Tuesday, February 24, 2015

မသိချင်ယောင်ဆောင်သော အတို့အထောင်များသို့

နိုင်ငံတော် အစိုးရပိုင်မီဒီယာကတစ်ဆင့် ရိုက်ချက်ကတော့ကမ်းကုန်ဖြစ်လာပါတယ်။ သမဂ္ဂဆိုတာ ဘာမှန်းတောင် မသိတဲ့ သူက သမဂ္ဂကို ကွန်မြူနစ်အဖွဲ့အစည်းယောင်ယောင် ကြောက်စရာကောင်းအောင် ဝါဒဖြန့်ပြီး လုပ်ကြံလာတာကို တွေ့ရတယ်။ သမဂ္ဂဆိုတာ ပါဠိစကားပါ "အလုံးစုံသော၊ ညီညွတ်သော၊ တပေါင်းတည်းဖြစ်သော" ဆိုတဲ့ အဓိပ္ပာယ်ရပါတယ်။ ညီညွတ်ခြင်းကို ကိုယ်စားပြုတဲ့နေရာမှာ သုံးပါတယ်။ ဘယ်သူတွေမဆို၊ ဘယ်အဖွဲ့အစည်းမဆို ညီညွတ်စွာ ပေါင်းစုဖွဲ့စည်း ထားတာကို သမဂ္ဂလို့ခေါ်ကြောင်း မှတ်သားရပါတယ်။ ဘုရားဟောမှာလည်း "သမဂ္ဂါနံ တပေါ သုခေါ" (ညီညွတ်သူများ၏ အကျင့်သည် ချမ်းသာ၏) လို့ဆိုထားပါတယ်။ တစ်နည်းပြောရ⁠ရင် ညီညွတ်သည့်အဖွဲ့သည် ချမ်းသာ၏လို့ ဘုရားရှင်က မိန့်မှာတော်မူခဲ့တာပါ။
အင်္ဂလိပ်လို Union ဆိုတာကလည်း
1. the action or fact of joining or being joined, especially in a political context.
2. an organized association of workers formed to protect and further their rights and interests; a labor union.
3. A society or association formed by people with a common interest or purpose
လို့ဖွင်ဆိုထားတာတွေ့ရပါတယ်။
နိုင်ငံရေးနဲ့ ပတ်သက်သည်ဖြစ်စေ၊ လူမှုရေးနဲ့ ပတ်သက်သည်ဖြစ်စေ ပူးပေါင်းဆောင်ရွက်နိုင် စေရန် ဖွဲ့စည်းထားတဲ့ အသင်းအဖွဲ့မျိုးတွေကို သမဂ္ဂလို့ခေါ်တာပါ။ တိုင်းပြည်ကို ပုန်ကန်ဖို့၊ သူပုန်ထဖို့ ဖွဲ့စည်းထားတဲ့ အဖွဲ့ အစည်းတွေ မဟုတ်ဘူးဆိုတာကို သမဂ္ဂကြောက်တဲ့ အစိုးရအနေနဲ့ ပထမဆုံး သိထားဖို့ လိုပါတယ်။
အစိုးရသတင်းစာတွေက အငှားချစာရေးဆရာတွေနဲ့ တိုက်ကွက်ဆင်လာတဲ့ အထဲမှာ ပြည်သူတွေကို ယုန်ထင်ကြောင်ထင် ဖြစ်အောင် လိုတာလေးကောက်လိုက်၊ ဘာသာရေး လူမျိုးရေးနဲ့လှည့်ထောက်လိုက် တို့မီးရှို့မီးလုပ်နေတာကတော့ အောက်တန်းကျတယ်လို့မြင်ပါတယ်။ ဖေဖော်ဝါရီ ၂၃ ရက်နေ့ထုတ် နိုင်ငံတော်ပိုင် သတင်းစာတွေကနေ အောင်ဟိန်း ဆိုသူ ရေးထားတဲ့ "ကျောင်းသားသမဂ္ဂနှင့် အစွန်းတရားနှစ်ပါး" ဆိုတဲ့ ဆောင်းပါးမှာ တစ်ချိန်က ကျောင်းသားသမဂ္ဂအတွင်း ကွန်မြူနစ်တွေ ဝင်ရောက်ကြိုးကိုင်တာကို အစဖော်ပြီး
"ယနေ့ကျောင်းသား သမဂ္ဂသမိုင်းကို တွင်တွင်ပြောနေသူများကိုကြည့်လျှင် ကွန်မြူနစ်ဟောင်းများ၊ သူတို့ မျိုးဆက်များသာ ဖြစ်သည်ကို တွေ့ရပါမည်" လို့ဆိုထားတဲ့ စကားကတော့ သမဂ္ဂကို ထောက်ခံတဲ့သူတွေ၊ သမဂ္ဂဖြစ်ပေါ်လာရေး ဝိုင်းဝန်းကြိုးပမ်းပေးနေသူတွေ အားလုံးကို အချွန်နဲ့မပြီး ကွန်မြူနစ်တွေလို့ စွပ်စွဲလိုက်တာနဲ့ အတူတူ ဖြစ်နေပါတယ်။ ခေတ် ပြောင်းလာတာကို အောင်ဟိန်းမေ့နေပုံရပါတယ်။ အိပ်ငိုက်နေသေးရင် အပြင်ကိုလှမ်းကြည့်လိုက်စေချင်ပါတယ်။
ဆိုလိုချင်တာက ကွန်မြူနစ်ကြောက်တဲ့ရောဂါကို အစိုးရကိုယ်တိုင် ယခုအထိ အရှိန်မသေသေးတာလား၊ ကွန်မြူနစ် သွေးလန့်တတ်တဲ့ သူကိုပဲ စာငှားချထားလို့လားတော့ မသိပါဘူး။ "တရုတ်နိုင်ငံက တက္ကသိုလ်များတွင် လွတ်လပ်သော သမဂ္ဂ ရှိသလားဟု ကြုံရင်မေးကြည့်ကြပါ" လို့တောင် ဆိုထားပါသေးတယ်။
တရုတ်ပြည်ဟာ ကွန်မြူနစ်တိုင်းပြည်ပါ။ ကွန်မြူနစ်တိုင်း ပြည်ဆိုတော့ တစ်ပါတီအာဏာရှင်စနစ်က ကြီးစိုးထားပြီး ပါတီက ချမှတ်ထားတဲ့ လမ်းစဉ်အတိုင်း အဖွဲ့အစည်းတွေထဲကိုသာ ဝင်ရောက်လှုပ်ရှားကြရတာ သဘာဝပါ။ မြန်မာနိုင်ငံမှာ ဆိုရှယ်လစ်ခေတ် လွှမ်းမိုးစဉ်က လမ်းစဉ်လူငယ်၊ ရှေ့ဆောင်လူငယ်၊ တေဇလူငယ်ဆိုပြီးတော့တောင် အဖွဲ့တွေ ဖွဲ့ပေးဖူးသေး တာပဲ။ ဒါဆိုရင် အောင်ဟိန်းရေးတဲ့ ကျောင်းတိုင်းအတန်းတိုင်းမှာ သမဂ္ဂဖွဲ့ပေးဖို့ လိုသလားဆိုတဲ့ စကားကို ဖြေဖို့တောင် လိုမယ်မထင်တော့ပါဘူး။ ဆရာ့ ဆရာကြီးများတောင် လမ်းစဉ်အတိုင်း အရွယ်မရွေး အဖွဲ့အစည်းတွေ ဖွဲ့စည်းထားရင် သမဂ္ဂ ဆိုတာ ကောင်းတဲ့ရည်ရွယ်ချက်နဲ့ ဖွဲ့စည်းရင် ခွင့်ပြုနိုင်ရမှာဖြစ်ပါတယ်။ ဟောင်ကောင်မှာ ကျောင်းသားသမဂ္ဂရှိတယ်ဆိုတာ ကိုတော့ သိမယ်ထင်ပါတယ်။
သမဂ္ဂဆိုတာ ကျောင်းသားမှ ဖွဲ့လို့ရတာမဟုတ်ဘူး။ အလုပ်သမားလည်း ဖွဲ့လို့ရတယ်။ ကျောင်းသားဟောင်းတွေလည်း စုပြီးတော့ ဖွဲ့လို့ရတယ်။ ဆိုက္ကားဆရာတွေ၊ ကျောင်းဆရာတွေလည်း သမဂ္ဂဖွဲ့လို့ရတယ်။ သမဂ္ဂဆိုတာ ညီညွတ်အောင်ဖွဲ့တာ။ ညီညွတ်ခြင်းဖြင့် ချမ်းသာသုခရောက်အောင် ဘုရားဟောအတိုင်းလုပ်တာ။
ဒီခေတ်ကျောင်းသားတွေကို အောင်ဟိန်းက နားမလည်ပါးမလည်လေးတွေ ထင်ပြီး "သမဂ္ဂဟူသည် ကွန်မြူနစ် အယူအဆ မဟုတ်သည်ကို နားလည်ဖို့လိုသည်" ဆိုပြီး ဆရာလုပ်ထားပါတယ်။ နှစ်ပေါင်း ၅၀ ကျော် ကျောင်းတွေမှာ အပေါင်းအစုနဲ့ မလုပ်တတ်အောင်၊ အစုအဝေးနဲ့ မဆောင်ရွက်တတ်အောင် ချိုးနှိမ်ခဲ့လို့ မြန်မာတွေ Teamwork အားနည်းတယ်လို့ အပြောခံ နေရချိန်မှာ ကလေးတွေက ခုဆိုရင် Teamwork နဲ့လုပ်ချင်လို့ သမဂ္ဂတောင်းနေတာကို ကွန်မြူနစ် ဗီတိုနဲ့ပယ်ချဖို့ အောင်ဟိန်းကတစ်ဆင့် ကြိုးစားရင် မရိုးသားချင်တာ ဘယ်သူဆိုတာ လယ်ပြင်ဆင်သွားသလို ထင်ရှားနေပါတော့တယ်။
၂၄.၂.၂၀၁၅

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...