သူ့လိုလူမျိုးမဖြစ်အောင်

Myanmar B2B Management Magazine

““ကုမ္ပဏီပိုင်ရှင်များဖြစ်သည့် President & CEO များ၊ MD များ၊ ဒါရိုက်တာများသည် ကိုယ့်ကုမ္ပဏီ လုပ်ငန်းနှင့်စပ်လျဉ်း၍ စီမံ ခန့်ခွဲမှုပညာ၊ ခေါင်းဆောင်မှုပညာ၊ စီးပွားရေးပညာ၊ ဘောဂ ဗေဒဆိုင်ရာ အသိပညာ စသည်တို့ကို တတ်မြောက်ဖို့လိုပါသလား၊ လေ့လာဆည်းပူးဖို့လိုပါသလား”” ဆို သည့်မေးခွန်းကို ယနေ့စာရေး သူတို့နိုင်ငံရှိ ကုမ္ပဏီတွင်လုပ်ကိုင်နေကြသောမန်နေဂျာအလွှာ အဆင့်ဆင့်ကိုမေးမြန်းခဲ့ဖူးပါသည်။

အမေးခံရသော အယောက်တစ်ရာတွင် ၁၀၁ ယောက် ကား ““အလွန့်အလွန်ကိုလိုပါသည်”” ဟု ချက်ချင်းဖြေကြားပါသည်။
၁၀၁ ဦးဖြစ်နေခြင်းမှာ စာရေးသူလည်း တစ်ဦးပါဝင်နေ သောကြောင့်ဖြစ်ပါသည်။
လက်ချိုးရေလျှင် ဆယ်ချောင်းပင်မပြည့်သောစီးပွားရေး လုပ်ငန်းရှင်အချို့က ဆိုချင်ဆိုပါမည်။ ““ငါတို့ဘာပညာမှမတတ်ဘဲ ဒီနေ့ငါတို့အောင်မြင်ကြီးပွားနေတာပဲ၊ ပညာရပ်တွေလေ့လာစရာ လိုသေးလားကွာ၊ မင်းပြောတာတွေ မလိုပါဘူး”” ဟု ကြိမ်းဝါးေ
ကာင်း ကြိမ်းဝါးနေပါမည်။
၎င်းင်းတို့အတွက် စာရေးသူဖြေစရာတစ်ခုပဲရှိပါသည်။ ၎င်းင်းမှာ ““ခင်ဗျားတို့မကြာခင်ကျဆုံးကြတော့မှာပါ”” ဟုပင်ဖြစ် ပါသည်။
မည်သည့်အကြောင်းကြောင့်ဆိုသည်ကို ရှင်းပြပါမည်။
စီးပွားရေးလုပ်ငန်းကို စီးပွားရေးဆန်ဆန်၊ စည်းနှင့်စနစ် နှင့်သတ်မှတ်ပြဋ္ဌာန်းထားသော စီးပွားရေးဆိုင်ရာကျင့်ဝတ် (Business Ethics) အတိုင်း၊ အထူးသဖြင့် ဈေးကွက်စီးပွားရေးစနစ်ကို ခြေခြေမြစ်မြစ်နားလည်ပြီး လုပ်ကိုင်ဆောင်ရွက်နေသော စီးပွားရေး
လုပ်ငန်းရှင်တိုင်း စီးပွားရေးပညာ၊ ဘောဂဗေဒပညာ၊ စီမံခန့်ခွဲမှု ပညာ စသည့် ပတ်သက်ဆက်စပ်နှီးနွှယ်နေသောပညာရပ်များ အားလုံးကို လေ့လာလိုက်စားသိရှိနားလည်လက်ခံကျင့်သုံးနိုင်ပါမှ ယနေ့နိုင်ငံတကာတွင်ရေပန်းစားခေါ်ဝေါ်နေသော Entrepreneur ၊ သို့
မဟုတ် စွန့်ဦးတီထွင်လုပ်ငန်းရှင် ပီပီပြင်ပြင်ဖြစ်ပေမည်။
ဤနေရာတွင် အလျဉ်းသင့်သဖြင့် ‘Entrepreneurship’ ကို မြန်မာဘာသာသို့လှယ်ထားသည့် စွန့်ဦးတီထွင်ပညာရပ် (တစ်နည်း) စီးပွားရေးလုပ်ငန်းကိုစွန့်စားဦးဆောင်တီထွင်လုပ်ကိုင် သည့်ပညာရပ်ဆိုသည်ကို “အကျဉ်းမျှ” တင်ပြလိုပါသည်။
စွန့်ဦးတီထွင်လုပ်ငန်းရှင် (Entrepreneur) ဆိုသည်မှာ-
၁။ စွန့်ဦးတီထွင်လုပ်ငန်းရှင်သည် ကိုယ့်စီးပွားရေးလုပ်ငန်းကို ကိုယ်တိုင်ဖွဲ့စည်းထူထောင်ကာ ကိုယ်တိုင်လုပ်ငန်းဆောင် ရွက်မှုရှိရမည်။
၂။ လုပ်ငန်းသုံးမှန်သမျှ (ရင်းနှီးပစ္စည်းအပါအ၀င်) ကိုလက်ငင်း ပေါက်ဈေးနှင့်သာဝယ်ယူအသုံးပြုသူဖြစ်ရပါမည်။
၃။ လုပ်ငန်းအပေါ် ကိုယ်တိုင်ဦးဆောင်မှုပေးရပါမည်။ ကျွမ်းကျင်မှုနှင့် ထိုးထွင်းကြံဆမှုပေးတတ်ရပါမည်။
၎။ အရှုံးနှင့်အမြတ်ကို တာဝန်ယူခံနိုင်စွမ်းလည်းရှိသူဖြစ်ရ ပါမည်။
၅။ ထမ်းဆောင်ရမည့်အခွန်စရိတ်တွေကိုပေးဆောင်ပြီးမှ ကျန် သည်ကိုသာ ခံစားသူဖြစ်ရပါမည်။
အနှစ်ထုတ်လိုက်လျှင် စွန့်ဦးတီထွင်လုပ်ငန်းရှင်သည် ဂွင် (ခွင်) သမားမဟုတ်ပါ။ ရိုက်စားလည်းမဟုတ်ပါ။ နောက်ခံ (Backing) အာဏာရှင်လည်းမရှိပါ။ လိုရင်လိုသလို၊ မလိုရင်မလို သလို စီးပွားရေးလုပ်ငန်းတစ်ခုနှင့်တစ်ခု “ခုန်” နေသည့် Jumper လည်း
မဟုတ်ပါ။ လုပ်ပိုင်ခွင့်ရှိသူ၊ အာဏာရှိသူများနှင့်ပေါင်းပြီး လူတွင် ကျယ်လုပ်နေသူလည်းမဟုတ်ပါ။ အခွန်ရှောင်သူ၊ အခွန်လျော့ အောင်လုပ်ပေးသူများနှင့်ပေါင်းပြီး အခွန်အပြည့်အ၀မပေးသူများ လည်းမဟုတ်ပါ။
သို့ဖြစ်ရာ ““စီးပွားရေးလုပ်ငန်းရှင်တိုင်း စွန့်ဦးတီထွင် လုပ်ငန်းရှင် (Entrepreneur) မဟုတ်ပါ”” ဟုပင် ရဲရဲဝံ့ဝံ့ဆိုချင် ပါသည်။
သည့်ထက်ပိုဆိုရလျှင် စွန့်ဦးတီထွင်လုပ်ငန်းရှင်သည် အမှန်တကယ်ပင် စီးပွားရေးအကျင့်သိက္ခာ (Busiess Ethics) ပြည့်ပြည့်၀၀နှင့် ရှေ့ကိုတည့်တည့်မတ်မတ် (Straight Forward) သွားနေသူဖြစ်သည်မှာသေချာပါသည်။
““ရိုးသားမှန်ကန်စွာစီးပွားရှာကြသူတိုင်း မည်သည့်ခေတ် ကာလတွင်မဆို၊ စိတ်၏ချမ်းသာခြင်း၊ ကိုယ်၏ချမ်းသာခြင်းနှင့် ပြည့်စုံမည်”” ဆိုသည့်အချက်သည် အမြဲတန်းမှန်ကန်နေသည့် ပရမတ္ထသစ္စာတရား (Absolute Truth) ဟု စာရေးသူ ခိုင်ခိုင် မာမာ
ဆိုပါသည်။
သို့ဖြစ်ရာ စီးပွားရေးလုပ်ငန်းကို ပိုင်ရှင်အနေဖြင့်လည်း ကောင်း၊ ဦးစီးဦးဆောင်ပြုနေသည့်လူကြီးတစ်ဦးအနေဖြင့်လည်း ကောင်း၊ Policy Maker တစ်ဦးအနေဖြင့်လည်းကောင်း၊ Decision Makerတစ်ဦးအနေဖြင့်လည်းကောင်း၊ Top Management Level
ဝင်တစ်ဦးအနေဖြင့်လည်းကောင်း မည်သည့်ရှုထောင့် ကနေပဲကြည့်ကြည့် ၎င်းင်းတို့သည် စီးပွားရေးပညာ၊ ဦးဆောင်မှု ပညာ၊ ခေါင်းဆောင်မှုပညာ၊ စီမံခန့်ခွဲပညာတို့ကို တစ်ဖက်ကမ်းခပ် မတတ်သည့်တိုင် လုပ်ကိုင်စားသောက်နိုင်သည်အထိတော့ တီးမိ ခေါက်မိထားဖို
့လိုသည်မှာ သေချာပါသည်။
ဤဆောင်းပါးကို လက်ရှိပူပူနွေးနွေးလတ်လတ်ဆတ်ဆတ် အဖြစ်အပျက်လေးတစ်ခုနှင့် နိဂုံးချုပ်ပါရစေ။ တစ်နေ့က စာရေးသူဆီ ချမ်းသာနေသောစီးပွားရေးလုပ်ငန်းရှင်မိတ်ဆွေတစ်ဦးရောက်လာ ကာ အောက်ပါစကားလေးပြောသွားသည်ကို စာဖတ်သူ
များအား မျှဝေပါရစေ။ ပြောသွားသည့်လေသံက အတော်လေးကိုဆွေးဆွေး မြည့်မြည့်ရှိလှပါသည်။
““ဆရာရေ ကျွန်တော်ချမ်းသာလာတာဆရာသိတယ်နော်။ ဒါပေမဲ့ ဆရာရေ၊ ကိုယ်ကချမ်းသာပေမဲ့ စိတ်ကတော့ မိသားစု အလိုက် မချမ်းသာပါဘူးဗျ၊ ကျွန်တော်ချမ်းသာလာတာဟာ ဆရာ ပြောပြောနေတဲ့ စွန့်ဦးတီထွင်လုပ်ငန်းရှင်တစ်ဦးအနေနဲ့မဟုတ်ဘဲ
လုပ်ပိုင်ခွင့်ရှိတဲ့သူနဲ့ပေါင်းပြီး တိုင်းပြည်ရဲ့သယံဇာတတွေကိုလုပ် စားခဲ့တာလေ ဆရာသိပါတယ်။ ဘယ်နေ့ ဒီမဟုတ်တာလုပ်ခဲ့တာ ပေါ်လာမလဲဆိုတာတွေးပြီး စိတ်ဆင်းရဲနေတယ်ဆရာရယ်၊ ကျွန်တော့်မိသားစုကလည်းပြောလှပြီ””။
““သူ့လိုလူမျိုး စာရေးသူတို့နိုင်ငံမှာ ဘယ်နှယောက်ရှိနေ ပြီလဲ”” ဟု စာရေးသူတွေးနေမိပါသည်။
စာရေးသူသည် ဗဟိုသမ၀ါယမကောလိပ်၏ (အငြိမ်းစား) ကျောင်းအုပ်ကြီးတစ်ဦးဖြစ်ပြီး ယခုလက်ရှိတွင် Myanmar Classic Group Co., Ltd. (Chigo Aircon) ၏အကြံပေးအဖြစ် ဆောင်ရွက်နေပါသည်။ ထို့ပြင် ဂျာနယ်၊ မဂ္ဂဇင်း များတွင် ပင်တိုင်ဆောင်း
ပါးရှင်အဖြစ် ဆောင်းပါးများကိုရေးသားနေသလို စွန့်ဦးတီထွင်လုပ်ငန်းရှင် ၊ အမှုဆောင်အရာရှိချုပ် ၊ ကိုယ်ကျင့်တရား ၁၀၁ ၊ လုပ်ငန်းခွင်ပြဿနာအမေးနှင့် အဖြေများ စသော လုံးချင်းစာအုပ် ၁၆ အုပ်ကိုလည်း ရေးသားထားပါသည်။

ရေးသူ- ရဲမြင့် (စွန့်ဦးတီထွင်) ‪#‎yemyint‬
‪#‎b2barticles‬