောင့်ပူလောင်အိုက်စပ်ကာချွေး
တလုံးလုံးဖြစ်နေကြသော်ငြား၊မည်သူ ကမျှငြီးသံမထွက်ကြချေ။ နဂိုကမှကျဉ်းကြပ်ရသည့်အထဲ၊အလယ်ခုံပါထိုးထားသောကြောင့်၊လှုပ်မရအောင် ကြပ်သည်ကိုမမှုသည့်အပြင်လေလည်သည့်အနုံ့ဆိုးကိုလည်းသည်းခံနိုင်ကြသည်။
ခါးထစ်ခွင်လျက်ပါလာတတ်သည့်ကလေးတချို့မူငိုသံမတိတ်လေ။
တုံချမ်ခေါင်းခန်းထဲမှဖလင်ရစ်သံကလစ်ကလစ်ထပ်၊ထပ်၊ထပ် ဟူသော အသံစ၍ကြားရလျှင် မီးကိုရေနှင့်ငြိမ်းလိုက်သလိုဖြစ် ကာ၊ ငိုနေသောကလေးလည်းအသံတိတ်ပြီ။
ပိတ်လိုက်သောတံခါးမှာရုပ်ရှင်ပိတ်ကားဖြစ်၏။အလင်းတန်းနှင့်အတူပိတ်ကားတွင်
အစင်းရာခြစ်ရာတချို့ပေါ်လာပြီးနောက်၊လူရုပ်တွေပေါ်လာချိန်တွင်ကား၊
ကျွန်တော်တို့မှာအသက်ရှူဖို့ပင်မေ့လျော့နေတတ်ကြသည်။
။ကျော်ဆွေ၏ပုလဲမျက်ရည်၊ရွှေဘ၏တောကဖိုးတုတ်၊ဝါးရမ်းပြေးဘိုးသိန်း
ဇာတ်ကားများမှာကျွန်တော်တို့အသည်းစွဲဖြစ်၏။
“ဒီမယ်။ရဲဘော်၊စစ်သားစစ်တိုက်ရတယ်ဆိုတာမဆန်းပါဘူးကွာ။သေတစ်နေ့မွေးတစ်နေ့ပေါ့”
“တုံ”
“ဆရာကျော်၊ဆရာကျော်”
“ချမ် ချမ် ချမ်”
“စိန်နားကပ်ရောင်နဲ့ပါးပြောင်နေတဲ့မင်းတို့လိုအမျိုးယုတ်တွေကိုအမျိုးဖြုတ်မဲ့
ဖိုးတုတ်တဲ့ကွ၊ကဲကွာ၊ကဲကွာ”
“တုံချမ်၊တုံချမ်၊တုံချမ်”
“ဟေ့ကောင်၊ငါ့မျက်နှာကိုသေချာကြည့်စမ်းပါ။ဖိုးသိန်းလေ။ဖိုးသိန်း၊
မင်းတို့လိုက်ရှာနေတဲ့ဝါးရမ်းပြေးဖိုးသိန်းလေ”
“တုံ၊ချမ်၊ချမ်၊ချပ်”
(၃)
တုံသံ၊ချမ်သံနှင့်ဇာတ်ကားထဲက မင်းသမီး၊မင်းသားနှင့်လူကြမ်းပေါင်းစုံ၏အသံတို့ကိုတစ်ဦးဒိုင်ခံဖန်တီးနေသူ ကားတုံချမ်ကားခေါင်းတွင်းမှ၊လူမမြင်ရသော၊ပြစက်ဆရာဖြစ်၏။
ပါးစပ်ကိုအနားမပေးပဲ၊တုတ်တိုတစ်ချောင်းနှင့် တုံလိုက်၊ချမ်လိုက်၊တတုံတုံ၊တချမ်ချမ်လုပ်နေသောစက်ဆရာထံ
ကျွန်တော်တို့ရွှေပွဲလာပရိတ်သတ်မင်းများကစိတ်မဝင်စား၊ပိတ်ကားပေါ်က အရုပ်တွေကသာ၊ကျွန်တော်တို့အာရုံကိုဖမ်းစားထားသည်။
သူရွတ်နေသည့် စကားလုံးတို့မှာ၊မူရင်းရုပ်ရှင်တွင်တကယ်ပါသည်၊ မပါသည်ဆိုခြင်းသည်လည်းကျွန်တော်တို့အတွက်ရေးကြီးခွင်ကျယ်ပြဿနာမဟုတ်ချေ။ တုံချမ်ဇာတ်ကားတို့မှာဟိုတကွက်သည်တကွက်၊ ဘာအဆက်အစပ်မှမရှိသော်ငြား၊ ကျနော်တို့ကလေးတသိုက်ကား ဇာတ်လမ်းတပုဒ်လုံးကိုနားလည်သည့်အလားကျေနပ်ပျော်ပိုက်ကြ လေသည်။
ပြသချိန်ငါးမိနစ်ထက်မပိုသော၊ဖလင်အတိုအစတိုိ့အား
ဇာတ်ကားကြီးနာမည်ထိုးပြခြင်းကိုလည်းကျွန်တော်တို့အကျေနပ်ကြီးကျေနပ်ကြသည်။
ပွဲချိန်ဆုံး၍ချွေးတလုံးနှင့်ပြန်ထွက်လာကြသော်လည်း၊အိတ်ကပ်ထဲကပိုက်ဆံတပြား မကျန်အောင်၊နောက်တပွဲကိုအလုအယက်တန်းစီကြပြန်သည်။
။နောက်ဆုံးကားဆိုလျှင်၊ရုံတော်မင်္ဂလာအတွင်းသို့ဝင်ခွင့်မရလိုက်မည်စိုးသည်ကြောင့်၊
အရင်ကားများထက် ပို၍အားစိုက်တိုးဝှေ့ရသည်။
ထိုသို့လျှင်ကျွန်တော်တို့သည်တုံချမ်ရုပ်ရှင်ကိုနှစ်ခြိုက်စွာကြည့်ကြသည်။
ခဏခဏကြည့်သည်။ တနေ့လေးငါး ပွဲကြည့်သည်။ကြည့်ပြီးသားပြန်ကြည့်၏။
ဇာတ်ပွဲအငြိမ့်ပွဲများကဲ့သို့လူကောင်ကြီးမြင်နေရတာထက်ပိတ်ကားပေါ်မှာ
လူရုပ်တွေပေါ်လာနေခြင်းကိုကျွန်တော်တို့အလွန်ထူးဆန်းအံ့သြစွာ
အားပေးခဲ့ကြဖြစ်ကြလေသည်။ကြည့်ခွင့်ရရေးအတွက်၊
ရုံဝင်ခကိုတုံချမ်တံခါးဝတွင်ငွေကောက်နေသူ(ပြစက်ဆရာ၏တပည့်)
လက်ဝယ်သို့၊သူ့ထက်ငါဦးအောင်၊နှမြောတွန့်တိုစိတ်အလျဉ်းမရှိပဲ
၊ရက်ရောစွာထိုးထည့်ပေးကြသည်။
(၄)
မျက်မှောက်ခေတ်တွင်မူအိမ်တိုင်းစေ့နီးပါးတီဗီ၊စီဒီစက်၊ဗွီစီဒီစက်တို့သာမက၊ လက်ကိုင်တယ်လီဖုန်းဖြင့်ပါ၊ တုံ ချမ်ထက်သာသော ရုပ်ရှင်ကြည့်၍နေကြပြီဖြစ်ရာ၊တုံချမ်ဘိုင်စကုပ်ပြလျှင် အားပေးမည့်ပရိသတ်မရှိလောက် တော့ပြီ၊တုံချမ်ခေတ်ကုန်ပြီဟုကျွန်တော်ထင်ခဲ့သည်။
အိမ်ရှေ့တွင်တုံချမ်ကားလာရပ်၍ တုံချမ်းတုံချမ်းအသံပေးကာ
တနေကုန်တုံချမ်သံဖြင့် မြူဆွယ်နေလျှင်လည်း လှည့်ကြည့်ကြမည်မဟုတ်။ ကလေးငယ်များကပို၍ဆိုး လိမ့် မည်။ဘယ်ကအရူးတွေ လမ်းထိပ်လာပြီး အရူးထနေပါလိမ့်ဟု ပြက်ရယ်ပြုကြလိမ့်မည်ဟုသာကျွန်တော်ယူဆနေခဲ့ သည်။
သို့သော်နာဂစ်ဖွဲ့စည်းပုံအခြေခံဥပဒေကိုအားပြုလျက်၊
(၂၀၁၀)ရွေးကောက်ပွဲကိုဖြင့်ဖြစ်တည်လာသော၊အစုိုးရအဖွဲ့၏
လေးနှစ်ကျော်သက်တမ်းကာလနိုင်ငံရေးအခင်းအကျင်း တို့ကိုမြင်နေကြားနေရသည့်အခါ၊ ငယ်စဉ်က စွဲလမ်းနှစ်ခြိုက် ခဲ့ဖူးသည့်တုံချမ်ဘိုင်စကုပ်များကိုပြန်၍အမှတ်ရလာမိသည်။
“ကောင်းမွန်သောအစိုးရ”
“တုံ”
“သန့်ရှင်းသောအစိုးရ”
“ချမ်”
“တရုတ်ချေးငွေရယူရန်လွှတ်တော်မှတခဲနက်အတည်ပြု”
“တုံချမ်၊တုံချမ်”
“လွှတ်တော်တွင်းမှတပ်မတော်သားအမတ်တို့အား၊ပြည်သူလူထုကအပြည့်အဝထောက်ခံလျက်ရှိ”
“တုံ၊ချမ်၊တုံ၊ချမ်”
“ပြည်ပမှနားရွက်တံထွေးလာမဆွတ်ရဲသည့်တပ်မတော်ဖြစ်ရေးအတွက်လယ်ယာမြေများကိုသိမ်းဆည်းရခြင်းဖြစ်”
“တုံချမ်၊တုံချမ်၊တုံချမ်”
“ဗိုလ်ချုပ်ဝါဒ၊ဖော်ဆောင်နေသည်တို့ပါတီ”
“တုံချမ်၊တုံချမ်”
ထို့ပြင်တဝအဆိုပါတုံချမ်အစိုးရ၊တုံချမ်စစ်တပ်၊တုံချမ်လွှတ်တော်၊
အာဏာရတုံချမ်ပါတီမှတုံချမ်ဆရာသမားတို့အားအဘအခေါ်မပျက်
တခဲနက်ထောက်ခံနေကြဆဲဖြစ်သော၊လူငယ်ပညာတတ်တုံချမ်လော်ဘီ
တချို့ကိုမြင်နေတွေ့နေရပြန်သော်၊
လွန်ခဲ့သောနှစ်ငါးဆယ်ခန့်က၊နှပ်ချေးမစင်သေးသည့်ခုနှစ်နှစ်၊
ရှစ်နှစ်သားအရွယ်ကျွန်တော်အပါအဝင်ဖြစ်ခဲ့သည့်တုံချမ်ဘိုင်စကုပ်၏
အမာခံတုံချမ်ပရိသတ်တို့ကိုသာ၊ပြေးမြင်မိလေတော့သည်။ ။

၃၊ဧပြီ၊၂၀၁၅နေ့ထုတ် သည်လေးဒီးစ်အပတ်စဉ်ဂျာနယ်မှ။ ။