ဗန္ဓုလပန်းခြံထဲက ခုနစ်နှစ်အရွယ် ပို့စကတ်အရောင်းသမလေး

Yangon Media Group

အပြာရောင်ချည် လွယ်အိတ်သေးသေးလေးကို စလွယ်သိုင်းထားပြီး သနပ်ခါးပါးကွက်ကျား နဲ့ သွက်လက်ချက်ချာတဲ့ မိန်းကလေးငယ်လေးတစ်ဦး။ မြက်ခင်းစိမ်းစိမ်း၊ ရေပန်းများပန်းထွက်နေသည့် လွတ်လပ် ရေးကျောက်တိုင်ကြီးရှိရာ ရန်ကုန်မြို့လယ်ကောင် မဟာ ဗန္ဓုလပန်းခြံကြီးဟာ သူ့ရဲ့ပိုင်နက်ပါ။

အင်္ဂလိပ်စကားကိုလည်း လည်လည်ဝယ်ဝယ် ပြော တတ်သူဖြစ်ပါတယ်။ ''သမီးက How are you? လို့မေး၊ သူတို့က I am fine လို့ ပြန်ပြောတယ်။Where come from? လို့ ထပ်မေးလိုက်ရင် သူတို့က From Germany လို့ ပြန်ဖြေကြတယ်''လို့ အသက် ခုနစ်နှစ်အရွယ် သူဇာလင်း က ပြောပြပါတယ်။

သူမအသက် ခြောက်နှစ်အရွယ်ကတည်း က အင်္ဂလိပ်စကားကိုပြောတတ် နေတာလို့ ဆိုပါတယ်။

သူမနေထိုင်ရာ ဒလမြို့နယ်ကနေ မဟာဗန္ဓုလပန်း ခြံထဲမှာ ပို့စကတ်လေးတွေ လိုက်ရောင်းနိုင်ဖို့ အင်္ဂလိပ်လို ကျွမ်းကျင်တဲ့ သူမနဲ့ဘဝတူ ပို့စကတ်ရောင်းတဲ့ အစ်မကြီး တစ်ဦးထံမှ အင်္ဂလိပ်လိုပြောတာကို အတုယူပြောရင်းတတ် မြောက်လာတယ်လို့ သိရပါတယ်။

အဖေဖြစ်သူဆုံးပါးသွားပြီးနောက်ပိုင်း ဘဝနောင် ရေးအတွက် ပန်းခြံမှာ ပို့စကတ်ရောင်းကာ အသက်မွေး ဝမ်းကျောင်းပြုတယ်လို့ ဆိုပါတယ်။

''အမေက ဒေါ်စန်းစန်းဝင်း၊ အမေက သမီးတို့ ဒီဘက် ကမ်းကို ဈေးလာရောင်းရင် ထမင်းချိုင့်ထည့်ပေးတယ်။ ဒီပိုက်ဆံတွေက သမီးနောင်ရေးအတွက်ပါ''။
သူမဟာ သာမန်ကလေးငယ်လေးတစ်ယောက်ဖြစ် ပေမယ့် သူမရဲ့နေ့စဉ် ဘဝလေးကတော့ အခြားကလေး ငယ်များလို သက်သောင့်သက်သာမဟုတ်ဘဲ ခက်ခဲကြမ်း တမ်းမှုတွေ ရှိနေပါတယ်။

ကျောင်းပိတ်ရက် စနေ၊ တနင်္ဂနွေမှာ ပို့စကတ်ထွက် ရောင်းနိုင်ဖို့ အခြားကလေးငယ်တွေ နှစ်နှစ်ခြိုက်ခြိုက်အိပ် မောကျနေတဲ့ မနက်စောစော ၄ နာရီခန့်မှာ အိပ်ရာက ထရတယ်။

''၄ နာရီထ ရေချိုး၊ သနပ်ခါးလိမ်း၊ အဝတ်အစားလဲ ပြီးရင် ဒီ(ပန်းခြံ)ကို မနက် ၅ နာရီလောက် ရောက်တယ်။ ပို့စကတ်လိုက်ရောင်းတယ်။ ဧည့်သည်တွေကလဲ မဝယ်ကြ ဘူး...''ဟု ညှိုးငယ်ပြီး စိတ်ဓာတ်ကျသော မျက်နှာလေး နဲ့ပြောရင်း ခေါင်းငုံ့သွားတယ်။

မျက်ရည်အနည်းငယ်ဝဲလာပြီး စကားဆက်ပြောဖို့ ကြိုးစားပါတယ်။
''ညကျရင် ခြေထောက်တွေ တအားကိုက်တာပဲ။ ကိုယ့်ဘာသာ ကိုယ့်လက်နဲ့ ထုနေရတယ်။ အိပ်လို့မပျော် ဘူး။ တစ်နေကုန် လျှောက်သွားထားတော့ ညကျရင်သမီး ခြေထောက်တွေကဖောင်းပြီး ရောင်ကိုင်းနေတယ်''လို့ ဆက်ပြောပြပါတယ်။

သူမအရွယ်ကလေးငယ်လေးတွေ အိပ်ရေးဝဝအိပ် နေချိန်၊ မိဘတွေဆီက မုန့်ဖိုးတောင်းပြီး ကျောင်းသွား၊ ကျူ ရှင်တက်နေချိန်မှာ သူမကတော့ မိခင်သုံးစွဲဖို့၊ အ ဒေါ် အတွက် ဈေးဖိုးရင်းပေးဖို့၊ အဘွားဆီမှာ ငွေစုဖို့၊ ကိုယ်ပိုင် စုဘူးဖြင့် ငွေစုဖို့ ပို့စကတ်ကို ရောင်းနေရတာဖြစ်ပါတယ်။

''သမီးမရောင်းရင်လဲ ဖြစ်တော့ဖြစ်ပါတယ်။ ဒါပေမဲ့ အဒေါ်က သူ့ကိုပိုက်ဆံရင်း မပေးနိုင်ရင်ရိုက်တယ်။ သမီး ရဲ့နောင်ရေးကလဲ ရှိသေးတယ်လေ။ သမီးက တက္ကသိုလ်မှာ ဘွဲ့ယူပြီးတဲ့အထိ တက်ချင်တာ။ခုဆို သမီးစုထားတာ တစ် သိန်းလောက်ရပြီ''။

မသူဇာလင်းဟာ အသက်ငယ်ရွယ်ပေမယ့် ဘဝပေး အခြေအနေကြောင့် သူမကစီးပွားရေးနဲ့ပတ်သက်လို့ အသိ ဥာဏ်များ မြင့်မားနေပါတယ်။
''ဝယ်ချင်တဲ့ ဧည့်သည်ကျတော့ How much? ဘယ်လောက်လဲလို့ မေးတယ်။ သမီးက 10 to 2000 kyats, 20 to 4000 kyats, Discount for you 3000 Kyats လို့ ပြောလိုက်တယ်။ အဲဒီလိုပြောလိုက်လို့ တကယ် ဝယ်မယ်ဆိုရင်တော့ သူတို့က Yes လို့ ပြန်ပြောပါတယ်'' ဟု မသူဇာလင်းကဆက်ပြောတယ်။

ကလေးငယ်လေး တစ်ယောက်ဖြစ်ပေမယ့် ဈေးရောင်း ခြင်း၊ အင်္ဂလိပ်ဘာသာ စကားကျွမ်းကျင်ခြင်းအပြင် Discount ပေးခြင်းတွေကို သိနားလည်နေသည်မှာလည်း ထူးခြားလှတယ်။ ကောင်းရောင်းကောင်းဝယ် ပို့စကတ်ရောင်းနေသော သူမက ရဲတွေကိုအမြဲရှောင်တိမ်းနေရတယ်။ ရဲဖမ်းတာ လည်းခံရဖူးတယ်လို့ပြောတော့ ပိုပြီး စိတ်ဝင်စားမိပါတယ်။

အသက် ၁ဝ နှစ်တောင် မပြည့်သေးတဲ့ ဒီကလေးငယ် လေးက ရဲဖမ်းလို့ ကလေးထောင်သို့ရောက်ခဲ့ရတယ်လို့ သိခဲ့ရပါတယ်။

''ပို့စကတ်ရောင်းတာ အခက်အခဲကတော့ ရဲဖမ်းတာ ရှိတယ်။ သမီးရဲဖမ်းခံရဖူးတယ်။ တစ်ခါ ထောင်ထဲရောက် သွားဖူးတယ်။ ဧည့်သည်ကိုလိမ်တယ်ထင်လို့ ရဲကဖမ်းတာ ပါ။ ဝါးနက်ချောင်းကိုပို့တယ်။ သမီးအသိတွေနဲ့ တစ်သိန်း ပေးလိုက်ရတယ်။ လွတ်လာတယ်''ဟု သူမက ဆက်လက် ပြောတယ်။

နိုင်ငံခြားသား ခရီးသွားတွေကို ဒေါ်လာငွေလဲလှယ် ပေးပြီး လိမ်တယ်ဟုတိုင်တန်းခံရလို့ ရဲကဖမ်းဆီးခြင်းဖြစ် ပါတယ်။

''သူတို့တွေက ဒေါ်လာတွေကို ဧည့်သည်ကို လိမ် ပြီးလဲတယ်။ ပြီးရင် သမီးခေါင်းပေါ်ပုံချတယ်။ သမီးတို့ လုပ်တယ်ထင်ပြီး ရဲကဖမ်းတယ်။ ဧည့်သည်ကို လိမ်တဲ့သူ၊ ဧည့်သည်ကိုအနှောင့်အယှက်ပေးတဲ့ သူတွေ ကိုပဲ ရဲကဖမ်းတာပါ။

အခုပန်းခြံထဲမှာ ပို့စကတ်ရောင်းရင် ဧည့်သည်ကို အနှောင့်အယှက်ဖြစ်စေတယ်ဆိုပြီး လာဖမ်း မှာစိုးလို့ ပို့စကတ်တွေကို လွယ်အိတ်ထဲမှာထည့်ထားတာ ပါ''ဟု ပြောတယ်။

ရဲဖမ်းခံရမှာစိုးလို့ ပို့စကတ်တွေကို ပေါ်ပေါ်ထင်ထင် လက်ပေါ်မှာတင်ပြီး ထုတ်မရောင်းရဲတော့ဘဲ သာမန်က လေးငယ်တစ်ယောက်လိုပဲ ပန်းခြံသို့လာတဲ့သူအတိုင်း ဟန် ဆောင်ရင်း ရောင်းချနေတာဖြစ်ပါတယ်။

မဟာဗန္ဓုလပန်းခြံမှာ အပန်းဖြေနားနေရန် လာရောက် သူများစွာရှိပြီး နိုင်ငံခြားသားဧည့်သည်နဲ့ မြန်မာနိုင်ငံသား များကို ခွဲခြားရန်ခက်ခဲပါတယ်။
နိုင်ငံခြားသား ဧည့်သည် ဖြစ်မှန်းကလေးတစ်ယောက် အနေနဲ့ ဘယ်လိုသိလဲ ဆိုတာ ကိုထပ်မံမေးမြန်းဖြစ် ပါ တယ်။

''နိုင်ငံခြားသား ဧည့်သည်ဆိုရင် အသားက ဖြူဆွတ် တယ်။ အသားအရမ်းဖြူတယ်။ မြန်မာတွေကျတော့ အ သားဖြူပေမယ့် မြန်မာလိုပြောကြတယ်။ ဧည့်သည်ကျ တော့ သူတို့အချင်းချင်း အင်္ဂလိပ်လိုပြောတယ်''ဟု မသူ ဇာလင်းက ပြောပြတယ်။

ပန်းခြံကို ဂျာမနီ၊ ပြင်သစ်နဲ့ သြစတြေးလျနိုင်ငံသား တွေ အများဆုံး လာရောက်ကြပြီး ဧည့်သည်တွေကို ရန် ကုန်မြို့တွင်း သင်္ဘောဆိပ်ကမ်းသို့ ဧည့်သည်နဲ့ပါလာသော ခရီးသွားလမ်းညွှန်နဲ့တကွ သူမကလိုက်ပါပို့ဆောင်ပေးပါ တယ်။

အဲဒီလို သူတို့သွားလိုတဲ့နေရာတွေကို ပို့ဆောင်ပေး ပြီး အင်္ဂလိပ်လို ရှင်းလင်းပြောပြပေးရင် ကျပ် ၅ဝဝဝဝ မှ တစ်သိန်းအထိရရှိကြောင်းနဲ့ သူမတစ်ယောက်တည်း ဘယ် တော့မှ လိုက်မပို့ကြောင်း သိရတယ်။

''သူများတွေကို ကားနဲ့လာ ခေါ်တာရှိတယ်။ လိုက် သွားကြတာတွေရှိတယ်။ သမီးကတော့ မလိုက်ဘူး။ သမီး က မိန်းကလေးလေ။ သမီးတို့ဒလဘက်မှာ ကလေးတွေ ကိုဖမ်းတယ်။ အူကလီစာ တွေထုတ်ပြီး နိုင်ငံခြားကို ရောင်းစားတာမျိုးတွေ ရှိ တယ်။ သမီးကြောက်တယ် ဆရာမ။ ဆရာမလဲ ကားနဲ့ လာခေါ်ရင် မလိုက်သွားနဲ့ နော်''ဟု သူမလေးက စိုး ရိမ်စွာဖြင့် ပြောတယ်။

သူမက ကျွန်မကို ဆရာမလို့ခေါ်ပြီး ကျွန်မအ တွက်အလွန်စိုးရိမ်စွာဖြင့် ဘယ်သူခေါ်ခေါ် လိုက်မသွား ဖို့ အထပ်ထပ်မှာနေပါတယ်။

အသက်ခုနစ်နှစ်သာ ရှိ သေးပေမယ့် အသိပညာ၊ အ တတ်ပညာပြည့်စုံသောသူမ မှာ ကြီးမားသော ရည်ရွယ်ချက် ရှိပါတယ်။

''သမီးက ဈေးရောင်းချင် တဲ့စိတ်နဲ့ရောင်းတာပါ။ စာမ တတ်ရင် ကဲ့ရဲ့ခံရမှာစိုးလို့။ သမီး ကြီးလာရင် ဆရာမကြီးလုပ်မယ်။ သူများတွေကို အလကားပညာ သင်ပေးမယ်။ တက္ကသိုလ်က ဘွဲ့ယူပြီးရင် တိုက်အိမ်ဝယ် မယ်။ သမီးအိမ်အောက်မှာ ဟိုတယ်ကြီးဖွင့်မယ်။ သမီး ကျောင်းကပြန်လာရင် နိုင်ငံခြားသားတွေကို အင်္ဂလိပ်လို ပြန်ရှင်းပြပေးမှာပေါ့''ဟုပြောပါတယ်။

လက်ရှိအချိန်မှာတော့ သူမက ဒလမြို့နယ် အမက ကျောင်းမှာ ပထမတန်း ပညာကိုသင်ယူနေပြီး ဒလမြို့နယ် ရာဇသင်္ကြန်မှာ မိခင်ဒေါ်စန်းစန်းဝင်း၊ မောင်နှမအရင်း လေးယောက်၊ အဖေတူအမေကွဲ မောင်နှမများနဲ့ အတူ တကွနေထိုင်လျက်ရှိတယ်လို့ သိရပါတယ်။

ကလေးတစ်ယောက်ဖြစ်ပေမယ့် ရည်မှန်းချက်ပန်း တိုင် အခိုင်အမာရှိတဲ့ သူမ ဘဝတစ်လျှောက် စိုးရိမ်ပူပန် မှုများ ကင်းဝေးစွာဖြင့် ပညာရေးမှာ ထူးချွန်ပြီး နောင်အ နာဂတ်မှာ နိုင်ငံကအားထားရမယ့် ဧည့်လမ်းညွှန်ကောင်း ဖြစ်ပါစေကြောင်း ဆန္ဒပြုရေးသားလိုက်ခြင်းပင် ဖြစ်ပါ တယ်။ ။

- သူသူထက်လွင်

‪#‎TheYangonTimes‬

|───────────Yangon Media Group ──────────|

www.facebook.com/YangonMediaGroup
www.yangonmedia.com

|───────────Yangon Media Group ──────────|