Tuesday, November 25, 2014

အလုပ်လုပ်တဲ့စိတ် ဒေါက်တာမိုးမိုးခိုင်


          ကျွန်မဒီကနေ့ပေးချင်တဲ့ မက်ဆေ့ကလေးက ဘယ်နေရာရဲ့ ဘယ်အလုပ်ကိုပဲ ပြောင်းသွားပြောင်းသွား တချို့အရာတွေကို“ကျွန်မတို့ဘယ်လို လူမျိုးလဲ” ဆိုတဲ့ အရာအတွက် အဲဒီရည်မှန်းချက်အတွက် ဆက်ပြီး ဆုပ်ကိုင်ထားဖို့လိုတယ်။ စားသောက်ဆိုင်မှာ မန်နေဂျာလုပ်လုပ်၊ ကုမ္ပဏီအကြီးကြီးကိုပဲ ပြောင်းသွားပြောင်းသွား၊နိုင်ငံခြားကုမ္ပဏီတွေအထိပဲ သွားပြီး အလုပ်လုပ်၊ “ငါက ဘယ်လိုမျိုး အလုပ်လုပ်တတ်တဲ့ လူစားမျိုး”ဆိုတာကို စွဲကိုင်ထားဖို့တော့ လိုပါတယ်။

အဲဒီစွဲကိုင်ထားရမယ့် အရာကိုပဲ ကျွန်မဒီကနေ့မှာ Work Ethics လို့ပြောတာ ဖြစ်ပါတယ်။ အလုပ်လုပ်တဲ့ နေရာမှာ ထားရမယ့် စိတ်ဓာတ်ဆိုတာကလေးကိုကျွန်မ ဘယ်ကနေ နမူနာယူလာသလဲ ဆိုတဲ့အခါကျတော့ ဂျာမန် Management ပညာရှင် Max Weberရဲ့ Protestant Ethics စာအုပ်ကနေ ယူလာတာဖြစ်ပါတယ်။

အဲဒီစာအုပ်က ခရစ်ယာန်ဘာသာမှာ ဟောတဲ့တရားတွေကို ဘယ်လို အဓိပ္ပာယ်ဖွင့်ဆိုတယ်ဆိုတဲ့ အကြောင်းအရာ ပြောင်းသွားတာနဲ့ လူတွေရဲ့အလုပ်လုပ်ပုံက ပြောင်းပြီး အဲဒီလိုအလုပ်လုပ်တဲ့ တိုင်းပြည်တွေက ဘယ်လိုချမ်းသာလာသလဲဆိုတာကိုစီးပွားရေးအမြင်နဲ့ သုံးသပ်ပြထားတာ။ ဘာသာရေးရဲ့ အဆုံးအမကို လိုက်နာကျင့်သုံး ပုံပြောင်းသွားတဲ့အတွက်ကြောင့်အလုပ်လုပ်ပုံကလည်း ပြောင်းသွားပြီးတော့ ကြီးပွားတိုးတက်တဲ့ တိုင်းပြည်မျိုး ဖြစ်လာတယ်ဆိုတာကိုရှင်းပြထားတာ ဖြစ်ပါတယ်။

          ဘာသာရေးအယူအဆတွေမှာ စီးပွားရေး လုပ်တယ်ဆိုတာ လောဘရှိရတာ။ ဒါကြောင့်မို့လို့ ဘာသာရေးရဲ့ ရှုထောင့်ကကြည့်တော့လောဘလျှော့သင့်တယ်ပေါ့။ လျှော့သင့်တယ်ဆိုတာ တစ်ခါတည်း Interpretion ကို ဟိုဘက်ကို ဘာဆွဲလိုက်သလဲဆိုတော့စီးပွားရေးလုပ်ရတာဟာ လောဘထားရတာ။ ဘာသာရေးအရဆိုရင် လောဘက လျှော့သင့်တယ်ဆိုတော့ စီးပွားရေးကိုလျှော့သင့်တယ်။ ဒီလိုမျိုး စဉ်းစားလိုက်တော့ သူတို့ တနင်္ဂနွေနေ့ဆိုရင် စီးပွားရေးမလုပ်ရဘူးတို့ဘာတို့၊ အီစတာဥပုသ်နားနီးရင် ဘာစောင့်ရှောက်ရတယ် ဆိုတာမျိုးတွေကိုပြောတာ ဖြစ်ပါတယ်။

          အဲဒီတော့အရင်ကရှိခဲ့တဲ့ ကတ်သလစ် ခရစ်ယာန်ကို Protestant ဆိုလိုတာက ဒီအယူအဆတွေကို တော်လှန်ပြီးတော့ကိုယ့်သဘောနဲ့ကိုယ် Interpret ပြန်လုပ်တဲ့၊ ပြန်ပြီးတော့ အဓိပ္ပာယ်ဖွင့်ဆိုပြီး လိုက်နာကျင့်သုံးတဲ့ဂိုဏ်းက စဉ်းစားပုံ စဉ်းစားနည်းလေးကို ဒီမှာ ဖော်ပြထားပါတယ်။ အဲဒါကတော့ အင်္ဂလိပ်လိုတော့Calling လို့ ခေါ်တယ်။ တကယ်တမ်း originalစာအုပ်မှာပါတဲ့ အသုံးအနှုန်းကတော့ DieArbeit ဂျာမန်လို အလုပ်ကိုပြောတာ။ အဲဒီတော့ သူတို့ရဲ့ Interpret လုပ်ပုံက စီးပွားရေးနဲ့ပတ်သက်လာရင် လူက အလုပ်လုပ်ရတယ်။ အလုပ်မလုပ်ရင် ဘယ်သူကမှ လာမကျွေးထားပဲကိုး။ အဲဒီတော့အလုပ်တော့ လုပ်ရတယ်။ စီးပွားရေးလုပ်လုပ်၊ ဘာလုပ်လုပ် အလုပ်လုပ်တဲ့အခါကျရင် ဘယ်လိုအပြုအမူမျိုးနဲ့မှဘုရားရှင်က သဘောကျတော်မူသလဲ။

          ဒီလိုမျိုးပြန်စဉ်းစားပုံရပါတယ်။ ကျွန်မကလည်း ခရစ်ယာန်မဟုတ်တော့ အဲဒီလောက် အသေးစတ်တော့ မသိဘူး။အဲဒီလိုမျိုး စဉ်းစားကြည့်လိုက်တဲ့ အခါကျတော့ အလုပ်လုပ်ရင် ဝီရိယနဲ့ လုပ်မှကောင်းတယ်။ဘယ်အလုပ်ပဲလုပ်လုပ် သေသေချာချာ သပ်သပ်ရပ်ရပ် ကောင်းအောင် လုပ်ရမယ်။ သေသေချာချာအားထုတ်ပြီးလုပ်ရမယ်။ ပေါ့ပေါ့ပျက်ပျက် လုပ်မယ်၊ မပြီးဘဲနဲ့ တန်းလန်းထားခဲ့မယ်။ ဒါမျိုးဆိုတာ အလုပ်ကောင်းမဟုတ်ဘူးပေါ့။ အဲဒီတော့ အလုပ်ကောင်းလုပ်ချင်ရင် ဘယ်လိုလုပ်ရမလဲဆိုတော့ အဲ့ဒီလို အားထုတ်ပြီးတော့လုပ်ရမယ်။

          စီးပွားရေးလုပ်ရင်လည်းအလုပ်ဖြစ်တဲ့အတွက်ကြောင့် အလုပ်ကောင်းဖြစ်အောင် လုပ်ရမယ်ဆိုတဲ့အတွက်ကြောင့် စီးပွားကောင်းလာတယ်။ကောင်းလာတဲ့အခါကျတော့ ပိုက်ဆံတွေ အများကြီးရလာတာပေါ့။ ရလာပြီဆိုတဲ့အခါကျရင် သူတို့ကပြန်စဉ်းစားတယ်။ အဲဒီရလာတဲ့ ပိုက်ဆံတွေကို သုံးမယ်၊ ဖြုန်းမယ်၊ ကြွားဝါတဲ့ နေရာတွေမှာပပလွှားလွှားနေမယ်။ အဲ့ဒီလိုမျိုးဆိုရင်တော့ ဘုရားကြိုက်တဲ့ အလုပ်မျိုးမဟုတ်ဘူး။ အဲဒီအခါကျတော့ရိုးရိုးသားသားနေမယ်။ ထိုက်သင့်သလောက် သုံးမယ်။ သူများအပေါ်မှာ ပလွှားတဲ့ ပုံစံမျိုးမဖြစ်စေဘူး။ အဲဒီတော့ သူတို့က သုံးတဲ့အခါ ရိုးရိုးစားပြီး ရိုးရိုးနေတယ်။

          စောစောကပြောတဲ့ အလုပ်ကို အားထုတ်ပြီးလုပ်မယ်ဆိုတဲ့ဟာကနေ ရလာတဲ့ ဝင်ငွေကိုကျတော့ အဲဒီလို အသုံးအဖြုန်းနေရာတွေမှာမသုံးဘဲ နေမယ်။ အဲဒီလိုနေမယ်ဆိုတဲ့ အခါကျတော့ ပိုက်ဆံတွေက ပိုနေတယ်။ ပိုနေတာကို အဆောင်အယောက်တွေအတွက်မစဉ်းစားတဲ့အခါကျတော့ ဘယ်မှာ သွားသုံးစရာမရှိတော့ လုပ်ငန်းထဲပဲ ပြန်ပြန်ပြီးတော့ ထည့်တယ်။

          အဲဒီမှာတင်တိုင်းပြည်တစ်ခုရဲ့ စီးပွားရေး မတိုးတက်ဘဲ နေမလား။ အဲဒီတိုင်းပြည်မှာ အလုပ်ဆိုရင် ကြိုးစားပြီးတော့လုပ်တဲ့လူတွေ ရှိတယ်။ ဘာလို့လဲဆိုတော့ ဘုရားအကြိုက်။ ပြီးတော့ ရလာတဲ့ ဝင်ငွေကို ချွေချွေတာတာပဲသုံးပြီး ကျန်တာတွေ အကုန်လုံးကို အလုပ်ထဲမှာ ပြန်ထည့်တယ်။ အဲ့ဒါ Investment။ အဲဒီတော့စီးပွားရေး ရှုထောင့်ကနေကြည့်ရင် တိုင်းပြည်တစ်ပြည်က Investment တိုးသထက် တိုးလာတယ်။အဲဒီ တိုးသထက်တိုးလာတဲ့ Investment နဲ့ အလုပ်လုပ်တဲ့ သူကလည်း အလွန်ကြိုးစားပြီး လုပ်တယ်။အဲဒီမှာ တိုင်းပြည်တွေက ချမ်းသာကုန်တာပဲဆိုတာကို ဒီစာအုပ်ကလေးကနေပြီး ပြောပြထားတယ်။

          အဲဒီတော့ကျွန်မတို့ အလုပ်လုပ်ရင် ဘယ်လိုလုပ်ရမလဲ။ ကြိုးစားပြီးတော့ လုပ်ရမယ်။ ကျွန်မ ဒီပြဿနာကခဏခဏ ကြုံဖူးတယ်။ ဘာလို့လဲဆိုတော့ ဗုဒ္ဓရဲ့ ဘောဂဗေဒဆိုင်ရာ ကိုယ့်ကျင့်တရားဆိုတဲ့ သဘောမျိုးနဲ့Thesis ရေးခဲ့ဖူးတော့ ခဏခဏ ပြောခံရတယ်။ ကျွန်မတို့က ဗုဒ္ဓဘာသာဖြစ်နေတဲ့အတွက် အစစအရာရာရောင့်ရဲတတ်တဲ့အတွက်ကြောင့် စီးပွားရေးက မတိုးတက်တာလား။ ကျွန်မ အဲဒီမေးခွန်းလောက် ခံပြင်းတာမရှိဘူး။

          ရောင့်ရဲတယ်ဆိုတဲ့ ကိစ္စက သုံးစွဲတဲ့ ကိစ္စအတွက်ကိုပြောတာ။ အလုပ်လုပ်တဲ့ နေရာမှာ ရောင့်ရဲတယ်ဆိုတာ မရှိဘူး။ အလုပ်လုပ်တဲ့ နေရာမှာ ပျင်းနေတယ်ပဲရှိတယ်။ ဒီနေရာမှာ ကျွန်မပြောပြချင်တာ အလုပ်လုပ်ရင် မခိုမကပ် ကောင်းကောင်းမွန်မွန်အလုပ်ကောင်းလေးဖြစ်အောင် လုပ်တတ်တယ်။ ရလာတဲ့ ဝင်ငွေကို ခွဲဝေသုံးစွဲတဲ့အခါကျတော့ ပြန်ပြီးတော့ရင်းနှီးမြှုပ်နှံမှုဆိုတာလေး သိတယ်။ အဲဒါကြောင့် သူများတိုင်းပြည်တွေကတော့ တိုးတက်လာခဲ့ဖူးပြီးပြီ။အဲဒီဟာလေးကို ကျွန်မတို့ရဲ့ အလုပ်လုပ်တဲ့ စိတ်ဓာတ်မှာ အတုခိုးစရာလေးတွေ ရှိနိုင်တယ်။ရှိတယ်လို့ ယူဆရင်ရနိုင်တယ်ပေါ့။ ဒါကြောင့် ဒါလေးကို ကျွန်မတင်ပြပါတယ်။

 ဒေါက်တာမိုးမိုးခိုင်

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...